Pebrero 1-15, 2018

	Kathryn Bernardo & Daniel Padilla
	Mocha Uson
	Maryo delos Reyes & Nora Aunor
	Robin Padilla, Jodi Sta. Maria & Richard Yap
	Coco Martin & Ang Probinsyano cast
	Korina Sanchez
	Mark Anthony Fernandez
	Claudine Barretto
	Lovi Poe

Daniel Padilla at Kathryn Bernardo – Matibay pa rin ang KathNiel

Maraming tagahanga nina Daniel Padilla at Kathryn Bernardo ang nag-aalala na baka makaapekto sa kanilang relasyon ang paglutang ng isang girl na nagsasabing kinuha ng heartthrob ang cellphone number nito.

Dahil sa sobrang saya siguro dahil dati pala’y sinusundan-sundan lang ng dalaga ang mga mall shows nina DJ at Kathryn ay ipinost nito ang kanilang retrato ng kaniyang idolo na may bonus pang kuwento na kinuha ni Daniel ang kaniyang numero.

Sabi ng isang KathNiel supporter, “Tao lang naman kasi si DJ. Paano kung isang araw, e, umiral ang kahinaan niya? Paano kung matukso siya? E, sa sobrang excitement ng babaeng iyon, e, siguradong ilalabas niya na naman sa social media ang nangyari sa kanila if ever,” sabi ng tagahanga ng magka-loveteam.

Positibo ang ganoong pag-aalala, magsisilbing paalala kay Daniel ang damdamin ng mga tagahanga nila ni Kathryn, dahil totoo namang tao lang siyang nadadarang din paminsan-minsan sa tawag ng laman.

Hindi naman agad-agad na pumapatol si Kathryn sa mga kuwentong nakararating sa kaniya, hindi nagpapadala sa mga sulsol ang young actress, mas matibay para sa kaniya ang pinag-usapan nila ni Daniel.

Mayroon silang usapan na walang bibitiw sa kanilang kasunduan. Malinaw rin ang kanilang pag-uusap na bago sila maniwala sa kung anu-anong kuwento ay kailangan muna nilang mag-usap nang masinsinan.

Pero, hindi kayang basagin ng kahit sino at ng kahit ano ang pundasyon ng relayon nina DJ at Kathryn. Sa harapan at talikuran ay mahal na mahal ng young actor si Kathryn.

Nakarating sa amin ang kuwento kung bakit nawala sa poder ng aktor ang isang taong malapit sa kanilang pamilya. Nalaman ni DJ na naturingang kaibigan nila ang taong iyon pero unang-una naman palang nagsasalita nang talikuarn laban kay Kathryn.

Kinausap ni Daniel ang kaniyang ina, sinabi niya kay Karla Estrada na hindi na pala nila kailangan ng kaaway mula sa labas dahil nasa loob lang mismo ng kanilang bahay ang naninira kay Kathryn.

Nag-imbestiga ang mag-ina, maraming nagpatotoo kung paano siraan ng taong iyon ang dalaga, kaya nagdesisyon silang palayuin na sa kanila ang itinuring pa naman nilang kapamilya.

Sabi ng aming source, “Ang katwiran ni DJ, e, iisang tao lang naman ang ipinakikisama niya, si Kathryn lang, pero sinisiraan pa. Hindi siya makapapayag na may manira kay Kathryn, siya ang siguradong makakalaban ng taong iyon.”

Mocha Uson – Alam na ngayon na ang Mayon volcano ay nasa Albay

May punto ang suhestiyon ng aming mga kaibigan na para makaiwas si Asec Mocha Uson sa pagpakahiya ay kailangan niyang bumili ng mapa ng Pilipinas.

Mura lang naman iyon sa mga bookstore, hindi siya gagastos nang malaki, pero ang bentaheng ibibigay noon sa kaniya ay walang katapat na halaga.

Nandoon ang kumpletong listahan ng mga probinsiya, siyudad at bayan sa buong Pilipinas, pati ang mga kaliit-liitang lugar ay nandoon din, napakalaki ng maitutulong ng lokal na mapa para kay Asec Mocha.

Huwag na muna niyang tutukan ang iba-ibang bansa, ang ating bayan muna, para hindi nangyayari ang makasaysayan niyang paglilipat sa Naga City ng bulkang Mayon sa Albay.

“Nasa elementary pa lang si Asec Mocha, eh, itinuturo na kung nasaan ang Mayon volcano. Huwag naman niyang sabihin na absent siya noong ituro iyon!

“Saka nakakailang putok na ang Mayon, siguro naman, eh, aware siya doon, kaya para hindi na siya ginagawang katatawanan, eh, magpabili na lang siya ng map of the Philippines,” rekomendasyon ng kaibigan naming propesor.

Sumusumpa si Asec Mocha Uson na hindi siya kayang ibagsak ng kaniyang mga kalaban nang dahil lang sa paglilipat niya ng bulkang Mayon mula sa Albay sa Naga City.

Huwag daw ang munti lang niyang pagkakamali ang dapat pansinin at bombahin ng kaniyang mga detractors kundi ang kaniyang panawagan na kailangang matulungan ang mga naninirahan sa palibot ng bulkang Mayon na namumuksa ngayon ng mga kabuhayan.

Ang gustong itawid na mensahe ni Asec Mocha ay mas mahalaga ang kaniyang layuning tumulong, iyon daw sana ang mas bigyan ng bigat, hindi ang kaniyang pagkakamali na ang Mayon volcano ay nasa Naga at wala sa Albay.

Sunud-sunod na ang mga nagiging bloopers ni Asec Mocha, dala-dala niya pa naman ang pangalan ng PCOO, kaya kailangan na niyang magsunog ng kilay para hindi siya ginagawang laruan ng ating mga kababayan.

Mabilis namang manghingi ng paumanhin si Asec Mocha kapag nagkakamali siya, hindi niya naman ipinagpipilitan ang kaniyang katwiran. Pero hanggang kailan ba siya magso-sorry sa mga nagagawa niyang kapalpakan?

Direk Maryo J. delos Reyes – Maraming apektado sa maagang pagpanaw

Nakagugulat na sobrang nakalulungkot ang biglaang pagpanaw ni Direk Maryo J. delos Reyes. Wala naman kasing pahimakas man lang ang kaniyang pagkawala.

Napakasaya ni Direk Maryo noong Sabado (Jan. 27) nang gabi habang kasama ang kaniyang mga kaibigan sa isang party sa Dipolog City.

Sayaw siya nang sayaw, masarap ang pakikipagkuwentuhan niya sa mga nandoon, pero sa pinakahuling tugtog na sinayawan niya ay bigla na lang siyang natumba.

Ang akala ng mga nandoon ay simpleng pagkapatid lang iyon, pero nang ibangon siya ng mga kaibigan ay wala na siyang malay.

Ganoon lang ang kuwento. DOA na siya nang isugod sa isang ospital sa siyudad. Napakabilis ng mga pangyayari, walang nag-akala na mawawala agad ang premyadong direktor, dahil wala namang anumang balita tungkol sa kaniyang pagkakasakit.

Maraming apektado sa pagkawala ng magaling na direktor. Ang mga kabataan noong dekada ‘80 na karamihan ay nasa ibang bansa na ngayon ay nakikidalamhati sa kaniyang pagpanaw dahil sa unang pelikulang idinirek niya, ang High School Circa ‘65, na pinagbibidahan nina Lala Aunor, Roderick Paulate, Jingle, Margie Braza at marami pang iba.

Nagluluksa rin ang Sandico Brothers na sina Bobby, Ricky at Michael dahil nagsimula ang kanilang pag-aartista sa mga pelikulang pinamahalaan ni Direk Maryo sa Agrix Films.

Si Direk Maryo rin ang nagdirek ng Bagets, ang pelikulang mas nagpaningning sa karera nina Aga Muhlach, Herbert Bautista, William Martinez, Raymond Lauchengco, JC Bonnin, Eula Valdez, Cheska Iñigo, Ramon Christopher at marami pang ibang bagets stars.

Nakilala ng buong bayan si Annie Batungbacal dahil kay Direk Maryo, ang Superstar na si Nora Aunor ang bumida sa pelikula, na nasundan pa ng maraming pelikulang nagtagumpay sa takilya.

Umaapaw na ang pakikisimpatya ngayon sa pagpanaw ni Direk Maryo J. delos Reyes dahil sa dami ng pusong hinipo niya, ginabayan at natulungan sa kanilang mga pangarap.

Robin Padilla at Jodi Sta. Maria – Balik TV sa “Sana, Dalawa Ang Puso”

Parang masarap abangan ang bagong seryeng pinagtatambalan nina Robin Padilla at Jodi Sta. Maria. Sa mga teaser pa lang na ipinalalabas bilang imbitasyon sa kanilang bagong proyekto ay parang hindi masasayang ang pambayad natin sa kuryente sa Sana, Dalawa Ang Puso ng ABS-CBN.

Napakaganda ni Jodi sa lahat ng anggulo, halimaw ang aktres na ito kapag na-make-up-an nang sopistikada, pero parang mas nakakaaliw ang isa pa niyang role bilang tambay ng sabungan.

Parang ang laki-laki niya sa screen kung tingnan pero sa personal ay napakaliit niya at manipis ang kaniyang katawan. Kahit saang anggulo mo tingnan ang aktres ay walang mali sa kaniyang mukha.

Maligaya ang mundo nila ngayon ni Vice-Governor Jolo Revilla dahil kasal na lang ang kulang sa kanilang relasyon. Iyon na lang ang kanilang hinihintay para makapagbuo na sila ng sariling mundo.

At nakakatuwa silang tingnan habang kasama nila sa pamamasyal sa ibang bansa sina Pampi Lacson at Iwa Moto, magkakalaro ang kanilang mga anak, parang isang pamilya lang sila.

Si Iwa mismo ang nagkukuwentro na nalampasan na nila ang kumplikadong estado ng kanilang buhay. Kapag hindi mabibigyan nang sapat na panahon ni Jodi ang anak nila ni Pampi na si Thirdy ay si Iwa ang sumusundo sa bagets sa school.

“Hindi ko po alam kung paano ko ide-describe ang situation namin ngayon, pero super-cool! Ang ganda-ganda, nagsusuportahan kami. Kung sino ang available para tumingin sa mga bagets, nagtutulungan kami,” masayang kuwento ni Iwa Moto.

Kitang-kita naman sa aura ni Jodi Sta. Maria na wala na siyang mahihiling pa ngayon. Maayos ang kaniyang lovelife, maganda ang takbo ng kaniyang career, wala na ngang hinahanp pa ngayon ang magandang aktres.

Coco Martin – “Ninong” ng mga mga action stars at ng mga kontrabida

Ninong talaga ng mga action stars at ng mga kontrabida si Coco Martin. Napakalawak ng kuwento ng kaniyang pinagbibidahang Ang Probinsiyano. Maraming artistang kailangan, maraming kontrabida ang nabibigyan niya ng trabaho, nabuhay uli mula sa kawalan ang maraming action stars nang dahil sa magaling na actor-director.

Maraming artistang maaapektuhan kapag nagtapos na ang kuwento ni Ricardo Dalisay, ang prinsipyadong pulis na nagiging kalaban ng mga sindikato, ang dami-daming personalidad na umaasa sa kaniyang matagumpay na serye.

Siksik na siksik sa mga karakter ang serye. Napakalaki ng produksiyon ng Ang Probinsiyano. Sa catering na lang ay gaano kaya kalaki ang nagagastos ng Dreamscape Productions sa bawat taping nila?

Pero sulit na sulit naman iyon dahil hindi bumibitiw ang manonood sa serye, nananatili silang number one sa labanan ng rating, marami nang sumubok na pantayan man lang ang Ang Probinsiyano pero walang nagtagumpay.

Ito ang serye na kapag tinapos ay siguradong makakaramdam ng separation anxiety ang mga artista. Sa tagal na ng kanilang pagsasama-sama na pumapasok na sa ikatlong taon ay naging isang malaking pamilya na sila sa set.

Si Coco Martin ang unang-unang maaapektuhan ng kalungkutan kapag kailangan nang palitan ang serye, parang mga kapatid na ang turing ng action star sa kaniyang mga kasamahan, napamahal na rin sa kaniya ang mga child stars sa Ang Probinsiyano.

Mga dating bumibida sa pelikula, mga komedyante, mga rapper at kilalang-kilalang kontrabida. Lahat sila’y mahalagang bahagi ng malakas na serye ni Coco Martin.

Kung puwede nga lang sanang habampanahong na nand’yan ang Ang Probinsiyano. Pero nagbabago ang panahon, kung paanong nagbabago rin ang panlasa ng manonood, kaya kailangang palitan iyon ng bago sa paningin ng mga telebyuwers.

Korina Sanchez – Ang bata ni ateng! Bagong modelo ni Dra. Vicki Belo

Noong una naming makita ang billboard ni Korina Sanchez sa kabahaan ng EDSA ay nagdikit ang mga kilay namin sa pag-iisip kung sino ang bagong modelo ng Belo Medical Group.

Ang tingin namin noong una ay si Julia Montes ang nasa billboard, pero bakit thermage ang produktong ibinebenta, napakabata pa nito para sumailalim sa ganoong proseso.

Tukod ang traffic isang umaga, tiyempo namang napakatagal naming napatapat sa billboard, noon lang namin napagtanto na si Ate Koring pala ang modelo ng produkto ni Dra. Vicki Belo.

Sa simula nga ay magugulat ka sa bago niyang hitsura ngayon dahil sa sobra niyang kapayatan. Hawas ang kaniyang mukha, may mga nagbago, pero kung alam mo ang kuwento noong maaksidente siya ay hindi na nakagugulat ang pinapansing ilong ngayon ni Ateng Korina.

Dati nang gawa ang ilong ni Korina. Isinabay iyon sa pagkaaksidente niya kung saan napuruhan ang kaniyang ilong. Nandoon na nga rin lang naman, di isabay na ang pagpapa-nose enhancement niya, para isahang sakit na lang.

Ang bata-bata ni Ate Koring! Parang hinila ang kaniyang balat sa magkabilang punong-tenga niya dahil sa sobrang pagkabanat. Pero walang operasyon ang thermage, non-invasive ang proseso, may mga bagong makinarya lang ang Belo Medical Group na ginagamit para magmukhang bata sa kanilang tunay na edad ang mga pasyente nila.

Sorry sa mga namimintas kay Korina na reyna na siya ng retoke dahil walang binago sa kaniyang mukha. Iyon pa rin ang dati niyang hitsura, talagang nagmukhang bata lang siya dahil sa thermage, lumayo na tuloy ang itsura niya ngayon sa kaniyang mister na bukod sa puro puti na ang buhok ay mukhang pinatanda nang husto ng mundo ng pulitika.

Mukhang magtiyuhin na sila ngayon ni dating Senador Mar Roxas. Huwag namang mag-ama, sobra naman ang ganoong paglalarawan, nagmukhang uncle lang niya si Kuyang Mar.

Ang nagagawa nga namang milagro ng siyensiya, bow!

Mark Anthony Fernandez – Nakalaya na, babalik na sa pag-aartista

Hindi pinagbago nang mahigit na isang taong pagkakulong ang kakisigan ni Mark Anthony Fernandez. Tama ang kuwento ni Alma Moreno, lumaki lang siya, kailangan lang niyang mag-gym para bumalik ang dating bulto ng kaniyang katawan.

Sa unang pagharap ng guwapong aktor sa mga press people pagkatapos nang mahigit na isang taon ay maraming nagparamdam sa kaniya ng mainit na pagwelkam.

Nakilala kasi si Mark Anthony bilang mabait at mapagkumbabang personalidad, walang kuwento ng pambabastos na ikinabit sa kaniyang pangalan, humuhugot din siya ng puhunan sa mga magulang niyang sina Rudy Fernandez (SLN) at Alma Moreno.

Nilinaw ni Mark Anthony na kailanman ay hindi siya nalulong sa ipinagbabawal na gamot. Hindi siya gumamit ng shabu, cocaine at iba pang mga salot na ibinebenta sa merkado.

Hanggang marijuana lang siya, hanggang damo lang, na naging dahilan ng kaniyang pamamalagi sa kulungan nang matagal-tagal na panahon.

Kapani-paniwala naman ang kaniyang sinabi dahil walang pagkakakilanlan ng paggamit ng droga kay Mark Anthony, maayos ang kaniyang pagsasalita, lumulutang lang paminsan-minsan ang pagiging mahiyain niya.

Maganda ang plano para sa kaniya ng Viva, kailangan niyang magbawas ng timbang para makabalik na siya sa pagtatrabaho, sabayan sila ngayon ng dati niyang karelasyong si Claudine Barretto sa paghahanda sa pagtatambalan nilang pelikula.

Maligaya si Alma Moreno para sa kaniyang panganay, kuwento ng medyo lumaki lang pero maganda pa ring aktres, “Nakita ko kasi ang higpit ng yakap sa kaniya ng mga nandoon sa una niyang pagharap sa media. Mahigpit, may mga tapik sa balikat ng anak ko, ang sarap-sarap noon sa pakiramdam ko.

“Hindi nila pinagdamutan ng chance ni Mark, ipina-feel nila ang masarap na pag-awelcome, iyon ang kailangang-kailangan ngayon ng anak ko,” sabi ni Ness.

Na totoo naman dahil pang-unawa at panibagong pagkakataon ang hinihingi ngayon ni Mark Anthony Fernandez. Nangangako ang aktor na hindi siya mapapahiya sa mga taong nagbibigay ng tiwala sa kaniya ngayon.

Bukod sa gagawin nilang proyekto ni Claudine ay malapit na ring mapanood si Mark Anthony sa mga serye ng ABS-CBN. Hindi lang naman kasi siya guwapo, magaling na action star si MAF, na puwede ring isalang sa madadramang tagpo.

Kung minsan talaga ay kailangang nagpapautang tayo ng tiwala at pang-unawa sa mga nagsisikap magbago para maipambayad nila sa mga kakapusan at kalabisan ng nakaraan.

Alma Moreno – Dakila, sumasaludo kami sa katatagan ng kalooban

Sumasaludo kami sa katatagan ng kalooban ni Alma Moreno. Para nga namang roller coaster ang buhay ng magandang aktres, ang dami-dami niyang nakakaengkuwentrong paghamon, pero matatag pa rin siyang nakatayo.

Komento ni SOS, “Sobrang agree po ako sa inyo na isang dakilang ina si Alma Moreno. Kahit pa iba-iba ang ama ng mga anak niya, eh, iisa lang ang puso niya para sa magkakapatid.

“Marami na siyang pinagdaanan, pero dahil sa matinding pananalig niya sa Diyos, eh, nalalampasan niyang lahat. Matinding sakripisyo na ang naengkuwentro niya dahil kina Mark Anthony at Vandolph, pero dahil sa palagi niyang sinasabing dasal lang, kinakaya niya ang lahat.

“Sa lahat ng mga interviews niya, isa lang ang hindi niya nakakalimutang sabihin, ‘Dasal lang.’ Totoong-totoo naman kasi, dasal lang talaga, napakalaki ng nagagawa ng panalangin,” emosyon ni SOS.

Dahil araw-araw niyang gustong madalaw si Mark Anthony ay umupa na siya ng bahay sa Angeles City, doon na siya nanggagaling sa halip na sa Paranaque pa, dala-dala ang mga gustong pagkain ng kaniyang anak.

Ngayon ay abala na si Mark Anthony sa pagdyi-gym. May magandang plano ang Viva Films para sa hindi lang guwapo kundi magaling ding aktor.

“Lahat ng anak ko, ipinagdarasal ko. Minsan nga, nakakalimutan ko na ang sarili ko. Sila ang dahilan kung bakit ako patuloy na lumalaban, kailangan nila ako.

“At kailangan ko rin sila para maging inspirasyon ko. Sila ang lahat-lahat para sa akin, sila ang buhay ko,” pahayag ni Alma Moreno.

Maaaring maraming kalabisan at kakapusan si Alma Moreno bilang tao, pero bilang isang ina ay nasubaybayan namin ang serbisyo niya sa kaniyang mga anak, dakila siyang nanay.

Nakadikit sa kaniyang laylayan ang mga anak niya, kahit saan siya magpunta ay bitbit ni Ness sina Mark, Vandolph, Yeoj, Winwyn, VJ at Em-Em, hindi siya masayang lumalabas ng bahay na hindi niya kasama ang magkakapatid.

Harinawang makabalik agad sa trabaho si Mark Anthony, siguradong miss na miss na rin ng aktor ang kinalakihan nitong kapaligiran, maraming nagmamahal kay Mark dahil maganda ang kaniyang puso.

Isa lang ang nasabi ni Ness, “Maraming-maraming salamat sa Diyos dahil dininig Niya ang aming mga dasal. At salamat sa mga taong hanggang ngayon, eh, nagtitiwala pa rin kay Mark. Mabait talaga ang anak ko.”

Claudine Barretto – Dinadalaw ng panic attack at depression

Si Claudine Barretto ang naging paksa naming magkakaibigan noong isang gabi. Lahat kami’y humahanga sa magandang aktres dahil sa kaniyang pagpapakatotoo hindi lang sa kaniyang sarili kundi pati na sa publiko.

Hindi lahat ng sikat na personalidad ay lalantad para magsabing oo, dumadaan ako ngayon sa isang psychiatric process, at masaya ako sa ginagawa ko.

Dahil sa maling konotasyon na kapag sumailalim ang isang tao sa proseso ng pagpapatingin sa isang psychiatrist ay may diperensiya na siya sa utak ay maraming hindi umaamin sa ganoong kundisyon.

Mismong mga doktor na ang nagpapatunay na lahat tayo ay nangangailangan ng ganoong proseso, pero hindi ibig sabihing may sayad na tayo, kundi pagbabalanse lang ng ating emosyon ang kailangang sinusuri ng mga psychologist at psychiatrist.

Inilarawan ng aktres ang kaniyang pinagdaanan, palagi siyang dinadalaw ng panic attack disorder, matinding-matindi ang nangyayari sa kaniya kapag umaatake na ang kaniyang sakit.

Gusto niyang tumalon sa mataas na gusali, hindi siya makahinga, napakadilim ng kaniyang paligid dahil pakiramdam niya’y paliit nang paliit ang kinaroroonan niya.

Kahanga-hangang aktres. Hindi lahat ng personalidad na dumadaan sa ganoong proseso na tulad niya ay makahaharap sa publiko para amining totoo, may mali sa kaniyang sistema, at gusto niyang gumaling.

Hindi dapat ikinahihiya ang ganoon, mas maganda kung ilalatag ng personalidad ang kaniyang mga baraha sa publiko para tapos na ang mga pagtatanong, ganoon ang ginawa ni Claudine Barretto.

Ang isa sa mga dahilang ibinigay ni Claudine ay ang pagkamatay ng kaniyang dating boyfriend na si Rico Yan. Sumakabilang-buhay ang aktor noong March 28, 2002 pero hanggang ngayon ay inaatake pa rin ng panic disorder ang aktres kapag bumabalik sa kaniyang isip ang pagkamatay ni Koriks.

Sa pagkakatanda namin ay Mahal Na Araw noon. Nang sumabog ang balitang natagpuang wala nang buhay si Rico sa isang lugar sa Palawan ay magkasama naman sina Claudine at Raymart Santiago sa bahay ng kaniyang mga magulang sa Subic.

Iyon kaya ang dahilan kung bakit hanggang ngayo’y hindi pa rin natatahimik ang kalooban ni Claudine kapag pumapasok sa kaniyang sistema ang pagkamatay ng aktor?

Mabait ang publiko, kapag nagpapakatotoo ang isang personalidad ay palaging may nakareserbang pang-unawa ang ating mga kababayan, makababalik agad sa trabaho si Claudine Barretto.

Lovi Poe – Walang kaduda-duda, anak nga siya ni FPJ

Hanggang sa kaniyang ikalawang buhay siguro ay hinding-hindi na makakalimutan pa ng isang utility ang ginawa ni Lovi Poe habang ginagawa nila ni Erich Gonzales ang The Significant Other.

Dumating sa location si Lovi nang alanganing oras. Tapos nang kumain ang lahat at nagliligpit na ang catering. Wala nang pagkain, pero nakita ng aktres ang isang lalaking kumakain sa isang sulok, nilapitan niya ito.

Ang kaniyang sabi, “Kuya, puwedeng hati na lang tayo sa kinakain mo?” Isang piraso ng pritong manok ang ulam ng lalaki, iyon ang paghahatian nila ni Lovi, natural lang na ma-shock iyong tao.

Tinotoo ng magaling na aktres ang kaniyang sinabi, naupo siya, humingi ng kanin at pinaghatian nila ng tauhan pala ng catering ang isang pirasong pritong manok.

Bakit nga naman hindi siya kakain kung gutom na talaga siya? Malayo ang location, matatagalan pa bago makabalik ang bibili ng kaniyang pagkain, kaya nakisalo na lang siya sa utility para maibsan ang pagkalam ng kaniyang sikmura.

Kalat na kalat ang kuwentong iyon sa buong produksiyon. Kapag tinatanong ang utility kung ano ang kaniyang naramdaman habang kasalo si Lovi Poe ay halos hindi ito makapagsalita, puwede raw palang mangyari ang ganoon, puring-puri ng lahat si Lovi Poe sa pagiging totoo niya.

Sabi ng nagkuwento sa amin tungkol sa naganap, “Walang kaduda-duda, anak nga siya ni FPJ. Ganoon din ang tatay niya, nakikisalo sa mga crew, hindi maselan, hindi ihinihiwalay ang sarili niya sa mga ordinaryong tao.”

Ang kabutihan ng puso at pagpapakumbaba ay nasa dugo. Nasa genes. Kakambal na ng ating inunan. Totoo ang komento ng aming kausap, anak nga siya ni Fernando Poe, Jr., ang Hari Ng Pelikulang Pilipino na mahigit na isang dekada nang pumanaw pero palaging binubuhay ng kaniyang kabutihan sa puso ng ating mga kababayan. –CSF

Have a comment on this article? Send us your feedback

Pebrero 1-15, 2018

	Gabby Concepcion & Sharon Cuneta
	Angelica Panganiban
	Mark Bautista & Piolo Pascual
	Maine Mendoza
	Kris Aquino
	Melai Cantivaros, Karla Estrada & Jolina Magdangal
	Vice Ganda
	Ai Ai delas Alas & Gerald Sibayan
	Mocha Uson
	Martin Nievera
	Robin Padilla

Sharon at Gabby – Mukhang ready nang balik-tambalan sa pelikula

Kitang-kita ang malaking ibinagsak ng timbang ni Sharon Cuneta sa pinagsamahan nilang TVC ni Gabby Concepcion para sa sikat na food chain na McDonald’s. Sa kahit anong anggulo ay maliit nang tingnan ang Megastar.

Kinarir talaga ni Sharon ang pagda-diet, goodbye na siya sa paglantak ng siyam na tuhog ng banana cue (Salve A., alam mo ang kuwentong ‘yan, magkaharap tayo nang ikuwento ng isang male personality ang makasaysayang siyam na tuhog ng banana cue!), nagpaalam na rin siya sa pagpapapak ng lechon, dahil iyon lang ang sagot sa pangarap niyang magbawas ng timbang.

At nagtagumpay naman si Sharon, manipis na ang kaniyang katawan, unang mapapansin ang nangayayat niyang mukha na lalo pang nagpalutang sa kaniyang ganda.

Sobrang kilig ang dulot ng nasabing TVC sa mga tagahanga nina Sharon at Gabby, kaya ang sigaw na nila ngayon ay balik-tambalan sa pelikula, na mukhang matutupad na dahil may nakatakda nang meeting sa Star Cinema ang mga magulang ni KC.

Siguro’y napag-isip-isip na rin ni Gabby na positibo pa ang kanilang muling tambalan. Kung nagawa iyon nina Sharon at Robin Padilla ay bakit hindi rin nila iyon mapatutunayan ni Mega, sigurista lang naman ang peg ng aktor.

Ang tanong ng bayan ngayon ay ano raw kaya ang nararamdaman ngayon ni Senator Kiko Pangilinan? Inaatake raw kaya ito ng selos at insecurity?

Sus naman! Sa edad ngayon ng mister ni Sharon ay alam na nito kung ano ang totoo sa hindi. Tanggap na ni Senator Kiko na artista ang kaniyang misis, propesyonal si Sharon Cuneta, kaya wala na silang kailangan pang pagtalunan.

Ilang oras lang ang shoot ng TVC nina Sharon at Gabby, pagkatapos ng kanilang trabaho ay umuwi na sila sa kani-kanilang pamilya, trabaho lang ang lahat at walang personalan.

Pero kung mayroon mang pinakamaligaya sa pangyayaring ito ay walang iba kundi si KC Concepcion. Kahit sa patalastas lang ay okey na kay KC dahil hindi naman ito nanghihingi ng milagrong magkabalikan pa ang kaniyang mga magulang.

Ang isa pang napakaligaya pagdating kay Sharon Cuneta ay ang magaling na singer-actress na si Helen Gamboa. Noong teenager pa lang si Sharon, kapag nagkakaroon sila ng argumento ng kaniyang inang si Mommy Elaine, ay ang kaniyang Mama Helen ang takbuhan niya.

Si Tita Helen ang nagpapalambot sa puso ng kaniyang nakatatandang kapatid, pero inaalagaan din nito sa pangaral ang kaniyang pamangkin, hanggang sa umuwi na ang Megastar sa kanilang bahay sa Dasma.

Kay Tita Helen nagtatapat si Sharon tungkol sa kaniyang lovelife, ito ang kaniyang balikat na iyakan, mahal na mahal ni Tita Helen si Shawie.

Kaya nga nang magkaroon sila ng hindi pagkakaintindihan dahil sa paninindigan sa pulitika ay sobra ang pagkalungkot ng beteranang actress-singer, iniyakan nito ang naganap sa kanila ng kaniyang pamangkin, ganoon kahalaga si Sharon para sa kaniyang tiyahin.

Nang lumabas na ang TVC ng muling pagsasama nina Sharon at Gabby Concepcion para sa McDonald’s ay isa si Tita Helen sa mga kinilig at iniyakan nito ang pagkakita sa patalastas.

Parang tunay na ina na kasi ang turing ni Sharon sa kapatid ng kaniyang ina, lahat ng nangyayari sa kaniyang buhay ay alam ni Tita Helen, maraming nakakalaban si Tita Helen sa kanilang pamilya dahil sa pagtatanggol kay Sharon.

Sa panahon ng kaniyang kaligayahan ay nand’yan lang ang kaniyang mahal na tiyahin. Sa kalungkutan ay isang balikat lang ang kaniyang binabalik-balikan para iyakan.

Haplos lang ni Tita Helen ay maligaya na ang Megastar.

Angelica Panganiban – Nagkapag-move on na mula kay John Lloyd

Nakapag-move on na si Angelica Panganiban mula sa paghihiwalay nila ni John Lloyd Cruz. Para makapagkuwento na siya tungkol sa nangyari, para mabalikan niya nang tumatawa na ang kuwento ng kanilang dating relasyon, ibig sabihi’y nakalundag na siya mula sa matinding kalungkutan.

Pero natural lang sa isang nasaktan ang kahit paano’y pumitik dahil sa naranasan niyang mga sama ng loob. Tulad ng nangyari kay Angelica na asang-asang sila na uli ni JLC, pero may kakaibang nangyari, karelasyon na pala nito si Ellen Adarna.

Napakasakit nga naman noon, siya pa ang huling nakaalam na may iba na palang karelasyon ang kaniyang boyfriend, iyon ang hugot ng magandang aktres.

Pagkatapos nga naman niyang paglingkuran ang lalaki, pagkatapos nga naman niyang tanggapin ang katotohanan na magbubuo sila ng sariling mundo, mayroon na palang ibang babaeng kaplano si John Lloyd.

At dahil nakapag-move on na nga si Angelica ay ngayon na lang niya nasisilip ang mga kapintasan ng lalaking minahal niya. Malapad ang noo, hindi naman kabruskuhan ang katawan, marami!

Ganoon naman talaga. Sabi nga ng isang magaling na aktres na nakausap namin noong minsan, “Dati, halos magpaalipin ako sa ex kong ‘yan! Grabe ang isinakripisyo ko para sa kaniya!

“Pero ngayon, kapag nakikita ko siya sa TV, nasasabi ko sa sarili ko, ano ba ang nakita ko sa kaniya noon para magpakaloka ako sa kaniya?

“Nagkikita kami ngayon, magkatrabaho pa nga kami, e. Pero parang talbos na lang siya ng kamote sa paningin ko, hindi ko na siya pinapansin. Hay, ang pag-ibig talaga kapag nilaro ka!” madiin pang sabi ng magaling na female personality.

Mark Bautista – Binubulabog ngayon ang daigdig ni Piolo

Matindi ang ginawang pauso ni Mark Bautista. Sa kahit anong umpukan ngayon ng mga taga-showbiz ay hindi matatapos ang kuwentuhan nang hindi natututukan ang sinulat niyang libro.

Tatahi-tahimik nga lang naman ang magaling na balladeer, pero siya pa pala ang makakaisip na magsulat ng librong mangwiwindang sa publiko, ang dami-daming naghahangad na magkaroon ngayon ng kopya ng Beyond The Mark.

Hindi pa man lumalabas ang librong sinulat ni Mark Bautista ay napakarami nang personalidad na nasusunog. Nang lumabas ang kuwentong may bahagi sa kaniyang libro na nagsasabing may nangyari sa kanila ng kaniyang bestfriend na lalaki ay nagsimula nang mabulabog ang mundo ni Piolo Pascual.

Isang tsismis iyon na hindi mamatay-matay kahit pa maraming taon na ang lumilipas. Pilit pa rin silang pinag-uugnay dahil nang maghiwalay sina Piolo at KC Concepcion at humagulgol sa harap ng publiko ang dalaga ni Sharon Cuneta ay si Mark Bautista ang pinagbintangang dahilan ng kanilang break-up.

Walang nagsalitang sinuman sa kanila, pero publiko na ang nag-connect the dots, iyon daw ang dahilan kaya lumipat pa nga sa GMA-7 ang singer-actor. Nagkasundo raw silang magkani-kaniya na ng istasyon.

Hindi naman makapagdepensa ng kaniyang sarili si Piolo sa mga naglalabasang istorya ngayon dahil pa-blind item ang atake ng libro. Walang binanggit na pangalan. Basta bestfriend lang ito ni Mark Bautista.

Ikinuwento niya ang naging pagsasalo nila sa kaligayahan ng isa niyang bestfriend. Ang minsan ay naulit pa, pero sa pinakahuli nilang pagbiyahe sa alapaap ng kaligayahan ay nagkasundo sila, iiwasan na nilang mangyari pa uli ang ganoon katamis nilang pagsasama.

Dahil doon ay lumutang ang opinyon ng mga kababayan natin. Alam na alam agad nila ang sagot kung sino ang male personality na tinutukoy ni Mark Bautista sa kaniyang libro.

Pero isa lang ang malinaw sa senaryong ito, nagpakatotoo si Mark Bautista, patagilid man ang kaniyang mga kuwento ay nagsasalita pa rin ang pagiging totoo niyang tao.

Kahit doon man lang ay siguradong marami nang susuporta sa kaniyang sinulat na librong Beyond The Mark, gustung-gusto kasi natin sa mga personalidad na humaharap sa katotohanan, pinapalakpakan natin ang mga artistang nagpapakatotoo sa kanilang sarili at sa publiko.

Bibili kami ng libro ni Mark Bautista. Peksman, Batman, Superman.

Maine Mendoza – Nababalitang masungit na sa fans si Dubmash Queen

Komento ng isang may edad nang kababayan natin na nakaengkuwentro namin sa isang pagtitipon, “Kasuplada pala ng babaeng iyon? Kabaligtaran pala siya ng nakikita natin sa telebisyon?”

Ang tinutukoy ng balikbayan naming kausap ay si Maine Mendoza, nakasabay raw nila sa flight pabalik sa bansa ang Dubsmash Queen, pagbaba nila sa eroplano ay kasabay na ring nawala ang pagkagusto nila sa ka-loveteam ni Alden Richards.

Ganito raw ang kuwento. Sa boarding area pa lang ay pinagmamasdan na ng kanilang grupo ang mga kilos ni Maine Mendoza. Bilang artista, ang inaasahan siguro nila ay magiging magiliw si Maine sa mga kababayan nating naghihintay sa paglulan sa eroplano, pero hindi ganoon ang kanilang nakita.

“May sarili siyang mundo. Naka-shades siya, kalikot nang kalikot sa cellphone niya. May mga tumatawag sa name niya, pero hindi niya iyon pinapansin, basta prente lang siyang nakaupo na parang reyna.

“Natural, kaming nakapaligid ang nakakarinig sa tumatawag sa pangalan niya, kami rin ang witness sa pagkagusto sanang lumapit sa kaniya ng mga Pinoy para makapagparetrato na kasama siya.

“Pero wala siyang pinapansin, basta nakaupo lang siya, parang siya lang ang nabubuhay na tao sa mundo sa pakiramdam niya. Sabi ko nga sa mga apo ko, ‘Don’t attempt. You’ll just get hurt.’

“Ang akin lang naman, eh, artista siya, hindi niya naman kailangang bumabad sa pakikipag-usap o pakikipag-picture taking, dahil siguradong pagod din siya sa vacation niya.

“A smile can do. Pansinin lang niya ang tumatawag sa name niya, it’s already heaven for her fans! Naalala ko tuloy si Sharon Cuneta. Call it kaplastikan, I don’t care!

“Noong makasabay namin sa flight si Sharon, talagang lahat ng pumapansin sa kaniya, tinitingnan niya, ina-acknowledge niya. Kapag may lumalapit na magpapa-picture sa kaniya, siya pa mismo ang nagtuturo sa nagsu-shoot para maayos ang anggulo.

“Alam mo iyon? Si Sharon Cuneta na iyon, ha? But she has time for her fans, namamansin siya, nagpapa-picture, she makes you feel so important! In comparison, walang-wala noon si Maine Mendoza.

“She feels siguro that she owns the world right now dahil popular siya. But it’s not the issue. Sikat man o hindi gaanong sikat, they are considered public figures. People look up to them.

“One day, you’re on top. The sun shines brightly, but one day, you’re down, wala ka na sa isip ng publiko, tapos na ang panahon mo,” makahulugang komento ng aming kausap na balikbayan.

Marami na kaming naririnig na ganoong komento tungkol kay Maine Mendoza. Iba-iba lang ang sitwasyon, iba-iba lang ang lugar, pero hindi kagandahan ang magkakaparehong paglalarawan sa kaniya.

Kris Aquino – Nakakabaliw at nakaka-aliw pa rin si Krissy

Ibang-iba naman ang daloy ng kuwento kapag si Kris Aquino ang bumibida sa istorya. Kapag hindi namamansin si Kris ay siguradong umaatake ang kaniyang migraine. Maaaring may natagpuan nang gamot ngayon ang aktres-TV host sa ganoong sakit niya, hindi na kasi kami nakakabasa ng reklamo niya tungkol sa migraine, pero pinahirapan siya nang husto noon ng ganoong kundisyon.

Pero kapag hindi umeeksena ang kaniyang migraine ay parang kitikiti si Kris. Siya pa mismo ang lumalapit sa mga kababayan natin, kung anu-ano ang itinatanong niya, binubusisi niya ang buhay ng may buhay.

Mainipin lang si Kris sa pagpapa-picture, siya ang bumibilang, one, two, three! Tumatakbo pa lang palapit sa kaniya ang iba ay tapos na ang kodakan, ang iba nama’y mga balikat lang ang nakunan, putul-putol dahil sa bilis niyang magbilang.

Sabi ng isang kaibigan naming natiyempuhan niya sa isang restaurant sa Hawaii, “Of course, kilalang-kilala namin si Kris! May TFC kami, pinanonood namin ang mga shows niya.

“Pero hindi kami lumapit sa kaniya, siya mismo ang nagpunta sa table namin, nakipagkuwentuhan siya! Ang unang tanong niya sa akin, ‘Are you rich here in Hawaii?’ Nalaman niya kasi na two decades na kaming naninirahan sa Hawaii.

“Tawa ako nang tawa, ganoon din kasi siya sa TV, pati ang tatak ng t-shirt ng guest niya, eh, tinatanong niya kung original. Nakakaaliw siya! Honestly, hindi kami naiinis kay Kris, aliw na aliw kami sa kaniya!” kuwento ng aming kaibigan.

At bago umalis ang pamilya ng aming kaibigan dahil tapos na silang kumain ay may pahabol pang tanong si Kris, “Where is your husband? Are you hiwalay na? Do they have the same father, ang gaganda ng kids mo!”

Di ba naman, nakakaaliw na nakababaliw si Krisy?

Karla Estrada – Dapat isipin na ang sikat ay si DJ, hindi siya

Hindi kagandahan ang mga komentong mababasa ngayon sa social media tungkol kay Karla Estrada. Maraming netizens ang hindi pabor sa mga ginagawa niyang pambabara sa mga guests ng kanilang programa nina Jolina Magdangal at Melai Cantiveros.

Maging ang madalas niyang pagpapahiya kay Melai ay kinokondena ng mga kababayan natin, dapat daw tanggalin na sa show si Karla, dahil sumosobra na ang kaniyang kabastusan.

Minsan ay natiyempuhan namin ang sinasabing sitwasyon ng mga nagagalit kay Karla, nagsasalita noon si Melai, nang biglang magbigay ng insinwasyon ang ina ni Daniel Padilla na mabaho ang hininga ng komedyanteng kasama niya sa programa.

Pero sinakyan naman iyon ni Melai, nagtawanan pa nga sila, ginawa nilang komedya ang sitwasyon na para sa maraming manonood ay kabastusan.

Dumalo nga naman sa kanilang programa ang inimbitahan nilang guests, nag-effort ang mga ito, pero babara-barahin lang naman pala ng mismong host ng show.

Dahil sa mga halimbawang ihinain ng mga naiinis kay Karla Estrada ay nananawagan sila sa network na alisin na siya bilang host ng Magandang Buhay. Humanap na lang daw sana ng kapalit ni Karla ang istasyon.

Masyado na raw yatang pumapasok sa utak ni Karla ang kasikatan ng kaniyang anak na si DJ, feeling daw niya ay ekstensiyon siya ng popularidad ng kaniyang panganay kaya siya nagiging ganyan.

Warning na lang muna, sigurado namang nababasa ni Karla Estrada ang mga pang-uupak sa kaniya ngayon, baka mula dito ay medyo pumino-pino naman ang kaniyang dila sa pagbibitiw ng mga salita sa himapapawid.

Huwag namang tanggalin agad-agad, hindi ba puwedeng pagsabihan na lang muna ang singer-TV host na mag-ingat, para wala siyang nasasaktang damdamin ng mga tagapanood ng kanilang show?

Vice Ganda – Bilyonaryo na kaya tumutulong sa mahihirap

Bilyonaryo na si Vice Ganda. Hindi ito fake news. Ang impormasyon ay nalaman namin mula sa isang taong may malalim na alam tungkol sa pumapasok at lumalabas na biyaya mula sa kaban ng yaman ng sikat na komedyante-TV host.

“Hindi na siya maghihirap. Kapag gusto na niyang magpahinga sa pag-aartista, eh, puwedeng-puwede na, sobra-sobra pa sa mga pangangailangan niya ang mayroon na siya ngayon,” madiing sabi ng aming kausap.

Hindi naman iyon nakapagtataka. Napakalaki ng talent fee ni Vice Ganda sa pagko-concert. Magkano ang buwanan niyang kinikita sa It’s Showtime? Mayroon pa siyang mga TVC, malaki rin ang kinikita niya sa pagraket sa mga probinsiya, at paano pa ang malaking dagdag sa kaniyang kaban ng mga pelikulang ginagawa niya na puro blockbuster sa takilya?

Pero parang hindi halatadong bilyonaryo na si Vice Ganda. Kung regular mo siyang panonoorin sa kaniyang noontime show ay hindi niya pa rin ihinihiwalay ang kaniyang sarili sa nakararami.

Napakalaki ng utang na loob na kailangang tanawin ni Vice Ganda sa pinagdaanan niyang kahirapan. Iyon ang dahilan kung bakit nakipag-usap siya sa kanilang Barangay sa Maynila kung saan siya lumaki.

Araw-araw siyang nagpapaluto ng pagkain para sa mga batang mag-aaral. Ipinangako ni Vice sa kaniyang sarili na walang batang papasok sa eskuwelahan nang gutom. Ilang taon na niyang ginagawa ang ganoon.

Kapag siguro tinitingnan ni Vice ang kaniyang bank book ay bumibiyahe siya pabalik sa dati nilang buhay. Kapos. Maraming kulang. Marami siyang pangarap na nanatiling pangarap na lang dahil sa kanilang kakapusan.

Iyon ang pinakamasarap na bahagi ng pagkakaroon nang sobra-sobrang biyaya. Ang pagbabahagi ng kung ano ang mayroon tayo. Ang pagresolba sa problema ng ating kapwa.

Ai Ai delas Alas – Humahataw nang husto, magbabakasyon kapag buntis na

Nakakabilib naman ang propesyonalismo ng Comedy Concert Queen na si Ai Ai delas Alas. Alas sais y media pa lang nang umaga kahapon ay nasa studio na siya ng Unang Hirit.

Naka-make-up na, handang-handa na sa production number na gagawin niya bilang promo ng Valentine show niya sa Palacio de Manila kasama ang napapanahong grupong Ex Battalion, nakaapat na bihis si Mrs. Sibayan sa kaniyang prod number.

Parang main show na ang pinanonood mo habang kumakanta at sumasayaw si Ai Ai, mabilis ang kaniyang galaw, kaya ang apat na beses niyang pagpapalit ng costume ay hindi mo mararamdaman.

Masarap panoorin ang Philippine Comedy Queen sa kaniyang mga shows, wala pa ring kupas ang kaniyang berdeng pagkokomedya na gustung-gusto ng mayayamang audience, kahit daw kasi “pinaglalaruan” na ng Comedy Queen ang kaniyang manonood ay hindi iyon mahalay na pakinggan.

Madalas sabihin ni Ai Ai, “Mahirap gawin ang ganoon, kasi, hindi mo alam kung ano ang magiging reaction ng bibiruin mo sa audience. Kaya ang ginagawa ko, e, pini-feel ko muna sila. Pinapakiramdaman ko muna kung sinu-sino sa kanila ang game sa biruan.

“So, kapag may nakita na ako, iyon ang lalapitan ko kapag joke time na! Alam ko na kasing game siya. E, ang mayayaman pa naman, di ba, gustung-gusto nilang napaglalaruan ang mga richie-richie na tulad nila?” natatawang sabi ng Comedy Concert Queen.

Sasamantalahin na niya ang pagso-show dahil nakakalendaryo na sa kanila ni Gerald Sibayan ang planong magkaanak na. magiging maselan kasi ang proseso, hindi na siya puwedeng magtrabaho, kailangang naka-bed rest lang siya.

Mocha Uson – Ang assistant palang si Byron ang totoong sumusulat ng blog

Gaano katotoo ang impormasyong nakarating sa amin na hindi naman pala si Asec Mocha Uson ang nagsusulat sa kaniyang blog? Diretsong kinumpirma ng aming mga impormante na hindi si Asec Mocha kundi ang kaniyang manager na si Byron ang sumusulat-gumagawa ng mga nilalaman ng kaniyang blog.

Sabi ng aming source, “Hindi si Mocha ang nagsusulat, si Byron, kilalang-kilala namin ang capacity ni Mocha, hindi siya iyon!”

Ayon pa sa aming kausap ay napakasimpleng babae ni Asec Mocha, kapang-kapa ng mga nakakakilala sa kaniya kung anu-ano lang ang puwede niyang gawin, hindi rin daw palaaway ang dating singer-dancer.

Parang kapani-paniwala ang mga narinig namin dahil kapag napapanood namin si Asec Mocha sa kaniyang mga panayam ay limitado lang ang kaniyang kapasidad.

Hindi nga ba’t sa isang Senate hearing ay ginawa pa siyang katatawanan dahil hindi niya alam ang terminong gagamitin niya noong kaliwa’t kanan na siyang binusisi ng mga senador?

Nasundan pa iyon ng ilang bloopers ng Assistant Secretary ng PCOO, ang pinakahuli ay ang paglipat niya sa Mayon volcano sa Naga, sa halip sa Albay ang sinabi niya.

Ibang-iba siya sa Asec Mocha sa kaniyang mga posts sa social media, malalim ang nagba-blog, pero kapag kinakapanayam na siya ay biglang nakatali na ang kaniyang dila sa pangangapa ng kaniyang mga sasabihin tungkol sa mga makabuluhang isyung pambayan.

Mahuhuli talaga siyang nakanganga kung totoong hindi siya ang nagsusulat sa kaniyang blog. Kahit basahin pa niya nang paulit-ulit ang nilalaman noon ay mahahalata pa ring hindi siya ang nagsusulat dahil iba ang sinasabi ng kaniyang bibig.

Siguro nga, dahil sa sobrang pagkaabala ng dating singer-dancer bilang empleyado ng PCOO ay wala na siyang panahon para magsulat, kaya si Byron na ang gumaganap sa kaniyang tungkulin bilang isang blogger.

Bukas na bukas ang pitak na ito sa paliwanag na gustong ipahayag ni Asec Mocha Uson, maging ni Byron, iba na ang malinaw kesa sa malabo.

Martin Nievara – Walang kupas ang galing bilang entertainer

Napakatotoo ni Martin Nievara sa kaniyang sarili at sa publiko. Tanggap niya ang katotohanan na may kani-kaniyang panahon ang lahat ng kaganapan sa mundo.

Maging ang career ng mga artista at singers ay nakahapay sa panahon, kapag kakampi mo ang kapalaran ay nasa ituktok ka ng tatsulok ng popularidad, pero kapag tapos na ang panahon mo ay may iba namang mga papalit.

Totoong-totoo ang paniniwala ng Concert King, may kani-kaniyang panahon talaga ang kasikatan, weather-weather lang ang mas ginagamit na salita para sa ganoon.

Pero hindi kami makapapayag na laos na si Martin Nievara. Maaaring marami na siyang kaagawan sa posisyon na mga mas bata pa kesa sa kaniya, pero hindi siya malalaos, palaging may espasyo sa mundo ng musika si Martin Nievera.

Iba pa rin ang kaniyang atake, kakaiba pa rin ang hagod ng kaniyang boses, lalon ibang-iba ang kaniyang marka kapag nasa gitna na siya ng entablado.

Siya pa rin ang Martin Nievara noong mga unang taon ng dekada ‘80 na pinagkakaguluhan ng ating mga kababayan dahil sa puhunan niyang talento sa pagkanta.

Basta, hindi kami makapapayag na sinabi ni Marin Nievera na laos na raw siya, walang nalalaos. Nagpapahinga lang.

Robin Padilla – Walang kinalaman sa paglaya ni Mark Anthony Fernandez

Mabuti naman at nilinaw na mabuti ni Robin Padilla na wala siyang kinalaman sa paglaya ng kaniyang pamangking si Mark Anthony Fernandez.

May mga nag-iisip kasing nilakad ng action star ang paglaya ng kaniyang pamangkin sa pinsang-buo na si Rudy Fernandez dahil malakas ang kapit niya kay Pangulong Rodrigo Duterte.

Saludo nga si Binoe kay Mark dahil ni minsan daw ay hindi ito humiling ng tulong sa kaniya para maaga itong makalaya nang masangkot sa usapin ng marijuana.

Minsan niyang dinalaw si Mark Anthony sa piitan, pero hindi raw nila natutukan sa kanilang pagkukumustahan ang ilapit niya ito sa pangulo, wala raw sinabi sa kaniya si Mark.

Na mukhang kapani-paniwala naman dahil kung pagiging malapit lang sa pangulo ang pag-uusapan at kung lumalapit nga siya kay Ka Digong, di sana’y nakaalis na siya noon papuntang Amerika para dalawin ang nanganak niyang misis, absolute pardon na ang hawak niyang dokumento noon.

Pero wala ring nangyari, nabigo pa rin siyang makapasok sa teritoryo ng Amerika, samantalang puwede niya namang pinakiusapan noon si Pangulong Duterte na pairalin ang kapangyarihan nito sa Embahada ng Amerika. –CSF

Have a comment on this article? Send us your feedback

Marso 1-15, 2018

	Lovi Poe
	Erich Gonzales, Tom Rodriguez & Lovi Poe
	James Reid
	Vice Ganda
	Mark Bautista
	John Lloyd Cruz
	Cesar Montano
	Zsa Zsa Padilla & Dolphy

The Significant Other – Magandang pelikula nila Erich, Tom at Lovi

Masuwerte ang Cineko Productions, nakalusot ang The Significant Other, at siguradong mas lalakas pa ngayon sa takilya ang pelikulang pinagbibidahan nina Erich Gonzales, Tom Rodriguez at Lovi Poe.

At hindi lang iyon. Pinagpipistahan din sa social media ang mga pagbabatuhan ng hugot lines nina Lovi at Erich sa pelikula. Salamin naman kasi ng lipunan ang daloy ng kuwento ng pelikula.

Totoong-totoo, nagaganap sa tunay na buhay, nakikita ng ibang manonood ang kanilang mga sarili sa papel na ginagampanan ng dalawang aktres sa The Significant Other.

Maraming tatamaan sa ikot ng kuwento ng The Significant Other. Marami kaming maaalalang female personalities na dahil sa kanilang popularidad ay nagawa nilang itago ang tunay nilang estado sa buhay.

Itinago ng mga ito ang kanilang mister, pati ang kanilang mga anak, dahil ayaw nilang makaapekto iyon sa napakagandang takbo ng kanilang career. Doon na pumapasok ang panglalamig ng relasyon, ang paghahanap ng lalaki ng ibang kandugan, hanggang sa magkaroon na ng komprontasyon.

Napapanahon at totoong-totoo ang mga hugot lines na mapapanood sa The Significant Other. Walang may gustong magpakabog sa misis at sa mistress, lalo na nang magkabukingan silang magkaibigan na isang lalaki lang pala ang kanilang pinag-aagawan, wala ka nang hahanapin pa sa ipinakitang acting nina Lovi at Erich sa pelikula.

Napanood na ng mga kaibigan namin ang pelikula, gandang-ganda sila sa direction at cinematography, hindi raw nagmukhang bastos ang love scene nina Tom at Erich sa loob ng kotse dahil sa ganda ng view ng kapaligiran na ginamitan pa ng drone ni Direk Joel Lamangan.

“Hindi siya bastos, sensual, iyon ang dapat itawag sa eksena nila sa white car. Alam mong hindi tinipid ang movie, ramdam na ramdam mo ang eksena pero ididilat mo ang eyes mo sa panonood, hindi mo iyon pipikitan dahil nababastusan ka,” komento ng kaibigan naming propesor.

Mas gaganahan pang mag-produce ngayon ng mga makabuluhang pelikula ang Cineko Productions kapag ganyan na pinupuri na ang kanilang proyekto ay maganda pa ang rehistro sa box office.

Nagkaroon ng magandang ani ang matinding pagtutok ng mga prodyuser ng Cineko sa kanilang pelikula. Ngayon pa lang ay nakaplano na ang mga susunod pa nilang proyekto.

Maligayang bati kay Mayor Enrico Roque at sa kaniyang mga kapuwa producers sa tagumpay ng The Significant Other!

James Reid – Dibersiyon lang ba ang kaniyang pag-inom ng alak?

Kailangang may magbantay kay James Reid. Sayang na sayang ang magandang career ng guwapong aktor kung masisira lang nang dahil sa hilig niyang uminom. Parang droga rin ang alak. Maraming buhay at pangarap na sinisira lalo na kung walang disiplina ang manginginom.

Palaging nasasangkalan ang hilig sa pag-inom ni James Reid kapag nagkakaroon ng aberya sa mga trabahong tinatanggap niya. Nale-late siya sa calltime, hindi na masyadong pinakikinabangan sa set, dahil mayroon pa siyang hangover.

Idinedenay ng kampo ng young actor ang mga ganoong kuwento pero paano nga ba sila paniniwalaan kung maraming nakakakita kay James Reid na palaging nasa bar at walwal nang walwal?

Pagtatanggol ni James sa kaniyang sarili, dibersiyon lang naman ang kaniyang pag-inom at hindi pabisyo, iyon lang ang pampaalis niya ng stress mula sa halos magdamag at maghapong pagtatrabaho.

Sana nga ay ganoon lang ang dahilan. Paano kung matulad siya sa ibang personalidad na parang hindi na kumpleto ang buhay kapag hindi nasasayaran ng alak ang kanilang lalamunan?

Vice Ganda – Nagsimba pero pinatamaan ng pari sa homily

Sa kabila ng kaniyang katanyagan ay may isang mahalagang bagay na hindi nakakalimutang gawin si Vice Ganda. Ang pagsisimba. Buhay na buhay sa utak ng magaling na komedyante-TV host na sa iba-ibang paraan man dumadaan ang mga biyayang dumarating sa kaniya ay sa Diyos pa rin galing ang lahat-lahat ng kayamanang mayroon siya ngayon.

Marunong siyang magpasalamat. Bukod sa pasasalamat ay ibinabahagi rin niya sa mga nangangailangan ang kung anumang mayroon siya ngayon. Pero nakakalungkot ang nangyari noong minsang magsimba siya.

Sa homily ng pari ay ramdam ni Vice na siya ang pinatatamaan sa sitwasyon. Gusto na raw niyang lumubog sa kinauupuan niya, lalo na’t nakikita niyang palihim na tumitingin sa kaniya ang ibang mga nagsisimba, pahiyang-pahiya raw siya noong mga sandaling iyon.

“Alam mo iyong feeling na ikaw mismo ang pinatatamaan sa mga sinasabi ng pari? Hindi ko alam kung ano ang gagawin ko, lalabas na ba ako o magtatago ako sa ilalim ng bench?

“E, sino pa ba ang tinutukoy ng pari na huwag panoorin ang pelikula dahil puro kabaklaan lang naman ang makikita doon? Iyong mga nasa likuran ko, tinapik ako sa balikat. Parang naaawa sila sa akin,” kuwento ni Vice.

Nakakalungkot na nakakabigla nga naman ang ganoon. Nagpupunta tayo sa simbahan para magbigay-respeto at magpasalamat sa lakas at mga biyayang patuloy na ibinibigay sa atin ng Panginoon.

Hindi tayo nagsasadya sa simbahan para makatikim ng pagkapahiya at pagkastigo mula sa mga alagad ng Diyos. May ibang lugar para sa mga ganoong komento, hindi dapat ginagamit ang tahanan ng Diyos para sa mga personal na opinyon at saloobin, napakalawak ng labas ng simbahan para pag-usapan ang ganoong pagpuna.

Ewan lang kung ibang simbahan na ang pinupuntahan ngayon ni Vice Ganda. Puwedeng lumipat na siya at maaari rin namang tinanggap na lang niya ang masasakit na komento ng pari dahil Diyos naman ang sinadya niya doon at hindi ang alagad lang.

Mark Bautista – Sold out ang tell-all book, “Beyond The Mark”

Maganda ang naging resulta ng ipinuhunang pagrespeto at pagbibigay-halaga ni Mark Bautista sa showbiz. Maraming nagmamahal sa kaniya, inunawa ng mas nakararami ang tuluyan niyang paglalantad sa tunay niyang kasarian, pakiramdam namin ay mas marami pa ngang nagmamahal sa kaniya ngayon.

Napakadiretso ng pagkakasabi ni Mark Bautista, “I love both sexes.” AC/DC siya. Puwede siya sa kuryente at puwede rin sa baterya. Chickboy si Mark. Puwede sa chicks, puwede rin siya sa boy, ganoon.

Ilang Mark Bautista ba mayroon ang mundo ng musika? Iilan lang sila na totoong-totoo hindi lang sa kanilang mga sarili kundi pati sa publiko.

Idinaan niya sa libro ang kaniyang pagtatapat, sa mga pahina nga naman ng sinulat niyang libro ay mas maipaliliwanag niya ang lahat-lahat, naging kontrobersiyal ang Beyond The Mark dahil sa pagkakabanggit niya sa isang karanasang pinagsaluhan nila ng kaniyang kaibigang lalaki na naging dahilan ng pagkasira ng relasyon nito at ng isang aktres.

Napakahaba nga naman ng kaniyang ipinagtiis. Kailangan niyang tanggapin ang pagpapareha sa kaniya sa iba-ibang babaeng artista pero ang isinisigaw naman ng kaniyang puso ay iba.

Kailangan niyang kumilos nang brusko sa harap ng mga camera pero kapag nag-iisa na lang siya ay saka lang siya nakahihinga. Hindi kasi siya ang nakikita ng publiko, ibang Mark Bautista iyon, hindi ang tunay na siya.

Ang pagpapakatotoo ngayon ni Mark sa sinulat niyang libro ay parang lantarang imbitasyon na rin para sa mga personalidad na matagal nang nagtatago ng tunay nilang gender.

Noong isang araw lang ay nagsadya sa isang bookstore ang isang kasamahan namin sa Radyo Singko. Mayroon nang kopya ang kaniyang mga kaibigan, marami na itong narinig na kuwento tungkol sa sinulat ng singer-actor, pero gusto nitong magkaroon ng sariling kopya.

Sabi nito, “Wala nang copy ng book ni Mark. Kinausap ko ang isang staff ng bookstore, selling like hotcakes daw. Kararating pa lang, naubos na agad. Nag-reorder na raw sila, pero ubos din agad that same day.

“Wait ko na lang siguro ang next delivery nila. Gusto ko talagang mabasa ang book, ayoko ng puro mga kuwento lang,” pagtatapat ng aming kasamahan.

John Lloyd Cruz – Masaya kay Ellen walang presyo ang kaligayahan

Hindi na masyadong interesado ang publiko tungkol sa relasyon nina John Lloyd Cruz at Ellen Adarna. Kung totoong nagdadalantao ang sexy star ay ayos lang, tutal naman ay pareho silang libre, wala silang masasaktan.

Hindi na rin gaanong umaasa ang mga tagasuporta ni Lloydie sa mas mabilisan niyang pagbabalik, kung kailan na lang daw gustong magtrabaho uli ng magaling na aktor, maghihintay na lang sila.

Sa isang kuwentuhan ng mga taga-showbiz isang gabi ay natutukan ng grupo kung gaano katindi ang pag-ibig na tumama kay John Lloyd Cruz para kay Ellen Adarna.

Sa dinami-dami nga naman ng mga nakarelasyon ni JLC ay ngayon lang niya ipinusta ang kaniyang kasikatan at trabaho. Nang dahil kay Ellen ay tinalikuran ni Lloydie ang napakagandang oportunidad na sumakamay niya na hindi naman lahat ng mga artista ay pinapalad na magkaroon.

Pero nagkaisa rin naman ang grupo sa pagsasabi na walang magagawa ang kahit sino kung kay Ellen maligaya ang magaling na aktor. Wala kasing presyo ang kaligayahan.

Kunsabagay ay wala namang utang na paliwanag sa bayan sina John Lloyd at Ellen, personal nilang buhay ‘yan, kung saan sila maligaya ay hindi naman iyon maibibigay sa kanila ng mga nagmimiron.

Nagkataon lang na mga public figures sila, sikat na sikat si JLC, kaya naging malaking balita para sa mas nakararami ang kanilang relasyon na malapit nang magkaroon ng produkto ngayon.

Sabi ng isang nakausap naming direktor, “The kind of happiness that Lloydie is enjoying right now, matagal na niyang hinahanap ‘yan. Noong minsang magkausap kami, e, iyon ang sinabi niya.

“Parang nasa kaniya na raw ang lahat, namunga na ang mga pangarap niya, pero mayroon pa rin siyang hinahanap. Ito na iyon. Isang pribadong relasyon. Isang anak na kukumpleto sa buhay niya,” sabi ni direk.

Cesar Montano – Mga kasong isinampa ni Sunshine, dismissed na

Ayon sa aming source ay annulment na lang ang pinagtatalunan sa korte nina Cesar Montano at Sunshine Cruz. Ang ibang kasong isinampa ng aktres laban sa ama ng kaniyang mga anak ay dismissed na.

Iyong kuwentong ikina-shock ng buong showbiz na mismong sa harapan ng mga anak nila ay gumagawa ng akto ng kalaswaan si Cesar ay ibinasura ng piskalya. Sa unang lebel pa lang ay hindi na iyon binili ng mga humawak ng asunto.

Ang pagpapawalang-bisa na lang sa kanilang kasal ang dinidinig pa hanggang ngayon. Umaasa si Sunshine na sa lalong madaling panahon ay maaksiyunan na ang kanilang annulment dahil matagal na silang lantad ng kaniyang bagong karelasyon.

Ayon sa mga nakakausap namin ay mabait pa rin si Cesar dahil kung pakikipagtikisan ang kaniyang gagawin ay maaari niyang kasuhan sina Sunshine at Macky Mathay. Hindi pa man kasi malaya si Sunshine para makipagrelasyon sa iba ay mayroon na itong ipinakikilalang boyfriend.

Pero siguro’y ang kanilang mga anak na lang ang binigyan ng kunsiderasyon ng aktor, ang seguridad ng mga bata ang inisip niya, mabu-bully ang kanilang mga anak kapag kinasuhan pa niya sina Sunshine at Macky.

Maraming ganitong kuwento ng mga artista na mas matindi pa nga kung tutuusin, talagang nagbilad sila ng kahihiyan sa publiko, pero paglipas nang ilang taon ay nagkasundo rin sila.

Dahil sa mga anak ay maraming prinsipyo ang nababali. Para sa kapakanan ng mga bata ay may mga giyerang personal na tinatapos ng mga magulang.

Huwag na tayong magtaka kung isang araw ay maging magkaibigan pa sina Cesar Montano at Sunshine Cruz. Para man lang sa kasiyahan ng kanilang mga anak na pareho nilang mahal.

Zsa Zsa Padilla – Naibenta ng halos PhP100 milyon ang bahay nila ni Dolphy

Nabenta na pala ang bahay na ilang dekadang tinirhan nina Tito Dolphy at Zsa Zsa Padilla. Kulang na isandaang milyon ang pinagbentahan ng bahay sa Marina Subdivision na ayon sa kuwento ng aming source ay pinaghati-hatian ng mag-iinang Zsa Zsa, Zia at Nicole.

Walang sinuman sa mga anak ng namayapang Comedy King sa ibang pamilya ang nagkaroon ng interes sa bentahan, nagkaroon na sila ng kani-kanilang bahagi sa mga naiwanan ng kanilang ama, pero may isang nagbigay ng suhestiyon kay Zsa Zsa.

Sana raw ay mapaglaanan naman ng singer-actress ang pagpapagawa ng musoleo para kay Tito Dolphy, nasa Heritage Park ang puntod ng Hari Ng Komedya, ilang taon na itong sumasakabilang-buhay pero wala pa ring musoleo.

Sabi ng isa sa mga anak ng yumaong komedyante, “Kahit maliit lang, para lang magkaroon ng bahay ang puntod ni daddy. Remember, he was a king.”

Wala namang problema kay Zsa Zsa, matagal na rin pala niyang planong patayuan ng musoleo ang puntod, kaya lang ay naghahanap pa siya ng arkitektong mamamahala.

Teka lang, di ba’t kilalang architect ang karelasyon niya ngayon na si Conrad Onglao, kundi man ito ang magdidisenyo sa musoleo ay marami itong kakilalang kapuwa arkitekto. – CSF

Have a comment on this article? Send us your feedback

Marso 16 – 31, 2018

	Alden Richards & Maine Mendoza
	Kathryn Bernardo
	Kathryn Bernardo & Daniel Padilla
	Ellen Adarna & John Lloyd Cruz
	Loisa Andalio
	Ronnie Alonte & Loisa Andalio
	Claudine Barretto & Mark Anthony Fernandez
	Manny Pacquiao
	Bernardo Bernardo

Alden Richards – May bagong gagawing serye sa GMA 7

Marami nang bumangga sa pader na nabukulan. Marami nang nagtangkang kalabanin ang isang network, pero ang resulta, ang artista ang nawala at ang istasyon ay nakatayo pa rin. Nakakamangha ang ibang tagasuporta nina Alden Richards at Maine Mendoza dahil inilalagay nila sa kanilang mga kamay ang kahihinatnan ng GMA-7 kapag hindi binigyan ng proyekto ang kanilang iniidolong loveteam. Iboboykot daw nila ang istasyon, magra-rally daw sila sa harapan ng GMA-7. Ano kaya ang kinakain sa agahan hanggang sa hapunan ng mga taong ito para magkaroon sila ng lakas ng loob na makipaglaban sa isang network? Pati ang mga advertisers ay inuudyukan pa nilang huwag magpasok ng commercials sa istasyon. Sumuporta lang daw ang mga ito kung sina Alden at Maine ang bumibida sa palabas. Kailangan bang tawasin ang mga fans nina Alden at Maine sa ganu’ng klase ng takbo ng isip? Mabuti na lang at mayroon namang mga tagasuprota ang AlDub na bukas ang isip. Naiintindihan nila na ang nagdedesisyon sa proyektong ibibigay sa kanilang mga artista ng istasyon ay nakahapay sa mahabang proseso. At pati ang mga artistang nakatakdang itambal kay Alden sa gagawin niyang serye ay isinusumpa na ngayon pa lang ng mga miyembro ng kanilang grupo. Kung pagsalitaan ng mga ito sina Janine Gutierrez at Sanya Lopez ay parang sa kanilang bulsa nagmumula ang kinakain ng mga inaalipusta nilang babae. Ano ba namang klase ng pag-idolo ang alam ng mga taong ‘yun? Magtayo na lang sila ng sarili nilang network para ang mga gusto nila ang dapat mangyari. Nakakaloka ang mga taong ganito. Kahit siguro ang kanilang mga idolo ay naiinis na sa kanila, sa totoo lang!

Kathryn Bernardo – Di rin nakaligtas, inupakan na rin sa social media?

Wala na talagang ligtas ngayon sa social media. Kahit sino na lang, kahit ano na lang ay puwedeng ibato laban sa kahit sinong personalidad para maupakan lang, mema lang. May lumabas na larawan ang magandang young actress na si Kathryn Bernardo na ang suot niyang damit ay may kalambutan ang fabric kaya kumakapit ‘yun sa kaniyang katawan. Aysus, umarya na agad ang mga walang magawa. Pinagdudahan na agad ng mga ito na nagdadalantao raw si Kathryn. Si Daniel Padilla raw ang ama ng kaniyang dinadala. Nakakaloka! Nagdamit lang na medyo may umumbok na bilbil, nagdadalantao na. Mano man lang inisip muna ng mga naninira sa young actress na kailangan pa niyang mas dumalaw sa gym para mawala ang kaniyang bilbil. Sigaw ng mga walang magawa, buntis na raw ang magandang young actress. Halatado na raw ang kaniyang tiyan. Panagutan daw naman kaya ni Daniel ang kaniyang sitwasyon ngayon?

Tawa kami nang tawa sa naging reaksiyon ng kaibigan naming propesor kahapon habang sabay kaming tumutungga ng kape. “Ang sarap-sarap sungalngalin ng pagmumukha ng mga naninira kay Kathryn! Ang sarap nilang tampal-tampalin! “Hindi ba puwedeng kakakain lang ni Kathryn noong kunan ang picture na ‘yun at nasarapan siya ng kain, nabusog, kaya umumbok ang kaniyang bilbil? “Spell I kasi ang mga grupong ‘yun dahil kitang-kita naman na nagrerespetuhan at nagmamahalan sila ni DJ! Magtigil nga sila!” naiinis ding reaksiyon ni prop.

Raymart Santiago at Claudine Barretto – May part 2 ang patutsadahan

Mukhang magkakaroon ng part two ang pagpapatutsadahan ng matagal nang hiwalay na mag-asawang Raymart Santiago at Claudine Barretto na nag-ugat lang sa ipinost ng kanilang anak na si Sabina. Nilinaw ng aktres na wala siyang kinalaman sa emosyong inilabas ng kanilang anak sa social media. Hindi raw niya kino-coach si Sabina na ganu’n ang sabihin, kaya huwag siyang pagbibintangang tinuturuan niya si Sabina. Pero sa pagdedepensa ni Claudine sa kaniyang sarili ay naungkat ang mga pagkukulang ni Raymart kina Sabina at Santino. May mga pinagkasunduan daw sila sa husgado na hindi naman tinutupad ng actor. Kaya siguradong mabubuhay na naman ang kontrobersiya sa pagitan ng naghiwalay na mag-asawa. Kahit daw ang pagdalaw sa mga bata ay hindi naman ginagawa ni Raymart nang regular. Kulang na kulang sa komunikasyon ang mag-aama, madiin pang sinabi ni Claudine. Kung nagpaliwanag lang daw ang aktor sa kanilang mga anak na mayroon na itong ibang karelasyon, kaysa sa nagdedenay pa, ay wala sanang ganitong senaryo. Nauungkat na naman ang usapin ng pera. Ang sinumpaang sustentong hindi naman natutupad. Ang paggabay dapat nila nang sabay kina Sabina at Santino na hindi nangyayari dahil hindi nagkikita ang kaniyang mag-aama. At marami pang ibang senaryo.

John Lloyd Cruz – Kailangan na ng hair transplant?

Guwapo pa rin at may malakas na appeal, pero ayon sa mga kababayan nating nakasabay nina John Lloyd Cruz at Ellen Adarna sa airport ay malaki ang nadagdag na edad sa aktor, bukod pa sa parang panipis na nang panipis ang kaniyang buhok. Kung dati raw ay mataas na ang hairline ni Lloydie pero nagagawan lang ng paraan ng kaniyang hairdresser ay ibang-iba na ngayon ang kaniyang buhok. Nangangailangan na raw ng hair transplant ang sikat na aktor, para maiwasan ang maaga niyang pagkakalbo. “Siya pa rin ang John Lloyd na hinahangaan ng mga Pinoy. Maganda naman kasi talaga ang kumbinasyon ng pagsikat niya. Guwapo na, super-galing pa niyang umarte. Bibihira lang naman ang ganoon, karamihan, e, kaguwapuhan lang ang puhunan. Si Lloydie, guwapo na, e, napakagaling pang umarte! Pero halatadong medyo tumanda siya; nawala ang freshness niya. Alam mo ‘yung feeling na sa sobrang pahinga, e, parang napabayaan pa nga niya ang katawan niya? Saka ang hair niya, mataas na ang noo niya, halatado nang kaunting panahon pa at mapapanot na siya. Well, mayaman naman siya, may magagawa siyang paraan para sa pataas nang pataas na niyang hairline,” pagpansin ng aming source. Anuman ang sabihin, John Lloyd Cruz is John Lloyd Cruz pa rin, ‘yun lang.

Ronnie Alonte at Loisa Andalio – Sila na nga ba?

Panauhin ni Vice Ganda sa kaniyang programa noong Linggo ng gabi sina Ronnie Alonte at Loisa Andalio. Nagasgas na ang dila ng TV host sa katatanong kung sila na ba, pero kung anu-anong palusot ang sinasabi ng kaniyang mga guests, kaya umariba ang taklesang dila ni Vice Ganda. Ang sabi ni Vice, “Naku, ayaw n’yo pang umamin, e, ganiyan na kayo ka-sweet in public, paano pa kung kayong dalawa na lang, magkapatong na kayo? Pasok sa banga ang komento ni Vice. Palakpak nang palakpak ang mga katabi naming nanonood, oo nga naman! Sige sila sa kadedenay, pero sila naman mismo ang nagkakanulo sa tunay nilang relasyon, ano nga naman ‘yun? Sabi nu’ng girl na ex daw ni Joshua Garcia na kasama rin sa The Good Son na kung tawagin ni prop ay “monotone starlet” dahil iisa raw ang tono ng boses at acting ke nagagalit, natutuwa, nagugulat ang young actress ay gagawin daw nito ang lahat-lahat para sa kaniyang pagmamahal kay Ronnie Alonte. E, becki si Vice, natural lang na ang kaniyang reaksiyon sa sinabi ni Loisa ay “Serbis!” Hagalpakan ang mga kasama naming nanonood. Ibang klase raw talagang bumanat ang sikat na komedyante-TV host. Patagilid lang pero sapul na sapul ang kaniyang kaharap. Sino naman ang bibili sa panindang pagdedenay nina Ronnie at Loisa na totoong sila na ngayon samantalang nagyayakapan na nga sila sa harap ng mga camera at sige sa paglalambingan?

Matagal nang pinagpipistahan ang kuwentong si Ronnie Alonte ang pinakaespesyal kay Vice Ganda sa hanay ng Hashtags. Kung anu-ano nang istorya ang lumabas tungkol sa kanila na idinedenay naman ng young actor. Pero on national television noong Linggo ng gabi ay sinabi ni Ronnie Alonte, “Ikaw ang unang bakla sa buhay ko!” habang nakatingin nang diretso sa komedyante-TV host. Napakahaba naman talaga ng buhok ni Vice Ganda. Mula ‘yun sa Monumento hanggang sa Baclaran!

Gretchen Barretto at Atong Ang – Magkasosyo lang sa negosyo?

Ang dami-daming nagtatanong sa amin. Nangungulit ang mga miron, ano raw ba ang relasyong mayroon sina Gretchen Barretto at Atong Ang? Bakit daw silang dalawa ang palaging magkasama at hindi ang businessman na si Mr. Tony “Boy” Cojuangco? Ayon sa isang source na nakakakuwentuhan namin ay abala raw kasi ngayon sina Gretchen at Atong Ang sa pakikipagtransaksiyon sa pagbebenta ng isang kilalang casino. Ibinebenta na raw kasi ‘yon ng mga banyagang nagpapatakbo, Ihinahanap daw ngayon ng buyer nina Atong Ang at Gretchen ang naturang sosyal na pasugalan, kaya palagi silang magkasama. Siguro naman ay nakararating sa ama ni Dominique ang palaging pagsasama ng aktres at ni Atong. Alangan namang walang kaalam-alam tungkol doon ang negosyante. Alam nito siyempre ang mga nangyayari. Pero bago pa ba naman ang isyung may ibang kasama si Gretchen? Matagal nang nangyayari ang ganiyan. Mas matindi pa nga ang iba, pero sa kabila noon ay buo pa rin naman ang relayon nila ni Mr. Cojuangco. Kapag nagpo-post si Gretchen ng mensahe niya para sa ama ng kaniyang kaisa-isang anak ay iisipin mong walang anumang problema sa kanilang relasyon dahil sa sobrang pagpaparamdam ng pagmamahal ng aktres sa kaniyang ka-live-in. At ang pinakamatinding ebidensiya ay sila pa rin hanggang ngayon ni Mr. Tony “Boy” Cojuangco, kaya puwedeng totoo ang istoryang magkasosyo lang sina Gretchen at Atong Ang sa negosyo, tama?

Alma Moreno – Sa kabila ng pagdoble ng katawan, napakaganda pa rin

Sa kabila ng pagdoble ng kaniyang katawan ay napakaganda pa rin ni Alma Moreno. Wala na ang bakas ng pagiging Ms. Eva Fonda niya noon pero ang kaniyang ganda ay marami pa ring pakakainin ng alikabok. Mas binibigyan na ng tutok ngayon ni Ness ang pag-arte kaysa sa pulitika. Ito naman kasi talaga ang una niyang minahal. Namulat na lang siya sa pulitika nang magkaroon sila ng relasyon ni dating Mayor Joey Marquez. Kahanga-hanga rin ang katatagan ng kalooban ni Alma Moreno. Marami siyang pampamilyang problemang pinagdaanan at pinagtagumpayan mula pa kina Mark Anthony Fernandez at Vandolph. At ilang pakikipagrelasyon na bang hindi nagtagal ang pinagdaanan ni Alma? Ang dami-dami na pero hindi pa rin siya tumitigil sa pagtitiwala sa pag-asang isang araw ay matatagpuan din niya ang lalaking makakasama niya nang panghabambuhay. Isa si Alma Moreno sa iilang artistang napakaganda may make-up man o wala. Walang maling parte ng kaniyang mukha at walang binago ng siyensiya sa kaniyang itsura. Isa lang ang palagi niyang sinasabi, “Katawan ko lang ang hindi nagpapigil. Kasama na ito sa pagdadagdag ng age. Kahit anong diet pa ang gawin mo, kapag nagkakaedad ka na, talagang dodoble ang katawan mo!” Pero magandang-maganda pa rin.

Mark Anthony Fernandez at Claudine Barretto – Balik tambalan?

Ayon sa aming impormante ay maayos na maayos na ang katawan ngayon ni Mark Anthony Fernandez. Bumabalik na raw ang sigla ng guwapong actor. Ilang panahon pa at handa na siyang sumalang uli sa harap ng mga camera. Halos sa gym na pala siya nakatira ngayon dahil malaking-malaki ang kailangan niyang habulin sa napabayaan niyang katawan habang nakakulong siya. “Naka-ready na ang script ng gagawin nilang movie ni Claudine Barretto. Sila na lang ang hinihintay ng Viva. Oras na okey na silang dalawa, diretso na ang trabaho,” kuwento ng aming source. At malapit na ring mapanood si Mark Anthony sa seryeng Ang Probinsiyano na pinagbibidahan ni Coco Martin. ‘Yon ang magsisilbing binyag ng apoy para sa guwapo at magaling na aktor mula nang makalaya siya. Kaabang-abang ang partisipasyon niya sa palabas na gabi-gabing inaabangan ng buong bayan. Sa mga huling pictures ni Mark Anthony ay hindi pa rin maitatago ang kaniyang kaguwapuhan. ‘Yun pa rin ang itsurang nagpasikat sa kaniya. Parang binatang Rudy Fernandez ang dating ni Mark. Tama ang palaging sinasabi ni Alma Moreno; dasal lang, walang hindi kayang baguhin ang panalanging sinsero para sa mga mahal natin sa buhay. Sabi pa ng aktres na maganda pa rin sa kabila ng paglusog, “Nakakalimutan ko na ngang ipagdasal ang sarili ko. Para sa mga anak ko na lang ang hinihingi ko. Wala naman akong ibang magagawa kundi ang ipagdasal na lang sila. “Kapag magkausap kami ni Mark, sinasabi ko sa kaniya na mas mahirap ang magsimula uli, pero kakayanin niya ang lahat. Tiwala lang ang kailangan ng anak ko. Kailangang maramdaman niya na marami pa ring nagmamahal at nagtitiwala sa kaniya,” komento ni Ness.

Senator Manny Pacquiao – Na-wow mali sa "Bayang Magiliw"

Sana naman ay magkaroon nang kahit kaunting pang-unawa ang mga umuupak ngayon kay Senador Manny Pacquiao dahil sa kaniyang pagsasabing “Bayang Magiliw” at hindi “Lupang Hinirang” ang titulo ng ating national anthem. Mali na kung sa mali, pero kailanman ay hindi nagpanggap ang Pambansang Kamao na alam niya ang lahat. Paulit-ulit niyang sinasabi na marami pa siyang kailangang matutuhan. Saka pass na ‘yon. Sa laki naman ng karangalang ibinigay ng senador-boksingero sa ating bayan ay ipakadidiin pa ba natin ang kaniyang kakapusan? Paano naman ang pagsusulat niya nang ilang ulit sa pangalan ng ating bayan sa mapa ng mundo? Nagkaroon ng karagdagang magandang imahe ang Pilipinas nang dahil kay Pacman. Sa ibang bansa nga, kapag sinabi mong Pilipino ka ay agad nang sasabihin ng kausap mong banyaga, “Oh, Manny Pacquiao! He’s a great boxer!” Doon man lang sana ay magkaroon na ng kunsiderasyon ang mga nangangalampag ngayon sa kaniya sa social media. At tanggapin natin ang katotohanan na mas nakararaming Pinoy ang nakakaalam na Bayang Magiliw ang titulo ng ating national anthem at hindi Lupang Hinirang. At hindi nag-iisa ang Pambansang Kamao. Noong kantahin ni Christian Bautista ang ating pambansang awit sa isang okasyon ay nakalimutan nito ang mga lyrics ng Lupang Hinirang. Kung sana’y nagmamarunong ang Pambansang Kamao. Kung sana’y nagpapanggap siyang perpekto. Kung sana’y wala siyang karangalang ihinandog sa ating bayan.

Bernardo Bernardo – Pumanaw na ang magaling na aktor

Sumuko na sa pakikipaglaban sa pancreatic cancer ang magaling na aktor ng entablado, telebisyon at pelikula na si Bernadro Bernardo. Si BB, si Bernie, ang masayahing aktor na maraming kaibigan sa industriya. Kuwento ni Richard Reynoso, ang namuno sa ibinigay naming benefit show para sa komedyante, “Noong dalawin namin siya ni Bebang (Beverly Salviejo) para iabot ang nalikom natin sa benefit show, napansin ko na ibang-iba na ang itsaura at kulay niya. “Valentine’s Day ‘yun, nag-try pa siyang magpakasigla, gusto niyang ipakita sa amin ni Beverly na matapang siyang lumalaban. Payat na payat na siya. Makikita mo ang napakalaking deteroration ng katawan niya. “Noong paalis na kami, e, inakbayan ko ang nag-aalaga sa kaniya. Ang sabi ko, e, tapatin niya ako, sabihin niya ang totoo. Sinabi sa akin ng kasama ni Bernie na halos hindi na siya nakakakain, kaya wala rin siyang idinudumi. “Ang ihi niya, e, kulay itim na. Makakain man siya nang kaunti, isinusuka rin agad niya. Sabi ko, dasal na lang talaga ang kailangan nating gawin,” kuwento ng mapusong singer. Ang taos-puso po naming pakikiramay sa mga iniwan ng isang magaling na anak ng lokal na aliwan, ng isang kaibigan, isang mapayapang paglalakbay kay Bernardo Bernardo. – CSF

Have a comment on this article? Send us your feedback

Abril 1-15, 2018

	Jessy Mendiola
	Joshua Garcia
	Kathryn Bernardo & Daniel Padilla
	Jake Zyrus
	Aiza "Ice" Seguerra
	Sen. Kiko Pangilinan, Sharon Cuneta & family
	John Estrada
	Patricia Tumulak
	Kris Aquino

Jessy Mendiola – OK naman sa Ang Probinsiyano, pero bakit binabash?

Nakakailang gabi pa lang sa Ang Probinsiyano ni Jessy Mendiola ay ninenega na ang dalaga. Sana raw ay ibang aktres na lang ang kinuha ng serye para gumanap sa papel ng nurse at hindi na lang ang girlfriend ni Luis Manzano.

Napakalakas ng loob na sabihin ng mga bashers ng dalaga na malas siya, baka raw dapuan ng kamalasan ang palabas nang dahil sa kaniya, kaya patayin daw sana agad sa serye si Jessy Mendiola.

Kung rating ang inaalala ng mga nangnenega kay Jessy ay wala nang magagawa ang ganoong katwiran, mula nang ipanganak ang Ang Probinsiyano ay hawak na ng serye ang pinakamataas na numero, kaya hindi makakaapekto ang pagpasok ng dalaga sa serye para mabawasan ang rating ng pinagbibidahang palabas ni Coco Martin.

Napanood na namin ang unang gabi ni Jessy sa matagumpay na serye, okey naman ang kaniyang rehistro, mukhang siya ang makapagbabawas sa kalungkutan ni Ricardo Dalisay dahil sa pakikipagrelasyon ni Alyanna kay JC Santos.

At buhay na buhay si Romulo Dumaguit (Lito Lapid), ang dating pinuno ng Pulang Araw na kasama na ni Cardo ngayon sa laban, naging malaking diskusyon para sa manonood kung buhay pa ba o patay na si Romulo nang pagbabarilin ni John Arcilla (Hipolito).

Sabi ni prop, “Ako, alam ko nang buhay pa si Romulo kahit pa binistay na siya ng bala ng napakasarap sunugin na si John Arcilla. May misyon pa sila, kailangan pang mamatay ni Alakdan (Jhong Hilario).

“Lilipulin muna ang masasama bago mamatay si Dumaguit, kaya ayan, buhay na buhay pa rin siya kahit pa ilang bala na ang pinakain sa kaniya ni Hipolito!” humahalakhak na komento ni prop.

Joshua Garcia – Mahusay na actor, may kapalit na si John Lloyd

Pambansang paghanga ang tinatanggap ngayon ni Joshua Garcia. Hindi lang ang kaniyang mga tagahanga ang nagbibigay-papuri sa husay niyang umarte sa The Good Son, kahit ang mga hindi pumabor sa kaniya noon sa PBB ay sumasaludo sa kaniya, may lagnat ang bayan ngayon sa magaling na young actor.

Masarap namnamin ang reaksiyon ng mga tagapanood ng serye na hindi na kailangang madaliin si John Lloyd Cruz sa muling pagharap sa mga camera. Heto na si Joshua Garcia.

Sa nagwawala-walaang magaling na aktor nga ikinukumpara ng mga kababayan natin ang talento ni Joshua. Mga matang nagdadayalog. Pag-arteng natural na natural. Pagbibitiw ng mga linyang nanununtok ng puso. Luha na parang galing sa gripong bukas na bukas na parang walang pagkatuyo.

Siya raw ang junior ni John Lloyd, hindi man ito ginagaya ni Joshua ay kitang-kita ang matindi nilang pagkakapareho sa pag-atake sa madadramang eksena, napakalayo pa ng naghihintay na magandang kapalaran para sa batang aktor.

Ang mga huling eksena niya sa serye nang mabitiwan niya ang mga kamay ng kaniyang ina na naging dahilan ng pagkahulog nito sa gusali at pagkamatay ay pinalakpakan ng buong bayan.

Malaki ang nagagawa ng mga workshop, pinipino ng proseso ng pag-aaral umarte ang talento ng sumasailalim sa workshop, pero ang ipinakikitang pag-arte ni Joshua Garcia ay kaniyang-kaniya lang.

Isa si Joshua Garcia sa mga produkto ng isang payak na nakaraan na hindi lang nginitian kundi hinalakhakan pa nga ng magandang kapalaran. Utang niya iyon sa pinagdaanan niyang kahirapan na nagtulak sa kaniya para mangarap at magsikap para sa katuparan ng kaniyang dasal na mabago ang takbo ng buhay ng kaniyang mahal na pamilya.

Parang bangkay ng tunay niyang ina ang hinahagulgulan ni Joshua. Parang nasa kusina lang siya ng kanilang sariling bahay kung makipag-usap siya kay Ronnie Lazaro na gumaganap niyang lolo na ang talento ay walang kakupas-kupas.

Lalong nakukuha ni Joshua ang simpatya ng manonood kapag inaaway-away at pinahihirapan siya ng kaniyang kapatid na ginagampanan ni Macoy de Leon na kailangan pang sumalang nang maraming beses sa workshop para matuto itong umarte nang natural.

Kakampi ni Joshua sa kaniyang laban ang mga kababayan natin, nakikiiyak sa kaniya ang manonood kapag minamaliit siya ng pamilya ni Eula Valdez, lalo na ni Jerome Ponce na puwede na ring pakawalan sa iba’t ibang karakter.

Paminsan-minsan talaga ay may ipinanganganak na artistang yayakapin at mamahalin ng publiko. Mayroong puhunang itsura si Joshua Garcia pero hindi siya ang tipong makikipagbakbakan sa kakisigan nina Piolo Pascual at Alden Richards.

Pero kapag humarap na si Joshua Garcia sa mga camera ay hinuhubad na niya ang lahat-lahat, inilulublob ng batang aktor ang kaniyang sarili sa role na ipinagkatiwala sa kaniya, halimaw ang batang ito sa pagbabagong-anyo.

Kathryn Bernardo – Humble, marespeto, masarap katrabaho

Habang papunta sa airport ay nag-text sa amin ang isang malapit na kaibigan nina Kathryn Bernardo at Daniel Padilla na si Ogie Narvaez Rodriguez. Ibinigay nito sa amin ang schedule ng mga shows ng KathNiel sa Amerika.

Doon na rin magdiriwang ng kaniyang kaarawan si Kathryn, sasamantalahin na ng kanilang pamilya ang bakasyon, dahil pagbalik ng sikat na loveteam ay mayroon na silang gagawing pelikula.

Makapamilya si Kathryn, basta may libre siyang panahon ay prayoridad ng magandang dalaga ang kaniyang mga magulang at kapatid, nagba-bonding sila dahil minsan-minsan lang silang nagkakasama-sama dahil sa higpit ng kaniyang schedule.

At aminado si Kathryn na takot siya sa kaniyang mga magulang, takot iyon na punumpuno ng respeto, kaya pinakikinggan niya ang mga payo ng parents niya.

Kuwento nga ni Ogie Narvaez Rodriguez, “Tingin lang ni Tita Min, kuha na agad ni Kathryn ang ibig sabihin. Ganoon siya ka-aware, kilalang-kilala niya ang mga galaw ng mommy niya.

“Kaya pagdating sa ugali, e, walang makapagsasabing kulang sa breeding si Kath. Maayos ang pagsubaybay sa kaniya ng pamilya niya, mabait na bata si Kathryn,” kuwento ng kaibigan ng pamilya.

Papuri naman ng produksiyon na nakakatrabaho ng dalaga ay hindi siya mareklamo, pinagagaan niya ang problema, hindi niya pinalalala.

Sabi ng aming kausap, “One time, e, nasugatan siya sa isang eksena ng La Luna Sangre. May kalaliman din ang sugat niya, pero wala kaming narinig na kahit anong reklamo mula sa kaniya.

“Napakabait na bata. Ang sarap niyang katrabaho, napaka-humble ni Kathryn at marespeto siya sa lahat,” kuwento ng aming source.

Jake Zyrus – Lalaking-lalake na si Charice, at ang galing pa rin!

Lalaking-lalaki na nga ang pakete ngayon ni Charice Pempengco bilang si Jake Zyrus. Burado na ang itsura ng batang sumali noong sa Little Big Star na nakadamit ng pambabae at mahaba ang buhok.

Naging special guest ang international performer sa last concert ng 4TH Impact, nang iluwa siya ng entablado ay talagang pormang lalaki na si Charice, itinapon na nga niya ang dati niyang anyo noong nagsisimula pa lang siya.

Positibong umepekto kay Jake Zyrus ang mga iniinom at ini-inject na male hormones sa kaniya, kumapal ang kaniyang boses, plantsado na ang kaniyang dibdib pero hindi namin napansin kung mayroon nang umuumbok sa kaniyang harapan.

Hindi pa nagaganap ang kaniyang pangarap na maging isandaang porsiyentong lalaki, pinag-iipunan pa siguro niya ang milyunang presyo ng proseso, kaya wala kaming napansing pagbabago na puwedeng sabihing kumpleto na ang kaniyang pagkalalaki.

Nadulas ang isang miyembro ng 4TH Impact, “Noong mga bata pa po kami, nakakasama namin si Charice sa mga amateur contest,” sabi nito. Ang mabilis na sagot ni Jake Zyrus, “May problema ba tayo?” saka sila sabay-sabay na nagtawanan. Ayaw na niyang tinatawag siya sa dati niyang pangalan.

Wala pa ring kupas ang talento ni Jake Zyrus, sa boses-lalaki niya ay abot na abot pa rin niya ang matataas na nota, nakakapanibago lang ang kaniyang boses na bukod sa kumapal na ay naging husky pa.

Ang nagagawa nga naman ng siyensiya sa mga taong gustong baguhin ang kanilang itsura bilang pagbibigay ng kaligayahan sa kanilang sarili.

Aiza Seguerra – Nagbitiw sa gobyerno dahil kailangang kumita

May nakausap kaming source na may alam tungkol sa pagbibitiw ni Aiza Seguerra bilang tagapamuno ng National Youth Commission. Mahal na mahal ni Ice ang kaniyang trabaho pero kailangan niyang magpaalam.

Sabi ng aming kausap, “Masyado kasi siyang taling-tali sa NYC. Nakakapag-show pa rin naman siya, pero di ba, bawal na sa kanila ang mga regular performances dahil nasa gobyerno na nga sila?

“E, paano naman ang family niya? Balita kasing maysakit ang parents niya, kailangan ng regular maintenance, saan nga naman niya kukunin ang malaking pangangailangan ng mga magulang niya kung wala siyang malaking kinikita?

“So, kahit napamahal na sa kaniya ang trabaho niya at nakapag-deliver naman siya as head ng commission, kailangan na niyang magpaalam,” pahayag ng aming kausap.

Nag-iisa lang siyang anak, hindi na bumabata sina Daddy Dick at Mommy Caring, siya lang ang inaasahan ng kaniyang pamilya.

Kung minsan talaga ay dumarating tayo sa sangandaan ng buhay kung saan kailangan nating mamili sa pagitan ng bokasyon at obligasyon para sa mga mahal natin sa buhay.

Ngayong wala na siya sa NYC ay malaya na siyang makakatanggap ng mga shows dito at sa iba-ibang bansa man, wala nang makakukuwestiyon sa kaniya, saka puwede pa rin namang makatulong si Ice sa mga proyekto ng gobyerno kahit wala na siyang posisyon.

Marami siyang pinakakawalang offer na magtanghal dahil sa kaniyang pagiging NYC head. Sumusunod siya sa alituntunin ng mga nakaupo sa pamahalaan pero kakambal naman noon ang matinding pangangailangan ng kaniyang pamilya.

Sharon Cuneta – Nakakaloka na naman ang mga hugot sa social media

May mga pagkakataong hindi na malaman ng aming mga nakakausap kung anu-ano at alin-aling posts ni Sharon Cuneta ang kanilang paniniwalaan. Sabi pa ng kaibigan naming si Sonia ay nalulukring na raw ito sa kaniyang mga nababasa.

Reklamo ni Mareng Sonia, “Naloloka na kasi ako sa mga posts ng Megastar! Minsan, alam mong galit siya kay Senator Kiko Pangilinan, kung anu-anong sama ng loob ang inilalabas niya.

“Ang dami-dami! Tapos, sa pagbabasa mo uli ng mga posts niya, todo naman ang papuri niya sa husband niya! Naloloka na ako pati ang mga friends ko, alin daw ba sa mga sinasabi ni Mega ang totoo?” tanong ng aming kaibigan.

Iyon din ang naging paksa ng magkakatropang artista sa kanilang pagtsitsismisan. Hindi lang naman mga reporters ang nagpipista sa mga isyu tungkol sa mga personalidad, ang mga artista ay mayroon ding sariling bersiyon ng kanilang “talk show,” at ang dami-dami nilang alam na kuwento.

Pinakamaganda ang payo ng kaibigan naming propesor, ang sabi nito, “Kailangang lumayo muna si Sharon sa kaniyang mga gadgets kapag emotional siya. Gasgas na ang linyang think before you click, mas magandang huwag na lang muna siyang mag-post, dahil kinakain niya naman ang mga pinagsasasabi niya, e!

“Kung wala siyang ipino-post, wala siyang babawiin-kakainin, tahimik ang buhay niya, walang mamba-bash sa kaniya dahil sa paiba-iba niyang pinagsasasabi!” May katwiran ang katwiran!

John Estrada – Makakasama ni Alden sa bagong serye sa GMA-7

Isang source na hindi nanununog at nangunguryente ang nagbalita sa amin na nasa GMA-7 na ngayon si John Estrada. May nakatakda na siyang gawing serye sa network at kung hindi magbabago ang plano ay kasama siya sa pagbibidahang serye ni Alden Richards.

Ilang linggo na lang mula ngayon at magtatapos na ang The Good Son, maganda ang papel na ginagampanan ng aktor sa palabas pero kinailangan siyang “patayin,” dahil sa naging away nila ni Mylene Dizon.

Ayaw lang magkomento ng mga nakasaksi sa kontrobersiyal na engkuwentro, pero totoo iyon, nakatikim ng sampal si John mula kay Mylene Dizon.

Puro flashback na lang ang partisipasyon ni John sa papatapos nang serye, siya pa ang itinuturong utak sa pagkawala nang milyun-milyong pera sa kumpanya, sumama ang image ni attorney.

Pareho na silang patay sa istorya ngayon ni Mylene, nahulog ito sa building, hindi kinayang iligtas ng anak nitong si Joshua Garcia na kapala-palakpak ang pagganap sa mga sumunod na eksena.

Malakas ang kutob namin na si Willie Revillame ang nagtulay sa pagkabilang-bakod ni John Estrada. Ganoon naman palagi ang papel na ginagampanan ng sikat na aktor-TV host.

Personal na problema man ang ilapit sa kaniya o tungkol sa career ng kaniyang mga kaibigan ay palaging nand’yan lang ang host ng matagumpay na Wowowin.

Patricia Tumulak – Siguradong uupak-upakan ng AlDub Nation

Kailangan nang ihanda ngayon ni Patricia Tumulak ang kaniyang sarili. Pasemyentuhan na niya ang palibot ng kaniyang puso dahil siguradong uupak-upakan na naman siya ng ibang miyembro ng AlDub Nation na matagal nang galit sa kaniya dahil sa sobrang pagseselos.

Pumirma ng kontrata sa GMA Artists Center si Patty Push, kaya nagrerebelde ang utak ng mga matagal nang naglalayo sa kaniya kay Alden Richards, baka siya raw kasi ang maging kapareha ng Pambansang Bae sa gagawin nitong serye sa network.

May gumugulo kasi sa isip ng ibang miyembro ng AlDub Nation, naniniwala ang mga ito na matagal na silang may relasyon ni Alden, lihim na lihim lang daw iyon at maganda lang silang magdala ng kanilang relasyon.

Ilang ulit nang nagpaliwanag ang dalawa na wala, wala, wala! Hanggang pagkakaibigan lang ang mayroon sila. Pero ayaw magpaawat ang mga nagduduldol kay Maine Mendoza sa Pambansang Bae, totoo raw na sila na, kaya kailangang mawasak agad ang kanilang closeness.

Hindi kaya nahihiya sa kanilang mga sarili ang mga taong iyon na pilit na pinagmumukhang engot si Maine Mendoza? Lantad na ang sinabi ng dalaga na wala silang relasyon ni Alden, hindi rin naman nagpapanggap ang sikat na aktor na sila ni Maine, pero hayan pa rin sila at kahit babaeng langgam at bubuyog ay bina-bash na agad nila kapag naging malapit sa Pambansang Bae.

Saang diksiyunaryo ng buhay kaya matatagpuan ang ganoong klase ng atake? Mga pasaway!

Kris Aquino – Mukhang may movie na, pero problema pa rin ang allergy

Iba-ibang reaksiyon ang tinanggap namin tungkol sa balitang gagawa ng pelikula si Kris Aquino sa Star Cinema kasama ang isang pambatong loveteam ng ABS-CBN.

May masasaya dahil sa wakas nga naman ay mukhang maganda ang hudyat ng 2018 para sa aktres-TV host, mula sa dalawang taong kawalan ng proyekto sa pelikula at telebisyon ay heto na siya, haharap na uli sa mga camera ang parang pinagtampuhan ng kapalarang si Kris.

Si Kris ang naging paksa naming magkakaibigan noong isang gabi. Wala kasing nakakaalam kung nasaan ngayon ang aktres-TV host, wala siyang inilalabas na impormasyon kung nasaan siya, isinangtabi rin muna niya ngayon ang pagtutok sa kaniyang mga social media account.

Ang kaniyang allergy ang pinoproblema ni Kris, paulit-ulit daw kasi iyon, malaking abala sa kaniyang pagtatrabaho ang pag-atake ng kaniyang allergy.

Nagkabiruan ang grupo, ang mga yayamanin daw talaga kapag nagkakasakit nang kahit simple lang, sa ibang bansa pa nagpapagamot. Samantalang tayo, kapag may nangati sa ating katawan ay papahid-pahid lang ng ointment, ang iba nga ay naglalaga lang ng madre de cacao para ipampaligo.

Pero wala sa balat ang allergy ni Kris, napakakinis pa rin ng kaniyang kutis, ang manipestasyon ng kaniyang allergy ay mas matindi. Hindi siya makahinga, hindi rin siya puwedeng basta uminom ng mga gamot, dahil parang sinasakal siya.

Kailangan na talaga niyang magpagamot para malaman ng mga espesyalista kung ano ang pinag-uugatan ng kaniyang allergy. Ang karaniwang dahilan ay alikabok, pero hindi naman siya naaalikabukan, maghapon at magdamag siyang naka-aircon.

Piling-pili rin ang kaniyang pagkain, alam ni Kris kung anu-ano ang puwede at bawal sa kaniya, pero umaariba pa rin ang kaniyang sakit. Gusto niyang ma-trace talaga kung ano ang nagiging sanhi ng kaniyang allergy.

Totoo, hindi nga ibinibigay sa isang tao lang ang lahat ng mga katangian at biyaya, sikat si Kris at milyonarya pero may pinoproblema naman siyang sakit. – CSF

Have a comment on this article? Send us your feedback

Abril 16 - 30, 2018

	Nadine Lustre & James Reid
	Joshua Garcia
	Mark Anthony Fernandez & Claudine Barretto
	Kris Aquino
	Maricel Soriano
	Marjorie Barretto & Chuchay
	Vice Ganda
	Kim Chiu & Xian Lim
	Liza Soberano
	Aiko & her 3rd Mayor boyfriend

JaDine – Kahangahanga ang acting sa Never Not Love You

Hindi na namin kailangan pang magsakripisyo sa traffic para lang mapanood ang pinakahuling pelikulang pinagtambalan nina James Reid at Nadine Lustre. Sa mga kuwento pa lang ng mga kaibigan naming nakapanood sa Never Not Love You ay parang nasaksihan na rin namin ang galing sa pag-arte ng JaDine.

Bukod sa magagandang reviews na lumalabas sa mga pahayagan ay nakakakuwentuhan din namin ang maraming nanood ng pelikula. Mismong si Lourd de Veyra, isang magaling na manunulat at musikero, ang nagbigay sa amin ng impormasyon na maganda ang pelikula.

“Matapang ang JaDine! Maayos din ang pagkakasulat ni Tonette Jadaone ng script. Hindi pang-insulto sa manonood ang kabuuan ng movie. Malayo ang mararating ng loveteam na ito!” paghanga ni Lourd de Veyra kina James at Nadine.

Isang magaling na nobelista rin ang nakausap namin tungkol sa pelikula, ayaw na lang nitong ipabanggit ang kaniyang pangalan, nakakahiya raw kasi sa mga proyekto ng mga kaibigan nito na hindi nakatanggap ng papuri mula sa kaniya.

“Nagulat ako kina James at Nadine. Ang akala ko kasi, e, mga kabataan ito na ang alam lang, e, ang magpa-tweetums, ang magpakilig sa mga fans nila, pero hindi pala.

“Puwede na silang isabak sa mga mas seryoso pang roles. Magaling si James, may emotion placement siya, at mas magaling ang babae! Magaling si Nadine, malalim, matapang!” pagbibigay-papuri ng kaibigan naming nobelista.

Ano kaya ang masasabi ngayon ng direktorang madaldal na nagtangkang ibagsak ang JaDine? Makahirit pa kaya ito ngayon? 

Nadine Lustre – Pakikinabangan ng VIVA kung magsosolo na

Sa totoo lang, kapag nababasa namin ang mga pamba-bash kay Nadine Lustre ay mas tumataas ang paghanga namin sa katapangan ng young actress, masyado na kasing personal ang mga ibinabato laban sa kaniya.

Nand’yang pagpistahan ang maitim niyang kili-kili, ang kaniyang kuyukot na puwede na raw pagtaniman ng kamote sa kaitiman, grabe! Pero sa kabila ng lahat ay nand’yan pa rin si Nadine, patuloy na ginagawa ang makapagpapasaya sa kaniya, wala siyang pakialam sa mga pumapansin sa kaniyang katawan.

Malakas ang loob ni Nadine. Sa isang panahon na nagpapaligsahan sa pagiging mahinhin sina Kathryn Bernardo at Liza Soberano ay nag-iba siya ng linya.

Kinunan niya ang kaniyang sarili na naka-two-piece bathing suit na halos kita na ang pisngi ng kaniyang langit, ibang-iba nga naman siya sa kaniyang mga kakontemporaryo.

E, nagsalita pa siya ng pagiging liberal sa pakikipag-live-in, samantalang ang mga kasabayan nga niyang youngstars ay ni hindi halos nagpapakita ng mainit na emosyon sa publiko?

Pero kung mag-iiba na talaga ng linya si Nadine at iiwanan na niya ang pakikipag-loveteam kay James Reid at sasabak na siya sa pagpapa-sexy sa pelikula ay napakalaki ng magiging pakinabang sa kaniya ng Viva na nag-aalaga sa kaniyang karera.

Siguradong susuportahan ng mga kalalakihang manonood ang kaniyang proyekto, pipilahan ang kaniyang pelikula, at minsan pa nating mababasa ang linyang a new sexy siren is born. 

Joshua Garcia – Walang dudang malayo ang maaabot ng aktor

Natuldukan na nitong April 12 ang kuwento ng seryeng The Good Son. Naparusahan na ang pumatay kay Albert Martinez, ang inikutan ng istorya, inabot nang 48 years ang imbestigasyon bago natuklasan kung sino ang salarin.

Sayang lang dahil hindi nakasama sa pagtatapos ng palabas sina John Estrada at Mylene Dizon, mahalaga pa naman ang mga papel na kanilang ginagampanan, kinailangan silang “patayin” sa istorya dahil sa kontrobersiyang kinapalooban nila sa mismong set ng serye.

Sa kanilang lahat ay lumutang ang galing sa pag-arte ng tatlong personalidad. Natural lang na manguna sa galing umarte si Eula Valdez na kahit anong role ang gampanan ay sulit na sulit ang tinatanggap nitong talent fee.

Kapala-palakpak din ang galing ni Nash Aguas, mula noon hanggang ngayon ay hindi binibigo ng binata nang aktor ang manonood, kakambal na ng kaniyang inunan ang husay sa pag-arte.

Pero sa kanilang apat na young actors ng serye ay siguradong walang papalag kung sasabihin namin na ang talagang nagbenepisyo sa The Good Son ay ang produkto ng PBB na si Joshua Garcia.

Si Joshua at ang kaniyang malalim na hugot sa pag-arte, si Joshua at ang kaniyang natural na pagtatawid ng kuwento, si Joshua at ang napakasimple pero epektibo niyang pagganap.

Maraming panahon pang mapakikinabangan ng ABS-CBN ang young actor na ito. Nakuha niya ang pulso ng publiko, nakiiyak sa kaniya ang manonood, siya ang pinakakarne ng The Good Son.

Claudine Barretto – Kinakarir ang pagda-diet at gym

Kinakarir talaga ni Claudine Barretto ang pagda-diet at matiyagang pagpunta sa gym. Kailangan niyang magpapayat dahil may gagawin silang pelikula ni Mark Anthony Fernandez sa Viva Films.

At hindi lang ang aktres ang dapat magbawas ng timbang, binibigyan din nang sapat na panahon ngayon ni Mark Anthony ang pagdyi-gym, kailangang sabay silang pumayat para sa nakaplano nilang gawing pelikula.

Sakripisyo para kay Claudine ang pagda-diet, ilang taon na siyang nagtatangkang magpapayat, pero hindi niya ma-achieve ang pinupuntirya niyang timbang. Palagi siyang bigo.

Noong minsang makasabay siya ng aming kaibigan sa isang grocery ay nakita nito kung anu-ano ang laman ng punumpunong cart ni Claudine. Pero pampataba.

Sabi ng aming kausap, “Paano nga siya papayat, e, puro pampataba ang mga binibili niya? May mga junk foods, mayonnaise, pork and beef, paano siya makapagpapapayat kung ganoon ang mga kinakain niya?”

Kaya malaking sakripisyo para kay Claudine ang tinanggap niyang hamon ng Viva, hindi sila makapagsisimulang mag-shooting ni Mark Anthony kung matataba pa sila, kaya kailangang tutukan nila talaga ang pagbabagsak ng timbang.

Hindi puwedeng tanggalin kay Claudine ang mundong minahal niya, miss na miss na niya ang pagbabalik sa harap ng mga camera, kaya ang nakikita nating picture niya ngayon na payat na payat na siya ay isang palatandaan na malapit na natin siyang mapanood uli. 

Kris Aquino – Nainsulto dahil gustong ligawan ng isang OFW

Pinagpipiestahan na naman si Kris Aquino ng kaniyang mga bashers. Tama rin naman ang obserbasyon at opinyon ng marami nating kababayan na sana’y hindi na lang pinatulan ni Kris ang isang kababayan nating OFW (@mandi_monaco ) na nagtangkang manligaw sa kaniya.

Sana’y hindi na lang niya binigyan ng panahon ang lalaking nambobola sa kaniya, dinedma na lang sana niya, tutal naman ay madalas niyang sabihin na silence is the best answer to a fool.

Pero mukhang nainsulto kasi si Kris, kaya ang naging sagot niya na dahilan ngayon ng pamba-bash sa kaniya, too smart and too pretty raw siya para patulan ang pambobola ng OFW.

Iyon na! Nabuhay uli ang dugo ng kaniyang mga bashers, nasaan daw ang paglalarawan niyang pretty siya, samantalang kapag wala nga siyang make-up ay hindi siya nakikilala?

At paano raw masasabi ni Kris na too smart siya para pumatol sa lalaki, samantalang siya mismo ang nagbubuyangyang sa publiko kung paano siya nabola ng mga lalaking nauugnay sa kaniya, nasaan daw ang pagiging too smart doon?

Maraming naangasan at nayabangan sa aktres-TV host sa naging sagot niya sa lalaki, lumulutang pa rin daw ang panunukat ni Kris sa estado ng kaniyang kapuwa, porke raw ba OFW ang nagtangkang manligaw sa kaniya ay ganoon na ang postura niya?

Maricel Soriano – Babalik na sa TV ang Diamond Star 

Nagkakagulo na ang mga tagahanga ni Maricel Soriano, hindi na sila mapakali, gusto na nilang hilahin ang panahon para mapanood na uli nila ang Diamond Star sa isang serye.

Kumpirmadong kasama sa cast ng The General’s Daughter si Maricel, ang seryeng ito ang papalit sa time slot ng matagumpay na Ang Probinsiyano na malapit nang magwakas matitinding personalidad na naman ang bibida sa serye.

Panahon na para muling mapanood si Maricel sa isang seryeng gabi-gabing susubaybayan ng ating mga kababayan. Sayang ang kaniyang talento kung basta nakapahinga lang. hindi man kalawangin ang husay niya sa pag-arte ay iba pa rin iyong nand’yan siya at nakikipagsabayan.

Sabi ng isang kaibigan namin ay si Maricel Soriano raw ang female version ni John Lloyd Cruz, ang pagkakaiba lang nila ay walang lovelife na tinututukan ngayon ang Diamond Star, pero pareho silang mas gustong magpahinga kesa sa magtrabaho.

Pana-panahon lang ‘yan. Namahinga man nang mahabang panahon si Marya ay ito na ang oras na hinahanap na ng kaniyang katawan ang pagtatrabaho. 

Marjorie Barretto – Inihantad na ang bunsong anak sa publiko

Kapuri-puri ang giangawang pagbawi ni Marjorie Barretto sa karapatan ng kaniyang anak na matagal din niyang naipagdamot dahil sa maraming kunsiderasyon. Ang mga nawalang panahon ay sinasamantala niya naman ngayon para mabigyan niya ng kaligayahan ang kaniyang bunsong si Chuchay.

Nag-aaral si Chuchay sa isang pribadong paaralang pinapasukan din ng mga anak ng isa naming kaibigan. Noong minsan, sa selebrasyon ng araw ng mga magulang ay dumating ang pulitikong ama ng bata, humabol din sa programa si Marjorie.

Text ng aming kaibigan, “So, it’s true. May anak nga pala si Marjorie sa politician. Nandito kasi sila ngayon, center of attraction nga sila. Nice naman, hindi nila pinababayaan ang anak nila.”

Sa maraming pagkakataon, kapag magkakasama ang buong pamilya, ay naglalabas ng mga retrato si Marjorie at ang mga anak nila ni Dennis Padilla. Pero walang pangalan ang isang batang babae na kasama nila. Kung minsan naman ay sadyang iniaalis na lang ang bata sa retrato.

Sa inilabas na video ni Marjorie para sa kaarawan ni Chuchay (Erich ang tunay na pangalan ng bata) ay isa kami sa pinakamaligayang ina sa mundo.

Gusto naming yakapin si Marjorie Barretto kapag nagkita kami. Yakap ng pasasalamat, yakap ng paghanga, dahil nanindigan siya na ang bawat bata ay regalo ng langit.

Vice Ganda – Sikat, mayaman, but it’s lonely at the top

Hindi na bagong kuwento ang pag-atake ng anxiety kay Vice Ganda. Iyong natatakot siyang mapag-isa, iyong may kailangan siyang kasama sa kuwarto lalo na kapag nagigising siya sa madaling-araw, marami kaming kuwentong alam tungkol sa ganoon.

Kapag naabot na ng personalidad ang ituktok ng tatsulok ng popularidad ay ganoon talaga ang nararamdaman niya. May takot na bumubulabog sa kaniyang isip, kaya ang pinakamadaling paraan, kailangang maraming taong nakapaligid sa kaniya.

Nasa rurok ng tagumpay ngayon si Vice Ganda. Sikat na sikat siya, mayamang-mayaman na, kaya may takot na nararamdaman ang komedyante tungkol sa pagkawala niya sa gitna ng aksiyon.

Kasali iyon sa laban, iyon ang presyong kailangan niyang pagbayaran bilang pinakasikat na komedyante-TV host ngayon, doon na pumapasok ang kasabihang “It’s lonely at the top.”

Bakit ba maraming nakapaligid sa isang sikat na personalidad? Bakit ba maraming kaibigang kailangang nagpapatawa sa kaniya? Bakit ba kapag dumadalo sa kahit anong selebrasyon ang isang sikat na artista ay ang dami-daming nakapaikot-nakabuntot sa kaniya?

Umaandar na kasi ang anxiety attack. Isang uri ng kalungkutan iyon na walang nakakaalam kung saan nagmumula, tanging ang may katawan lang ang nakakaalam, kaya kailangan niyang gamutin.

Pero magaling pa ring magdala si Vice. Naihihiwalay niya iyon kapag humaharap na siya sa mga camera. Lagalag pa rin siya, makulit, na parang wala siyang pinagdadaanan nang nakaraang gabi.

Umaatake lang ang ganoong emosyon kapag nag-iisa na lang siya, kapag patay na ang mga ilaw ng entablado, kapag tunog na lang ng aircon ang kasama niya.

Masarap na mahirap maging sikat. Hindi man sinasabi iyon ni Vice Ganda ay iyon ang palaging naglalaro sa kaniyang isip. 

Xian Lim at Kim Chiu – “Joke” ba ang relasyon?

Matagal na panahon muna ang lumipas bago may naniwalang magkarelasyon nga sina Xian Lim at Kim Chiu. Joke lang ang tingin ng mga kababayan natin nang lumutang ang balitang magkarelasyon na sila.

Ewan kung bakit ayaw silang paniwalaan. Palaging kinukuwestiyon ang estado ni Xian, hindi raw totoo ang kuwento, promo lang daw iyon para sa kanilang tambalan.

Hanggang sa palagi na nga silang magkasamang nagbabakasyon sa iba-ibang bansa. May mga naniniwala na sa relasyon nila, hindi nga naman magiging masaya ang dalaga sa bakasyon nila ni Xian kundi sila nagmamahalan, pero sa pinakahuli nilang bakasyon ay bina-bash si Xian.

Kung bakit naman kasi inilabas pa ng aktor ang video nila ni Kim habang nakasakay sa isang parang ferris wheel na mas malakas pa ang mga tili ni Xian kesa sa young actress.

Ang mga ganoong video ay itinatago na lang, para sa personal na kolekyison na lang nila ni Kim dapat ang ganoon, para hindi siya naba-bash. Para iwas na siya sa intriga.

Pero isinapubliko pa niya ang video na habang sigaw-tili ang kaniyang ginagawa ay prenteng-prente naman si Kim, walang kanerbiyus-nerbiyos, kabaligtaran ng aktor na parang hindi na makahinga sa sobrang takot.

Kung minsan ay ang personalidad na rin kasi ang nagpapasimuno kung bakit siya tinutuligsa ng mga netizens. Siya mismo ang nagsusubo ng dahilan para siya buskahin.

Kung hindi niya inilabas ang video na tili siya nang tili, di wala sanang dahilan para siya buwisitin ng mga taong naghihintay lang ng pagkakataon, di sana’y tahimik ang kaniyang buhay ngayon.

Pero si Xian Lim ang naglabas ng video, wala nang ligtas sa social media ngayon, kumaliwa at kumanan ang artista ay siguradong pupunahin pa rin siya.

Anong napala ngayon ni Xian Lim sa paglalabas niya ng video na pinaghirapan niyang buuin pero parang bala naman palang ipampapatay sa kaniya? 

Liza Soberano – Bina-bash na naman dabil nagulat at napa-mura 

Sinamantala ng ibang grupo ang pagkagulat-pagmumura ni Liza Soberano para pakainin siya ng ampalaya. Panay-panay ang pamba-bash sa magandang young actress dahil sa isang litanyang hindi niya naman ipinupukol kahit kanino.

May nanggulat kay Liza mula sa likuran, napapitlag siya, nakapagsalita ng mahina lang namang “Put—na!” E, ang ganda-ganda nga naman ng dalaga, mahinhin pa, kaya para sa mga namba-bash ay hindi katanggap-tanggap ang nagawang pagmumura ni Liza.

Lahat naman ng tao ay nakapagmumura, sadya man o dahil lang sa pagkabigla, pero ang munting linyang iyon ay parang isang napakalaking krimen nang kailangang pagdusahan ng napakagandang young actress.

Hindi naman nagpapanggap na perpekto si Liza, tao lang siyang nagkakamali, gugustuhin ba naman niyang ihain ang kaniyang katawan sa lungga ng mga buwitreng naghihintay lang ng isang false move para upak-upakan siya?

Hindi magandang ehemplo, totoo iyon, pero maaari lang gamitin ang ganoong argumento kung palaging nagmumura ang dalaga. Kung sana’y bulaklak na ng kaniyang dila ang pagmumura.

Kung sana’y hinahaluwan niya ng pagmumura ang bawat pangungusap na sinasabi niya. Pero hindi naman. Nagkataon lang na nagulat siya, napamura siya, nasaan naman ang krimen doon?

Bawat tao’y nakalilimot at nakagagawa ng hindi maganda, pero hindi naman nangangahulugang kailangan na niyang pagbayaran iyon nang habambuhay, pukpukin ba ng maso ang aspile? 

Aiko Melendez – Mayor na naman ang boyfriend. Pang-tatlo na!

Mayor na naman ang karelasyon ni Aiko Melendez. Mula sa dalawang mayor na nakarelasyon niya (Mayor Herbert Bautista at Mayor Patrick Meneses) ay si Mayor Jay Khonghun ng Subic ang boyfriend ngayon ng aktres.

Ayon kay Aiko ay matagal na raw hiwalay ang pulitiko sa kaniyang misis, isang kuwentong ikinagugulat ng mga empleyado ng isang kilalang parlor, dahil kliyente nila ang misis ni mayor.

Kung ang mga ito ang paniniwalaan ay hindi pa hiwalay si Mayor Khonghun at ang misis nito, magkasama pa rin sila, pero alam ng misis na si Aiko Melendez ang third wheel sa kanilang relasyon ni mayor.

Gusto pa nga raw makipag-usap ng misis ni mayor sa mga reporters, kung ano ang kaniyang mga ipagtatapat ay hindi namin alam, pero malinaw ang kuwento ng mga taga-parlor na hindi pa hiwalay si Mayor Jay at ang misis nito.

Hindi namin alam kung sinabi ni mayor na hiwalay na sila ng kaniyang misis, na pinaniwalaan naman ni Aiko, kaya pumasok siya sa ganyang relasyon.

Sabi ng aming kausap, “Hindi pa sila hiwalay. Nagulat nga iyong wife ni mayor sa lumabas na balita sa tabloid na hiwalay na raw sila. Kaya nga gusto niyang may makausap na reporters.”

May anak-anakan kaming pinsan ng boyfriend ni Aiko, si Kristoffer Khonghun, matanong nga ang aming anak-anakan kung ano ang katotohanan sa kuwentong ito. –CSF

Have a comment on this article? Send us your feedback

Mayo 1-15, 2018

	Jasmine Curtis Smith
	Kris Aquino & Bimby
	Korina Sanchez
	James Yap & Michela Cazzola
	John Estrada
	Piolo Pascual & Arci Muñoz
	James Reid & Nadine Lustre
	Willie Revillame

Kris Aquino – Magaling talagang tumayming sa social media

Ano kaya ang nakain ni Kris Aquino nitong mga huling araw kaya sobrang galit na galit siya at parang wala siyang pakialam kung sinuman ang kaniyang mga nasasagasaan?

Nasira ba ang kaniyang tiyan? Nakakain ba siya ng ayaw ng kaniyang sikmura kaya siya nagkakaganyan? Nasaan na ang kaniyang mga kapatid sa pagkakataong ito?

Magaling talagang tumayming si Kris Aquino. Talagang itinaon niya sa story conference ng balik-pelikula niya sa Star Cinema ang pagpapasabog niya ng mga rebelasyon laban kay James Yap.

Siya nga naman ang laman ng lahat ng mga pahayagan ngayon, bidang-bida siya sa social media, naangkin niya nang solo ang atensiyon ng publiko.

Parang naghahanap lagi ng kaaway si Kris. Pagkatapos ni James Yap ay ang magaling na news anchor naman na si Korina Sanchez ang kaniyang inupakan? Tinawag niyang “misis ni Mar Roxas” si Ate Koring, hindi niya nagustuhan ang lumabas na feature ng Rated K tungkol kay James at sa mag-ina nito, kaya siya nagwarla.

Nasanay raw kasi si Kris sa hindi pagsagot ni James sa kaniyang mga upak. Nananatiling tahimik lang ang ama ni Bimby sa kahit anong pintas at pasaring na ginagawa niya.

Sabi ng isang direktor na kausap namin, “Nakakatakot talaga siyang makarelasyon! Lahat-lahat, e, ibinubuyangyang niya sa publiko, wala siyang pakialam sa damdamin ng taong minsan din naman niyang minahal!

“Afraid! Nakakaawa naman si James,” malungkot na komento ni direk.

Bimby – Maraming awang-awa dahil sa ginagawa ng ina

Marami ring awang-awa kay Bimby dahil gamit na gamit daw ang bata sa pangliligalig ni Kris Aquino kay James Yap. Kung mayroon man silang hindi pagkakaunawaan ng kaniyang dating mister ay hindi dapat makaladkad ang pangalan ni Bimby dahil magkahalong dugo naman nila ang nananalaytay sa mga ugat ng bagets.

Sa ngayon ay hindi pa masyadong mararamdaman ni Kris ang resulta ng pang-aaway niya kay James, pero tatakbo nang mabilis ang panahon, magiging pasang-krus ng bata ang mga pinagdadaanang kontrobersiya ng kaniyang mga magulang.

Ayaw na ayaw pa naman ni Kris na nabu-bully ang kaniyang anak. Na dapat lang namang hindi mangyari.

S isang umpukan ng mga reporters ay walang ibang naging paksa kundi ang hanggang ngayo’y pinagpipistahang kontrobersiya na pinaputok ni Kris laban kina James at Korina Sanchez.

Nag-boomerang daw sa aktres-TV host ang paborito niyang linyang silence is the best reply to a fool. Halos ma-lock na raw ang kaniyang mga panga sa matinding galit, pero sina James at Korina ay cool na cool lang, ni hindi binibigyan ng mga ito ng panahon ang mga upak sa kanila ni Kris.

Sabi ng isang kasamahan naming manunulat, “Bakit hindi gayahin ni Kris ang mag-inang Karla Estrada at Daniel Padilla? Itinapon nila ang pait, kaya sila nakapag-move on? Sana, ganoon din ang gawin ni Kris para magkaroon siya ng peace of mind.”

Susog naman ng isa pang reporter, “Mahirap ang sitwasyon ni Kris. Lumalabas na kaya siya nagkakaganyan kay James, e, dahil maligaya ang buhay ngayon noong isa. Ang ine-expect niya siguro, e, hahalik sa lupa si James noong magkahiwalay sila, pero kabaligtaran ang nangyari.

Korina Sanchez – Nagalit si Kris dahil sa interview kay James at Michela

Sa lahat ng mga pinakawalang bira ni Kris Aquino laban sa “misis ni Mar Roxas” ay may isang aspetong napakasensitibo. Tumutukoy iyon sa hindi pagkakaroon ng anak ni Korina Sanchez.

Ang bawat babaeng nagpapamilya ay nangangarap na magkaroon ng anak. Ang iba’y nagpapagamot, ang iba nama’y nagsasayaw pa sa harap ng simbahan, dahil ang pagkakaroon ng anak ang kumukumpleto ng isang pamilya.

Pagkatapos daw niyang magdasal ay binago ni Kris ang kaniyang paghusga kay Korina tungkol sa motherhood na hindi nito naranasan, pero ang salitang nabitiwan na ay hindi na maaaring bawiin, nakapanakit na iyon ng damdamin.

Sana’y nag-isip muna si Kris bago niya sinalat ang paksang siguradong bubukol nang matindi sa kaniyang pinatutungkulan. Pero hindi siya nagpigil, sa sobrang galit niya kay Korina dahil sa pagpapalabas ng panayam kina James Yap at Michela Cazzola ay nagpatianod siya sa poot, hindi kinayang hawakan ni Kris ang kaniyang emosyon.

Sana’y inisip na lang niya na napakasuwerte niya dahil mayroon siyang Josh at Bimby. Wala man siyang karelasyon ngayon ay nand’yan naman ang kaniyang mga anak na nagpupuno sa mga kulang sa buhay niya.

Napakasakit noon para kay Ate Koring. Dahil ang obyus na ay mas ipinagdiinan pa ni Kris. Kung minsan talaga, kapag ramdam natin na hindi tayo maligaya ay nangdadamay tayo ng iba, nalilimutan nating bilangin ang magagandang regalo sa atin ng kapalaran.

Naku, tantanan na sana ni Kris ang pagpapairal ng galit sa mga taong nakasama rin naman niya nang matagal na panahon, huwag siyang nagsusunog ng tulay dahil baka isang araw ay doon din siya tumawid.

Kris vs. James – Sana’y gayahin ang ibang naghiwalay na mga celebrities

Kapag may pinagpipistahang kuwento tungkol sa mga personalidad na nagkahiwalay, lalo na’t nanumumbat ang babae at lantarang hinuhusgahan ang lalaki sa publiko, ay masarap magbigay ng ahemplo ng mga artistang nagkahiwalay rin pero tahimik ang sitwasyon.

Masarap banggitin ang relasyong Vilma Santos-Edu Manzano, Christopher de Leon-Nora Aunor, Snooky Serna-Ricardo Cepeda, Maricel Soriano-Cesar Jalosjos, Rommel Padilla-Karla Estrada at marami pang ibang nagkahiwalay na personalidad.

Silang lahat ay nagkaroon ng mga anak, pero walang anumang alingasngas na maririnig mula sa kanila, wala silang sinasabi laban sa isa’t isa.

Maaaring nagkakaroon din sila ng mga pagtatalo, pero sinasarili na lang nila ang pag-aartgumento, hindi na nila iyon ipinaaabot pa sa publiko para sila mapagpistahan.

Totoong-totoo na nawala man ang pagmamahalan ay puwedeng maiwanan ang pagrerespetuhan. Minsan isang panahon ay nagmahalan din naman sila, naging saksi ang publiko sa kanilang mga pagpapalitan ng papuri, kaya bakit nila iyon tatapusin kapag naghiwalay na sila ng landas.

Ang kanilang mga anak kasi ang malalagay sa kahihiyan kapag pinairal nila ang galit, ang poot, ang matinding panunumbat sa harap ng publiko. Kung mayroon man silang disgusto sa isa’t isa ay doon na lang dapat magsimula iyon at magtapos, huwag nang idamay pa ang kanilang mga anak, dahil hindi naman nakapamimili ang mga supling ng kanilang magiging magulang.

Sabi nga ni prop, “Look at Martin Nievara and Pops Fernandez, mas matindi pa nga ang nangyari sa hiwalayan nila, may third party. Pero hindi nila ibinilad sa publiko ang mga kapintasan nila!

“Tanggap pa nga ni Pops ang anak ni Martin kay Katrina Ojeda, di ba? At lumaking masasaya ang magkapatid na Robin at Ram. Magaling silang magdala,” papuri ni prop sa dating mag-asawa.

John Estrada – Panibagong pakikisama, bagong kapaligiran sa GMA7

Kinumpirma ng aming kausap na nakalipat na sa GMA-7 si John Estrada. Doon na mapapanood ngayon ang aktor na nakaladkad ang pangalan sa pambabastos kay Mylene Dizon.

Pormal siyang inireklamo ng aktres sa mga ehekutibo ng ABS-CBN, mahaba ang report ng reklamo ni Mylene, detalyado. Agarang kumilos ang mga pinagsumbungan, “pinatay” agad ang kaniyang karakter sa The Good Son, pinatay na siya sa kuwento ay napabintangan pang nagnakaw ng pondo ng kanilang kumpanya.

Panibagong kuwadra na naman ang pagtatrabahuhan ngayon ni John. Panibagong pakikisama, bagong kapaligiran, na sana’y pumabor na sa kaniya. Huwag na sanang maulit pa ang kuwentong kinasadlakan niya habang nagtatrabaho sa kabilang istasyon.

Magaling pa namang umarte si John, puwede siyang itapat kahit kanino, dahil napakalawak na ng kaniyang natutuhan sa departamentong ito mula nang mamaalam siya sa modelling.

Dapat ding itatak ni John Estrada sa kaniyang isip na wala na ang kaniyang manager na si Tatay Douglas Quijano, ang nirerespetong personalidad sa showbiz, na kapag nasasangkot sa mga kontrobersiya ang kaniyang mga alaga ay agad nang may nakahandang damage control para maunawaan ng publiko ang mga alaga nito.

Wala nang ganoon. Kani-kaniyang langoy na ngayon ang mga alaga ng manager, wala nang sasangga para sa kanila, napakalaking kawalan noon para sa mga alaga ng namayapang manager.

Maraming naniniwala na ang gumawa ng paraan para makalipat sa GMA-7 si John ay ang kaniyang kaibigang si Willie Revillame. Palagi namang ganoon, si Willie ang nagsisilbing tulay sa pagtawid ng kaniyang mga kaibigan sa kabilang ibayo, hindi maramot ang aktor-TV host sa mga humihingi ng tulong sa kaniya.

Sa isang bagay lang naman sumablay si Willie, nang lumapit sa kaniya si Kris Aquino, ginawa ni Willie ang lahat pero walang naging positibong resulta.

Jasmine Curtis Smith – Bagong leading lady ni Alden Richards

Parang nakikinita na namin ngayon pa lang ang mga salitang pagtitiisang lunukin ni Jasmine Curtis Smith kapag natuloy ang pagtatambal nila ni Alden Richards.

Dalawang taong kontrata ang pinirmahan ng young sister ni Anne sa GMA-7, kontratadong artista rin ng Artists Center ng network si Alden, kaya hindi malayong sila ang magkatambal sa proyektong pinaplano ng istasyon.

Ngayon pa lang ay umaalagwa na ang dila ng ibang AlDub fanatics, pinipintas-pintasan na si Jasmine, bakit daw isang starlet lang ang kailangang itambal sa Pambansang Bae samantalang nand’yan naman si Maine Mendoza?

Masasaya naman ang mga loyalista ni Alden, okey para sa kanila si Jasmine, kaya hati na naman ang AlDub Nation sa kanilang mga opinyon ngayon.

Ingat sila kay Jasmine, hindi basta nauupo lang sa isang sulok ang dalaga, sumasagot siya sa marespetong paraan dahil matalino siya.

Saka bakit kailangang pangunahan ang network, kung sinu-sino sa kanilang palagay ang puwedeng pagtambalin ay labas na doon ang mga nagmamarunong, magtayo na lang sila ng produksiyon para igawa ng pelikula ang kanilang mga idolo.

Magaan katrabaho si Jasmine Curtis, napakapropesyonal niya, kinakaya niya ang pagtatrabaho nang dalawang linggo dito at saka lilipad pauwi sa Australia para tutukan ang kaniyang pag-aaral.

At please, hindi siya starlet, may tinanggap na bang parangal sa husay sa pag-arte ang babaeng ipinagpipilitan nila kay Alden Richards?

Willie Revillame – Maraming kumukumbinseng tumakbong mayor ng Kyusi

Nasa sangandaan ng kaniyang buhay ngayon si Willie Revillame. Sa mga susunod na linggo ay kailangan na niyang magdesisyon. Papasukin ba niya ang mundo ng pulitika o ipagpapatuloy na lang niya ang pagtulong sa ating mga kababayan sa pamamagitan ng kaniyang programang Wowowin?

Alam namin ng magaling na broadcaster na si Ted Failon ang mga nagaganap ngayon. Paulit-ulit na binabalikan si Willie ng mga kilalang pulitiko sa Quezon City para kumbinsihing tumakbong mayor ng lunsod.

Ilang pulitiko na ang nakikipagmiting sa aktor-TV host, mayroon pang resulta ng survey na ipinakikita ang mga ito sa kaniya, sana raw ay tanggapin na ni Willie ang alok para makagalaw na ang partido.

Hindi na kuwestiyon ang mabuting puso ni Willie sa pagtulong sa ating mga kababayan. Maraming buhay na ng mga kapuspalad na Pinoy ang binago niya ang antas ng kabuhayan sa pamamagitan ng kaniyang mga programa. At kung pagtulong lang ang magiging barometro ng pagtatagumpay sa mundo ng pulitika ay napakalaki ng laban ni Willie.

Pero ang tanong, nasa puso ba ni Willie ang pakikilahok sa pulitika, noong mga nakararaang taon ay marami na ring lumapit sa kaniya para tumakbong gobernador ng Nueva Ecija pero hindi niya iyon pinagbigyan.

Ngayon ay sa Kyusi naman ang inilalapit na posisyon sa kaniya, mas masisidhi ang mga pulitikong nang-iimbita sa kaniya ngayon, talagang binabantayan ng grupo ang kaniyang magiging desisyon.

Payo ng mga nagmamalasakit niyang kaibigan ay kailangan lang muna niyang makinig, balansehin niyang mabuti ang sitwasyon, para kapag nagdesisyon siya ay isandaang porsiyento na siyang handa sa malaking laban.

Pero kung destiny talaga ni Willie Revillame ang maging lingkod-bayan ay walang makahaharang sa kaniyang paglahok sa mundo ng pulitika.

May nakapag-isip ba noon na magiging senador pala ang Pambansang Kamao?

Piolo Pascual – Kuwela ang tambalan nila ni Arci Muñoz

Kuwela ang tambalan nina Piolo Pascual at Arci Muñoz sa kanilang seryeng Since I found You sa ABS-CBN. Magaan, nakakatuwang baon ang palabas sa ating pagtulog, maromansang-makomedya.

Siyempre’y wala pa ring kakupas-kupas ang kaguwapuhan ni Piolo, ang ganda ng kaniyang katawan ang ginagawang ulam ngayon ng mga becki, kahit nagkakaedad na kasi ang singer-actor ay hawak pa rin niya ang kakisigang kinababaliwan ng mga kababaihan.

At lutang pa rin ang kaniyang talento, sa mahahabang dialogues niya bilang isang boss na galing sa hirap at hinding-hindi na babalik pa sa kahirapan ay magaling siyang magtawid.

Kikay naman ang dating ni Arci, bagay na bagay sa kaniya ang role, may mga naninibago lang sa kaniyang itsura na halatadong sumailalim sa maraming pagbabago.

Si Piolo ang pambenta ng serye, matagal na kasi siyang hindi napapanood nang gabi-gabi sa telebisyon, tulad noong buhay na buhay pa ang tambalan nila ni Judy Ann Santos.

Sabi nga ni prop, “Napakaguwapo pa rin ni Piolo kahit nadadagdagan ang age niya. Para siyang alak na mas tumatagal, lalong sumasarap.”

James Reid – Kailangang tulungan si Nadine para maging secure

Para maiwasan ang mga isyu ng tabigan at kung anu-ano pang kuwento ng kamalditahan ni Nadine Lustre ay kailangan nilang magtulungan ni James Reid.

Nakakaawa naman kasi ang aktres, palaging siya ang napupuruhan, sa kaniya nabubunton ang mga sisi at paghusga kapag may mga kababaihang lumalapit sa kaniyang boyfriend.

Wala na talagang ligtas ngayon sa social media. Lahat ng kilos ng artista ay puwede nang kunan ng kahit sino at basta i-post. Pagkatapos noon ay kaliwa’t kanang pamba-bash na ang kasunod, ang pagpipista kung saan masasakit na komento ang tinatanggap ng personalidad, wala siyang kalaban-laban kapag ganoon.

Ang pinagpipistahan ngayon ay ang pagtabig ni Nadine sa isang fan na nakikipag-selfie sa kaniyang boyfriend na si James. Malinaw ang video. Grabe ang panglilibak kay Nadine ng mga bashers, parang wala nang bukas pa para sa sexy young actress, ikinukumpara pa siya ngayon kay Marian Rivera na reyna rin ng pagiging selosa.

Kung ayaw raw ni Nadine na may mga nagpapakuha ng picture sa kaniyang boyfriend ay huwag na lang kasi silang lumalabas. Pampublikong lugar ang bar, napakaraming naglilibang-umiinom, kaya natural lang na makakuha ng atraksiyon at atensiyon ang isang guwapo at sikat na personalidad na tulad ni James.

Sa tagal na raw ng kanilang relasyon, ayon pa sa mga umuupak sa kaniya sa social media, ay wala pa ring tiwala si Nadine sa kaniyang sarili. Ang ugat daw ng selos ay insecurity, kaya kapag pinalilibutan na ng mga babae si James, ay umaariba ang kaniyang pagseselos, ang dahilan kung bakit niya tinabig ang babaeng nakikipag-selfie sa kaniyang boyfriend.

Dapat ding maging sensitibo si James sa mga ganoong sitwasyon, ang guwapong aktor na sana ang umiwas, makipagtulungan dapat ito kay Nadine para hindi naman palanging nagiging negatibo ang imahe ng kaniyang girlfriend.

Matagal nang kuwento ang hilig sa paglabas-labas ng aktor na hindi kasama si Nadine. At kapag nasa bar na si James, natural lang na makakuha ito ng atensiyon ng mga babaeng nandoon, nakikipagharutan din naman kasi si James.

Hindi puwedeng si Nadine lang ang nag-aalaga sa kanilang relasyon, kailangang makipagtulungan si James, para hindi sila nalalagay sa alanganin.

Ikinatutuwa ba ni James Reid na palagi na lang ninenega ang kaniyang girlfriend sa social media? Nakakaawa naman ang babae kapag palaging ganyan, bira kung bira ang napapala ng aktres, habang prenteng-prente lang naman ang kaniyang boyfriend. – CSF

Have a comment on this article? Send us your feedback

Mayo 16-31, 2018

	Vice Ganda (Photo by Henry Balanial)
	Vic Sotto
	Heart Evangelista & Chiz Escudero
	Nora Aunor
	Korina Sanchez
	Michela Cazzola & James Yap
	Sarah Geronimo
	Gerald Anderson & Bea Alonzo
	Willie Revillame
	Arci Muñoz
	Sharon Cuneta
	Gabby Concepcion

Vice Ganda – Wala nang makakapigil sa popularidad

Panahon ngayon ni Vice Ganda. Anumang pagbatikos ang gawin ng kaniyang mga bashers ay walang kahit sinong makapipigil sa kaniyang popularidad. Kaniyang-kaniya ang entablado ngayon dito sa Pilipinas at sa iba-ibang bansa man.

Sa Winnipeg na lang, ilang araw pa bago ang kaniyang concert ay sold-out na ang tickets. Marami pang gustong manood pero wala nang makuha, dahil sabik na sabik ang mga kababayan natin sa Winnipeg na mapanood siya nang personal.

Ang mga sumunod niyang concert ay ganoon din, talagang sinuportahan siya ng mga kababayan natin, SRO ang kaniyang mga shows.

Hindi kasi dinadaya ni Vice Ganda ang kaniyang audience, ginagastusan niya ang kaniyang mga outfit, nagsasama siya ng personal make-up artist at wardrobe consultant niya para maging maayos ang kaniyang itsura sa pagharap sa publiko.

Sabi ng aming source, “Hindi lang milronaryo si Vice, bilyonaryo na siya! Sa laki ng talent fee niya sa mga shows abroad, panalung-panalo na siya! Malaki, pero kumikita naman ang mga producers, kaya siya ang kinukuha.

“Malaki rin ang talent fee niya sa It’s Showtime, siya naman kasi ang talagang inaabangan ng mga televiewers, hindi masarap panoorin ang noontime show kapag wala siya,” kuwento ng aming kausap.

Pero marunong humawak ng pananalapi ang sikat na aktor-TV host, mayroon lang siyang halagang inilalaan para sa kaniyang mga granatsa at pang-PR sa mga nagugustuhan niyang boys. Matalino sa paghawak ng pera ang bakla!

Bossing Vic Sotto – Hindi tatanggap ng Dolphy Memorial Award

Samantala, naging ugat ng pagtatalo at pagpapalitan ng mga salita nina Vice Ganda at kasamang Gorgy Rula ang espesyal na parangal na ihahandog ng FAMAS para sa komedyante.

Hindi lang naman ang kolumnista ang nagtatanong, marami pang iba, kung bakit si Vice Ganda ang tatanggap ng Dolphy Memorial Award at hindi si Bossing Vic Sotto.

Sino raw ba ang pumili ng paghahandugan ng award? Ang pamunuan ba ng FAMAS o ang mga anak ng namayapang Hari Ng Komedya?

Sa pamamagitan ng manager ni Direk Eric Quizon na si Tita Dolor Guevarra ay nakuha namin ang mga detalye ng proseso kung paano at bakit si Vice Ganda ang napiling pagbigyan ng Dolphy Memorial Award.

Nakipag-usap pala ang pangulo ng FAMAS kay Direk Eric Quizon para magpaalam tungkol sa espesyal na parangal. Walang problema, sabi naman ng aktor-direktor, sinu-sino raw ba ang mga personalidad na pamimilian?

Nang isa-isa nang banggitin ng pangulo ng institusyon nang FAMAS ang mga pangalan sa listahan ay wala ang pangalan ni Bossing Vic Sotto.

Muling tanong ni Direk Eric, sino ba ang palagay ng FAMAS ang tatanggap ng award, ang sagot naman ng pangulo ng award-giving body, sa survey daw ng ginawa ng grupo ay si Vice Ganda ang nanguna, kaya sa komedyante-TV host nila ihahandog ang Dolphy Memorial Award.

Malinaw ang kuwento. Wala ang pangalan ni Bossing Vic Sotto sa listahan. Si Vice Ganda ang nanguna sa kanilang survey. Hindi ang mga anak ng Comedy King ang pumili ng paghahandugan ng award.

Heart Evangelista – In the family way na!

Wala nang mahihiling pa ngayon si Heart Evangelista. Magkakaprodukto na sila ni Senador Chiz Escudero. Iyon ang kukumpleto sa kaniyang buhay may-asawa.

Nagbibiruan nga kaming magkakaibigan, baka raw ang napaglilihian ni Heart ay ang masasarap nilang putahe sa Barrio Fiesta, lalo na ang ipinagmamalaki nilang kare-kare.

Pero mali kami. Puro pagkaing puti ang hinahanap ni Heart sa kaniyang paglilihi. Basta puti ay aprubado sa kaniya. Ayaw rin niyang nakakaamoy ng iginigisang pagkain.

Palaging ganoon ang mga nagdadalantao, iwas na iwas sila sa amoy ng bawang at sibuyas, mabaho para sa kanila ang paggigisa.

Pero hindi pa man lumalaki ang sanggol sa sinapupunan ni Heart ay mayroon nang mga taong walang magawa na inaatake ang bata at ang magiging itsura nito.

Ewan kung saan nanggagaling ang hugot ng mga taong iyon, pati ba naman ang binhi na walang kamalay-malay ay idinadamay na ng mga ito sa kalokohan, may kunsensiya pa ba ang mga taong ganoon?

Ang bawat bata ay isang nakapalaking biyaya. Napakatagal na hinintay ni Heart ang pagkakataong ito para makumpleto na ang kanilang pagpapamilya ng senador, pero hindi pa man ay pinupuntirya na ng mga walang magawa, sana’y hindi na lang pansinin ng aktres ang mga ganitong kalokohan para hindi siya ma-stress.

Nora Aunor – May bagong kontrata sa GMA7 ang Superstar

Pumirma na ng kontrata sa GMA-7 si Nora Aunor. Maaasahan nang bibigyan ng magagandang oportunidad ng Kapuso network ang Superstar.

Sana’y maging maganda ang takbo ng career ng singer-actress sa Siyete, kailangang samantalahin na niya ang pagkakataon, dahil hindi na siya bumabata.

Matagal ding nagserbisyo sa TV5 ang Superstar nang bumalik siya sa bansa mula sa ilang taong pamamalagi sa Amerika. Lahat ng magagandang proyekto ay ibinigay sa kaniya ng pamunuan ng TV5.

Sabi ng aming kausap, milyun-milyon ang tinanggap niyang talent fee noon sa TV5, nakailang taon din siya doon, pero ang ipinagtataka ng mga katrabaho niya, e, bakit hindi man lang siya nakapagpundar ng bahay at sasakyan?

“Wala siyang sariling car, hatid-sundo lang siya kapag may taping siya, kahit limang sasakyang mamahalin, e, kayang-kaya niyang ipundar noon!

“Hanggang ngayon, e, nangungupahan pa rin siya, hindi man lang niya naisipang bumili ng bahay noong kalakasan ng kinikita niya. Nakakapanghinayang lang,” kuwento ng aming kausap.

Nagbabago ang panahon, kung paanong nagbabago rin ang tao, kaya hindi pa naman huli para maisipan ni Nora Aunor na bigyan ng prayoridad ang kaniyang mga pangunahing pangangailangan.

Malay naman natin, baka talagang mas gusto niyang nangungupahan na lang para wala siyang problema kapag may nasisira, baka ayaw rin niyang bumili ng sasakyan para walang siyang iniintinding driver?

Kani-kaniyang prayoridad lang naman ‘yan, pero bilang isang personalidad na tinitingala pa rin hanggang ngayon ay mas maganda kung uunahin muna ni Ate Guy ang kaniyang mga kailangan, kesa sa kung anu-anong bagay.

Korina Sanchez – Ninang ng 2nd baby ni James at Michela

Nagpakamanghuhula ang mga kababayan natin sa lumabas na kuwentong tinanggap na ni Korina Sanchez ang pagnininang sa ikalawang anak nina James Yap at Michela Cazzola.

Hula ng mga netizens ay bubula na naman ang bibig ni Kris Aquino kapag naganap iyon, siguradong parang dragon na namang magbubuga ng apoy ang aktres-TV host, dahil parang kinakalaban na talaga siya ng misis ni Mar Roxas.

Iyon ang usap-usapan ngayon, kinuha nang ninang nina James at Michela ang palabang news anchor para sa ikalawa nilang anak. At pumayag naman si Ate Koring.

Walang mali, sakali ngang totoo ang balita, may karapatan sina James at Michela na kuning ninang ng kanilang anak ang kahit sino. Sila ang mga magulang ng bata, sila lang ang may karapatang mamili kung sino ang gusto nilang maging pangalawang magulang ng kanilang supling, walang maaaring manghimasok sa kanilang gusto.

Walang karapatang magalit si Kris kung tanggapin man ni Korina ang pagnininang, naniniwala rin si Korina sa kasabihan na malas ang pagtanggi sa pagnininang sa munting anghel, kahit pa ang simpleng panayam lang nito sa magkarelasyon ay ikinagalit na ni Kris sa kaniya.

Puwedeng isipin ni Kris na talagang tinitirya siya ni Korina, na talagang inaasar at iniinis siya, pero ano naman ang krimen kung magninang nga si Ate Koring sa binyag ng bata?

E, di mag-anak na lang uli siya, kunin din niyang ninang si Korina, para it’s a tie na ang laban, di ba naman?

Sarah Geronimo – Sukdulang pagod, pressure at stress

Kung maraming nakikisimpatya sa buhay na mayroon si Sarah Geronimo ngayon na nasa kaniya na ang lahat pero pakiramdam ng singer-actress ay hungkag pa rin ang kaniyang puso ay mayroon ding mga kababayan natin na nagbibigay ng kakaibang interpretasyon.

Sa nangyari sa kaniyang concert salas Vegas na bumigay ang singer-actress dahil sa mga bitbit niyang emosyon ay nakuha ni Sarah ang pakikisimpatya ng ating mga kababayan.

Ang nalagay tuloy sa alanganin ay ang kaniyang mga magulang, lalo na si Mommy Divine, na kilalang-kilala sa pagiging mahigpit kay Sarah sa lahat ng aspeto ng kaniyang buhay.

Sukdulan ang umatake kay Sarah Geronimo. Sukdulang pagod. Sukdulang pressure. Sukdulang stress. Natural lang na nagaganap ang ganoong pagkaburyong kapag puro trabaho ang mula umaga hanggang gabing ginagawa ng kahit sino.

Kahit sinong personalidad ay nakakaramdam ng ganoon. Mahal nila ang kanilang propesyon pero para na silang makinang kayod na lang nang kayod sa araw-araw na nagiging mekanikal at rutina na para sa kanila.

Pero kakaiba ang pananaw ni SOS, ang kaibigan naming silent critic ng mga personalidad, ganito ang kaniyang komento sa ipinakitang emosyon ni Sarah.

“Sobrang disappointed po kami kay Sarah. All along, akala namin, e, strong woman siya. Totoo po na maraming sikat at mayaman na hindi masaya, pero nasa right attitude pa rin po iyon.

“Dapat po, e, hindi siya nagdu-dwell sa negative. Count her blessings na lang sana at gawin niyang motivation ang napakaraming taong napapasaya niya. In the first place po, e, bilang entertainer ang trabaho niya.

“Paano po kung bawiin sa kaniya ng Diyos ang lahat ng blessings niya, tutal naman pala, e, hindi siya masaya sa fame and fortune na mayroon siya? Feeling empty pa rin pala siya despite everything?

“Kahit po malaking factor kung bakit hindi siya masaya, e, dahil sa paghihigpit ng mga magulang niya, still, life is what we make it. Siya pa rin ang magde-decide kung saan siya magiging masaya.

“Kung hindi pala siya masaya sa buhay niya ngayon, e, di mag-quit na lang siya sa showbiz, hindi po kasi maganda para sa amin ang message na ipinararating niya sa publiko.

“Dapat, e, thankful, grateful at contented tayo sa mga blessings na tinatanggap natin,” mahabang pag-aanalisa ni SOS tungkol kay Sarah Geronimo. Maraming salamat.

Bea Alonzo – Totoo bang tapos na sila ni Gerald?

Ewan kung magiging kapani-paniwala ang deklarasyon ni Bea Alonzo na hiwalay na sila ni Gerald Anderson. Bitin kasi ang kaniyang sagot nang may magtanong sa kaniya kung sila pa ba ng aktor.

“Hindi sa ngayon,” sabi ni Bea. Walang kahit anong detalye kundi ang nag-uusap pa rin daw naman sila ni Gerald.

Sa kasaysayan ng pakikipagrelasyon ni Bea ay ito ang mamarkahan bilang pinakamaigsi. Matagal siyang humawak ng relasyon. Ilang taon ang itinagal ng pakikipagrelasyon niya kay Mico Palanca maging kay Zanjoe Marudo.

Maraming nagpapalagay na kaya niya sinabing hindi sa ngayon ay dahil mayroon siyang pelikula, si Derek Ramsay ang kaniyang leading man, pero pagkatapos na maipalabas ang pelikula ay sila na uli ni Gerald.

Nagbibigayan lang siguro sila dahil noong ipalabas naman ang proyektong pinagtambalan ng binatang aktor at ni Pia Wurtzbach ay ganyan din ang kanilang deklarasyon.

Hiwalay na sila, binura pa nga ni Bea ang mga retrato nilang magkasama ni Gerald sa kaniyang IG account, pero pagkatapos ay sila na naman uli.

Willie Revillame – Maraming kumukumbinsi, sasabak kaya sa politika?

Ilang pulitiko na mula as Quezon City ang hali-haliling nakikipag-meeting kay Willie Revillame. Matindi ang kanilang imbitasyon para kumandidatong mayor ng lunsod ang sikat na aktor-TV host.

Pinakikiharapan naman sila nang maayos ni Willie, nakikibalita siya sa mga nagaganap sa mundo ng pulitika ng siyudad na matagal niya nang tinitirhan, pero nagdadalawang-isip siya kung pagbibigyan ang imbitasyong tumakbo ng mga nagpupuntahan sa kaniya.

Sa susunod na taon pa ang eleksiyon, may mahabang panahon pa para siya makapag-isip, kailangan niya munang humingi ng payo sa kaniyang mga kaibigang pulitiko na malapit sa kaniya.

Sa pagtulong sa mga kapuspalad nating kababayan ay wala nang kuwestiyon, marami nang buhay na binago ni Willie, hindi biro ang isang milyon, bahay at lupa at sasakyang ipinamimigay niya sa masusuwerteng kalahok sa kaniyang programa.

Doon pa lang ay maligaya na si Willie, kuwento niya, “Kapag umuuuwi ako after ng taping, ang saya-saya ko, lalo na kapag may nakakakuha ng jackpot. Iyon ang pinakamasayang point ng buhay ko as a host.

“Iyong may nananalo, iyong may nakapag-uuwi ng house and lot, sasakyan at one million pesos. Sobra ang saya ko kapag may mga natutulungan ako, dala-dala ko iyon hanggang sa matutulog na ako,” sabi ng aktor-TV host.

May kinausap siyang pulitiko na hindi maaaring magsinungaling sa kaniya. Humingi siya ng payo kung kailangan pa ba niyang pumasok sa pulitika o sapat na ang pagtulong na ginagawa niya sa Wowowin.

Simple lang ang tugon ng kaibigan at pinaniniwalaan niyang politician, “Ayaw mo sa ngayon, pero kung ‘yan talaga ang destiny mo, wala ka nang magagawa. Ayaw mo man, siguradong doon din ang bagsak mo.”

Isang kaibigan niya naman ang nagkomento na dahil sa lawak ng naaabot ng pagtulong niya sa mga kababayan nating kapuspalad ay mas magiging paborable kung tatakbo siyang senador.

Sa pinakahuling survey sa mga barangay sa Quezon City ay siya ang tinatawag na strong number 2, magkadikit sila sa survey ni Vice-Mayor Joy Belmonte, lumabas ang resulta sa isang panahon na hindi pa lumalantad at nagdedeklara si Willie Revillame na tatakbo siyang mayor ng lunsod.

Arci Munoz – Patol nang patol, ipinaglihi na rin sa patola

Nakakaloka si Arci Munoz, ipinaglihi na rin sa patola. “Pak you all!” naman ang kaniyang ganti sa mga nagkokomentong nagpapa-cute siya sa seryeng pinagtatambalan nila ni Piolo Pascual.

Sabi pa ni Arci ay inggit na inggit lang daw ang mga pumapansin sa acting niya dahil wala silang Piolo Pascual na ka-partner. Ganoon ang arya ni Arci.

Kung nananahimik noon si Arci sa mga pumupuna sa kaniyang itsura na ibang-iba na dahil sa hilig niyang magparetoke ng mukha ay hindi niya napigilan ang pakikialam ngayon ng kaniyang mga bashers sa role niya sa serye.

Iyon daw kasi ang kanaturalan ng role na ipinagkatiwala sa kaniya, alangan naman daw na kontrahin niya ang script, samantalang artista lang naman siya sa palabas at hindi niya kontrolado ang daloy ng kuwento.

Dahil sa komento niyang “Pak you all!” ay umani ng mga pagpuna at upak ang dalaga, bastos daw siya, walang breeding, kaya kung makapagkomento siya ay ganoon na lang, pabastos din.

Paminsan-minsan ay nasisilip namin ang seryeng pinagtatambalan nila ni Piolo, okey naman ang dating ni Arci, alam mong ganoon ang pagkakapakete sa papel na ginagampanan niya.

Parang tactless na parang nagpapa-cute kay Piolo, nag-iinarte siguro ang dating noon para sa iba, pero kung iyon ang kaniyang packaging ay hindi niya puwedeng baguhin ang kaniyang acting.

Sharon Cuneta – Ayaw nang makatrabaho si Gabby

Nagsalita na nang tapos si Sharon Cuneta na hinding-hindi na niya gagawin ang pelikulang pagtatambalan dapat nila ng kaniyang dating karelasyong si Gabby Concepcion.

Hindi ngayon, dahil sa mga susunod na linggo at buwan, bahala na si Batman! Napuno na siguro ang Megastar dahil sa dami ng mga rekotitos na hinihingi ni Gabby.

Pumayag na nga naman siyang mas malaki ang talent fee ng aktor, pumayag na rin siyang mas mauna ang pangalan nito sa billing, pero kung anu-anong kaartehan pa rin ang pinalulutang ni Gabby.

Sana’y ang kanilang mga tagasuporta na lang ang iniisip ni Gabby, huwag na ang kung anu-anong interes, bilang pagbabalik ng pasasalamat sa kanilang mga fans ay nakipagkita na lang sana si Gabby sa gitna.

Sabi ng aming source, “Mayroon pa ngang agency na kumukuha sana sa kanila ni Gabby para mag-endorse ng isang product, pero hindi natuloy, si Gabby rin ang naging problema. Okey na si Sharon, napakadali niyang kausap.

“Kung ano ang decision niya, ‘yun na rin ang dapat maging decision ng manager niya, walang kaproble-problema! Pero si Gabby na naman ang naging dahilan, kung anu-ano ang hinihingi niya, kaya ayun, shelved ang TVC sana nila,” pahayag ng impormante.

Kaya huwag nang umasa ang kanilang mga diehard followers na magkakaroon pa ng posibilidad ang muling pagsasama sa pelikula ng kanilang mga idolo.

Nagsalita na si Sharon, at kaya niyang panindigan ang kaniyang sinabi, hindi ngayon at sa mga susunod na linggo at buwan. Hinding-hindi. Ayaw na niyang makatrabaho ang ama ng kaniyang panganay. – CSF

Have a comment on this article? Send us your feedback

Hunyo 1-15, 2018

	Daniel Padilla & Kathryn Bernardo
	Vice Ganda
	Luis Manzano
	Jake Zyrus
	Jessica Sanchez
	Claudine Barretto
	Cesar Montano
	Herbert Bautista & Tates Gana
	Kris Aquino
	Sharon Cuneta

KathNiel – Huling pagtatambal na ang La Luna Sangre

May impormasyong nakarating sa amin na huling pagtatambal na ng KathNiel ang pelikulang ginagawa nila Kathryn Bernardo at Daniel Padilla ngayon. Kahit sa telebisyon ay pinakahuli na ang La Luna Sangre.

Ngayon pa lang ay binubuo na ang seryeng pagbibidahan ni Kathryn na iba ang katambal niya at hindi si Daniel. Matinding kalungkutan ang hatid noon para sa kanilang mga tagahanga, katangian na ng mga solidong fans ng bawat loveteam ang ayaw maipareha ang sinuman sa kanila sa ibang artista, pero walang dapat ikalungkot at ipangamba ang mga KathNiel loyaists.

Sa trabaho lang sila magkakahiwalay, pero ang puso nila ay para pa rin sa isa’t isa, malalim na ang relasyon nina Daniel Padilla at Kathryn Bernardo na hindi maaaring paghiwalayin ng trabaho lang.

Naging emosyonal si Kathryn nang pangunahan niya ang opening prayer sa pagbubukas ng ikaapat na sangay ng KathNails noong Sabado (May 26) nang hapon sa Robinson’s Place, Manila.

Sobra-sobra ang pasasalamat ng magandang young actress dahil sa loob lang nang isang taon ay nanganak na nang nanganak ang negosyo ng kanilang pamilya.

Ang pagbubukas ng ikaapat nilang branch ang naghuhudyat din ng unang-taong anibersaryo ng KathNails kaya doble ang selebrason. Ang unang binuksan ay sa SM-North, ikalawa ang sa Ayala Malls sa Balintawak, ikatlo ang sa SM-MOA at ang pinakabago ay sa Robinson’s Place, Manila.

Ibang-iba talaga ang tagumpay ng negosyong mismong magkakapamilya ang namamahala. Si Mommy Min ang masikap at matiyagang umiikot sa lahat ng branches, ang mga ate naman ni Kathryn ang namamahala kapag walang trabaho ang mga ito, kapag walang shooting at taping si Kathryn ay nagpupunta rin siya para personal na tumulong sa kanilang mga empleyado.

Sa apat na binuksang sangay ng KathNails ay katuwang ni Kathryn sa ribbon cutting si Daniel Padilla. Ang totoo ay ayaw na sanang abalahin ng pamilya ang young actor, pero si DJ mismo ang nagsasabing kailangang nandoon ito, matindi ang suporta ni Daniel sa buong pamilya.

Hindi lang negosyo ang ibig sabihin ng KathNails para sa pamilya Bernardo. Nagpapa-seminar sila sa mga kabataang walang trabaho, libre iyon, pero siyempre’y prayoridad ng pamilya ang mga sumusuporta kay Kathryn nang walang anumang kapalit.

Tuwing hapon binubuksan ang mga sangay ng KathNails, pero umaga pa lang ay matiyaga nang naghihintay sa venue ang mga KathNiel fans, ganoon kamahal ng kanilang mga tagasuporta sina Daniel at Kath.

Vice Ganda – Ilang buwan nang nakakaramdam ng anxiety attack

Ilang buwan nang nakakaramdam ng anxiety attack si Vice Ganda. Takot siyang matulog nang mag-isa lang sa kaniyang kuwarto, kailangang mayroon siyang kasama, sa kabila ng kaniyang kasikatan at kayamanan ay nananatiling hungkag ang kaniyang puso sa usapin ng kaligayahan.

Dahil sa paulit-ulit na pag-atake sa kaniya ng lungkot ay kinailangan na niyang makipagkita sa isang psychiatrist. Nakipagkuwentuhan lang sa kaniya ang doktor, dahil mula sa kaniyang mga sinasabi, doon magbibigay ng komento ang kaniyang kaharap.

Sa minsang pakikipagkuwentuhan namin sa isang psychiatrist ay sinabi nito na karaniwang umaatake ang lungkot sa mga taong nasa ituktok na ng kanilang mga pangarap.

Sa ganoong estado na pumapasok ang linyang “it’s lonely at the top.” Hindi kasi nila alam kung sinu-sino sa mga nakakasalamuha nila ang totoo at hindi. Inaalala rin nila ang kanilang kinabukasan kapag sumasagi sa kanilang isip kung paano na kapag nawala na ang lahat-lahat ng mayroon sila ngayon?

May pamilyang nagmamahal kay Vice Ganda, may mga kaibigan siyang umaaliw sa kaniya kahit pa siya ang itinuturing na pinakamagaling sa pagkokomedya, pero wala siyang maituturing na pamilyang kaniyang-kaniya.

Napahahalakhak niya ang buong bayan pero ang hindi alam ng publiko ay mag-isa na lang siya kapag natatapos na ang kaniyang pagpapatawa. Sabi ng kaniyang doktor ay walang mali sa kaniya, mayroon lang siyang hinahanap na hindi pa niya nakikita, walang pinakamaganda kundi ang pahalagahan niya ang lahat ng mayroon siya ngayon na hindi natikman ng iba.

Luis Manzano – Masidhi ang pa rin ang galit kay Angel Locsin

Kung isandaang porsiyentong totoo ang mga kuwentong nakarating sa amin ay puwede naming isipin na ayaw na ayaw na pala talagang makita ni Luis Manzano ang dati niyang girlfriend na si Angel Locsin.

Bukod sa tahasang pagtanggi ng aktor-TV host sa katatapos lang na Pilipinas Got Talent bilang host kung nandoon pa rin si Angel bilang hurado ay marami pang ibang kuwento.

Kuwento ng isang source sa amin, “Kapag may taping si Luis para sa show niya, kailangang clear ang area. Hindi sila dapat magkita ni Angel kahit sa hallway lang ng network.

“Hindi naman sa kaniya nanggaling iyon, aware lang ang production na ayaw niyang mangyari ang ganoon. So, para walang problema, kailangang malinis ang lugar kapag may taping si Luis,” sabi nito.

Napakalalim nga siguro ng mga dahilan kung bakit ganoon na lang ang nararamdaman ng aktor. May mga alaala pa sigurong nagbabalik na talagang ikinagalit niya sa aktres.

Isang impormante namang may malalim na alam tungkol sa kuwento ang nagsabi sa amin na hinding-hindi na makakalimutan pa ni Luis ang ipinakita sa kaniya ni Angel sa isang panahong kailangang-kailangan niya ng suporta at pang-unawa.

“Naku, baka pagtanda na nila, doon pa lang iyon mabura kay Luis! Ikaw ba naman ang pabayaan, instead na suportahan!” makahulugang komento ng aming kausap.

May sumpaan kasi ang bawat magkarelasyon kahit wala pa sila sa harap ng altar. Sa hirap at sa ginhawa, sa makapal at sa manipis, sa tag-araw at sa tag-ulan, sa pagbagsak at sa pagbangon, kailangang magkasama sila. Ganown!

Jake Zyrus – Boses lalaki na pero wala pa ring kupas ang galing!

Kung ang timbre ng boses niya ngayon ang magiging barometro ay nagtagumpay nga si Jake Zyrus, lalaking-lalaki na siya ngayon, boses-lalaki na ang dating si Charice Pempengco na panalung-panalo sa pagbirit.

Konting-konti na lang at puwede nang sabihing napaapaw ni Jake Zyrus ang Skydome. Nagdatingan ang kaniyang mga tagasuporta, habang kumakanta ang kanilang idolo ay nagsasalimbayan ang pagwawagayway nila ng green balloon lamp na napakagandang tingnan, hindi pinabayaan si Jake ng kaniyang kampo.

Sa kaniyang concert na Music & Me ay ikinuwento niya sa pamamagitan ng VTR ang sobrang passion niya sa musika. Bata pa lang siya ay tinatawag na siyang professional amateurist dahil ginagalugad nila ang maraming bayan na may paligsahan sa pagkanta kasama ang kaniyang lola.

At dahil lalaki na nga ang kaniyang pakete ngayon ay ganoon din ang kaniyang mga kanta. Burado na sa kaniyang listahan ang mga kanta nina Celine Dion at Mariah Carey, ang ipinalit niya na sa kaniyang repertoire ay ang mga kanta nina Ed Sheeran at John Legend, wala pa ring kupas ang hinangaang bulilit singer nina Oprah Winfrey, David Foster at Ellen DeGeneres.

Ilang taon na ang nakararaan, sa isang concert sa Amerika, ay nakaduweto niya ang sikat na si Andrea Bocelli. Standing ovation ang iniregalo sa kanila ng audience nang katanhin nila ang The Prayer.

Noong concert ay baligtad na ang sitwasyon. Siya na si Andrea Bocelli habang kaduweto ang napakagaling nating kababayang si Jessica Sanchez ng American Idol.

Pareho silang nagpalutang ng talento, walang sapawan ang kanilang pagkanta, pero napakasarap palakpakan ni Jake Zyrus sa halos perpekto niyang pagplakado sa boses ng operatic singer na idolo niya.

Ang galing-galing ni Jake Zyrus sa The Prayer, kabog iya ang mga sikat na balladeers natin sa piyesang iyon, umaalingawngaw ang palakpakan at sigawan sa Skydome dahil sa ginawa niyang paninindigan na lalaki siya.

Maraming salamat kay Carl, ang manager ni Jake Zyrus, at kay Jane del Rosario na dating kasama namin sa TV5 sa pagbibigay sa amin ng pagkakataong masaksihan ang napakalaking transpormasyon ng boses at itsura na ngayon ng munting biriterang dati’y kinakandong-kandong lang namin. Maligayang bati, Jake Zyrus!

Jessica Sanchez – Napaka-down-to-earth ng magaling na singer

Napakadaling mahalin ni Jessica Sanchez, ang kababayan nating nakipagsukatan ng talento sa American Idol Season 11, hindi man siya ang naging kampeon ay panalung-panalo naman siya sa puso ng mga Pinoy.

Walang kaarte-arte si Jessica sa kabila ng kaniyang kasikatan, napaka-down-to-earth ng magaling na singer, kaya sa maigsing panahon ay minahal-niyakap agad siya ng ating mga kababayan.

Dumating si Jessica Sanchez sa CFM noong Huwebes nang hapon para mag-imbita para sa concert ni Jake Zyrus kung saan isa siya sa mga special guests. Kasama niya sa aming programa ang kaniyang boyfriend na Espanyol na si Ricky na nakilala niya sa isang gig niya sa Los Angeles.

Pinaupo na rin namin para sa interview ang binata, habang kumakanta kasi si Jessica ay kitang-kita namin kung gaano ito ka-proud sa kaniyang girlfriend, negosyante si Ricky na mula sa LA ay lumipat na rin sa San Diego para makasama lang ang dalaga.

Walang kaalam-alam si Ricky na naging kalahok sa American Idol si Jessica, aminado ang binata na sobrang abala ito sa kaniyang mga negosyo, pero nang minsan nitong mapanood si Jessica sa isang gig ay sobrang humanga na si Ricky.

At magandang desisyon ang ginawa ng binata dahil walang kaere-ere si Jessica, kahit marami nang nagpapa-picture sa kaniya ay hindi siya umaangal, napakahigpit niyang yumakap at kumamay sa kaniyang mga tagahanga na malaking senyal ng sinseridad.

Ipinanganak man at lumaki as Amerika si Jessica Sanchez ay ugaling Pilipino pa rin ang kaniyang taglay, hindi man siya nakapagsasalita nang diretso sa ating wika ay Pinoy na Pinoy ang kaniyang puso, nakasayad pa rin sa lupa ang magkabila niyang paa kahit pa kilalang-kilala na siya sa buong mundo.

Hindi nagkamali ang ating mga kababayan sa pagbibigay ng suporta sa kaniya sa American Idol. Sabi nga ng magaling na singer na si Martin Nievera, “You don’t have to win to become a winner,” panalung-palano si Jessica Sanchez sa puso ng sambayanang Pinoy.

Claudine Barretto – Slim na! Walang kupas ang kagandahan

Nakita ng mga kaibigan namin sa isang shopping mall si Claudine Barretto. Naka-t-shirt lang siya at pantalong maong, walang make-up, simpleng-simple lang ang aktres.

Pero pinuno raw ng kaniyang kagandahan ang lugar, ayon sa aming mga kaibigan, dahil bukod sa napakalaki na ng bumagsak niyang timbang ay walang kupas ang kagandahan ni Claudine.

“Sobrang ganda niya ngayon. Iyon ba ang dumaan sa sangdamakmak na pagsubok? Sana, maging problemado na rin kami na tulad niya, kung ganoon naman kaganda ang resulta!

“Ang kinis-kinis ng face niya, saka ang katawan niya, parang minadyik! Nagkaroon din ng magandang result ang pagsisikap niyang pumayat,” papuri ng aming kausap.

Pinaghandaan talaga ni Claudine ang nakatakda niyang gawing pelikula mula sa Viva Films. Balitang sila ng kaniyang dating boyfriend na si Mark Anthony ang makakatambal niya sa proyekto.

Kung pagbabalik-pelikula o telebisyon lang ang pag-uusapan ay matagal na sanang nagtatrabaho ang aktres. Pero ayaw naman ng mga humahawak sa kaniyang career na basta-basta na lang siya magbalik-trabaho nang hindi magmamarka ang kaniyang pagbabalik.

Tamang desisyon dahil may pansamantalang iniwanang titulo si Claudine Barretto bilang reyna ng mga teleserye ng ABS-CBN.

At sa kaniyang pagkawala ay panay-panay ang pagsasabi ni Claudine na nami-miss na niya ang pag-arte, gustung-gusto na niyang bumalik sa pag-aartista, malayung-malayo sa pagkawala ni John Lloyd Cruz na ayaw nang natatanong tungkol sa kaniyang buhay-artista.

Cesar Montano – Sayang ang dating magandang pangalan

Narinig na natin ang boses ng mga dating kasamahan ni Cesar Montano noong nakaupo pa siya bilang tagapamuno ng Tourism and Promotions Board ng DOT.

Hindi kagandahan ang mga komentong ipinukol ng mga ito laban sa aktor, tinawag nilang walang utang na loob si Cesar Montano sa mga kamay na nagpala sa kaniya, kakambal ang bintang na napakabilis niyang naghugas-kamay para malusutan niya ang daang milyong halaga na kinukuwestiyon sa pinamunuan niyang opisina ng Department of Tourism.

Nagkadagta ang pangalan ni Cesar Montano, kahit minsan ay hindi siya nasangkot sa usapin ng pananalapi noong artista pa lang siya, pero nang tanggapin niya ang posisyon sa gobyerno ay ganito ang kinahinatnan niya.

May mga umuupak sa aktor, kung paanong ipinagtatanggol din naman siya ng mga taong nakakakilala sa kaniya mula ulo hanggang paa, malayo raw sa karakter ni Cesar Montano ang pagkamkam sa perang hindi naman kaniya.

May mga nagkokomento rin na hindi kasi nag-ingat si Cesar sa pamimili ng mga taong pagkakatiwalaan niya, itinuturo ng marami ang isang tauhan niya na hindi iba sa kaniya na talagang gumalaw ng pera, iyon daw ang kailangang sumailalim sa imbestigasyon ngayon sa pamunuan ni Secretary Berna Romulo-Puyat.

Naiisip ngayon ng mga taga-showbiz, ano raw kaya ang nararamdaman ngayon ni Sunshine Cruz, ang nakahiwalay niyang misis? Ang kaniyang mga anak, ano kaya ang damdamin ngayon ng mga anak nila ni Sunshine, hanggang sa kanilang pagdadalaga hanggang sa kanilang pagtanda ay siguradong may makakaalala pa rin sa kuwento ng katiwaliang kinasangkutan ng kanilang ama.

Ang kinis-kinis pa naman ng kartada ng pangalan ni Cesar Montano bilang aktor. Angat na angat na ang kaniyang pangalan at kapasidad kumpara sa iba.

Pero ang gandang iyon ng kaniyang pangalan ay masisira lang pala sa pagkopo niya ng upuan sa gobyerno. Nakapanghihinayang.

Mayor Herbert at Tates – Graduate na ang panganay na si Athena

Proud parents. iyon sina Mayor Herbert Bautista at Mayora Tates Gana noong Sabado nang hapon habang umaakyat sa entablado ng Ateneo de Manila University ang kanilang panganay na si Athena.

Political Science ang kursong tinapos ng dalaga, may plano itong ituloy sa Law ang kaniyang pag-aaral, kaya ganoon na lang ang kaligayahan ng kaniyang ina habang pinagmamasdan ang kaniyang anak na tumatanggap ng diploma.

Naluha naman si Mayor Herbert nang isigaw ng speaker sa mikropono ang linyang “We made it!” bilang pagbibigay-pugay sa magigiting na mga magulang ng mga estudyanteng nagtapos ng iba-ibang kurso.

“Nakapagtapos na rin po kami,” sabi ni Mayora Tates nang magkausap kami pagkatapos ng graduation ng kanilang panganay ni Mayor Bistek.

Walang masasabing hindi maganda si Mayora Tates tungkol kay Mayor Herbert bilang ama, ibinibigay nito ang lahat ng mga pangangailangan nina Athena at Harvey, lalo na pagdating sa kanilang pag-aaral.

Pero ang pagiging responsable ng mayor ng Kyusi ay kinambalan ni Tates Gana ng matutok na paggabay sa kanilang mga anak, kapag magkakasama nga kami ay tumatawag pa siya sa kanilang bahay para kausapin ang kaniyang mga inspirasyon, kasunod ang pakikipag-usap sa kanilang mga kasambahay para lang kumustahin ang magkapatid.

May trabaho si Mayora Tates, umaalis siya ng bahay pero ang kaniyang utak at atensiyon ay naiiwanan kina Athena at Harvey, ganoon siya kabuting ina sa kaniyang mga anak.

Ganoon naman talaga ang dakilang ina. Siya ang palaging nagpupuno sa mga kulang. Siya ang nagpaparamdam sa kaniyang mga anak na hindi dapat binibigyan ng panahon ang paghahanap sa wala dahil ang mas mahalaga ay ang kung ano ang nand’yan na kailangan nilang pagsaluhan na punumpuno ng pagmamahal.

Kris Aquino – Inamin na hindi lang sila ni Bistek ang nag-sine

Mabuti naman at nilinaw ni Kris Aquino na hindi lang silang dalawa ni Mayor Herbert Bautista ang nakasama niya sa panonood ng sine. Sangdamakmak sila ng kaniyang staff sa produksiyong itinayo niya.

Hindi na naman kasi kagandahan ang mga sultada ng kaniyang mga bashers, may mga nagsabing para siyang mauubusan ng lalaki, kaya kahit wala naman talagang gusto sa kaniya ang mayor ng Kyusi ay nagpapaka-trying hard siya.

Sa isang umpukan naming magkakaibigan ay naging paksa namin si Kris. Ang tanong na aming pinagtuunan ng interes ay mayroon pa kayang makakarelasyon ang aktres-TV host sa dami na ng seryeng pinasabog niya laban sa kaniyang mga dating karelasyon?

Opinyon namin ay mayroon pa naman. Unang-una ay wala pa naman siya sa listahan ng mga babaeng naghahabol sa huling biyahe ng tren. Bata pa si Kris. Pero isang lalaking may mas mataas na estado kesa sa kaniya ang kailangan niyang makarelasyon.

Isang lalaking irerespeto niya ang gusto, isang lalaking puwede siyang paupuin sa isang sulok kung kinakailangan, para hindi siya nasasangkot sa mga kontrobersiya.

Mahirap humanap ng kalapat na takip ang estado ni Kris. Ipinanganak siyang may nakasumpal na gintong kutsara sa bibig, lumaki siya na nakukuha niya ang lahat ng kaniyang gusto, nakahiga siya nang literal sa salapi at sikat siya.

Ang pakiramdam kasi ni Kris ay nasa laylayan lang ng kaniyang palda ang nakakarelasyon niya. Siya ang nasa itaas, siya ang kailangang tingalain, kaya kung ano ang maisipan niyang gawin ay walang makababawal sa kaniya.

Mahirap hanapin ang lalaking rerenda sa kaniyang mga kapritso, iilan lang ang lalaking magkakaroon ng boses na makipag-argumento sa kaniya, kaya talagang mahihirapang makakita si Kris Aquino ng makakarelasyon niya uli.

Sharon Cuneta – Napikon! Nag-resbak at nadale si Gabby

Oo nga naman. Parang kailan lang nang magpaalam si Sharon Cuneta sa kaniyang mga friends and followers sa social media na pansamantala muna siyang magpapaalam pero pagkatapos lang nang ilang araw ay hindi siya nakatiis.

At sa kaniyang pagresbak ay una niyang pinatulan ang isang basher na nagsabing hindi siya mabuting ina. At sa kaniyang pagsagot sa nang-inis sa kaniya ay nahagip ng kaniyang upak ang ama ni KC na si Gabby Concepcion.

Wala siyang binanggit na pangalan pero sino ba ang tinutukoy niyang tanga? Sino ba ang sinasabihan niyang pinakasalan siya? Sino rin ba ang pinariringgan niya na matagal na silang hiwalay pero binabalikan pa rin siya?

Sinaksakan na naman ng suwero ng pagkapikon si Sharon, pagdating sa kaniyang pagiging ina ay para siyang si Kris Aquino na tatayo para ipagtanggol ang kaniyang sarili, hindi niya matatanggap kailanman na naging pabaya siyang ina sa kaniyang mga anak.

Samantala, deadma lang si Gabby Concepcion at ang kaniyang kampo sa mga matitinding pinakawalang deklarasyon ng Megastar.

Marami naman kasi siyang hawak na pruweba para patunayan ang kaniyang argumento, hindi makapupuntos laban sa kaniya si Gabby, kumpleto ang ebidensiyang mayroon si Mega.

Malaki na nga ang kaniyang ipinayat, unti-unti na siyang nagpapaalam sa kulay itim na palaging ginagamit na kanlungan ng mga babaeng kailangang mag-diet, paborito niyang kulay ngayon ang powder blue na nagpapalutang kung gaano kalaki na ang nababawas sa kaniyang timbang.

May bewang na si Sharon, konting panahon pa at siguradong liliit na rin ang kaniyang balakang, iyon ang palagi niyang pinoproblema kahit noong dalaga pa siya.

Balakangin ang kanilang lahi pero sa disiplinang ginagawa ngayon ni Sharon kakambal ang payo ng kaniyang Mama Helen Gamboa ay hindi malayong makuha na rin ni Mega ang tamang balanse ng kaniyang katawan.

Katawan lang ang problema ni Sharon, sa kaniyang mukha ay walang-walang problema, hindi pa rin kumukupas ang kaniyang ganda na hindi nangangailangan ng tulong ng siyensiya. – CSF

Have a comment on this article? Send us your feedback

Hunyo 16-30, 2018

	Coco Martin
	Jake Ejercito
	Kris Aquino & Cristy Fermin
	Corazon Aquino
	Kris Aquino, Joshua & Bimby
	Corazon Aquino
	Manny Pacquiao
	Alden Richards & Maine Mendoza

Coco Martin – Bilyonaryo na! Panalung-panalo dahil sa Ang Probinsiyano

Ayon sa aming kausap ay sa September pa matatapos ang seryeng Ang Probinsiyano. May isang bagong aklat pang bubuksan, may mga bagong mukha pang kinuha ang Dreamscape para sa serye, panalung-panalo sa balitang ito ang mga kababayan nating hindi kumpleto ang maghapon kapag hindi napapanood ang pinagbibidahang serye ni Coco Martin.

Sobrang taas naman kasi ng rating ng palabas, nilalamon nito nang buung-buo ang kaniyang mga kasabayan, ang serye pa rin ang mayhawak ng hindi magiba-gibang rating sa telebisyon.

At kuwento pa ng aming source, “Alam mo bang nakahilera ang mga gagawing TVC ni Coco? Lahat na yata ng produkto, e, mayroon na siyang endorsement, siya kasi ang lumalabas na pinaka-effective endorser sa mga ginagawang survey ng mga ahensiya.

“Naka-file ang mga alok sa kaniya. iyong iba, e, naihahanap niya ng schedule for shoot, pero ang iba, kailangan pang maghintay dahil sobrang busy si Coco sa Ang Probinsiyano.

“Siya kasi ang creative head, hindi lang siya basta bida sa istorya, kaya malaking panahon niya ang kinakain noon. Talent fee? Ayokong sabihin, secret kasi iyon, siya na lang ang tanungin n’yo kung sasabihin niya!

“Basta, ang masasabi ko lang, e, hindi na siya magugutom kahit mabuhay pa siya nang another one hundred years nang hindi na siya nagtatrabaho,” mabilis na pahayag ng aming source.

Bilyonaryo na nga si Coco Martin!

Jake Ejercito – “Mocha Uson is garbage!”

Kung may mga papuri sa kaniyang katapangan ay marami ring namba-bash ngayon kay Jake Ejercito. Buong-ningning kasing nag-opinyon ang anak nina Pangulong-Mayor Erap Estrada at Laarni Enriquez na basura si Asec Mocha Uson.

“Mocha Uson is garbage,” wagas na wagas na opinyon ni Jake. Natural, nabulabog ang mga sundalo ni Asec Mocha, inulaol agad ng mga ito ng upak ang guwapong binatang-ama.

Wala nang ligtas ngayon sa social media. Kahit ano ang ikomento mo ay siguradong mayroong kokontra. Ang masakit pa ay hindi mo naman kilala kung sinu-sino ang bumibira sa iyo dahil karamihan sa kanila ay mga troll na nagtatago sa silong ng mga bahay nila.

Siguradong alam ni Jake Ejercito kung ano ang magiging resulta ng ipinost niyang garbage si Asec Mocha, pero ang pinakamahalaga ay nagpakatotoo siya, wala siyang utang sa kaniyang kunsensiya dahil iyon ang opinyon niya.

Kani-kaniyang paninindigan lang naman ‘yan. Respetuhan lang ng saloobin. At kailangang handa rin tayo sa kung anumang ibubunga ng ating opinyon.

Aba, may pera sa basura, di ba?

Kris Aquino – Napakaraming rebelasyon sa Cristy Ferminute

Pagkatapos nang walong taon ay muli kaming nagkita ni Kris Aquino. Siya ang gumawa ng paraan para mapuntahan kami sa Cristy Ferminute noong Huwebes (June 7) nang hapon.

Noong tumawag sa amin si Dindo Balares, isang anak-anakang kapuwa manunulat na pupunta raw sa aming radio program ang aktres-TV host ay ayaw naming maniwala, kami lang nina Japs Gersin at Tina Roa ang nakakaalam noon dahil ayaw naming ipagmakaingay.

“Pupunta raw siya sa iyo para personal na magpasalamat,” tanging sinabi ni Dindo. Huwebes nang umaga ay kumpiramdo na ang pagdating ni Kris, ang kaniyang assistant na si Alvin ang nagpatotoo, noon lang namin sinabi sa mga boss namin sa radyo na parating nga si Kris para mag-guest.

Grabe pa rin ang asim ni Kris, nahirapan siyang makarating sa aming booth sa second floor ng Reliance Studios, pinagkaguluhan siya agad ng mga nasa ibaba ng gusali.

Ano pa nga ba ang maaasahan mula kay Kris kapag nagsimula nang magbukas ang kaniyang bibig? Isang libo’t isang rebelasyon ang kaniyang baon.

Nabigo ang mga umaasang kakatkatan niya si Mocha Uson, naunsiyami ang maraming nag-isip na kakatay-katayin niya ang pagkatao ng dating nagpapaseksing singer-dancer, dahil halos hindi na nga niya ito pinansin.

Sapat na para sa kaniya ang panghihingi ng paumanhin sa kaniya nina Pangulong Rodrigo Duterte at ng kanang kamay ng ating pangulo na si Bong Go, “care bears” na lang ang reaksiyon niya kay Mocha Uson na ang ibig sabihin ay wala na siyang pakialam sa bumebenggang personalidad sa kaniyang mga magulang.

Ang malinaw na pahayag ni Kris, “Anak ako na nasaktan dahil patay na ang mga magulang ko na patuloy niyang sinasaktan. Patay na ang dad ko, pero bakit video pa niya ang ipinost, why not my brother, na kayang ipagtanggol ang sarili niya?

“It’s the video, doon ako sobrang nasaktan kaya nagwala ako. Bakit hindi picture na lang ng dad ko? Bakit iyong video pa na nagpapaalala sa aming magkakapatid kung paano pinatay nang walang kalaban-laban ang daddy ko!” emosyonal na pahayag ni Kris Aquino.

Tita Cory Aquino – Milyon-milyon ang ipinamana kay Josh

Maraming kuwento si Kris Aquino tungkol sa kaniyang mga anak na sina Joshua at Bimby. Umiikot ang kaniyang mundo sa magkapatid. Wala siyang tinitingnan lang at tinititigan.

Sa kaniya mismo nanggaling na ang dapat niyang manahin mula sa kanilang pamilya ay ipinalagay ni dating Pangulong Cory Aquino sa pangalan ni Josh. Naging saksi kami sa umaapaw na pagmamahal kay Joshua ng kaniyang lola.

Ang kaniyang Ate Ballsy ang namamahala sa milyones ng kaniyang panganay, hindi iyon kailanman pinakialaman ni Kris, dahil ang halagang mayroon si Josh ay bilang paghahanda sa kinabukasan nito.

Sensitibo si Kris pagdating na sa kaniyang mga anak. Parehong hindi kasama nina Josh at Bimby ang kani-kanilang ama, tulad ni Kris noong bata pa siya na malayo sa piling ng kaniyang daddy, linggu-linggo lang nilang dinadalaw sa Fort Bonifacio si dating Senador Ninoy Aquino na isang political detainee.

Natatandaan pa ni Kris na kapag dumadalaw sila noon sa kaniyang daddy ay pinupuno ng candy ng mommy niya ang maliit niyang bag na pambata. Pero ibabaw lang noon ang candy, mayroong mga parang pastilyas na nakapailalim doon, tinilad-tilad na steak iyon na ihinanda ni Tita Cory para sa kaniyang ama.

Hindi na nga naman bubusisiin pa ng mga guwardiya ang kaniyang baby bag, kaya naipapasok nila ang paboritong pagkain ni dating Senador Ninoy, na mismong si Tita Cory ang nagtimpla at nagluto.

Maalinsangan sa reception area ng karsel ng kaniyang ama, hindi mapakali si Kris dahil sobrang alinsangan, kaya palaging nakahanda ang isang drum na tubig kapag dumadalaw ang pamilya sa Fort Bonifacio.

Inilulublob siya sa drum, maliit na swimming pool ang tawag doon ng tatlo-apat na taong gulang pa lang na bunso nina Senador Ninoy at Tita Cory, gumiginhawa ang kaniyang pakiramdam.

Alam ni Kris ang buhay na walang ama sa tahanan, iyon ang pinupuno niya ngayon kina Josh at Bimby, para rin siyang si Tita Cory na tumayong ina at ama nilang magkakapatid noong nakakulong ang kaniyang daddy.

Kaya pagdating sa kaniyang mga magulang at anak ay balat-sibuyas si Kris Aquino. Galing kasi siya sa ganoong estado, alam niya ang pakiramdam ng anak na uhaw sa pagmamahal ng ama, na sinisikap lang na punuan ng ina.

James Yap – Walang sustentong ibinibigay para kay Bimby

Sa tanong namin kay Kris Aquino sa aming eksklusibong panayam sa kaniya sa Cristy Ferminute (92.3 Newsa FM-Aksyon TV 41) tungkol sa ama ng kaniyang anak na si James Yap ay ayaw na sana niyang magsalita noong una.

Pero kapado namin ang pagbabagu-bago ng takbo ng isip ng aktres-TV host, sa isang iglap lang ay hindi ang kaniyang sagot, pero maya-maya lang ay oo na.

Sige, sabi niya, magkukuwento na siya kung bakit ilang beses siyang nagwala dahil sa ama ni Bimby. Maraming sangkot na insidente sa kaniyang paglalahad.

Iilan lang ang nakakaalam na noong pagtalunan pala nila ng basketbolista ang isyu ng child custody ay may mga sinabi si James Yap na hinding-hindi nakakalimutan ni Bimby hanggang ngayon.

“Sinabi niya sa korte na natatakot siyang maging bakla si Bimby dahil puro bakla ang nakapaligid sa akin. Sinabi niya iyon! Until now, tandang-tanda pa ng anak ko ang mga sinabi niya!

“Kaya nga ang sabi ni Bimb, bakit pa siya maaapektuhan sa mga namba-bash sa kaniya, samantalang mismong tatay niya nga, ganoon din ang sinasabi!” madiing pahayag ni Kris.

Para kay Kris ay walang karapatan si James na banggitin nito ang pangalan ng kanilang anak sa anumang pagkakataon. Sa korte ay nagkakasundo sila na maghahati sa pagpapaaral kay Bimby pero walang partisipasyon ang basketball player.

“Katatapos lang niyang makuha ang amount na pinaghatian namin, ang laki-laki ng nakuha niya, pero ang ipinadala niyang regalo kay Bimb, socks! Medyas!

“Ano ba naman? Anak niya iyon, mayroon naman siyang pambili, pero bakit ganoon? Doon ako nagagalit, wala nga siyang participation sa paglaki noong bata, tapos, sasabihin niyang mahal na mahal niya ang anak niya?

“Hindi iyon basta sinasabi lang, ginagawa iyon, ipinapa-feel ang pagmamahal! Minsan, sinigaw-sigawan niya si Bimb, detalyadong alam ni Bimb iyon, kaya kahit pa sabihan ko siya to be with his dad, ayaw na ni Bimb,” dagdag na kuwento pa ni Kris.

Pero tinapos ni Kris ang kaniyang kuwento sa isang positibong paraan. Mula sa puso, sabi ni Kris, ay maging maligaya sana sina James at Michela Cazzola.

“Para hindi na nila kami guluhin, para hindi na nila kami pakialaman,” kaswal na sabi ni Kris Aquino.

Bilang panghuli ay nais naming pasalamatan si Kris sa personal niyang pagdalaw sa Cristy Ferminute. Sa napakahigpit niyang schedule ay gumawa siya ng paraan para sa dalawang oras na interbyu sa aming programa sa Radyo 5 na siya ang boluntaryong nagpaubaya.

Maraming-maraming salamat.

Mayor Herbert – Nagregalo ng one-carat ring kay Kris

Nasa Europe ngayon si Mayor Herbert Bautista kasama ang kaniyang mag-iinang sina Tates Gana, Athena at Harvey. Pangakong regalo nila iyon sa kanilang panganay na nagtapos ng kolehiyo.

Ano kaya ang naging reaksiyon ng mayor ng Quezon City sa mga naging rebelasyon ni Kris Aquino sa Cristy Ferminute? Nalantad na na-decline ang card nito nang bumili sila ng one carat ring kaya si Kris muna ang nag-abono.

Pero ang nakakaloka sa kuwento ay bumalik sa jewellery store si Kris, ibinalik niya ang singsing, saka pinapalitan iyon ng dalawang relo na matagal na niyang gustong bilhin.

Isa lang ang naiisip naming naging pahayag ni Mayor Herbert nang makarating sa kaniya ang kuwento, “Here she goes again!” dahil sanay na sanay na ito sa madulas na dila ng aktres-TV host.

Pero ang minantikaang dila ni Kris ay kinaaaliwan ng ating mga kababayan. Basta nagbukas na ang kaniyang bibig para sa paglilitanya ay kayang-kaya niyang pahintuin ang ikot ng mundo.

Kuwento nga ni Attorney Mel Sta. Maria, dean ng Law School ng FEU, “Ibang klase si Kris dahil walang sayang na segundo at minuto sa kaniya. She’s very witty, she talks sense, kaya kapag nagsasalita na siya, e, mapapatutok ka talaga.

“Ako, nasa conference ako noong time na nasa Cristy Ferminute siya, pero sumisilip ako sa TV nakapanghihinayang kasing palampasin ang moment na iyon.

“Kaya ang tanungan nga ngayon, ‘Nasaan ka noong mag-guest si Kris Aquino kay Nanay Cristy?’ Napakatalino niya, kahit ano lang, kaya niyang gawing interesante para sa mga nakikinig-nanonood sa kaniya,” papuri pa ng main anchor ng programang Relasyon sa Radyo Singko.

Sabi nga ng aming “Bong Go” na si Japs Gersin, “Ano ito, katumbas ng nasaan ka noong mag-People Power? Ha! Ha! Ha! Ha!”

Sen. Manny Pacquiao – Binigyan ng bahay ang sorbetero

Kundi busilak ang tamang salita na makapaglalarawan sa puso ng Pambansang Kamao ay hindi na namin alam kung ano. Si Senador Manny Pacquiao ang isa sa iilang sikat na personalidad na nasaksihan naming hindi pinagbabago ng kayamanan at popularidad.

Matagal naming nakasama ang Pambansang Kamao noong hindi pa siya binibiyayaan ng kaliwa’t kanang oportunidad at tagumpay sa boxing. Matagal din namin siyang nakasama noong nagsisimula na siyang katakutan ng mga boksingero sa buong mundo dahil sa tindi ng kaniyang kamao.

Pero kapag nakikita namin siya ngayon ay wala kaming nakikitang pagbabago kay Pacman. Iyon pa rin siya, low key sa kabila ng kaniyang katanyagan at kayamanan, hindi nagbabago ang kaniyang pagiging mapagkumbaba at dakila pa rin ang kaniyang puso.

Kinasihan ng kapalaran ang tindero ng icecream na si Mang Lino. Isang libong piso ang nakonsumo ng grupo ni Pacman, tatlong libo ang ibinigay sa kaniya ng Pambansang Kamao, pero hindi pa doon nagtatapos ang kuwento.

Niregaluhan niya ng bagong bahay ang ice cream vendor, kumpleto pa iyon sa mga kagamitan, kaya hindi nito malaman kung anong pasasalamat ang kaniyang itatawid sa sikat na personalidad.

Nakakaawa naman talaga ang matanda, sa kabila ng kaniyang kahinaan at kahirapan ay patuloy pa rin itong nagsisikap sa buhay, iyon ang unang-unang dahilan kung bakit ito sinaluduhan ni Senador Manny Pacquiao.

Bibihira ang katulad ng Pambansang Kamao na hindi nagpapadala sa kayamanan at katanyagan. Naturalesa na niya ang pagiging mapuso. Kaya naman patuloy siyang binibiyayaan sa lahat ng aspeto ng kaniyang buhay.

Alden Richards – Homegrown talent ng GMA7 kaya inaalagaan

Ang paglabas sa kanilang loveteam ni Maine Mendoza ang pinakamagandang aksiyon na ginawa ng GMA-7 para kay Alden Richards. Homegrown talent nila ang Pambansang Bae kaya isumpa man ng mga miyembro ng AlDub Nation ang network ay hindi na nila iyon pinapansin.

Napakarami kasing reklamo ng mga tagasuporta ng loveteam, hindi raw parehas ang pagtingin ng GMA-7 kina Alden at Maine, mas inaalagaan daw ng istasyon ang Pambansang Bae.

Natural! Sa sinapupunan ng network nagmula si Alden, ang istasyon ang nagpanganak sa sikat na aktor, samantalang si Maine naman ay hindi. Malaki talaga ang diperensiya dahil hindi naman talent ng network si Maine.

Siyempre’y si Alden ang kailangan nilang asikasuhin, ang bigyan ng mga markadong projects, dahil sa kanila nagsimula at nakilala si Alden. Bakit kailangang kuwestiyunin iyon ng mga fans ni Maine?

Sa totoo lang, hindi na namin nararamdaman ngayon ang init ng pagsuporta ng mga kababayan natin sa loveteam, ibang-iba na kesa sa dati ang kanilang dating.

Hindi na namin nakikita ang pagkasabik ng publiko sa AlDub, hindi na rin namin naririnig at nararamdaman ang mga kilig, kaya panahon na talaga para lumabas sa kanilang tambalan si Alden Richards.

Sino pa ngayon ang makapagyayabang sa pagsasabi na kapag nawala si Maine ay pupulutin sa kangkungan ang karera ng Pambansang Bae? – CSF

Have a comment on this article? Send us your feedback

Hulyo 1-15, 2018

	Erich Gonzales
	Ellen Adarna & John Lloyd Cruz
	Michela Cazzola & James Yap
	Willie Revillame
	Mariel Rodriguez
	Vice Ganda
	Coco Martin & Yassi Pressman
	Jolo Revilla & Jodi Sta Maria
	Kris Aquino

Erich Gonzales – Sobrang napagod sa The Blood Sisters, naospital!

Sinisingil na si Erich Gonzales ng tatlong papel na ginagampanan niya sa The Blood Sisters. Ganyan-ganyan ang nangyari noon kay Claudine Barretto, dahil sa tatlong karakter na ginampanan nito sa isang serye ay bigla ring bumagsak ang kaniyang katawan, ilang araw itong hindi nakapag-taping.

Aba, hindi simple ang gumanap sa tatlong iba-ibang papel sa serye, sa pag-aayos pa lang ng buhok ng bumibida ay isang napakalaking kapaguran na.

Paano pa ang preparasyon sa kaniyang mga dialogues, paano pa ang pagiging consistent sa character na ipinagkatiwala sa kaniya, hindi birong trabaho ang ganoon.

Dahil sa sobrang pagod at stress ay bumigay ang katawan ni Erich, inatake siya ng hika, kaya itinakbo siya sa ospital. Totoong napakagaling niyang gumanap sa tatlong karakter niya sa serye, pero paano naman ang kaniyang katawan, siguradong isang araw ay kakapusin din siya ng lakas sa pagtatrabaho.

Tanong sa amin ng kaibigan naming propesor, “Paano ba ang kalakaran sa ganyan? Triple rin ba ang talent fee ng artista kapag tatlong characters ang ipino-portray niya?

“May individual talent fee ba ang bawat role na ginagampanan niya? I guess, ganoon nga, dahil tatlong katauhan ang ginagawa ni Erich sa seryeng siya ang bida. Dapat talagang maging ganoon ang kalakaran dahil her portrayal for three characters is no joke!” katwiran ng prop.

Mabuti na lang at to the rescue ang kaniyang ate, nang malaman ni Kris Aquino ang nangyari sa kaniya ay agad nitong tinawagan ang kaniyang doktor para asikasuhin si Erich, sa kaniyang bahay na rin namahinga ang aktres na walang kapamilya dito sa Manila.

Ganoon naman talaga si Kris Aquino. Ang kaniya ay kaniya at ang hindi ay hindi.

James Yap – Tatakbong vice-mayor ng San Juan sa election

Putok na ang balita na tatakbo bilang vice-mayor ng San Juan si James Yap sa poder ng mga Zamora. Wala pang kumpirmasyong nanggagaling sa basketbolista, pero kahit saang lugar sa siyudad ay kalat na ang kuwento, kakalabanin ni James Yap ang partido ng mga Ejercito.

Lutang na rin ang balitang si Vice-Mayor Janella Ejercito ang tatakbong mayor sa susunod na halalan, tapos na ang tatlong terminong paglilingkod ni Mayor Guia Gomez, wala pang pangalang lumalabas kung sino ang magiging vice-mayor ng partido ng mga Ejercito.

Natural, nakakagulat ang kuwentong kakandidatong vice-mayor ng San Juan si James Yap. Iniidolo siyang basketbolista ng ating mga kababayan, pero sa mundo ng pulitika ay mukhang mangangapa siya, lalo na’t panis-laway lang ang basketball player sa pagkakilala namin.

Ang hirap-hirap interbyuhin ni James, literal na yes or no lang ang kaniyang sagot sa mga tanong, ngayon pa lang ay parang hindi na namin makakayang imadyinin kung paano aakyat sa entablado de kampanya ang ex ni Kris Aquino.

Kung daanin sa pagsu-shoot ng bola ang labanan sa eleksiyon ay siguradong dadapa ang kalaban ni James Yap, pero kung ang magiging barometro ay ang pagtatawid ng mga gusto niyang maganap na pagbabago sa siyudad ay teka lang naman muna, hindi nakadisenyo sa mundo ng pulitika ang tatay ni Bimby.

John Lloyd Cruz – Dapat isiping walang “forever” sa buhay na ito

Napagod na ang katrabaho at kaibigan ni John Lloyd Cruz sa pangungumusta sa kaniyang personal na buhay at sitwasyon ngayong malayo na siya sa mundo ng showbiz. Natutuhan na nilang tiisin na lang ang kanilang kaibigan na hindi naman kasi nagbibigay-pahalaga sa kanilang pangungumusta.

Talaga palang humiwalay na si JLC sa mundong minahal niya at nagmahal din sa kaniya. Kahit sino ang mag-text o tumawag sa kaniya ay balewala lang para sa magaling na aktor, deadma lang siya, hindi siya sumasagot.

Ayon pa sa isang source na nakausap namin, “Huwag na iyon, kahit ang mga bossing na nagtatanong sa kaniya kung ano na ang mga plano niya, e, hindi rin niya sinsagot!

“Tama bang pati ang mga taong nag-aalaga sa career niya, e, basta-basta na lang niya ginaganoon? Kung gusto niyang maging private, fine! Kung gusto niyang bigyan ng masarap na pahinga ang katawan niya, walang masama doon! Pero naman! Huwag siyang magputol ng communication sa mga taong nagmamalasakit lang naman sa kaniya!” kuwento ng aming source.

Ano kaya ang nagtutulak kay John Lloyd na talikuran na ang kaniyang mga kaibigan at kasamahang artista? Mayroon kayang kumokontra? Mayroon din kayang nagsusulsol sa kaniya na iwanan na nang tuluyan ang kaniyang pag-aartista na gumawa ng milagro sa buhay niya at ng kaniyang pamilya?

Nakakalungkot naman kung nagpapadala nga sa mga bulong at sulsol ang magaling na aktor. Ayos lang ang pansamantalang pahinga pero ang putulin mo na ang kuneksiyong nagdudugtong sa iyo sa mundong kinalakiha mo ay iba na.

Sa kaniyang pagbabalik, kung maiisipan pa niyang balikan ang kaniyang pag-aartista, ay napakaraming tanong na kailangang sagutin at ipaliwanag ni John Lloyd Cruz.

Wala pa namang forever sa buhay na ito.

James at Michela – Malapit nang ipanganak ang kanilang baby girl

Hindi lang ang nakakapit na panganganak ni Ellen Adarna sa pangany nila ni John Lloyd Cruz ang inaabangan ngayon, ang ikalawang anak nina James Yap at Michela Cazzola ay hinihintay na rin ng ating mga kababayan, baby girl ang magiging anak ng girlfriend ng basketbolista.

Malaking isyu na naman ito kapag nagkataon, siguradong may mga mang-iinis na naman kay Kris Aquino, dahil nakakadalawang anak na si James sa kaniyang karelasyon.

Walang anumang lumalabas na pahayag si James sa mga ipino-post ni Kris tungkol sa pagiging ama niya kay Bimby, mas maganda na raw ang tahimik lang siya, para madaling matapos ang kuwento.

Iyon naman talaga ang tanging maaaring gawin na paraan ngayon ni James, ang manahimik na lang, dahil kapag sumagot pa siya ay parang nambulabog siya ng kuta ng langgam.

Noong nakaraang laban ng Rain Or Shine, ang koponan ngayon ni James Yap, ay hindi pa rin siya nakatatakas sa mga pangangantiyaw ng ating mga kababayang mahilig sa basketball. Habang nagpi-free throw siya ay dinig na dinig ang malakas na boses ng isang miron, “James, i-shoot mo, para kay Kris!”

Deadma lang naman ang basketball player, sanay na siya sa mga ganoong eksena lalo na noong kahihiwalay pa lang nila ni Kris, mas matitindi pa nga noon ang natitikman niya.

Noong kahihiwalay pa lang nila at lumabas ang kuwento ng kanilang paghahatian sa kanilang mga propyedad ay may mga sumisigaw, “James! Balato naman d’yan!” Deadma pa rin si James Yap dahil mas mahalaga para sa kaniya ang maisyut ang bolang inaasinta niya sa goal.

Willie Revillame – Tahimik ang lovelife ngayon

Tahimik ang lovelife ni Willie Revillame. Walang nakikitang special girl maging ang kaniyang staff na isinasama ang sikat na aktor-TV host sa studio ng Wowowin.

Madaling malaman kapag may girlfriend si Willie, kasama niya ang babae sa kaniyang rehearsal, sa mismong show, kahit saan, kailangang inspirado siya sa pagtatrabaho,

Napagod na nga ba sa pakikipagrelasyon si Willie? Kung paanong para lang siyang nagbibihis noon sa pagpapalit ng girlfriend ay ganoon naman siya katahimik ngayon.

Sabi ng isang common friend namin ni Willie, “Siguro, pangmatagalan na ang hinhanap niya ngayon, hindi na basta girlfriend lang, iyong makakasama na niya nang habambuhay.

“Aba, nakakapagod ding maging playboy, a? Sa una, e, masaya ang ganoon, pero sa katagalan, e, maiisip mo rin na isang babae nang makakasama mo nang matagalan ang hahanapin mo.

“Parang ganoon na si Willie ngayon. Kung karelasyon lang ang hanap niya, e, napapaligiran siya ng magaganda at seksing girls, pero wala na sa kaniya ang ganoon ngayon,” komento ng aming kaibigan.

Ang pinaghuhugutan na ng kaligayahan ni Willie Revillame ay ang mga kababayan nating kapuspalad na natutulungan niyang magkaroon ng panibagong buhay dahil sa Wowowin.

“Masaya akong umuuwi kapag may nananalo ng jackpot sa show, iyon ang happiness para sa akin, ang maging instrument ako sa pagkakaroon nila ng magandang buhay,” madalas sabihin ng aktor-TV host.

Mariel Rodriguez – Nakakaaliw pa rin ang mga atake sa It’s Showtime

Nakakaaliw pa rin ang mga atake ni Mariel Rodriguez. Kapag sumalang uli ang isang magaling nang host, ilang taon man ang kaniyang pamamahinga ay parang walang pagbabago, nandoon pa rin ang kaniyang kuneksiyon sa publiko.

Parang hindi nga dumaan sa matinding adjustment si Mariel nang maging opisyal na miyembro na siya ng pamilya ng It’s Showtime, swak agad siya sa kaniyang mga katrabaho, hindi siya nanganay.

Kunsabagay, sa kaniyang pamamahinga naman para subaybayan-alagaan ang kaniyang anak ay ang naturang noontime show ang kaniyang tinututukan, alam na niya ang kalibre ng kaniyang mga kapuwa artista, lalo ang atake ng bumibidang si Vice Ganda.

Dalawa na silang sintunado ngayon ni Anne Curtis, nagpapaligsahan na sila sa paliku-likong pagkanta, sabi nga ni Vice ay mas masaya kapag mas marami ang kontra-alto sa kanilang programang pangtanghalian.

Hindi kinalawang ang hosting ni Mariel Rodriguez, nakikipagsabayan siya sa kaniyang mga co-hosts, kahit ang kaniyang ganda ay walang kakupas-kupas.

Sa unang araw ng pagre-report niya sa It’s Showtime ay naging emosyonal lang ang TV host, napanood niya kasi ang video ng paghahanap sa kaniya ni Isabella, katok ito nang katok sa kuwarto nila ni Robin Padilla sa pag-aakalang natutulog lang siya.

Pero sanay na ngayon ang anak nila ni Binoe, lahat naman ng kanilang ginagawang pagsisikap ay para kay Isabella, kaya naiintindihan na ng bata kung bakit sila umaalis ng bahay.

Vice Ganda – Nakakaalarma ang madalas na pagkakaospital ngayon

Nakakaalarma nga naman ang madalas na pagkakaospital ni Vice Ganda. Mula nang maoperahan siya sa bato ay naging malapit na siya sa pagkakasakit. Humina na ang kaniyang resistensiya.

May kapatid naman siyang doktora na nag-aalaga sa kaniya, pero hindi iyon sapat, masarap na pamamahinga ang kailangan ng sikat na komedyante.

No health, no wealth, sabi nga. Aanhin ni Vice Ganda ang kaniyang milyones kung palagi naman siyang namomroblema sa kaniyang kalusugan? Konting bagay lang ay itinatakbo na siya sa ospital, sinusuwero, dahil nanghihina siya.

Sana nga ay regaluhan naman ni Vice Ganda ng masarap na bakasyon ang kaniyang katawan. Mangibang-bansa man kasi siya ay trabaho pa rin ang ipinupunta niya doon, hindi naman bakasyon, kaya humihina na ang kaniyang sistema.

Hindi na bumabata ang sikat na komedyante, habang nakikipagsayaw siya sa kasikatan ay patuloy ring nadadagdagan ang kaniyang edad, hindi na siya bata para gampanan ang dating pagpapagod-pagpupuyat na nakasanayan na niya.

Hindi simple ang kaniyang trabaho, may araw-araw siyang live show, may lingguhan pa, may mga shows pa siya sa malalayong probinsiya at sa iba-ibang bansa, hindi siya si Superman.

Aba, kahit si Superman sa mga pelikula nito ay nagpapahinga sa paglipad, kaya kailangang bigyan ng masarap na panahon ng pamamahinga ni Vice Ganda ang kaniyang katawan.

Iisa lang ang kaniyang katawan, palagi mang blockbuster ang mga ginagawa niyang pelikula ay dinadapuan na siya paminsan-minsan ng depresyon, hudyat na iyon nakailangan na niyang mas bigyan ng importansiya ang kaniyang katawan kesa sa kaniyang bulsa.

Coco Martin – Mahigpit, disciplinarian pagdating sa linya ng trabaho

Pagdating sa linya ng trabaho ay mahigpit si Coco Martin. Puwede siyang makipagbiruan sa set habang break ang produksiyon pero kapag kailangan na uling rumolyo ang mga camera ay napakaseryoso na ng aktor.

Ganoon ang imaheng mayroon si Coco sa Ang Probinsiyano, kumbaga sa eskuwelahan ay terror teacher siya, perfectionist ang paglalarawan sa kaniya ng mga nakakakuwentuhan namin.

Hindi lang kasi siya bumibida sa serye, creative consultant din siya, sa kaniya dumadaan ang mga gagawing eksena sa matagumpay nilang programa.

Kuwento ng aming source, “Mahigpit si Coco. Hindi mo siya makakausap kapag nagsimula na ang trabaho nila. Pinapansin niya ang lahat, walang nakalalampas sa paningin niya, kaya may mga lumalabas na kuwento na masyado siyang terror sa set.

“Mahal niya kasi ang ginagawa niya, passion iyon para sa kaniya, kaya kailangang smooth ang pagtatrabaho nila. Kung puwede nga namang iwasan ang problema sa set, e bakit kailangan pang palakihin?” may puntong kuwento ng aming source.

At tagumpay ang pinaiiral na disiplina ni Coco Martin sa linya ng kanilang trabaho. Noong isang gabi lang ay nagmarka nang pinakamataas na porsiyento sa loob nang tatlong taon ang serye, nakakuha iyon nang 44%, kuhang-kuha ng Ang Probinsiyano ang suporta ng ating mga kababayan.

Bilang isang Pinoy na tumututok sa serye gabi-gabi ay napakasimple lang ng dahilan ng kanilang tagumpay. Kitang-kita kasi sa kanilang palabas na mapuso ang serye.

Punumpuno ng aksiyon na parang pelikula na ang pinanonood mo, pero hindi nila nakakalimutan ang pagtusok sa emosyon ng manonood, ramdam na ramdam iyon sa kabuuan ng palabas.

Tagumpay ang pagiging magaling na aktor ni Coco Martin, siya ang napapanahong FPJ dahil sa pagbibigay niya ng trabaho sa kaniyang mga kapuwa artista bata man o matanda na, at may magandang resulta ang kaniyang pagiging terror sa set.

Vice-Gov. Jolo Revilla at Jodi Sta. Maria – Naghiwalay na

Hindi pa nga siguro tamang panahon para magbigay ng kanilang mga pahayag sina Vice-Governor Jolo Revilla at Jodi Sta. Maria tungkol sa pinagpipistahan nilang paghihiwalay.

Pero doon na rin ang uwi ng sitwasyon, pareho silang umiiwas sa tanong kung tapos na ba ang lahat sa pagitan nila, totoo ngang hanggang doon na lang ang lahat sa kanilang romansa.

Oo nga naman, oo o hindi lang naman ang makapagbibigay-linaw sa kanilang sitwasyon ngayon, pero maramot pa sa pagbibigay ng pahayag ang dalawa. Thank you lang ang naging sagot ni Jodi, ngiti naman ang naging tugon ng aktor-pulitiko, mga makahulugang aksiyon na kumukumpirma na rin sa kanilang hiwalayan.

Tanging panghihinayang na lang ang ating mararamdaman dahil nasaksihan natin ang kanilang mga sakripisyo at pakikipaglaban para sa kanilang relasyon.

Tanggap na tanggap na sila ng kani-kanilang pamilya, magkaibigan na rin sina Thirdy at Gab, ang mga produkto nila sa unang nabigong pakikipagrelasyon. Wala na sanang problema sa kanilang pagsasama.

Pero sabi nga ng isang nakakuwentuhan namin ay may mas malalim na dahilan ang lahat. Isang seryosong dahilan iyon na hindi nila kayang ibahagi sa publiko dahil hindi sila ang mayhawak.

Hindi nila kontrolado ang sitwasyon. Wala sa kanilang dalawa ang pagdedesisyon. Wala silang magagawa kundi ang maghintay na lang sila sa tamang pagkakataon kung sila pa rin ang para sa isa’t isa.

Kris Aquino – Sikat na sikat pa rin

Tama ang inaasahan namin na sa muling pagtungtong ni Kris Aquino sa bakuran ng ABS-CBN pagkatapos nang mahigit na dawalang taon ay marami siyang bitbit na pasabog. At siguradong kakabugin niya sa presscon ang loveteam nina Joshua Garcia at Julia Barretto kahit pa sinasabing suporta lang siya ng tambalan sa kanilang pelikula sa Star Cinema.

At ganoon nga ang naganap. Kahit sino pang artista ang isabay kay Kris Aqauino sa ganoong sitwasyon ay walang kakabog sa kaniya. Magpaka-trying hard man ang kahit sino na mas magningning ang presensiya kesa kay Kris ay walang magtatagumpay.

Paano mo kakabugin ang isang personalidad na ang bawat bitiwang pahayag ay siguradong pangkolum na? Ulo na agad iyon ng balita, pinagpipistahan na kahit sa social media, kaya kitang-kitang sapaw na sapaw niya sa presscon ang JoshLia.

Kuwento ng isang kapuwa namin kolumnista, “Alam mong maraming naka-miss kay Kris! Siya ang tinatanong, kundi nga lang may nagtanong din sa JoshLia, e, magmumukha silang wall flower!

“Nakupo ni Kris ang presscon, parang solo nga lang niya iyon, dahil talagang uhaw na uhaw sa mga kuwento niya ang mga reporters at ang mga production staff na nandoon! Kris Aquino is really Kris Aquino!” sabi ng aming kasamahan.

At kung saan-saan na napunta ang paksa, bumibida sa mga kuwento ni Kris si Mayor Herbert Bautista, malinaw ang kaniyang sinabi na wala na siyang nararamdaman pa para kay James Yap na ama ng kaniyang bunsong si Bimby.

At lalong wala na siyang pakialam pa kay Asec Mocha Uson, totoo naman ang sinabi ni Kris na kapag binigyan pa niya ng panahon ang dating nagpapaseksing singer-dancer ay siya lang ang magagamit, kaya hindi na niya dapat pang bigyan ng pabor na sagutin ang mga tanong na patungkol sa babaeng nang-iinis sa kaniya. Tamang desisyon! – CSF

Have a comment on this article? Send us your feedback

Hulyo 16-31, 2018

	Kris Aquino & Atty. Gideon Peña
	James Yap
	Mayor Herbert Bautista & Kris Aquino
	Ellen Adarna
	Rey Valera & Dulce
	Karla Estrada
	Alden Richards
	Erik Santos
	Alma Moreno

Kris Aquino – Bagong inspirasyon kaya si Atty. Gideon Peña?

Nakabalik na mula sa kaniyang TVC shoot sa Bangkok, Thailand si Kris Aquino at ang kaniyang mga anak na sina Josh at Bimby. Panibagong endorsement na naman ang kaniyang ginawa, karagdagan sa napakarami nang produktong siya ang nagbebenta sa publiko. Masayang-masaya ang aktres-TV host sa bago niyang kontrata.

Maraming nakakapansin na mukhang palaging masaya ngayon si Kris. Positibo lagi ang kaniyang pananaw sa buhay, hindi na niya binibigyan ng panahon ang mga bashers na paborito siyang bulabugin, masaya ang kaniyang puso ngayon.

May mga nagpapalagay na ang abogadong madalas niyang kakomunikasyon ngayon ang dahilan ng lahat. Ito ang nagpapasaya kay Kris, ito ang nagiging insiprasyon niya, dahil positibo ang hatid sa kaniya ng mga mensahe ni Attorney Gideon Peña.

Binata ang abogado. Malaya nang magmahal si Kris, wala nang magiging hadlang kung magkasundo man ang kanilang mga puso para mauwi iyon sa isang relasyong pangmatagalan.

May mga nagdududang ginagamit lang daw siya ni Attorney Gideon Peña. Paminsan-minsan ay alisin natin ang ganoong kutob, hindi natin ito kilala nang personal, maging si Kris ay nasa estado pang mas kinikilala ang abogado.

Malay natin, baka ang abogado na ang tutugon sa pag-iisa ni Kris Aquino, mahigawa ang pag-ibig.

Kahit anong pamba-bash pa ang tinatanggap ngayon ng lawyer ay hindi nito isinusuko ang pagkakaibigan nila ni Kris. Iyon ang gusto ng aktres-TV host, isang lalaking may paninindigan, isang lalaking hindi basta-basta sumusuko sa laban.

At kung sakaling mauwi na nga sa isang magandang relasyon ang kanilang pagkakaibigan ngayon ay malaki ang posibilidad na magtagal sila. Magkalebel ang kanilang utak, sa kahit anong paksa sa ilalim ng araw ay pareho silang may maiaambag, ganoon ang matagal nang inaasam na makarelasyon ni Kris.

Kumplikado talaga ang pakikipagrelasyon sa isang Kris Aquino. May takot agad na nararamdaman ang mga kalalakihan pagdating na sa kaniya.

Pero malay naman natin kung kakaiba si Attorney Gideon Peña. Baka may nakatago itong katapangan na handang diskubrehin kung paano makarelasyon ang aktres-TV host.

Abangan na lang natin ang mga susunod na kabanata.

James Yap – Dahilan ng pagpasok ng ROS sa semi-finals ng PBA

Pasok na ang Rain Or Shine (ROS) sa semi-finals ng PBA. Parang Throwback Thursday ang naganap sa salpukan nila ng Globalport Batang Pier dahil ang nagpanalo as ROS ay ang mga three points ni James Yap.

Throwback dahil iyon na iyon ang postura ng ama ni Bimby noong kasagsagan ng kaniyang basketball career sa Purefoods. Sa kahit anong anggulo at posisyon, kapag nagbato ng bola si James Yap, ay siguradong puntos na iyon para sa kaniyang koponan.

Ganoon mismo ang naganap sa do or die na paghaharap nila ng Globalport, si James Yap ang inasahan ng kaniyang team, basta ibinato niya ang bola kahit pa gaano iyon kalayo aalingawngaw agad ang boses ng court announcer na “James Yap, three points!”

Habang pinanonood naming nagdidribol at nagsu-shoot si James ay naisip lang namin na ibang-iba talaga ang kaniyang dedikasyon sa hanapbuhay na nagpabago sa estado ng kanilang pamilya.

Ano bang kontrobersiyal ang kaniyang buhay dahil sa pangangalampag sa kaniya ni Kris Aquino? Ano bang nahuhusgahan siyang iresponsableng ama? Basta ang utak at puso ni James Yap ay nakatutok lang sa bola.

Wala siyang pakialam kung i-bash man siya nang i-bash sa social media, ang kaniyang konsentrasyon ay nakapako lang sa laro, ang iniisip niya lang ay kung ano ang magagawa niya para sa kaniyang team para makapasok sila sa semi-finals.

Siya ang tinanghal na pinakamusay na manlalaro noong gabing iyon. Nang hingan siya ng mensahe ng pasasalamat ng courtside reporter ay ang mga tagasuporta lang ng Rain Or Shine ang kaniyang pinahalagahan.

Hindi niya hinandugan ng pananalo nila si Michela Cazzola at ang dalawa nilang anak. Mahirap na nga naman. Baka kapag nakalimutan niyang banggitin ang pangalan ni Bimby ay maging ugat na naman iyon ng kaliwa’t kanang pamba-bash sa kaniya sa social media.

Paano pa kung maging sensitibo si Kris Aquino para sa kaniyang bunso? E, di bagong kuwento na naman ang pagpipistahan ng buong bayan?

Tama lang ang ginawa ni James Yap. Less talk, less mistake, ganoon.

Mayor Herbert Bautista – Sobra pa sa pagkakaibigan ang relasyon kay Kris

Naging marespeto at propesyonal sa pagsagut-sagot si Mayor Herbert Bautista sa kabi-kabilang tanong sa kaniya tungkol sa tunay nilang relasyon ni Kris Aquino.

Hindi niya malaman kung paano niya iyon ilalarawan. Sobra pa sa pagkakaibigan pero hindi naman masasabing sila na nga. Basta, ayon kay Mayor Bistik ay mayroon, pero kung ano iyon ay hindi rin niya maidetalye.

Inamin ng aktor-pulitiko ang kuwento ni Kris nang maging panauhin namin ito sa Cristy Ferminute na noong magkasama silang bumili ng singsing na brilyante sa Europe ay na-decline ang kaniyang credit card.

Totoo raw iyon, kaya si Kris ang nagbayad, pero agaran din naman daw niyang binayaran ang ipinaluwal ng aktres-TV host sa pagbili ng singsing.

Pero masarap pakinggan ang pahayag ni Mayor Herbert na noong malungkot at bagsak ang mundo ni Kris ay sila ang palaging nagkokomunikasyon. Bumaba na sa posisyon noon si P-Noy at nawalan din ng kontrata sa ABS-CBN si Kris.

Sa aming opinyon ay iyon ang nagpatibay sa kanilang samahan; iyon ang dahilan kung bakit hindi makalimutan ni Kris si Mayor Herbert, napakahalaga nga namang malaman na sa kabila ng pagtalikod sa kaniya ng mundo ay may isang Mayor Herbert na nagpasaya sa kaniya.

May isang taong nagpahiram sa kaniya ng panahon sa pakikinig sa kaniyang emosyon, may isang taong nagpayo sa kaniya na tanggapin lang ang kaniyang naging kapalaran, dahil isang araw ay matatapos din ang lahat at babangon nang nakangiti si Kris.

Ellen Adarna – Nanganak na noong June 27 pa

Kundi pa nagsalita ang abogado ni Ellen Adarna sa kasong hinaharap niya ngayon na hindi niya napupuntahan dahil sa kaniyang sitwasyon ay hindi pa malalantad na nakapanganak na pala siya noong June 27 pa.

Dalawang linggo na palang nakapanganganak ang sexy actress, pero idinedenay pa rin nila iyon ni John Lloyd Cruz, sinisita pa nga ng aktor ang mga naglalabas ng balita dahil wala raw katotohanan iyon.

Ginagawa nilang pahulaan ang paglabas ng kanilang munting anghel, parang blind item na pinahuhulaan nila sa publiko ang panganganak ni Ellen, dahil gusto nga raw nilang maging pribado ang kanilang relasyon.

Dapat malaman ni John Lloyd na pampublikong pigura sila ni Ellen Adarna. Sa ayaw at sa gusto nila ay kakambal ng kanilang hanapbuhay ang pang-uusisa ng publiko tungkol sa mga nagaganap sa kanilang personal na buhay.

Kahit balikan natin ang dating buhay ni JLC ay nagsasalita ang katotohanan na napakalaki ng utang na loob na dapat nitong ipagpasalamat sa publikong sumuporta at nagmahal sa kaniya. Sa pag-aartista ni Lloydie nag-ugat ang lahat ng karangyaan sa buhay na tinatamasa nito ngayon.

Bilang pasasalamat, dapat ay handa ang kalooban ng magaling na aktor na kahati ng kaniyang kasikatan ang pagtutok ng publiko sa lahat ng mga nangyayari sa kaniya kasama na ang kaniyang lovelife, na gusto nitong maging pribado.

Gaano man nila gustuhin ni Ellen na maging pribado ang kanilang sitwasyon ay hindi nila makukuha nang isandaang porsiyento ang kanilang hiling.

Sikat na personalidad si John Lloyd Cruz, sabit na rin sa kaniyang popularity ang kaniyang karelasyong si Ellen, kaya hindi maganda sa panlasa ang pag-init ng ulo ng aktor kapag napag-uusapan ang kanilang relasyon.

Kung mga pribadong tao sila ay may espasyo ang pagrereklamo, pero dahil mga artista sila, kasama sa teritoryo nila ang pagtutok ng publiko maging sa pribado nilang relasyon.

Rey Valera at Dulce – Nakikisakay sa mga pambubuyo sa Tawag Ng Tanghalan

Maraming televiewers na naaaliw sa ginagawang panunukso sa magagaling na singers na hurado sa Tawag Ng Tanghalan ng It’s Showtime na sina Rey Valera at Dulce.

Nagpapasimuno sa pagrereto sa kanila ang mga kapuwa nila hurado sa labanan at ang mga hosts ng noontime show. Sa totoo lang, may edad na sina Rey at Dulce, pero maraming naaaliw sa mga panunukso sa kanilang dalawa.

Si Rey Valera ay may misis at malalaki nang anak. Si Dulce naman ay maligayang namumuhay na kasama ang kaniyang mister na si Tito Bernard Cruzata, malalaki na rin ang mga anak nilang sina Jeminah at Abigail, magagandang bata.

May mga anak si Dulce sa dating singer na si Danny Cruz, si Deejay na isa nang US Navy ngayon, ang magaling na singer-stage actor na si David Ezra at ang bunsong si Dana na isa namang flight attendant ng PAL.

Siguradong alam ng mga karelasyon at mga anak nina Rey at Dulce na tuksuhan lang ang lahat, walang personalan, pangdagdag-palabok lang sa seryoso nilang pag-upo sa noontime show bilang mga hurado.

Nakakaaliw panoorin si Rey habang kunwari’y pinagbibilinan si Dulce kapag hindi sila magkasama, akma namang pupukpukin ng mikropono ng magaling na Visayan singer ang punong-hurado, saka maghahalakhakan ang kanilang mga kasamahan sa tuksuhan.

Buhay na buhay ang kapaligiran kapag ganoon. Nakikisakay ang dalawang singers sa mga pambubuyo ng kanilang mga kasamahan, pero siyempre’y hanggang sa harapan lang naman iyon ng mga camera, pagkatapos ng programa ay may kani-kaniya na silang buhay.

Karla Estrada – Judge sa Tawag Ng Tanghalan? Bakit? Paano?

Napakaagang tawag ang tinanggap namin kahapon mula sa kaibibigan naming propesor. Parang ang laki-laki ng kaniyang problema, parang kung ano na ang nangyayari, si Karla Estrada pala ang pinoproblema nito.

Pahayag ni prop, “Walang pasok, kaya nakapanood ako ng It’s Showtime. Nakita ko, judge pala si Karla Estrada sa Tawag Ng Tanghalan? Bakit? Paano?

“Okey ang lahat ng mga hurado. May alam sila sa music, alam nilang kumilatis ng tunay na singer at hindi. Sina Rey Valera, Dulce, Gary Valenciano, Ogie Alcasid, Erik Santos, Kyla, Yeng Constantino, Jaya, Nyoy Volante, K Brosas, Louie Ocampo. Okey silang lahat.

“Pero bakit naging judge si Karla? Ano ang dahilan? Oo, nakakakanta siya, pero ano ang karapatan niyang maging judge sa isang malakihang talent search?

“E, di nga ba, bukod sa may pagkasintunado na si Karla, e, nakakalimutan pa niya ang mga lyrics ng kinakanta niya? Kaya bakit siya nagdya-judge sa Tawag Ng Tanghalan?” naiinis na komento ni prop.

Pinilosopo namin si prop, di ba’t singer din ang anak ni Karla na si Daniel Padilla, bumebenta ang mga kanta ng heartthrob niyang anak.

Mas maasim ang balik ng aming kaibigan, mukhang suka at hindi kape ang kaniyang ininom sa paggising, “Naku, para-paraan na lang ‘yan! Nadala na lang ng kasikatan ni Daniel ang pagiging singer niya!

“Pero kung pakikinggan mo siyang mabuti, e, wala namang special sa boses ng bata. Para lang din siyang nanay niya, nakakakanta, pero hindi magaling!

“Sana naman, e, mamili ang production staff ng It’s Showtime ng mga totoong singers para mag-judge sa pa-contest nila. Huwag naman iyong basta may maiuupo lang sila!” madiin pang pahayag ni prop.

Alden Richards – Sino kaya ang nagbabayad sa mga bashers ng Pambasang Bae?

Nakakatawa ang mga bashers ni Alden Richards. Parang inuudyukan pa nilang mag-suicide ang Pambansang Bae sa kanilang hamon na kung totoong sikat na ang singer-actor ay tapatan niya ang Ang Probinsiyano ni Coco Martin kapag ipinalabas na ang pagbibidahan niyang Victor Magtanggol.

Sobra-sobra ang panahong inilalaan ng mga taong iyon kay Alden, parang ang singer-actor na lang talaga ang tutok ng kanilang oras sa maghapon, gigil na gigil sila dahil sa kabila ng kanilang mga paninira ay matatag pa rin ang karera ng artistang gusto nilang makitang nakaplakda na sa lupa ang propersyon.

Himahamon-pinapainan ng kaniyang mga bashers si Alden Richards, paghamong may kakambal na pang-iinsulto, kung talaga raw malaki ang tiwala sa kaniya ng GMA-7 (na wala raw paniniwala sa kanilang tambalan ni Maine Mendoza) ay itapat nila ang Victor Magtanggol sa serye ni Coco.

Pangunahan ba ang network? Hamunin ba ang istasyong namumuhunan sa malaking proyekto ng Pambansang Bae na maraming tagasubaybay na niya ang nag-aabang ngayon?

Sa totoo lang, kahit sinong prodyuser na nasa wastong huwisyo ay hindi nanaising tumapat sa serye ni Coco Martin na nanglalamon ng rating, suicide ang ibig sabihin noon.

Sa panahon ngayon na kumukuwarentang mahigit ang rating ng seryeng Ang Probinsiyano ay hindi magkakaisip-magkakaideya ang kahit sinong namumuhunan na isabong ang kaniyang proyekto sa isang palabas na parang halimaw sa lakas ng kaway sa buong bayan para tutukan-subaybayan ang programa.

Malaking hamon iyon, kumbaga sa boksing ay ilan na ba ang nagtangkang agawin ang korona ng rating sa palabas, pero palaging bigo? Hindi pa ngayon ang panahon para talunin-padapain ang Ang Probinsiyano. Isang malaking ilusyon lang iyon.

Kaya tantanan na ng mga bashers ni Alden Richards ang pang-iinsulto, hindi maagang pagkamatay ang pinapangarap ng network niya para sa kaniyang pagbibidahang serye, matagalang buhay ang kanilang hangad para sa Victor Magtanggol.

Safe side. Hindi suicide.

Erik Santos – 15 years na mula na maging champion ng Star In A Million

Napakabilis talagang lumipad ng panahon. Parang kailan lang iyon nang maging champion ng Star In A Million si Erik Santos pero 15 taon na pala ang nakalilipas mula noon.

Makabuluhang 15 taon na nga ang itinatakbo ng kaniyang singing career. Mabunga dahil marami na siyang napasikat na piyesa at siya ang isa sa mga inaasahang singers sa kahit anong klase ng okasyon.

Sa September 22 ay ipagdiriwang na ni Erik ang kaniyang 15th year anniversary, isang malaking concert ang kaniyang pinaghahandaan na gaganapin sa Mall Of Asia Arena, ang kaniyang management outfit na Cornerstone Productions at ang Lucky 7 Koi Productions ni Tita Lily Chua ang mga producers ng kaniyang concert.

Nang makita namin ang line-up ng mga makakasama niya bilang guests sa Erik Santos: My Greatest Memories ay isa lang ang naisip namin. Grabe, parang anniversary na ng ASAP ang magaganap, dahil puro poste ng mundo ng musika ang kaniyang makakasama.

Isa si Erik Santos sa mga kilalang singers na puso ang kumakanta at hindi ang bibig lang. Emosyonal ang kaniyang atake, wala kang masasabi sa kinis ng kaniyang boses, maging sa kabuuan ng kaniyang performance.

Dagdag pa ng kaniyang producer na si Tita Lily Chua, “Saka masarap siyang ipag-produce dahil napaka-professional niya. Mabait si Erik, mabuti pa siyang anak at kapatid, walang kaarte-arte at talagang magaling siyang singer at director.”

Alma Moreno – Maganda pa rin si Ness kahit mataba at may apo na

Tatlong beses na dumoble ang bigat ni Alma Moreno kumpara sa kaniyang unang pelikulang Eva Fonda 16. Nasaksihan namin ang paglulunsad ng Sampaguita Pictures sa napakagandang aktres noong kasagsagan ng kaniyang pagiging sexy star.

Isa si Alma Moreno sa mga artistang kahit bagong gising ay magpapaganda talaga ng iyong umaga. Kahit wala siyang make-up, kahit punit-punit na t-shirt ang kaniyang suot ay tunay siyang maganda, hindi siya alipin ng siyensiya.

Nand’yan pa rin ang kaniyang kagandahang nagpainit sa mga kalalakihan, pero ang magandang hubog ng kaniyang katawan na naging bahagi ng basambasang panaginip ng mga anak ni Adan ay hindi na maaaninag, tatlong doble na ang katawan ngayon ni Alma Moreno.

Iyon ang kaniyang palaging pangarap ngayon, ang sana’y makapagbawas siya ng timbang, pero siya na rin ang nagsabing maraming taon niyang napabayaan ang kaniyang katawan dahil sa pagiging abala sa mundo ng pulitika.

Hindi na siguro niya kailangan pang hangaring magbalik ang dating hubog ng kaniyang katawan. Ang mahalaga ay mayroon na siyang napatunayan. Nakaharap at nakatalikod si Alma Moreno ay kilalang-kilala pa rin siya ng ating mga kababayan.

Sa kaniyang edad ngayon na mayroon na siyang mga apo, ang kagandahang hawak pa rin ni Ness ay isang malaking katangian na, hindi pinagbago ng mga problema at paghamon ang kagandahan ni Alma Moreno. – CSF

Have a comment on this article? Send us your feedback

Agosto 1-15, 2018

	Angelica Panganiban
	Ai Ai delas Alas
	Joshua Garcia & Julia Barretto
	Cogie Domingo
	Robin Padilla
	Kylie Padilla & Aljur Abrenica
	Jinkee & Manny Pacquiao
	Senator Bong Revilla
	Josh Aquino & Willie Revillame

Angelica Panganiban – Nakapag-move-on na mula kay Lloydie

Bagsak ang katawan ni Angelica Panganiban. Nagkasakit ang magandang aktres na minsan ding nangarap na siya si Wonder Woman na hindi kayang pabagsakin ng anuman.

Sunud-sunod kasi ang kaniyang trabaho, halos wala na siyang tulog at pahinga, naubos ang kaniyang lakas kaya isang umaga ay nakaramdam na siya ng panghihina ng katawan.

Natural, hindi naman lahat ay makakaunawa sa kaniyang sitwasyon, sa halip na pakisimpatyahan siya ng iba ay bina-bash pa siya. Tantanan na raw kasi niya ang pagpaparinig kay John Lloyd Cruz para hindi siya nagkakasakit.

Nanghina lang, si JLC na agad ang dahilan, hindi ba puwedeng naubos lang ang nakareserba niyang energy kaya kailangan niyang magpagaling?

Matagal na panahon nang nakapag-move-on si Angelica mula sa hiwalayan nila ni Lloydie, tanggap na niya ang relasyon ng aktor at ni Ellen Adarna, alangan namang magmukmok siya sa isang sulok at umasa pa rin sa pagbabalikan nila ni JLC?

Ang kailangan ngayon ni Angelica ay sapat na panahon para sa kaniyang sarili. Magtira naman siya para sa kaniyang katawan na batak na batak na sa sobrang pagtatrabaho.

Iisa lang ang ating katawan. Iyon dapat ang maging prayoridad ng magandang aktres bago ang kahit ano.

Ai-Ai delas Alas – Asenso pa rin, gusto lang mag-downsize

May kumalat na kuwento noon na ibinebenta na raw ni Ai-Ai delas Alas ang kaniyang bahay dahil hindi maganda ang pasok ng suwerte sa kaniyang career.

May mga kinausap na raw ang Comedy Concert Queen para sa bentahan. Pero hanggang ngayon naman ay doon pa rin sila nakatira ng kaniyang mister na si Gerald Sibayan at ng kaniyang mga anak.

Totoong gustong ibenta ng sikat na komedyana ang bahay, pero hindi dahil sa kung anu-anong dahilan, kundi gusto na lang niyang tumira sila ni Gerald sa mas maliit na lugar.

Parang mansiyon na nga naman ang kanilang bahay, kakalug-kalog lang sila doon, lalo na kapag bumabalik na sa Amerika ang dalawa niyang anak na doon na nagsisipag-aral. Walang katotohanan na hindi raw naipa-fengshui ni Ai-Ai ang bahay, hindi siya kumokontra sa mga naniniwala doon, pero mas matindi ang kaniyang paniniwala sa Panginoon.

Maayos ang kanilang relasyon ni Gerald, bukod sa pagtuturo nito ng badminton sa mga kolehiyo ay isinasabay rin ni Gerald ang kaniyang pag-aaral, tapos na ito ng kurso sa De La Salle pero gusto pa rin nitong maging piloto.

Napakasipag ni Gerald, disiplinado ito sa oras dahil atleta nga ang mister ni Ai-Ai, iyon ang isang katangiang sinasaluduhan ng sikat na komedyana sa kaniyang asawa.

“Tulog pa yata ang buong mundo, e, gising na siya, kumikilos na, nagtatrabaho na. Masarap makakita ng partner na kumikilos, mahahawa ka ng sipag sa kaniya,” papuri pa ni Ai-Ai kay Gerald.

Oo nga naman.

Joshua Garcia – Hindi dapat ikumpara kay JLC

Kontrang-kontra ang kaibigan naming propesor sa palaging nasusulat na si Joshua Garcia ang junior ni John Llolyd Cruz sa husay umarte. Bakit daw kailangang mabuhay ang young actor sa anino ni JLC?

Lintanya ni prop, “Napanood ko ang lahat ng mga movies ni Lloydie. Magaling talaga siya. Sa mga ka-contemporary niya, e, malayo ang comparison ng acting ni JLC sa mga kasabayan niya.

“Simple, pero emotional. Napakasuwabe lang ng atake ni Lloydie sa mga eksena, pero kuha niya ang viewer. Magaling talaga siya,” papuri ng aming kaibigan sa namamahingang aktor.

Pero mula nang ipanganak si Joshua Garcia as mundo ng telebisyon at pelikula ay may kung anong nagtulak kay prop para sundan ang pag-arte ng bagets.

“Sa PBB ko siya unang napanood. Sabi ko, may itinatagong galing sa pag-arte ang batang ito, ramdam kasi iyon sa bawat pagsasalita niya. At tama ako! Noong isalang na siya sa isang movie na maigsi lang ang role niya, sabi ko, ito na iyon!

“Hanggang sa bumida na siya sa isang serye, wala akong na-miss na episode noon, pati ang mga movies na ginagawa niya, e, sinundan ko na.

“Ayokong tinatawag siyang junior ni Lloydie, pareho silang magaling, pero may sariling atake si Jochua na hindi makikita kay Lloydie! Hindi siya junior, hindi niya ginagaya si John Lloyd, isang aktor si Joshua Garcia na napakasariwa, very raw,” pagtutol ni propesor. Oo nga naman.

Cogie Domingo – Sana’y seryosohin na ang career

Abalang-abala ngayon si Cogie Domingo sa pagdyi-gym. Kailangan niyang magbawas ng timbang. Hindi naman siya kalakihan, pero hindi iyon ang hinihinging timbang sa harap ng mga camera, kailangan niya talagang magsakripisyo.

May plano sa kaniya ang isang produksiyon, gagawa siya ng pelikula sa ibang bansa na ang iikutan lang ng kuwento ay ang kaniyang leading lady, kung galing sa pag-arte ang pag-uusapan ay wala nang kuwestiyon sa kapasidad ng guwapong aktor.

Habang nagsisikap siyang magbawas ng timbang ay kasama siya ngayon sa pelikulang Gulong Ng Palad ng Cineko Productions ng pinagbibidahan nina Jodi Sta. Maria at Gabby Concepcion sa pamamahala ni Direk Laurice Guillen.

Magaling na aktor si Cogie, pero dala ng kabataan niya noon ay naging pabaya siya sa disiplina, ikinambal sa kaniya noon ang salitang “the late Cogie Domingo.” Palagi kasi siyang late na dumarating sa kaniyang mga kompromiso.

Pero nagbabago naman ang tao, pati ang kaniyang mga prayoridad sa buhay, habang lumilipas ang panahon. Ngayon ay seryoso na siyang harapin ang kaniyang pag-aartista, alam na niya ang tama at mali, hindi siya puwedeng pagpasensiyahan ng produksiyon habambuhay.

Kung nakaranas lang ng hirap sa buhay si Cogie Domingo ay mababalanse niya ang lahat. Pero marami namang personalidad na galing din sa buena familia pero mahal nila ang kanilang propesyon.

Harinawang hindi pa huli ang lahat para sa pagseseryoso ngayon ni Cogie Domingo.

Robin Padilla – Hiling ang pagpapakasal nina Kylie at Aljur Abrenica

Wala nang mahihiling pa ngayon si Robin Padilla. Pagkatapos ng birthday ng kaniyang apong si Alas ay tututukan na nina Kylie at Aljur Abrenica ang kanilang pagpapakasal.

Wala pang petsa, pero simpleng kasal lang ang gusto ng magkarelasyon, isang mahalagang pagtitipon kung saan magkakasama-sama ang kanilang mga pamilya.

Sinubok ng panahon ang relasyon nina Aljur at Kylie, minsan na silang nagkahiwalay nang matagal-tagal ding panahon, pero dahil mahal nila ang isa’t isa ay sa pagbabalikan pa rin iyon nauwi.

Walang problema sa pamilya ng aktor, mahal nila si Kylie, alam nina Daddy Jojo at Mommy Amor pati ng kanilang mga anak na si Kylie ang buhay ni Aljur.

Kasal lang naman ang hinihingi ni Robin, kailangang panindigan ni Aljur ang kanilang relasyon ni Kylie, lalo na’t mayroon nang Alas sa kanilang pagmamahalan.

Iyon lang, wala nang ibang hiling ang action star, kundi ang ihatid sa altar ng manugang nitong hilaw ang kaniyang anak.

Kahit panahon na ng mga milenyal na pasable na ang live-in, para kay Robin ay nakapasagrado pa rin ng kasal, makaluma pa rin ang kaniyang pananaw na tama lang anaman

Responsableng ama si Aljur, nagsisikap na mabuti ang aktor para sa kinabukasan ng kaniyang mag-ina, puro para kina Klyie at Alas ang atensiyon at pangarap ni Aljur.

Nakapagpundar na siya ng bahay, suwerte namang hindi siya nawawalan ng trabaho ngayon, kaya puwedeng-puwede na niyang tugunan ang kaisa-isang hiling ni Robin Padilla.

Manny Pacquiao – Magiging promoter na ng kaniyang mga laban

Wala pa ring kakupas-kupas ang mga pamatay na suntok ng Pambansang Kamao. Si Manny Pacquiao pa rin! Nagbubunyi ang buong bayan ngayon sa pagpapaluhod niya kay Lucas Matthysse at sa pag-uuwi niya ng gintong sinturon.

Ang sarap-sarap bumiyahe kapag may laban si Pacman. Malinis ang kalye, wala ring nagaganap na kriminalidad, dahil pati ang mga holdaper at mandurukot ay tumututok sa kaniyang laban.

Sino nga ba ang mag-aakala na sa kaniyang edad na 39 kontra sa mas bata at matikas na si Lucas ay paghaharian niya pa rin ang lona?

Banta ni Matthysse ay pababaksakin nito si Pacman sa mga unang round pa lang, luluhod daw si Pacman sa ring dahil sa malalakas nitong ulos, pero ano ang nangyari? Sino ba ang tatlong beses na napaluhod kahit wala naman ito sa simbahan?

Ang tanging nasabi na lang ng interpreter ni Lucas ay ganoon daw talaga sa boksing, may nananalo at natatalo, isang great legend at fighter daw si Pacman.

Ngayon naranasan na ng Pambansang Kamao ang pagiging promoter mismo sa kaniyang laban ay nagpahayag na ang pambato nating boksingero na siya na ang hahawak ngayon ng lahat ng mga susunod pa niyang laban.

Hindi pera ang habol ni Senador Manny Pacquiao kundi ang kaayusan ng lahat ng aspeto, organisado kasi si Pacman, binabantayan niya ang lahat ng anggulo ng kaniyang propesyon.

Sa December ang pinupuntirya niyang pakikipagsalpukan uli, pero hindi pa niya sinasabi kung sino ang makakasukatan niya ng lakas, siya ang mayhawak ngayon ng pagiging kampeon ng WBA Welterweight belt.

Mga dalawa-tatlong laban pa raw ang kaniyang haharapin, anuman ang maging resulta ng kaniyang mga laban, ayon kay Senador Manny Pacquiao ay panahon na para iligpit at ipakuwadro niya na lang ang mga makasaysayan niyang kagamitan sa pakikipagsalpukan na napakatagumpay.

Jinkee Pacquiao – Walang masama, pera nila ang pang-shopping

Spell I kay Jinkee Pacquiao ang marami. Siguradong shopping kung shopping na naman daw siya dahil sa pagtatagumpay ng mister niyang boksingero.

Ganoon ang palaging reaksiyon kapag nananalo ang Pambansang Kamao, hindi lang daw si Pacman ang waging-wagi, kundi pati ang kaniyang misis.

Puro branded bags and shoes ang binibili ni Jinkee, balitang-balita iyon sa Amerika, dahil ang mga sales ladies ng mga branded shops na pinupuntahan niya ay mga Pinoy.

Pero hindi naman daw totoong ipinasasarado ng misis ni Senador Manny Pacquiao ang mga pinapasok niyang branded shops, totoong shopping-to-death ang kaniyang ginagawa, pero bukas para sa publiko ang lugar.

Pero kung iisipin ay bakit naman kailangang panghimasukan ang pagsa-shopping ni Jinkee? Pera naman nila iyon, salaping pinaghirapang kitain ng kaniyang asawa, kaya ano ang masama doon?

Kahit naman siguro sinong misis ng matagumpay na boksingero ay ganoon din ang gagawin, bilyunan na ang mayroon sila, kaya hindi naman siguro krimen kung bumili man ng mga panggranatsa si Jinkee.

Huwag na lang sanang ipinagbabanduhan iyon sa publiko, sarilinin na lang sana, binibigyan ng pagkakataon ni Jinkee ang mga inggitera at pakialamera kapag ipinaglalantaran niya sa kaniyang FB account ang mga branded stuff na mayroon siya.

Pero hindi kasalanang mortal ang ginagawang pagsa-shopping ni Jinkee Pacquiao. Sariling salapi nila ng senador ang kaniyang ginagastos at hindi perang nakaw sa kaban ng bayan.

Sen. Bong Revilla – Hindi pinayagang makapag-bail ng SC

Ibinasura ng Supreme Court ang matagal nang hiling ni dating Senador Bong Revilla na makapaglagak ng piyansa tulad ng kaniyang kaibigang si dating Senador Jinggoy Estrada na ilang buwan nang pansamantalang nakalalaya.

Pinagtibay ng SC ang unang desisyon ng Sandiganbayan na hindi payagang makapag-bail ang aktor-pulitiko at ang kaniyang abogado.

Pero sa mga pinakahuling pagdinig sa bintang na plunder sa dating senador ay naging saksi ang buong bayan sa ginawang paglilinis sa kaniyang pangalan ng mga witness.

Lumuluha pa ngang nagpahayag sa korte ang isang saksi na walang dapat panagutan sa kaso si Senador Bong dahil kitang-kita nito na si Benhur Luy lang naman ang tahasang pumipirma sa mga dokumento para sa mga LGU.

Dokumentado ang mga rebelasyon ng witness, under oath ang mga naging pahayag nito na pabor sa aktor-pulitiko, kaya ang tanong ng mga tagasuporta ni Senador Bong ay hindi ba bibigyan ng bigat ng Supreme Court ang napakalinaw na paglilinis sa kaniyang pangalan ng naupong witness sa Sandiganbayan?

Laganap ang pag-asa. Hindi dapat malungkot ang mga nagmamahal at nagmamalasakit na tagasuporta ni Senador Bong. Kailangan pa rin nating pagkatiwalaan ang proseso ng hustisya sa ating bayan.

Maraming kasong hinuhusgahan na pero sa dakong huli ay nababaligtad pa rin dahil sa mga sapat na ebidensiyang naihahain ng pinagbibintangan.

Kung nabigyan ng pagkakataong makapagpiyansa si Senador Jinggoy at pinalaya si Senador Juan Ponce Enrile dahil sa kunsiderasyon sa edad nito ay bakit hindi rin mapagbibigyan ang hiling ni Senador Bong?

Pare-parehong bintang lang naman ang kasong isinampa laban sa kanilang tatlo kaya bakit kailangang mapag-iwanan sa hiling na pansamantalang kalayaan si Senador Bong Revilla?

Willie Revillame – Mahal na mahal si Kuya Josh

Nasa Jakarta, Indonesia ngayon si Kris Aquino. Isang bagong TVC ang gagawin niya doon, kasama niyang umalis ang production staff ng ahensiyang kumuha sa kaniya, lulan ng isang chartered plane.

Bago siya umalis ay nag-bonding muna sila ni Willie Revillame, natupad ang ilang araw nang planong pagdalaw ng aktor-TV host para personal na makita si Joshua, na kalalabas lang sa ospital.

Tuwang-tuwa si Josh nang makita nito si Willie, si Kris mismo ang nagkuwento sa amin na kahit saang network lumipat si Willie ay sinusundan ito ng kaniyang anak, sa kanilang pagbibiyahe ay mga kanta rin ni Willie ang pinatutugtog ni Josh.

Si Kris mismo ang nag-edit ng inilabas niyang video ng pagkikita nina Willie at Kuya Josh. Kapag mga anak niya na ang nasa video ay hindi niya ipinauubaya sa kaniyang staff ang editing.

Ayaw bitiwan ni Josh ang mga CD at jacket na pasalubong sa kaniya ni Willie. Hanggang noong matutulog na ito ay katabi pa rin ni Josh ang jacket at mga CD ni Willie.

Sabi ni Kris, “Just landed in Jakarta. Ang fans – Wil-Kris na raw! Ang cute!!!”

Mahilig sa kotse si Josh, kaya nag-ikot sila ni Willie sa subdivision sakay ng pula at magarang Ferrari ng host ng Wowowin, sa susunod na pagdalaw ni Willie ay ang top down naman nitong Bentley ang sasakyan nila ng panganay ni Kris.

Kuwento ni Willie, “Parang kailan lang iyon, pero napakatangkad na ni Josh! Hanggang balikat na lang niya ako! At ang paa niya, super-laki ng size!”

Nagyayaya na raw si Kris na magkuwentuhan naman sila, pero si Josh pa rin ang kakuwentuhan ni Willie, ayaw bumitiw sa kaniya ni Josh na noong bata pa ay palaging nasa dressing room ni Willie kapag may taping si Kris.

“Mahal na mahal ko ang batang ‘yun, napakalambing kasi niya. Naninibago lang ako ngayon dahil noong yakapin ko siya, e, halos balikat lang niya ang naaabot ko! Mauulit pa ang joy riding namin,” tuwang-tuwang kuwento ni Willie. – CSF

Have a comment on this article? Send us your feedback

Agosto 16 – 31, 2018

	Dante Rivero, Perla Bautista, Carlo Catu, Romnick Sarmienta & Menggie Cobarrubias
	Kris Aquino
	Kris Aquino & Willie Revillame
	Coco Martin
	Alden Richards
	Joshua Garcia & Julia Barretto
	Nora Aunor
	Gretchen Barretto
	John Lloyd Cruz & Roberto Belini
	Sharon Cuneta & Richard Gomez
	Manny & Jinkee Pacquiao
	Mocha Uson & Drew Olivar

Direk Carlo Catu – Namakyaw ng parangal sa Cinemalaya

Maulan ang Lunes ng hapon (Aug 13), may lungkot na hatid ang pagluha ng langit, pero kabaligtaran noon ang aming naramdaman nang bumungad sa aming paggising ang mensaheng hatid ng batambatang direktor ng Kung Paano Hinihintay Ang Dapithapon na si Direk Carlo Catu.

Sabi ng aming assistant na si Japs Gersin, “Tumakbo ako sa kuwarto n’yo kagabi, pero tulog na kayo.” At saka nito ipinanood sa amin ang acceptance speech ni Direk Carlo Catu dahil namakyaw ng parangal sa Cinemalaya ang Kung Paano Hinihintay Ang Dapithapon.

May istorya ang masarap niyang pasasalamat, may dahilan kung bakit kami binanggit ni Direk Carlo Catu sa kaniyang makabuluhang speech, heto ang kuwento.

November 29, 2017, nang magkasundo kami ni Omar Sortijas, dati naming EP sa TV5, na magkikita kami sa Mga Obra Ni Nanay dahil may ilalatag itong proyekto sa amin. Kasamang dumating ni Omar ang anak-anakan naming si Kristina Orfiano.

Ginawa na naming isahan ang plano naming pagkikita. Inimbitahan na rin namin ang prodyuser ng Cineko an si Mayor Enrico Roque.

Kuwentuhan-kuwentuhan, hanggang sa sinabi na ni Omar, “Mayor, gusto po sana naming ipasok sa Cinemalaya ang isang kuwentong tatlong senior stars ang kakailanganin para ikutan ng istorya.”

Wala kaming ibang narinig mula sa prodyuser ng Cineko kundi, “Sige, ayusin n’yo na ang lahat-lahat, malaman ko sana agad kung magkano ang kailangan. Ako na ang bahalang maglatag nito sa mga co-producers ko.”

Mabilis ang kilos ng prodyuksiyon, nakuha agad nila sina Dante Rivero, Menggie Cobarrubias at Perla Bautista, mayroon na agad lumang bahay na kailangang-kailangan sa istorya, walang kasingsaya ang boses ng anak-anakan naming si Omar Sortijas noong unang araw ng shoot ng pelikula.

Pinanood namin ang Kung Paano Hinihintay Ang Dapithapon. Puno ang sinehan, maraming milenyal na nanonood, pagkatapos ng huling kuwadro kung saan tabi-tabing nakaupo sa dalampasigan ang tatlong bida habang hinihintay ang paglubog ng araw ay malalakas na palakpakan ang maririnig sa sinehan.

Kinilabutan kami sa napakainit na pagtanggap ng manonood sa obra ni Direk Carlo Catu. Naisip namin, isang positibong pahimakas iyon sa mga karangalang nakatakdang tanggapin ng pelikula, at hindi kami nagkamali.

Para sa kategoryang full-length, nakuha ng pelikula ang Best Film at NETPAC Jury Awards, Best Screenplay (John Carlo Pacala), Best Cinematography (Neil Daza) at Best Production Design (Marielle Hizon).

Nagbubunyi ang buong produksiyon, maligaya ang mga prodyuser ng Cineko at Cleverminds Productions, masayang-masaya ang mga personalidad na gumanap sa isang pelikulang hindi kalimut-limot.

Mabuhay kayong lahat! Mabuhay ang industriya ng pelikulang Pilipino!

Kris Aquino – Nag-attend ng premier ng Crazy Rich Asians

Nasunod ang hiling ni Kris Aquino na makadalo sa red carpet premiere night ng pelikulang Crazy Rich Asians sa Hollywood. Kung ang Ate Ballsy niya ang masusunod ay kontrang-kontra ito sa kaniyang pagbiyahe, magdedelikado na naman kasi ang kundisyon niya, kapag inatake siya ng allergy sa Amerika.

Kung ang allergy nga naman sana ni Kris ay nakukuha lang sa pagkamut-kamot, sa mga ointment na ipahid lang sa kaniyang balat ay wala na siyang problema, pero ibang klase ang allergy attack niya.

Kailangan siyang ipaospital agad, ilang injection ang dapat ibigay sa kaniya, hindi simple ang sakit ng aktres-TV host. Pero aminado naman si Kris na umiral na naman ang katigasan ng kaniyang ulo.

May kasabihan nga na what Kris wants, Kris gets, kaya wala nang nagawa ang mga nagmamahal at nagmamalasakit sa kaniya kundi ang payagan na lang siyang bumiyahe papuntang Amerika kasama ang kaniyang mga anak at ilang staff.

Hindi si Kris Aquino ang bumuwelta sa kaniyang mga bashers na nagpapatutsadang extra lang naman siya sa Crazy Richs Asians. Limang minuto lang daw ang exposure niya sa pelikula pero kung ipamalita iyon ni Kris ay parang siya ang bida.

Pero sinalo siya ni Kevin Kwan, ang sumulat ng libro ng pelikula, madiin ang pagkakalarawan nito sa isang panayam na highlight ng proyekto ang role na ginampanan ng aktres-TV host.

Masayang-masaya siyempre si Kris sa sinabi ng scriptwriter, ito na nga naman ang sumagot sa mga ginagawang pangmamaliit sa kaniya ng mga taong walang magawa sa buhay na hindi niya pinapansin, hindi na niya kailangang buhatin pa ang sarili niyang bangko.

Anumang pintas at pagpuna ang sabihin ngayon ng mga bashers ni Kris Aquino ay wala nang magagawa ang mga ito, nakapang-agaw na ng atensiyon sa red carpet premiere ng pelikulang Crazy Rich Asians ang aktres-TV host, at kinabog pa niya sa pagrampa ang mga bumibida sa proyekto.

WilKris – Pinag-uusapan ang posibilidad ng bagong “love team”

Pansamantalang nawawala sa eksena ngayon si Mayor Herbert Bautista sa buhay-pag-ibig ni Kris Aquino. May mga nagkokomento na sinukuan na raw ng aktres-TV host ang mayor ng Kyusi.

At kahit ang mga tagasuporta ni Kris ay deadma na rin kay mayor, mayroon silang bagong minamanok para kay Kris, si Willie Revillame. Mayroon na silang itinatag na pangmilenyal na tawag sa dalawa – WilKris.

Parang KathNiel, parang LizQuen, parang JaDine, ganoon. Pero maaga pa lang ay kinontra na agad ni Kris ang gustong mangyari ng kaniyang mga loyalista. Si Willie ay ganoon din, tawa nang tawa ang aktor-TV host, wala raw naman sanang ganyanan.

Nagsimula ang lahat nang personal na dalawin ni Willie ang kagagaling pa lang sa ospital na si Josh. Kalalabas pa lang ng video sa IG ni Kris ay milyon na agad ang sumubaybay sa pagkikita nina Josh at Willie.

Ang sentimyento ng mga supporters ni Kris ay mabuti pa raw si Willie, nagpakita ng pagmamahal at pagmamalasakit kay Josh, ramdam na ramdam ng mga ito ang kaligayahan ni Josh nang makita nito ang kaniyang Kuya Willie.

Pero hanggang doon lang iyon. Tama sina Kris at Willie na hindi dapat bigyan ng ibang pakahulugan ang personal na pagkikita ng host ng Wowowin at ng panganay ni Kris.

Lumundag tayo nang malayu-layo, kunwari ay nagkaroon nga ng katuparan ang ginagawang pagsasabong sa kanilang dalawa ng mga fans, ngayon pa lang ay parang nakikinita na namin ang kalalabasan ng relasyon nina Kris at Willie.

Parang giyera mundial ang mangyayari dahil parehong matigas ang kanilang ulo. Iyon ang ipinagkakapareho ng dalawa, mayroon silang matinding paninindigan, hindi sila kayang maniobrahin ng ibang tao sa kung ano ang gusto nila.

Napakalaki ng respeto ni Kris kay Willie, madalas niyang sabihin, “Nagpakita siya ng kabaitan at sincerity sa amin ng mga anak ko samantalang hindi naman siya nakinabang ng kahit ano noong time ng mom ko at ni Noy, kaya we love him.”

Coco Martin – May panahon pa ba para sa sarili niya?

Mayroon pa kayang panahon si Coco Martin para sa kaniyang sarili? Isa pang interesanteng tanong, may espesyal na oras pa kaya siyang nailalaan para sa kaniyang lovelife, samantalang okupado ng Ang Probinsiyano ang kaniyang maghapon at magdamag?

Si Coco Martin ang itinuturing na utak ng matagumpay na serye, maraming sumasaludo sa mga ideyang naglalaro sa kaniyang imahinasyon, iyon mismong mga eksenang iyon ang napapanood ng buong bayan sa palabas.

Tanong ng isang nakausap namin, napakasuwerte raw ni Coco dahil sa kabila ng pagiging abala niya sa trabaho ay hindi naman iyon nakarehistro sa kaniyang itsura sa serye, may fountain of youth daw ang magaling na aktor.

Sabi nito, “Tinititigan ko kasi siyang mabuti sa mga eksena nila ni Alyanna, ang guwapu-guwapo pa rin niya, parang hindi siya napapagod sa halos araw-araw na taping ng Ang Probinsiyano!

“Ang ganda-ganda kasi ng mga mata niya, para siyang Sto. Nino, kaya maraming matatandang fans si Coco. Parang hindi siya tumatanda, e, almost three years ko nang tinututukan ang serye niya,” papuri ng aming kaibigan.

Paano na kaya ang aspeto ng personal na kaligayahan ni Coco, nabibigyan pa kaya niya ng atensiyon si Julia Montes, ang hindi man nila inaamin ay matagal na niyang girlfriend.

Komento ng anak-anakan naming si Mel Feliciano na bahagi na ring ngayon ng serye, “Napakaganda ng puso ni Coco, wala akong masasabi sa kaniya. Imagine, ang dami-dami niyang nabibigyan ng trabaho.

“Pantay siyang tumrato sa mga kasamahan niya, ang hindi lang talaga niya makakasundo, e, ang mga taong hindi nagmamahal sa trabaho nila. Ayaw niya sa tamad, ayaw niya sa nagpapabaya, kung kabaligtaran ka noon, makakasundo mo siya,” papuri ni Mel Feliciano kay Cardo Dalisay.

Kaya walang dapat alalahanin ang mga kababayan nating tumututok gabi-gabi sa Ang Probinsiyano. Nakarating kasi sa mga ito ang balita na dalawang buwan na lang daw ay tutuldukan na ang pinagbibidahang serye ni Coco Martin.

Kaliwa’t kanang tanong ang tinatanggap namin, bakit daw naman tatapusin na ang seryeng nagiging dahilan ng kagustuhan nilang makauwi nang maaga mula sa trabaho, dahil iyon ang nagpapawala ng kanilang pagod at stress?

May kinausap kaming tagapamahala ng Ang Probinsiyano, fake news ang kumalat, sa susunod na taon pa magwawakas ang serye ng bayan. Pero mas matitindi pa ang maaksiyong eksenang mapapanood, may bagong aklat na bubuksan, siguradong kapana-panabik na naman ang ihinahandang sorpresa ng produksiyon para sa kanilang mga tagasubaybay.

Alden Richards – Sana’y tantanan na ng AlDub Nation!

Nakakaawa naman si Alden Richards. Hindi ang tropa ng Ang Probinsiyano ang nanglalaglag sa kaniya, tahimik lang ang produksiyon, mismong mga tagasuporta ni Maine Mendoza ang nangmamaliit sa Pambansang Bae.

Kauna-unawa naman ang damdamin ng mga tapat at solidong tagasuporta ng AlDub loveteam. Walang ibang pangalan na dapat madikit sa kanilang mga idolo, sila lang dapat ang pinagtatambal, kailangang sina Alden Richards at Maine Mendoza lang ang nagtitinginan sa lahat ng panahon ng kanilang buhay.

Pero sana’y lumingon din sa nakaraan ang mga tagahangang ito, balikan nila ang araw na madiin at diretsong nagpahayag si Maine Mendoza na magkaibigan lang sila ni Alden, walang labis at walang kulang.

Sino ba ang pumatay sa pangarap ng AlDub Nation na walang iwanan ang kanilang mga idolo? Si Alden ba? Dahil saludung-saludo si Maine sa kaniyang pagiging prangka ay ito ang naglagay ng tuldok sa gustong mangyari ng kanilang mga tagahanga na nagpapakamatay para sa kanilang loveteam.

At ngayong itinatambal na si Alden sa ibang babaeng personalidad ay ibinabagsak nila ang Pambansang Bae. Inaaway rin nila at bina-bash nang walang kapaguran ang sinumang mapalapit sa guwapo at sikat na aktor.

Nakakabagot nang humanap ng dahilan kung bakit nagkakaganyan ang mga solidong tagasuporta nina Alden at Maine. Parang gusto na nilang hawakan sa leeg si Alden at sundin na lang ang kanilang kapritso na para kay Maine lang ang kanilang idolo.

Pinipintas-pintasan nila ang Victor Magtanggol, pero pinanonood din naman nila, nagagalit sila kay Luane Dy dahil “nilalandi” raw nito si Alden, kahit hindi naman.

Sabi ni prop, “Masisira pati ang utak ng isang pinakamagaling na doktor sa paghanap ng solusyon sa mga pinaggagagawa ng mga faney na ‘yan!”

JoshLia – May bagong serye sa ABS CBN

Mukhang interesante ang seryeng pagtatambalan uli nina Joshua Garcia at Julia Barretto. Mapang-imbita ang teaser ng Ngayon At Kailanman na malapit nang mapapanood sa ABS-CBN.

Sangkap ng palabas ang gasgas nang kuwento ng pagmamahalan ng isang mayaman at isang mahirap, pero bibigyan ng bagong atake ng tambalang JoshLia, gusto nang hilahin ng kanilang mga tagahanga ang panahon para mapanood na nila ang serye.

May kakambal na suwerte si Joshua Garcia, palibhasa’y may bitbit kasi siyang talento sa pag-arte, masakit mang pakinggan dahil kaniyang-kaniya lang ang talentong hawak niya pero ikinukumpara siya kay John Lloyd Cruz at tinatawag pa ngang junior nito.

Kinokontra iyon ng mga nakakausap namin, sana raw ay mabura na ang ganoong pagkukumpara kina Joshua at JLC, hindi raw iyon parehas para sa young actor na sariwang-sariwa ang alam na pag-atake sa pagganap.

Oo nga naman. Kahit pa sabihing may pagkakahawig ang uri ng kanilang pagharap sa mga camera ay maipagmamalaki pa rin ni Joshua ang pag-arteng mayroon siya na hinuhugot niya sa kaniyang pinagdaanan.

Kuwento noong minsan ng magaling na aktor na si Ronnie Lazaro na matagal niyang nakasama sa nakaraan niyang serye, “Ibang klase ang batang iyon! Tumalikod lang siya nang ilang segundo, noong humarap siya sa camera, e, may pondo na agad siyang luha! Magaling si Joshua!”

Nora Aunor – Bakit parang walang mga kaibigan ang Superstar?

Literal nang ulilang-lubos ang Superstar. Pumanaw ang kaniyang mga magulang, kasunod namang nawala ang kanilang panganay na si Manong Ernesto, pagkatapos ay ang kaniyang Manong Oscar naman ang pumanaw.

Dalawang tao na ang nakararaan ay namatay rin ang kanilang bunso, ang dating artistang si Eddie “Boy” Villamayor, at ang pinakahuling nagpaalam ay ang kaniyang Ate Tita.

Nag-iisa na lang sa buhay ngayon si Nora Aunor. Mayroon naman siyang mga kamag-anak sa panig ng kaniyang ama’t ina pero mukhang hindi naman sila nagkakasundo.

Ang kaniyang pinsang-buo na si Maribel Aunor na anak ni Mamay Belen na nagbukas ng pintuan ng kapalaran at oportunidad para sa kaniyang pagsikat ay hindi rin niya nakakatinginan nang mata-sa-mata. Kaya nga sa mga nagkokomento na hindi dapat Aunor ang gamitin ng anak ni Lala, ang magaling na young singer na si Marion, ay teka naman muna.

Tunay na Aunor si Marion, ang namayapang si Sgt. Saturnino Aunor na ama ni Lala ang Aunor, Villamayor ang apelyido ni Nora.

Gustung-gusto namin ang ginagawang pag-iwas na lang ng Superstar kapag tungkol na sa kaniyang mga anak ang ibinabatong tanong sa kaniya. Matindi ang paniniwala ni Nora Aunor na kung wala siyang ikokomento ay walang isyu.

Ilang taon na silang hindi nagkikita nang mata-sa-mata ng kaniyang mga anak na sina Christopher Ian, Lotlot de Leon, Kiko at Kenneth. Si Matet lang ang alam naming dumadalaw sa kanilang ina.

Kunsabagay ay hindi rin naman nagsasalita nang laban sa Superstar ang kaniyang mga anak. Umiiwas lang sila sa tanong pero tulad ni Nora ay tahimik din ang magkakapatid.

Na dapat lang naman. Tadtarin man ang kanilang mga buto at laman ay hindi pa rin nila mababayaran ang ginawang pagtanggap, pag-aalaga at pagsasakripisyo ng Superstar mula noong sanggol pa lang sila hanggang sa magsilaki na sila.

May mga nagsasabi na hindi raw naman kasi ginampanan ni Nora ang kaniyang pagkaina sa magkakapatid, mas pinili pa raw niya si John Rendez kesa sa kaniyang mga anak, maaaring may punto ang argumento.

Pero sa isang lipunang tulad ng sa atin na sumunod sa pagrespeto sa Diyos ay kasunod na ang pagbibigay ng respeto sa ating mga magulang, sa sinapupunan man tayo nanggagaling o kinupkop lang, ay walang katwirang makakatumbas ang ginawang pagturing na anak ni Nora Aunor sa magkakapatid na galing sa iba-ibang dugo.

Pero sa kaniyang pag-iisa ay kailangang lumaban sa buhay ng Superstar, dapat siyang magpakatatag, dahil wala na siyang ibang maaasahan.

Tanong ng isang kausap namin, “Bakit parang walang mga kaibigan si Nora Aunor? Siya lang yata ang artistang walang kagrupong mga kapuwa niya artista?”

Nag-isip kami – oo nga naman.

Gretchen Barretto – Aminadong kabit pero kontento sa kaniyang buhay

Hindi na kayang wasakin si Gretchen Barretto ng kahit anong negatibong patutsada sa social media. Nabuhay na siya sa intriga, mas maraming negang ibinabato laban sa kaniya ay mas buhay na buhay ang kaniyang presensiya, pagtatawanan lang sila ni Gretchen.

Ewan naman kung bakit hanggang ngayon ay ang pagiging kabit pa rin niya ni Tony “Boy” Cojuangco ang armas na ginagamit ng iba laban kay Gretchen. Kumbaga sa plaka ay napakagasgas na noon.

Pamilyar na sa magkabilang tenga ng aktres ang pagiging mistress niya, siya pa nga ang nagsasabi mismo na kabit lang siya ng milyonaryong negosyante, kaya paano pa siya maaapektuhan na mga ganoong patutsada?

Kung sana’y mapagpanggap si Gretchen. Kung sana’y ipinagbabanduhan niya na pinakasalan siya ng businessman. Hindi naman. Mula noon hanggang ngayon ay pinaninindigan niya naman na may tunay na asawa ang kaniyang karelasyon.

Dalaga na si Dominique, ang kanilang anak, bata pa ito ay ipinaliwanag na sa kaniya ng aktres na hindi siya ang legal na misis ni Mr. Cojuangco.

Pero sa kabila ng lahat ay maayos ang kanilang pamilya, kung ilarawan nga ni Gretchen ang kanilang relasyon ni Tony Boy ay punumpuno ng respeto at pagmamahal, ano pa ang makasasakit kay Gretchen kung tanggap niya naman ang katotohanan na wala siyang hawak na papel?

Mapapagod lang ang mga nakikialam sa buhay ni Gretchen Barretto. Anuman ang kanilang sabihin ay kayang-kayang tayuan at sagutin ng aktres ang mga nanghihimasok sa kaniyang personal na buhay.

Mabubuwisit lang lalo ang mga nang-iinis sa kaniya, makakatikim lang sila ng mga salitang gusto nilang iluwa, dahil hindi magpapatinag sa kanila si La Greta.

Sa totoo lang.

John Lloyd Cruz – Adopted son na ng Cebu

Pamilyar na ang mga Cebuano ngayon kay John Lloyd Cruz. Kung dati’y dumadalaw lang ang sikat na aktor sa lugar para mag-show, ngayon ay itinuturing na nilang adopted son si Lloydie, dahil doon an sila magbubuo ng mundo ni Ellen Adarna.

Nakita si Lloydie ng mga kaibigan namin sa downtown. Bumibili siya ng pagkain, kaya habang naghihintay sa kaniyang order, sinamantala naman ng grupo ang pagpapa-picture sa paborito nilang aktor.

“Hindi naman totoo na kapag may lumalapit sa kaniya, e, lumalayo si Lloydie. Bakit naman kami? Nagpa-picture siya sa amin, mabait siya, kinausap pa nga niya kami,” sabi ng aming source.

Balitang nagpapatayo na ng bahay nila sa Cebu sina Lloydie at Ellen, paboloso raw ang bahay, malaki at maganda ang design.

Pero siguradong hindi pa rin iiwanan ni John Lloyd ang kaniyang career, nagpapalamig-lamig lang siguro siya sa Cebu, pero babalikan niya pa rin ang pag-arte.

At palagi namang may nakalaang espasyo ang mga kababayan natin sa isang tulad ni JLC na may iniwanang marka nang magdesisyon siyang magpahinga, panalo pa rin ang kaniyang pagbabalik, sakaling gustuhin na niyang harapin uli ang kaniyang karera.

Sabi pa ng aming kaibigang sa Cebu na naninirahan, “Huwag sana siyang magpataba nang husto. Kasi, di ba, kapag nagiging tatay na ang artista, nagmumukhang tatay na talaga?

“Medyo tumaba kasi si Lloydie, pero guwapo pa rin siya,” kinikilig na kuwento ng aming source.

Sharon Cuneta – Wala si Senador Kiko kung wala si Mega

Napakalaki nga pala ng dapat ipagpasalamat ni Senador Kiko Pangilinan sa kaniyang misis na si Sharon Cuneta. Pabiro man o totohanan ay palaging sinasabi ni Pangulong Rodrigo Duterte na kung hindi dahil sa Megastar ay matagal na nitong binimbang ang dilawang senador.

Hindi nakakalimutan ng pangulo na noong magdiwang ng kaarawan ang kaniyang anak na si Mayor Sara ay ang presensiya ni Sharon ang gusto nitong regalo.

Paborito ng mayor si Mega, nakapag-dinner naman sila, hanggang sa ang una nilang pagkikita ay naging magandang pagkakaibigan na.

Nasa kabilang ibayo ng paniniwala si Senador Kiko, halos lahat ng paninindigan ng pangulo ay inaatake nito, walang magandang nagagawa ang pangulo para sa senador.

Nagkakaisa ang mga kababayan natin sa pagsasabi na si Sharon talaga ang malakas na hangin sa ilalim ng pakpak ni Senador Kiko. Ilang ulit nang kumandidato sa Quezon City ang mister ni Mega pero palaging talunan.

Nanalo lang ang pulitiko nang maging mag-asawa na sila ni Sharon, matindi ang sakripisyo ng Megastar sa kandidatura nito noong unang sumubok sa Senado, si Sharon talaga ang pinakamalaking regalo kay Senador Kiko ng kapalaran para sa kaniyang mga ambisyong pampulitika.

Kaya anuman ang mangyari, sabi ng mga miron, ay hinding-hindi makakakalas si Senador Kiko sa ilalim ng laylayan ng Megastar.

Jinkee Pacquiao – Punching bag pa rin ng bashers – o mga naiinggit?

Kung ginagawang punching bag ng Pambansang Kamao ang kaniyang mga nakakasagupa sa ring ay ganoon din ang ginagawa ng mga taong walang magawa sa buhay sa kaniyang misis na si Jinkee Pacquiao.

Ayaw tantanan si Jinkee sa social media, kaliwa’t kanang suntok ang ibinabato sa kaniya ng mga taong humuhusga sa kaniyang pagkatao, lalo na sa diumano’y pagiging sabik niya sa mga mamahaling materyal na bagay.

Sigurado kami na ang mga nagpapautang lang naman ng mga salitang bumabaon hanggang sa kunsensiya laban kay Jinkee ay iyong mga taong walang alam tungkol sa pinagdaanan nila ni Senador Manny Paquiao.

Hindi naman kasi sila naging bilyonaryo sa isang iglap lang, dumaan muna sila sa matitinding sakripisyo, katuwang ng Pambansang Kamao sa mga yugtong iyon ang misis nitong si Jinkee.

Hindi iniwan ni Jinkee si Pacman lalo na noong nangangarap pa lang na maging sikat na boksingero ang kaniyang mister.

Magkahawak-kamay silang nagtiis sa kahirapan, magkasama silang humahanap ng paraan para mapalaki nang maayos ang kanilang mga anak, barya-barya pa lang noon ang premyo sa pagtatagumpay ng Pambansang Kamao na ngayon.

Natural, pagkatapos ng mga sakirpisyo ay hindi krimen na regaluhan naman ni Jinkee ng mamahaling kagamitan ang kaniyang sarili, lalo na’t sarili naman nilang pera ang kaniyang ginagastos at hindi pera ng bayan.

Huwag na lang sanang patulan ni Jinkee ang mga patutsadang wala namang katotohanan. Siya ang nakakaalam ng kanilang pinagdaanan, alam niya ang katotohanan, kaya wala siyang dapat ipaliwanag sa kahit sino.

Asec Mocha Uson – Dapat isigaw ng bayan: Mocha, resign!

Ngayon siguro, magmura man nang magmura si Asec Mocha Uson sa mga nilalabas niyang video ay wala nang masyadong magbibigay sa kaniya ng atensiyon.

Mangangawit na ang mga daliri ng kaniyang mga bashers, magtitikom na lang ng bibig ang mga kababayan nating nababastusan sa kaniya, dahil kahit ano naman palang reklamo ang gawin ng buong bayan kontra sa dating sexy singer-dancer ay ayos lang sa Palasyo.

Tulad ng pambabastos na ginawa nila ng komedyanteng si Drew Olivar tungkol sa usapin ng pederalismo na ginamitan nila ng mga salitang “pepe” at “dede.”

Tinawag siyang bastos, walang paggalang sa Saligang Batas, cheap, walang delicadeza at sangkatutak pang mga negatibong pagpuna sa kaniyang ginawa.

Ito talagang si Aling Mocha, kababaeng tao niya, pero wala siyang paggalang sa kaniyang sarili at sa mga kapuwa niya kababaihan. Gamitin ba ang mga salitang tumutukoy sa dalawang sagradong bahagi ng katawan ng isang babae?

Ito ba ang klase ng taong bibigyan ng karapatan ng ating pamahalaan para ipakalat sa buong bayan ang kahalagahan ng pederalismo? Sa halip na makapanghikayat siya ay itinataboy pa niya palayo ang kalooban ng mga Pinoy para isulong ang pagbabago sa ating pamahalaan.

Umalsa sa kanilang upuan ang mga senador na nagsusulong sa federalism tungkol sa bastusang video ni Asec Mocha, naglabas sila ng komentong negatibo, pero ano ang nangyari?

Ayon sa Malacañang, sa pamamagitan ng boses ni Secretary Harry Roque, ay wala naman silang nakitang kabastusan sa video. Iyon daw ang alam na atake ni Asec Mocha, sarili niyang balwarte ang pinaglabasan niya ng video, kaya walang kahit sinong makapipigil sa kaniyang gawin iyon.

Karapatan daw ni Asec Mocha na maglabas ng sarili niyang interpretasyon, kaya walang bastos sa kaniyang ginawa, depende lang daw naman ‘yan sa pananaw ng nanonood.

Natural, kasinglaki na naman ng banyera ang ulo ngayon ni Aling Mocha. Imagine nga naman, mismong ang pangulo na ng ating bayan ang nagsasabing walang mali sa kaniyang inilabas na video, may sumalo na naman sa kaniya.

Ngayon siguro, kahit pa nakahubad na maglupasay si Asec Mocha Uson sa susunod niyang video ay wala nang papansin sa kaniya, magpapansin man siya ay hindi na magiging epektibo sa inis ng bayan dahil tama pa rin naman pala siya sa kaniyang mga ginagawa.

Sa sunud-sunod na kahihiyang ibinibigay ni Asec Mocha sa Palasyo ay isa lang ang sigaw ng ating mga kababayan—Mocha, resign! At kung kasingkapal nga ng sangkalan ang kaniyang mukha para magbitiw ay kumilos na sana ang PCOO na tanggalin siya sa posisyon.

Pero, iba na nga naman ang nakasandal sa pader. Hindi nabubukulan. – CSF

Have a comment on this article? Send us your feedback

Setyembre 1-15, 2018

	Matteo Guidiceli & Sarah Geronimo
	Daniel Padilla at Kathryn Bernardo
	Kris Aquino as Princess Intan
	Julia Barretto & Joshua Garcia
	Joshua Garcia
	Sharon Cuneta & Richard Gomez
	KC Concepcion
	Willie Revillame
	Coco Martin & CJ Ramos
	Jo Berry
	Lotlot De Leon
	Luis Manzano & Jessy Mendiola

Sarah Geronimo – Kontrolado pa rin ng ina kahit over 30 na

Hindi ipinalabas sa latest show ng Gandang Gabi Vice ang interview kina Sarah Geronimo at James Reid. Sa halip, ang panayam kay Daniel Padilla ang mabilisang ipinalit.

Nagkaproblema ang production dahil kay Mrs. Divine Geronimo, ang dakilang ina ni Sarah, hindi nito nagustuhan ang naging takbo ng interbyuhan. Nag-walkout ang ina ng singer-actress.

Dahil gabing-gabi nang ipinalalabas ang GGV ay puwede nang magbato ng mga naughty questions ang TV host. May tanong kay Sarah kung nasubukan na ba niyang manood ng porn. Oo, sabi ni Sarah, pero iyong sa anime lang.

Tinanong din ni Vice si Sarah kung naranasan na ba ng singer-actress ang matulog na may katabing lalaki? Siguro’y ngiti lang ang naisagot doon ni Sarah pero ayaw nga ng mommy niya ang mga ganoong klaseng tanong

Sanay na ang publiko sa daloy ng tanong ni Vice Ganda sa kaniyang mga bisitang personalidad, pakilig iyon na tumatawid na rin sa pagiging personal, kaya nang uriratin ng host si Sarah tungkol sa relasyon nila ni Matteo Guidicelli ay umalma ang kaniyang nanay.

Dios mio. Sa edad ngayon ni Sarah na liyebo treinta na ay mukhang 16 years old pa rin yata ang tingin ni Mommy Divine sa kaniyang anak na bawal pang magpa-kiss at makipag-holding hands.

Tuloy ay nagbalik sa alaala ng marami ang masakit na paghagulgol ni Sarah sa kaniyang concert sa Amerika. Pagod na pagod na ang Popstar, idinaan na lang niya sa pag-iyak ang kaniyang nararamdaman, dahil sa kaniyang edad nga naman ngayon ay kontrolado pa rin ni Mommy Divine ang kaniyang personal na buhay.

E, nagbiyahe na sina Matteo at Sarah nang silang dalawa lang, di ba? Ano kaya ang gustong palabasin ngayon ng nanay ni Sarah? Na noong bumiyahe sila ni Matteo ay hindi man lang sila nag-kiss at naghawak-kamay?

Bawal kumain ng tsokolate si Sarah, bawal tumikim ng mani, bawal siyang uminom ng malamig na tubig, bawal siyang kumain ng ice cream… ano, bawal siyang mabuhay?

Napakabait na anak ni Sarah Geronimo. Puwede na siyang ipagpatayo ng rebulto dahil sa kaniyang kadakilaan bilang anak.

Dalawang bagay lang ang nakikita ng kaibigan naming propesor sa nagaganap kay Sarah, ang kaniyang komento, “Kundi siya magtatanan sa age niyang thirty, e, magiging matandang-dalaga siya!” 

KathNiel – Milyones na naman sa box office ang The Hows Of Us!

Hinuhusgahan na ngayon ang pinakahuling tambalan ng KathNiel. Siguradong kani-kaniyang puntahan na sa mga sinehan ang mga tagasuporta nina Daniel Padilla at Kathryn Bernardo para mapanood ang The Hows Of Us.

Kung ang mga mall shows ng loveteam ang gagawing barometro kung gaano magiging katagumpay ang pelikula ay pasok na pasok na ito, pinipilahan ang kanilang proyekto, milyones ang iaakyat nila sa kaban ng yaman ng ABS-CBN at Star Cinema.

Sa trailer pa lang ng The Hows Of Us ay ramdam na nang malalim ang kuwento, nagpaalam na sila sa mga pakilig na eksena, pero siyempre’y sangkap pa rin ang kilig ng pagmamahalan nila na inaabangan ng kanilang mga tagasuporta.

Maraming tagahanga nina Daniel Padilla at Kathryn Bernardo ang nagbubunyi ngayon dahil sa wakas, pagkatapos nang limang taon, ay inilantad na ng magka-loveteam ang tunay nilang relasyon.

Sa tunay na buhay ay alagang-alaga ni DJ si Kath. Hindi niya naman ikinukulong ang dalaga, hindi lang siya makapapayag na hindi maayos si Kath bago sila maghiwalay, hatid-sundo ng guwapong binata ang kaniyang girlfriend.

Ang maganda sa magka-loveteam at magkarelasyon sa tunay na buhay na ito ay kumikilos sila nang naaayon sa tamang asal. At disiplinado ang magkarelasyon. Alam nila kung hanggang saan lang sila. Hindi sila nakikitang naglalambutsingan in public, pero may paraan sila para magtawid ng pagmamahal sa isa’t isa, magkahawak-kamay sila palagi at kapansin-pansin ang paminsan-minsan paghaplos ng binata sa likod ng dalaga. 

Kris Aquino – Markado ang role sa Crazy Rich Asians

Nananahimik na ang mga bashers ni Kris Aquino na panay-panay ang patutsada noon na extra lang siya sa Crazy Rich Asians. Nang ipalabas ang pelikula at puro papuri ang tinatanggap ni Kris sa maigsi nga, pero markado niya naman papel, ay napahiya ang kaniyang mga kalaban.

Kasi nga naman, yakyakan sila nang yakyakan, inuuna nila ang pagtuligsa sa aktres-TV host nang hindi pa naman nila napapanood ang pelikula.

Bali-baligtarin man ang mundo ngayon ay si Kris Aquino pa rin ang nakakuha sa role na Princess Intan, sa kaniya ibinigay ang role.

At Hollywood movie ang pinag-uusapan ngayon, pangarap iyon ng bawat artistang Pinoy, ang kahit man lang kapiranggot na papel ay magkaroon sila sa isang Hollywood na proyekto.

Dahil kay Kris ay pinanood ng mga kababayan natin sa Amerika at Canada ang pelikula. Bibihira nga naman kasing mangyari na may isang purong Pilipino na kasali sa isang Hollywood movie.

Kaya anuman ang pamimintas na gawin ng kaniyang mga bashers ay wala nang epekto iyon kay Kris. Ang mahalaga para sa kaniya ay nabigyan siya ng pagkakataong makaarte sa isang pelikulang ipinalalabas sa buong mundo.

E, ano nga naman ngayon kung tatlong minuto lang naman pala ang exposure niya sa Crazy Rich Asians, mayroon bang ganoon ang ibang artista?

E, ano rin ngayon kung nagsasalita siya, pero hindi naman sa kaniya naka-focus ang mga camera, boses ba ng ibang artista ang naririnig habang naglilitanya siya?

Kay Kris Aquino pa rin iyon! Spell I (read: inggit) lang sa kaniya ang mga bashers, kaya siya ginaganyan, di ba naman?

Wala rin silang maipambala ngayon laban kay Kris Aquino dahil nagdesisyon siyang lalayo pansamantala sa social media. Katwiran ni Kris ay mas maganda nang hindi alam ng mga tumututok sa kaniya ang bawat kilos niya’t galaw.

Ang tanging lumabas ay ang pasasalamat niya sa isang kababayan nating pumuri sa kaniyang pagganap sa Crazy Rich Asians. Ang kaniyang tugon, makakaasa ang lahat na hinding-hindi siya magiging corrupt, lazy, money grabbing Asian.

Na totoo naman, kaya niyang panindigan ang kaniyang sinabi, dahil hanggang sa pinakahuling sentimo ng kaniyang kinikita ay nakalantad sa BIR at nagbabayad siya nang kaukulang buwis.

Hindi niya dinadaya ang Rentas Internas, handa siyang ipakita ang kaniyang libro para rebisahin ng mga examiner-imbestigador ng BIR, dahil wala siyang itinatagong mga numero. Puwede ngang mag-seminar kay Kris ang mga negosyanteng kinukuwestiyon ang ibinabayad na buwis.

Kaya kung papasok sa mundo ng pulitika si Kris ay hindi siya malalagay sa alanganin, walang makapanunumbat sa kaniya sa usapin ng tax, na ang ibig lang sabihin ay sobra-sobrang napakalaki ng kaniyang kinikita kaya malaki rin ang binabayaran niyang buwis. 

JoshLia – Walang duda, successful ang seryeng Ngayon At Kailanman

Sinadya naming masimulan ang unang sultada ng seryeng Ngayon At Kailanman, ang pagbibidahang palabas nina Joshua Garcia at Julia Barretto, para hindi kami maligaw sa kuwento.

Mahalaga ang unang gabi, doon isinasalansan ng produksiyon ang nakaraan, para maging magaan na ang pag-intindi natin sa bawat episode ng serye.

Mabilis ang transisyon, namatay agad sa unang gabi pa lang sina TJ Trinidad, Iza Calzado (na walang kakupas-kupas ang ganda) at ang kontrobersiyal na si Mercedes Cabral.

Ang daloy ng kuwento ay mas pinaganda pa ng ginamit na location, ang nagsasalita sa kagandahang dalampasigan, ang plantasyon ng dragon fruit, ang pagtutok sa windmills at lighthouse na mula sa maimahinasyong hagod ng cinematographer na si Direk Joey Mallari.

Si Julia Barretto ang sanggol na nakaligtas nang barilin ang kaniyang ina, na pinalaki naman ni Mercedes at nang lumaon ay napulot-pinalaki ni Rio Locsin, malinaw na ang istorya.

Si Joshua naman ang anak-mayaman na anak nina Alice Dixson at Christian Vasquez, kaabang-abang kung paano sila magkikita ni Julia, madaling sundan ang kuwento ng Ngayon At Kailanman.

May seryeng pinaglalaanan namin ng panahon, inabangan namin ang unang bagsak ng kuwento nito pero sa ikatlong gabi pa lang ay bumitiw na kami, may kaguluhan ang flashback ng kuwento.

Pagkatapos ng Ang Probinsiyano ay mahahawakan na naman kami sa leeg ng bagong serye nina Joshua at Julia, gustung-gusto pa naman namin ang husay sa pagganap ng young actor, kumokontra kami sa komentong junior siya ni John Lloyd Cruz dahil hindi naman. May sariling atake si Joshua Garcia.

Magkarelasyon sina Joshua at Julia sa totoong buhay, hindi nila puwedeng ipagkaila ang katotohanan, kaya mas lalalim pa ang kanilang relasyon kapag ganyan na hanggang sa pagtatrabaho ay magkasama pa rin sila. 

Joshua Garcia – Sikat na kaya dapat mag-ingat sa mga sagot sa interviews

Bago sumalang sa interbyu ay dapat munang pinaaalalahanan si Joshua Garcia tungkol sa mga paksang karapat-dapat at hindi niya dapat sinasagot nang kaswalan.

Alam naman natin na ang salitang nabitiwan na ay mahirap nang bawiin pa, tatatak na iyon sa utak ng mga nakakarinig, masuwerte ang nagbitiw ng mga salita kung makababawi pa siya.

May tanong kay Joshua kung kailan siya nagpaplanong magpakasal? Ang kaniyang sagot nang agaran, baby raw muna bago ang kasal, ganoon ang mabilis niyang tugon sa tanong.

Ganoon daw kasi sa probinsiya, bigla na lang nagbubuntis ang babae, wala raw nakakaalam kung kailan mabubuo ang baby. Maluwag ang disiplina ng magaling na young actor tungkol sa mga ganoon kaseryosong tanong.

Sagot lang siya nang sagot, hindi muna siya nag-iisip na puwedeng bumuwelta sa kaniyang pagkatao ang mga sinasabi niya, at damay pa ang kaniyang girlfriend na si Julia Barretto.

Ano tuloy ang naiisip ngayon ng mga nakarinig sa sagot ni Joshua? Masisisi ba niya ang mga naghalo ng malisya sa kaniyang sagot?

Siguro raw ay may ginagawa na silang milagro ngayon ni Julia at maaaring isang araw ay magdalantao na ang magandang aktres. Baby raw muna, sabi ni Joshua Garcia, at saka na ang kasal. Ganoon? 

Sharon Cuneta at Richard Gomez – Kinikilig muli ang mga loyal na fans

Nag-aabang na ngayon ang mga hindi nagbabagong loyalista nina Sharon Cuneta at Mayor Richard Gomez. May kilig pa rin ang kanilang tambalan pagkatapos nang maraming taon.

Malapit na nilang simulan ang Three Words To Forever kasama ang young actress na si Kathryn Bernardo. Natural lang na nanghihinayang ang mga tagahanga nina Sharon at Gabby Concepcion dahil naunsiyami ang kanilang pagbabalik-tambalan.

Maraming puwedeng balikang kuwento tungkol sa relasyon nina Richard at Sharon. Nakatira noon sa Twin Towers si Sharon, kapag malapit na sa Ayala Avenue si Richard ay tatawagan na nito ang Megastar, para buksan ang kaniyang bintana.

Habang nasa kalye si Goma ay bababa ito ng kaniyang sasakyan, kinakawayan si Sharon na para namang si Juliet na nakapamintana at kaway rin nang kaway habang magkausap sila sa cellphone, kilig na kilig noon si Sharon kapag ikinukuwento niya ang ginagawa nila ni Richard kapag madaling-araw na.

Maganda ang kanilang hiwalayan, walang masyadong intriga, di tulad ng paghihiwalay nina Sharon at Gabby na talagang punumpuno ng hinampo si Sharon sa ama ni KC.

Nakaabang na ngayon ang mga fans nina Sharon at Richard. Gagawin ng aktor ang pelikula nang hindi nito napababayaan ang kaniyang mga constituents sa Ormoc City.

Walang-walang problema kay Congresswoman Lucy Torres ang pagbabalik-tambalan ng kaniyang mister at ni Sharon. Tagahanga ito ng loveteam, kinikilig ito noong kaniyang kapanahunan sa panonood ng pelikula nina Goma at Sharon, kaya siguradong ikinaliligaya rin ng misis ni mayor ang proyektong ito.

Kuwento pa ni Lucy sa amin noong magkakasama kami as TV5, “Kinikilig ako sa kanila, pinanonood ko ang movies nila, pero I know, noon pa lang, na magkakakilala kami ni Richard.

“Kapag isinusulat ko ang name ko noon, Lucy Torres Gomez na, kahit hindi pa kami nagkakakilala,” kuwento ng magandang kongresista. 

KC Concepcion – Nasa edad na, kailan kaya lalagay sa tahimik?

Nasa wastong edad na si KC Concepcion para mag-asawa pero mukhang wala pa sa kaniyang isip ang pagkakaroon ng sariling pamilya. Hindi pa sa ngayon, sabi niya, pero siyempre’y pangarap din niyang magkaroon ng mga anak.

Banyaga na naman ang kaniyang karelasyon ngayon, pagkatapos nilang maghiwalay ng dati niyang karelasyong si Aly Borromeo ay mas ginusto niyang foreigner ang piliin niya, nagkaroon na yata ng takot si KC na magka-boyfriend ng Pinoy.

Kuwento ng mga kaibigan naming nakakakilala kay KC mula ulo hanggang paa ay napakasuwerte raw sa kaniya ng magiging boyfriend niya.

“Sikat na siya, pero kahit kaunting yabang, wala kang mararamdaman sa kaniya. Mabait si KC, tahimik lang siya kahit nasasaktan na. Magaling din siyang mag-alaga ng karelasyon.

“Siya ang batang lumaki sa kaginhawahan pero parang wala lang. Wala sa utak niya ang kung ano at sino siya, she remains so humble and simple,” papuri sa kaniya ng aming mga kausap.

Kunsabagay ay kitang-kita naman ang pagiging mapagkumbaba at simple ng panganay ni Sharon Cuneta. Sa buong panahon ng pagkakaroon niya ng mga programa sa ABS-CBN ay wala kang maririnig na anumang reklamo ng produksiyong nakatrabaho niya.

Puro papuri ang maririnig tungkol sa dalaga, wala siyang kaartehan, hindi siya nagpapaimportante kahit pa may pangalan na siya at hindi lang basta anak nina Gabby Concepcion at Sharon Cuneta.

Dagdag pa ng aming source, “Palagi lang siyang nakangiti, bihirang-bihira mo lang siyang makikitang nakasimangot, nangyayari lang iyon kapag wala lang siyang enough sleep at pahinga. 

Willie Revillame – Mukhang isinarado na ang pintuan sa pulitika

Mukhang isinarado na ni Willie Revillame ang kaniyang pintuan para sa mundo ng pulitika. Ilang buwan na siyang nililigawan ng mga pulitiko para imbitahang sumanib sa kanilang puwersa pero hanggang sa pakikinig lang ang kaniyang kompromiso.

Matindi ang alok kay Willie para tumakbong mayor ng Quezon City kung saan siya nakatira, maraming pulitikong susuporta sa kaniyang laban, pero hindi buo ang kaniyang loob na harapin ang laban.

Isang mataas na opisyal din ng gobyerno ang kumausap sa kaniya para isali siya sa listahan ng mga senador na tatakbo sa darating na eleksiyon pero ganoon pa rin ang kaniyang paninindigan. Makikinig lang muna siya.

Wala siyang kongkretong sagot sa mga lumalapit sa kaniya, hanggang sa pakikinig lang ang maipapangako niya, dahil kailangan niya munang balansehing mabuti kung iiwanan na ba niya ang pagho-host at tututok na siya sa serbisyo publiko.

Maraming kontra sa kaniyang pagpasok sa pulitika, hindi na nga naman niya kailangan pa ng posisyon sa ating pamahalaan para makatulong, dahil ang ibinibigay niyang pag-asa sa mga kababayan nating kapuspalad sa pamamagitan ng Wowowin ay sobra pa sa sapat kung tutuusin.

“Naku, wawasakin lang ng pulitika ang pangalan niya. Magugulo lang ang buhay niya. Lugar na tahimik lang siyang tumutulong nang walang kapalit, e, madadamay pa siya sa napakagulong pulitika sa bayan natin,” payo kay Willie ng kaibigan naming propesor.

Walang ibang dapat gawin ngayon si Willie Revillame kundi ang sundin ang kaniyang puso. Kung sa palagay niya’y kaya niyang pasukin ang isang mundong mas magulo pa kesa sa showbiz, nasa kaniya ang pagdedesisyon, tutal naman ay kilalang-kilala siya sa pagkakaroon ng magandang puso para sa maliliit. 

Coco Martin – Kahanga-hanga dahil sa pagkandili kay CJ Ramos

Umaani ng papuri ngayon si Coco Martin dahil sa pagkandili niya sa dating child actor na si CJ Ramos. Kailan lang ay pumagitna sa balita ang guwapo pa ring si CJ dahil sa usapin ng droga.

Nilinaw ng mga otoridad na oo nga’t hinuli nila si CJ Ramos ay rehab lang ang ipapayo nila sa aktor dahil napakaliit na timbang lang ng droga ang natiyempuhan nilang hawak ni CJ.

Kinasuhan pa rin siya, pero puwede siyang magpiyansa, kaya agaran ding nakalaya ang aktor na sising-sisi sa naganap sa kaniya.

Nagpakatotoo naman ang aktor sa pagsasabing dahil sa matinding depresyon sa kaniyang career ay tumikim siya ng droga, pero mahigit nang isang taon siyang tumigil, pero kung bakit natiyempuhan siya nang gabing iyon.

Sa halip na gumawa ng kung anu-anong kuwento ay agarang umamin si CJ Ramos sa kaniyang pagkakamali, nangakong hindi na uli magpapatangay pa sa bisyo, pagbabagong-buhay na ang kaniyang konsentrasyon.

Nang makarating kay Coco Martin ang pagkasangkot ng dating child actor sa hulihan at nang malaman niya na matinding depresyon ang naging dahilan ng pagbibisyo ni CJ ay naging mabilis ang takbo ng mga pangyayari.

Isang staff ng Dreamscape Productions ang tumawag kay CJ, magkita raw sila, dahil may nakahandang trabaho para sa kaniya sa Ang Probinsiyano.

Walang kasingsaya si CJ nang malaman nito na mayroon nang nakahandang role para sa kaniya, si Coco Martin ang naging susi ng lahat, kaya ganoon na lang ang kaniyang pasasalamat sa bida ng matagumpay na serye.

Pagkatapos nang masinsinang pag-uusap ay nag-taping na agad si CJ sa Ang Probinsiyano, maayos ang kaniyang itsura, mahusay pa rin siyang umarte.

Tama ang pagkakataong ibinigay ng produksiyon kay CJ. Ilaw nga naman ang kailangan ng naliligaw para makita ang tamang daan. Ngayon ay mayroon nang regular na trabaho si CJ Ramos, mayroon na siyang pagkakaabalahan, mawawala na sa kaniyang isip ang anumang bisyong walang magagawang maganda sa kaniyang buhay at career.

Iyon naman talaga ang maipupuri kay Coco Martin, binibigyan niya ng panibagong pag-asa ang mga artistang walang trabaho, inaampon niya ang mga artistang nilipasan na ng panahon ang popularidad.

Sabi ni prop, “Napakaganda ng puso ni Coco Martin, siya talaga ang ninong ng mga artistang nangangailangan ng trabaho. Huwag na sanang sayangin pa ni CJ Ramos ang ibinigay na opportunity sa kaniya ni Coco.” Totoong-totoo. 

Jo Berry – OK na OK ang pagganap ng munting aktres sa Onanay

Nasisilip din namin paminsan-minsan ang seryeng Onanay na pinagbibidahan ng Superstar at ng baguhang si Jo Berry. Para sa isang baguhan ay okey na ang pagganap ng munting aktres, nakakasabay na rin siya kay Nora Aunor, kahit sa kontrabidang si Cherie Gil.

Maraming nakikisimpatya sa role na ginagampanan ni Jo Berry noong una, malaking imbitasyon din sa pakikisimpatya ang kakapusan niya sa sukat, pero bakit kaya nitong bandang huli ay marami nang hindi nagkakagusto sa papel na ipinagkatiwala sa kaniya?

Sabi ng isang kausap namin, “Nagiging bad na si Onay, nagiging pasaway na siya, ang tigas-tigas ng ulo niya. Lagi siyang nakasimangot, saka kinakawawa niya ang isang anak niya!”

Hindi natin masisisi ang emosyon ng mga manonood, hindi naman kasi nila alam na preparasyon lang ang mga eksenang iyon para mas kuminang pa ang presensiya ni Onay, pero sa bandang huli ay babawi naman siya.

Kailangang ipakita sa istorya na kapos man sa height ang bida ay marunong siyang lumaban, hindi siya makapapayag na basta na lang kawawain, kaya lumalabas na matigas ang kaniyang ulo at hindi sumusunod sa mga payo sa kaniya ni Nora.

Ang maganda sa mga ganitong komento ay napapansin na si Jo Berry, magaling siyang umarte, kaya nagkakaroon iyon ng epekto sa kanilang mga tagasubaybay.

Pero iba pa rin ang Superstar. Hindi nito kailangan ng mga dialogue, mata lang ang kaniyang pinagagana, tama ang obserbasyon ni Jo Berry na kapag kaeksena na niya ang Superstar ay parang may magnetong humihila sa kaniya.

Hindi na rin masyadong nahihirapan sa pagsasalita ngayon ang Superstar kumpara noon na parang malalim ang hugot ng kaniyang hininga sa pagdadayalog. 

Lotlot de Leon – Panganay ni Nora, hindi dapat maging balat-sibuyas

Hindi dapat maging balat-sibuyas si Lotlot de Leon sa mga komentong naglalabasan ngayon sa social media laban sa kaniya. Siya ang pinakamatanda sa mga itinuring na tunay na anak ng Superstar kaya sa kaniya nabubunton ang galit ng mga Noranian.

Kahit naman mga hindi tagasuporta ni Nora Aunor ay ganoon din ang emosyon, siya ang dapat magpakumbaba para lumapit sa kinagisnan niyang ina, hindi iyong ganyan na nakikipagmatigas pa siya.

Kuwento ng aming source, “May mga nagtutulay sana uli para sa pagkakasundo nila, pero hindi iyon binigyan ng chance ni Lotlot. Huwag na raw, tahimik na raw ang buhay nilang magkakapatid.

“Ang point naman ng marami, e, bakit siya nagkakaganyan, samantalang napakalaki ng naging sakripisyo sa kanila ni Ate Guy? Sabihin nang may mga pagkukulang si Nora sa kanila, sabihin nang hindi naman nagampanan ni Nora ang pagiging ina sa kanila, e, nand’yan pa rin ang katotohanan.

“Silang magkakapatid, hindi nila matatakasan ang truth na kung wala si Nora, e, ano na kaya ang naging kapalaran nila? Baka mga agaw-cellphone sila ngayon!

“Ibinigay ni Nora ang kaligayahan nilang magkakapatid, hindi rin ba nila maibibigay ang happiness ng mommy nila? Dahil lang kay John Rendez, winasak na nila ang lahat-lahat?

“Hay, naku! Suwerte-suwerte rin minsan ang pag-aampon! May mga tumatanaw ng utang na loob, mayroon ding hindi!” naiinis na pagtatapos ng aming kausap. 

Luis Manzano at Jessy Mendiola – Handa nang humarap sa altar

May nakapagkuwento sa amin na sa pinakahuling pakikipagkita ng mga miyembro ng VSSI sa kanilang idolo ay binanggit sa kanila ni Congresswoman Vilma Santos na handa na raw sa pagpapakasal si Luis Manzano.

“Mom, I’m ready,” literal na sabi ni Luis sa kaniyang ina. Natural, masayang-masaya ang aktres-pulitiko dahil magkakaapo na nga naman ito, walang kontra si Congresswoman Vilma sa pakakasalan ng kaniyang panganay.

Mukhang malapit na nga tayong makahigop ng mainit na sabaw, kasabihan sa probinsiya ng matatanda, dahil unti-unti nang tinutukan nina Luis at Jessy Mendiola ang pagharap nila sa altar.

Hindi na siguro nila paaabutin ang kanilang kasal sa susunod na taon, ilang buwan pang preparasyon ang natitira sa 2018 hanggang Disyembre, kaya baka sa taong ito na magpakasal sina Luis at Jessy.

Kayang-kaya nang magpamilya ni Luis, sa husay niyang humawak ng pananalapi ay magandang kinabukasan ang maibibigay niya kay Jessy at sa mga magiging anak nila, napakabatang namulat sa pagnenegosyo ng actor-TV host.

Kung mayroon mang personalidad na mapagpahalaga sa kaniyang kinikita ay nangunguna sa listahan si Luis, mismong si Congresswoman Vilma ang nagkukuwento kung gaano kagaling humawak ng pera ang kaniyang anak, hindi naman pinagdadamutan ni Luis ang kaniyang sarili pero mas malaki ang itinatabi niya kesa sa kaniyang ginagastos.

Masuwerte si Jessy Mendiola kay Luis Manzano. Nakaprograma na ang kanilang kinabukasan bilang mag-asawa ngayon pa lang. Magiging responsableng asawa at ama si Lucky.

Namimili na sila ngayon ng magiging motif ng kanilang kasal. Napakaguwapong grrom at napakagandang bride ang malapit na nating masaksihan. – CSF

Have a comment on this article? Send us your feedback

Setyembre 16-30, 2018

	Richard Gomez, Juliana & Lucy Torres
	Coco Martin & Rhed Bustamante
	Matteo Guidicelli & Sarah Geronimo
	Janine Gutierrez & Alden Richards
	Kathryn Bernardo & Daniel Padilla
	Erik Santos
	Sharon Cuneta & Kris Aquino
	Dingdong Dantes

Bagyong Ompong – Walang-wala kumpara sa dumaluyong na Yolanda

Sinusulat namin ang kolum na ito na mga ilaw na de-baterya ang gamit namin. Madaling-araw pa lang ay nawalan na ng kuryente dahil sa malakas na ulan at pagsipol ng hangin na dala ni bagyong Ompong.

Malaking dusa dahil napapahinto ng kawalan ng kuryente ang ating buhay pansamantala. Mabuti nga at may mga nabibili nang ilaw na tumatagal, napakikinabangan nang ilang oras, paano kung wala?

Pero dahil sa pagmamahal sa ating trabaho ay kailangang tuloy ang aksiyon, kahit kandila lang ay puwedeng hingan ng liwanag, paminsan-minsan lang naman ang ganitong sakripisyo.

Signal number 1 lang ang nakaangat sa Metro Manila pero ganito na katindi ang lakas ng hangin. Paano pa ang mga probinsiyang sumailalim sa signal number 4?

Noong manalanta ang super typhoon Yolanda sa Leyte at mga kalapit nitong probinsiya ay ipinadala kami ng TV5 sa Palo, Leyte. Mula sa Ormoc nang dumating kami sa pantalan hanggang sa Palo ay personal naming nakita ang napakalaking indultong inabot ng mga tagaroon.

Sa haba ng aming biyahe ay wala kaming nakitang mga bahay na nakatayo, humahalik sa lupa pati ang mga kongkretong bahay, bagsak ang mga puno at mistulang ghost town ang mga dinaanan naming bayan.

Huwag na sanang bumalik ang ganoong senaryo na lumipol sa maraming residente ng mga probinsiyang naapektuhan. Hindi lang kabuhayan ang inagaw sa kanila kundi pati buhay na wala nang kapalit.

Noong magkausap kami ni Congresswoman Lucy Torres Gomez ay parang nagkaroon na siya ng trauma sa ganoong karanasan. Inaapuntahan pa rin siya nang matinding nerbiyos kapag may mga dumarating na bagyo.

Kahit pa ang kaniyang mister na si Mayor Richard Gomez ay nabinyagan ng kalamidad sa unang taon ng kaniyang pag-upo sa Ormoc, magkatuwang silang mag-asawa sa pag-aasikaso para sa kaligtasan ng kanilang mga nasasakupan, wala na halos silang panahon para sa kanilang anak na si Juliana na nandito sa Maynila.

Sadya naming binalikan ang naganap sa Leyte ilang taon na ang nakararaan para hindi kami magkaroon ng dahilang magreklamo sa pagsusulat ng kolum na gamit ang mga de-bateryang ilaw.

Walang-wala ito kumpara sa kanilang naranasan nang dumaluyong ang Yolanda. Ni wala sa dulo ng kanilang mga daliri ang karanasan namin ngayon kay Ompong. 

Coco Martin – Takbuhan ng mga artistang walang-wala!

Si Coco Martin na talaga! Siya na talaga ang kawangis ng namayapang si Da King dahil sa kagandahan ng kaniyang puso sa maliliit na personalidad sa industriya.

Si Coco Martin ang takbuhan ng mga artistang hindi na pinapalad na magkaroon ng trabaho, siya rin ang nilalapitan ng mga personalidad na bagsak na ang kabuhayan, si Coco Martin ang balon ng pag-asa ngayon ng mga personalidad na wala nang ibang matatakbuhan.

Ganoon na ganoon ang Hari Ng Pelikulang Pilipino na si Fernando Poe, Jr., ninong ito ng mga artista, lalo na ng mga kontrabida dahil sa kagandahan ng kaniyang puso.

Dahil magkapareho sina FPJ at Coco na may kamay sa script ng kanilang proyekto ay sila ang kumukumpas sa ikaiigsi at ikatatagal ng mga karakter sa kanilang istorya.

Tandang-tanda pa namin na pinahahaba ni Tito Ronnie ang papel ng mga kontrabida, puwede namang pagkatapos nang ilang bakbakan ay mangamatay na ang mga kalaban ng bida, pero gumagawa ito ng paraang mapahaba pa ang exposure ng mga kontrabida para tuloy ang kanilang talent fee.

Kung puwede nga lang na pagkatapos mamatay ay buhayin pa uli ni Da King ang kontrabida ay gagawan nito ng paraan. Ganoong-ganoon din si Coco Martin. Ang tagal-tagal na ng partisipasyon ng mga kontrabida bilang mga miyembro ng Vendetta at ng tropa ni Alakdan, pero tuluy-tuloy pa rin ang kanilang trabaho, hindi sila tinatanggal sa daloy ng kuwento.

Sa isang pakikipagkuwentuhan namin sa aming mga pinsan at kaibigan sa Nueva Ecija ay dinig na dinig namin ang kanilang sinasabi, “Bukod sa talagang maganda na ang Ang Probinsiyano, e, gustung-gusto pa namin si Coco bilang tao.

“Sino ba ang ibang artistang gumagawa ng pagsalo sa mga artistang walang trabaho? Siya lang ang nagbibigay ng pag-asa sa mga walang-wala nang artista!

“Hindi naman siya pulitiko, pero siya ang tinatakbuhan, siya ang hinihingan ng tulong. Iyon ang dahilan kung bakit siya patuloy na sinusuportahan ng mga Pinoy!” nagkakaisang komento ng aming mga pinsan at kaibigan.

Si Coco Martin na nga! 

Rhed Bustamante – Sinaklolohan ni Coco ang naghihirap na child actress

Suntok sa dibdib ang inabot namin sa panonood sa programa ni Korina Sanchez dahil sa child star na si Rhed Bustamante. Siya ang magaling at premyadong child actress na nilalabasan ng dugo ang mga mata sa pelikulang Seklusyon.

Marami pa siyang ibang nagawang pelikula noong nabubuhay pa si Direk Wen Deramas, pero nang maging matumal na ang kaniyang mga proyekto ay parang napilay na rin ang kabuhayan ng kaniyang pamilya, nagtitinda na lang siya ng tinapay at kape ngayon sa tabi ng riles ng tren sa Sampaloc.

Kung saan napunta ang kinikita niya noong aktibo pa siya sa pag-aartista ay hindi masyadong natutukan sa kanilang pag-uusap ni Korina, ang mas tumatak sa manonood ay ang pagpapalayas sa pamilya ni Red sa inuupahan nilang bahay, dahil sa pagkakautang na rentang anim na libo.

Naghanap sila ng tirahan sa Bulacan, tumutulong si Rhed sa kaniyang ina sa pagtitinda, dahil maysakit ang kaniyang ama at hindi na nito kayang magtrabaho.

Nagsusumamo pa naman ang mga mata ng batang ito, sobrang pagkaawa ang mararamdaman mo habang nagkukuwento siya tungkol sa kahirapang pinagdadaanan nila ngayon, ang buhay nga naman ng mga artista.

Sino pa ba ang unang-unang personalidad na maiisip namin sa ganyang sitwasyon kundi ang mapuso sa maliliit na artistang si Coco Martin? Tagapagsalba ng mga nangangailangang artista ang matagumpay na aktor.

May nakahanda nang papel na gagampanan ang child actress na si Rhed Bustamante sa matagumpay na serye ni Coco Martin. Dininig ng Diyos ang hiling ng talentadong bata, nakatulong pa ang mga dasal na ibinato sa langit ng mga humahanga at nakikisimpatya sa kaniya, makaaahon na sa pagdarahop ang pamilya ni Rhed Bustamante.

Kuwento ng aming source, “Monday pa lang, ipinakontak na ni Coco si Rhed. Magiging part na siya ng Ang Probinsiyano. At hindi lang iyon, pati ang mga problema ng pamilya, sinagot din ni Coco.

“Iyong utang sa bahay na tinitirhan nina Rhed, iyong pambili ng gamot ng tatay niyang maysakit kaya hindi na makapagtrabaho, si Coco na ang umako sa lahat,” sabi ng aming kausap.

Ibang klase talaga ang kagandahan ng puso ni Coco Martin. Naniniwala siya na ang mga biyayang napapasakamay niya ngayon ay may kakambal na responsibilidad para sa kaniyang kapuwa.

Hindi lang iyon para sa kaniya at sa pamilya niya, marami pang ibang taong nakadestinong matulungan niya, tulad ng mga artistang binibigyan niya ng markadong papel sa kaniyang serye na nagbigay sa mga ito ng pag-asa.

Lumilipad sa sobrang taas ang rating ng Ang Probinsiyano, sinusubaybayan ng ating mga kababayan ang maaaksiyong kaganapan sa serye, pero ang mas malaking dahilan kung bakit napamahal na sa mga Pinoy ang palabas ay dahil sa kanilang paghanga kay Coco Martin na hindi maramot sa mga oportunidad para sa kaniyang mga kapuwa artista.

Napakagandang puso. 

Matteo at Sarah ­ – Nagbakasyon sa Europe para sa ika-5 taon ng relasyon

Magkasamang ipagdiriwang nina Matteo Guidicelli at Sarah Geronimo ang ikalimang taon ng kanilang relasyon sa Europe. Sila lang dalawa ang magkasama at hindi bubuntot sa magandang singer-actress ang kaniyang Mommy Divine.

Natural, dahil aminado naman ang mga nagmamahalan na silang dalawa lang talaga ang magkasama sa ibang bansa, pinutakti ng pamba-bash ang mommy ni Sarah.

Biglang naalala ng marami ang ginawang pagpapahinto ni Mommy Divine sa isang episode ng programa ni Vice Ganda, ano raw kaartehan ito, ano raw ang gustong patunayan ni Mommy Divine?

Sabi ng isang basher, “E, nagsosolo na nga ang dalawa, mayroon pang alam na pagpapa-stop ng GGV si Aling Divine? Pinapayagan na nilang magkasama sa ibang bansa si Sarah at Matteo, pero inabala pa niya ang production nang ipahinto niya ang pagpapalabas ng guesting ni Sarah?

“Ano iyon? Tinablan siya sa tanong kung nakaranas na ba ang daughter niyang matulog na may kasamang lalaki sa bed, pero ano ito? Alangan namang two hotel rooms pa ang kunin nila sa Europe?” naiinis na upak ng basher ni Mommy Divine.

Kahit pa hindi naman nila gagawin o nagawa na ay hindi mawawala sa utak ng marami na may nagaganap na matamis na milagro kapag magkasama ang magkarelasyon.

Sabi nga ng isang nakausap namin, “Ano iyon, magdadala sila ng chess board at maglalaro lang sila? Natural, pag-iisipan sila ng iba na mayroon silang ginagawa kapag sariling-sarili lang nila ang mundo!” 

Alden Richards – Bumigay na ang katawan ng Pambansang Bae

Iisa lang ang ating katawan. Kapag nawala ay hindi na tayo makakakuha ng kapalit. Kahit sa mga sosyal na pamilihan ay walang ibenebentang panibagong buhay.

Kaya ang payo ng mga dalubhasa, health is wealth, alagaang mabuti ang ating katawan dahil hindi iyon nabibili over the counter kapag nawala na.

Bumigay ang katawan ni Alden Richards. Kahit siguro sino ang lumagay sa sapatos ng Pambansang Bae ay ganoon din ang mararanasan dahil halos wala na siyang tulog at pahinga sa sobrang dami ng kaniyang trabaho.

May nakaimbak naman siyang energy, wala rin siyang bisyo, pero nauubos ang ating lakas kapag kinakain na iyon ng kakulangan sa tulog at pahinga. Sumusuko ang ating katawan, nanghihina tayo, na nagpapabagsak sa atin.

Paminsan-minsan ay kailangan ding regaluhan ni Alden Richards ang kaniyang katawan ng isang masarap na pahinga. Iyong kaniyang-kaniya lang ang mahapon at magdamag, iyong wala siyang gagawin kundi ang mag-relax lang, kain-tulog lang.

Sa dami ng kaniyang trabaho ngayon ay wala nang ganoon si Alden, puro trabaho ang nasa kaniyang utak sa paggising pa lang niya, magandang maglaan naman sana siya ng panahong kaniyang-kaniya lang.

Katwiran ng mga artista ay kailangan nilang samantalahin ang pagkakataon habang mainit na mainit pa sila. Kapag tumamlay na raw kasi ang kanilang karera ay lalayo na ang mga alok at trabaho.

Maling katwiran. Masarap kumita, pero kailangang balanse ang lahat, habang kumikita sila ay dapat din nilang bigyan ng pagpapahalaga ang kanilang katawan.

Nand’yan lang ang trabaho pero kapag ang katawan na ang sumuko ay mababalewala ang lahat. No health, no wealth. 

Janine Gutierrez – Kaliwa’t kanang upak sa social media, kawawa naman

Nakakaawa naman si Janine Gutierrez. Ang tanging kasalanan lang ng magandang young actress, kung kasalanan ngang maituturing iyon, ay ang tanggapin ang seryeng pinagbibidahan ni Alden Richards.

Ang pagiging leading lady lang ng Pambansang Bae sa Victor Magtanggol ang desisyong ginawa niya, pero ang magiging kapalit pala noon ay kaliwa’t kanang upak sa social media, kaya pansamantalang pinagpahinga ni Janine ang kaniyang Twitter account.

Kung puwede lang sigurong ibalik ni Janine ang panahon ay hindi niya tatanggapin ang alok ng GMA-7 dahil ang makakapalit pala noon ay ang pangwawasak sa kaniyang career at pagkatao.

Lahat na ng pinakamasasakit na salita ay ipinatikim kay Janine ng mga taong kumokontra sa tambalan nila ni Alden, puro pintas ang kaniyang inaabot, samantalang bulag lang ang magsasabing hindi maganda ang anak nina Monching at Lotlot.

Pero walang pinalalampas ang kaniyang mga bashers, nang ipahinga niya ang kaniyang Twitter account ay sa Instagram naman siya inuupakan ngayon, araw-gabi siyang pinipintas-pintasan at pinagbibintangang uhaw sa kasikatan kaya ginusto niyang makatambal si Alden.

Siguradong ang aktor na ang humihingi ng pasensiya kay Janine sa ganyang klase ng indultong inaabot ng dalaga. Nakakahiya nga naman iyon kay Rayver Cruz, ang boyfriend ni Janine, dahil sa kung anu-anong negatibong paglalarawan ng mga bashers sa aktres.

Napakasimple pa naman ni Janine Gutierrez, walang masamang tinapay para sa kaniya, tahimik lang siya at siguro nga ay puro iyak na lang ang ginagawa niya ngayon. 

KathNiel ­ – Box office hit! Grabe ang milagro sa takilya

Walang paglagyan ng kaligayahan ngayon sina Daniel Padilla at Kathryn Bernardo dahil sa patuloy na pagkita ng kanilang The Hows Of us na nasa ikatlong linggo na.

Grabe pa rin ang pila sa mga sinehan, kung hindi ka magiging maagap sa pagkuha ng ticket ay walang pag-asang makapasok ka para makapanood, grabe ang ginawang milagro sa takilya ng tambalang KathNiel.

At hindi lang basta pinipilahan ang kanilang tambalan, pinakamatinding imbitasyon para sa mga hindi pa nakapanonood ang magagandang kuwento ng mga nakapanood na, gumana nang husto ang word of mouth para sa kanilang tagumpay.

Hindi ganito katindi ang inaasahan ng magkarelasyon, alam nilang mananalo sa takilya ang The Hows Of Us, pero hindi sa ganito katinding paraan.

Sinusulat namin ang kolum na ito ay nasa mahigit na 400 million pesos na ang kinikita ng pelikula, patuloy pa rin itong pipilahan sa kaniyang ikatlong linggo, kaya halos kalahating bilyong piso na ang iniaakyat nila sa kaban ng yaman ng Star Cinema.

Ang palagi naming naririnig na komento ng manonood, “Si Kathryn talaga ang bumuhat sa movie. Okey rin naman si Daniel, pero nag-iiyakan ang lahat ng mga nasa sinehan, lalo na doon sa eksena habang binabasa niya ang letter ni Daniel na pumasok sa illim ng ref at after two years na niya nabasa!” Panalo! 

Erik Santos – 15th anniversary concert sa Sept 22 sa MOA Arena

Parang kailan lang iyon nang tanghalin siyang kampeon ng Star In A Million. Labinglimang taon na pala ngayon ang lumilipas.

At mula noon ay umangat na nang umangat ang pangalan at kaledad ng magaling na singer na si Erik Santos. Magaling, magaan siyang katrabaho, mabuting anak at kapatid, palaging mabango, lahat na yata ng magagandang katangian ay hawak na niya.

Masarap kasama sa show sa ibang bansa si Erik Santos. Mahal niya ang kaniyang trabaho, propesyonal siya, kapag sinabi naming alas kuwatro nang madaling-araw ay kailangang nasa lobby na siya ng hotel dahil palipad na naman kami ng ibang siyudad sa Canada ay maaasahan mong alas tres y medya pa lang ay nandoon na siya.

Hindi ka niya bibigyan ng kahit anong probelma, ano bang nasa gitna siya ng snow, wala siyang reklamo sa picture taking, na ikinasasaya ng ating mga kababayan.

At bilang pasasalamat sa mga walang sawang sumusuporta sa kaniyang singing career ay isang malaking concert ang ihinanda ni Erik Santos sa September 22 sa MOA Arena.

Dahil 15th anniversary na niya sa mundo ng musika ay labinglimang guests din ang kaniyang makakasama sa My Greatest Moments, siya mismo at si John Prats ang magdidirek ng concert.

Parang anak na ang turing sa kaniya nina Tito Henry at Tita Lily Chua, ang mga producers ng Lucky 7 Koi Productions, hindi na sila nagnenegosyo kung tutuusin dahil pamilya na sila.

Ewan, pero kapag si Erik Santos na ang aming pinanonood at pinakikinggan ay may kakaibang emosyon kaming nararamdaman. Galing kasi sa puso ang piyesa, hindi sa bibig lang, kaya naman pinakamabenta siyang singer sa mga ginagawang serye ng ABS-CBN.

Hindi namin palalampasin ang concert na ito ni Erik Santos, umaraw man at umulan ay dadayo kami sa MOA Arena sa September 22, pagsisisihan namin kung hindi kami manonood. 

Kris Aquino – Pinuri ng Megastar ang role sa Crazy Rich Asians 

Napakasarap ng ganting-komento ni Kris Aquino sa mga papuring ibinigay sa kaniya ni Sharon Cuneta. Bukod sa sinabi ng Megastar na malaking pride ng ating bayan ang pagkasama niya sa Crazy Rich Asians ay pinayuhan pa ni Sharon ang mga bashers na tantanan na si Kris at huwag magpairal ng crab mentality.

Noong bagito pa lang sa showbiz si Kris Aquino ay nagkaroon kami ng pagkakataong mainterbyu siya nang solohan. Ikinuwento niya sa amin na habang nasa Boston ang kanilang pamilya ay magkasama nilang pinanonood ng pinaslang niyang ama ang mga pelikula ni Sharon Cuneta.

Sa Boston niya pinanood ang Dear Heart at My Only Love. At hindi lang minsan niyang pinanood iyon, maraming beses, kaya markado sa kaniya si Sharon Cuneta kahit nanirahan sila sa ibang bansa.

Nang i-post ni Sharon ang papuri sa kaniya ay hindi malaman ni Kris kung saan ilalagay ang kaniyang kaligayahan. Ang sikat na artista nga namang pinanonood niya noon sa ibang bansa ang nagbigay sa kaniya ng napakasarap na komento.

Marami silang nagkaparehong katangian. Pareho silang matapang at bukas ang bibig kapag tama ang kanilang ipinaglalaban. Magkapareho rin sina Kris at Sharon sa pagpapahalaga sa kanilang pamilya lalo na sa kanilang mga anak.

Pareho rin silang ipinanganak na may gintong kutsara sa bibig pero sa halip na magtamad-tamaran dahil hindi na sila magugutom ay sinikap pa rin nilang magtrabaho para matupad ang kanilang mga pangarap. 

Dingdong Dantes – Papasok na sa pulitika ayon kay Marian

Mismong misis na ni Dingdong Dantes ang naglabas ng kumpirmadong balita na kakandidato sa darating na halalan ang kaniyang mister. Hindi pa nga lang alam ni Marian Rivera ang posisyong inaasinta ng aktor.

Ilang taon na ang nakararaan ay laman na ng mga balita ang pagpasok sa mundo ng pulitika ni Dingdong dahil binigyan siya ng posisyon ng dating pangulong Noynoy Aquino para sa mga kabataan.

Pero hindi raw, wala pa raw sa kaniyang isip ang pagiging pulitiko, tumutulong daw siya sa ating pamahalaan. Pero ngayon ay ang kaniyang misis na ang kumumpirmang makikilahok na siya sa eleksiyon sa susunod na taon.

Walang problema, sensitibong mamamayan si Dingdong Dantes, isa siya sa mga personalidad na kakikitaan mo ng malasakit sa ating bayan. Hindi rin siya nasangkot sa anumang bisyo, tumutulong pa nga siya sa pagpapalaganap ng mensaheng walang nagagawang mabuti ang droga sa kahit sino, maganda ang imahe ng aktor.

Kung sa mabilisang paghusga ay malaki ang posibilidad na ipananalo ni Dingdong Dantes ang laban sa darating na eleksiyon, pero dumadaan iyon sa proseso ng botohan, kailangan niya munang manligaw sa mga kababayan natin. – CSF

Have a comment on this article? Send us your feedback

Oktubre 1-15, 2018

	Jinkee Pacquiao
	Kris Aquino
	Rowell Santiago
	Coco Martin
	Jake Zyrus
	Mark Anthony Fernandez & Claudine Barretto
	Yam Concepcion
	Elmo Magalona & Janella Salvador
	Erik Santos
	Alex Gonzaga

Kris at Jinkee – Pinagnakawan ng mga pinagkakatiwalaang staff

Parehong may matinding dinadala ngayon sina Kris Aquino at Jinkee Pacquiao. Pareho silang pinagnakawan ng mga taong pinagkatiwalaan nila nang isandaang porsiyento.

Si Kris ay pinagnakawan nang milyones ng kaniyang staff, si Jinkee naman ay ninakawan ng pera at mga alahas ng kaniyang PA, hindi ang halagang nawala sa kanila ang iniinda ng mayayamang personalidad kundi ang betrayal of trust.

Tinraydor sila ng mga taong binigyan nila ng pagtitiwala. Pinakahuling taong iniisip nila na sisira sa kanilang tiwala ang mga taong gumawa sa kanila ng pangtatraydor.

Mahirap ding maging mayaman. Sa dami ng kanilang pera ay nagiging kampante na sila. Huli na kapag nadiskubre nila na ang pinaghirapan pala nilang halaga ay lumipad na.

Itinuring na ni Jinkee na miyembro ng kanilang pamilya ang kaniyang PA, isinasama nito sa mga lakad at ipinagsa-shopping pa pero ito pa pala ang magnanakaw sa kaniya.

Mga abogado na ni Kris Aquino ang nag-aasikaso sa kaniyang problema, bumagsak ang kaniyang timbang nang dahil doon, si Jinkee naman ay pinauwi na lang sa GenSan ang nagkasala sa kaniya at hindi na ito nagdemanda.

Sa kaso ni Kris ay hindi puwedeng sorry na lang ang kaniyang matatanggap. Kikitain pa niya ang milyones na halaga ng ninakaw sa kaniya pero ang pagkasira ng tiwala niya sa taong iyon ay walang katumbas na kahit magkano.

Kahit sa panaginip ay hindi inisip ni Kris na ang taong nakakaalam ng pasok at labas ng perang pinaghihirapan niya pa pala ang gagawa sa kaniya ng ganoon.

Mabuti na ring sa mas maagang panahon ay natuklasan na ni Kris ang mga nawawala sa kaniya, hindi pa ubos ang kaniyang kaban, pero kumakalog-kalog na dahil sa laki ng nawalang halaga.

Nakakalungkot lang isipin na winasak ng taong iyon ang malaking tiwala sa kaniya ni Kris Aquino. Iyon ang mahirap nang maibalik pa.

Nakapanghihinayang na samahan. Pera lang pala ang wawasak sa napakaganda nilang pinagsamahan. 

Rowell Santiago – Kapala-palakpak ang acting sa Ang Probinsyano

Sa matinding exposure at pagtutok na ibinibigay ngayon ng FPJ’s Ang Probinsiyano kay Rowell Santiago na gumaganap na presidente sa matagumpay na serye ay isa lang ang maiisip mo.

Pambulag ang episode ng FPJ’s Ang Probinsiyano noong Huwebes (Sept. 27) nang gabi. Malaking halaga ang ginastos ng Dreamscape Entertainment sa mga eksenang nakapaloob sa paglilibing sa asawa at dalawang anak ng presidente na ginagampanan ni Rowell Santiago.

Maikukumpara iyon sa libing ng pinaslang na dating Senador Ninoy Aquino, pati ang disenyo ng mga bulaklak ay ginastusan din, kahanga-hanga ang production design.

Ang galing-galing ni Rowell sa kaniyang mga eksena, papalakpakan mo talaga ang ipinakikita nitong husay sa pagganap, lalo na sa mga tagpo kung saan nito ipinahukay sa mga miyembro ng Vendetta ang mga bangkay ng kaniyang mag-iina.

Kaniyang-kaniya ang sunud-sunod na eksena, magkakahalo ang kaniyang pawis, luha at sipon dahil sa matinding trahedyang naganap sa kanilang pamilya, nagkasya lang si Coco Martin sa ilang tutok ng camera habang pinagmamasdan ang iniligtas nilang presidente.

Kapala-palakpak ang acting ni Rowell, kung may mga nanonood na namumuno ng mga award-giving bodies para sa mga personalidad na may angat na pagganap ay panalung-panalo na ang aktor-direktor sa kaniyang mga eksena.

Sa kaniya sumentro ang kuwento, ipinaubaya sa kaniya ni Coco Martin ang mga camera, mula sa pagkagitla sa paglilibing sa kaniya kahit buhay pa siya at sa pagpanaw ng kaniyang mag-iina ay nakopo ng mga camera ang pagganap na kailangang-kailangan sa istorya.

Napakagaling ng acting ni Rowell Santiago na hindi niya naipakita noong mga panahong gumagawa sila ng pelikula nina Sharon Cuneta at Pops Fernandez.

At mas nakamamanghang isipin na kinunan pala ang eksenang iyon sa isang panahong wala pa siyang pahinga at tulog dahil sunud-sunod ang kanilang taping.

Ipinanganak talaga ang artista. Nakatutulong ang pagwo-workshop pero kung wala kang talento ay wala ka talagang ilalabas. 

Coco Martin – Nakakalula ang talent fee sa bawat pag-eendorso

Nakakalula ang talent fee ni Coco Martin sa bawat pag-eendorso niya ng mga produkto. Pero hindi iyon iniinda ng mga ahensiya dahil epektibong endorser ang bida ng matagumpay na Ang Probinsiyano.

May lagnat ang bayan ngayon kay Coco Martin, napakaganda ng kaniyang imahe sa publiko, siya ang itinuturing na modern day hero dahil sa mula sa pusong pagtulong niya sa mga artistang walang trabaho at sa mga kababayan din nating kapuspalad.

Ang mga produktong siya ang nagbebenta sa buong bayan bilang modelo ay sumasabay sa kaniyang tagumpay bilang action serye king ng telebisyon. Bumebenta ang mga produktong iniaalok niya sa ating mga kababayan.

Kuwento ng aming source, “Iyong ine-endorse niyang alak? Hindi iyon tinatawag sa brand ng mga tomador. Pagpunta nila sa tinadahan, e, isa lang ang sinasabi nila, ‘Isang bote nga po ng Coco Martin!’

“Alam na iyon ng tindera, ganoon kasikat si Coco, binibili ng mga Pinoy ang mga products na siya ang endorser,” sabi ng aming source.

Maluwag ang mga palad ng action star. Butas na butas iyon sa pamamahagi ng tulong sa mga nangangailangan. Kaya naman ilampung balik ang tinatanggap niya, lalong napupuno ang kaban ng kaniyang yaman, hindi na matatawaran ang ganda ng kabuhayan showcase ni Deng.

Pagdating sa trabaho ay sobra ang higpit ni Coco Martin. Nagagalit siya sa mga personalidad na nale-late sa shoot. Palagi niyang ipinaaalala ang pagiging propesyonal sa lahat ng oras.

Tama ang komento ng kaibigan naming propesor na tagasubaybay ng Ang Probinsiyano, “He had it the hard way kasi, hindi naman siya naging Coco Martin nang magdamagan lang, napakatindi ng pinagdaanan niya bago siya naging ganito kasikat.

“Professionalism ang pinairal niya, kaya natural lang na kapag may mga artistang hindi minamahal ang work nila, nagagalit siya,” sabi ni prop. 

Jake Zyrus – Lalabas na ang tell-all book: I am Jake

Sa October 5 pala ilalabas ni Charice Pempengco na Jake Zyrus na ngayon ang isinulat niyang libro. May mga nakasama siyang magbuo ng nilalaman ng libro pero ang lahat ng ideya ay galing mismo kay Jake Zyrus.

Maraming nagagalit sa magaling na singer, wala raw siyang utang na loob, dahil tinawag niyang evil queen ang ina niyang si Raquel Pempengco.

Pero ayon naman sa kaniyang manager na si Carl ay hindi puro kanegahan ang nilalaman ng librong – I am Jake, nandoon din ang mga bahaging tumatanaw siya ng utang na loob sa kaniyang pamilya, nakasaad din doon ang pagmamahal ni Jake Zyrus sa kaniyang ina at lola na nakasama niya sa pagbiyahe tungo sa kaniyang mga pangarap.

Pero kailangang magpakatotoo ni Jake sa paglalahad ng kaniyang kuwento, nandoon din siyempre ang mga panahong nagkakabanggaan silang mag-ina, hindi puro kuwento ng glorya ang nakasaad sa libro.

Hindi ito ang unang pagkakataon na kinokontra ni Raquel ang mga ginagawa ni Jake. Nang ipalabas sa MMK ang kuwento ng kaniyang buhay ay galit na galit din ang kaniyang ina dahil pinalabas daw itong kontrabida sa daloy ng istorya.

Blacksheep daw si Jake Zyrus, sabi pa ni Raquel, wala raw utang na loob ang kaniyang anak dahil kinaya silang talikuran ni Jake nang makisama siya sa kaniyang karelasyong singer din.

Hating-hati ang opinyon ng buong bayan ngayon sa nagaganap na pampublikong away ng mag-inang Jake Zyrus at Raquel.

Malayang nagbibigay ng komento ang mga kababayan natin sa social media dahil silang mag-ina naman ang nagbukas ng pintuan para manghimasok ang ibang tao sa kanilang pinagtatalunan.

May patutsada si Raquel na ang mga bibili raw ng librong sinulat ng kaniyang anak ay mga sira-ulo lang dahil sira-ulo rin ang kaniyang anak.

Doon na nagsimulang bumuhos ang pakikisimpatya ng mga netizens kay Jake Zyrus na halos magpakamatay na noon sa kakakanta para lang maiahon sa hirap ang kanilang pamilya.

Sigaw ng mga fans ni Jake, “So, sira-ulo na ngayon ang anak mo, dahil hindi mo na siya pinakikinabangan? Sira-ulo na ang anak mo, kasi, nagtatanong na siya kung saan napunta ang mga pinaghirapan niya?

“At mga sira-ulo na rin ang mga bibili ng libro ni Jake, dahil nandoon ang mga kuwento niya tungkol sa mga pagpapahirap mo sa kaniya? Sino ngayon ang sira-ulo?” upak kay Aling Raquel ng mga tagahanga ni Jake Zyrus.

Masalimuot ang kuwento ng buhay ni Charice Pempengco na naging Jake Zyrus dahil sa pagsunod sa kaniyang kaligayahan. Sa kung ano ang kaniyang nararamdaman. Sa kung ano ang tunay niyang kasarian.

Gusto naming mabasa nang buung-buo ang libro ni Jake Zyrus para malaman namin kung ano ba ang totoong nararamdaman niya bilang anak.

Totoo bang ginawa siyang alipin ng kaniyang ina? Totoo bang para siyang kalabaw na isiningkaw sa pagtatrabaho ng kaniyang mommy para sa mga personal nitong interes?

Karapat-dapat bang tawaging mommy dearest ni Jake Zyrus ang kaniyang ina? 

Claudine Barretto – Naunsyami ang pagbabalik showbiz

Naunsyami ang pag-asa ng mga tagasuporta ni Claudine Barretto na magbabalik na siya sa pag-arte. Asang-asa ang kaniyang mga fans na konting-konting panahon na lang at magpapakaaktibo na ang kanilang idolo pero bigla namang naudlot iyon.

Ang kuwento noon ay madalas na sa gym ang magandang aktres para sa pagbabawas niya ng timbang, may mga retrato pa nga siyang inilalabas sa kaniyang account na konting-konti na lang at makukuha na niya ang weight na inaasinta niya, pero ano nga ba ang nangyari?

Ayon sa mga nakakaalam tungkol sa plano ay hindi na tuloy ang pelikulang pagtatambalan nila ni Mark Anthony Fernandez. Tuloy pa rin daw ang paggawa ng proyekto pero hindi na si Claudine ang gaganap bilang bidang babae.

Ang pinakahuling balita ay nagpapa-release na si Claudine Barretto sa produksiyong gagawa ng pelikula, pero mukhang malaking halaga muna ang kailangan niyang ibalik, dahil malaki-laki na rin pala ang nakukuha niyang advance sa produksiyon.

Sayang na oportunidad, iyon na sana ang magiging daan sa pagbabalik ni Claudine Barretto, pero nagkaproblema pa. 

Yam Concepcion – Epektibong umarte sa Halik kaya binabash!

Nakakaawa naman si Yam Concepcion. Dahil sa kaniyang role sa seryeng Halik bilang asawa ni Jericho Rosales na may kalikutan ay nadadamay na pati ang personal niyang buhay at imahe.

Maraming namba-bash sa kaniya, tinatawag siyang malandi, kaliwete, sinungaling at malikot na babae. Ang lahat ng paglalarawang iyon ay hango lang sa ginagampanan niyang role sa serye.

Kunsabagay ay nakawiwindang naman kasi ang ibinigay na papel sa kaniya. May asawa na siya ay nakikipagsiping pa siya sa ibang lalaki. At ganoong siya na nga ang nangangaliwa ay ang mister pa niya ang pinagbibintangan niyang may ginagawang milagro.

At habang inuupakan si Yam sa social media ay nakikisimpatya naman ang mga netizens kay Yen Santos na misis ni Sam Milby na nakakatalik ni Yam.

Ibig sabihin lang noon ay epektibong umarte si Yam Concepcion, kung hindi siya ganoon kagaling umarte ay wala namang papansin sa kaniya, kakambal talaga ng ipinakikita niya sa istorya ang galit ng bayan.

Wala pa ring kakupas-kupas ang husay sa pag-arte ni Jericho Rosales. Napakalalim at napakalayo na ng sakop ng kaniyang pagganap.

Komento ni prop, “Masarap sampalin nang paulit-ulit si Yam Concepcion. Ganoon talaga ang may ginagawang milagro, itinatapon ang kasalanan niya sa ibang tao. Thinkers are doers nga, di ba?

“Pero napakahusay ni Jericho! Sa kahit anong eksena, lutang na lutang talaga siya! Napakasarap nilang panoorin ng gumaganap niyang nanay na si Amy Austria.

“Nagpapaningningan ang galing nilang umarte kahit sa pinakasimpleng eksena. Pinag-iwanan na ni Jericho sa pag-arte ang mga ka-contemporary niya,” papuri ni prop kay Echo.

Na sinasang-ayunan namin nang isandaang porsiyento.

Elmo Magalona at Janella Salvador – Hiwalay na!

Nangangamoy-hiwalayan na ang pagmamahalan nina Elmo Magalona at Janella Salvador. Hindi na siguro puwedeng tagpian ang kanilang problema dahil bumalik na ang dalaga sa poder ng kaniyang ina.

Napakasakit para kay Elmo ang ginawang hakbang ng kaniyang girlfriend. Si Jenine Desiderio na palaging kontrabida sa kanilang relasyon ang piniling makasama ngayon ni Janella.

Iyon na ang pinakaultimo. Ang mag-inang palaging nagbabangayan ang magkakampi na ngayon sa laban. Nasaan na ngayon si Elmo?

Sobra ang pasasalamat ni Jenine dahil nagbalik-bahay ang kaniyang anak sa mismong kaarawan pa niya. Kinumpleto ni Janella ang kaligayahan ng kaniyang mommy.

At ngayong magkasama-magkasangga na ang mag-ina ay kailangang maghanda si Elmo. Siguradong kapag ibinuga ni Janella ang saloobin nito sa kaniyang ina ay malaking bomba ang pasasabugin ni Jenine.

At… eto na nga.

Basura mo, babalik sa iyo! Ganoon ang bira ng mga tagahanga ni Elmo Magalona sa ina ni Janella Salvador na si Jenine Desiderio.

Parang naghuhuramentado kasi ngayon si Jenine dahil sa nalaman niyang kuwento na ihinulog ni Elmo sa van ang kaniyang dalaga. Inilabas niya iyon sa social media.

Walang sinasabi si Janella, maging si Elmo ay tahimik tungkol sa isyu, si Jenine lang ang naglalabas ng mga detalye sa social media kaya siya ang inuupakan ngayon ng mga fans ng loveteam.

Ang kanilang punto, “Noong magkaaway kayo ng anak mo, e, ganyan ka rin! Ipinapahiya mo sa publiko ang anak mo, instead na pagtakpan mo ang mga maling nagagawa ni Janella!

“Ikaw pang nanay mismo ang naninira sa anak mo, kaya nga siya humiwalay sa iyo, di ba? Ngayon, si Elmo naman ang winawasak mo! Kung anu-anong kuwento ang inilalabas mo sa socmed!

“Kung totoong sinaktan pala ni Elmo ang anak mo, why not report the incident? Kasuhan mo si Elmo, mag-file ka ng case, hindi iyong ganyan na kuda ka nang kuda!

“Ang dami-dami mong sinasabi, kung anu-anong istorya ang ginagawa mo. File a case against Elmo! Iyon lang iyon!” isang komento lang laban kay Jenine Desiderio ng mga namamahal kina Janella at Elmo.

Walang pakialam si Jenine sa kahit sino, kahit nga ang kaniyang anak ay nakakatikim mula sa kaniya, siya pa nga ang naglalantad sa social media ng mga ikasisira ni Janella.

Si Elmo Magalona pa kaya ang panilagan ni Jenine, samantalang mula nang maging magkarelasyon ang aktor at ang kaniyang dalaga ay palagi na siyang nakakontra, ngayon pa ba magpipigil si Jenine sa paglalantad ng kung ano ang nangyari sa dalawa?

Kailangang humawak na sa kaniyang pundilyo si Elmo Magalona, sumasabog na ang bomba, lahat-lahat ay siguradong ililitanya na ni Jenine Desiderio dahil bumalik na ang anak niya.

Erik Santos – Tagumpay ang My Greatest Moments concert sa MOA

Umuulan man ay umuwing maligayang-maligaya ang mga nanood ng My Greatest Moments, ang 15th anniversary concert ni Erik Santos sa MOA Arena.

Bukod sa napuno na ni Erik Santos ang hinganteng venue ay mahusay niyang tinapos ang lahat ng kaniyang mga kanta mula sa una hanggang sa pinakahuli niyang piyesa.

Ngayon lang namin napanood ang singer na napakaraming kinanta pero ang kaniyang boses ay hindi nagbago ng tono at kinis. Mas lumulutang ang kaniyang boses sa matataas na tono. Palakpakan ng audience ang palaging kapalit ng kaniyang bawat performance.

Binalikan ni Erik ang mga panahon ng pagsali niya sa mga amateur contest. Palagi siyang talo. Ni singkong duling ay wala siyang naiuuwing premyo. Nang umuwi ang kaniyang tatay na OFW ay pinanood pa siya nito sa sinalihan niyang amateur, I’ll Be There ang piyesang ipinanglaban niya, pero sa kalagitnaan ng kanta ay nakalimutan niya ang mga lyrics.

Minsan siyang nanalo, dala-dala pa niya ang kinakalawang na niyang trophy sa entablado, iyon lang ang natatandaan niyang tagumpay sa larangan ng pagkanta noong bata pa siya.

Nagbukas ang tagumpay para kay Erik Santos nang magkampeon siya sa Star In A Million ng ABS-CBN noong 2003. Naging emosyonal ang audience habang ipinalalabas sa giant screen ang rendisyon niya ng This Is The Moment.

Payat na payat pa siya, tutsang-tutsang pa ang kaniyang buhok, habang ipinalalabas ang video ay nag-split screen. Ipinakita si Erik na pigil na pigil ang pagluha. Kinakagat-kagat ng magaling na singer ang kaniyang labi para makontra ang kaniyang emosyon.

Sinabayan niya ang video, dalawang Erik Santos na ang kumakanta, ang Erik na kampeon ng Star In A Million at ang Erik Santos na nagdiriwang na ng kaniyang ika-15 taon sa mundo ng musika.

Nakabibingi ang mga palakpakan at sigawan, magkaiba lang ang itsura niya noon at ngayon, pero ang boses ay iisa. Nakadestino talagang sumikat at magtagumpay ang anak ng Malabon.

Isang mahigpit na yakap at pakikipagkamay sa pinagpalang singer na ito na ang kaledad ng boses ay maihahanay sa pandaigdigang labanan.

Alex Gonzaga – Nilangaw sa takilya ang pelikula

Dahil sa malagihay na pagtanggap ng ating mga kababayan sa bagong pelikula ni Alex Gonzaga, ang Nakalimutan Ko Nang Kalimutan Ka, ay maraming nagkokomento na hindi talaga niya mapaplakado ang naging kapalaran ng kaniyang kapatid na si Toni.

Mukhang hinamig na nga ng pelikulang The Hows Of Us ang pera ng bayan, hanggang ngayon ay pinipilahan pa rin ang KathNiel movie, samantalang papasok na iyon sa ikaapat na linggo.

Kuwento ng isang anak-anakan naming mahilig manood ng sine, “Pasensiya na, wala akong maikukuwento sa iyo tungkol sa pelikula ng feelinggerang si Alex Gonzaga.

“Pagdating ko sa Robinson’s-Sta. Rosa, hindi na palabas ang movie niya, malinaw ang ibig sabihin noon, tsinugi na sa sinehan ang movie.

“Sayang, hindi ko man lang naramdaman ang malamig na kapaligiran dahil walang body heat, hindi tinao ang pelikula. Kung pinanood ko na sana kahapon ang pelikula, e, di sana, nabilang ko pa kung iilan lang kami sa sinehan.

“Kaso, binaklas na, iba na ang palabas, kaya palitan na lang nila ang titulo ng movie ni Alex Gonzaga! Gawin na lang nilang ganito ang title – Nakalimutan Ng Manonood Na Panoorin Ka!

“Iyon lang!” komento pa ng aming source na naging saksi sa senaryo tungkol sa pelikula ni Alex Gonzaga. – CSF

Have a comment on this article? Send us your feedback

Oktubre 16-31, 2018

	Pierre Emmanuel Plassart & KC Concepcion
	Sharon Cuneta
	Mocha Uson
	Regine Velasquez
	Kris Aquino
	JV Ejercito & Jinggoy Estrada
	Romnick Sarmenta & Harlene Bautista
	Cristine Reyes & Ali Khatibi
	Jake Zyrus
	Mark Anthony Fernandez
	Lito & Mark Lapid
	Gretchen Fullido

KC Concepcion –Maligaya sa French bf na si Pierre Emmanuel Passart

Kitang-kita ang kaligayahan sa aura ngayon ni KC Concepcion. Mukhang nakita na nga niya ang lahat ng katangiang hinahanap niya sa isang lalaki sa French boyfriend niyang si Pierre Emmanuel Passart.

Hindi binibigyan ni KC ng panahon ang mga bashers na nagsasabing kalbo na ay matanda pa ang kaniyang boyfriend. Lampas 30 anyos lang ang lalaki, nagkataon lang na maagang nagpaalam ang buhok nito, kaya parang malayo ang edad ni Pierre sa dalaga ni Sharon Cuneta.

Sa tanong kung papunta na ba sa kasalan ang kanilang relasyon ng Pranses ay puro ngiti lang ang sagot ni KC. Napag-uusapan nila ang tungkol doon, pero sa ngayon ay wala pa silang plano, makapaghihintay ang pagharap sa altar kung si KC ang tatanungin.

Bigla siyang tumawa sa interview dahil dalawang tatay raw ang maghahatid sa kaniya sa altar kapag nagkataon. Ang kaniyang biological father na si Gabby at ang kinagisnan niyang ama na si Senador Kiko Pangilinan.

“Kailangang dalawa silang makasama ko sa paglakad sa church, pareho silang mahalaga sa akin!” tawa nang tawang pahayag ng mabait na ay maganda pang si KC Concepcion. 

Sharon Cuneta – Soldout ang concert, Megastar pa rin!

Walang kasing ligaya ngayon si Sharon Cuneta. Ang mapuno niya uli ang Smart Araneta Coliseum ay isang napakalaking karangalan na para sa kaniya lalo na’t ilang araw bago nagsimula ang kaniyang concert ay inaatake siya ng nerbiyos.

Ilang taon na ang nakararaan ay naging matamlay ang pagtanggap ng ating mga kababayan sa kaniyang palabas. Hindi niya napuno ang Big Dome, maraming bakanteng upuan, kaya para lumabas na maraming nanood ay pinababa na lang ang mga nasa bandang itaas para hindi butas ang kuha ng mga camera.

Pero kung kailan nga naman siya dumating sa kaniyang ika-40 taon ay saka pa niya nairaos nang matagumpay ang kaniyang concert. Gising na gising ang mga Sharonians, punumpuno ang venue, kaya wala siyang kasingganadong mag-perform noong Biyernes nang gabi.

“A few days before her concert, e, hindi siya mapakali. Tanong siya nang tanong kung maayos ba ang ticket sales niya. Pero noong malaman niya a day before na soldout na ang tickets, doon pa lang siya nakahinga nang maluwag.

“Two days before ng concert niya, e, hindi rin siya puwedeng dumaldal nang dumaldal. Kailangan niyang ireserba ang boses niya. Mahirap iyon para kay Sharon na madaldal!” kuwento ng aming source na malapit sa Megastar.

Dumating si Sharon Cuneta sa puntong gusto na niyang sumuko. Nangulimlim ang bituin niya, wala siyang projects, lumobo pa ang katawan niya.

Pero iilan lang ang tulad niyang nakaaabot sa apat na dekada ang career. At hindi lang basta nand’yan, sikat na sikat pa rin, hindi pa rin pinagsasawaang tangkilikin ng publiko.

Sabi ni prop, “At ang nakakatuwa pa, oo nga’t malaki ang bulto ng katawan ni Sharon, e, may bewang pa rin siya! May kurbada pa rin si Mega!

“Nagmumura sa laki ang balakang niya, pero tingnan n’yo naman, sumasagot sa pagmamalaki ang bewang niya!”

Oo nga naman.

Mocha Uson – Parang dragon sa sobrang galit ngayon

Parang dragon sa sobrang galit ngayon si Mocha Uson. Mula noong araw na mag-resign siya bilang assistant secretary ng PCOO ay inuupak-upakan niya na ang mga pulitikong hindi niya kaalyado.

Talagang nakasentro ngayon ang kaniyang panahon sa pagbira sa mga lingkod-bayan na para sa kaniya’y trapo, nagnanakaw ng pera sa kaban ng yaman ng pamahalaan, siya ang parang nagme-menopause sa kaniyang asta ngayon.

Ang akala ng mga kababayan natin ay mapuputol na ang kayabangan ni Mocha nang mawala siya sa posisyon, pero tulad ng kaniyang pangako, papangalanan niya ang mga pulitikong hindi dapat iposisyon sa darating na eleksiyon ng mga Pinoy.

Kung makatawag siya ng komunista sa mga grupong prinsipyado at nakikipaglaban para sa karapatan ng ating mga kababayan ay sobrang wagas na wagas.

At pa-victim pa ang dating sexy dancer na sumobra ang laki ng ulo at tiwala sa kaniyang sarili nang makahawak na siya sa laylayan ng pantalon ng Pangulong Rodrigo Duterte.

Siya na kuno ang magsasakripisyo para lang hindi ipitin ng mga kongresista ang taunang budget ng ahensiyang kinabibilangan niya.

Pero mas marami ang naniniwala na hindi boluntaryo ang kaniyang pagbibitiw, may malalaking taong nagpa-resign sa kaniya, dahil sa halip na makatulong si Mocha Uson sa ating gobyerno ay isang napakalaking kahihiyan pa nga siyang maituturing dahil sa mga fake news at kalokohang ginagawa niya.

Isa lang ang komento ng kaibigan naming propesor sa nagaganap ngayon kay Mocha Uson, “Mukha mo!”

Pero, desidido talagang lumahok sa mundo ng politika si Mocha na maraming kapalpakang nagagawa. Hindi lang daw siya sigurado pa kung anong posisyon ang kaniyang aasintahin.

Ang unang-una raw niyang dahilan sa pagtakbo ay ang kapakanan ng mga OFW dahil minsan din niyang naranasang maging manggagawa sa ibang bansa nang kumanta siya sa Qatar.

Pero ang masakit lang ay inilaglag siya ng partido ni Pangulong Rodrigo Duterte, wala siya sa listahan ng mga tatakbo sa iba-ibang posisyon ng balwarte ng ipinaglalaban niyang pangulo, kaya tatakbo na lang daw siya bilang independent candidate.

Kung bakit naman kasi makikilahok pa siya sa politika samantalang wala namang maaalalang maganda tungkol sa kaniya ang mga kababayan natin?

Milyones ang kaniyang followers na ipinagmamalaki niya, pero botante ba ang lahat ng mga sumusubaybay at sumisilip sa kaniyang mga accounts, wala pa ring kasiguruhan ang bilang na ngayon pa lang ay ipinagmamalaki na niya.

Alamin niya muna sana kung saan matatagpuan ang bulkang Mayon. Mababaw na argumento iyon, pero napakahalaga, dahil paano siya pagkakatiwalaan ng boto kung ni hindi niya alam kung nasaan ang bulkan?

Regine Velasquez – Emosyonal ang pagpapaalam sa ABS-CBN

Nasilip namin ang episode ng pamamaalam ni Regine Velasquez sa Sarap Diva. Halos hindi na siya makapagsalita dahil sa pag-iyak. Ramdam ang sinseridad sa kaniyang mga sinasabi.

Masakit nga naman ang pamamaalam lalo na’t naging masaya ang kanilang pagsasama sa programa. Hindi iyon agad malilimutan kahit pa malapit na siyang lumundag sa bakuran ng ABS-CBN.

Maraming artistang nagkukuwento sa amin kung gaano kasarap magmahal si Regine ng mga katrabaho niya. Bukod sa wala na siyang kaartehan sa set ay humahanap siya ng panahong imbitahin ang kaniyang mga kasamahan para sa isang simpleng bonding sa bahay nila ni Ogie Alcasid.

Naghahanda siya ng pagkain, bumibili rin siya ng mga regalo para sa kaniyang mga katrabaho, iyon ang mami-miss sa kaniya ng mga taga-Siyete kapag lumipat na siya sa bakuran ng Dos.

Pero naintindihan naman nang lubos ng pamunuan ng GMA-7 ang kagustuhan niyang magkasama na sila ng kaniyang mister sa isang network lang. Guest na ang Asia’s Songbird sa ASAP na gaganapin sa Sydney, Australia.

Guest lang muna siya, pero pagkatapos ay iwe-welcome na siyang bagong Kapamilya ng ASAP, nakalinya na ang mga gagawin niyang programa sa ABS-CBN.

Sabi ng aming source ay gagawa sila ng show ni Sharon Cuneta, mayroon din daw alok kay Regine na bumida sa isang serye, nakaplantilya na ang mga proyektong pinagkasunduan nila ng lilipatang istasyon.

Inilagay na nina Ogie Alcasid at Regine Velasquez ang lahat ng itlog ng kanilang career sa basket ng ABS-CBN. Harinawang maging matagumpay ang kanilang desisyon. 

Kris Aquino – May chronic spontaneous urticaria, walang lupus

Maraming nakikibalita sa amin tungkol sa nawalang milyones ni Kris Aquino. Magkano raw ba talaga ang perang hinahabol niya sa taong pinagkatiwalaan niya nang isandaang porsiyento?

Ang unang lumabas kasing pigura ng nawawala niyang pera ay 300 million. Pero mali raw iyon dahil 70 million lang ang totoong halagang hinahabol niya.

Mayroon na kaming pangalan ng taong hinahabol ni Kris na ipinaubaya na nga niya sa kaniyang mga abogado pero hindi namin maaaring ilabas. Pinagkatiwalaan din kami, umaasa ang nagsabi sa amin na hindi namin papangalanan ang naturang personalidad, kaya hanggang ngayong ay hindi namin binabanggit ang pangalan nito sa aming mga kolum.

Pero ang totoo ay naging malaking dahilan ng stress ni Kris ang kaniyang natuklasan. May kuneksiyon ang pangyayari sa matinding pag-atake ng kaniyang allergies.

Sobra niyang dinamdam ang kaganapan. Hindi niya sukat-akalain na ang tao pala, kahit buong tiwala na ang ibigay mo, kapag nagkaroon ng oportunidad ay makakaya ka pa ring linlangin.

Pero positibong balita para sa mga tagasuporta ng aktres-TV host ang kaniyang sinabi na ang pera ay kinikita pero ang ekstensiyon ng buhay ay hindi nabibili kahit saan.

Na totoong-totoo naman sa kahit anong argumento. Mahalaga ang pera, lalo na kung ibayong sakripisyo at pagpapagod ang pinagmulan noon, pero wala nang mas hahalaga pa sa buhay ng tao na isa lang.

Buhay pa rin ang dapat tutukan ni Kris, ang nag-iisang buhay niya, kahit para na lang sa kaniyang mga anak na sina Josh at Bimby.

Nakahinga na siya nang maluwag. Kung kinalampag siya ng nerbiyos noong mga nakaraang linggo, nang lumabas ang resulta ng kaniyang medical tests sa Singapore ay wala na siyang ibang nasabi, puro pasasalamat na lang sa Diyos.

Ang terminong ikinambal sa totoong sakit ni Kris ay chronic spontaneous urticaria. Autoimmune disease. Labas ang sakit na lupus na matagal nang bumabagabag sa aktres-TV host.

Pero habambuhay na ang pag-inom niya ng gamot, kailangang linising mabuti ang kaniyang dugo para hindi na paulit-ulit na umaatake ang kaniyang allergies, alam na ni Kris kung ano ang kaniyang sakit ngayon.

Ligtas na siya sa lupus. Wala na rin siyang dapat ikabahala tungkol sa anumang uri ng cancer. Sakit na pangmayaman ang tumama sa aktres-TV host. Kahinaan ng sistema ng katawan.

Sabi nga naming magkakaibigan, kung nabigyan lang sana si Kris Aquino ng pagkakataong makapagtampisaw sa baha, kung nakapaglaro man lang sana siya sa putikan ay tumibay sana ang kaniyang immune system. 

JV Ejercito – Sana’y makasundo na ang kapatid na si Jinggoy Estrada

Mabuti naman at napag-isip-isip ni Senator JV Ejercito na tantanan na ang pakikipag-away sa kaniyang kapatid na si dating Senador Jinggoy Estrada.

Naamoy na siguro ng senador ang hindi kagandahang imaheng ipinipinta tungkol sa kaniya ngayon ng ating mga kababayan. Paringgan ba ang kaniyang kapatid sa mga interbyu?

Sabihin ba naman nitong masamang-masama ang kaniyang loob kay Pangulong-Mayor Joseph Estrada dahil hindi na nga raw ito tumulong sa kaniyang kandidatura noong nakaraang eleksiyon ay pumayag pa ang kaniyang tatay na sabay silang kumandidato sa darating na halalan sa ilalim ng isang partido lang?

Agarang nakatikim ng mga pamba-bash ang may kaangasang senador, sinabihan itong walang utang na loob ng ating mga kababayan, dahil sa pangalang-pangalan pa nga lang namang dinadala nito ay napakalaking tulong na sa kaniyang kampanya ng dating pangulo.

Suwabe lang naman ang reaksiyon ni dating Senador Jinggoy sa mga iniaangal ng kaniyang kapatid sa ama. Mas mahalaga para sa senador ang pag-iikot sa buong bansa kesa sa sagutin pa ang mga reklamo ng kaniyang kapatid.

Sa reklamo ni Senator JV na Ejercito ang gamit nito at hindi Estrada ay isa lang ang makahulugang sagot ni Senador Jinggoy, “Estrada na ang ginagamit ko mula pa noong tumakbo akong vice-mayor. Estrada na talaga, because I am my father’s son!”

Estrada na rin daw ang gagamitin ngayon ni Senator JV na lumipat na ng partido. Pero wala pa rin itong bentahe sa kaniyang kapatid dahil “inampon” ng iba-ibang partido si Senador Jinggoy Estrada, mataas ang kaniyang numero sa survey, kumpara sa maangal na senador. 

Romnick Sarmenta at Harlene Bautista – Walang forever

Wala talagang garantiya ang mahabang panahon ng relasyon para humantong iyon sa tinatawag na forever. Kung mayroon mang forever o habampanahong pagmamahalan.

May mga mag-asawa ngang limang dekada nang nagsasama, pero kung kailan pa pumuti na ang kanilang buhok ay saka pa sila nagkahiwalay, hindi haba at igsi ng panahon ang nagdidikta ng pagsasama kundi ang kapalaran.

Maraming nanghihinayang sa nawasak na relasyon nina Romnick Sarmenta at Harlene Bautista. Halos dalawang dekada na iyon, tatlong pagpapakasal pa nila ang pinagdaanan ng nasirang relayon, nagkaroon sila ng mga anak pero sa hiwalayan din sila nagtapos.

Walang nakakaalam ng mga dahilan ng hiwalayan kundi silang dalawa lang. nagdesisyon silang maglabas ng kanilang opisyal na pahayag pero hanggang doon lang iyon. Kapribaduhan para sa kanilang dalawa at sa kanilang mga anak ang hinihiling nina Romnick at Harlene.

Itinuturing man silang mga pampublikong pigura ay ayaw nilang gawing karnabal ang nakakalungkot na bahaging ito ng kanilang relasyon. Basta maganda nang sa kanilang dalawa nanggaling ang pag-amin kesa sa ibang tao.

Hindi naman maramot ang publiko. Kung privacy ang kanilang hiling ay mauunawaan naman iyon ng ating mga kababayan. 

Cristine Reyes at Ali Khatibi – Hiwalay na rin

Mgandang magbuwena-mano sina Romnick Sarmenta at Harlene Bautista. Dalawang magkarelasyon din ang sinasabing hiwalay na ngayon pero wala pang nagbubukas ng bibig sa kanila para kumpirmahin ang kuwento.

Noon pa umiikot ang balita na tapos na ang relasyon ni Cristine Reyes kay Ali Khatibi, pero wala pang nagbibigay ng pahayag sa kanilang dalawa, ang balita ay nasa isang bubong pa rin sila pero magkahiwalay na ng kuwarto.

Tulad nina Romnick at Harlene ay ayaw rin siguro nilang maging karnabal ang kanilang pahihiwalay, mas magandang sa kani-kanilang pamilya lang umiikot ang kuwento, iwas-bashing nga naman ang ganoon.

Sa panahon nga naman ngayon ay wala nang libre sa gustong sabihin ng ibang tao, kahit wala naman silang nalalaman tungkol sa isyu, kani-kaniyang bash na sila sa mga artistang sangkot sa istorya.

Malakas din ang bulung-bulungan na natuldukan na ang relasyon nina Angel Locsin at Neil Arce, kung paanong parang nilalanggam noon ang kanilang mga posts ay burado na iyon ngayon, deadmahan na ang naging kapalit.

Asahan na ni Angel Locsin na kapag naglabas sila ng pag-amin ng producer niyang nakarelasyon ay siguradong pupupugin siya sa social media. Sa ayaw at sa gusto ng aktres ay lulutang ang pangalan nina Luis Manzano at Jessy Mendiola na ilang taon nang maligaya sa isa’t isa ngayon.

Nagpaplano na ngang magpakasal ang dalawa, na siguro’y pinlano rin nila Luis noon, pero nauwi sa wala ang matagal-tagal din nilang pagmamahalan.

Agresibo ang kanilang mga tagasuporta, palaging nag-aaway sa social media, kaya humahanap muna siguro ng tamang pagkakataon si Angel Locsin bago niya linawin ang istorya.

Pero malay rin naman natin? Baka ang dahilan ng kanilang pananahimik ay dahil ginagawa pa rin nila ang lahat ng paraan para ang nawasak ay muling mabuo?

Hindi imposible iyon. 

Jake Zyrus – Mabenta ngayon ang librong I Am Jake

Lumabas na noong October 4 ang sinulat na libro ni Jake Zyrus na I Am Jake. Kontrobersiyal ang laman ng libro, lalo na ang kaniyang pagtutok sa kaniyang inang si Raquel, Mommy Dearest ang titulo ng nasabing chapter.

Hindi galit ang singer-performer sa mommy niya, pero nakadetalye doon ang kaniyang mga sama ng loob, dahil ayon kay Jake ay hindi niya naramdaman kahit minsan lang ang pagmamahal ng ina sa kaniyang anak.

Sa kabila ng malaking milagrong nagawa ng career niya sa estado ng kanilang pamilya ay wala man lang siyang natatanggap na konsolasyon at pagpapahalaga mula kay Raquel.

Palaging wala siyang utang na loob, wala siyang kuwentong anak, ano pa nga ba ang kailangan niyang gawin para lang makita nito ang dahilan ng kaniyang mga pagsasakripisyo?

“Isang iyak lang ng mommy ko, ubos na ako sa kaniya,” bahagi pa ng rebelasyon ng dating si Charice Pempengco. Lahat ng gusto ng kaniyang pamilya ay ibinibigay niya pero sa bandang huli ay siya pa rin ang may kakapusan, ang walang utang na loob, ang walang kuwentang anak.

Sa napakadilim na bahagi ng kaniyang buhay at career ay dumating sa kaniya si Shyre Aquino. Ito ang nagsilibing ilaw niya sa dilim, ang posteng hinahawakan niya sa panahon ng kalungkutan, ang naging bitamina at inspirasyon niya sa pakikipaglaban.

Sa panahon ng pananahimik ni Jake Zyrus ay ang librong ito ang kaniyang boses. Sumisigaw ang bawat pahina ng libro. Nagpapaliwanag. Nagsusumamo.

Tao ako, hindi makina, lalong hindi ako robot!

Ayaw magpahuli sa tsismis ang marami nating kababayan. Kailangang join sila sa mga kuwentuhan, kailangang may masabi rin sila sa pagpipista sa buhay ng mga artista, ayaw nilang mahuli sa kung ano ang mainit na pinag-uusapan.

Kuwento ng isang nakabasa ng libro, “Pinakatinutukan ko iyong chapter tungkol sa mommy niya. Habang binabasa ko ang mga pinagdaanan niya, e, parang gusto kong yakapin si Jake.

“Sinulat niya kasi ang mga sama ng loob niya, lumaki pala siyang halos hindi natikman ang pagmamahal ng isang ina. Puro trabaho ang inatupag niya, ni hindi nga niya na-enjoy ang kabataan niya!

“Ginawa niya ang lahat-lahat hindi lang para sa sarili niyang mga pangarap, palaging ang family niya ang una para kay Jake, pero lahat pala ng ginawa niya, e, parang wala ring saysay.

“Siya pa rin ang walang utang na loob, siya pa rin ang walang kuwenta, siya pa rin ang masama sa kabila ng mga pagsasaksipisyo niya.

“Sa totoo lang, kapag nakita ko si Jake Zyrus kahit sa public place, e, magpapakapal na talaga ako ng mukha. Lalapitan ko siya, yayakapin ko siya nang mahigpit na mahigpit!

“Para kahit hindi siya nanggaling sa sinapupunan ko, e, maramdaman niya ang pagyakap ng isang nanay na tulad ko,” nangingilid ang luhang kuwento ng aming kaibigan. 

Mark Anthony Fernandez – Epektibong kontrabida sa Ang Probinsyano

Guwapo pa rin, pero nadadagdagan na naman ang timbang ni Mark Anthony Fernandez, mukhang napababayaan siya sa kusina ng kaniyang mga kasama sa bahay.

Dahil nasa buhay na malaya na ngayon ang guwapong aktor ay natural lang na mas nakakakain na siya ng mga gusto niya kumpara noong nakakulong pa siya.

Walang masama sa pagbawi, pero kailangang alalahanin ni Mark Anthony na nagbabalik-showbiz siya, may regular siyang serye ngayon.

Ginagampanan niya ang spoiled na anak ni Edu Manzano na walang alam gawin kundi puro ilegal na pagkakakitaan. Kinabubuwisitan silang mag-ama sa Ang Probinsiyano, gusto silang sunugin nang buhay ng manonood, dahil sa pinaiiral nilang pagmamalabis sa kapangyarihan.

Mukhang naudlot ang proyektong pagtatambalan nila ng kaniyang dating girlfriend na si Claudine Barretto sa Viva Films. Handang-handa na sa laban si Mark Pero mukhang sa aktres nagkaroon ng problema. Sayang dahil marami pa namang nasasabik silang mapanood uli sa pelikula.

Magaling si Mark Anthony sa Ang Probinsiyano, para mainis sa kaniya ang manonood, ibig sabihi’y epektibo pa rin ang pagganap ng napiit na aktor.

Konting bawas lang ng timbang para hindi siya magmukhang matanda sa kaniyang mga shots, pero ang tunay na kaguwapuhan ay hindi nawawala, tumira man siya sa kulungan nang mahabang panahon. 

Lito at Mark Lapid – Nagdeklara nang kakandidato, aalis ba sa Ang Probinsyano?

Nanumpa na ang mag-amang Lito at Mark Lapid sa ilalim ng partidong NPC. Dahil lumalabas na maganda ang numero sa survey ng mas matandang action star ay babalik siya sa Senado.

Si Mark Lapid naman ay desidido nang tumakbong mayor sa kanilang lugar sa Pampanga. Pareho silang markadong miyembro ng grupong Vendetta ng FPJ’s Ang Probinsiyano, kaya ang tanong ng bayan ngayon, kapag nagsimula na ang kampanya ay kailangan na silang mawala sa matagumpay na serye bilang sina Pinuno at Tigre.

At isa lang ang naikomento ng aming anak-anakang si James, “Kapag itinaas ni Cardo Dalisay ang kamay ni Lito Lapid, tapos na ang laban! Uwian na, may nanalo na! Baka nga si Lito Lapid pa ang mag-number one!”

Biro lang iyon, pero puwedeng maging totoo, napakalakas ng impluwensiya ngayon ni Coco Martin sa publiko. Mismong mga taga-ahensiya na ng mga ineendorso nitong produkto ang nagsasabing gumagawa ng milagro sa merkado ang kahit anong ialok nito sa ating mga kababayan.

Kaya kapag itinaas ni Coco Martin ang kanang kamay ni Lito Lapid ay siguradong milyun-milyong boto ang magiging resulta noon.

Matindi ang kumbinasyon nina Cardo at Pinuno, hitsura sila ng Avengers na kahit sino ang makaengkuwentro nila sa Ang Probinsiyano ay siguradong plakda, walang nananalo sa kanila.

Pinagsanib na puwersa na nga ng mga kapulisan at PSG ang nakalaban nila ay nalanos pa nilang lahat, kaya ang tanong ng apo naming si Simon, “Mama Tektek, members ba ng Avengers ang Vendetta? Kasi, kahit gaano karami ang kanilang kalaban, hindi pa rin sila namamatay!”

Ganoon katindi ang kaway sa manonood ng FPJ’s Ang Probinsiyano. Mula sa mga bata hanggang sa matatanda ay hindi nagpapalampas sa kanilang palabas.

Kaya kapag itinaas na ni Cardo Dalisay ang kamay ni Pinuno sa darating na halalan, ay babalik uli sa Senado ang aktor-pulitikong minamaliit man ng iba ang kakayahan ay minamahal naman ng ating mga kababayan. 

Gretchen Fullido – Inihabla ang pamunuan ng TV PATROL ng sexual harassment

Sa halip na sila ang maging tagapagbalita ay sila ngayon ang nasa ulo ng mga balita. Isang patotoo rin ang pangyayaring ito na hindi lang ang departamento ng entertainment ang kontrobersiyal kundi maging ang bulwagang-pambaliaan din ng negtwork.

Kinasuhan ng star patroller na si Gretchen Fullido ng kasong sexual harassment ang mga tagapamuno niya sa TV Patrol. Kakambal ng nasabing kaso ang reklamo ng libelo na isinampa niya laban kina Ces Drilon at Marie Lozano at isa pa nilang kasamahan.

Pinalabas diumano ng mga ito na gawa-gawa lang ang mga kuwento ni Gretchen, na kaya lang niya kinasuhan ng sexual harassment sina Cheryl Favila at Maricar Aspec ay para pataasin ang kaniyang estado sa departamento ng News ng ABS-CBN, iyon ang mga dahilang ibinigay ni Gretchen.

Pinalagan ni Ces Drilon ang demandang ihinain ni Gretchen laban sa kaniya, kailanman sabi pa ng magaling na news anchor, ay hinding-hindi nito maaaring maliitin ang karapatan at kapasidad ng sinumang babae.

Nakaladkad ang pangalan nina Ted Failon at Kabayang Noli de Castro sa pagdedemanda ng star patroller na si Gretchen sa dalawa nitong boss ng departamento ng News ng ABS-CBN.

Lumutang ang pangalan ng dalawang news anchor dahil sa pagbibigay ng halimbawa ni Ces Drilon, na kinasuhan naman ng libelo ni Gretchen, tungkol sa mga panunuksong ginagawa ng kanilang mga kasamahan sa akto ng pagdadamit ng star patroller.

Mahabang panahon pa ang kailangang hintayin para malaman natin kung sino ang mas papanigan ng piskalya tungkol sa usaping ito. Ang sumbong ba ni Gretchen Fullido o ang kontra-demanda ni Ces Drilon at ng iba pa nilang mga kasamahan?

Hindi kilala ng mga kausap namin si Gretchen Fullido, 24 Oras siguro ang kanilang tinututukan, kaya kami na ang naglarawan sa kanila kung sino ang nagdemanda. – CSF

Have a comment on this article? Send us your feedback

Nobyembre 1-15, 2018

	Rico J. Puno
	Kris Aquino
	Nora Aunor
	Janine Gutierrez & Elmo Magalona
	Regine Velasquez
	Jake Zyrus
	Zoren Legaspi, Carmina Villaroel & twins. Mavy & Casey
	Lotlot De Leon & Fady El Soury
	Cesar Montano at bagong pamilya

Rico J. Puno – Pumanaw na ang “total entertainer”

Pumanaw na ang makasaysayang musikerong si Rico J. Puno. Abdominal Aortic Aneurysm ang dahilan ng kaniyang pagpanaw nitong nakaraang October 29, may malaking kuneksiyon sa pinagdaanan niyang operasyon sa puso dalawang taon na ang nakararaan, ang dahilan ng kaniyang pamamahinga sa pagkanta nang ilang buwan.

Tinagurian siyang total performer. Ang kaisa-isang singer na kahit puro kaberdehan ang mga sinasabi sa entablado ay kinaaaliwan ng ating mga kababayan.

Dalawang taon na ang nakararaan nang matagal siyang nabakante sa pagkanta dahil sa sakit sa puso. Inoperahan siya, nagkaroon pa nga kami noon ng isang benefit show para sa kaniyang sitwasyon, sa pakiusap sa amin ng The OPM Hitmen.

Mahigit na tatlongdaang libo rin ang nalikom ng grupo para kay Rico, ang kaniyang anak na si Tosca ang tumanggap ng tulong, agad nang ipinambayad ng kaniyang anak sa mga doktor ang tulong ng mga kasamahang singers ng kaniyang ama.

Ilang buwan lang pagkatapos ay bumalik sa pagkanta si Rico J., hindi pa ganoon kalakas ang kaniyang katawan, pero ang kaniyang katwiran ay mas manghihina raw siya kapag wala siyang pinagkakaabalahan.

Mula noon ay hindi na bumalik ang dating sigla ni Rico J. sa pagpe-perform. Nabawasan na ang kaniyang kakulitan sa kaniyang mga spiels, hirap na hirap na rin siyang abutin ang matataas na tono ng kaniyang mga piyesa, malaki rin ang itinanda ng kaniyang itsura.

Ilang araw pa lang ang nakararaan ay nagpahayag pa si Mayor Abby Binay na kailangan muna niyang magpalakas bago sumabak uli sa pagkandidato bilang konsehal ng Makati.

Ayon sa mayor ng lunsod ay hindi na niya kakayaning mangampanya kung hindi maayos ang kaniyang kalusugan. Noong isang araw lang sinabi iyon ni Mayor Abby.

Nawala man si Rico J. Puno ay natupad niya naman ang kaniyang mga pangarap. Tinanghal siyang hari sa kaniyang hanay, sumikat nang sobra pa sa kaniyang inaasahan, naging makatuturan ang kaniyang buhay. Mananatiling buhay sa ating alaala ang mga piyesang pinasikat niya. Sino ba ang makalilimot sa mga kanta niyang Kapalaran, Lupa at marami pang ibang kantang minahal ng publiko.

Ang taos-puo naming pakikiramay sa kaniyang mga iniwan lalo na kina Tosca at Rox, ang kaniyang mga anak na hindi nagpabaya sa kanilang ama, mula noon hanggang nang dumating na ang kaniyang panahon ng pamamaalam.

Kris Aquino – Emotionally ay okey na okey na!

Sabi ni Kris Aquino, emotionally ay okey na okey na siya, tapos na ang mga gabing hindi siya makatulog at mga araw na palagi siyang nalulungkot.

Iyon ang payo ng kaniyang mga doktor, umiwas siya sa stress, dahil iyon ang pinag-uugatan ng lahat ng mga sakit sa katawan na ating nararamdaman.

Walking drug store siya ngayon dahil sa dami ng mga gamot na iniinom niya, nagbago na ang kaniyang titulo, dati’y walking jewelry box ang tawag sa kaniya.

Pero napakasuwerte pa rin ni Kris dahil kahit libo-libo pa ang halaga ng bawat pildoras na iniinom niya ay walang problema, mayroon siyang pambili, may punumpunong buslo siyang pinagkukunan.

Sa January ay babalik siya sa Singapore para muling magpa-check-up. Kailangang malaman ng kaniyang mga doktor kung epektibo ang mga iniresetang gamot sa kaniya.

Gustung-gusto na niya uling magtrabaho, iyong trabahong tuluy-tuloy, dahil hindi siya sanay nang walang pinagkakaabalahan. Pero bago mangyari iyon ay kailangan muna niyang makakuha ng patunay o certificate sa kaniyang mga doktor na maayos na maayos na ang kaniyang pisikal na kundisyon.

Nakakatuwang panoorin ang pag-eendorso nilang mag-iina ng isang produkto. Kasama si Josh sa TVC, nakikisabay ito sa pagsayaw, pero ang nakapang-aagaw ng atensiyon ng manonood ay ang madalas na paghalik ng panganay ni Kris sa ulo ng kaniyang ina.

Nakaka-miss si Josh na basta nakita na kami ng aming PA na si Tina Roa ay agad nang maghahanap ng lighter. Kapag pinitik iyon ni Tina ay kakanta na ang lalong gumuguwapong si Joshua ng birthday song.

Sa lahat ng mga kaibigan ni Kris at katrabaho ay kay Willie Revillame pinakamalapit si Joshua. Palaging nakatutok ang napakatangkad nang si Josh sa Wowowin.

“We love Willie. He’s always been good to us. Nagpakita siya ng kabutihan and sincere desire to help me when hindi niya naman kami pinakinabangan noong time ni Noy,” pahayag ni Kris Aquino.

Nora Aunor – Muling bigo sa inaasahang National Artist award

Positibo ang naging pagtanggap ni Nora Aunor sa minsan pang pagkabigo niya para tanghaling Pambansang Alagad Ng Sining. Iyon ang pinakamagandang paraan ng pagharap sa katotohanan.

Masakit para kay Nora Aunor ang tuwing dumarating ang bigayan ng National Artist award ay kasabay ring inuungkat ang pagkakasangkot ng kaniyang pangalan sa droga noong nasa Amerika pa siya.

Naunsiyami na naman ang mga tagahanga ng Superstar para mailuklok siyang National Artist. Pasok na pasok ang pangalan ni Nora Aunor sa pilian ng mga tatanghaling Pambansang Alagad Ng Sining pero sa pang-ilang ulit na ay laglag pa rin siya sa pilian.

Sa matinding ibiniyahe na ng career ni Nora Aunor ay totoo namang hinog na hinog na ang panahon para siya tanghaling National Artist. Hindi biro ang mga katangiang mayroon siya bilang artista ng pelikula at telebisyon.

Kaya nga ang tanong ay bakit nga ba nabibinbin ang isang pambansang parangal na dapat sana’y ibinibigay na sa Superstar?

Ang unang kunsiderasyon ay state award ang pinag-uusapan dito. Hindi naman ito parangal na tinatanggap ng mga artista mula sa mga award-giving bodies na nagkakatusak na ngayon. Kahit ang mga organisasyon at kolehiyo ay may kani-kaniyang parangal na rin ngayon.

Ang pagiging National Artist ay may kakambal na monetaryong aspeto, ang mga nahihirang ay tumatanggap ng benebisyo buwan-buwan, mayroon pa silang insurance at malaking halaga ng tulong kapag sila’y pumanaw.

At napakalaking karangalan para sa mga tinatanghal na National Artist ang mapapabilang sa listahan ng mga maaaring ihimlay sa Libingan Ng Mga Bayani.

Ang lahat ng mga tinatanggap nilang benepisyo ay nanggagaling sa bulsa ng mga mamamayang Pilipino na nagbabayad ng kanilang buwis. Pera ng bayan ang pinanggagalingan ng mga tinatanggap nilang monetaryong kunsiderasyon.

Masusing pinag-aaralan ng mga tumatayong hurado ng NCCA ang mga pangalang napapasama sa pilian, tinitilad-tilad nila ang mga katangian kung sino ang pararangalan, hanggang sa makarating na sa mesa ng ating pangulo ang pinakapinal na desisyon para mapirmahan.

Nakakalungkot talagang isipin na hindi pa rin nakalusot ang pangalan ng Superstar para tanghalin siyang National Artist.

Pero siguradong may matinding dahilan kung bakit. Kung anu-ano ang mga humaharang na dahilan ay tanging ang mga tagapamuno at miyembro lang ng NCAA ang nakakaalam.

Dahil isang state award nga ang sangkot, kailangang law-abiding citizen ang babahaginan, walang anumang dungis ang pangalan. Tama naman ang panuntunang pinaiiral sa pamimili ng NCCA.

Pero ilang taon na ba ang nakararaan mula nang mangyari iyon? Tuwing magbibigayan na lang ba ng National Artist award ay kailangan na namang ungkatin ang nankaraan niyang pagkakaroon ng kaso sa droga sa ibang bansa?

Sa mata ng publiko ay hindi mapapantayan ang mga naabot na ni Nora Aunor. Walang makadidikit man lang sa kasikatang tinamo niya. Sa pagiging aktres ay walang kaduda-dudang nangunguna siya sa hanay.

Sapat na marahil ang koronang iyon para habambuhay na isuot at sunungin ng isang Nora Aunor.

Elmo Magalona – May malakas na kakampi kay Janine Gutierrez

Nakatagpo ng kakampi si Elmo Magalona kay Janine Gutierrez. Matagal silang naging magkarelasyon, kilalang-kilala ng dalagang aktres ang binata, alam nito kung ano ang kapasidad ni Elmo.

Sa kasagsagan ng isyung makalawang beses na sinaktan ng young actor si Janella Salvador ay sinabi ni Janine, “Elmo never hurt me. He’s a nice guy. Mabait siya and loving.”

Siguradong ikatataas ng kilay ni Janine Desiderio ang komento ni Janine, kontrang-kontra kasi iyon sa mga sinasabi nilang mag-ina, may kuwento pa nga ang ina ni Janella na ihinulog siya ni Elmo sa van.

Lumalabas ngayon na na kay Janella ang problema. Mahabang panahong naging magkarelasyon sina Elmo at Janine pero wala namang sakitang nangyari.

Sabi ng isang tagapagtanggol ni Elmo sa social media, “Bakit si Janella lang ang nagsasabing nananakit si Elmo? Bakit nakikisawsaw sa issue ang mommy niya? Grabeng magsalita ang mommy niya against Elmo, e, wala naman siya noong nangyari ang incident na sinasabi ng anak niya?

“Actually, si Janine ang nagpalala sa kuwento. Kundi siya naglabas ng kung anu-ano sa social media, baka nga naayos pa noong dalawa ang problema nila, e!

“Pero inunahan niya agad, marami siyang kuwento, gaya rin ng mga ginagawa niya noong silang magnanay ang hindi nagkakasundo. Huwag na kasing makisali pa, huwag nang nakikisawsaw, wala ba siyang pinagkakaabalahan ngayon para tutukan niya ang sissue?” madiin at matapang na komento ng fan ni Elmo Magalona.

Regine Velasquez – Grabe ang inabot niyang panlalait

Winelkam na bilang bagong Kapamilya si Regine Velasquez sa A.S.A.P. na ginanap sa Sydney, Australia. Natural, maraming nagbubunyi sa paglipat niya sa ABS-CBN, pero hindi pa rin mawawala ang pambabato sa kaniya ng akusasyon ng kawalan ng utang na loob sa GMA-7.

Kung mga ilang buwan lang ay hindi pa mamamahinga ang mga intriga sa desisyong ginawa ng Asia’s Songbird, matagal-tagal pa siyang lalagok ng apdo at kakain ng ampalaya, palaging kakambal iyon sa paglundag ng bakod ng mga artista.

May pagkataklesa pa naman ang singer-actress, kapag may hawak na siyang mikropono ay diretso kung diretso ang paglalabas niya ng mga pahayag, hindi muna siya nag-iisip na baka may matapakan o masakatn siya sa mga pinagsasasabi niya.

Matagal na panahon pa bago makalimutan ng mga nahagip niya ang makasaysayan niyang litanyang, “Iyon talaga iyon, na bago man lang matapos ang career ko, e, masabi kong nakatrabaho ko rin ang number one station.”

Umaray ang GMA-7 sa kaniyang sinabi, nag-arayan din ang marami nating kababayan, kahit ang mga tunay na sumusuporta sa kaniyang career.

Isa na doon ang malayuan niyang tagahanga na si SOS, ang komento nito, “Sobrang paborito ko po si Regine, pero na-turn-off ako sa mga sinabi niya, nakaka-offend po talaga sa GMA-7 ang sinabi ni Regine na nasa number one station na siya.

“Dapat po niyang alalahanin na two decades ding naging source of income niya ang pagiging contract star ng GMA. Konting respeto naman sana sa istasyong kumandili at ‘nagpakain’ sa kaniya at sa family niya.

“Sobrang dismayado po talaga kami sa kaniya. Kinapos po kasi si Regine ng respeto, sense of propriety at delicadeza. All the while palang nasa GMA-7 siya, e, nasa utak na niya na wala siya sa number one station.

“Kaya pala tumagal siya doon nang two decades. Simple case lang po itong ginawa niya ng kawalan ng utang na loob. Nakakalungkot lang po talaga kapag nadi-disappoint ka ng iniidolo mo,” kabuuang mensahe ni SOS.

Pero nang matapos ipalabas noong Linggo nang tanghali ang guesting ni Regine Velasquez sa ASAP na ginanap sa Sydney, Australia ay grabe ang inabot niyang panlalait.

Lahat na yata ng kapintasan ay ibinato sa kaniya ng mga bashers na halatadong walang ibang pinagkakaabalahan sa buhay kaya si Regine ang pinagtuunan ng pansin.

Kung anu-anong kapintasan ang tinanggap ng Asia’s Songbird, tinawag siyang matanda, basag ang boses, balyena at kung anu-ano pang terminong nanunugat ng kalooban.

Napanood din namin iyon, pero sa tingin nami’y maayos naman ang kaniyang pagkanta, lalo na ang duet nila ng kaniyang mister na si Ogie Alcasid.

Nagkakaedad na rin si Regine, kaya ang paglusog niya ay hindi na maitatago, pero carry niya naman iyon dahil magaling sa projection ang singer.

Dahil doon ay napikon na rin ang singer-actress, kikilos na siya, gusto niyang bigyan ng leksiyon ang mga taong sobra-sobrang namba-bash sa kaniya.

Idinagdag din niya na hindi ngayon at hindi siya kumikibo ay pababayaan na lang niyang lait-laitin siya, kaya rin niyang lumaban, kakausapin na ni Regine Velasquez ang kaniyang mga abogado para makapag-file siya ng kasong cyber bullying.

Jake Zyrus – Walang dudang best-seller ang I Am Jake

Sinabi noon ng ina ni Jake Zyrus na si Racquel Pampengco na ang bibili lang ng librong sinulat ng kaniyang anak ay mga uto-uto. Puro raw kasi kasinungalingan ang nilalaman ng libro tungkol sa paglalarawan sa kaniya.

Hawak na namin ngayon ang librong I Am Jake. Sa sasandaling panahong nahawakan namin ang libro ay hindi na kami nakapaghintay pa. binasa na namin agad ang librong naglalantad sa personal na buhay ng dating Charice Pempengco na ngayon ay kilala na sa pangalang Jake Zyrus.

Ayaw naming bitiwan ang kopya. Sa umpisa pa lang kasi ay hawak ka na nito sa leeg. Mayroon ka mang importanteng gagawin ay ipagpapaliban mo muna para tutukan ang mala-nobelang panulat ng international singer.

Iyong pinagpistahang paksa tungkol sa paglalarawan kay Aling Raquel bilang isang “evil queen” ay hindi nagmula kay Jake. Iyon ang tawag sa kaniyang ina ng kanilang mga kaibigan na hindi na kinakaya ang mga press release ni Raquel mula nang sumikat ang kaniyang anak.

Nakawawasak ng puso ang kuwento ni Charice sa kaniyang libro na hindi siya pinapalo ng kaniyang ina sa ibang bahagi ng kaniyang katawan. Sa ulo siya sinesentruhan ni Racquel na gamit ang matulis na takong ng kaniyang sapatos.

Hanggang ngayon ay kapanasin-pansin ang parang kalyeng lubak-lubak na ulo ni Jake. Iyon ang mga tama ng takong ng sapatos ng kaniyang ina na paulit-ulit na ipinanghahampas sa kaniya sa mumunti niyang pagkakamali bilang bata.

Gusto niya ng ice-cream? Bibigyan naman siya ni Raquel pero sa isang kundisyon. Kailangan muna niyang maipanalo ang amateur contest na malapit na niyang salihan.

Rebelasyon ni Jake, “At a young age, she taught me that everything comes with a price. If I wanted ice-cream or chocolate, I had to win a contest before I can have any of it.

“The things such as toys, clothes and sweets which other people would normally give to kids were things I believed I had to earn.”

Pero sa kabila nang sangdamakmak na sama ng loob ni Jake Zyrus ay bahagi rin ng libro ang mga dahilan kung bakit sa kabila ng lahat ay mahal niya pa rin ang kaniyang ina.

Tatapusin namin ang pagbabasa ng I Am Jake. Nasa kalahatian pa lang kami. At gusto naming sabihin na bilang mambabasa ay hindi kami uto-uto.

Zoren Legaspi at Carmina Villaroel – Ulirang magulang sa kambal

Kahanga-hanga ang ginawang pagpapalaki nina Zoren Legaspi at Carmina Villaroel sa kanilang kambal na sina Mavy at Cassy. Lumaking marespeto at hindi spoiled ang kanilang mga anak.

Noong nakasama namin sa isang talk show si Zoren ay palagi niyang kasama sa set ang kambal. Pagkatapos kasi ng aming trabaho ay siya mismo ang nagtuturo ng tennis sa magkapatid.

Tatay at nanay ang tawag sa kanila nina Mavy at Cassy, sa isang panahon na puro daddy at mommy ang maririnig mong itinatawag ng mga anak sa kanilang mga magulang, kakaiba ang tunog ng tatay at nanay.

Noong kaya nang intindihin ng kambal ang pinagdaanang karanasan ni Carmina sa pakikipagrelasyon kay Rustom Padilla ay nagpakatotoo sila ni Zoren sa pagtatapat ng katotohanan.

Natatandaan pa naming kuwento noon ni Zoren, “Nagtatanong na kasi sila kung bakit daw palaging nababanggit ang pangalan ng mommy nila about Rustom. Ano raw ang reason?

“For me, that was a sign na kailangan na naming sabihin sa kambal ang totoo. Pero casual lang naming ipinaliwanag iyon sa kanila. Napakasimple. Walang kung anu-anong pasakalye.

“Sinabi namin sa kanila na minsan, naging husband ng mommy nila si Rustom. Pero nagkahiwalay sila dahil iba ang gustong makasama ni Rustom sa buhay.

“Hindi naman sila nababantayan nang twenty four hours, mayroon na silang sariling mundo bilang mga teenagers, kaya nakakapanood sila ng mga shows na nagiging topic iyong kina Rustom at Carmina.

“Wala nang mas gaganda pa sa pagsasabi ng totoo, ang they understood naman what happened,” kuwento ni Zoren.

Magandang magdala ng pamilya sina Zoren at Carmina, marunong ng mga trabahong bahay ang kambal, madisiplina rin sila bilang mga magulang sa paraan na hindi naman nila sinasakal sina Mavy at Cassy.

Lotlot de Leon – Isasali kaya si Nora sa kaniyang wedding?

Abalang-abala na ngayon si Lotlot de Leon sa paghahanda sa nalalapit niyang pagpapakasal sa banyagang matagal na niyang karelasyon – ang Lebanese businessman na si Fady El Soury. Halos kumpleto na raw ang mga detalye ayon sa aming kausap.

Ang tanong ngayon ng bayan ay kung darating ba ang kinikilala niyang inang si Nora Aunor dahil bahagi ng kaniyang pagpapakasal si Christopher de Leon?

Halos dekada na ang binibilang ng hindi nila pagkakasundo ng Superstar, malalim nga yatang masyado ang kanilang pinagkadeperensiyahan, kaya walang kahit sinong namagitan sa kanila ang nagtagumpay sa pagpapabati sa kanilang mag-ina.

Komento ng aming source, “Maiintindihan naman natin ang side ni Lotlot. Para naman sa mommy niya ang point na ipinaglalaban niya. Pero hindi iyon tanggap ni Guy.

“Ang feeling kasi ng mommy niya, e, minamanduhan na siya ni Lotlot, parang gusto nang kontrolin ni Lotlot ang buhay niya. Magkaiba kasi sila ng pananaw,” sabi nito.

Si John Rendez ang nakapalaman sa problema ng mag-ina maging ng iba pang mga anak ng Superstar. Walang may gusto sa rapper para sa aktres.

Patuloy ng aming kausap, “Minsan na kasing kinausap ni Guy ang mga anak niya. Isa lang ang hiling sa kaniya ng mga bata para mabuo ang family nila, ang hiwalayan na niya si John.

“Pero mukhang hindi talaga kayang pabayaan ni Nora si John, habambuhay na yata niyang pangako na anuman ang mangyari, sila pa rin ang magkasama,” konklusyon ng aming source.

Cesar Montano – Inilantad na ang tatlong anak kay Kath Angeles

It’s a tie! Dahil pinawalang-bisa na ng husgado ang kasal nila ni Sunshine Cruz ay naging malaya na si Cesar Montano sa paglalantad ng kaniyang anak at karelasyon sa publiko.

Hindi kay Cesar galing ang lumabas na retrato sa social media, mula iyon sa isa niyang kumpare, sadya man o hindi ay pinagpistahan ang inilabas nitong picture ni Cesar at ng isang Kath Angeles at ng kanilang anak na si Kristen.

Kung matatandaan ay walang kahit anong inamin si Cesar sa isyu ng pambababae, kahit pa lumabas na ang istorya ng pagkakahuli sa kaniya ni Sunshine sa isang farm house nila sa Bulacan na kasama ang babae ay tigas pa rin sa kadedenay si Cesar, kaya napuno na si Sunshine.

Bendikasyon para kay Sunshine ang paglabas ng katotohanan na may mga anak pala si Cesar sa ibang babae. Bunso ang bininyagan, tatlo ang anak nina Cesar at Kath, nagsasama pa sila ng aktres nang ipanganak ang dalawang nauna nilang anak.

Pero may punto rin ang obserbasyon ng kaibigan naming propesor, ang sabi nito, “At least, si Cesar, annulled na ang marriage nila ni Sunshine noong lumabas ang picture! Tapos na legally ang relasyon nila!

“E, si Sunshine, hindi pa nga halos umaandar ang pagpapawalang-bisa sa kasal nila ni Cesar, e, ipinaparada na niya ang bago niyang boyfriend!

“Post sila nang post ng mga pictures nila, kung saan-saan sila nakikitang naglalambingan, wala pang annulment noon, ha? At babae pa siya!

“Itong karelasyon at anak ni Cesar, e, lumabas nito na lang. Annulled na sila, tapos na ang problema, pareho na silang free!” punto de vista ni prop.

Oo nga naman. – CSF

Have a comment on this article? Send us your feedback

Nobyembre 16-30, 2018

	Alden Richards
	Andrea Torres
	Coco Martin
	Kris Aquino
	Regine Velasquez
	Vice Ganda & Calvin Abueva
	AI Ai delas Alas & Gerald Sibayan
	Diego Loyzaga
	Teresa & Diego Loyzaga
	Lani Mercado
	Marco Sison, Rey Valera, Hajji Alejandro & Rico J. Puno

Alden Richards – Ang kabaitan ay hindi pakitang-tao lang

Hanggang ngayon na lang (Nov. 16) ang pinagbibidahang action serye ng Pambansang Bae na si Alden Richards. Tumakbo lang nang three months o one season ang palabas.

Dahil sa maigsing panahon ng serye ay inuupakan ngayon ang binatang aktor, iniinsulto siya, iyon daw ba ang seryeng sumumpa noon na magpapadapa sa Ang Probinsiyano ni Coco Martin?

Sino raw ngayon ang nakatakda nang sumuko? Namamayagpag pa rin ang programa ni Coco pero magsasarado na ang libro ng kuwento ni Victor Magtanggol.

Nasubaybayan namin ang mga pahayag ni Alden Richards noong malapit nang ipalabas ang kaniyang serye. Kahit minsan ay hindi namin siya naringgan na kahit anong kayabangan. Wala siyang sinabing padadapain ng Victor Magtanggol ang serye ni Coco.

Marunong siyang rumespeto.

Ang kabaitan ni Alden ay likas, hindi pakitang-tao lang, naturalesa na talaga ni Alden ang pagiging mapagkumbaba. Magpaalam man ang kaniyang serye ay hindi pa rin siya matatawag na talunan.

Ang maipangtapat ng kaniyang network sa isang tulad ni Coco Martin na tatlong taon nang bumibida sa matagumpay nitong serye ay isang malaking karangalan na.

Hindi nagwawakas ang popularidad ni Alden Richards sa pamamaalam sa himpapawid ng kaniyang serye. Marami pang nakalaan para sa kaniya.

Magbabakasyon si Alden Richards at ang kaniyang pamilya ngayong Kapaskuhan. Noong nakaraang taon pa nila pinaghandaan ang bakasyon sa Amerika. Ngayon lang din niya makakasama nang mahabang panahon ang kaniyang pamilya, kailangan nilang samantalahin ang pagkakataon, dahil una palagi para sa Pambansang Bae ang kaniyang mga mahal sa buhay. 

Andrea Torres – Napakaseksi ni Andeng!

Halos lahat ng mga kaibgian naming male professionals ay mga hinihiling na regalo sa amin ngayong Pasko. Kami raw ang makasasagot sa kanilang problema.

Ang regalong hiling nila ngayong Christmas ay ang kalendaryo ni Andrea Torres para sa isang klase ng inuming nakalalasing.

Buo na raw ang kanilang Pasko kapag nabigyan namin sila ng kalendaryo ng napakaseksi naman kasing aktres. Napakalakas ng appeal ni Andrea sa mga kalalakihan, maging ang mga kaibigan naming tibo ay nahuhumaling sa kaniyang kaseksihan, humihingi rin sila ng kalendayo ng dalagang napakasimple sa tunay na buhay.

Noong minsang magkita-kita kami ni Andrea, ng kaniyang ina at ng mga kaibigan ng kanilang pamilya na sina Tito Manny at Tita Norsky Garcia ay nalaman namin kung sino talaga si Andrea Torres.

Takang-taka kasi ang mag-asawa kung paano nasabak sa mga sexy roles si Andrea samantalang konserbatibo ang kanilang pamilya.

Sabi ng kaniyang mommy, “Kami man ng daddy niya, nagulat na lang, dahil mga sexy roles ang ibinibigay sa kaniya. Noong una, e, hindi kami pumapayag, pero naging challenge iyon kay Andeng.

“Hindi raw naman siya maghuhubad-hubad, sexy lang, saka she can take care of herself daw naman. Kilala naman namin kung gaano siya ka-responsible, kaya pinayagan na rin namin siya,” kumpisal ng ina ng seksing dalaga.

Nakita na namin ang calendar ni Andrea Torres. Naiintindihan na namin kung bakit ganoon na lang ang kagustuhan ng mga kaibigan naming lalaki at tibo kung bakit iyon ang pamaskong hiling nila sa amin.

Napakaseksi ni Andeng! 

Coco Martin – Hindi siya magreretirong nakanganga

Magdesisyon man si Coco Martin na huminto na sa pag-aartista ay hindi siya magreretirong nakanganga. Napaghandaan na ni Ricardo Dalisay ang Ang Probinsiyano ang kaniyang kinabukasan.

Wala na ring poproblemahin ang kaniyang pamilya, mamumuhay sila nang maayos, dahil pati ang future ng kaniyang mga magiging anak ay naihanda na ni Coco.

Kuwento ng aming kausap na malapit sa magaling na aktor, “Mahilig siyang bumili ng mga loteng malalaki ang sukat. Mas malaki, mas gusto niya, dahil mahilig siya sa farming.

“Napakasuwerte ng magiging wife ni Coco, ngayon pa lang, e, handang-handa na ang kanilang kinabukasan, hindi nagsasayang ng pera si Coco.

“Ang dami-dami na niyang nabiling properties, malalaking lupain iyon na kapag ayaw na niyang mag-artista, e, mapapakinabangan niya talaga,” unang kuwento ng aming source.

Sa isang umpukan ay naging subject si Coco Martin. May pagkakuripot daw ang aktor, hindi basta-basta naglalabas ng pera, marunong daw humawak ng pananalapi ang idolong si Cardo ng mga tumututok sa FPJ’s Ang Probinsiyano.

Pero kinontra ng aming kausap ang ganoong imahe ng aktor, ang kaniyang sabi, “Hindi totoo iyon, napakabukas nga ng palad niya sa pagtulong sa mga nangangailangan. Hindi siya maramot.

“Sa pagbibigay pa lang niya ng trabaho sa mga artistang wala nang pinagkakakitaan, e, kitang-kita na ang pagiging generous niya. Hindi lahat ng mga sikat na artista, e, may ganyan kagandang puso.

“Kuripot siguro siya sa mga walang katuturang pagkakagastusan, pero kung kailangan niyang humugot para makatulong, lalo na’t alam niya namang sincere ang lumalapit sa kaniya, e, hindi siya nagdadamot,” paliwanag ng aming kausap.

Napakaraming personalidad na humawak nang milyones noong kaitaasan ng kanilang popularidad, pero pagkatapos lang nang ilang taon ay wasak na ang bulsa, mukha nang kaawa-awa.

“Hinding-hindi mangyayari kay Coco Martin iyon!” madiing pahabol pa ng aming source. 

Kris Aquino – Nagsampa ng criminal case laban sa staff

Isang source na hindi nanununog at nangunguryente ang nakakuwentuhan namin tungkol kay Kris Aquino. May regular naman kaming komunikasyon ng aktres-TV host pero iba pa rin kapag mga close sa kaniya ang nakakabalitaan mo.

Nalaman namin na hindi lang pala criminal case ang isinampa ni Kris kontra sa kaniyang staff na hinahabol niya ngayon dahil sa milyunang halagang nawala sa kaniyang kaban.

May civil case pa palang ihinahanda ang kaniyang mga abogado, anumang oras ay isasampa na nila ang mga kaso, sa iba-ibang siyudad din sila maghahain ng kaso.

Sabi ng aming kakuwentuhan, “Ang ikinaiinis kasi ni Kris, e, siya pa ang binabaligtad ng kampo noong hinahabol niya. Marami silang pinalalabas na kuwento, saka parang siya pa ang kailangang sumunod sa mga hinihingi nila, e, siya na nga itong nawalan ng pera!

“Kesyo natatakot daw ang kalaban niya dahil may threat siyang ipapapatay, iyon daw ang reason kung bakit nangibang-bansa ang kinasuhan niya, marami silang sinasabi!

“Napakasimple lang naman ng problema kung tutuusin, di ba? Sagutin nila ang affidavit ni Kris, maglabas sila ng mga ebidensiya na walang katotohanan ang accusation tungkol sa kaniya, napakadali!” madiing kuwento ng aming source. 

Regine Velasquez – Umo-OA na naman daw, may paiyak-iyak pa

Isang text message ang tinanggap namin noong Lunes nang tanghali (Nov. 12). Manood daw kami ng It’s Showtime. Guest daw si Regine Velasquez. Umo-OA na naman daw ang Asia’s Songbird na may paiyak-iyak pa.

Sa imbitasyon sa amin na manood ay humihingi ng opinyon ang nag-text. Puwedeng sang-ayunan namin ang kaniyang opinyon na OA ang reaksiyon ni Regine, puwede rin kaming magbigay ng sarili naming opinyon sa pinanonood naming programa, libre ang pag-oopinyon kapag ganoon.

Napanood namin nang buo ang guesting ni Regine sa noontime show ng ABS-CBN. Natutukan namin ang kaniyang pagkanta na minahal ng sambayanang Pinoy.

Hindi siya OA. Isang natural na reaksiyon lang ang nakita namin mula sa isang personalidad na lumipat sa bago niyang kuwadra. Dala iyon ng saya dahil maganda ang pagtanggap sa kaniya sa It’s Showtime.

Pinalitan ni Regine ang ilang letra ng kaniyang kanta, nilagyan niya ng “kapamilya,” pero ang talagang pinalakpakan ng studio audience ay nang sabihin niya ang terminong “habambuhay.”

Ibig sabihi’y panghabambuhay na siyang magseserbisyo sa ABS-CBN. At kalayaan niyang sabihin iyon dahil siya ang may katawan. Siya rin ang lumipat at hindi naman tayo.

Kung anuman ang maging resulta ng kaniyang paglipat sa Dos mula sa Siyete ay buhay niya iyon, karera niya, kaya siya lang ang mananagot. 

Vice Ganda – Aminadong masaya kay Calvin Abueva

Isa sa mga kinabubuwisitang PBA players si Calvin Abueva. Buskador kasi ang player, pumapatol sa pangangantiyaw ng mga miron ng ibang teams, at ang pinakaimportante ay magaling maglaro si Abueva kaya kinaiinisan ito.

Nasa Phoenix na ngayon si Abueva, bigla na lang itong nawala sa Alaska team at nang muling bumalik ay nasa ibang koponan na, ganoon pa rin ang reaksiyon ng mga basketball fans sa kaniya.

Kapag nagdi-dribble at nagsu-shoot ang may kadugyutang player ayon sa mas nakararami ay sumisigaw ang mga fans, “Vice Ganda! Vice Ganda! Vice Ganda!”

Nalipat na sa kaniya ang sigaw noon na para kay Terrence Romeo, ang sikat na PBA player na unang naugnay ang pangalan kay Vice Ganda, minana na ni Abueva ang trono.

Aminado si Vice Ganda na si Calvin Abueva ang nagsisilbing kape niya sa umaga ngayon. Pinasasaya siya ng basketball player at proud na proud si Vice dahil hindi siya ikinahihiya ng bruskong manlalaro.

Lumalabas sila, may mga pictures nila ni Abueva na lumalabas sa social media na halos magkapalitan na sila ng mukha sa pagiging close, pakiramdam ng TV host ay mahal na rin siya ng basketball player.

May mga kumokontra sa kanilang relasyon, dapat daw mauntog na sa pader habang maaga pa si Vice Ganda, dahil ginagamit lang naman siya ng basketbolista. Matindi raw ang pangangailangna ngayon ni Abueva dahil may problema itong pinagdadaanan sa kaniyang pamilya.

Sana’y pabayaan na lang ng mga nangdadaot sa kanilang relasyon si Vice. Kung talagang mahal niya si Abueva ay ibigay na natin iyon sa kaniya. Maghapon at magdamag na nagpapakamatay sa pagtatrabaho si Vice, kailangan niya namang lumigaya, at kung natagpuan niya ang happiness na iyon kay Calvin Abueva ay ibigay na natin ang basbas sa kaniya. 

Gerald Sibayan – Tinututukan ang pagpa-pilot ng mister ni Ai AI

Bukod sa pagiging head badminton coach ng iba-ibang kolehiyo ay kumukuha rin ng kursong Aeronautics ang mister ng Comedy Concert Queen na si Gerald Sibayan.

Lumiban muna sa pagtuturo ng badminton si Gerald, kailangan niyang tumutok nang husto sa kursong matagal niya nang pinapangarap, bata pa lang si Gerald ay gustung-gusto na niyang makapagpalipad ng eroplano.

Kuwento ni Gerald nang huli naming makausap, “Part naman po talaga ng kabataan ng mga batang lalaki ang makapagpalipad ng plane. Noong bata pa po ako, basta may dumadaang eroplano sa laruan namin, e, kumakaway-kaway pa kaming magkakaibigan.

“Takang-taka ako kung bakit nakakalipad ang eroplano, samantalang napakabigat noon! So, matagal ko na talagang pangarap na maging piloto. Heto na ang chance, hindi ko na po ito sasayangin pa,” naniningkit lalo ang mga matang kuwento ng mister ni Ai-Ai delas Alas.

Lingguhan lang sila kung magkita ngayon, sa Subic nag-aaral si Gerald, pero napakalawak ng sakop ng teknolohiya para sa bukas nilang komunikasyon.

Naninibago si Gerald sa sitwasyon niya ngayon dahil mula nang maging magkarelasyon na sila ng Comedy Concert Queen hanggang nang magpakasal na sila ay araw-araw silang magkasama.

“Pero marami namang paraan para sa communication namin, daily ko silang nakukumusta ng mga anak niya, ilang beses kaming nagkakausap sa maghapon.

“Busy siya, busy rin ako, para rin naman po sa future namin ang ginagawa ko,” komento pa ni Gerald.

Masikap sa buhay ang asawa ni Ai-Ai, puring-puri nito si Gerald noong nag-aaral pa, napakalayo ng La Salle sa kanilang tirahan pero madaling-araw pa lang ay umaalis na siya sa bahay para hindi mabiktima ng trapik.

“Believe ako sa discipline ni Ge, sanay na ako sa trabahong wala halos panihangan, pero iba siya, sobrang disiplinado,” kuwento pa ni Ai-Ai. 

Diego Loyzaga – Nasa rehab matapos magtangkang mag-suicide

Malapit lang sa bahay ng isa naming kaibigan ang rehab-nursing home na pinagdalhan kay Diego Loyzaga pagkatapos siyang gamutin sa St. Luke’s Medical Center dahil sa tangka niyang pagkitil sa kaniyang buhay.

Maganda ang lugar, malapit lang sa lahat, lalo na sa isang palengkeng pinagkukunan ng mga sariwang prutas, karne at gulay na kinakain ng mga nasa rehabilitation center.

Tama ang desisyon ng pamilya ni Diego, kailangan niyang magpalipas nang mahaba-habang panahon sa nasabing lugar para siya makapagmuni-muni, ang minsang nagawa na ay puwedeng maulit pa.

Nagtatanungan ngayon ang marami kung ano ang nagtulak sa aktor para pagtangkaang tapusin ang kaniyang buhay. May matinding pinagdadaanan ba si Diego sa kaniyang personal na buhay?

Kung iyon ang magiging paksa, bata pa lang ang aktor ay nakasalang na siya sa ganoong sitwasyon, dala-dala niya iyon hanggang ngayong nasa wastong edad na siya.

Ipakuwento na lang natin kay Teresa Loyzaga, ang matapang sa buhay niyang ina, kung anu-ano ang depresyong umabot kay Diego noong batambata pa lang siya.

Nakatulong sa kaniyang paglaki ang matagal niyang pamamalagi sa Australia kasama ang pamilya Loyzaga, mayroon mang pagmamahal na ipinagkait sa kaniya ang ibang tao ay pinuno naman iyon ng pamilya ng kaniyang ina, pero hindi pa rin kumpleto ang buhay niya.

Sabi ng aming source, “Hindi naman matindi ang nangyari kay Diego, iyong paghiwa niya sa leeg at braso niya, hindi ganoon kalalalim, kahit tanungin n’yo pa ang mga doktor na tumingin sa kaniya.

“Kaya nga nakalabas din siya agad, kaya nga nailipat agad siya sa rehab,” impormasyon ng aming source. 

Teresa Loyzaga – Hindi namana ni Diego ang tapang ng loob

Hindi nakuha ni Diego Loyzaga ang tapang ng kaniyang ina. Kung namana niya ang tapang ng loob ni Teresa Loyzaga ay ipangtatadtad lang niya ng sibuyas ang Swiss knife at hindi ipanglalaslas ng kaniyang leeg at braso.

Kahit sana konting-konti lang ay nakakauha ng katangian ang guwapong young actor sa kaniyang ina. Palaban si Teresa, hindi sumusuko sa laban, kaya nitong kontrahin ang mga negatibong pangyayari sa kaniyang buhay.

Anak ni Cesar Montano si Diego. Mukhang mas maraming dugo ang sinalok ng young actor sa kaniyang ama. Masakit mang balikan ay ganyang-ganyan din ang nangyari sa kaniyang kapatid sa amang si Angelo.

Kinitil din nito ang kaniyang buhay, tulad ni Diego na napakabruskong tingnan, pero nagplano ring tapusin na ang kaniyang kaisa-isang buhay.

Depresyon ang sinasabing dahilan ng tangkang pagpapakamatay ni Diego Loyzaga. Madali siyang talunin ng lungkot at problema.

Babae si Teresa pero lahat na yata ng klase ng giyera ay pinagdaanan nito. Problemang pampamilya, problema sa pakikipagrelayon, problema sa trabaho at napakarami pang iba.

Pero si Diego nga ay hindi ang kaniyang ina. Anumang panggabay ang gawin ni Teresa ay may sariling desisyon pa rin ang kaniyang binata.

Sa tanong kung ano pa ba naman kasi ang dahilan ng depresyon ni Diego Loyzaga para humantong siya sa ganyan ay siguradong mayroon.

Lahat ng ating galaw, lahat ng ating desisyon, ay may kakambal na dahilan. 

Sen. Bong Revilla – Dec. 7 ang itinakdang araw para sa sentensiya

Ilang tulog na lang ay babasahan na ng sentensiya ng Sandiganbayan si dating Senador Bong Revilla. Abut-abot ang pagdarasal ngayon ng kaniyang pamilya at mga tagasuporta na harinawang mapawalang-sala ang aktor-pulitiko sa mga kasong isinampa laban sa kaniya.

Siya na lang ang naiiwan sa PNP Custodial Center, pansamantala nang pinalaya si dating Senador Jinggoy Estrada, pinairal naman ng batas ang puso sa kaso ni Senador Juan Ponce Enrile na napakatanda na.

Sa December 7 ang itinakdang araw para basahan ng sentensiya si dating Senador Bong, binibilang-bilang na ng kaniyang pamilya ang pag-usad ng mga araw, ang kaniyang mga tagasuporta ay nag-aalay rin ng vigil para sa positibong resulta.

Plunder ang kasong halos apat na taon nang dinidinig ngayon, nagbaligtaran na ang mga witness, inilabas na ng mga ito si dating Senador Bong sa pagbibigay ng pahayag na ni minsan ay hindi nila nakitang pumirma-nagbigay ng mga dokumento ang aktor-pulitiko na pinagbabasihan ng asunto.

Sa kabila ng kaniyang pagkapiit pa hanggang ngayon ay tuloy pa rin ang laban ng dating senador, ang kaniyang misis na si Mayor Lani Mercado at ang kanilang mga anak ang nag-file ng kaniyang COC, kaya tuloy pa rin ang laban ng action star sa Senado.

Habang papalapit na ang December 7 ay para namang bumabagal ang pag-usad ng panahon. Tama ang emosyon ng misis ni dating Senador Bong, kung kailan malapit na, kung kailan ilang araw na lang ang nalalabi ay saka naman parang napakabagal ng tiktak ng orasan.

Umaasa ang kaniyang pamilya, mga kaibigan at tagasuporta na makakalaya na si dating Senador Bong Revilla sa December 7. Magiging markado ang araw na iyon, nakaabang na ang lahat ngayon sa sentensiyang igagawad sa kaniya ng Sandiganbayan, ang dasal ng lahat ng mga nagmamahal sa kaniya ay kalayaan.

Kalayaan para kay dating Senador Bong Revilla! 

Rico J. Puno – Kahit wala na, marami pa ring nakaka-alala

Isinoli na ni Rico J. Puno ang hiram niyang buhay. Pero kung ilang buwan lang ay hindi pa rin hihinto ang mga kuwentong-Rico J. Marami siyang naapektuhang buhay, naging malapit siya sa kaniyang mga kasamahang musikero, minahal din siya ng ating mga kababayan dahil sa mga awiting ipinamana niya sa atin.

Hanggang sa mga huling sandali ng kaniyang buhay ay sa mundo ng musika pa rin umiikot ang buhay ng Total Entertainer.

Nakakalungkot ang kuwento ni Rey Valera, kasama niya sa OPM Legends, na sa huling pagsasama nila sa isang show ay halos hindi na makatayo-makalakad si Rico.

“Habang nasa stage siya, hawak ng dalawa niyang kasama ang magkabilang braso niya. Kung hindi kasi, e, siguradong babagsak siya. So, kinausap ko siya sa backstage.

“Sabi ko, bakit kailangan pa niyang magtrabaho? Nakikita ko kasi na hirap na hirap na siyang kumilos, hirap na siyang huminga, pero nandoon pa rin siya at nagtatrabaho?

“Ang sagot niya sa akin, ‘Kailangan, e.’ Ang sa akin naman, bakit pa niya pipilitin ang sarili niya, e, hirap na nga siyang kumilos, ang pagkanta pa kaya ang magiging madali para sa kaniya?

“Pero naiintindihan ko si Koriks. Musika ang mundo niya. He will die a singer,” malungkot na pag-alala ng magaling na singer-composer sa kaniyang kaibigan.

Matindi rin siyempre ang epekto ng pagkawala ni Rico J. Puno kina Eva Eugenio, Imelda Papin at Dulce na palagi niyang nakakasama sa mga shows dito at sa iba-ibang bansa man.

Naging emosyonal ang Asia’s Diva sa pagkatanggap nito ng balitang pumanaw na si Rico. Hindi na mabilang pa ni Dulce ang mga concerts na pinagsamahan nila ni Koriks.

“Napamahal na siya sa pamilya ko. Basta nand’yan si Rico, no dull moment talaga, palagi siyang nagbibiro, parang wala siyang pinoproblema. Hindi niya dinadala sa stage ang kung anumang pinagdadaanan niya.

“Ang palagi niyang sinasabi sa akin, ‘Do not abandon your original song, iyong piyesang nagbigay sa iyo ng pangalan. Huwag kang hihiwalay doon.’

“I will surely miss him. Mami-miss siya ng pamilya ko, ng mga kasamahan naming performers,” sinserong pahayag ni Dulce. – CSF

Have a comment on this article? Send us your feedback