Hunyo 1 – 15, 2016

	Nora Aunor
	Gretchen Barretto
	Angelica Panganiban
	Zsa Zsa Padilla
	Sharon Cuneta
	Mariel Rodriguez

Nora Aunor – Wala ang pamilya nang nagdiwang ng kaarawan

Wala ang mga anak ni Nora Aunor nang bigyan siya ng sorpresang birthday party ng kaniyang mga tagahanga. Wala rin sa selebrasyon ang kaniyang mga kamag-anak.

Hindi inaasahan ng marami ang pagdalo sa party nina Ian de Leon, Lotlot, Matet, Kiko at Kenneth. Kahit ang presensiya ng mag-iinang Lala Aunor, Marion at Ashley ay hindi rin dapat asahan.

Malalim ang problema ng mag-iina. Noong huli naming makakuwentuhan si Ian ay pilit nitong iniiwasan ang paksa kapag ang Superstar na ang itinatanong sa kaniya, marespeto pa rin sa kaniyang ina ang aktor.

Si Lotlot naman ay pahapyaw nang naglabas ng kaniyang emosyon sa social media pagkatapos sumbatan ni Nora ang kaniyang mga anak; hindi man lang daw dalawin ng magkakapatid ang kanilang Tito Buboy (Eddie Villamayor, bunsong kapatid ng Superstar na matagal nang nasa ospital), malaki raw ang nagawa nito sa kanilang lahat.

Nang magbalik sa bansa si Nora ay napakalaki ng itinulong sa kaniya ni Maribel Aunor. Lahat-lahat ng suporta ay ginawa sa kaniya ni Lala, pero sa bandang huli ay ito pa ang naging masama.

Pumanaw si Mamay Belen, ang ina ni Lala na nagpasimula sa singing career ng Superstar, pero hindi man lang sumilip sa lamay si Nora. May malaking puwang sa pagitan ng aktres at ng kaniyang mga anak at maging ng kaniyang mga kamag-anak.

At kapag ganoon ang sitwasyon, ang mahahalagang araw ay pansamantalang nakakalimutan; hindi dapat naghahanap ang may pagkukulang.

Komunikasyon ang kulang na kulang kay Nora at sa kaniyang mga anak. Nand’yan lang ang mga anak niya, handang makipagkita sa kaniya, pero may magsasalubong ba sa gitna kung sumusulong ang iba at umuurong naman ang gusto nilang makita?

Gretchen Barretto – Lalong napakaganda ngayon ng aktres

Isang hapon ay nakita ng aming mga kaibigan si Gretchen Barretto. Mukhang nag-gym daw ang aktres dahil wala siyang ka-make-up-make-up. Naka-jogging pants lang daw ang aktres at simpleng t-shirt.

Sabi ng isa naming kaibigan, “Pero ang ganda-ganda niya! Pakitanong naman kung ano ang brand ng ginagamit niyang facial cream dahil ang kinis-kinis ng face niya!

Dalawang kasambahay raw na naka-uniform ang kasama ni Gretchen, mukhang may dinaanan lang siya sa isang branded shop; pagkatapos ay umalis na rin agad kasama ang kaniyang mga bodyguards.

Tinanong namin ang grupo kung totoo ang kuwentong kumakalat na halatang-halata ang pagpaparetoke ni Gretchen. Sobrang payat na rin daw niya, parang anorexic na ang kaniyang itsura, sabay-sabay na kumontra ang aming mga kaibigan.

“Kung ganoon naman ang magiging itsura ng magpaparetoke, e, gugustuhin ko nang magparetoke araw-araw! Ang ganda-ganda niya, partida pa iyon, dahil wala siyang make-up!

“Marami na akong nakikitang artistang fully-made-up pa nga, pero si Gretchen, nagmumura ang ganda niya without koloretye sa mukha!” excited na kuwento ng aming kaibigan.

Noong minsan ay nakasabay naman sa biyahe ng isang kaibigan namin si Gretchen. Natural, maraming nagpaparetrato sa kaniya, hindi nga naman sa lahat ng panahon ay makakasabay nila sa eroplano ang aktres.

Papuri ng aming friend, “Mukha lang siyang maldita, pero mabait siya. Very generous siya sa pagpapa-picture sa mga pasahero. Siya pa nga ang lumalapit nang husto at umaakbay sa katabi niya.”

Sabi nga, don’t judge a book by its cover, especially if you’re not a judge.

Korina Sanchez – Nabulilyaso na naman ang pagiging First Lady

Isang buong gabi iyon na ang naging paksa sa isang umpukan ay si Korina Sanchez. Si Ate Koring, ang misis ni Secretary Mar Roxas, ang puntong tinilad-tilad tungkol sa magaling na news anchor ay ang pagiging mailap sa kaniya ng titulong First Lady.

Totoo naman iyon. Bago ganapin ang eleksiyon noong 2010 ay nagpakasal sila ni Secretary Mar. Plantsado na noon ang pagtakbo sa panguluhan ni Kuyang Mar pero buwan ng Agosto 2009 ay sumakabilang-buhay si Tita Cory.

Si P-Noy ang minanok sa panguluhan ng partido Liberal. Si Secretary Mar Roxas ang tumakbong vice-president, tinalo ito ni VP Jejomar Binay.

Naunsiyami agad ang pagiging First Lady ni Korina. Pero nitong nakaraang eleksiyon ay nagkaroon ng katuparan ang pagtakbo sa panguluhan ni Secretary Mar; maraming nagsabing sa wakas, magiging First Lady na rin si Ate Koring.

Walang nag-akala na mayroon palang biglang susulpot na kandidatong matapang, ang labanan nila ni Senadora Grace Poe ay nasahugan pa ng iba; olat ang mister ni Ate Koring.

Sabi ng isang miron sa umpukan, “Ganoon talaga iyon, kapag hindi para sa kaniya ang opportunity, may mangyayari. May haharang. May susulpot na balakid.

“Nasa kanila na ang makinarya, lahat-lahat, hawak na ni Secretary Mar, pero nabulilyaso pa dahil kay Mayor Digong na pinagtatawanan lang nila noong una.

“Nabulilyaso na naman ang pagiging First Lady ni Korina. Hindi siguro talaga siya para sa title na iyon, dahil nand’yan na ang lahat, pero nakawala pa sa mga kamay niya,” sabi ng source.

Pag-aanalisa naman ng isa sa umpukan ay wala sa mga palad ni Ate Koring ang maging Unang Ginang. Matalino ang kaniyang mister, may napatunayan naman, sagana pa sa salapi.

“Pero wala pa rin. Walang nakakaalam ng eksaktong recipe ng victory. Mayroon bang nag-akala na si Mayor Digong ang mananalo, samantalang wala ngang makinarya iyong tao?

“Noong matalo si Secretary Mar, eh, nagtawagan kaming magkakaibigan. Si Korina ang topic namin. Nakawala na naman sa palad niya ang title na First Lady.

“Parang palos sa dulas ang titulo para sa kaniya, kailan kaya matutupad ang pangarap ng marami para kay Korina na maging First Lady?” kuwento naman ng isang kaibigan namin.

Pero masakit man ang pangyayari ay hindi pa rin natutuldukan ang karera ni Ate Koring. Magaling pa rin siyang news anchor, anumang oras niyang gustong bumalik sa harap ng mga camera ay bukas ang pintuan para sa kaniya ng ABS-CBN, tuloy pa rin ang buhay para sa kaniya.

Pero totoo ang destiny. Ibang klaseng gumalaw ang kapalaran. Sino nga ba ang mag-aakala na ang dalawang tao pang hindi nga maingay noong eleksiyon ang nakatakdang mamuno sa ating bayan?

John Lloyd Cruz – Madaling nga bang sawaan sa relasyon?

Ang dami-daming nang-uusisa sa amin tungkol sa kinauwian ng relasyon nina John Lloyd Cruz at Angelica Panganiban. Sino raw ba ang may pagkukulang sa dalawa kaya nauwi sa wala ang matagal-tagal din nilang relasyon?

Bakit daw napakatahimik ni JLC at hindi man lang sinasagot ang mga hugot lines ni Angelica? May nagkomento rin na nakakatakot palang karelasyon ang aktres dahil kapag tapos na ang lahat ay may kadulasan ang kaniyang dila sa pagbubulalas ng kaniyang emosyon sa publiko.

Sabi pa ng aming kausap, “Ang ganda niyang babae, pero parang katapusan na ng mundo para sa kaniya si John Lloyd, tigas siya sa kahahabol!”

Hindi namin sila kasama nang 24 oras, wala kaming karapatang manghusga kung sino kina John Lloyd at Angelica ang may malaking kamalian, puro mga kuwento lang ng mga taong malapit sa kanila ang aming pinagbabasihan.

May kampi kay JLC, may pabor naman kay Angelica.

Kapag kampo ni John Lloyd ang nakakuwentuhan mo ay natural lang na si Angelica ang nagkulang; siya ang may mga nagawang pagkakamali nang paulit-ulit, kaya dumating na si JLC sa puntong ayaw na nitong ipagpatuloy pa ang kanilang relasyon.

Kontra naman iyon kapag mga kaibigan na ni Angelica ang nakausap mo, siyempre’y si JLC ang may malaking pagkakamali; kaya ihininto na ni Angelica ang pagiging martyr sa isang relasyon na dapat ay nagbibigayan ang mga nagmamahalan.

“It was a one way street, John Lloyd is selfish. Todo ang ibinibigay na pagmamahal sa kaniya ni Angelica, pero siya, may mga reservations.

“Magaling lang siya sa umpisa, pero kapag nagtagal na ang relasyon, kulang na kulang na siya sa pag-aalaga. He’s not getting any younger, kailangang nasa mapa na ng buhay niya ang pagseseryoso sa lovelife niya,” reaksiyon ng isang beking nakausap namin.

Isang madalas katrabaho naman ng magaling na aktor ang hiningan namin ng obserbasyon, ang sabi nito, “Hindi naman perfectionist si John Loyd, hindi siya ganoon, alam niya naman na walang perfect relationship. Pero madali siyang mawalan ng enthusiasm. Totoo iyon.

“Madaling magsawa ba ang tawag doon? Hindi naman siguro. Pero mabilis siyang manglamig sa relasyon. For whatever reason, iyon lang ang napapansin namin sa kaniya,” pagtatapat ng kaibigan ni JLC.

Pero sana nga, nawala man ang relasyon ay makaya nilang alagaan ang kahit pagkakaibigan na lang. Sayang naman kasi ang kanilang pinagsamahan kahit pa hindi natupad ang pangarap ng mga taong malapit sa kanila na mauwi na sana sa altar ang kanilang relasyon.

Angelica Panganiban – Napakadaling lapitan ng fans, walang attitude

Isa si Angelica Panganiban sa mga artistang pinakamadaling lapitan para sa pagpapapiktyur na kasama siya. Alam namin ang kuwento dahil marami kaming kaibigan sa NAIA na ganoon ang palaging sinasabi.

Noong minsang nasa Mabuhay Lounge si Angelica at abalang kumakain bago ang kaniyang boarding time ay isang janitress ang lumapit sa kaniya. Nakiusap ito para makapagpakuha ng picture sa tabi niya.

Kuwento ng aming kaibigan, “Arroz caldo ang kinakain niya noon, binitiwan niya ang kutsara. Nakipag-picture taking siya sa janitress, walang kaarte-arte. Nagpa-thank you pa nga siya.

Isa pang eksena ng papuri ng mga kaibigan naming nagtatrabaho sa airport tungkol kay Angelica, “Kapag bumibiyahe siya, eh, napakasimple ni Angel. Puting t-shirt na hindi na bago, shors na maong, nakapusod lang siya at walang make-up.

“Pero napakaganda niya! Lalo na kapag naka-black shades na siya, napakaganda ng batang iyon! Siguro, kaya ganito ang feeling namin, eh, dahil mabait siya sa mga fans.

Zsa Zsa Padilla – Minamaliit daw ng pamilya ng arkitekto

Mismong malalapit kay Zsa Zsa Padilla ang nagkukuwento na anumang panunuyo-pagsusumamo ang gawin ngayon ni Architect Condrad Onglao sa singer-actress ay mahihirapan na ito.

Sabi ng isang kausap naming nakakakilala nang husto kay Zsa Zsa, “Masyadong matiisin ang babaeng iyon, kaya niyang magtiis hanggang kaya niya. Pero kapag hindi na talaga niya ma-take ang isang bagay, iyon na!

“The mere fact na siya ang umalis, may matinding reason iyon, hindi na niya kinaya ang lahat kaya umalis na siya. Iyon ang ugali ni Zsa Zsa, martyr pero palaban,” kuwento ng aming kausap.

Umuwi na nga ang singer-actress sa bahay nila ng namayapang Hari Ng Komedya. Hindi siya tumira sa ibang lugar; umuwi pa rin siya sa kanilang bahay ni Tito Dolphy, dahil ayon sa malalapit kay Zsa Zsa ay iyon ang lugar na nagbibigay sa kaniya ng kapayapaan ng kalooban.

Isa pang isyung pinagpipistahan ngayon tungkol sa kanilang paghihiwalay bukod sa kuwentong masakit magsalita ang negosyante ay ang istoryang minamaliit ng pamilya ng arkitekto si Zsa Zsa.

Nakakalungkot ang ganoong kuwento. Maraming taong gustung-gustong makipagrelasyon sa mga artista dahil parang tropeo para sa kanila ang mga personalidad. Dagdag-angas para sa kanila ang pagkakaroon ng karelasyong artista.

Pero sa bandang huli ay ang artista pa ang nagiging kawawa. Maliit ang tingin sa kaniya ng pamilya ng lalaki, na hindi naman kinayang ipagtanggol ng kaniyang mahal.

Sharon Cuneta – Unti-unti nang nababawasan ang timbang ni Mega

Kausap namin ang mga katrabaho ngayon ni Sharon Cuneta sa ABS-CBN. Medyo nabawasan na nga raw ang kaniyang timbang ngayon, pero dahil lumaki siya nang todo ay halos hindi mo mapapansin ang kaniyang pagpayat.

Kapag lumobo nga naman nang husto ang tao, makapagbagsak man siya nang malaking porsiyento ng timbang ay hindi gaanong mabibigyan ng halaga ang nawala, dahil natatalo pa rin iyon ng bigat niya sa kasalukuyan.

Kuwento ng aming source, “Kailangan pa rin niyang magsuot ng black para hindi masyadong maging obvious ang weight niya. May nabawas, totoo iyon, pero it’s not enough to make her small.

“Lumaki kasi siya nang todo, sumobra ang laki niya, kaya makapagbawas man siya nang fifty pounds ngayon, malaki pa rin ang itsura niya,” reaksiyon ng aming kausap.

Todong diet at exercise pa rin daw ang kailangang pagsakripisyuhan ng Megastar para magmukha na siyang maliit sa screen. Madaya pa naman ang telebisyon, lumalaki nang ten pounds ang personalidad, napakalaki ng kaibahan sa personal.

“Pero maganda pa rin siya, ibang klase ang ganda ni Sharon, alam mong hindi iyon produkto ng siyensiya. Wala siyang operasyon sa face, bumawi naman siya sa katawan,” natatawa pang kuwento ng aming impormante.

Pero pumayat man ang Megastar o hindi ay siya pa rin ang singer-actress na patuloy na sinusuportahan ng ating mga kababayan. Walang makahahalili sa kaniyang trono, hanggang sa huling pagtutuos ay siya pa rin si Sharon Cuneta na malaking bituin ng telebisyon at pelikula.

Jose Manalo – Magaling at matalinong komedyante

Nag-iisa lang talaga si Jose Manalo. Aliw na aliw kami sa magaling na komedyante habang ginagaya niya ang malapit nang maupong pangulo ng ating bayan na si Mayor Rodrigo Duterte sa Sunday PinaSaya.

May mahalaga kaming dapat gawin, pero hindi namin maiwan-iwan ang pagtutok kay Jose, dahil plakadung-plakado niya ang pagkilos at pananalita ng nanalo sa panguluhan.

Naka-checkered din siyang polo na paborito ng magiging pangulo ng ating bayan, pati ang pangangalumbaba at pabigla-biglang pagsasalita ni Mayor Digong ay kuhang-kuha ni Jose Manalo, dagdag na aliw na naman ito para sa ating mga kababayan.

Iyon ang maganda kay Jose Manalo, ibubukod mo talaga siya sa karamihan dahil sa kaniyang kakaibang talento, hindi lang siya basta nagpapatawa kundi pinag-aaralan niyang mabuti ang karakter na ine-empresonate niya.

Kahit sa Eat…Bulaga! ay siya ang nagdadala ng mahalagang bahagi ng noontime show, ang Juan For All, All For Juan; maaasahan mo siya sa pagkokomedya pero madadala ka sa payasong ito kapag nagseseryoso na siya.

Magaling siyang sumundot ng emosyon. Kapag nangingilid na ang luha ng kanilang kalahok ay magaling siyang maglitanya para tuluyan na itong maiyak, damang-dama mo ang kaniyang sinseridad, papalakpakan mong mag-isa si Jose Manalo kapag pinanonood mo siya.

Dahil sa kahenyohan ng komedyanteng ito ay kumpleto na ang segment, wala ka nang hahanapin pa, dahil siya naman kasi ang karne ng sinigang at mga sahog lang ang iba.

Nag-iisa ka lang, Ging-Ging, ikaw na!

Kris Aquino – Humanda kayo! Babalik na sa morning TV!

Maiinis na naman ang mga bashers ni Kris Aquino kapag nagkataon. Kapag nakarating sa kanila ang kuwento na babalik din agad sa bansa ang aktres-TV host para plantsahin na ang mga bagong shows na gagawin niya sa ABS-CBN ay siguradong magwawala na naman ang mga nakabantay sa buhay ni Kris para siya birahin-upakin sa social media.

Masarap daw kasing gawing panghimagas si Kris sa mga umpukan, mabenta siyang produkto sa social media. Isang pagpapatunay lang na sa ayaw at sa gusto ng kaniyang mga bashers ay nasa gitna pa rin ng aksiyon ang TV host.

Ang umiikot na balita ngayon sa bakuran ng Dos ay babalik na sa dati niyang oras si Kris. Nasanay na raw kasi ang ating mga kababayan na sa umaga siya pinanonood. Siya ang hinahanap ng manonood kahit pa may bago nang show na ipinalit sa kaniyang time slot.

Ibig sabihi’y hindi makukumpleto ni Kris at ng kaniyang mga anak ang dalawang buwang bakasyon. Mabibitin sina Josh at Bimby, dahil kailangan nang makipagmiting si Kris sa network.

Isang bagong kapaligiran na ang naghihintay kay Kris ngayong malapit nang bumaba sa posisyon ang kuya niyang pangulo. Kahit idenay pa ni Kris ay malaki ang karagdagang ambag sa kaniyang career ang pagiging presidential sister niya.

Sikat siya, magaling sa kaniyang linya, pero ibang-iba pa rin ang dating ng titulong ikinakambal sa pangalan niya. Pero tanggap naman ni Kris na may simula at wakas ang pagiging pangulo, lalo na ang pagiging kapatid niya sa tagapamuno ng ating bayan. Pinaghahandaan na ni Kris Aquino ang senaryong haharapin niya sa pagbaba sa puwesto ni P-Noy. Na dapat lang naman.

Robin Padilla – Matulungin sa kapuwa kaya pinagpapala

Hindi totoo ang kuwento na tinanggihan na ni Betchay Vidanes ang pagbalik ni Robin Padilla sa kaniyang pangangalaga.

Balik na uli si Robin sa pangangalaga ng talent agency ni Betchay Vidanes. Kami ang makapagpapatotoong sila na uli, dahil sa malaking tulong na ibinigay ng action star sa comatose naming kaibigang si Richard Pinlac na si Betchay mismo ang nagdala sa ospital.

Nang malaman ni Robin ang sitwasyon ni Richard ay nag-usap agad sila ng kaniyang manager; agad-agad ay ihinatid na ni Betchay ang pinansiyal na tulong sa Capitol Medical Center, mismong ina ni Richard ang tumanggap noon mula kay Betchay.

Iyon ang isang katangian ni Robin na walang kakupas-kupas. Hindi siya nagdadalawang-isip na tumulong sa mga kasamahan niya sa industriya, napakabukas-palad niya, kaya naman lalong pinagpapala ang aktor.

Richard Pinlac – Sana’y isama ninyo sa dasal ang aming kaibigan

Isang umuulang gabi iyon na kailangan naming makapakinig ng suwabeng musika para kahit paano’y mabawasan ang magdadalawang linggo na naming kalungkutan sa kinahinatnan ng aming kaibigan-kasamang si Richard Pinlac.

Malaki ang blood clot sa kaliwang brain niya, sa pagdadaan ng mga araw ay namaga pa, pero tumanggi na ang kaniyang pamilya na pabuksan ang kaniyang ulo.

Walang garantiya ang operasyon, suntok sa buwan ang magiging resulta, pinili na lang ng ina ni Richard na idaan sa medikasyon ang gamutan.

Umaga at gabi ay nasa ICU kami ng Capitol Medical Center, naghihintay sa pagganda ng kaniyang sitwasyon; sabik na sabik na makakita ng milagro dahil napakaraming nagmamahal-nagdarasal para sa kaniyang paggaling.

Mula sa isang linggong pagkakatulog ay bahagya siyang nagmulat ng mga mata. Iyak nang iyak si Mama Yolly, sana raw ay senyal na iyon na malalampasan ng kaniyang panganay ang matinding laban na ito, pero mukhang hindi pa rin.

Noong Biyernes nang hapon ay sumailalim si Richard sa dialysis, umaalon ang kaniyang tiyan sa sobrang hirap sa paghinga, kahit pa may nakakabit nang respirator at oxygen sa kaniya.

Nakabukas nga ang kaniyang mga mata pero wala naman siyang nakikita. “Katukin n’yo na po ang mga pintuan ng bawat simbahan, lapitan n’yo na po ang lahat ng Santo,” sabi ng doktor ni Richard sa kaniyang ina.

Mabait ang showbiz, maraming kamay na humahaba para makapag-abot ng tulong na pampinansiyal sa pamilya ni Richard, bawat sentimo ay mahalaga ngayon dahil hindi biro ang gastusin sa ICU.

Si Richard Pinlac ang posteng sinasandalan ng kaniyang mga magulang. Lahat ay ginagawa ng aming kaibigan para sa kaniyang pamilya, kahit doon man lang sana ay bigyan pa siya ng isang pagkakataong mabuhay.

Maraming salamat sa lahat-lahat ng nagdarasal para sa kaniyang kaligtasan. Maraming salamat sa mga tumutulong para mairaos ang kaniyang mga gastusin, maraming salamat sa mga kapuwa manunulat na laging nand’yan lang kapag kahanay na nila ang nalalagay sa matinding peligro.

Paulit-ulit ang posisyon ng kaniyang mga doktor, “Saka na po natin pag-uusapan ang rehabilitasyon at therapy. Survival po ang pinakamahalagang tinututukan namin ngayon.”

Mariel Rodriguez – Sana’y mabiyayaan na ng supling

Maligaya kami sa muling pagdadalantao ni Mariel Rodriguez. Anak na lang ang kulang sa magandang relasyon nila ni Robin Padilla, iyon na lang talaga, kaya sana’y biyayaan sila ng supling sa pagkakataong ito.

Lahat ng ginawa niya sa nakaraan niyang pagdadalantao na hindi nakaganda sa kaniya ay maiiwasan na ngayon ni Mariel. Natuto na sigurado siya sa mga nakaraan niyang pagdadalantao.

Siguradong magmamana sa kaguwapuhan ng kaniyang ama at kagandahan ng kaniyang ina ang magiging anak nina Robin at Mariel.

Sana’y huwag muna nilang masyadong ipakilala sa social media ang binhi habang wala pa. Pabayaan muna nilang lumaki ang sanggol para sabi nga ng marami ay hindi mausog.

Pero marami ring nakaiintindi kung bakit ganoon sila sa mga nakaraang pagdadalantao ni Mariel, sobrang excited na kasi sila, kaya kahit wala pa ay ibinabahagi na nila ang punla sa publiko.

Napakaraming maligaya ngayon para sa mag-asawa dahil sa wakas ay makukumpleto na ang kanilang pamilya at kaligayahan. Mahal ni Mariel ang mga anak ni Robin kay Liezel Sicangco pero iba pa rin ang anak na mula mismo sa kaniyang sinapupunan.

Isang mapayapa at masayang paglalakbay kay Mariel Rodriguez tungo sa mundo ng pagiging ina.

Have a comment on this article? Send us your feedback

Hunyo 16 – 30, 2016

	Sarah Geronimo
	Charice
	Alden Richards & Maine Mendoza
	Vina Morales
	Patricia Tumulak
	Leah Navarro & Aiza Seguerra

Pasukan na! – Eto na naman ang nakakaumay na trapik!

Maraming paaralan na ang nagbukas, kaya ang resulta ay tripleng tindi ng trapik sa lahat ng mga abalang kalye, siksikan ang mga sasakyan kahit saan. Napakaagang nakasimangot ng ating mga kababayan dahil ang dating ibinibiyahe nilang isang oras ay halos apat na oras na ngayong pasukan na naman.

Pamana ng paalis nang administrasyon ang nakauumay na trapik. Harinawang magawan naman ng solusyon ng administrasyon ni President-elect Rodrigo Duterte ang matinding problemang ito, para makita ng buong bayan ang malaking pagkakaiba ng noon at ngayon.

Hanggang ngayo’y tinututulan ng mga magulang ang dagdag na dalawang taon sa edukasyon. Hirap na hirap na nga naman silang itawid ang pag-aaral ng kanilang mga anak, pagkatapos ay dadagdagan pa ang kanilang paghihirap?

Kasalu-saludo ang mga magulang na ginagawa ang lahat para sa edukasyon ng kanilang mga anak. May mga magulang kaming alam na kapag malapit na ang pasukan ay nagbebenta ng dugo at bato para lang may maipangmatrikula ang kanilang mga supling.

Ganoon kahalaga ang edukasyon para sa mga Pinoy.

Sarah Geronimo – Kailangang ipahinga ang vocal cords

Dahil sa pansamantalang pamamahinga na hinihingi ni Sarah Geronimo ay kung anu-anong kuwento na ang naglalabasan ngayon. Pinagdududahan ng iba na nagdadalantao siya; iyon daw ang dahilan kung bakit napabalitang magpapakasal na sila ni Matteo Guidicelli, pero hindi naman iyon makambalan ng ebidensiya.

May mga kuwento rin na kailangan niyang ipahinga ang kaniyang boses. May punit na raw ang kaniyang vocal cord, baka raw matulad siya kay Nora Aunor kung hindi niya aagapan ang problema.

Pero mas maraming naniniwala na nakakaramdam na ng pagod si Sarah. Katorse anyos pa lang kasi ang magaling na singer-actress ay trabahong-kalabaw na siya. Dumarating din siyempre sa ating buhay ang pagkabagot sa ginagawa nating masyadong rutinaryo, hindi naman makina si Sarah.

At kung totoo ngang gusto na niyang mag-asawa ay madaling maiintindihan iyon ng lahat, lalo na ng kaniyang mga tagahanga, dahil wala na siyang kailangang patunayan pa sa kaniyang career at nasa wastong edad na siya para lumagay sa tahimik.

Napakalaki ng milagrong ginawa ni Sarah para gumanda ang buhay ng kanilang pamilya. Araw-gabi niyang pinagsakripisyuhan ang mga negosyong mayroon sila ngayon, ang pagpapaaral niya sa ibang bansa sa kaniyang mga kapatid, ang lahat-lahat ng mayroon ang kaniyang pamilya ngayon.

Hindi materyal na bagay ang makapagpapaligaya kay Sarah Geronimo. Ang pinakamakabuluhang premyong puwedeng ihandog sa kaniya ngayon ay ang kasiguruhan ng kaniyang kinabukasan. Ang mamuhay na kasama ang lalaking nagmamahal sa kaniya para bumuo sila ng sarili nilang mundo kasama ang kanilang mga anak.

Charice Pempengco – Cover “man” ng Mega Man Magazine

Tatahi-tahimik lang si Charice Pempengco pero may niluluto pala siyang bagong rebelasyon. Nalaman namin mula sa kaniyang manager na si Jed Velasco na siya ang cover ng June issue ng MEGA Man. Sa pinakaunang pagkakataon ay isang babaeng may pusong lalaki ang magiging pabalat ng nasabing magazine, si Charice.

Bagong paghamon ito para sa magaling na international performer. Inaasahan na niya ang kaliwa’t kanang komentong ikakambal sa kaniyang desisyon, pero mula pa naman noon ay kinokompronta na ni Charice ang lahat ng senaryong pinapasok niya.

Pinasok na nga ni Charice ang mundo ng kalalakihan, paninindigan niya ang kaniyang ginawa, sasagutin niya ang lahat ng klase ng tanong na ibabato sa kaniya sa isang presscon na gaganapin ngayong tanghali.

Ang pagpayag niyang maging cover ng isang panglalaking babasahin ay kakambal ng demokrasyang pinapangarap ng bawat isa sa atin. Hindi nga lang naman sa mundo ng pulitika dapat nababanggit ang demokrasya, sa pang-araw-araw nating buhay ay dapat din nating ikambal ang kalayaan sa gusto nating gawin, basta wala tayong sinasaktan at sinasagasaan.

Ibang-iba na nga ang mundo ngayon ni Charice Pempengco at maligaya siya sa kaniyang pagpapakatotoo. Mahirap nga namang magtago sa dilim, mas mahirap magsinungaling sa publiko, lalo na sa ating sarili.

Malayang tao na siya ngayon dahil hindi na siya naninimbang, wala na siyang itinatago. Naniniwala si Charice Pempengco na sa pagpapakatotoo lang tayo lubusang makalalaya.

AlDub – Tumatamlay na ang ningning ni Maine at Alden

Masamang-masama ang loob ngayon ng maraming miyembro ng AlDub Nation sa Eat…Bulaga! dahil maigsi na lang daw ang partisipasyon ng mga idolo nilang sina Alden Richards at Maine Mendoza sa kalyeserye.

Naging lolaserye na raw ang bahaging iyon ng noontime show kung saan sumikat ang loveteam. Bigay raw sila nang bigay ng reaksiyon at nagbibigay rin sila ng mga ideya sa produksiyon pero hidni sila pinapansin.

Lumalabnaw na raw tuloy ang popularidad ng AlDub, hindi na sila gaanong napapansin, dahil mas nakatutok ngayon ang kalyeserye kina Jose Manalo at Wally Bayola.

Nakakaalarma nga naman iyon. Ang tambalan na kinalokahan noon ng ating mga kababayan ay mahinang-mahina na ang dating ngayon. Halos hindi na sila napag-uusapan, pati ang mga commercial endorsements nila ay sinasahugan na ng mga sikat na kabataang artista, ang ibang ahensiya ay hindi na rin nag-renew ng kanilang kontrata.

Dapat ay bukas ang isip ng mga tagahanga nina Alden Richards at Maine Mendoza na darating at darating ang ganitong senaryo. Walang panghabambuhay na popularidad, makikipagsayaw sila sa tagumpay ngayon pero bukas, kailangang handa silang harapin ang pagiging malagihay na ng kanilang tambalan.

Nand’yan pa rin ang AlDub Nation, ang mga tunay na nagmamahal sa kanila, pero labas sa kanilang grupo ay kapansin-pansin na palipas na ang interes sa kanila ng publiko.

Ilang buwan na ang nakararaan ay talagang sila ang pinagpipistahan sa mga umpukan, sila ang palaging paksa ng ating mga kababayan, pero hindi na natin iyon masasabi ngayon. Ramdam na ang pagbitiw ng suporta ng mga Pinoy.

Lalo na si Maine Mendoza, napakalaki ng ibinagsak ng interes sa kaniya ng ating mga kababayan, sa pilian ay si Alden na lang ang nagugustuhan ngayon ng mga dating tagahanga ng loveteam.

Isang kaibigan ang nagpaalala sa amin na ito na nga ang manipestasyon ng pagiging matayog ng ibang fans noon ng AlDub. Iyon ang panahong tinawag nilang basura ang mga tabloids at ang mga manunulat nito.

Milyun-milyon ang kanilang tweets, palaging nagte-trending kahit ang paghahawakan lang ng mga kamay nina Alden at Maine, ganoon pa rin ba ang lakas ng kanilang hatak ngayon sa ating mga kababayan?

Kaya nga sila nagrereklamo. Naiinis sila ngayon dahil ang kalyeserye ay naging lolaserye na raw, kokonti na lang ang exposure ng kanilang mga idolo.

May dahilan ang produksiyon kung bakit ganoon na ang nangyayari ngayon, kailangan nilang gumawa ng paraan para hindi sila mapag-iwanan sa rating, alam nila na hindi na ganoon kalakas ngayon ang loveteam nina Alden at Maine.

Naumay na ang mga kababayan antin sa pangiwi-ngiwi ni Maine Mendoza, nagsasalita na siya at hindi na basta nagli-lipsynch lang, nakita na ang santo kaya lumipas na ang milagro.

Pag-away-awayin n’yo ba naman ang mga hosts ng noontime show. Mapalapit lang ang kahit sinong host kay Alden ay sinasabihan n’yo nang malandi.

May makita lang kayong kasamang ibang babae ni Alden sa retrato ay nagwawarla na kayo at iba-bash n’yo na nang wagas na wagas ang babae.

Ano tuloy ang nangyari? Nabuwisit ang mga kababayan natin, isaksak n’yo na lang daw sa baga ni Alden si Maine, ang kaisa-isang babae sa panlasa n’yo na dapat titigan ng Pambansang Bae sa magdamag at maghapon.

Ngayon ay may bago na naman kayong isyu. Nagpapakita lang daw ng kabaitan at paglalambing si Alden kay Maine sa harap ng mga camera pero kapag nasa backstage na sila ay hindi naman pinapansin ng binata ang kanilang manok?

Ganoon? Bilanggo si Alden, ganoon ang gusto n’yong palabasin, isa siyang robot na kung saan n’yo gustong ipaling ay kailangang sumunod sa inyo.

Ipagpilitan ba kasi ang pagkaing ayaw tikman ng kanilang sinusubuan? Ipagduldulan ba kay Alden ang putaheng ayaw niyang tikman?

At kapag nainis kayo ay ano ang inyong sasabihin? Becki si Alden, bakla si Alden, lalaki at hindi babae ang hanap ni Alden.

Ito na iyon! Ito na ang isinusukli sa inyo ng panahon. Nagaganap na ang mga senaryong ayaw n’yong makita. Humihina na ang mga palakpak. Kumakalog na ang studio. Paos na ang mga tumitili.

Malapit nang bumaba ang kurtina.

Vina Morales – Humingi na ng tulong kay Ka Digong at Robin

Bukod sa piskalya ay humingi na ng tulong sa paupong pangulo ng ating bayan si Vina Morales. Una siyang humingi ng tulong sa dati niyang karelasyong si Robin Padilla.

Aminado si Vina na malaki ang takot niya kay Cedric Lee dahil sa mga koneksiyon nito. Malawak daw ang naaabot ng mga kamay ng ama ng kaniyang anak.

Pero dahil kapakanan na ni Ceana ang nakasalalay ngayon ay kailangan na niyang lumaban, kailangan niyang tutukan ang kinabuksan ng kaniyang kaisa-isang anak, kinalimutan na muna niya ang matinding takot kay Cedric Lee.

Gretchen, Claudine at Mommy Inday – Hindi pa rin magkasundo

Pagkatapos nang mahabang panahon ng kanilang pananahimik, maraming nag-akala na nagkakaroon na ng patagong pagkakasundo ang mga miyembro ng pamilya Barretto, pero hindi pa rin pala.

Magkakontra pa rin sina Gretchen at Claudine, hindi pa rin kasundo ni Gretchen ang kaniyang inang si Mommy Inday Barretto. Sa halip na bumabaw ang problema sa kanilang pagitan ay mukhang mas lumalalim pa.

Mahirap ipaliwanag pero matindi ang kinikimkim na sama ng loob ni Gretchen sa kaniyang ina. Kung gusto mong sirain ang maghapon ng aktres, ang susi lang doon ay ang pangungumusta sa kaniyang mommy.

May mga kuwento kaming alam kung bakit ganoon na lang ang emosyon ni Gretchen laban sa kaniyang ina. Mga balidong rason ang nalaman naming impormasyon, pero dahil ina rin kami ay parang nahihirapan kaming unawain iyon at basta na lang tanggapin.

Ngayon ay nagkakagulo na naman ang mag-iina. Pinagdudahan ni Mommy Inday ang isang basher na si Gretchen daw, nakihalo naman sa argumento si Claudine na nasa ospital pa hanggang ngayon.

At least daw, ang kaniyang ina na 78 years old na ngayon ay hindi sumasailalim sa proseso ng bottox. Pasaring iyon kay Gretchen na alam naman ng publiko na palaging nagpapa-bottox.

Natawa kami sa reaksiyon ng kaibigan naming propesor na parang nawawalan na ng pag-asa tungkol sa pagkakasundo ng mag-iina.

Ang kaniyang sabi, “Pagkagagandang babae, pero hindi kagandahang example ang ipinakikita! Kailangan pa bang bumaba ang Diyos para magkasundu-sundo na sila?”

Patricia Tumulak – Magandang dagdag sa Eat…Bulaga!

Gustung-gusto namin ang gandang mayroon si Patricia Tumulak, isa sa mga co-hosts ng Eat…Bulaga! Kakaiba ang kaniyang ganda na mas lumulutang pa dahil sa kaniyang kulay.

Pinagkakatiwalaan ng noontime show si Patricia sa mahahalagang segments ng programa, magaling din kasi siyang host, ang sarap-sarap niyang panoorin dahil kakaiba ang kaniyang ganda.

Pang-beauty queen ang itsura ni Patricia Tumulak (Pattypush sa social media, sabi ng aming assistant na si Japs Gersin, dahil sa kaniyang pangalan), maraming kalahok na pahihirapan ang kaniyang ganda at talento, iyon siguro ang dahilan kung bakit siya bina-bash ngayon ng mga grupong insekurida.

Nakakatuwa nga dahil dati’y tagabati lang siya ng may birthday sa Eat…Bulaga! pero ngayo’y segment host na siya.

Kuwento ng isang kaibigan naming nagtatrabaho sa noontime show, “Mas maganda si Patty kapag walang make-up, partidang-partida iyon kesa sa mga babaeng naka-make-up na, e, wala pa rin namang pagbabago ang itsura!”

Political epals – Aiza Seguerra at Leah Navarro

Digmaan ng mga epal ang tawag ngayon ng marami sa nagaganap sa pagpapalitan ng tweets nina Aiza Seguerra at Leah Navarro. Magkakaiba ang terminong idinidikit sa dalawang singers, may tumatawag sa kanila ng political epals, may mga nagdidiin din na war of the epals ang namamagitan sa kanila ngayon.

Maka-Duterte si Aiza at si Aling Leah naman ay purung-purong dilaw, magkaiba ang kanilang mga pananaw, doon nag-ugat ang pagpaparunggitan nila sa social media.

Pareho silang bukas ang bibig sa pagsasabi ng kanilang punto. Wala silang pakialam kung mayroon mang kumontra sa kanila, ang mahalaga ay ang mapahalagahan nila ang kanilang paninindigan.

Pero sa pagsubaybay namin sa kanilang pagsasagutan ay kapansin-pansin na mas maraming kumakampi kay Aiza. Mas malinaw raw kasi ang stand ng mas nakababatang singer, para sa bayan ang kaniyang malasakit, dahil nagtagumpay na ang minanok niya sa panguluhan.

Si Aling Leah naman, para sa mas nakararami nating kababayan ay hindi pa rin nakahahakbang nang pasulong, nakapaloob pa rin ito sa isang mundong mahirap tumanggap ng pagkatalo.

Sugatan kasi ang puso ni Aling Leah, halos ipagduldulan na kasi nito sa ilong ng ating mga kababayan si Secretary Mar Roxas, pero natalo pa rin.

Dapat ay mulat sa katotohanan ang nagkakaedad nang singer na nagsalita na ang publiko, manunumpa na bilang bagong pangulo ng bayan ni Juan si Ka Digong, kung papikit nang tinanggap ng kaniyang manok ang pagkatalo ay sino naman si Aling Leah para magkakatsang pa rin hanggang ngayon?

Ganoon ang pagbalasa ng mga kababayan natin sa mga baraha ng kakontrahan sa Twitter ni Aiza Seguerra.

Ai Ai delas Alas – Binigyang hustisya ang papel sa My Mighty Yaya

Isang makabuluhang pelikula ang malapit nang ipalabas. Makapagbubukas ng pananaw ng marami nating kababayan ang bagong pelikula ni Ai Ai delas Alas na My Mighty Yaya.

Mahalagang mapanood ng mga kababayan natin mula sa iba’t ibang antas ng lipunan ang pelikula para maintindihan natin ang papel na ginagampanan ng mga yaya sa ating buhay.

May mga kilala kaming halos umaangat pa lang sa lupa ang anak ay pinapapasok nang yaya o kasambahay, sa sobrang kahirapan ay parang makina lang sila na pinagsisilbi sa ibang pamilya, masuwerte na kung makatao ang magiging amo nila at pasensiya na lang kung walang puso ang matatagpuan nila.

Noong minsan ay may tinanong kaming artista kung saang probinsiya nag-ugat ang kaniyang pamilya? Saan ba siya lumaki? Ang sagot ng batang aktres, “Lumaki po ako sa yaya.”

Nang laliman namin ang pagtatanung-tanong ay totoo pala ang sinabi ng batang aktres, sa yaya siya lumaki, dahil kahit minsan ay wala siyang matandaang senaryo na inalagaan siya ng kaniyang ina.

Noong minsan namang nasa airport kami papuntang Canada ay nakakita kami ng isang batang babae na halos maglupasay na sa semyento dahil ayaw nitong sumama sa kanilang pamilya para magbakasyon.

Ayaw humiwalay ng bata sa kaniyang yaya, talangang nakayakap ito sa kaniyang yaya na iyak din nang iyak, kundi pa pasinghal na tinawag ng ina ang batang babae ay magpapaiwan ito sa biyahe.

Ganoon katindi ang pagmamahalan ng yaya at ng kaniyang alaga. Pangalawang ina na ang turing ng mga bata sa taong nagmamalasakit at nag-aalaga sa kanila.

Kilalang-kilala at markado ang Comedy Concert Queen sa mga ganoong tema ng pelikula. Bilyon ang kinita ng Star Cinema sa mga serye ng kaniyang mga pelikulang sumesentro sa relasyon ng mag-iina.

Ikinapit na kay Ai Ai ang katawagang tanging ina dahil sa tagumpay ng proyekto at sa malaking impluwensiya ng kuwento sa buhay ng mga pamilyang Pilipino.

Nagpapakayaya si Ai Ai sa kaniyang mga anak, sa kaniyang mga pamangkin at kahit kay Jiro Manio na hindi niya naman kadugo, kaya siya lang talaga ang makapagbibigay ng hustisya sa papel bilang isang mighty yaya.

Nay Cristy – Walang po akong social media account kahit isa

Matagal at paulit-ulit na naming sinasabi-isinusulat na wala kaming kahit anong social media account. Mahigit na 10 Facebook accounts ang nakalagay sa aming pangalan, pero ni isa doon ay wala kaming kinalaman, puro mga posers lang sila na sobra-sobra siguro ang oras sa maghapon kaya ang sisipag magkomento at mag-post ng kung anu-ano.

Isang kaibigan namin na galing sa ibang bansa ang nagpa-add sa isa sa mga FB accounts na amin daw, kinumusta nito ang mga kaibigan namin sa kolehiyo, walang maisagot ang poser.

May isa namang bira nang bira kay President-elect Rodrigo Duterte, kung anu-anong komento ng kabastusan ang pinagsasasabi ng poser, kaya nagagalit siyempre sa amin ang mga tagasuporta ng mauupong pangulo.

Minsan pa ay gusto naming ipagbigay-alam sa publiko na wala po kaming kahit anong social media account, ang mga nakalagay sa aming pangalan ay iba ang gumagamit at hindi kami, kaya anumang opinyon-komentong lumalabas doon ay wala kaming pananagutan.

Ang mga impormasyon sa social media ay nalalaman lang namin mula sa aming assistant na si Japs Gersin, ito ang nagpaparating sa amin ng mga nangyayari, dahil wala kaming kahit anong social media account.

Ang aming damdamin, opinyon at emosyon ay mababasa n’yo lang sa aming mga kolum sa Pilipino Express (Winnipeg) at sa tatlong pahayagan sa Pilipinas at sa aming programa sa radyo (Aksyon TV-41, 92.3 News FM, Cristy Ferminute).

Have a comment on this article? Send us your feedback

Hulyo 1 – 15, 2016

	Kris Aquino
	James Yap
	Claudine Barretto
	Sharon Cuneta
	Pauleen Luna
	Nora Aunor (3rd from right) with her family during happier days. Nora Aunor’s younger brother, Eddie “Buboy” Villamayor (2nd from right) passed away on June 27, 2016 at the age of 56.
	Sarah Geronimo
	The Tulfo brothers, Raffy, Erwin and Ben

Kris Aquino – Balik na sa Pilipinas ang mag-ina

Nasa Pilipinas na uli si Kris Aquino. Tapos na ang dalawang buwan nilang bakasyon nina Josh at Bimby. Magtatrabaho na uli ang aktres-TV host sa kaniyang pagbabalik.

Hindi masyadong na-miss ng kaniyang mga tagasuporta si Kris dahil kahit nasa ibang bansa siya ay sige-sige pa rin ang pagpo-post niya ng mga pictures nilang mag-ina; marami rin siyang kuwento, kaya parang nasa Pilipinas lang din siya.

May kumalat na balita na lilipat na raw sa GMA-7 si Kris, isang kuwentong nagpataas ng kilay ng mas nakararami, dahil malayo ang posibilidad noon.

Balitang inaayos na ng ABS-CBN ang mga gagawin niyang shows, nag-uusap na rin ang magkabilang kampo kung ilang taong kontrata ang kaniyang pipirmahan. Malayong umalis sa Dos si Kris.

Kahit siguro bali-baligtarin si Kris ay hindi niya tatalikuran ang network na nag-alaga sa kaniya nang matagal na panahon. Nagkakaroon man sila ng tampuhan paminsan-minsan ay natural lang naman ang ganoon para mas maging maayos ang kanilang samahan.

Sabik na ang manonood sa mga bagong programang pagbibidahan ni Kris Aquino. Iba naman kasi talaga siyang umatake, ibinibigay niya ang lahat-lahat kahit siya pa ang malagay sa alanganin.

Isa lang ang isinasagot niya kapag panay-panay ang pamba-bash sa kaniya, “E, kasi, sikat ako! Kung wala akong dating sa kanila, hindi naman nila ako papansinin!”

James Yap – Magiging tatlo na ang panganay na anak

Malapit na malapit nang may tumawag ng kuya kay Bimby. Araw na lang ang bibilangin at manganganak na si Michaela Cazzola, ang girlfriend ng sikat na basketbolistang si James Yap.

Ito ang magiging ikatlong panganay ng basketball player. Nasa ibang bansa ang unang panganay ni James. Si Bimby ang ikalawa at ang ikatlo nga ay ang malapit nang ipanganak ni Michaela.

Magkakaroon na ngayon ng anak si James na makakasama niya, iyong literal niyang kasama araw-araw, hindi tulad nga anak nila ni Kris Aquino na hinihiram-hiram lang niya.

Sa pagdating ng kanilang anak ni Michaela ay hindi na niya kailangang makiusap pa, sa poder niya lalaki ang bata, ibang-iba ang sitwasyon ngayon kumpara sa mga nakaraan niyang pakikipagrelasyon.

Claudine Barretto – Namana kay Mommy Inday ang hilig sa pagluluto

Tawa nang tawa ang mga mommy na nakakuwentuhan namin isang araw. Si Claudine Barretto ang kanilang paksa. Nakakasabay raw kasi nilang mag-grocery ang aktres kasama ang kaniyang mga anak. Alam na raw nila ang dahilan kung bakit hindi pumapayat ang magandang aktres.

Grabe raw mag-grocery si Claudine, ilang carts kung mamili siya dahil sa dami, puro pagkain daw ang binibili ni Claudine.

“Paano siya papayat, e, sangkatutak siya kung mag-grocery? Puro pagkain ang laman ng mga carts niya, para siyang hoarder! Parang palaging magkakaroon ng revolution kung mag-grocery siya,” tawa nang tawang kuwento ng isang mommy.

Tabain pa naman ang aktres, mabilis siyang magdagdag ng timbang, ang unang-unang naaapektuhan sa kaniya ay ang kaniyang mukha at balakang.

Mahilig din kasing magluto si Claudine kaya puro pagkain ang pinamimili niya, ayaw niyang magluto kapag hindi kumpleto ang rekado, tinatamad siya.

Nakuha nina Marjorie at Claudine ang hilig sa pagluluto kay Mommy Inday. Masarap magluto ang kanilang ina, umaga pa lang ay nakahanda na ang mga lulutuin nito, nakuha iyon ng magkapatid.

Hindi nagluluto si Gretchen, marami itong kasambahay, saka hindi naman palakain ang aktres dahil binabantayan nito ang kaniyang timbang.

Sabi ng isang nakakuwentuhan namin, “Naku, may dietician si Gretchen! Sukat na sukat ang calories ng mga kinakain niya. Para siyang kambing, puro damo lang ang kinakain niya para hindi siya tumaba!”

Sharon Cuneta – Totoong maganda kahit mabigat ang timbang

Nakakaaliw si Sharon Cuneta kapag nakakakita siya ng mga babaeng payat. Agad-agad niyang ikokomento, “Naku, bukod kang pinagpala! Lumayo ka sa akin at baka makipagpalit ako ng katawan sa iyo!”

Ginagawa niyang katatawanan ang kaniyang timbang. Siya mismo ang namimintas sa kaniyang sarili, kaya maaapektuhan pa ba naman siya ng mga bashers?

Ang sitwasyon ni Sharon ang isa sa mga patotoo na hindi lahat ng katangian ay ibibigay ng Diyos sa isang tao lang. Sikat na sikat si Sharon, milyonarya siya, punumpuno siya ng talento pero hindi siya matagumpay sa pangarap niyang pumayat.

Kaya nga mabawasan lang siya nang malaki-laking timbang ay maligaya na siya, glorya na iyon para kay Mega, dahil kahit paano’y gumagaan na siya.

Hindi rin pera ang simula at wakas ng ating buhay. Kumportable lang ang mga mayroong dudukutin anumang oras, pero hindi rin nagagawa ng pera ang ating mga pangarap. Kung totoo iyon ay payat na payat na sana ngayon si Sharon dahil mayroon siyang maipambabayad sa anumang proseso para lang siya pumayat.

Pero sa kabila ng kaniyang timbang ay napakaganda pa rin ni Sharon. Makinis siya, ang ganda-ganda ng tubo ng kaniyang ilong, walang donasyong anuman ang siyensiya sa maganda niyang mukha.

Tama si Oprah Winfrey sa isang episode ng programa nito na napanood namin. Ilitanya mo na nang ilitanya sa publiko ang lahat ng kapintasan mo. Huwag ka nang magtitira.

Huwag ka nang mag-iiwan para iba pa ang magsabi. Kapag nailantad mo na sa publiko ang lahat, anumang komento mula sa iba ay wala nang saysay, dahil nauna ka nang namintas sa sarili mo.

Pauleen Luna – Pinayuhang pababain muna ang timbang

Isang OB-Gynecologist ang nakakuwentuhan namin na may positibong motibo tungkol kay Pauleen Luna. Araw-araw kasing nanonood ng Eat…Bulaga! ang kausap naming doktor at napapansin nito ang patuloy na paglaki ng katawan ng aktres-TV host.

Ayon kay doktora ay mas makatutulong sa pagkakaroon nila ng anak ni Bossing Vic Sotto ang pagbabagsak niya ng timbang. Mahirap daw kasing magdalantao ang may kalakihan ang bulto ng katawan.

“Lalo na kapag magkatabi sila ni Pia Guanio, napakalaki ng difference nila! Maliit si Pia, ang laki-laki naman ni Pauleen. Mahihirapan siya kapag nagbuntis siya sa ganyang weight,” komento pa ng AB-Gyne.

Kahit naman noon pa ay tabain na talaga si Pauleen Luna. Malalaki ang kaniyang mga buto. Malalaki na ang kaniyang mga braso ay nagmumura pa ang kaniyang mga pata.

Pero kung kailangan niyang magbagsak ng timbang ay dapat niyang gawin para mabuo na ang kanilang pamilya ni Bossing Vic.

Sabi naman ng kasama ng doktora, “Bakit ganoon? Ayaw sabihin ni Pauleen kung saan sila nakatira ni Bossing Vic, para raw sa privacy nila iyon, pero bakit ipino-post niya naman ang bedroom nila?

“Di ba, mas private ang bedroom? Eh, bakit niya ipino-post ang hitsura ng pribadong kuwarto nila? Di sabihin na rin sana niya kung saan sila nakatira sa Laguna?” tanong-sagot ng aming kausap.

Eddie Villamayor – Pumanaw na ang kapatid ng Superstar

Pasado alas siyete nang umaga, June 27, ay nakatanggap kami ng text message mula sa mahal naming abogado, si Attorney Ferdie Topacio, tungkol sa pagpanaw ng bunsong kapatid ng Superstar ang laman ng mensahe nito.

“Actor Eddie Villamayor is dead,” sabi ni Attorney Topacio, ang balon ng impormasyon sa lahat ng mga pumapanaw na personalidad Pinoy man o banyaga.

Matagal nang nakaospital si Buboy, mula sa rehab ay kinailangan na siyang tutukan sa ICU, ang tumutulong kay Nora Aunor sa mga gastusin ay si Senadora Grace Poe.

Dating miyembro ng Apat Na Sikat si Eddie Villamayor. Siya ang naging ka-loveteam ni Winnie Santos nang umalis sa grupo si Dondon Nakar; ang isa pang matagumpay na tambalan ay sina Arnold Gamboa at Maribel Aunor.

Sumikat nang todo ang Apat Na Sikat. Mataas ang rating ng kanilang mga programa, maraming pelikula rin ang pinagbidahan nila.

Mahiyain ang bunsong kapatid ng Superstar, kundi mo siya kakausapin ay tahimik lang siya, naging magkarelasyon sila ni Winnie Santos.

Pagkatapos nang maraming taon ay nabalitaan namin na ipinasok sa rehab si Buboy, bukod doon ay wala na kaming nalaman pang impormasyon, hanggang sa dalhin nga siya sa FEU Hospital.

Si Nora Aunor ang nag-aasikaso sa kaniyang kapatid. Naging isyu pa nga ang hindi man lang pagdalaw ng kaniyang mga anak kay Buboy, pero lumabas ang totoo na dinadalaw naman pala nina Ian, Lotlot, Matet, Kenneth at Kiko ang kanilang tiyuhin.

Naging bahagi ng mga unang taon ng aming buhay-manunulat ang Apat Na Sikat. Si Dondon Nakay ay ministro na ngayon, si Arnold Gamboa naman ay manager na ng malaking hotel, at isang matagumpay na negosyante naman si Lala Aunor.

Ang taos-puso naming pakikiramay sa pagpanaw ni Eddie “Boy” Villamayor.

Sarah Geronimo – Pinabulaanan ni Boss Vic ang balitang buntis

Nakakatawa ang naging reaksiyon ng mga taong hindi siyempre nagkakagusto kay Sarah Geronimo sa naging pahayag ni Boss Vic del Rosario na paano magdadalantao ang singer-actress samantalang wala pa siyang karanasan sa pakikipag-sex?

Virgin pa si Sarah, paninindigan ng pamosong producer ng Viva, kaya paano magdadalantao ang isa sa matitibay na poste ng kanilang kumpanya?

Aysus, parang sinaksakan ng suwero ang mga bashers ng magaling na singer-actress, nagkani-kaniyang patutsada na ang mga ito at natural lang na hindi sila naniniwala sa sinabi ng producer na birhen pa ang kanilang artista.

“Bakit, nasubaybayan ba ng producer niya si Sarah twenty four hours a day? Kung ang parents nga ni Sarah, e, walang statement na ganoon katindi, ang producer pa kaya niya?” isa lang sa naging reaksiyon ng mga bashers ni Sarah.

Mayroon namang tawa nang tawa na may kakambal sa sarkasmo ang arya, “Si Sarah, virgin pa? Oh, tell that to the marines! Ano’ng akala nila kay Matteo (Guidicelli), tanga?

Anuman ang sabihin ng iba tungkol sa isyu ay hindi na mahalaga. Kung ayaw maniwala ng iba na birhen pa si Sarah Geronimo, karapatan nila iyon, pero sana’y huwag din nilang tanggalan ng karapatan ang mga taong naninindigan na ihaharap nang buung-buo ni Matteo si Sarah sa altar.

Aldub Nation – Magiging ‘Dub Nation’ na lang daw

Matindi talaga ang galit ng mga nagpapakilalang tagahanga ni Maine Mendoza kay Alden Richards. Grabe ang mga ginagawa nilang pamba-bash kay Alden, parang ayaw na nilang bigyan ng pagkakataong mabuhay pa ang Pambansang Bae. Walang pinakamaganda at pinakasikat para sa kanila kundi si Maine Mendoza.

At mayroon pa silang bagong pakulo ngayon. Tinanggal na nila si Alden sa love team, Dub Nation na lang ang ginagamit nila ngayon at inetsa-puwera na nila ang aktor.

Paano na ngayon ang pelikulang pinagbibidahan ng magka-loveteam? Hindi ba’t ang target pa naman nilang kikitain ng pelikula ay one billion pesos daw?

May tinanong kaming dating miyembro ng AlDub Nation kung nagpapanggap lang ba na mga maka-Maine na umuupak kay Alden. Hindi raw, totoo raw na mga tagasuporta ni Maine ang mga bumabanat kay Alden, hindi raw nakikisawsaw lang ang mga iyon.

Kung anu-anong paninira ang ibinabato ng mga ito laban kay Alden. Kesyo lalaki rin daw kasi ang hanap ng binata, kaya wala siyang nararamdaman para kay Maine.

Pero hindi naman sila consistent. Pag may lumapit lang na babae kay Alden ay nagwawarla na agad sila, dahil para lang daw kay Maine ang Pambansang Bae.

Saang diksiyunaryo kaya natin makikita kung ano ang gustong mangyari ng mga taong iyon? Nakakaalarma tuloy ang ganyang senaryo sa ipalalabas na pelikula ng kanilang mga idolo.

Kung sila mismo sa loob ay nag-aaway-away, anong suporta ang aasahan nila mula sa ating mga kababayan, mag-isip-isip naman sana ang mga palaaway na tagahanga ni Aling Menggay.

Tulfo Brothers – Totoo bang aalis na sa TV5?

Malakas ang ikot ng balita sa bakuran ng TV5 na lilipat ang Tulfo Brothers sa Channel 4 at sa Radyo Ng Bayan na pinamamahalaan na ngayon ng dating news anchor ng network na si Martin Andanar.

Una, malapit ang magkakapatid kay President-elect Rodrigo Duterte, lalo na ang panganay nilang si Kuya Ramon. Sanggang-dikit ang dalawa. Dekada na ang binibilang ng pundasyon ng kanilang samahan, kaya malaki ang posibilidad na may katotohanan ang kuwentong sabay-sabay na aalis sa TV5 at Radyo Singko sina Kuya Raffy, Kuya Ben at Erwin Tulfo.

Ikalawa, kaibigan ng Tulfo Brothers si Martin Andanar, ang nakaposisyong tagapamahala ngayon ng PTV-4 at Radyo Ng Bayan at tagapamuno rin ng Presidential Communications Operations Office (PCOO).

Kung may katotohanan ang kuwento ay malaking kawalan sa departamento ng News ng TV5 ang magkakapatid. Napakalakas ng Wanted Sa Radyo ni Kuya Raffy, sa kaniyang programa mas pinipiling humingi ng tulong ang mga naaapi nating kababayan. Dinadatnan pa namin sa studio ang mga problemadong kababayan natin na lumalapit sa kanila ni Niña Taduran.

Panalo rin ang Punto Asintado ni Erwin na dati nilang pinagsasamahan ni Martin Andanar. Madiin namang sinosolusyunan ni Kuya Ben ang mga katiwaliang iniimbestigahan ng kaniyang mga tauhan sa Bitag Live. Katutuk-tutok ang mga programa ng magkakapatid sa Radyo Singko.

Direkta ang linya ng mga Tulfo kay President-elect Rodrigo Duterte, kung ang ibang mamamahayag ay kailangang maghintay nang kung ilang oras bago makausap ang manunumpa nang bagong pangulo, may express lane ang Tulfo Brothers sa opisina ni Ka Digong.

Siguradong sa mga panahong ito, kung may katotohanan ang naulinigan naming balita, ay nag-uusap-usap na ang Tulfo Brothers.

Kapag nagdesisyon silang iwanan ang TV5 ay mami-miss namin ang magkakapatid na kahalubilo namin sa araw-araw. Maraming natatakot sa kanilang mga atake. Wala kasing inuurungan ang Tulfo Brothers, ang kanilang prinsipyo at paninindigan ay wala sa kanilang talampakan.

Pero sa likod ng mga camera ay ibang-iba ang magkakapatid. Marespeto sila at kalmado. At kapag naging kaibigan ka nila ay literal nilang ihaharang ang kanilang mga sarili para huwag ka lang masaktan.

Have a comment on this article? Send us your feedback

Hulyo 16 – 31, 2016

	Maine Mendoza
	Maine Mendoza & Alden Richards
	Barbie Forteza
	Kris Aquino
	Angel Locsin
	Ian King & Joey Mead
	Maribel Aunor
	Sugar Mercado

AlDub Movie – sigurado na ang tagumpay sa takilya!

Nakakahon na ang tagumpay ng pelikula nina Alden Richards at Maine Mendoza na kamakailan lang ang pagbubukas sa mga sinehan. Huwag lang mabiktima ng pamimirata ang kanilang proyekto ay nakasapatos na ang pera ng bayan para magpunta sa mga sinehan.

Mula umaga hanggang gabi ay laman ng mga programa ng GMA-7 sina Alden Richards at Maine Mendoza. Sila ang nagbubukas at nagsasara ng mga palabas ng network.

Kailangan kasi nilang tutukan ang promo ng kanilang unang solo movie, palabas na ngayon ang Imagine You & Me, ang pelikulang susukat sa katatagan ng kanilang tambalan.

Maraming pelikulang ipinalabas nitong mga huling araw na hindi nagtagumpay sa takilya. Sinisisi ng mga prodyuser ang matindi pa ring pamimirata ng mga kopya ng pelikula. Hindi pa man nagbubukas sa mga sinehan ay ibinebenta na iyon nang murang-mura lang sa kalye.

Sana’y huwag mangyari iyon kina Alden at Maine. Sayang naman ang ganda ng pelikulang kinunan pa sa Italy. Sayang na ang effort ng produskyion ay milyun-milyong halaga rin ang ginastos para sa kanilang proyekto.

At kapag kinuyog ng mga kababayan natin ang kanilang pelikula ay may mas malalim na dahilan iyon kaysa sa kilig lang ng buong bayan sa kanilang tambalan.

Malakas ang tambalan nina Alden at Maine, mayroong pundasyon ang kanilang loveteam, ang AlDub Nation na gustong patunayan na hindi lang sila pangkalyeserye kundi pampelikula rin.

Bukod doon ay puwedeng bigyan ng konsiderasyon ang pulso ng bayan. Sa araw-araw nating panonood ng mga pambalitang programa ay puro patayan ang ibinabalita.

Magkakapamilyang nagpatayan; magkakaibigang nag-inuman lang pero ang ending ay saksakan at bugbugan, mga gumagamit at tulak ng droga na pinagpapatay.

Wala nang laman kundi puro ganoon. Patayan, patayan, patayan. Gusto namang kiligin at pansamantalang sumaya ng ating mga kababayan. Napakabigat na ng sitwasyon ngayon; puro panggagahasa at patayan na lang ang ating natutunghayan, kaya kahit sa loob lang nang dalawang oras ng panonood ng pelikula ay gusto nating makatakas sa reyalidad.

Siguradong hindi pababayaan ng kanilang mga tagasuporta sina Alden at Maine. Gusto nilang patunayan na buhay na buhay pa rin ang AlDub Nation. May kuwentong umiikot na isang bilyon ang target ng grupo para sa kabuuang pagpapalabas ng pelikula ng kanilang mga idolo.

Mataas ang kanilang pangarap, pero walang imposible kung lahat sila’y kikilos. Kailangan nilang patunayan na hindi lang pangkalyserye sina Alden at Yaya Dub.

Mapapanood din ng ating mga kaibigan sa buong Canada ang pelikulang Imagine You & Me, July 22 hanggang August 5. Ipapalabas sa Winnipeg sa Cinema City Northgate.

Alden Richards – nabili na ang pangarap na Jaguar

Naalala namin ang kuwento nang magkita sina Willie Revillame at Alden Richards sa studio ng GMA-7. Nakita ni Alden ang Ghost Limousine ng aktor-TV host.

Mahilig sa sasakyan ang Pambansang Bae, kaya ang sabi sa kaniya ni Willie, “Isang araw, magkakaroon ka rin n’yan, basta alagaan mo lang ang career mo at ang mga taong tumutulong sa iyo.”

Sobrang dami ng sasakyang milyun-milyon ang halaga ni Willie. Kulang na kulang ang kaniyang mga garahe sa magagara niyang sasakyan. Kaya ang iba ay nakaparada na lang sa harap ng kaniyang mansiyon.

Nagdilang-anghel si Willie. Ngayon ay may Jaguar na si Alden. Pangarap nito ang sports car na ginagamit nito ngayon.

Pinabendisyunan nito ang sasakyan nang dumalo ito sa inagurasyon ng mansiyon nina Bossing Vic Sotto at Pauleen Luna. Regalo iyon ni Alden sa kaniyang sarili dahil halos wala na itong pahinga sa katatrabaho.

Sabi ni Willie, “Dapat lang namang regaluhan ni Alden ang sarili niya; nagtatrabaho siya, nagsisikap. Walang imposible basta magsipag ka lang.”

Barbie Forteza – patok ang pangagagaya kay Kris Aquino

Maraming pinasasaya si Barbie Forteza tuwing Linggo ng tanghali dahil sa pabibo at magaling niyang panggagaya kay Kris Aquino. Plakado ng young actress si Tetay.

Mula sa pagsasalita, pagkilos, pananamit at ayos ng buhok ay wala ka nang hahanapin pa sa ginagawang impersonation ng magaling umarteng batang aktres kay Kris.

Hindi siya OA, saktung-sakto lang ang pagplakado ni Barbie Forteza kay Kris, lalo na ang panggagaya niya sa pagtawa ng aktres-TV host na kaniyang-kaniya lang.

Isa si SOS sa mga tumututok kay Barbie sa Sunday PinaSaya. Ang kaniyang komento, “Agree po ako sa inyo na super-galing ang impersonation ni Barbie Forteza kay Kris. ‘Yung pagtawa ni Barbie, si Kris talaga ang ginagaya niya.

“‘Yung pag-ikut-ikot ng mga mata niya at pagkiling-kiling ng ulo kapag nagsasalita, si Kris talaga ‘yun! Magaling si Barbie Forteza!

“Napanood ko rin po ang episode na ‘yun at in fairness, kahit sa pagda-dubsmash nakilala si Maine Mendoza, eh, mas magaling pa siyang umarte kaysa kay Kris!

“Bagay po kay Maine ang mag-horror. Sana nga, eh, gumawa sila ni Alden Richards ng movie na mala-Twilight o rom-hor (romantic-horror). Nakakasawa na po kasi ang mga rom-com, puro ganu’n na lang!” komento ni SOS.

Kinampihan naman ng isang kausap namin ang ginawang pagpuna ng Comedy Concert Queen kay Barbie bilang si Kris, “Totoo lang naman ang sinabi ni Ai Ai, eh! Walang mali sa sinabi niya na bakit ganoon, iisa lang ang klase ng pag-arte ni Kris?

“Napanood ko rin ang movies ni Kris. Ke nakakatakot siya, umiiyak, nagdadrama, masayang-masaya, iisa lang talaga ang facial expression niya! Walang naiiba.

“Alam kaya ni Kris na iisa lang ang acting na alam niya? Di ba, iwino-workshop muna ang mga artista bago nila atakihin ang bagong role na ibinibigay sa kanila?

“Eh, bakit si Kris, walang pagbabago ang acting niya? Bakit iisa pa rin? Excluded ba siya sa mga ginagawang workshop? Siya dapat ang tutukan ng workshop facilitator dahil iisa ang brand ng acting niya!” mahabang pagpansin ng aming kakuwentuhan.

Tama ang kuwento ng aming source na nagsabing walang kaplanu-planong lumipat sa GMA-7 si Kris, sa Dos pa rin siya. Ang haba na lang ng kaniyang bagong kontrata ang inuupuan ngayon kung hanggang kailan.

Hindi kayang manahimik ni Kris; kailangan niyang mag-show. Hindi makatatagal ang aktres-TV host na hindi siya nakikita sa telebisyon.

Hindi magiging masaya si Kris na ibang artista lang ang pinag-uusapan. Kailangang siya rin, at dapat ay siya ang nasa pinakagitna ng entablado habang iniilawan.

Hindi si Kris Aquino ang klaseng magpapaiwan. Kaligayahan na para kay Kris ang pinag-uusapan siya. Ayos lang kung sa anumang paraan, basta ang mahalaga, siya ang nasa gitna ng entablado.

Kris Aquino – epektib ang gimik!

Pinaingay lang ni Kris Aquino ang kaniyang pagbabalik mula sa dalawang buwan niyang bakasyon kasama ang kaniyang mga anak sa Hawaii kaya itinaon niya page-guest sa programa ni Marian Rivera.

Puro usapang-pulitika kasi ang pinagpipistahan noon. Walang laman ang mga pahayagan kundi ang pag-upo ng nanalong pangulo, kaya naisip siguro ni Kris na wala siyang espasyong masisingitan kapag iyon din ang kaniyang sinawsawan.

Eh, magaling na publisista ng kaniyang sarili si Kris, kung tutuusin ay hindi na nga niya kailangan ng mga PRO dahil mas mabilis at mahusay siyang makapag-isip ng mga isyung pagpipistahan tungkol sa kaniya.

‘Yun ang naisip niya – makapag-guest nga sa show ni Marian, para hindi lang ang guesting niya ang mapag-usapan kundi pati ang paglipat daw niya ng network.

Nagtagumpay si Kris. Maraming nabulabog sa kaniyang guesting, pahimakas na raw ba ‘yun na lilipat na siya sa GMA-7? Iiwanan na raw ba niya ang ABS-CBN?

Panalo! Napag-usapan si Kris nang ilang araw. Wala siyang komentong anuman. Mas hindi siya magsasalita ay mas manganganak nang manganganak ang mga kuwento.

Umingay uli ang kaniyang pangalan. Dalawang buwan kasing puro pagbabalita lang sa social media ang kaniyang ginagawa, ang galing-galing talagang PRO ni Kris.

Noong isang araw ay nakipagmiting na si Kris Aquino sa mga ehekutibo ng ABS-CBN. ‘Yun pa rin ang kaniyang network. Sa Dos pa rin siya magtatrabaho. Malapit na uli siyang mapanood sa mga shows na pagbibidahan niya bilang magaling na TV host.

Epektib!

Angel Locsin – frozen delight?

Oo nga, totoo ang maraming obserbasyon: ramdam na ramdam ang pagiging malagihay ng career ngayon ni Angel Locsin. Wala siyang ginagawang proyekto sa ABS-CBN. Napag-iwanan na siya ng kaniyang mga kasabayan. Kapag nagtagal pa ang ganiyang sitwasyon ay hindi na nakapagtataka kung mahirapan na siyang makahabol.

Ano na ang nangyari sa career ng dalaga? Bakit mukhang binabalagoong na siya sa Dos? Bakit malagihay na ang presensiya niya ngayon sa telebisyon at pelikula?

Wala bang makitang tamang proyekto para sa kaniya ang Dos at ang Star Cinema? Nagkaroon ba ng problema sa kanila ng mga ehekutibo ng network kaya nagkakaganiyan na ang career niya?

Isang source ang nagbulong sa amin, “Para kasing may sumumpa sa kaniya. Masiyadong nasaktan ang taong ‘yun sa ginawa niya. Ang kuwento, nagbitiw raw ang taong ‘yun ng sumpa!

“OA naman ang kuwentong gagapang siyang parang ahas; hindi totoo ‘yun, pero ang sabi ng taong sinaktan ni Angel, eh, hindi uusad ang career niya. Kilala ni Angel ang taong iyon, bakit kaya hindi siya makipag-usap para matuldukan na ang sumpa na nagiging sagabal sa career niya?” sabi pa ng aming kausap.

Totoo man o hindi ang kuwento ay hindi na mahalaga. Ang kasalukuyang takbo ng kaniyang karera ang mas nakakaalarma. Milya-milya na ang layo kay Angel Locsin ng mga kasabayan niya.

Ian King – tanggap ng publiko ang asawa ni Joey Mead

Tanggap na tanggap na sana ng ating mga kababayan ang paglalantad ng car racer na si Ian King tungkol sa tunay niyang kasarian. Pinalakpakan siya, sinaluduhan, dahil naging totoo siya sa kaniyang sarili at sa publiko.

Sino nga ba ang mag-iisip na ang balbas-sarado palang lalaking iyon ay may pusong kasinglambot ng mamon at kutsinta? Wala nga pala sa tindig at hitsura ang tunay na gender.

May malambot kumilos pero hindi naman kapuwa lalaki ang hanap at mayroon ding machung-macho ang dating pero hotdog pala ang gusto at hindi naman hamburger.

Hindi barometro ng tunay na kasarian ang pangangatawan at kilos; puso ang nagdidikta kung saan liligaya ang isang tao, tulad ni Ian King na nakikipagkarera pa ng kotse pero ang isinisigaw naman pala ng kaniyang puso ay ang pagtatayo ng sosyal na parlor.

Okey na sana ang kuwento ng kaniyang pag-a-out. Hinangaan na siya, ginawang magandang ehemplo para sa mga personalidad na lalaking matagal nang nagpapanggap, pero nabulilyaso pa.

Hindi naging maganda ang pagtanggap ng mga kababayan natin sa lumabas na video nila ng kaniyang misis na si Joey Mead na ipinakikita silang napakasarap na naghahalikan.

Transwoman na si Ian King sa video, pero kinunan pa nila at inilabas sa social media ang kanilang paghahalikan. Ang uri raw kasi ng kanilang pagmamahalan ay dinisenyo sa langit dahil walang kundisyon ang kanilang pag-iibigan.

Doon na biglang kumambiyo ang mga positibong komento ng mga kababayan natin sa paglaladlad ni Ian King. Ganoon ang ating lahi. Tama na ang minsan-makalawa, ang ikatlo ay hardsell na, masiyadong trying hard na ang dating.

Tutal nama’y nagsalita na si Joey Mead na anuman ang kasarian ni Ian King ay tanggap nito ang katotohanan. Okey na sana iyon, pero kinailangan pa nilang maghalikan na parang sariling-sarili nila ang mundo sa lumabas na video sa social media.

Nasayang tuloy ang paghanga ng mga kababayan natin sa pagpapakatotoo ni Ian King.

Lala Aunor – bukas and mga palad sa pagtulong

Hindi pala nakipaglibing kay Eddie “Boy” Villamayor ang magkapatid na Lotlot de Leon at Kiko pati ang pinsang-buo ng Superstar na si Maribel Aunor.

Totoong nagyakapan na ang mag-iina noong lamay ng dating teen actor, pero hindi nakarating noong libing si Lotlot, si Ian de Leon ang nandoon kasama ang kaniyang asawa at anak.

Sabi ng aming source, “Si Lala ang nagbigay ng paglilibingan ni Buboy. Saludo ako sa kaniya dahil sa kabila ng nangyari sa kanila ni Guy, tumulong pa rin siya.”

Nagkaroon ng hidwaan sa pagitan ni Lala at Nora Aunor ilang taon na ang nakararaan. Matindi ang sugat na tinamo ni Lala sa pangyayaring ‘yun. Pumanaw si Mamay Belen na hindi nakita kahit ang anino lang ng Superstar.

Malambot ang puso ni Lala. Bukas na bukas din ang kaniyang mga palad sa pagtulong sa kanilang mga kamag-anak, pero hindi pa siguro ito ang takdang panahon para mabura ang masasakit na salitang ipinautang sa kaniya noon ni Nora.

Komento ng aming kausap, “I know, I know, kaya I understand kundi man siya nakipaglibing. Ang mahalaga, ginawa niya ang lahat for the love of Buboy. Saludo ako sa kaniya. Sobrang mapagmahal si Lala sa mga kadugo niya.”

Sabi nga, we forgive, but we remember names.

Sugar Mercado – nakababahala ang sitwasyon

Maraming nahabag sa dating co-host ni Willie Revillame, ang dating dancer ng Eat…Bulaga na si Sugar Mercado, dahil sa ginawa niyang pagsusumbong sa publiko tungkol sa diumano’y ginagawang pangmamaltrato sa kaniya ng ama ng kaniyang mga anak.

Humahagulgol na naglabas ng kaniyang sama ng loob si Sugar sa video. Naghahalu-halo ang kaniyang luha, pawis at laway sa kaniyang pananaghoy. Kinukuwestiyon niya kung bakit siya pang nagmamahal at nagmamalasakit sa kaniyang mga anak ang ipinakukulong ng lalaking matagal din niyang nakasama at minahal.

Kinasuhan siya ng child abuse ng ama ng kaniyang mga anak. Lumaban si Sugar. Ayon sa dancer ay naipanalo niya ang laban pero nag-apela pala ang lalaki.

Nakakalokang panoorin ang kaniyang video. Marami siyang kuwento na hindi naman naiintindihan ng mga tumututok sa kaniyang mga hinaing. Sana raw ay sa husgado na lang nagsumbong si Sugar Mercado at hindi sa social media.

Parang wala na siyang mapuntahan. Ginagamit daw ng lalaki ang pera at koneksiyon nito, kaya pati ang kaniyang ina ay gusto ring ipakulong ng ama ng kaniyang mga anak.

Matagal na niyang dinadala ang ganitong problema, harinawang may magawa ang kaniyang abogado para manatili sa kaniya ang custody ng kaniyang mga anak. Sana’y magkaroon na ng kapayapaan ng kalooban si Sugar Mercado.

Magkaroon na sana sila ng komunikasyon ng dati niyang karelasyon na ayon sa dancer ay ginagawa ang lahat-lahat ng paraan para mawalan siya ng karapatang makasama at palakihin ang kanilang mga anak.

Nakakaawa naman ang mga bata na walang kasalanan sa kanilang problema. Kailan pa ba nagkaroon ng karapatang makapamili ng mga magulang ang mga supling?

Have a comment on this article? Send us your feedback

Agosto 1 – 15, 2016

	Alden Richards, sinurpresa ang Reyna ng Intriga, Nanay Cristy Fermin sa kaniyang kaarawan
	Melai Cantiveros
	Jessy Mendiola
	Marian Rivera
	Kris Aquino
	Ai Ai delas Alas
	Jodi Sta. Maria

Alden Richards – Marunong tumanaw ng utang na loob

Lalong manggigigil sa galit ang ibang tagahanga ni Maine Mendoza dahil binigyan ng panahon ni Alden Richards ang mga press people na matagal na niyang gustong pasalamatan nang personal.

Ano na naman ang ihihirit ng mga fans ni Maine na kulang sa pang-unawa at basta husga na lang nang husga? Sasabihin na naman ba nilang – inilaglag na naman ni Alden ang kaniyang ka-loveteam, sinolo na naman niya ang pakikihalubilo sa mga manunulat, para lang mas gumanda pa ang kaniyang imahe?

Pagkatapos lumabas ang blog ni Maine Mendoza na ito mismo ang nagdiin na walang kahit sinong makapipilit sa kaniya para gawin ang isang bagay na ayaw nito tulad ng pakikibagay ay wala nang karapatang magreklamo ang kaniyang grupo sa pakikipagkapuwa-taong ginawa ni Alden.

Wala na silang maihihirit pa dahil wala pala sa bokabularyo ni Menggay ang pagpapanggap para lang ito magustuhan ng kahit sino. Ano nga ang kaniyang sabi sa nasabing blog?

“I would never change who I am just to conform to the norms of this industry.” Iyon ang kaniyang paninindigan, taliwas sa nakasanayan nang pakikisama-pakikibagay ng mga baguhang personalidad sa kanilang mga dinatnan, kaya ano pa ang inirereklamo ngayon ng kaniyang mga tagahanga?

Hindi pagpapanggap ang ginawa ni Alden. Lalong hindi kaplastikan ang magpasalamat sa mga taong nakatutulong sa kaniyang mga pangarap. Ang maliwanag na tawag doon ay pagtanaw ng utang na loob.

Kaya bakit kailangang pupugin sa social media ang isang personalidad na tulad ni Alden Richards na marunong magpasalamat at magpahalaga?

Ang dapat ay papurihan pa nga ang Pambansang Bae dahil wala siyang ilusyon na regalo siya sa lupa ng langit para idolohin.

Ganern! That’s how it should work.

Melai Cantiveros – Matagal ding nagtiis sa insecurity ni Jason

Kakambal ng pagiging seloso ang matinding insecurity. Minemenos ng isang insecure na lalaki ang kaniyang kapasidad. Kulang siya sa kumpiyansa, kapos na kapos sa tiwala sa kaniyang sarili, kaya ibinabaling niya iyon sa ibang tao.

Ganoon ang nakikita ng marami sa matagal-tagal ding relasyon nina Melai Cantiveros at Jason Francisco. Mas buhay na buhay kasi ang utak ng babae, napag-iiwanan ang lalaki, kaya nauwi rin sa wala ang kanilang pagsasama.

May mga impormanteng nagpapatotoo na sobrang pinoproblema na ni Melai noon pa ang pagiging insecure ng kaniyang karelasyon. Napakaraming bawal, parang nakatungtong sa numero palagi si Melai, dahil siguradong may pag-aawayan na naman sila kapag hindi nasunod ang gusto ni Jason.

Kuwento ng isang source, “Kung makapag-check si Jason kay Melai habang nagtatrabaho, e, parang siya ang may-ari ng isang telephone company. Panay-panay iyon! Check siya nang check!

“Nagseselos na naman siya, sinasaniban na naman siya ng insecurity, iniisip siguro niya na baka nakikipagharutan na sa iba ang misis niya!” kuwento nito.

Napakahirap pa namang makisama sa isang taong walang tiwala sa kaniyang sarili kaya wala ring tiwala sa ibang tao. Nagkokomedya si Melai pero sa likod ng kaniyang mga halakhak ay ang sobrang sama ng loob dahil sa ugali ng ama ng kaniyang anak.

“Nakakaawa si Melai. Nagtatrabaho siya, pagod na pagod, pero sa halip na maging inspirasyon niya si Jason, e, stress pa ang ibinibigay sa kaniya.

“Talagang sa hiwalayan din sila mauuwi. Bibigay at bibigay rin si Melai sa mga ginagawa ni Jason. Mahirap karelasyon ang isang insecure!” dagdag pa ng aming source na nakakatrabaho ng mag-asawa.

Jessy Mendiola – Walang masama kung sila na ngayon ni Lucky

Nakakaawa naman si Jessy Mendiola. Wala naman siyang kasalanan kundi ang tanggapin ang panliligaw sa kaniya ni Luis Manzano dahil pareho naman silang libre pero puro masasakit na salita ang ibinabato laban sa kaniya ngayon ng mga tagasuprota ni Angel Locsin.

Ang dapat daw pangalan ng numero unong pinakaseksing babae ngayon ay hindi Jessy, kundi Anaconda Mendiola, dahil kinaya niyang ahasin si Luis mula kay Angel.

Maling-mali naman ang akusasyon kay Jessy. Noong Enero nang magbalik sa bansa sina Luis at Angel mula sa mahabang bakasyon na kasama ang kani-kanilang pamilya ay tapos na ang kanilang relasyon, hindi lang sila nagsalita agad para sa kumpirmasyon pero Enero pa lang ay hiwalay na sina Luis at Angel.

Apat na buwan pagkatapos nang manligaw si Luis kay Jessy, mahaba ang apat na buwang pagitan, kaya malinaw ang kuwento na walang inahas si Jessy at walang naahas.

Walang dahilan para maging bitter si Angel sa bagong pakikipagrelasyon ni Luis (kahit ayaw pa nilang aminin ni Jessy); lalong walang dahilan para tawaging ahasera ng mga tagasuporta nito si Jessy, dahil tapos na sila ni Luis nang pumasok sa eksena ang seksing dalaga.

Libre siyang makipagrelasyon dahil wala siyang boyfriend, malaya ring magmahal si Luis dahil matagal na silang break ni Angel, kaya nasaan ang problema kung nagmamahalan man sila ngayon?

Mayroon ba?

Marian Rivera – Magpapahinga muna sa showbiz para kay baby Zia

Matindi ang pinakawalang pahayag ni Marian Rivera. Pagkatapos ng mga kompromiso niya sa GMA-7 ay magpapahinga na siya sa pag-aartista para mabigyan nang sapat na atensiyon ang anak nila ni Dingdong Dantes na si Baby Zia.

Malungkot na malungkot ang kaniyang mga tagahanga. Bakit daw kailangang talikuran ni Marian ang maganda niyang career? Puwede raw naman niyang pagsabayin ang pagiging ina at artista.

Pero sa isang banda ay positibo ang desisyon ni Marian na tutukan si Baby Zia sa mga panahong kailangang-kailangan ng isang anak ang buong atensiyon ng kaniyang magulang.

Minsan lang maging bata si Baby Zia, isang araw ay magugulat na lang tayo dahil dalagita na pala ang kaniyang anak. Ganoon kabilis lumipad ang panahon.

Ang paggabay sa isang bata ay nagmumula sa kaniyang crib. Iyon ang pinakamahalagang panahon ng pagdisiplina sa anak, alam iyon ni Marian.

Kaya habang lumalaki ang anak nila ni Dingdong ay gusto niyang maibigay kay Baby Zia ang lahat ng pangangailangang pagmamahal at atensiyon nito.

Hindi madaling matatanggap iyon ng mga tagahanga ni Marian Rivera, pero kung talagang mahal nila ang kanilang idolo, dapat ay tanggapin at respetuhin nila ang desisyon ng atkres.

Para kay Baby Zia ang kaniyang desisyon, hindi para sa kaniyang sarili lang. Gusto niyang lumaki ang kanilang anak ni Dingdong sa kaniyang bisig at hindi sa yaya.

At hindi naman siya permanenteng magpapaalam, pansamantala lang iyon, habang ginagabayan niya ang kanilang anak ni Dingdong.

Napakadakilang ina.

Kris Aquino – Miss na miss ng mga fans sa umaga

Maraming nag-aabang ngayon tungkol sa naging resulta ng pakikipagmiting ni Kris Aquino sa mga ehekutibo ng ABS-CBN. Ilang taong kontrata raw kaya ang napagtapusan nila, babalik daw kaya agad sa telebisyon si Kris, nagkasundo raw kaya sila ng mga executives ng Dos?

Ang lahat ng tanong na iyon ay siguradong si Kris ang sasagot sa kaniyang mga social media accounts. Si Kris pa? Walang makaka-out scoop sa kaniya.

Pero ayon sa mga nakausap naming impormante ay naging maayos ang kanilang usapan, walang dudang nakaplantilya na ang mga gagawing shows ni Kris sa Dos, kasama na rin sa kanilang usapan ang mga pelikulang gagawin niya sa Star Cinema.

Marami mang naiinis-naartehan sa aktres-TV host ay mas maraming kababayan natin ang nakaka-miss sa kaniya sa telebisyon lalo na sa umaga.

Sabi nga ng kaibigan naming propesor na matagal nang tagahanga ni Krissy, “Ilang buwan nang hindi kumpleto ang bawat umaga ako dahil sa absence ni Kris. Nasanay na kasi ako na siya ang unang-una kong pinanonood everyday.

“She owns that time slot, kaniya ang umaga, ibang-iba siyang mag-handle ng show, buhay na buhay. I hope she will not stop doing morning shows dahil masarap siyang kasama sa umaga,” kuwento ni prop.

Isang araw ay nasa telebisyon na uli si Kris Aquino. Tumawad lang siya nang konti pang panahon bago sumalang dahil sa maraming pagbabago sa personal niyang buhay ngayon. Pero siguradong babalik na si Kris.

Ai Ai delas Alas – Sa wakas, napawalang-bisa na ang kasal

Masayang-masaya at nagbubunyi ang boses ng Comedy Concert Queen sa kabilang linya. Pagkatapos nang mahabang panahon ng paghihintay ay nabunutan na siya ng tinik sa lalamunan dahil pinawalang-bisa na ng korte ang kasal nila ng lalaking hindi na namin papangalanan dahil sayang ang aming espasyo.

Malayang-malaya na ngayon si Ai Ai delas Alas, dalaga na siya uli. Puwede na siyang magpakasal sa tamang lalaki sa tamang panahon kung gugustuhin niya.

Isang matinding leksiyon ang natutuhan ng magaling na komedyana sa nakaraan niyang pakikipagrelasyon. Nalaman niya na kung minsan pala ay hindi totoo ang sinasabi ng puso. Nalilinlang ang puso kaya kailangang kambalan ng utak ang lahat ng ating desisyon.

Hindi pala lahat ng sinasabi ng lalaki ay dapat paniwalaan. Napakadaling sabihin ng I love you, pero ang tanong, totoong pagmamahal ba naman ang tinatanggap niya?

Ngayon ay makapagsusulat na ng libro si Ai Ai tungkol sa pakikipagrelasyon. Marami na siyang maisusulat na makukulay na karanasan. May masaya, may malungkot, mayroon ding mga kahindik-hindik na sitwasyon na ang akala niya’y sa komiks lang mababasa.

Matagal na silang magkasama ngayon ni Gerald Sibayan, batambatang naturingan, pero kasundo niya sa halos lahat ng bagay. Siya mismo ang makapagpapatunay na ang pakikipagmahalan ay hindi sinusukat sa edad kundi sa malawak na kaalaman sa buhay.

Kailangan nang kalimutan ni Ai Ai ang nakaraan, ang mahalaga ay ang pangkasalukuyan niyang buhay kasama si Gerald Sibayan, ang kaniyang darling na kapag ngumingiti ay nawawala ang mga mata sa kasingkitan.

Jodi Sta. Maria – Nakipagbalikan na ba kay Vice Gov. Jolo Revilla?

Hindi maikukumpara sa isda si Vice-Governor Jolo Revilla. Hindi kasi siya nagkokomento sa napapabalitang pagbabalikan nila ni Jodi Sta. Maria.

Alam niya sa kaniyang sarili na nahuhuli lang naman ang isda kapag nagbubuka ng bibig para kagatin ang pain. Kundi siya magbubukas ng bibig ay walang makukuhang komento sa kaniya ang kahit sino.

Sa isang pictorial ng aktres para sa isang glossy magazine ay dumating ang batambatang aktor-pulitiko. Sandali lang silang nag-usap dahil may interbyu pa si Jodi, pero binalot ng kilig ang kapaligiran, mukhang nagkabalikan na nga sila.

Nang magkita kami ni VG Jolo ay paulit-ulit ang aming tanong kung sila na ba uli, pero puro paniningkit lang ng kaniyang mga mata ang sagot ng aming kaharap. Talagang mahirap kunan ng pahayag ang simpatikong aktor-pulitiko.

Pero hindi man sila parehong nagbibigay ng kumpirmasyon ay may hatol na ang buong bayan. Sila na uli. Kundi ba naman ay bakit madalas silang nakikitang sabay na nagdya-jogging ngayon?

Bakit dumadalaw na uli si VG Jolo sa taping ng magandang aktres? Bakit ibang-iba na ang bukas ng mukha ngayon ng pulitiko, mayroon na uli siyang inspirasyon.

Maganda ang pansamantala nilang paghihiwalay dahil nanatili ang kanilang pagkakaibigan. Wala rin silang ipinautang na salita laban sa isa’t isa. Maganda ang ginawa nina VG Jolo at Jodi.

Kapag walang salitang pinakawalan ay walang dapat bawiin. Kapag walang pautang ay walang dapat magbayad at singilin.

Malakas ang kutob namin na mauuwi sa altar ang kanilang relasyon. Hindi pa ngayon dahil may problema pa si Jodi sa kasal nila ng ama ni Thirdy.

Kapag napawalang-bisa na ang kasal nila ni Pampi Lacson ay siguradong hindi na pakakawalan pa ni Vice-Governor Jolo ang pagkakataong iharap sa altar ang pinakamamahal niyang si Jodi Sta. Maria.

Willie Revillame – Muling pumirma ng one-year contract sa GMA7

Muling pumirma ng one-year contract si Willie Revillame sa GMA-7 para sa kaniyang matagumpay na programang Wowowin. Masayang-masaya ang buo niyang staff dahil ang kahulugan nga naman noon ay trabaho uli para sa isang buong taon.

Masayang reaksiyon ni Willie, “Isang bagong taon, bagong paghamon, bagong inspirasyon ito para sa aming lahat ng staff ko. Lalo kaming magiging inspired dahil heto, pinagkatiwalaan uli kami ng network namin.

“Gaya ngayon, may bago kaming segment, maganda ito, Tawag Ng Pangangailangan. Ang showbiz, e, may Spell M, di ba? Ang ibig palang sabihin noon, e, matinding pangangailangan.

“Kami naman, tatawagan namin ang mga kababayan nating may pangangailangan. Hanggang kaya naming ibigay ang kailangan nila, go lang nang go ang Wowowin!

“Napakasarap kasing makaramdam noong kasiyahang napi-feel ng kausap mo. Iba ang ibinibigay na saya ng pagtulong. Doon ako maligaya,” mahabang komento ng magaling na game show host.

Araw-araw, tulad din ng kaniyang buong staff, ay inspirado si Willie sa pagpasok sa bakuran ng GMA-7. Ramdam niya kasi ang masarap na pagtanggap sa kaniya ng network, ibinibigay ng istasyon ang mga pangangailangan ng kaniyang programa, laging mainit ang pagtanggap sa kaniya ng mga ehekutibo.

“Napakasarap ng feeling na alam mong you belong talaga. Tsine-check nila kung ano ang mga kailangan namin, alagang-alaga kami ng GMA-7, maraming salamat sa tiwala at pagmamahal na ibinibigay nila sa amin,” pagtatapos ni Willie Revillame.

Have a comment on this article? Send us your feedback

Agosto 16 – 31, 2016

	Hidilyn Diaz
	Alyssa Quijano & Charice (Bandera)
	Alden Richards
	Luis Manzano
	Michaela Cazzola & James Yap (Interaksyon)
	Manny Pacquiao

Hidilyn Diaz –Natanggap na ang Ph 5 million ng Olympic Silver Medalist

Iniabot na ni Pangulong Rodrigo Duterte ang tsekeng nagkakahalaga nang limang milyong piso sa matagumpay nating kababayang Olympic silver medalist na si Hidilyn Diaz. Bukod sa nakuha niyang limang milyong pisong insentibo sa kaniya ng pamahalaan (PSC), binigyan pa siya nang dalawang milyong pisong karagdagan ni Pangulong Rodrigo Duterte; may ibibigay pang kalahating milyong piso sa kaniya ang pamahalaan ng Zamboanga. Huwebes nang gabi nang matanggap ni Hidilyn ang insentibo niya sa pagwawagi ng silver medal sa Rio Olympics. Sumaksi sa pag-aabutan ng papremyo ng dalawang anak ng Mindanao ang mga opisyales ng Philippine Sports Commission.

“Napakasaya ko po, parang hindi ko pa rin mapaniwalaan ang bilis ng mga pangyayari. Bukod sa makatutulong na ako sa pamilya ko, matutulungan ko pa po ang mga kabataan sa amin na nangangarap ding makilala sa weightlifting. “Napakabait po talaga ni Lord, sobrang biniyayaan ako ni Lord,” nangingilid ang luha sa mga mata na pahayag ni Hidilyn Diaz habang iniinterbyu siya sa dalampasigan ng Copacabana Beach sa Rio de Janeiro, Brazil.

Gustong magtayo ng restaurant ni Hidilyn, mahilig siya sa pagkain, pero una muna niyang bibigyan ng panahon ang pagbili sa katabing lote ng kanilang bahay para makapagpatayo siya ng isang modernong gym na magseserbisyo sa mga kabataang nangangarap sa kanilang bayan sa Zamboanga.

Napakakulay ng buhay ng ating bagong bayaning atleta. Mula siya sa isang mahirap na pamilya sa Zamboanga. Tricycle driver ang kaniyang ama at ang kaniyang ina naman ay mas piniling alagaan na lang silang magkakapatid.

Taong 2004 nang maging miyembro siya ng National Team para sa weightlifting. Kinailangan niyang mag-ensayo sa Maynila, ilang buwan siyang kailangang sumailalim sa training, sagot naman ng Philippine Sports Commission ang lahat ng gastos kapag nandito na sila sa Maynila.

“Nangutang po ang mga magulang ko ng pamasahe ko sa eroplano papuntang Maynila. Five-six po. Wala naman kasi kaming pera, magkano lang po ba ang kinikita ng tatay ko sa pamamasada niya sa maghapon?

“Kulang na kulang pa po iyon sa daily needs namin, saka sa pambaon namin sa pag-aaral. Matagal po bago iyon nabayaran ng parents ko. Patubuan kasi, five-six pa, makarating lang po ako sa training.

“Sa gabi, pinauupahan ng tatay ko ang tricycle niya para may extra income siya. Kaya napakahirap po ng buhay namin, hand to mouth po talaga,” pag-alala ng silver medalist ng Rio Olympics sa nakaraan nilang buhay.

Kung pahapyaw na atensiyon lang ang ibinigay sa mga atletang Pinoy na bumiyahe papuntang Brazil noon ay ibang-iba ang init ng pagtanggap na iginawad nang dumating sa bansa ang unang babaeng atletang Pilipino na nagwagi ng medalya sa Olympics.

Hindi siya makapaniwala sa kaliwa’t kanang pakikipagkamay-paghalik sa kaniya ng ating mga kababayan, ayaw siyang pakawalan sa presscon, pinanindigan ng balahibo ang Zamboangena sa napakasarap na pagsalubong sa kaniya nang siya ay umuwi.

Onyok Velasco – Sana’y matulungan ni Sen. Pacquiao makuha na ang Ph 2.5 milyon

Harinawang may magawang paraan si Senador Manny Pacquiao para ang pangako ng gobyerno na napako na lang kay Mansueto “Onyok” Velasco ay hindi mauwi sa kawalan.

Taong 1996, dalawang dekada na ngayon, nang makapag-uwi ng silver medal sa boxing ang pambatong atleta ng ating bayan sa Atlanta Olympics.

Kung tutuusin ay gintong medalya dapat ang pinanalunan niya, pero nadaya si Onyok, ang kalaban niyang Bulgarian na pinaliguan niya ng mga suntok ang tinanghal pang gold medalist.

Madaling-araw noon, sumisigaw ang sports personality na si Joe Cantada, “They just robbed us of the gold!” Inanyayahan nito ang mga Pilipinong gising pa noong mga oras na iyon na tumayo at palakpakan si Onyok Velasco.

Isa kami sa nagbunyi para kay Onyok, malakas na palakpak ang iginawad sa kaniya ng buong bayan, nakalulungkot lang isipin na mula noon ay hindi pa pala napapasakamay ng boksingero ang 2.5M pesos na insentibong ipinangako sa kaniya ng ating pamahalaan.

Halos makipagpatayan na iyong tao para makapag-uwi ng karangalan para sa bansang Pilipinas, dinaya pa nga, pero ang nakalaan palang pabuya o insentibo para sa mga atletang Pilipinong nagtatagumpay sa pandaigdigang labanan ay wala pa rin.

Kailan nila ibibigay kay Onyok Velasco ang kaniyang insentibo, kapag hindi na niya iyon mapapakinabangan, kapag huli na ang panahon?

Nagbigay ng pahayag si Senador Manny Pacquiao na gagawin nito ang lahat ng paraan bilang tagapamahala ng larangan ng sports sa Mataas Na Kapulungan na maibigay ang mga insentibong nakalaan para sa ating mga atleta.

Sana nga, kahit dalawang dekada na ngayon ang nakararaan mula nang manalo siya sa Olimpiyada, ay matikman pa rin ni Onyok Velasco ang produkto ng kaniyang tagumpay.

Ibubulgar na – Listahan ng gumagamit ng droga sa showbiz

Maraming personalidad ang nangangamba ngayon dahil sa anunsiyo ng mga otoridad na pagkatapos pangalanan ang mga pulitiko at negosyanteng sangkot sa pagpapalaganap ng droga ay isusunod na ang pagbubunyag sa mga pangalan ng mga artistang gumagamit ng ipinagbabawal na gamot.

Nakakabahala nga naman iyon, paano kung inginuso lang ang personalidad ng isang source kahit wala naman itong kamalay-malay sa mundo ng pagdodroga, basta ganoon na lang?

Narinig na naman namin ang pag-aanunsiyo ng mga otoridad na susunod nang papangalanan ang mga artistang gumagamit ng ipinagbabawal na gamot. Hawak na raw nila ang listahan, alam na ng mga ito kung sinu-sinong personalidad ang kanilang babantayan, tulad ng mga huwes at pulitikong pinangalanan na ay kasunod na raw agad ang mga artista.

Nagpaliwanag na si Jay-R Siaboc, pati ang dating miyembro ng That’s Entertainment na si Romano Vasquez, totoong sumubok sila noon ng droga pero ngayon ay malinis na malinis na sila.

Sana lang ay ingatan ng mga otoridad ang gagawin nilang hakbang, matindi kasi ang magiging epekto noon sa buhay at career ng mga personalidad na hindi naman gumagamit ng droga, pero kasali sa kanilang listahan.

Ngayon nga lang ay nadadamay na naman ang pangalan ni Robin Padilla dahil kaapelyido niya ang girlfriend ng diumano’y napaslang na tulak ng droga, kaapelyido lang ay nagamit na naman ang action star sa paglalantad ng balita, hindi iyon parehas na laban para kay Robin.

Tama lang na masugpo na ang bisyo ng mga artistang lulong sa ipinagbabawal na gamot, pero sana’y huwag magpadalus-dalos ang mga otoridad sa kanilang gagawing pananakote sa mga artistang pinagbibintangang adik, kailangang dumaan muna ang lahat sa legal na proseso.

At huwag silang makikinig sa mga bulong at sulsol lang. May mga personalidad na itsurang adik lang pero malilinis ang buhay, walang droga sa katawan, mukhang adik lang talaga ang itsura.

At mayroon ding mga taong parang hindi makabasag-pinggan ang imahe, parang walang kamuwangan sa mundo, pero nanghihiram ng lakas ng loob sa ipinagbabawal na gamot.

Charice Pempengco – Halos isumpa ng kaniyang lola Nanay Tessie

Napaigtad kami sa upuan habang binabasa sa amin ni Japs Gersin ang FB post ng lola ni Charice Pempengco na si Nanay Tessie Pineda. Matitindi ang mga litanya nito.

Pagkatapos mong basahin ang kabuuang emosyon ng matanda ay parang isinusumpa na rin nito ang kaniyang apo, parang tapos na at tinutuldukan na nito ang kanilang paglolola, parang wala na itong pakialam ngayon sa international singer.

Ang buod ng galit ni Nanay Tessie ay nasa matagal nang karelasyon ni Charice na si Alyssa Quijano at ang pamilya nito. Sa tabas ng pananalita ni Nanay Tessie ay parang wala nang pinakikinggan ngayon ang kaniyang apo kundi ang singer at binabalewala na lang silang lahat.

Ayon kay Nanay Tessie ay hindi ganyan ang ginawa nitong pagpapalaki sa singer, hindi na raw kilala ni Nanay Tessie ang kaniyang apo ngayon, samantalang ito ang sumubaybay kay Charice mula noong bata pa siya.

Isa lang sa litanya ni Nanay Tessie laban kay Charice, “Mensahe ito sa ‘yo, Charice Pempengco! ‘Yang babaeng ganid sa tabi mo at mga babaeng nagpipilit maging lalaki na kada buwan ay may mga menstruation, nireregla kayo!

“Ginaya mo ang lakas ni sa–-nas, Charice Pempengco! Ginalit mo na ako nang todo! Pati ina at kapatid mo, kinalaban mo! Sana ako na lang ang tina–-tado mo, magtitimpi pa ako!

“Maraming mensahe ‘yang babaeng humu–-hot na ‘yan sa paghihirap mo! ‘Yang hay-p na sa–-nas na mga ‘yan na umuubos ng lakas mo!

“Pag namatay ka sa poder nila, mananagot sila sa akin! At sino man sa kanila, Charice, walang karapatan na ipalibing ka! Naiintindihan n’yo bang lahat? Ako at mommy mo ang may karapatan! Magkakasubukan tayo, Alyssa Quijano, kung sino’ng matapang sa ating dalawa!

“Ako ang nagpalaki, ako ang nagdusa sa pamilya ko, hindi ikaw, pero ikaw ang nagpapasasa sa buhay, at ang mga kapuwa mo ganid na mga walang urbanidad na ginaya ng walang utang na loob na Charice na ‘yan!

“Magkikita rin tayo nang harapan! Sa harap ko n’yo sabihin ang mga message/note n’yong ‘yan! Sasagutin mo, Charice, ang lahat ng pambababoy ng mga palamon mong ‘yan sa harapan ko!

“Hindi kita inilagay sa katayuan mong ‘yan at hindi kita pinaghirapang palakihin para ipalapastangan mo ang pagkatao ko sa mga kapuwa mong mga sa–nas at mga demonyong mga ‘yan!

“Mananagot ka sa akin, Charice, at ikaw Alyssa! Ngayon palang mag-umpisa ka nang mag-isip! Kinalaban n’yo ako, Charice Pempengco, ako ang magbibigay ng pinakamalaking problema sa inyo!”

Isang patunay ito na mas nangingibabaw pa rin ang dugo sa anumang labanan. Nagkaroon ng hidwaan noon si Nanay Tessie at Raquel na ina ni Charice, matitindi rin ang pagpapalitan nila ng mga negatibong salita, pero sa pagkakataong ito ay magkahawak-kamay sa laban ang mag-ina kontra kay Charice.

Sarado na raw kasi ang magkabilang tenga ng singer para sa kanila, si Alyssa na lang daw at ang pamilya nito ang pinakikinggan ni Charice, hindi man binanggit ni Nanay Tessie ang pinakaugat ng kaniyang hinampo ay may malaking kinalaman doon sa mga biyayang dumarating kay Charice na hindi na sila naaambunan.

Ganoon naman ang palaging senaryo. Sila ang magbabayo at magsasaing, pero iba naman ang kakain, sa isang punto ay nakalulungkot nga naman ang ganoon.

May boses na magsalita ng ganito si Nanay Tessie dahil ito ang nagpalaki kay Charice at sumasama-sama sa pagsali niya sa mga amateur contest. Si Nanay Tessie rin ang tumatahi ng mga damit na isinusuot ng kontesera.

Tapos ngayon matagumpay na ang kaniyang alaga ay basta na lang ito maaetsa-puwera? Biglang pumasok sa eksena si Alyssa Quijano na nagpapaligaya naman sa kaniyang apo.

Parang tumutulay sa alambre ngayon si Charice, hindi niya malaman kung saan siya papanig, sa kaniyang pamilya ba o sa babaeng nagpapaganda ng bawat umaga niya at maghapon?

Naghahamon si Nanay Tessie. Gusto nitong magharap-harap sila para matapos na ang gulo. Ewan lang kung tatanggapin ni Charice Pempengco ang hamon.

Sen. Manny Pacquiao – Pabor ibalik ang hatol kamatayan

Nag-ugat ang kuwento sa tanong kay Senador Manny Pacquiao kung pabor ba siya sa parusang bitay o kamatayan para sa mga taong naninira ng buhay ng ating mga kababayan sa pamamagitan ng pagbebenta ng droga.

Oo naman, sabi ng Pambansang Kamao, payag siya sa ganoong kaparusahan para mailigtas ang mga inosenteng tao sa isang kinabukasang walang katiyakan dahil sa paggamit ng ipinagbabawal na gamot.

May himig pa ng pagbibiro ang kaniyang sagot, bigti na lang daw, hindi magastos ang ganoon dahil sisipain lang ang tinutungtungang silya ng bibitayin at tapos na ang proseso.

Aba, nakisawsaw sa isyu ang dating singer na si Leah Navarro na masyadong abalang-abala nitong mga nakaraang panahon sa pagtutok sa mundo ng pulitika, ang dami-dami nitong binubulabog na pulitiko basta hindi kaalyado ng kaniyang mga minamanok at ipinagtatanggol.

Ang kaniyang sabi, “You are a disgrace, Manny Pacquiao. You bring shame to the Philippines!” Ewan kung saang puno ng kawayan hinalukay ni Aling Leah Navarro ang negatibong pagkakalarawan nito kay Senador Manny Pacquiao.

Disgrace? Shame? Bakit at paano? Mulat naman siguro ang mga mata ni Aling Leah Navarro kung sarado man ang kaniyang utak, buhay naman siguro sa kaniyang kamalayan na puro karangalan ang binibitbit pauwi sa ating bayan ni Pacman pagkatapos niyang makipagsagupaan sa lona. Ilang ulit na isinulat ni Pacquiao ang pangalan ng Pilipinas sa mapa ng buong mundo dahil sa kaniyang katanyagan-kahusayan sa larangan ng boksing.

Alden Richards – Totoo at hindi peke ang kabutihang asal

Ang tunay na ugali ay hindi naitatago sa baul. Kapag maganda ang ugali mo ay kakalat iyon na parang apoy at hindi ka man magsalita para magbuhat ng bangko ay iyon ang magsasalita para sa iyo.

Ganoon mismo ang inaani ngayon ni Alden Richards, ang Pambansang Bae, ang pinakakinakikiligang aktor ngayon ng ating mga kababayan. Dumarating at umaalis siya sa lugar na kaniyang pinupuntahan na baon ang mga papuri ng ating mga kapuwa Pinoy.

Wala kasing pinipiling tao si Alden, lahat ay pinasasaya niya. Dikta iyon ng kaniyang puso na gustong magbalik ng pasasalamat sa mga kababayan nating nagpaningning sa kaniyang pangalan.

Sabihin na ni Maine Mendoza na ginagawa lang iyon ng kaniyang ka-loveteam para mas gumanda pa ang kaniyang imahe, sabihin na ni Aling Menggay ang lahat ng pintas kay Alden, pero ang katotohanan pa rin ang lulutang.

Marunong magpahalaga si Alden sa mga taong sumusuporta sa kaniya, matanaw siya ng utang na loob, marunong siyang magpasalamat. Iyon ang katangiang mas magpapatagal pa sa career ng binata kahit mawala pa ang kaniyang katambal sa mapa ng showbiz.

Sabi ng isang male singer na nakakuwentuhan namin tungkol sa Pambansang Bae, “Kapag pinaghirapan mo ang career mo, talagang pahahalagahan mo. Iingatan mo iyon, aalagaan mo, dahil mahaba ang sakripisyong pinagdaanan mo.

“Pero kung bigla ka na lang sumulpot mula sa kung saan nang walang kahirap-hirap, nakakatakot ang ganoong popularity, ilang taon lang, wala na agad-agad.

“Napaka-sweet ng success ni Alden Richards. Minahal siya ng publiko, tapat ang mga fans niya, puring-puri siya ng mga executives ng GMA-7.

“Magtatagal si Alden, hindi kasi siya assuming, walang kayabang-yabang, alam niya ang trabahong pinasok niya. Sa showbiz, kapag hindi ka marunong magpasalamat at tumanaw ng utang na loob, tapos ka na,” makahulugang komento ng male singer.

Maine Mendoza – Gone too soon, wala nang pumapansin ngayon

Kalat na kalat na ang kuwento. Gone too soon ang ikinakambal na caption ng mga kababayan natin sa social media sa nangyari kay Maine Mendoza sa katatapos lang na concert ng banyagang singer na si Selena Gomez.

Pinagkaguluhan sina Liza Soberano, Enrique Gil, Vice Ganda, Angel Locsin, Kathryn Bernardo, Richard Gutierrez at marami pang ibang personalidad na nanood ng concert.

Dumating si Maine Mendoza na napapalibutan ng mga alalay, kapansin-pansin ang ganoon, pero walang nakipag-selfie at nagpa-autograph sa Dubsmash Queen.

Dati, kahit saan magpunta si Maine ay nagkakagulo ang mga kababayan natin, kani-kaniya silang pa-picture sa katambal ni Alden Richards.

Pero noong gabi ng concert ni Selena Gomez ay naging malagihay ang kaniyang presensiya, parang isa lang siya sa maraming nanood ng concert, wala na ang dating mga kababayan nating hindi magkandaugaga sa pagpo-pose sa tabi niya.

Sabi pa ng isang source na halos katabi lang ng grupo ni Maine, “All the time, nakaupo lang siya, wala na kasing lumalapit sa kaniya para makipag-selfie. Ang talagang nambulabog nang bonggang-bongga, eh, sina Liza Soberano at Enrique Gil.

“Pagdating pa lang nila, eh, dinumog na sila ng mga concertgoers, kaliwa’t kanang selfie na ang sumunod, ganoon din ang nangyari kay Vice Ganda.

“Si Maine, parang nawalan na siya ng ningning, iyon na siguro ang next project na dapat niyang gawin, ang remake ng Bituing Walang Ningning ni Sharon Cuneta,” pagdedeklara ng isang impormante.

Wala namang bagay o pangyayari sa buhay na ito na biglaang nawawala. Dumadaan muna iyon sa prosesong hinay-hinay. Pero mararamdaman ang paglakas at paghina, ang pagkagusto at pag-ayaw, hindi iyon maaaring itago.

Sabi naman ng isa pang tagapagmasid, “Nawalan ng saysay ang mga kasama niyang alalay, may mga Hawi Girls pa siya, pero wala naman silang naging trabaho dahil wala silang hahawiin.

“Gone too soon. Napakabilis. Nakaka-one year pa lang siya, di ba? Biglang sikat, biglang wala na rin. Napakabilis, para lang siyang bulalakaw,” madiing komento ng source.

Luis Manzano – Pambansang Patola ang bagong tawag

Pinagpipistahan din ngayon sa social media at maging sa iba-ibang umpukan ang relasyon nina Luis Manzano at Jessy Mendiola. Kung Pambansang Pata ang itinatawag sa dalaga ay Pambansang Patola naman ang bagong titulong ibinibigay ngayon kay Luis Manzano.

Pati tuloy ang mga magulang ng aktor-TV host ay nakakaladkad na sa isyu. Bakit daw hindi iupo nina Edu Manzano at Congresswoman Vilma Santos ang kanilang anak para mabigyan ng seminar tungkol sa paghawak ng mga kontrobersiya.

Sabi ng kaibigan naming propesor, “It’s high time that they talk to Luis. This is very damaging, he should know when to start and when to stop.

“Hindi natin masisisi ang mga taong lumilihis na sa argumento, kaya pati ang gender niya, eh, isinasali na sa controversy. Totoo naman kasi na ang tunay na lalaki, eh, hindi palasalita. Lalong hindi palaaway at pikon,” makahulugang komento ni prop.

James Yap at Michaela Cazzola – Binigyan na ng kapatid si Bimby

Isinilang na ang munting anghel nina James Yap at Michaela Cazzola. Lalaki uli ang anak ng basketbolista tulad din ng dalawang unang anak nito sa magkaibang ina.

May tatawag na ngayon ng kuya kay Bimby, may baby brother na ang anak nina James at Kris Aquino, kaya napakaagang isinasahog ang pangalan ng aktres-TV host sa pagkakaroon ng anak ni James sa karelasyon nitong Italyana.

Nabaligtad nga ang kuwento ngayon. Nainip na yata ang mga bashers ni Kris dahil sa halip na siya ang unang magbigay ng komento tungkol sa pangananak ni Michaela ay inunahan na siya ng mga ito.

Ano raw kaya ang nakatakdang magiging reaksiyon ng aktres-TV host tungkol sa pagkakaroon uli ng anak ng tatay ni Bimby? Maglitanya raw kaya uli si Kris tungkol sa pagiging iresponsableng ama ng basketball player?

Walang nakakaalam kung paano tatanggapin ni Kris ang pangyayaring ito, mahirap kapain ang kaniyang emosyon, mabuti pa nga ang bagyo at alam natin kung saan ang magiging direksiyon pero ang utak ni Kris ay hindi natin alam kung saan papunta.

Tatlo na ang panganay ngayon ni James, puro lalaki ang kaniyang mga anak.

Have a comment on this article? Send us your feedback

Setyembre 1 – 15, 2016

	Alden Richards, sinurpresa ang Reyna ng Intriga, Nanay Cristy Fermin sa kaniyang kaarawan
	Melai Cantiveros
	Jessy Mendiola
	Marian Rivera
	Kris Aquino
	Ai Ai delas Alas
	Jodi Sta. Maria

Kris Aquino – GMA-7 Kapuso na ang dating Kapamilya star

Malakas ang ikot ng balita na ang iniwanang time slot ng morning show ni Marian Rivera ang kukunin ng APT Entertainment para ibigay sa unang proyekto ni Kris Aquino sa GMA-7.

Inaayos na raw ang programa ngayon. Pinagmimitingan na kung paano ang magiging takbo ng unang show ni Kris para sa GMA-7 at sa APT Entertainment ni Tony Tuviera, magiging bonggang-bongga raw ang show.

Panibagong pakikisama ito para sa TV host. Mga bagong mukha ang makakatrabaho niya, hindi tulad sa ABS-CBN na kahit papikit ay kayang-kaya niyang iraos ang kaniyang mga shows.

Ayon sa isang source ay naglatag si Kris ng mga gusto niyang mangyari sa kaniyang show. Natural lang namang ganoon ang gawin ni Kris dahil sa unang programang gagawin niya sa GMA-7 magsisimula ang paghusga ng marami tungkol sa kaniyang paglipat ng network.

Kapag pumalpak ang una niyang show ay doon siya huhusgahan, magkakaroon ng mga pagkukumpara, may sisisi sa desisyon niyang pang-iiwan sa Dos.

Makahulugan ang binitiwang komento ng isang taga-Dos na maraming taon nang nakakasama si Kris, “Good luck na lang sa kanila!” Maigsi lang iyon, pero punumpuno ng kahulugan, mahirapan kaya ang mga taga-APT at GMA na makatrabaho si Tetay?

Dagdag na komento naman ng isa pang kabisado na ang working attitude ni Kris, “Professional siya, yes, pero may mga kakambal na mood swings iyon! Kapag wala sa mood ang lola mo, kailangang maghintay ang lahat kung kailan niya gustong mag-roll!

“Magaling naman siya, in fairness, pero bakit kasi kailangan pang i-set ang mood niya? Hindi ba puwedeng para matapos agad ang trabaho, e, huwag nang mag-inarte pa ang lola mo?”

Masama pa rin pala ang loob ng mga dating katrabaho ng aktres-TV host, napakalayo raw kasi sa kanilang isip ng ginawang paglipat ni Kris, napapailing na lang ang grupo ngayon.

“Nagkagulatan talaga sila, sino nga ba naman kasi ang maniniwalang mayroon palang ganoong plano si Kris? Ang inaasahan nila, eh, sa Dos na puputi ang buhok ng artista nila,” kuwento ng isang source sa umpukan.

Pero hindi basta uupuan lang ni Kris ang paghahanda para sa una niyang show sa GMA-7, gagawin niya ang lahat para maging panggulat ang kaniyang programa, hindi siya makapapayag na mapintasan dahil sa kaniyang desisyong pagtalikod sa ABS-CBN.

Ai Ai delas Alas – Kasama na si ex-BFF Kris sa GMA-7, abangan!

Ngayong nasa pangangalaga na ng APT Entertainment si Kris Aquino ay siguradong magkikita na uli sila ni Ai Ai delas Alas. Ang hinihintay na senaryo ngayon ng mga tagapagmasid ay kung ano ang magiging reaksiyon ng dating mag-BFF kapag nagkita na sila.

May paunang salita na agad ang aming source, “Huwag na huwag mo akong papangalanan kapag isinulat mo ang kuwento. Kapag ginawa mo iyon, idedenay ko na ako ang source mo!”

May kasamang paghalakhak ang kaniyang pagsasalita. Alam mong kaya nitong panindigan ang istorya, kaya nga lang ay ayaw nitong madamay ang kaniyang pangalan hanggang maaari.

Tungkol kay Kris ang chika. At kung gaano katindi ang pagka-insecure ng aktres-TV host sa kaniyang dating BFF na si Ai Ai, maraming kuwentong alam ang aming source, may seryoso at mayroon ding nakakatawa.

Heto ang kaniyang litanya, “Di ba, manipis talaga si Kris kapag success na ng iba ang issue? Di ba, pagkalakas-lakas ng mga movies ni Ai Ai sa Star Cinema?

“Natural, sikat na sikat si Ai Ai, kailangang kaibiganin siya ni Kris! Alam n’yo naman ang babaeng iyon, di ba? Paggising pa lang niya, eh, tinatanong na niya agad sa mga staff niya, ‘Who’s sikat today?’

“So, the sikat today is Ai Ai, pinipilahan kasi ang mga movies niya, successful ang mga concerts niya, marami siyang projects, sikat na sikat nga si Ai Ai!

“Iyon na! Umariba na si Kris sa pagreregalo, flowers lang muna noong una, congratulatory churva, pero noong mga sumunod na linggo, nagpapadala na siya ng mga regalong kung anu-ano.

“Magkaibigan sila, mag-BFF nga ang tawag nila sa isa’t isa, di ba? Mahal ng pamilya ni Kris si Ai Ai, proud naman ang girl dahil pati si Tita Cory, naka-close niya,” simulang kuwento ng aming source.

Nagsasabihan sila ng mga problema, ilang oras silang nag-uusap sa telepono, walang pinipiling panahon iyon basta libre silang dalawa sa trabaho.

Nagkaroon nang matinding away sina Kris at James Yap, iniyakan ni Kris ang kaniyang BFF, sa sobrang pakikisimpatya sa kaniya ni Ai Ai ay nakapagsalita ang komedyana laban sa basketbolista.

Patuloy ng aming source, “Eh, hindi naman nagtatagal ang away-mag-asawa, di ba? So, nagkabati rin sina Kris at James. Aba, sinabi ba naman ni Kris kay James ang mga ipinayo sa kaniya ni Ai Ai?

“Sinabi ni Kris kay James ang sinabi ni Ai Ai na isoli na lang daw niya si James sa pamilya niya. Hiwalayan na raw niya kung ganoon din lang naman na niloloko pala siya!

“Natural, nagalit si James, tinawagan niya si Ai Ai! May mga salitang pinakawalan si James na napakasakit para kay Ai Ai! Imagine, hiningan siya ng payo, nagbigay naman siya out of awa sa kaibigan niya, tapos, siya pa pala ang malalagay sa alanganin?

“Galit si James kay Ai Ai, siya ang naipit, samantalang itong si Kris ang nagkuwento nang nagkuwento sa kaniya ng mga kapintasan ni James!

“Mula noon, tumabang na ang pagkakaibigan nila. Nag-sorry sa kaniya si Kris, pero wala nang tiwala si Ai Ai sa kaniya, dahil para sa kaniya, walang betrayal dapat sa pagitan ng magkaibigan,” emosyonal na kuwento ng aming impormante.

Fast forward tayo. Nagkahiwalay sina James at Kris, nagkaroon ng pagkakataong magpaliwanag si Ai Ai sa basketball player, ang dami-daming nalamang kuwento ng Philippine Comedy Queen tungkol sa kaniyang dating BFF.

Kuwento uli ng aming source, “Kung ikaw si Ai Ai, ano ang mararamdaman mo? Gugustuhin mo pa ba uling maging kaibigan si Kris? At napakaraming sama ng loob ni Ai Ai kay Kris.

“Nadamay pati ang mga executives ng Dos, kinuha niya ang loob ng mga bossing, iyon na ang hindi kinaya ni Ai Ai kaya lumipat na siya ng network,” napapailing na kuwento ng aming source.

Sharon Cuneta – Unti-unti nang bumabagsak ang timbang ni Mega

Isang kaibigan namin ang nakakita kay Sharon Cuneta kamakailan sa ABS-CBN. Malaki na nga raw ang ibinagsak ng timbang ng Megastar, kitang-kita raw iyon sa kaniyang dating nagmumura sa laking balakang na ngayon ay lumiit na, pati raw ang mga braso ni Sharon ay halatang malaki ang iniimpis.

“Malaki na talaga ang ipinayat niya, mapapansin naman iyon, pero huwag naman sanang maging OA ang iba sa pagsasabing sobrang pumayat na si Sharon.

“Malaking timbang pa ang kailangan niyang ibagsak, malaking babae na kasi talaga si Sharon, kaya hindi siya puwedeng pumayat nang mabilisan.

“Kapag malaki ang tao, matagal bago siya makapagbagsak ng weight. Kalat na kalat kasi ang taba niya, marami siyang anggulong dapat ayusin, paisa-isa lang ang process noon.

“Nakakatuwang malaki na nga ang ipinayat ni Shawie, pero matinding discipline ang kailangan niyang gawin, tiis-ganda talaga iyon,” kuwento ng aming source.

Walang problema sa mukha ang Megastar, isa siya sa mga artistang may make-up man o wala ay magandang-maganda, lalo na ang kaniyang ilong na napakaganda ng gapang at lapirutin mo man ay magsisisigaw na hindi iyon retokado.

“Konting-konti na lang at makababalik na si Sharon sa ideal weight niya. Huwag lang uli siyang kakain nang maganang-magana at isang araw, isang bagong Sharon na ang haharap sa publiko,” pagpapatunay pa ng aming source.

Pangulong Duterte at Sen. Leila de Lima – Dinaig pa ang showbiz sa dami ng kontrobersya

Kabog na kabog ngayon ng mundo ng pulitika ang balwarte ng showbiz. Mas mainit na tinututukan ngayon ang mga kaganapan sa pulitika, lalo na ang hidwaan sa pagitan nina Pangulong Rodrigo Duterte at Senadora Leila de Lima, kumbaga sa showbiz ay ang kanila ang pinakakontrobersiyal.

Grabe ang mga pagpapalitan nila nang maaanghang na salita, personalan kung personalan, lalo na ang mga pagbubunyag ng ating pangulo tungkol sa lovelife ng senadora.

Komento ng kaibigan naming propesor, “Ano ito, kinakabog na ng politics ang mundo ng mga artista! Iyong tungkol lang sa mga personalities na kasama raw sa listahan ng drug users ang maingay, e, off shoot lang naman iyon ng kampanya ng PNP ngayon kontra sa droga!

“Grabe, binubulabog ni Ka Digong ang buong mundo, hanggang sa CNN, may moment siya, nakakaloka! Nasa mundo ng pulitika na ngayon ang malalaking isda, sila na ang pinag-uusapan, ano pa ang naiiwanan sa showbiz ngayon?

“Puro isdang maliliit na lang, mga gurami, walang bagong issue, matamlay ang showbiz ngayon!” tawa nang tawang pahayag ni prop.

Marami pa rin namang maiinit na balitang-artista ngayon, kaya nga lang ay mas mainit ang salpukan ng mga pulitiko, kaya napagkukumpara ang dalawang mundong ito.

Ang inaabangan ngayon ng ating mga kababayan ay ang paglaya ng magkaibigang Senador Jinggoy Estrada at Senador Bong Revilla. Ang tanong, totoo kayang si Senadora Leila de Lima ang ookupa sa kanilang piitan kapag nakalaya na sila?

Dulce – Matindi ang mensahe para kay Sen. Leila de Lima

Kahit kailan ay hindi nasangkot sa kahit anong kontrobersiya ang magaling na singer na si Dulce. Wala siyang nakakaaway, tahimik lang siyang kanta nang kanta, kaya malaking isyung pinagpipistahan ngayon ang kontrobersiyal at kumakagat niyang post kamakailan sa kaniyang FB account.

Matindi ang hugot ng magaling na veteran singer, napakatagal niyang kinimkim ang saloobing ito, pero ngayon lang siya nakasilip ng pagkakataon para maibulalas ang kaniyang damdamin.

Sinserong post ni Dulce, “Simula’t simula, sinabi nang bumitaw ka at huwag nang magsalita. Kahit sekreto na lang sana, isinuko mo na. Heto na at lumalala, naghahamon ka pa! Ano? Nagpa-panic? Umiiyak? Nagmamakaawa daw? Iyong angas n’yang iyon?

“Nadidiktahan ka pa nga. Gusto ko mang maawa pero katotohanan ang kailangang lumabas. Tama na, nagamit ka na nang husto ng amo mo at mga kakulay mo, sabay-sabay din silang pumuputak ngayon, synchronized, to divert the issue.

“Tama na ang tapang-tapangan at pagiging over-confident, hindi ka nila kayang protektahan, only the truth can protect you.

“Marami na kayong pinahirapan, marami nang buhay ang nasira pero tila wala ka nang pakialam, naging manhid ka na at hindi mo ramdam ang sakit at bigat na nararanasan ng libu-libong pamilyang biktima ng droga.

“Inalis at tinerminate mo ang mga taong tapat sa kanilang trabaho dahil lang sa ayaw sumabay sa inyo sa gusto ninyong mangyari. Gusto n’yo, itikom na lang ang mga bibig nila, basta tanggap na lang nang milyones galing sa drug lords.

“Sorry, ha, hindi talaga kaya ang magpaka-bulag, pipi at bingi at ipagkanulo ang bayang ito. Hindi masikmura ng asawa ko ang pakainin kami ng galing sa perang ipinangwasak n’yo ng buhay ng ibang tao.

“Kaya ang pinakamadaling paraan ay tanggalin na lang para walang hadlang sa mga ginagawa ninyo, di ba? Nasaan na ang sinasabi mo sa sambayanan na ‘I love you’? At the back of your mind, ‘I will kill you’? Dahil tuluy-tuloy pa rin ang paglipana ng pabrika ng shabu while you served as head of the Department of Justice?! “Nasaan ang hustisya?! What have you done to your family’s good name? I pray you’d be jolted out from your slumber, and hope it’s not yet too late. I pray for redemption,” kumpletong post ni Dulce.

Mayor Herbert Bautista – Ang kapatid na si Konsehal Hero ay sangkot sa droga

Hindi apektado si Mayor Herbert Bautista sa mga malisyosong kuwento ng pag-uugnay sa kaniya sa usapin ng droga. Lumutang ang balita na isa raw siya sa mga protektor ng droga sa kaniyang pinamumunuang lunsod.

Tanging iling ang reaksiyon ng aktor-pulitiko sa lumabas na istorya, malinis kasi ang kaniyang kunsensiya, kahit minsan ay hindi siya naging protektor at kahit kailan ay hindi siya magiging protektor ng droga.

Matinding lungkot ang umatake kay Mayor Bistek nang umamin ang nakababata niyang kapatid na si Konsehal Hero na positibo ito sa paggamit ng ipinagbabawal na gamot.

Depresyon ang bumagabag sa kaniya, sino nga ba ang mag-aakala na ang mismong kapatid pala ng tagapamuksa ng droga sa lunsod na kaniyang pinaglilingkuran ang kailangang parusahan, pinaghalong awa at pagkabigo ang naramdaman ni Mayor Herbert sa pag-amin ni Konsehal Hero.

Pero hindi lang naman sa kaniya nagaganap ang ganito, maraming iba pang mga pulitikong nabibigo rin sa kanilang kampanya laban sa droga, dahil nasa tungki lang pala ng kanilang ilong ang dapat nilang bigyan ng leksiyon.

Hindi niya naman nakakasama nang beinte kuwatro oras ang kaniyang kapatid, bukod sa pagiging kuya ay ama rin siya ng lunsod ng Kyusi, nakalulungkot lang pero hindi dapat ipaako kay Mayor Herbert ang ginawa ng kaniyang utol.

Walang may gusto sa pagbibisyo ng konsehal, pero maraming kababayan natin ang humanga sa kaniyang katapangan, ang mas malalaking pangalang nasangkot sa usapin ng droga ay puro pagdedenay ang sagot sa ginagawang operasyon kontra sa droga ng PNP.

Pero hindi sapat ang pag-amin, ang mas importante ay ang pagbabago, ang tuluyan nang pagtalikod sa bisyong walang nagagawang maganda sa mga gumagamit nito.

James Reid – Kahanga-hanga, magaling na role model ng mga kabataan

Mas maraming nagkagusto kay James Reid dahil sa kaniyang posisyon ng pagpapa-drug test anumang oras para patunayan na hindi siya kasali sa listahan ng mga personalidad na gumagamit ng ipinagbabawal na gamot.

Ang katapangan ng guwapong young actor ay sinaluduhan ng mga magulang, lalong nagkaroon ng dahilan ang mga ito para piliing hangaan ng kanilang mga anak si James, dahil isa siyang ehemplo ng isang huwarang kabataan.

Totoo, nagpa-party siya, pero hanggang doon lang. Hindi siya nagpa-party drugs. Tama na sa kaniya ang pakikinig ng musika habang tumutungga ng inuming medyo nakapagpapagana pero kaya niya namang kontrolin.

Kailangan ni James Reid ang paminsan-minsang pagpunta sa bar. Halos wala nang pahinga ang heartthrob sa pagtatrabaho, siguro nama’y hindi krimen kung magpalipas naman siya ng oras sa labas, regalo na lang niya iyon sa kaniyang sarili.

Pero para pumayag siyang sumailalim sa isang biglaang drug test ay sapat nang dahilan para mapatunayan niya na hindi siya nanghihiram ng lakas ng loob sa droga.

Hindi siya gumagamit ng ipinagbabawal na gamot, bitamina, tamang pagkain at pagdyi-gym nang regular ang ginagawa niyang panglaban sa sobrang pagod at puyat sa shooting at taping.

Inspirasyon ng anak naming si Bulak sa pag-aaral ang JaDine loveteam. Tutok ang aming bunso sa mga aktibidad ng magka-loveteam, kabisado nito pati ang kanilang mga product endorsements, kitang-kita namin ang kaligayahan nito kapag tinututukan ang serye ng JaDine.

Pinababayaan namin si Bulak, mahusay ang kaniyang panlasa, perpektong modelo para sa mga kabataan ang tambalan nina Nadine Lustre at James Reid.

Maja Salvador – Flirt kasi kaya binabash dahil sa relasyon kay JLC

Ewan kung gaano kalaki ang pang-unawa at lawak ng pasensiya ni Maja Salvador para tanggapin ang mga upak sa kaniya ngayon sa social media.

Ang pagiging malapit nila sa isa’t isa ngayon ni John Lloyd Cruz ang dahilan kung bakit pinuputakti si Maja ng mga negatibong komento. Wala raw siyang kadala-dala, wala rin siyang pinipiling tuksuhin, ang iniisip lang daw ng aktres ay ang sarili niyang kaligayahan.

At iyon ay ibinabato na agad kay Maja nang wala pa namang pruweba kung totoong magkarelasyon na nga sila ni JLC, paano kung nagsasabi siya ng totoo na magkaibigan lang sila, nakakaawa naman ang young actress.

Pareho naman silang libreng makipagrelasyon ni John Lloyd ngayon, pareho silang malaya, kaya kung sakaling totoo ngang ayaw pa lang nilang umamin pero sila na nga ay walang dapat ipag-alala ang dalawa.

Flirt daw kasi si Maja Salvador, basta nagustuhan niya ang lalaki ay siguradong gagawa siya ng paraan para makuha ang atensiyon nito, manang-mana raw si Maja sa kaniyang pinagmanahan.

Kung sino ang kadugo niyang tinutukoy ng mga umuupak sa kaniya ay hindi namin alam.

Angel Locsin – May bago nang boyfriend ngayon

Nakagaganda para kay Angel Locsin ang pagkakaroon ng bagong karelasyong makapagpapasaya sa kaniya. Mas magandang may bago siyang pinagtutuunan ng pansin para hindi nasasabi ng kampo ni Jessy Mendiola na hindi pa rin siya nakakasulong mula sa nakaraan nilang relasyon ni Luis Manzano.

Galing sa isang maayos na pamilya si Nino Barbers, nirerespeto sila sa Surigao, puro pulitiko ang mga miyembro ng pamilya ng sinasabing nagpapaligaya ngayon kay Angel.

Noong magdesisyon ang aktres na burahin nang lahat ang mga retrato ni Luis sa kaniyang IG account, pati ang mga larawang magkasama sila, ay nagkaroon ng kutob ang marami na mayroon nang bagong karelasyon si Angel.

Bakit pa nga naman siya mabubuhay sa nakaraang kung mayroon namang bagong manliligaw na nagbibigay ngayon ng espesyal na atensiyon sa kaniya? Kalimutan na ang kahapon.

Hindi bawal makipagrelasyon uli si Angel dahil malaya siya, ganoon din si Nino Barbers, mukhang magiging maayos ang kanilang relasyon dahil maginoo ang dating ng binata sa mga retratong ipino-post ni Angel.

Siguro naman ay tatantanan na siya ngayon ng mga pamba-bash ng kampo ni Jessy Mendiola. May bago nang nagpapasaya kay Angel, tapos na ang kung anumang namagitan sa kanila ni Luis.

At sana nga ay magtagal sina Luis at Jessy para magkaroon naman ng kabuluhan at saysay ang matinding pagtatanggol ng TV host sa mga umookray kay Jessy. Kung magiging panandalian lang ang pagmamahalan nila ay sayang na sayang naman ang effort ni Luis Manzano.

Vhong Navarro – Plakado ang galaw ni Papang Chiquito

Kuwento ng staff ng Cineko Productions na abalang-abala ngayon sa paggawa ng Mang Kepweng Returns ay wala raw kahirap-hirap na katrabaho si Vhong Navarro.

Walang kaarte-arte, walang reklamo, trabaho lang daw nang trabaho ang bumibida sa pelikula. Sinesegundahan namin ang mga papuri ng Cineko Productions sa magaling na actor-dancer-TV host.

Sino nga ba naman ang makalilimot sa matinding tagumpay ng pelikula ng pinagbidahan ng yumaong komedyanteng si Papang Chiquito? Mahigit na isang buwan na ipinalabas sa mga sinehan ang Mang Kepweng.

Plakado ni Vhong Navarro ang mga galaw ni Papang Chiquito, pati ang pagsasalita ng pumanaw na komedyante ay kuhang-kuha niya, para ngang nabuhay si Mang Kepweng sa katauhan ni Vhong Navarro.

Markado ang Mang Kepweng Returns dahil ito ang unang pagbabalik-pelikula ni Vhong Navarro pagkatapos ng kontrobersiyang naganap sa kaniyang buhay.

Dalawang linggo naming nakasama sa Canada si Vhong Navarro. Apat na shows ang ginawa namin doon kasama si Vina Morales. Hindi siya kailanman naging problema ng mga prodyuser, kung kailangan nilang mag-promote ng show sa mga Pinoy stores ay wala siyang reklamo, kaya puring-puri ni Lala Aunor si Vhong.

Ang disiplina ay bitbit ni Vhong kahit saan siya magpunta. Nakahanda na siya bago pa tawagin sa hotel room, pati ang kaniyang mga materyales ay nakaayos na rin, masarap siyang katrabaho dahil hindi mo siya poproblemahin.

Have a comment on this article? Send us your feedback

Setyembre 16 – 30, 2016

	Liza Soberano
	Janella Salvador
	Marian Rivera & Dingdong Dantes
	Maricel Soriano
	Lea Salonga

Secretary Martin Andanar – Napakahirap ng posisyon dahil sa bokabularyo ni DU30

Napakaagang nasalang sa mainit na tubig ang dati naming kasamahan sa TV5, ang tagapamuno ngayon ng Presidential Communications Operations Office (PCOO) na si Secretary Martin Andanar.

Maraming ibinubutas sa kaniyang ahensiya ngayon, sablay ang kaniyang mga nasasakupan, pero kapuri-puri si Secretary Andanar dahil inako niya ang mga kakapusan ng kaniyang ahensiya at hindi siya nagturo ng iba.

Mahirap ang kaniyang posisyon ngayon bilang tagapamuno ng ahensiyang kailangang palaging nakatutok sa mga aktibidad ni Pangulong Rodrigo Duterte.

Gustung-gusto nilang masunod ang nararapat, pero may kakaibang atake ang ating pangulo. Nirerespeto nila iyon pero sila naman ang naiipit-nasisisi sa mga kalabisan at pagkukulang diumano ng kanilang opisina.

Magandang tingnan na palaging kakambal ng ating pangulo si Secretary Andanar saan man ito magpunta, lalo na sa mga usaping pang-internasyonal. Pero ngayon pa lang ay mararamdaman nang mahihirapan ang kaniyang grupo sa mga atakeng alam ng ating pangulo.

Sa maraming pagkakataon ay nakapagsasalita si Pangulong Duterte ng mga hindi inaasahan ng kahit sino, nagugulantang na lang ang lahat, punumpuno ng sorpresa ang bokabularyo ni Pangulong Digong.

Sa maraming pangulo na ng bansa na aming nakagisnan ay ngayon matindi ang pag-iingat ng mga network sa pagbabantay ng speech ng pangulo. Ngayon lang natin nakikita ang mga salitang bini-bleep sa himpapawid, dahil mahilig magmura ang ating pangulo.

Si Ka Digong na mismo ang nagsabi, “We cannot solve any problem with anger,” harinawang palaging nakapagkit sa isip ng ating presidente ang kaniyang sinabi.

Nakakaaliw pakinggan-panoorin si Pangulong Duterte habang naglilitanya. Walang espasyo ang pagkaantok kapag ito na ang nagsasalita, pero ang pagkaaliw ay nauuwi sa pagkabaliw paminsan-minsan dahil sa tindi ng mga pinakakawalan nitong salita.

Pero alam naming hindi susukuan ni Secretary Martin Andanar ang kaniyang trabaho. Hindi niya uurungan ang paghamong ito, sa ginawa pa lang niyang pag-ako sa mga kakapusan ng pinamumunuan niyang ahensiya ay dalawang kamay na agad ang pagsaludo namin sa kaniya.

Napakasarap pakinggan ng linyang “I take responsibility,” bilang tao at bilang propesyonal ay iyon talaga si Martin Andanar, kaya hindi siya manununo kahit kailan.

Kris Aquino – Hindi man lang hinabol ng dating network ang kanilang reyna noon

Siguradong may leksiyong natutunan ang mga artistang nagtatrabaho sa ABS-CBN sa nangyari kay Kris Aquino. Isang napakalaking ehemplo si Kris sa gasgas nang kasabihan na sa kahit anong larangan ng buhay ay walang hindi maaaring mawala at bumaba.

Walang nag-isip na ang isang tulad ni Kris ay mawawalan pala ng espasyo sa isang kaharian na dati niyang pinagrereynahan. Sino nga ba ang mag-aakala na sa laki ng kaniyang pangalan ay puwede pala siyang pakawalan at hindi na habul-habulin?

Hindi maganda ang pagpasok ng 2016 para kay Kris.

Malaking sampal para kay Kris ang ginawa ng pamunuan ng ABS-CBN. Hindi niya akalaing magagawa iyon sa kaniya ng istasyon, reyna siya ng network, paano nga naman mangyayari iyon?

Pero heto na nga. Puwedeng mangyari iyon. Walang indispensable sa kahit anong linya ng propesyon. Lahat ay puwedeng mawala, lahat ay maaaring isakripisyo, lahat ay puwedeng mapalitan.

Sino rin ang mag-iisip na ang sinasabing pinakamalaking bituin ng network ay puwede palang mawalan ng ningning sa panukat ng istasyon isang araw?

Lumalagapak ang sakit noon para kay Kris. Ang kapaniwalaan kasi noon ng mas nakararami ay mawawalang lahat ang mga artista ng ABS-CBN, puwera lang sa aktres-TV host, dahil ang kaniyang pamilya ang muling nagbalik sa istasyon sa mga may-ari.

Pero walang tamang akala, nawalan ng saysay ang mga kuwento, kaya ang mahigit na dalawang dekadang ginugol ni Kris sa bakuran ng Dos ay isang kasaysayan na lang ngayon.

Alden at Maine – may kani-kaniyang paksyon na ang AlDub Nation

Nagkakagulo ngayon ang mga tagahanga nina Alden Richards at Maine Mendoza. Nagsimula sila bilang isang solidong grupo, ang AlDub Nation, pero ngayon ay may kani-kaniyang paksiyon na sila.

Nagkakapangil na rin ang mga tagahanga ng Pambansang Bae. Nakikipaglaban na sila sa mga tagasuporta ni Maine na kung makapangbuska ay akala mo wala nang bukas pa. Sabi nga ng isang nakausap namin ay dapat na raw putulan ng dila at mga daliri ang mga tagahanga ni Yaya Dub dahil sumosobra na ang mga ito sa pambabagsak kay Alden.

Noong una ay tahimik lang ang mga nagmamahal kay Alden, pinababayaan lang nilang lait-laitin ng mga fans ni Maine ang kanilang idolo. Pero nang magising ang grupo ay nawindang ang mga tagasuporters ng babaeng Bagang at Bunganga kung tawagin nila.

Hindi na sila nagpapatalo, todo-depensa na sila sa guwapong aktor na kinakawawa diumano ni Maine at ng mga alagad nito. Kampon ng kadiliman kung tawagin ng marami ang mga tagasuporta ni Menggay.

Paminsan-minsan ay dapat din naman kasing may nakakatapat ang ibang mga tagasuporta ni Yaya Dub na gustong angkinin ang buong mundo. Akala yata ng mga ito ay dinisenyo ang social media para sa kanila lang.

Wala nang pinakamaganda at pinakamagaling kundi ang kanilang idolo lang. May mapansin lang silang personalidad na hindi nagkakagusto kay Maine ay bina-bash na nila nang walang humpay.

Nakapagtataka lang na si Maine ang puno, pero wala itong magawa sa kaniyang mga bunga, hindi ba sila nagkakaroon ng pagkakataong magsama-sama para mapigilan ang kaniyang mga fans na sobrang nag-enjoy na sa pangnenega kay Alden Richards, sa mga kolumnista at sa maraming personalidad?

Isa sa pinakamahirap pagtagumpayan sa mundong ito ay ang pagsasabunot sa kalbo.

Liza Soberano – Iba talaga ang may magandang breeding

Iba talaga ang may breeding. Naturingang nanirahan nang matagal na panahon sa ibang bansa, pero ang ugali ng magandang young actress na si Liza Soberano ay Pinoy na Pinoy pa rin. Kahit saan siya magpunta ay puro papuri ang kaniyang tinatanggap mula sa ating mga kababayan.

Walang kaarte-arte, ganoon kung ilarawan si Liza Soberano ng kaniyang mga katrabaho. Mabait at humble, sabi naman ng mga nakakatiyempong makita siya sa mga pampublikong lugar, ang ganda-ganda ng imahe ng batang aktres.

Kaya naman lalong gumaganda ang kaniyang career. Mabenta si Liza sa pag-eendorso ng maraming produkto. Pareho lang sila ng kaniyang manager na si Ogie Diaz na napakadaling kausapin.

Noong minsang binabagtas namin ang kahabaan ng EDSA ay nakakita kami ng isang grupo ng mga estudyante. Puro kalalakihang bagets ang magkakasama at may kinukunan sila ng picture sa isang truck na halos hindi na umuusad dahil sa tindi ng trapik.

Nang tingnan namin kung sino ang pinagkakaabalahan nilang kunan ng retrato ay si Liza Soberano pala, may hawak siyang produktong pambabae, nag-aapiran pa ang mga estudyanteng lalaki pagkatapos nilang kunan ng picture si Liza Soberano.

Ganoon katindi ang dating ng young actress, ganoon kalakas ang karisma niya sa mga kabataan, kung paanong paborito rin siya ng mga nanay ng tahanan.

Mina ng ginto ng ABS-CBN at Star Magic si Liza Soberano na puwedeng-puwedeng maging beauty queen dahil wala siyang pinipiling anggulo.

Dingdong at Marian – Enrolled na sa infant school si Baby Zia

Sampung buwan pa lang ngayon ang munting anghel nina Dingdong Dantes at Marian Rivera, pero estudyante na si Baby Zia, in-enroll ng mag-asawa ang kanilang anak sa isang infant school.

Palibhasa’y edukasyon ang hindi naasikaso ni Marian para sa kaniyang sarili ay gusto niyang maibigay ang lahat-lahat para sa kanilang anak. Gusto niyang makapagtapos si Baby Zia, wala sa isip ni Marian ang posibilidad na isang araw ay baka mag-artista na rin ang kanilang panganay.

Napakalaking bagay para sa isang lumalaking bata ang pakikisalamuha sa maraming tao. Doon nabubuo ang tiwala ng bata sa kaniyang sarili, maaga nitong natututuhan ang magandang pakikisama.

Napakabilis pa naman ng lipad ng panahon ngayon, hindi mo mararamdaman ang paglaki ng mga bata. Iyon ang hindi pinabayaang mangyari nina Dingdong at Marian kaya palagi silang nakatutok kay Baby Zia.

Tama ang kanilang opinyon na hindi lang quality time ang kailangan ni Baby Zia kundi quantity time. Mas maraming panahon silang iniuukol para sa kanilang anak ay mas ideyal. Sobrang suwerte nga ni Baby Zia sa kaniyang mga magulang.

Sunshine Dizon – Hindi pera kundi emosyon ang sangkot sa demandahan

Nagkausap kami noong isang araw ng isang malapit na kaibigan ni Sunshine Dizon. Kinumpirma nito ang pagwi-withdraw ng abogado ng aktres na si Attorney Claire Castro, pero maayos daw naman ang kanilang paghihiwalay, walang problema sa pagitan nila.

Sinabi rin ng aming kausap na walang katotohanan ang napabalitang amicable settlement sa pagitan nina Sunshine at Timothy Tan, ang ama ng kaniyang mga anak, dahil hindi naman salapi kundi emosyon ang sangkot sa kanilang demandahan.

Kuwento ng aming source, “Walang involved na pera sa mga nangyayari ngayon. Ipinahihiram ni Sunshine ang mga bata kay Timothy dahil ang katwiran niya, saanman daanin, e, forever na tatay ng mga bata si Tim.

“Ibinibigay lang niya ang para sa mga anak niya, ayaw niyang lumaki ang mga bata na nagtatanong at baka one day, e, sisihin pa siya for not giving them the chance to be with their father.

“Open si Sunshine sa ganoon, pero sa reconciliation? Ayokong magsalita about that, anything kasi can happen, pero sa tantiya ko kay Sunshine ngayon, napakalayo sa isip niya ang pakikipagbalikan,” malinaw na komento ng aming kausap.

May mga bago nang abogado ang aktres, tuloy ang mga ihinahain niyang kaso laban kay Tim at sa sinasabing mistress nito na si Clarisma Sison, walang nabago sa nasimulan na niyang mga hakbang laban sa dalawa.

“Sunshine is a very decisive person, may paninindigan siya. Hindi siya makukuha sa mga sweet talk, matindi ang kagustuhan niyang maparusahan ang dapat managot sa mga nangyayari ngayon,” pahabol pa ng aming source.

Lea Salonga – Kapatid sa ama na si Phillip Salonga ang sangkot sa droga

Sunud-sunod na ang nagiging kuneksiyon sa showbiz ng kampanya ng ating pamahalaan kontra sa ipinagbabawal na gamot. Una ay si Hero Bautista, aktor-pulitiko na nakababatang kapatid ng mayor ng Kyusi, nasa rehab na ito ngayon.

Ikalawa ang isang Phillip Salonga na nagpakilala at tinanggap namang kapatid ng international star na si Lea Salonga. Magkapatid sila sa ama.

At ang pinakahuli na malaking tandang-pananong pa hanggang ngayon ay ang pagkapaslang sa nakababatang kapatid ni Maritoni Fernandez na si Aurora Moynihan.

Sa mga napanood at nabasa naming report ay natagpuan ng mga otoridad ang bangkay ng babae sa isang barangay sa Kyusi, sa ibabaw ng bangkay nito ay mayroon pang placard na ang nilalaman, “Drug pusher ng mga celebrities. Kasunod na kayo!”

Pinagdududahan si Aurora Moynihan na nagbebenta ng mga party drugs sa mga kilalang personalidad, may mga nakuha ring kagamitan sa pagsa-shabu sa kaniyang bag, ayon sa mga report.

Napakabilis ng buhay ngayon, kausap mo lang ang tao, maya-maya ay mababalitaan mo na lang na itinumba na. Maraming tanong kung bakit, pero walang makasagot, ang tanging ginagawang basehan lang ay ang mga placards na nagsasabing kundi man user ang itinumba ay pusher daw.

Pambansang salot talaga ang droga. Pangbuong mundo pa nga. iyon ang klase ng laban na kapag pinasok mo ay wala kang kalaban-laban. Sa umpisa pa lang ay nakaguhit na ang magiging kapalaran mo.

Kundi ka mapapraning, kundi ka magkakasakit at mawawala sa iyong huwisyo ay kamatayan ang kauuwian mo, iyon lang ang sigurado sa mundo ng ipinagbabawal na gamot.

Luis Manzano at Claudine Barretto – Nagpa-drug test, malinis ang resulta

Negatibo ang drug test ni Luis Manzano. Magandang balita iyon.

Ayaw ring tantanan si Claudine Barretto ng mga bashers. Ang pagpapa-drug test ng aktres na negatibo ang resulta ang ugat ng mga pambabatikos ngayon sa kaniya.

Paano at bakit daw negatibo ang naging resulta ng drug test ni Claudine, ano raw ito, lokohan, samantalang ang ipinambala noon sa kanyon ni Raymart Santiago laban sa kaniya ay ang paggamit niya ng droga, anyare raw?

Sala sa init, sala sa lamig, ganoon namin mailalarawan ang ibang kababayan natin na kumukuwestiyon sa pagpapa-drug test ng mga artista ng Star Magic. Maganda ang kanilang intensiyon pero hinahanapan pa rin iyon ng kung anu-anong motibo ng iba.

Sana’y mas tingnan na lang ng iba ang positibong layunin ng mga personalidad na pumayag na magpa-drug test, huwag na sana silang upakan at pagdudahan pa, dahil kundi naman nila ginawa ang ganoon ay lalo silang pagbibintangang gumagamit ng ipinagbabawal na gamot.

Motibo ang pinakamahalaga. Kung ayaw man silang paniwalaan ay hindi na nila iyon dalahin. Ibang tao na ang mamomroblema noon.

Janella Salvador – Sumisikat pero ang inang si Jenine ang maligalig

May nagpadala sa amin ng post sa FB ng singer-actress na si Jenine Desiderio, ina ng batang aktres na si Janella Salvador, mayroon siyang pakiusap sa mga sumusuporta sa kaniyang anak.

Ito ang kabuuang laman ng post ng stage actress-singer, “Attention: Can all of you please stop giving Janella live pets/animals as gifts because she DOES NOT personally take care of them. The unwelcome responsibility of taking care of them ends up on the unwilling laps of her housemates – that’s us.

So please… I love animals but I can’t take care of so much. This is also one of the reasons our helpers don’t last long. Again, please. I miss living in a house that smells good, not taken over by animals taken for granted by a busy owner. #homezoo #freakingout”

Maraming hindi nakaintindi sa magandang motibo ni Jenine sa kaniyang post. Bakit daw siya pang ina ang nagbubulgar sa pagiging pabaya ng kaniyang anak?

Bakit daw ang pagkakaroon nila ng mga alagang hayop ang ikinakatwiran ni Jenine na dahilan kaya hindi nagtatagal ang kanilang mga kasambahay?

At higit sa lahat ay ayaw raw niyang tumira sa bahay na nangangamoy ang kapaligiran dahil sa mga hayop, ayaw niya sa mabaho, kulang na lang na ilitanya pa niya ang mga dayalog ni Maricel Soriano sa pelikulang Kaya Kong Abutin Ang Langit.

Siguro nga, dahil abala ang kaniyang anak sa taping ay hindi naibibigay ni Janella ang atensiyong nararapat para sa mga alaga nito, siguro rin ay hindi masyadong nabibigyan ng panahon ng kanilang mga kasambahay ang mga hayop kaya nababahuan si Jenine sa kaniyang paligid.

Pero madali lang naman ang kaniyang pinoproblema, disiplina lang ang kailangan para mapanatiling malinis at walang amoy ang kaniyang bahay, nasa tamang pag-aasiakso lang naman iyon.

Labingtatlo ang alaga naming aso, mayroong nakatoka sa pag-aalaga, magkakaibang lahi ang mga alaga namin na may kani-kaniyang katangian din.

Totoong may amoy kapag sabay-sabay na dumudumi sila, pero nawawala rin agad kapag naaagapan, tutok lang ang kailangan para hindi lang ang mga namamahay ang nagiginhawahan kundi pati ang mga alaga rin natin dahil sa isang malinis na kapaligiran.

Dahil sa post ni Jenine Desiderio ay nanganak tuloy nang nanganak ang isyu. Hindi raw ang mga alagang hayop ni Janella ang dahilan kung bakit wala silang tumatagal na kasambahay kundi siya mismo. Ayon sa aming source ay pangwalong kasambahay na nila ang gustong umuwi ngayon dahil hindi nito masakyan ang ugali ni Jenine.

Tanong-opinyon pa ng aming source, “Magtanung-tanong ka sa ABS-CBN kung bakit kung minsan, eh, nagpapasundo sa service ng production si Janella?

“Kapag nagkakaroon kasi sila ng argument ng mommy niya, eh, hindi ipinagagamit sa kaniya ang sasakyan nila. So, tumatawag si Janella sa production, nagpapasundo na lang siya.

“Kung minsan din, eh, dumarating na walang PA si Janella. Hindi raw pinasama ng mommy niya, dahil nagkaroon nga sila ng pagtatalo. Ang mga kasamahan niya sa Born For You ang pakitanong mo.

“Sisihin ba ang mga aso? Ibunton ba sa mga nagreregalo kay Janella ang problema?” komento ng aming source.

Paniniguro ng aming source, “Hindi aso ang dahilan ng kagustuhang umuwi at umalis na ng kanilang maid. Promise, hindi aso. Kaya huwag nang gamiting dahilan ang mga aso na hindi naman kayang lumaban nang parehas at puro pagkahol lang ang kayang gawin!”

Maricel Soriano – Nasaan na ang career ng Diamond Star ngayon?

Maraming nagtatanong sa amin kung nasaan na at kung ano ang pinagkakaabalahan ngayon ni Maricel Soriano. Nasaan na raw ang Diamond Star?

Sumisipa pa ang karera ng mga kasabayan niyang sina Sharon Cuneta at Snooky Serna, pero si Marya nga naman ay walang ginagawang kahit anong proyekto, ayaw na raw bang mag-artista ni Maricel?

Totoo namang nakapanghihinayang ang mga pagkakataong lumalampas kay Marya. Magaling siyang aktres, hindi pa rin naman siya iniiwan ng kaniyang mga tagasuporta.

Sayang naman ang mga sakripisyong pinagdaanan niya para lang maabot ang kaniyang mga pangarap, sikat na siya, hindi na niya kailangang magsimula pa uli sa pagpapakilala sa kaniyang sarili at talento.

Sana’y may mga makapagpayo kay Maricel Soriano na huwag niyang pabayaan ang propesyong nagbigay sa kaniya ng magandang kabuhayan.

Naghihintay lang ang kaniyang mga tagahanga sa kaniyang pagbabalik, hindi sila nawawala, pagkilos lang ni Marya ang kanilang hinihintay.

Have a comment on this article? Send us your feedback

Oktubre 1 – 15, 2016

	Andi Eigenmann
	Alden Richards
	Daniel Padilla & Kathryn Bernardo
	Kris Aquino
	Willie Revillame
	Manny Pacquiao
	Hero Bautista

Alden Richards – Araw-araw ay may death threats na natatanggap

Nagpa-blotter na sa NBI ang ama ni Alden Richards. Kailangan na nitong ipagbigay-alam sa mga otoridad ang sunud-sunod na death threats na tinatanggap ng aktor nitong mga huling araw.

Naisip lang ni Mr. Faulkerson na hindi na biro-biro ang mga pagbabanta sa buhay ng kaniyang anak ngayon. Kapag hindi ito kumilos at may nangyari kay Alden ay mas malaki ang pagbagabag ng kunsensiyang pagdadaanan nito.

Palaging nasa labas ng kanilang bahay si Alden para magtrabaho, hindi nila alam kung sino ang nagbabanta sa buhay ng Pambansang Bae, kaya mas mabuti na nga namang agapan na agad nila ang sitwasyon.

Ang mga tao nga namang walang produktibong ginagawa sa maghapon, pati buhay ng mga taong nananahimik ay binubulabog nila, ano ba ang dahilan para pagbantaan nila ang buhay ng isang tulad ni Alden Richards na mahal na mahal ng buong industriya at ng kanilang mga tagahanga ni Maine Mendoza?

Walang masamang buto sa katawan si Alden. Sa kabila ng kaniyang kasikatan ay nananatili siyang marespeto at mapagkumbaba. Mahal na mahal niya ang kaniyang pamilya, lahat ng mga pagsasakripisyong ginagawa niya ngayon ay hindi niya inaangkin para sa kaniyang sarili lang, ang kinabukasan ng kaniyang pamilya ang palaging matimbang sa pangangarap ng aktor.

Tama ang punto ng kaibigan naming propesor, “Nandoon na tayo na mabait si Alden, marespeto at mabait. Pero pumapatay ang inggit! Nakakainggit ang mga suwerteng dumarating sa buhay at career niya ngayon.

“Hindi dapat i-ignore ang ganito, kailangang aksiyunan talaga ‘yan. Napakadelikado ng buhay ngayon. Kausap mo lang ang kaibigan mo, maya-maya, masi-shock ka na lang dahil pinatay na pala.

“Napakadali pa namang target ni Alden. He’s everywhere. Huwag dapat biruin ang mga ganyang kuwento. Kapag basta pinalampas lang ang ganyan at may nangyari nga kay Alden, napakalaking kargo de kunsensiya noon para sa mga taong dapat, e, nagkaroon ng concern sa kaniya,” madiing komento ni prop.

Tungkol pa rin sa Pambansang Bae: Nagbubunyi ang mga tagasuporta ni Alden Richards sa sinabi ng Pambansang Bae sa Eat…Bulaga na ang hinahanap niya sa isang babae ay simple lang.

“Hindi fake, iyon lang, basic,” sinserong pahayag ng guwapong binata. Natural, nag-aabang lang ng bala ang mga fans, kaya iyon ang kanilang tinutukan, ayaw raw ni Alden sa mga babaeng fake.

Hindi naman nila sinabing fake si Maine Mendoza pero kung alam mong nagbabangayan ang ibang mga tagasuporta ng magka-loveteam ay alam mong may ibig sabihin ang kanilang mga komento.

Parang ang ibig sabihin noon ay hindi nagpapakatotoo si Menggay dahil nakikipagkiligan ito sa harap ng mga camera pero mayroon naman itong totoong karelasyon na hindi artista.

Aba, fake nga naman ang ganoon, hindi lang ang kaniyang sarili ang niloloko ni Maine kundi pati ang mga tagahanga nila ni Alden at ang publiko.

Kapag si Alden nga naman ay hindi puwede, pero kay Maine ay okey lang, hindi nga naman parehas ang ganoong laban. Pagpapakaplastik ang ganoon sa pakiramdam ng mga loyalista ng Pambansang Bae.

May kausapin lang na ibang babae si Alden ay nagrerebelde na ang mga tagahanga ni Maine, bobombahin na agad ng mga ito ang guwapong aktor at ang babaeng nakatabi-kinausap lang naman niya, ano iyon?

Gentleman si Alden Richards, marunong siyang magbigay-pugay sa mga kababaihan, alangan namang kaharap na niya mismo ang kapwa niya artista pero hindi pa niya papansinin?

Hindi naman ibon si Alden Richards na puwede na nilang ikulong sa hawla, may karapatan siyang makipagkapwa-tao, dahil iyon ang ugaling hinihingi sa isang lipunang nagpapahalaga sa kagandahang-asal.

Andi Eigenmann – Nabulgar na! Si Jake Ejercito ang tatay ni Ellie

Kahit saan kami magpunta ngayon ay ang sitwasyon ni Andi Eigenmann ang inuurirat sa amin ng lahat. Paano raw ngayon haharapin ng palabang aktres ang pagkabulgar kung sino ang tunay na ama ng kaniyang anak na si Ellie?

Paano raw niya babawiin ngayon ang lahat ng mga pang-aalipustang ginawa niya noon kay Albie Casino? Paano rin daw niya ipaliliwanag ang mga panlalait niya kay Jake Ejercito noong kasagsagan ng promo ng huli niyang pelikula?

Nagtatanong din ang marami kung paano babawiin ng kaniyang inang si Jaclyn Jose ang maaanghang na salitang binitiwan nito noon laban kay Albie? Halos isumpa na noon ng premyadong aktres ang batang aktor dahil sa paniniwala sa lahat ng mga sinasabi ni Andi?

Ang pinakanakakaawa sa sitwasyong ito ay ang anak ni Andi. Responsibilidad ng isang magulang ang pagbibigay ng pangalan sa kaniyang anak. Hindi ginagawang laro ang pinagmulan ng binhi.

Hindi nagtuturo ng kung sinu-sino ang ina dahil obligasyon niyang ipakilala sa kaniyang anak kung sino ang tunay na dugo at laman nito.

Pero inabot nang halos anim na taon ang pagtatago ni Andi, pinabayaan niyang gawing multiple choice ang ama ng kaniyang anak, kulang na lang na daanin pa niya sa jack en poy kung sino ang dapat tawaging daddy ni Ellie.

Malaki ang utang ni Andi kay Albie, halos mawalan na ito ng career dahil sa kaniyang mga pang-uupak, pero bukod kay Albie at sa publiko ay mas malaki ang utang na dapat pagbayaran ni Andi sa kaniyang anak.

Kaisa-isang pangalan ay hindi pa niya malayang nairegalo kay Ellie, pinabayaan pa niyang sa ibang bibig lumabas ang katotohanan, habambuhay na liligaligin ng kaniyang kunsensiya sai Andi.

Ang tapang-tapang ni Andi, wala siyang kahit anong pinalalampas, kahit nga ang kaniyang ina ay kinakayan-kayanan niya at nilalayasan pa nga.

Ngayon niya ilabas ang tunay niyang katapangan. Ito ang laban na wala siyang kapana-panalo, mahirap kalaban ang katotohanan, truth hurts.

Daniel Padilla at Kathryn Bernardo – tatlong kissing scenes na totoo sa Barcelona!

Hindi binigo nina Daniel Padilla at Kathryn Bernardo ang kanilang mga tagahanga sa mga eksenang ipinakita sa huli nilang pelikulang Barcelona.

Tatlong kissing scene ang naging dahilan ng paghahampasan ng kanilang mga tagahanga, kilig na kilig ang mga ito, hindi pumayag si Direk Olive Lamasan na dayain ang tatlong kissing scenes nila.

Isang kaibigan-anak-anakan namin ang nanood din ng Barcelona at ang kaniyang komento, “Just watched the movie, okey ang film, standout ang performance ni Daniel Padilla. Okey rin naman si Kathryn, but not as good as Daniel.

“Almost full ang cinema, but not mega-blockbuster, for sure. Pero kung anupaman ang kinita ng movie, e, isang katotohanan ang mahalaga, hindi lugi ang Star Cinema.

“Hindi na dapat pagtalunan kung alin ang mas malaki ang kinita sa first day showing ng Barcelona at Imagine You & Me, ang importante, parehong smash hit ang dalawang pelikula.

“Tantanan na ng AlDub ang pang-aaway, ngayon pa lang naman umaariba ang loveteam nina Alden at Maine, samantalang ang KathNiel, e, matagal na!

“Tamang pagtapatin sa acting sina Daniel at Alden, pareho silang may lalim. Si Kathryn, matagal nang mahusay umarte, hindi siya dapat ikumpara sa ka-loveteam ni Alden.

“Please, huwag. Wala namang bastusan,” panghuling komento ng aming anak-anakan na magaling kumilatis ng mahusay na pagganap at hindi dahil isa itong manunuri ng pelikulang Pilipino.

Kris Aquino – Siya ang pre-program ng Eat…Bulaga! Mag-rating kaya?

Nananahimik ngayon si Kris Aquino tungkol sa mga bagong proyektong gagawin niya sa GMA-7 sa pamamagitan ng APT Entertainment ni Tony Tuviera. Gusto niya sigurong sorpresahin na lang ang mga televiewers sa kaniyang pagbabalik.

Pero siguradong kinakabog na ang dibdib ngayon ng aktres-TV host, kailangan niyang itayo ang kaniyang bandera, kailangang maipamukha niya sa ABS-CBN na kahabul-habol siya.

Maraming nakalinyang gagawin si Kris sa nilundagan niyang bakuran pero ang sigurado pa lang, ayon sa aming source, ay ang programang magiging patikim bago ang Eat…Bulaga.

Ang kaniyang show ang magiging pre-programming ng matagal nang noontime show, siya muna bago ang tropa ng Tito, Vic & Joey at ng sangkatutak pang mga kasamahan nila sa Eat…Bulaga, kailangang galingan ni Kris ngayon dahil kapag bumaba nang bumaba ang rating ng noontime show ay siguradong sa kaniya iyon isisisi ng marami.

Mahalaga ang pre-programming, kapag nakasanayan na iyon ng manonood ay wala nang magiging lipatan ng istasyon, pero kapag nawalan ng interes ang publiko sa show ay siguradong apektado ang kasunod nitong programa.

Hindi kagandahan ang rating ng iniwanang show ni Kris Aquino sa ABS-CBN, nag-single digit na lang iyon noong bandang huli, dahil siguro’y nagsawa na rin ang mga kababayan natin sa kaniyang mga atake.

Kris at Willie – Parehong pinatalsik ng network pero magkaiba ang paraan

Magkaiba ang sitwasyon ng pagkawala sa ABS-CBN nina Kris Aquino at Willie Revillame. Si Kris ay hindi hinabol, walang counter-offer na ibinigay sa kaniya ang Dos nang mapabalitang lilipat na ang aktres-TV host sa APT Entertainment, deadma lang ang istasyon.

Iba ang pinagdaanan ni Willie. Kinasuhan siya nang patung-patong ng network para hindi siya pakinabangan ng ibang istasyon. Ilang taon na tumakbo ang kanilang pagkakasuhan, hanggang sa tumahimik na ang kapaligiran, naipanalo ni Willie ang laban.

Ang kapaniwalaan noon ay mawawalan ng trabaho ang lahat ng mga artista ng ABS-CBN, pero hinding-hindi si Kris, dahil ang pamilya nito ang nagbalik ng network sa mga Lopez nang manalong pangulo ang kaniyang ina.

Opinyon ng isang kaibigan namin, “So, wala palang utang na loob ang network? Kundi dahil sa pamilya ni Kris, eh, hindi naman uli nila mababawi ang istasyon, pero ganoon na lang pala iyon?

“Iyon din siguro ang iniisip ni Kris, na hindi siya mawawalan ng space sa ABS-CBN, dahil nga sa malaking tulong na nagawa ng family niya sa ABS-CBN,” napapailing na pahayag ng aming impormante.

Ang lahat ay kasaysayan na lang ngayon para kay Willie Revillame. Pagkatapos ng matagumpay niyang programa sa TV5 ay nananakit na naman sa rating ang kaniyang Wowowin ngayon sa GMA-7.

Masaya siya sa pag-aalaga sa kaniya ng network, maligaya siya sa suportang walang sawang ibinibigay sa kaniya ng ating mga kababayan, wala nang mahihiling pa ngayon si Willie.

Naniniwala rin siya na walang forever sa career ng mga artista, pana-panahon lang ang mga oportunidad, kaya nga sobra-sobrang pasasalamat ang itinatawid niya sa publiko na nagsisilbing malakas na hangin sa ilalim ng kaniyang mga pakpak.

“Ano pa ba naman ang hihilingin ko? Maayos ang buhay ng mga anak ko, naihanda ko na ang future nila, hindi na sila magugutom.

“Masayang-masaya rin ako sa trabaho ko ngayon sa GMA-7, wala kaming nagiging problema, masarap maging kapuso,” sabi ni Willie.

Sen. Manny Paquiao – Nag-eensayo na para sa laban salas Vegas

Nasa bansa na ang conditioning coach ni Senator Manny Paquiao. Isang araw ay parating na rin si Coach Freddie Roach at ang iba pang staff ng Team Pacquiao dahil dito na siya mag-eensayo.

Tulad ng kaniyang pangako ay hindi maaapektuhan ng kaniyang paghahanda sa salpukan nila ni Jessie Vargas salas Vegas ang kaniyang upuan sa Senado. Magtatrabaho pa rin siya habang nag-eensayo.

Pinalakpakan si Pacman noong isang araw dahil siya ang nagbigay ng suhestiyon na bakantehin ang upuan ng chairman ng justice committee sa pagdinig ng mga kontrobersiyal na kaso sa Mataas Na Kapulungan. Kapag nabakante na ay saka magbobotohan ang mga senador kung mananatili pa ba sa kaniyang posisyon bilang tagapamuno ang kinakalampag ng mga kaso ngayon na si Senadora Leila de Lima.

Sinegundahan iyon ni Senador Tito Sotto, ginanap ang botohan, 16-4 ang kinalabasan kaya napatalsik sa pagiging chairman ang senadora.

Nakakatawang komento ng isang kaibigan namin, “Anong si Pacman ang humalili kay Senador Lito Lapid sa Senado? Ang layu-layo kaya? Huwag maliitin ang kapasidad ng Pambansang Kamao!”

Gaganapin ang kanilang pagtutuos ni Jessie Vargas sa Thomas & Mack Center salas Vegas. Hindi na maninibago ang Pambansang Kamao sa nasabing lugar dahil doon niya pinatumba nang dalawang beses ang Mexicanong si Erik Morales.

Sa November 5 na nila pag-aagawan ang WBO Welterweight belt, siguradong luluwag na naman ang mga kalye na mistulang parking lot sa araw-araw nating pagbibiyahe, kaya ang biruan ngayon kapag sobrang tindi ng trapik ay araw-araw na lang daw sanang makipaglaban si Senador Manny Pacquiao para lumuwag ang mga kalye.

Konsehal Hero Bautista – Magtagumpay sana ang rehab

Kalat na ang balita na habang nasa rehabilitation center ngayon si Konsehal Hero Bautista ay nawawala naman ang kaniyang live-in partner na nagngangalang Rio.

Nag-report na kamakailan ang pamilya nito sa mga otoridad tungkol sa kaniyang pagkawala. Noong isang linggo pa raw nawawala ang karelasyon ni Konsehal Hero na ayon sa balita ay kaibigan ng pinaslang na kapatid ni Maritoni Fernandez na si Aurora.

Pero ayon sa isang source na nakakuwentuhan namin ay matagal nang tapos ang relasyon ni Konsehal Hero kay Rio. Matagal na silang walang ugnayan. Isa nga raw iyon sa mga dahilan kung bakit inaatake noon ng depresyon ang aktor-pulitiko.

Sa kainitan ng kuwentong ito ay patuloy na dumadaan sa maraming proseso si Konsehal Hero sa rehab para maging maayos na ang kaniyang buhay.

Huwag naman sanang ipagkait ng iba ang pangako ng pagbabago sa nakababatang kapatid ni Mayor Herbert, lahat naman tayo’y may karapatang magbagong-buhay, tao lang tayong nakalilimot at nakagagawa ng mali.

Hindi naiiba sa atin si Konsehal Hero at ang marami pang ibang kilalang personalidad na minsan isang panahon ay naging mabuway rin ang disiplina pagdating sa kaway ng bisyo.

Nakalulungkot ngang isipin na nagbago na ang nagkamali, pero nananatiling malupit ang lipunan, kaya ang isandaang porsiyento ng pagtanaw sa mas magandang buhay ay hindi naisasakatuparan.

Sana’y maisip din natin na ang pagkabigo ang nanay ng tagumpay.

Sen. Leila de Lima – Nadidiin dahil sa mga alegasyon kaugnay ng alingasngas sa NBP

Aminado kaming mga taga-showbiz na kinakabog ng mundo ng pulitika ang aming hanay. Matindi ang labanan ngayon sa kanilang mundo, nangingibabaw ang pagsisiraan, kani-kaniyang paksiyon ang mga pulitiko ngayon.

Ang pinakanadidiin ngayon sa mga usapin ay si Senador Leila de Lima. Durog na durog na sa sangkalan ang imahe ng pulitiko dahil sa pinung-pinong pagtadtad sa kaniya ng mga kalaban.

Nakakamangha ang mga naririnig nating milyun-milyong pisong diumano’y ibinibigay sa kaniya bilang proteksiyon ng mga gumagawa ng ilegal na negosyo sa loob ng Pambansang Bilangguan.

Sa mga nagaganap ngayon kay Senador Leila de Lima ay pumapasok tuloy sa aming alaala ang kapalarang sinapit nina Senador Jinggoy Estrada at Senador Bong Revilla. Sino ba ang nagdiin sa dalawang aktor-pulitiko noong kasagsagan ng pagdinig sa kasong kinasasangkutan ni Janet Napoles?

Hindi naman pinakinggan ang kanilang depensa, naging bingi ang hustisya sa kanilang mga sigaw, ipinakulong agad ang magkaibigang aktor-pulitiko.

Ngayon ay nabaligtad na ang senaryo. Ang humusga noon kina Senador Jinggoy at Senador Bong ang matinding hinuhusgahan ngayon.

At milyun-milyong pisong mula pa sa mapamuksang droga ang sinasabing tinatanggap noon ng senadora, nangangamoy na ngayon ang mga istorya, kailangan na lang nating piliin ngayon kung aling kuwento ang totoo o gawa-gawa lang.

Hindi lang sa mundo ng basketbol totoo ang kasabihang bilog ang bola.

Have a comment on this article? Send us your feedback

Oktubre 16 – 31, 2016

	Andi Eigenmann
	L-r: brother Carl, mom Raquel, girlfriend Alyssa and Charice. Photo Courtesy of Glenn Aldueza
	Manny Pacquiao
	James Yap
	Kris Aquino
	Agot Isidro
	Rosanna Roces
	Mark Anthony Fernandez

Charice Pempengco – Malapit ng mag-propose kay Alyssa Quijano

Isang araw ay maglalatag na ng proposal ang international performer na si Charice Pempengco sa matagal na niyang karelasyong si Alyssa Quijano. Pagkatapos ng proposal ay kasalan na ang kanilang paghahandaan.

Sigurado na sila sa isa’t isa, pinagbubuklod sila ng respetuhan at pagmamahalan, sarado na ang kanilang mga puso sa kahit anong tuksong puwede pa nilang masagupa.

Matindi ang pinagdadaanan ngayon ni Charice. Mayroon silang hindi pagkakaunawaan ng grupong naging manager niya. Diumano’y tumanggap ng concert ang mga ito para sa kaniya sa ibang bansa, nagbigay na ng paunang bayad ang prodyuser pero wala raw namang natanggap si Charice.

Wala sa kaniya ang problema, handang-handa siyang gawin ang concert, pero gusto niyang maging maayos muna ang lahat.

Ikalawa ang hindi pa rin nila pagkakaayos ng kaniyang pamilya. Sa tagal na nilang magkarelasyon ni Alyssa ay mayroon pa palang mga isyu sa pagitan nila ng kaniyang ina at lola, kontra pa rin ang mga ito sa kaniyang girlfriend.

Parang nakikinita na namin ang reaksiyon ng kaniyang lola nang magpahayag siya tungkol sa plano na nilang pagpapakasal ni Alyssa.

Ano nga ang sabi noon ni Nanay Tessie sa kanilang dalawa? “Kayong mga babaeng nagpapanggap na lalaki pero nireregla rin naman buwan-buwan, magsitigil kayo!”

Napakatagal na panahon nang bati-galit si Charice at ang kaniyang pamilya, pinagbibintangan kasi ng mga ito si Alyssa na kumokontrol sa kaniyang mga kinikita, kaya nakakalimot na sa pagtulong si Charice.

Mula pa noong bata si Charice ay puro pera na ang isyu sa kanila ng kaniyang pamilya. Noong minsan ay ang ina naman niyang si Aling Raquel ang kalaban ni Nanay Tessie at pera rin ang pinagdiskusyunan ng mga ito.

Nakakaawa raw si Charice na halos mabulunan na sa kakakanta pero nilulustay lang naman ni Aling Raquel ang mga pinaghihirapan niya. Iyon ang bintang ng kaniyang lola.

Nang magtagal ay nagsanib-puwera naman ang mag-ina, si Charice na ang kalaban nila, lalo na nang pumasok na sa eksena si Alyssa.

Mabait pa rin si Charice dahil hindi siya naglalabas ng kaniyang saloobin sa social media. Hindi niya ginagawang sumbungan ang kaniyang FB, puro magagandang balita lang tungkol sa kaniyang career ang laman noon, saka ang maliligayang araw nila ni Alyssa.

Nasa wastong gulang na siya ngayon, naglantad na si Charice ng kaniyang tunay na kasarian, sa maintindihan siya at hindi ng iba ay sila na ni Alyssa ang nagpupuno sa mga kakulangan.

Naging alipin ng trabaho si Charice nang napakatagal na panahon para maiahon ang kaniyang pamilya sa kahirapan. Hindi niya iyon binibilang pero sa loob-loob niya ay nandoon ang nagtatanong na emosyon kung anu-ano pa ba ang kulang sa mga nagawa na niyang pagseserbisyo sa kaniyang pamilya?

Kapag kumakanta si Charice Pempengco ay punumpuno ng emosyon. Nananaghoy ang kaniyang boses. Siguro nga ay sa pagkanta na lang niya idinadaan ang mga sama ng loob na matagal na niyang kinikimkim lang.

Doon man lang ay mapaluwag niya ang kaniyang dibdib. Kahit sa pagkanta man lang ay maitawid niya ang lungkot sa kaniyang manonood, may paraan talaga ang kapalaran para tulungan tayong magpagaling ng sugat.

Sen. Manny Pacquiao – Nov. 5 na ang laban kay Jessie Vargas salas Vegas

Pinag-iipunan na ng mga kababayan natin sa Amerika ang susunod na laban ni Senador Manny Pacquiao. Maraming tulog at gising pa ang November 5 pero ngayon pa lang ay bahagi na ng kanilang pagtitipid ang pakikipagsalpukan ni Pacman kay Jessie Vargas sa Thomas & Mack Center salas Vegas.

Hindi naman kasi sa pambili lang ng ticket sa laban umiikot ang gastos kapag nanonood sila ng laban ng Pambansang Kamao. Mula sa LA ay apat na oras ang biyahe papuntang Las Vegas. Gabi ang salpukan na halos inaabot na nang madaling-araw, kaya kailangang mag-hotel din sila para kinabukasan na sila mag-uwian.

Sabi ng kaibigan namin ni Jude Estrada na si Jonjie Martinez na ilang dekada nang naninirahan sa LA, “Ipinagtatabi ng budget ang bawat laban ni Pacman. By land na lang kami, hindi na kami nag-eeroplano papuntang Las Vegas, kahit hamburger na lang ang kainin namin, eh, okey lang, basta makapanood lang kami.”

Nasa bansa na ang conditioning coach ni Pacman, nandoon na rin si Coach Freddie Roach na palaging nagpapaalala kay Senador Manny na hindi ordinaryong boksingero si Jessie Vargas, dahil ilang beses daw itong nag-training sa kaniyang Wild Card Gym.

Ang pagkatalo lang nito kay Timothy Bradley ang nagbigay ng mantsa sa kartada nitong 27-1. Pero ayon sa coach ni Pacman ay natiyempuhan lang iyon, kaya kailangang paghandaang mabuti ng Pambansang Kamao ang kanilang pagtutuos.

Treinta’y otso anyos na sa darating na Disyembre si Pacman, malaki ang partisipasyon ng pagdadagdag ng edad sa isang boksingero, pero sa tindi naman ng mga pamatay na kamao ng ating senador ay positibo siyang puwede niyang angkinin ang pagduduop nila ni Vargas.

Sabi ni Senador Pacquiao, lahat daw ng mga nagaganap sa ating bayan ngayon ay may basbas ng Panginoon, pati ang kaliwa’t kanang patayan. May matinding dahilan daw kung bakit nakaposisyon ngayon si Pangulong Rodrigo Duterte.

May mga sumang-ayon sa kaniyang pahayag pero siyempre’y mayroon ding mga kumontra sa kaniya. Bumubuhay raw ang Diyos, hindi pumapatay, kaya maling-mali ang opinyon ng senador-boksingero.

James Yap – Malungkot dahil pinakawalan ng kaniyang team Star Hot Shots

Takang-taka ang mga nakakausap namin kung bakit pinakawalan ng Star Hot Shots si James Yap. May karapatan daw malungkot ang basketbolista sa nangyari sa kaniyang karera.

Si James Yap kasi ang itinuturing na “mukha” ng kaniyang team. Kapag isa-isa nang tinatawag ang pangalan ng starting five ng kaniyang koponan ay si James ang may pinakamalakas na tili at palakpak.

Siya rin ang may pinakamalaking hakot na tagahanga ng kanilang team, siya ang Rockstar ng Star Hot Shots, kaya nawindang ang marami nang ipamigay siya ng team sa Rain Or Shine.

Pansin pa ng isang kausap namin, “Bakit si Alvin Patrimonio, mula umpisa hanggang noong mag-retire na siya, eh, hindi siya ipinamigay ng Purefoods?

“Hanggang ngayon, team manager ang position niya sa team? Bakit si James na malaking karangalan din ang ibinigay sa kanila eh, ayan, ipinamigay ng team niya?

“Hindi na nakapagtataka kung mabawasan ang supporters ng iniwanan niyang team. Natural, sasama kay James sa ROS ang mga fans niya,” pag-aanalisa ng aming kausap.

Pero kailangan din nating balansehin ang sitwasyon, dapat din nating pakinggan ang dahilan ng San Miguel Corporation kung bakit nila ipinagpalit si James Yap kay Paul Lee, hindi siya ipamimigay ng kaniyang team kung walang sapat na dahilan.

Puwedeng nakulangan na sila sa ipinakikitang paglalaro ni James Yap nitong mga huling panahon, lalo na’t kailan lang ay nagkaroon pa siya ng injury, hindi na bumabata si James Yap.

Umuwi lang si James Yap sa orihinal niyang tahanan. Ang tanong, pagsisihan kaya ng Star Hot Shots ang ginawa nilang pagpapamigay sa kanilang star player sa ROS? Si James Yap ang kailangang magbigay ng sagot sa tanong na iyon sa pamamagitan ng ipamamalas niyang paglalaro sa susunod na PBA conference.

Kris Aquino – Bakit daw sa social media pa nalaman ni Bimby ang tungkol sa kapatid?

Ewan lang kung bibigyan pa ng atensiyon at panahon ni James Yap ang mga huling hirit ni Kris Aquino. Ilang araw pa lang kasi ang nakararaan ay nagpatutsada si Kris na sana raw naman ay mag-effort din ang basketbolista para makita at makasama ang kaniyang anak.

Isa pang arya ni Kris ang pagsasabing sana raw ay diretso na lang na sinabi ni James kay Bimby ang pagkakaroon nila ng anak ni Michaela Cazzola at hindi iyong ganoon na sa social media lang nalaman ng bata ang pagiging bagong ama niya.

Kung matatandaan ay nagsabi si James noon na napagod na siya sa kagustuhan niyang magkasama sila ni Bimby, gusto niyang maka-bonding ang kaniyang anak, pero hindi niya naman ito nakukuha dahil mayroon na raw naunang lakad na naiayos si Kris para sa kanilang mag-iina.

Mas bibigyan pa siguro ng panahon ngayon ni James Yap ang pakikipag-ensayo sa bago niyang koponan, ang Elasto Painters, sa PBA.

Kesa sa makipagtalo kay Kris ay mas gagamitin na lang siguro ni James Yap ang kaniyang panahon ngayon para “makilala” ang mga bago niyang kasama sa pagdidribol at pagsu-shoot sa tropang Rain Or Shine.

Ang tanong na lang ngayon ay kung ano naman ang gagawin ni Kris – tuloy na tuloy na nga ba ang mga proyektong gagawin niya sa APT Entertainment at GMA-7, o totoo ang kutob ng mas nakararami na nagpapahabol pa rin siya sa ABS-CBN?

Kung tutuusin ay puwedeng-puwede nang mabuhay nang tahimik at sagana si Kris at ang kaniyang mga anak, sa kaniyang naipong yaman ay hinding-hindi na sila magugutom hanggang ang mundo ay mundo pa rin, kaya nga lang ay parang isda na inilipat sa lupa si Kris Aquino kapag nahiwalay siya sa paningin ng publiko.

Batambata pa si Kris sa kampanya para senador ng kaniyang ama ay pampublikong buhay na ang gustung-gusto niya. Nahihiyang umakyat sa entablado ang kaniyang mga ate at kuya pero si Kris ay buhay na buhay sa kaniyang pagtatalumpati.

Sukdang siya na ang mamuhunan ay gagawin ni Kris Aquino para hindi lang siya mahiwalay sa pinakamamahal niyang linya.

Alisan mo si Kris Aquino ng mga camera at ilaw at mikropono, alisin mo siya sa kamalayan ng publiko at diktahang manahimik, para na rin nating pinatay nang buhay si Kris Aquino.

Jaclyn Jose – Inaakusahan ng mga basher na “walang kuwentang ina”

Humihingi na ng tulong ngayon sa DOLE ang Cannes Best Actress na si Jaclyn Jose. Nananawagan na siya sa ahensiya ng ating pamahalaan para isumbong ang isang basher ng kaniyang anak na si Andi Eigenmann at ng kaniyang apong si Ellie.

Nabasa namin nang buo ang mensaheng halos yumurak-yurak na sa kaniyang pagka-ina kay Andi. Siya raw ang dapat ipako sa krus sa lahat ng mga pangyayaring ito dahil hindi niya pinalaki nang maayos ang kaniyang anak.

Pinabayaan lang daw niya si Andi sa mga kalokohan nito, kasama na ang pakikisiping sa iba-ibang lalaki, kaya ang naging resulta ay ang pagpapahulaan kung sino ang tunay na ama ng bata.

Pinakamasakit para kay Jaclyn ang tawaging whore ang kaniyang anak, sa kolokyal na salita, puta. Walang inang mauupo lang sa isang sulok kapag ganoong paglalarawan na ang ikinapit sa kayang mahal na anak.

Nagbanta si Jaclyn na babalikan niya ang basher, nanawagan siya sa DOLE dahil pati ang kaniyang apong si Ellie ay idinadamay na nito sa pagsasabing ang bata ang maka-karma sa paglaki nito, galit na galit ang aktres.

Maiintindihan natin na pampublikong pigura sina Jaclyn at Andi, kaya nanghihimasok ang marami sa kanilang personal na buhay, pero sana naman ay magdahan-dahan din ang mga nakikisali sa usapan sa paggamit ng mga salitang sumusugat sa puso ng kanilang pinatutungkulan.

Sana’y mag-isip naman muna ang mga ito bago tuluyang i-click ang kanilang makina.

Agot Isidro – Naging malakas na tinig ng mga takot kumontra kay Ka Digong

Positibo ang pagtanggap ni Pangulong Rodrigo Duterte sa marahas na salitang psychopath bilang paglalarawan sa kaniya ni Agot Isidro. Para sa pangulo, hindi man nito binanggit ang pangalan ni Agot, ay isang constitutional right iyon na dapat lang pairalin ng singer-actress.

Napahiya ang mga umaasang gagawin ding pulutan ng pangulo si Agot na tulad ni Senador Leila de Lima. May karapatang magpahayag ng saloobin ang sinuman sa isang malayang bansa na tulad ng Pilipinas.

Siguro naman, ngayong hindi na inalmahan ng pangulo ang pagtawag sa kaniya ng psychopath ni Agot, ay medyo maghihinay-hinay na rin ang mga tagasuporta ni Ka Digong sa hindi pagbibigay ng katahimikan ng kalooban sa singer-actress.

Ngayon pa lang lumulutang ang maraming sumasang-ayon sa katapangan at matinding paninindigan ni Agot sa paglalabas ng kaniyang personal na saloobin. Maraming humahanga sa kaniya ngayon, kung sino pa raw ang tatahi-tahimik lang ay iyon pa raw pala ang taong maglalagay ng bikig sa lalamunan ng ating pangulo, si Agot lang iyon.

May pagkapersonal pa nga ang bira sa kaniya. Nag-research na ang mga tagahanga ng pangulo tungkol sa kaniyang buhay. Ang dahilan daw ng paghihiwalay nila ni Manu Sandejas ay ang kawalan niya ng kapasidad ng bigyan ito ng anak.

Laos na singer naman ang tawag kay Agot Isidro ng iba, palibhasa raw ay wala siyang ibang pinagkakaabalahan kundi ang seryeng Ang Probinsiyano, kaya siya nagkakaganyan.

Bilang sagot sa mga nangmamaliit naman sa kaniyang edukasyon ay mismong mga kaklase niya sa kolehiyo ang naglabas ng kaniyang pagkakakilanlan. Siguradong ikinabigla iyon ng mga galit na galit na tagasuporta ng pangulo dahil hindi pala basta-basta ang educational attainment ni Agot.

Kumbaga sa buko ay hindi pala puro sabaw lang ang laman ng ulo ng singer-actress. Nagtapos siya ng kurso sa UP, nag-aral din siya sa Ateneo at nag-aral pa pala siya sa isang unibersidad sa Big Apple (New York) kung saan siya nagtapos bilang Magna Cum Laude.

Iyon, oh! Nagsasalita ang mga pinasukang eskuwelahan ni Agot Isidro, doon pala niya hinugot ang kaniyang katapangan, lalo na ang kaniyang paninindigan na maglabas ng kaniyang personal na opinyon tungkol sa mga nagaganap sa ating bayan.

May dugo pala siyang “Kundi ngayon ay kailan pa?” At may pagka-Ate Vi pala ang singer-actress sa pagsigaw ng “Katarungan para kay Ka Dencio!”

Rosanna Roces – Takot makasuhan ng human trafficking ang original “Bruneiyuki”

Maraming naloloka sa mga pinaggagagawa ng dating sikat na sexy actress na si Rosanna Roces, siya mismo ang naglantad ng mga ginawa niyang pagdadala ng mga babae noon sa Pambansang Piitan, pero ngayon ay todo-todo ang kaniyang paghuhugas-kamay.

Umurong na ang kaniyang dila. Wala raw siyang alam tungkol doon. Kabaligtaran ng mapagyabang pa niyang postura isang linggo pa lang ang nakararaan na hindi raw droga kundi hilaw na karne ang idinedeliber niya sa NBP.

Aba, ngayon ay wala na raw siyang alam tungkol doon, natakot kaya siya sa kumalat na balita na siya naman ang babalingan ng Kongreso dahil sa kasong human trafficking?

Napakatapang pa niya noong sagutin ang pagkadamay ng kaniyang pangalan sa pag-uugnay sa drug lord na ngangangalang Vicente Sy, mga babae raw ang dinadala niya doon, hindi raw totoong kabit siya ng nakakulong na drug lord.

Pero dahil sa pag-amin ni Rosanna tungkol sa pagdadala niya ng mga bayarang babae sa Pambansang Piitan ay kumawag ang dila ng marami, sinu-sino raw kaya ang mga sinasabi niyang babaeng ibinugaw niya sa mga kakosa sa loob, kapag nagkaipitan daw kaya ay isa-isa na ring pangalanan ng dating boldstar ang mga ibinugaw niya sa NBP?

Bago pa ba naman iyon? Hindi malayo ang posibilidad na isa-isahin ni Osang ang mga pangalan ng mga starlet na ikinasa niya sa mga bilanggong uhaw sa laman, si Rosanna Roces pa, minantikaan ang dila at nguso ng hubaderang iyon!

Kayang-kaya niyang gawin iyon, para lang siyang kumakanta ng Twinkle, Twinkle Little Star kapag nagkataon, lahat ay gagawin ni Osang para lang mailigtas niya ang kaniyang sarili sa usapin ng droga.

“Sinu-sino kaya ang mga babaeng maysakit daw na dinala niya sa kulungan? Ibang klase talaga si Osang, pati ba naman pambubugaw, e, pinasok na niya talaga!

“Kunsabagay, sino ba ang unang artistang umamin sa pagiging Bruneiyuki? Tigas sa kadedenay noon ang mga babaeng ibinibiyahe sa Brunei, pero si Osang, nagtaas agad siya ng kamay!

“Parang sinasabi niya noon na present! Bruneiyuki rin ako! Anna Maceda pa ang name niya noon. O, di ba naman, natupad ang pangarap niyang maging artista? Naghubad-hubad siya, halos wala na siyang itinago, sumikat siya bilang boldstar!” komento ng kaibigan naming propesor.

Isa lang ang tanong namin sa kaniya, saan ba nanggaling si Rosanna Roces, nang pasukin niya ang pag-aartista ay binuksan na niya ang libro ng kaniyang buhay sa publiko.

Bata pa lang siya ay nagsasayaw-nagpapa-table na siya sa mga parukyano niya sa bar. Kung maganda ang bigayan ay suma-sideline siya, sumasama sa kaniyang kostumer, para sa pag-uwi niya nang halos putok na ang araw ay may pambili na ng gatas ang dumododo pa lang niyang anak.

Mark Anthony Fernandez – Naging dahilan ng pagkikita muli nina Alma at Lorna T

Matagal na matagal nang hindi nagkikita nang personal sina Lorna Tolentino at Alma Moreno. Kahit sa telepono ay bihirang-bihira silang magkausap.

Pero dahil sa pagkakahuli-pagkakulong kay Mark Anthony Fernandez ay muling nagkita ang dalawang babaeng naging mahalagang bahagi ng buhay ng namayapang si Rudy Fernandez.

Itinuturing nang sariling anak ni Lorna si Mark, tulad ni Alma ay puro kabutihan lang ng aktor ang hangad ng magandang aktres, pero pareho silang nabigo.

Nailipat na si Mark Anthony sa Angeles City District Jail. Pinagbigyan ng piskalya ang hiling ng mga abogado ng aktor na mailipat siya sa mas malaking piitan. Isang araw bago ang paglilipat kay Mark ay nagkasabay sa pagdalaw sina Alma at Lorna.

Nag-usap sila nang seryosohan, para sa kapakanan lang ni Mark ang inikutan ng kanilang pag-uusap. Todo ang pasasalamat ni Ness kay Lorna dahil sa matinding malasakit at pagmamahal nito sa kaniyang anak.

Hindi na kinayang idenay ni Mark Anthony Fernandez ang naging pahayag ng mga otoridad na sumakote sa kaniya na nang magbukas siya ng pintuan ng kaniyang sasakyan ay umalimbukay ang matinding amoy ng marijuana.

Sa kanilang opinyon ay humihithit ng damo si Mark habang nagmamaneho, iyon ang dahilan kung bakit nang pahintuin siya sa checkpoint ay ninerbiyos siya, kaya sa halip na preno ay selinyador ang kaniyang tinapakan.

Pero maraming nagtataka sa isang kilo ng marijuana na diumano’y nakuha ng mga otoridad sa kaniyang sasakyan, napakalaking timbang noon, pa-stick-stick lang ang inaasahang mayroon si Mark ng mga nakatutok sa isyu.

Sa pagsailalim ni Mark sa drug test ay napatunayan na marijuana lang ang kaniyang ginagamit, walang anumang iniwanang marka ang iba pang uri ng droga na karaniwang kinalululungan ng mga gumagamit, pero pasok pa rin ang kaso ni Mark sa kawalan ng katapat na piyansa.

No bail recommended ang kaniyang kaso, mananatili siya nang mahabang panahon sa bilangguan, maliban na lang kung ang isang kilo ng marijuana na nakuha sa kaniyang sasakyan ay mapatutunayang walang katotohanan.

Sa isang pagkakataong ayon kay Mark ay miss na miss na niya ang kaniyang ama ay pinayagan siyang pansamantalang mamalagi sa musoleo ni Rudy Fernandez.

Sabi noon ni Mark ay hindi siya natatakot dahil pakiramdam niya’y nandoon lang si Daboy na nagbabantay sa kaniya. Kinakausap daw niya na parang buhay na buhay ang kaniyang ama, nagsusumbong siya, humihingi ng payo.

Pero ang pamamalagi doon ni Mark Anthony ay natuldukan din. Nag-report ang mga taga-Heritage na may mga pagkakataong hindi lang si Mark ang nasa musoleo, may mga kasama pa siyang kaibigan, kaya pinagbawalan na siyang magpunta sa puntod himlayan ng kaniyang ama.

Hindi rin siya maintindihan ng produksiyon kung bakit palagi niyang naiiwanan ang kaniyang script. Magpapaalam siyang babalikan iyon sa kaniyang bahay, pero napakalaking abala noon sa taping, dahil sa Clark pa siya nakatira.

Palagi na lang nagtatabi ng kopya ng script ang produksiyon para sa kaniya, wala nang mairereklamo pa si Mark, dahil naka-highlight na rin ang kaniyang mga dayalog sa kopya.

Sabi ng isang nagmamalasakit na lalaking personalidad tungkol sa kinahinatnan ni Mark Anthony, “Mabuti na ring nangyari ang ganyan sa kaniya dahil buhay siya. Paano kung sa paggamit niya ng damo habang nagmamaneho siya, eh, mag-trip siyang lumilipad na para siyang ibon?

“Wala siyang ligtas kapag naaksidente siya. Mabait na bata si Mark, marespeto, kulang na kulang lang siya sa disiplina,” paglalarawan kay Mark na sinegundahan namin.

Have a comment on this article? Send us your feedback

Nobyembre 1 – 15, 2016

	James Reid & Nadine Lustre
	Xian Lim & Kim Chiu
	Sunshine Cruz
	Jessy Mendiola
	Alex Gonzaga

James Reid at Nadine Lustre – Mature na ang dating ng JaDine

Ibang-iba pala talaga ang pagpapakete kina James Reid at Nadine Lustre ng mga humahawak ng kanilang career. Malayo na sila sa loveteam nina Daniel Padilla at Kathryn Bernardo at Liza Soberano at Enrique Gil.

Sa isang episode ng kanilang serye sa ABS-CBN na natutukan namin, ang Till I Met You, ay nawindang kami sa mga eksenang bumulaga sa amin. Iba na ang kanilang atake, nagniniig na sila sa likod ng isang kotse, nakahubad ang guwapong aktor at suggestive naman ang aktong hinuhubaran ni James si Nadine para sa kanilang pagtatalik.

Mas mature na ang kanilang dating, malayo sa mga kasabayan nilang loveteams sa Dos, walang pangingimi na nilang ginagawa ang mga eksenang maiinit.

Ang tanong na lang ay kung nakahanda na ba ang mga batambata pa nilang tagahanga? Marami silang fans na menor de edad pa, sobrang bata pa talaga, paano kaya iyon tinatanggap ng mga ito?

Pero mas maraming kinikilig sa JaDine, nababasa namin ang kanilang mga reaksiyon, 2016 na nga naman ngayon. Hindi puwedeng puro pagpapa-cute lang ang gawin nila sa harap ng mga camera, kailangang may bago, para hindi sila pagsawaan ng publiko.

Maingat naman ang mga shots, katawan lang ni James Reid ang pambenta sa eksena, alagang-alaga naman ng produksiyon ang imahe ni Nadine.

“Kilig na kilig ako sa mga eksena nila sa kotse, sila na kasi ang gusto kong magkatuluyan! Wala akong ibang gusto para sa kanilang dalawa, sila lang!” sumpa ng isang tagahanga ng JaDine loveteam.

Nakakaaliw naman ang sinabi ng isang Batanguenang baguhang personalidad na fan din ng JaDine, ang kaniyang sabi, “Ay, s’ya! Sa kotse pa sila naggay-anan!

Xian Lim – Masama ang loob kay Kim Chiu

Masamang-masama ang loob ng kampo ni Xian Lim kay Kim Chiu. Tinabla raw kasi ng dalaga si Xian, bigla raw tinalikuran ng young actress ang lalaking sumalo sa kaniya noong sobra-sobra ang sama ng loob niya kay Gerald Anderson, wala raw pagpapahalaga si Kim.

May plano ang ABS-CBN na muling pagsamahin sa isang serye ang tambalang Kimerald. Pero mukhang may makahaharang pa rin sa muling pagpapainit sa dating magka-loveteam dahil lantaran na ang relasyon ngayon nina Gerald at Bea Alonzo.

Dahil doon ay binigyan ng ibang interpretasyon ng kampo ni Xian Lim ang pagtanggap ni Kim Chiu sa serye. Para lang daw muling mabuhay ang career ni Kim ay basta na lang niya iniwan si Xian.

Sa totoo lang, kahit naman madiing ibinebenta ang relasyong Xian-Kim ay parang wala namang naniniwala. Gasgas na gasgas na ang promo at press release na magkarelasyon sila, pero pinagtataasan lang naman iyon ng kilay. Walang naniniwalang panglikod ng mga camera ang kanilang pagmamahalan.

Nasaan ba kasi ang problema? Naniniwala pa rin kaya ang mas nakararami na hindi si Xian at si Gerald pa rin ang mahal ni Kim? Parang panakip-butas nga lang kaya ng dalaga ang hunk actor?

Sutil ang isang nakomento, ang sabi nito, “Wala namang naniniwala na sila talaga! Kahit ipagduldulan pa nila ang relasyon nila sa publiko, waley pa rin!

“E, mas vain pa si Xian kesa kay Kim! Noseline lang ang pinoproblema ng girl, pero si Xian, kumpleto sa seremonyas! Naglalagay ba si Kim ng merthiolate sa nipples niya para magkulay pink?” nakataas ang kilay na sabi ng aming source.

Daniel Padilla – Mabait, magalang, at magaling magpundar

Ang pinagkakaguluhan at kinakikiligang heartthrob ngayon na si Daniel Padilla ay anak ng Quezon City. Nagpatayo siya agad ng bahay sa isang subdivision na malapit lang sa pusod ng siyudad nang sumikat na siya at kumita nang sobra-sobra sa kaniyang mga pangangailangan.

Ang katabing lote ng una niyang bahay ay nabili na rin ni Daniel, malapit nang matapos ang ipinatatayo niyang bahay na mas malaki kesa sa nauna niyang ipinagawa, iyon ang aangkining sariling bahay ng sikat na teen idol.

Inuna ni Daniel Padilla ang kaniyang pamilya, matibay na bubong ang naging prayoridad ng young actor para sa kaniyang inang si Karla Estrada at sa kaniyang mga kapatid, nang matupad na ang pangarap niyang iyon ay saka lang siya bumili ng mga sasakyan na matagal na niyang pinapangarap.

Kuwento sa amin ni Mayora Tates Gana, pangalawang inang itinuturing ng teen actor, “Napakabait ni DJ, instead na unahin niya ang mga luho, una muna niyang inasikaso ang mga kailangan ng kanilang pamilya.

“Bahay ang inuna niya para hindi na sila nagre-rent, mula iyon sa kinikita niya sa mga concerts, shows at pelikulang ginagawa niya.

“Sabi noon sa kaniya ni Karla, ‘Anak, dahil ikaw naman ang nagpapakahirap sa pagtatrabaho, e, unahin mo na muna ang sarili mo, saka na kami ng mga kapatid mo.’

“Ang sabi ni Daniel, e, saka na lang daw siya, uunahin daw muna niya ang bahay, para hindi na sila umuupa. Ngayon, may second house na siyang ipinatatayo, malapit nang matapos.

“Iyon daw ang magiging bahay niya, doon daw siya titira, pero iilang hakbang lang naman ang pagitan noon sa first house na ipinagawa niya. Magsasarili na raw siya, pero halos magkarugtong lang naman ang dalawang bahay na ipinatayo niya,” natatawang papuri ni Mayora Tates Gana sa kaniyang anak-anakan.

Hindi inoobliga ng kaniyang pamilya si Daniel. May sariling career bilang aktres-TV host si Karla Estrada, Board Member naman sa Nueva Ecija ang kaniyang amang si Rommel Padilla, pero nagkukusa ang sikat na heartthrob.

Basta nakalibre siya sa matindi niyang schedule ay pinepremyuhan ni Daniel ang kaniyang sarili, nagbabakasyon siya sa ibang bansa, pero kasama niya ang buo niyang pamilya at ilang piling-piling kaibigan.

Pero hindi pa rin nakaliligtas si DJ sa mga kababayan nating OFW, naka-jacket na siyang may hoody at naka-shades pero nakikilala pa rin siya, hindi maramot si Daniel sa pakikipag-picture taking sa ating mga kababayan.

Ang kaniyang katwiran, “Nagpapakahirap silang magtrabaho sa ibang bansa para maiahon sa hirap ang mga pamilya nila. Malungkot ang buhay nila, mahirap mawalay sa pamilya, alam ko ang ganoong sitwasyon.

“Kaya iyong isang picture bang kasama ako, e, ipagdadamot ko pa? Walang problema sa akin iyon, basta ikasasaya nila, go lang!” pahayag ng guwapong teen actor.

Walang angas, napaka-humble, marunong tumanaw ng utang na loob at mapagpahalaga sa kaniyang mga tagahanga.

Iyon si Daniel Padilla.

Sunshine Cruz – Lantaran na ang relasyon kay Macky Mathay

Lantaran na ang relasyon nina Sunshine Cruz at Macky Mathay. Pinagtagpo ng kapalaran ang dalawang taong galing sa isang masalimuot na nakaraan.

Hindi pa napapawalang-bisa ang kanilang kasal sa pinanggalingan nilang karelasyon pero mukhang kulay rosas na ang paligid ngayon ng aktres na pinaniniwalaang nagkaroon nang matinding sugat sa paghihiwalay nila ni Cesar Montano.

Maganda ang bawat gising ngayon ni Sunshine dahil napakaaga niyang nakakabasa ng mga mensahe ni Macky na sobrang tamis. Sa halip na ipadala ng lalaki sa text ang mensahe nito sa aktres ay talagang ipinagsisigawan sa buong mundo ng kapatid ni Ara Mina ang matindi nitong pagmamahal kay Sunshine.

May karapatan namang lumigaya si Sunshine, pagkatapos nang ilang taon ng kanilang pag-aargumento ni Cesar ay walang masama kung mainlab man siya ngayon, lalo na’t tanggap na ng kanilang mga anak si Macky.

Pero sana, sabi nga ng mga nagmamalasakit kay Sunshine, ay maiayos agad ang kartada ng nakaraang relasyon ni Macky. At sana rin ay maging malaya na si Sunshine sa kanilang relasyon ni Cesar Montano.

Ang karapatang magmahal at lumigaya ay palaging nand’yan lang, nakahain lang, pero kailangang maging legal ang relasyon.

Makukumpleto lang ang kanilang kaligayahan kapag wala nang humaharang, kapag wala na silang pananagutan sa nakaraan, kapag pareho na silang malaya.

AiAi delas Alas – Nalalapit na ang kasal kay Gerald Sibayan

Mukhang mapapaaga ang planong pagpapakasal nina AiAi delas Alas at Gerald Sibayan. Sa kanilang deklarasyon noon ay magpapalipas pa sila nang apat na taon bago sila magpakasal dahil mag-iipon pa raw ang binata.

Nagtapos na sa kolehiyo si Gerald, titulado na ang boyfriend ng Philippine Comedy Queen, masayang-masaya ang komedyana dahil nakita niya kung paano nagsakripisyo si Gerald para lang makapagtapos.

“Napakalayo ng Quezon City sa school niya, nasa Taft Avenue ang La Salle, pero napakaaga niyang gumigising para hindi siya ma-late dahil sa sobrang traffic. May disiplina siya.

“I’m so proud of him, nakita ko sa kaniya ang taong nangangarap, masipag siya, matiyaga,” papuri pa ni AiAi sa kaniyang darling.

Pero dahil sa tatanggaping Papal award ng aktres ay mukhang mababawasan na ang taon ng kanilang paghihintay, mula sa apat na taon ay magiging dalawa na lang iyon, bawal silang magsiping nang hindi pa sila ikinakasal.

Kailangang maging celibate si AiAi dahil bawal ang pagkakaroon ng panglupang katawang kasiyahan, kakambal iyon ng matinding pangaral na tatanggapin niya, magsasakripisyo siya.

Ito na ang premyong nakadisenyo para sa mga taong tumutulong nang tahimik lang, walang mga camera at ingay, sa kaniyang sariling paraan ay maraming magagandang ginagawa ang Philippine Comedy Queen para sa ating mga kababayan lalo na sa hanay ng simbahan.

Coco Martin – Humakot ng parangal sa Star Awards For TV

Humakot ng parangal sa Star Awards For TV ang pinagbibidahang serye ni Coco Martin sa ABS-CBN, bukod sa parangal kay Coco bilang Best Actor na siguradong walang makakokontra, ay nagwagi rin ang iba pang mga artista ng Ang Probinsiyano.

Nitong mga huling buwan ay natututukan namin ang serye, nauuna kasi ito sa sinusubaybayan naming Magpahanggang Wakas, kasunod nito ang serye ng JaDine.

Sa pagtutok namin sa Ang Probinsiyano ay saka lang namin napansin ang husay umarte ni Arjo Atayde bilang kontrabidang anak ni Albert Martinez.

Dapat lang bigyan ng premyo ang aktor, nagsasalita ang kaniyang mga mata, kuha sa kaniyang amang si Art ang kaguwapuhan ni Arjo pero ang galing niya sa pag-arte ay walang dudang namana niya sa kaniyang inang si Sylvia Sanchez na sa kahit anong papel mo isalang ay lutang na lutang ang talento.

At ang child actor na si Aura, hindi namin puwedeng kalimutan ang batang becki dahil may mag-asawa kaming anak-anakan na malapit nang mag-away dahil sa child ator, pag-uwi kasi ng nagtatrabahong tatay ay bigla itong sinalubong ng kaniyang panganay na lalaking anak na ang sabi’y “Bongga!”

Kumekendeng-kendeng pa ang aming apo, plakadung-plakado si Aura, sa kapapanood ng kaniyang ina sa Ang Probinsiyano ay nasisilip pala ng anak nito ang ginagawang pag-arte ni Aura.

Jessy Mendiola – Hindi krimen ang pagsablay sa Ingles

Walang problema kung paminsan-minsan ay sumasablay sa pagsasalita ng Ingles ang mga artista. Hindi naman tayo banyaga, Pilipino tayo, maaasahan na ang hindi pagiging perpekto ng mga Pinoy sa English language.

Pero ayon sa isang malawakang research ay ang ating lahi ang pinakamagaling sa Ingles, iyon ang dahilan kung bakit gustung-gusto ng mga banyagang kapitalista ang mga Pinoy na manggagawa, kabog daw natin ang ibang nasyon pagdating sa pagsasalita ng English.

Doon pinagpipistahan ngayon si Jessy Mendiola, kumalat kasi ang footage sa social media habang iniinterbyu sila ng isang Ingliserang host, natural lang na diretsong mag-Ingles si Luis Manzano.

Sinabi ng aktor na pinakaseksing babae ang kasama nito sa Star Magic Ball, nang ibaling ng host ang mikropono kay Jessy, ang buong-ningning niyang sinabi, “What I am to say to that?”

Ang ibig sigurong ipakahulugan ni Jessy ay wala na siyang masasabi pa, pinuri na siya ni Luis, kaya mapagkumbaba na lang niyang tatanggapin ang papuri ng kaniyang boyfriend.

Dahil doon ay pinakain na ng panlalait ng marami ang dalaga, mapagpanggap daw kasi siya, pero wala namang laman ang kaniyang utak. Sa madaling salita ay bobo raw si Jessy.

Hindi krimen ang pagsablay sa Ingles. Kahit ang mga Amerikano ay namamali rin sa paggamit ng grammar at syntax, samantalang sariling lengguwahe na nila iyon, kinalakhan na ng kanilang dila.

Kahit sa kanilang mga kanta ay may sablay rin, tama ba ang “she don’t even know,” mali iyon pero dahil sa tinatawag na poetic license ay pinalulusot na nila ang ganoon.

Si Jessy Mendiola pa ba naman ang hahanapan ng pagiging perpekto? Nakapatay ba siya para isumpa nang ganyan katindi? Aba naman!

Maricel Soriano – Pinarangalan ng Ading Fernando Lifetime Achievement Award

Binigyan ng standing ovation si Maricel Soriano sa kaniyang pagtanggap ng Ading Fernando Lifetime Achievement Award. Pagbaba niya sa entablado ay sinalubong siya para hagkan at kamayan ng mga kapuwa niya artista.

Lumapit sa kaniya si Jennylyn Mercado, sabi ng tinanghal na Best Actress ng Star Awards, “Ma’m Maricel, idol ko po kayo. Ako po si Jennylyn Mercado.”

Sagot ni Maricel, “Oo naman, Jen! I know you, of course! Ang galing-galing mo, ang ganda-ganda mo pa at sexy!”

Komento ng aming kakuwentuhan, “Ganoon dapat ang mga artista, nagbibigay-respeto sa magagaling na artistang mas nauna kesa sa kanila!

“Marespeto si Jennylyn Mercado, siguradong tumatak kay Marya ang ginawa niya,” pagtatapos ng aming source.

Alex Gonzaga – Taklesa na, mang-aagaw pa ng eksena

Hindi nagustuhan ng mga tagahanga ni Maricel Soriano ang tangkang pagkokomedya ni Alex Gonzaga noong gabi ng Star Awards. Isa si Alex sa anim na hosts ng gabi ng parangal.

Isang seryosong parangal para sa Diamond Star ang Ading Fernando Lifetime Achievement Award ng PMPC. Pinakamataas na parangal, piling-piling personalidad ang hinahandugan noon, pero ayon sa mga tagasuporta ni Marya ay sinira ni Alex Gonzaga ang daloy ng pagpapakilala ni Robi Domingo sa pararangalan.

Kuwento ng aming source, “Napakaayos ng pagbabasa ni Robi sa pagpapakilala kay Maricel. Parang ang sinasabi ni Robi based sa script na binabasa niya, eh, isang pangalan lang ang maaalala kapag ang pinag-usapan na, eh, galing sa pag-arte sa comedy, horror at drama.

“Introduction para kay Maricel iyon habang ipinakikita ang mga eksenang ginawa ni Marya sa mga shows na pinagbidahan niya.

“Biglang sumingit si Alex, ang sabi niya na naka-distract kay Robi, ‘Alex Gonzaga?’ Natural, huminto si Robi sa pagbabasa, umepal nga kasi si Alex, wala siyang karespe-respeto sa bibigyan ng award!

“Wala dapat siyang adlib na ganoon, tribute iyon, eh! Nagtangka siyang mag-comedy, pero nabuwisit sa kaniya ang mga nandoon. Imagine nga naman, seryoso si Robi sa pagbasa ng script na pinaghirapan ng mga writers, sinira lang si Alex na napakaepal?” kuwento ng aming kausap.

At sabi naman ng isa pang hindi naman tagasuporta ni Maricel, pero nainis kay Alex Gonzaga, “Sabi niya kay Jake Ejercito, ‘Balita ko, mahilig ka raw sa mga babaeng nagsisimula ang name sa letter A. Alex Gonzaga ang name ko!’

“As if naman, papatulan siya ni Jake Ejercito na ang guwapu-guwapo! At noong tapos na ang awards night, nagpapa-picture taking ang mga artista sa lobby sa mga fans. Maraming artistang very generous sa pagpaparetrato.

“Si Alex, walang pakialam, dire-diretso siyang umalis, hindi nagpa-picture taking, feeling!” natatawa pang kuwento ng isang taga-showbiz na imbiyerna kay Alex.

Tawa lang kami nang tawa sa mga kuwentong narinig namin tungkol kay Alex Gonzaga. Ang pagkataklesa kasi niya ay hindi na bago sa amin, matagal namin siyang nakasama sa TV5, hindi na iyon nakasosorpresa sa aming pandinig.

Iyong mga wala sa tayming na hirit, sana nga ay maiwasan ni Alex, may tamang panahon ang pagkokomedya. Tulad n’yan, sa halip na matawa sa kaniyang arya ang audience ay nainis pa tuloy sa kaniya, hindi kasi oras ng pagbibiro ang pagpapakilala sa binibigyan ng tribute.

Konting pino lang, konting pagpapairal ng kagandahang-asal, dahil hindi lahat ng tao ay makatatanggap sa mga birong wala sa tiyempo.

Zsa Zsa at Conrad – Bawasan na sana ang nakakaalibadbad na PDA

Mas mabilis pa sa bitbit na mapamuksang hangin ng bagyong Lawin ang pagbiyahe ng balita sa iba-ibang bansa tungkol sa pagbabalikan nina Zsa Zsa Padilla at Architect Conrad Onglao.

May pakpak ang balita, lalo na kung tungkol sa mga artista ang isyu, kaya maraming kababayan nating dekada nang naninirahan sa iba-ibang bansa ang nagtawagan sa amin para kumpirmahin ang kuwento.

Pero sa halip na kami ang magbigay sa kanila ng istorya ay kami pa ang nabiyayaan ng pangkolum, may mga kuwentong Zsa Zsa-Architect Conrad silang ibinahagi sa amin, nakakaaliw ang kanilang mga litanya.

Mga huling buwan nang nakaraang taon ay nakita sina Zsa Zsa at Architect Onglao sa Amerika ng mga Pinoy. Natural, hindi maitatago sa kahon ang hitsura ng singer-actress, kahit pa wala siyang make-up.

Kuwento ng aming kaibigan, “Nasa isang restaurant sila, magkatabi ang upuan nila. Di ba, kung table for two ang kinuha nila, dapat, eh, magkatapat lang ang upuan nila?

“Sila, magkatabi. As in, magkatabing-magkatabi sila. Para silang mga teenager, loving-loving talaga sila, palaging magkayakap, nagki-kiss.

“Siyempre, tayong mga Pinoy, kahit matagal na tayong naka-adjust sa Western culture, eh, buhay na buhay pa rin ang pagiging conservative natin.

“Inis na inis ang mommy ko sa kanila, bakit daw ganoon sila, naglalambutsingan in public? Alam daw naman nilang maraming tao doon, saka hindi na sila mga bagets, pero bakit ganoon sila ka-open sa mga emotions nila?

“From LA to our house in Thousand Oaks, ang layu-layo ng distance, iyon pa rin ang kinaiinis ng mommy ko! Disturbed talaga siya, bakit daw ganoon si Zsa Zsa at ang partner niya, nagpi-PDA!” kuwento ng aming kaibigan.

Una naming narinig ang ganoon kuwento mula sa aming pamangking si Ferdie de Leon, sa isang restaurant sa Tagaytay naman nila nakita ang magsing-irog, nagbi-breakfast.

Ganoon din ang tema ng kuwento, habang naghihintay ng kanilang order ay magka-holding hands din sina Zsa Zsa at Architect Onglao, pero hindi pa ru’n nagtatapos ang paglalarawan sa kanilang paglalambingan.

Magkahawak na ang kanilang mga kamay ay magkakawing pa ang kanilang mga paa. Kitang-kita iyon ng mga nasa restaurant, may mga naaaliw sa panonood sa kanila, pero siyempre’y may mga naaalibadbaran din.

Siguro nga naman, kung ang gumagawa ng ganoon ay mga bagets pa ay katanggap-tanggap, pero kapag may mga edad na ay parang OA na ang dating sa mga makakakita sa kanila.

Sabi na lang ng pamangkin naming si Ferdie, “Ang pag-ibig nga naman, walang pinipiling age ng pagpi-PDA.”

May forever!

Kris Aquino – Humihina na ang hatak sa publiko, paano na?

Humina na ang kapit sa sinapupunan ng publiko ni Kris Aquino. Napakalaki ng ibinagsak ng kaniyang popularidad. Kailangan na talaga niyang baligtarin ang mundo para hindi magpatuloy ang kawalan ng interes sa kaniya ng ating mga kababayan.

Ayon sa isang nakakuwentuhan naming direktor na nag-aalala sa pinagdadaanan ngayon ng aktres-TV host ay wala nang katotohanan ang salitang over exposure.

“Noon iyon, ilang dekada na ang nakararaan ang kapaniwalaang iyon, iba na ngayon. Ang labanan na ngayon, eh, kung sino ang nand’yan, kung sino ang visible, iyon ang naaalalang bigyan ng project,” simulang komento ni direk.

At sa kasalukuyang sitwasyon ni Kris Aquino ay may mga ibinigay na pahayag si direk, nababagabag ito sa pinagdadaanan ngayon ng aktres-TV host, hindi ito makapaniwala sa hindi man lang paghahabol ng ABS-CBN sa minsang pinakasikat nilang talent.

Monologue ni direk, “Nakakabahala iyon, naaalarma ako doon. Imagine, isang Kris Aquino ka, pero kahit sign man lang ng panghihinayang, eh, wala tayong naramdaman mula sa ABS-CBN?

“Co-terminus lang ba talaga si Kris ng brother niyang pangulo na bumaba na sa position? So, hindi pala ang galing niya bilang host ang talagang binigyan ng importance ng network kundi ang connection niya?”

Sa kabilang banda, napakalaki naman ng iginanda ng imahe ni Kris sa desisyon niyang papuntahin sina Josh at Bimby sa nakaraang selebrasyon ng kaarawan ni Michaela Cazzola.

Pero may mga nagdududa pa rin, nagtatanungan sila kung hanggang kailan daw naman kaya ang ganyang pananaw ng aktres-TV host, baka raw naman pangpa-good vibes lang ang ginawa niya?

Matagal na silang hiwalay ni James Yap, naghatian na sila ng mga ari-arian, may sariling buhay na ngayon ang basketball superstar. Maligaya na ito kay Michaela, mayroon na silang anak, kaya panahon na rin para mag-move-on si Kris.

Madalas bisitahin ngayon ni Kris Aquino ang kaniyang mga kapatid. Iniikot niya ang bahay ng kaniyang mga ate at madalas din silang mag-iina ngayon sa bahay nila sa Times Street na ipinaayos nila para tirhan ni dating Pangulong Noynoy Aquino.

Ayon sa aming source ay maluwag ang oras ni Kris ngayon para maka-bonding ang kaniyang mga kapatid at pamangkin. Kahit walang selebrasyon ay palagi silang magkakasama.

Ngayon higit kailanman napatunayan ng aktres-TV host ang kahalagahan ng pamilya. Sa pagbagsak at sa pagbangon, sa makapal at sa manipis, sa anumang uri ng panahon ay nand’yan palagi ang ating pamilya para samahan tayo sa ating pinagdadaanan.

Masaklap talaga ang nangyari kay Kris, sa isang panahong akala niya’y may babalikan pa siyang oportunidad ay biglang nagbago ang ikot ng mundo, wala na pala.

Have a comment on this article? Send us your feedback

Nobyembre 16 – 30, 2016

	Pres. Duterte & Robin Padilla
	Ai Ai delas Alas
	Richard Gomez
	Charice
	Jake Ejercito
	Mocha Unson

Robin Padilla – Binigyan ni Pres. DU30 ng absolute pardon

Hawak na ngayon ni Robin Padilla ang dokumento ng absolute pardon na ipinagkaloob sa kaniya ng pamahalaan ni Pangulong Rodrigo Duterte.

Pinal at legal na legal na ang kaniyang kalayaan. Hindi na conditional pardon lang ang kaniyang pinanghahawakan, walang-wala nang pananagutan sa batas ang action star.

Ang inaasahan nang magiging kasunod ng tinanggap niyang absolute pardon ay ang matagal na niyang pangarap na makarating sa Amerika. Ilang beses na siyang kumukuha ng US visa pero palagi siyang bigo.

Ang pinakakrusyal ay ang kagustuhan sana niyang makabiyahe papuntang Amerika dahil sa pangananak ng kaniyang misis na si Mariel Rodriguez na isang US citizen.

Hanggang noong nakaraang Lunes, November 14, nang isilang ni Mariel ang kanilang panganay na si Maria Isabella ay hindi niya nakapiling ang kaniyang mag-ina.

Sa pamamagitan lang ng Skype niya natutukan ang pagle-labor at pangananak ng kaniyang misis, teknolohiya lang ang nag-ugnay sa kanila, dahil wala pa rin siyang hawak na US visa.

Pero ngayong ipinagkaloob na sa kaniya ang absolute pardon ng ating pangulo ay positibo na ang lahat. Anumang oras ngayon ay puwede na niyang dalawin at makasama ang kaniyang mag-ina sa Delaware, maligayang-maligaya ngayon ang mag-asawa.

Matutupad na ang kaniyang kagustuhang mayakap sina Mariel at Maria Isabella, hindi man siya ang pumutol sa pusod ng kanilang munting anghel kundi ang ama ng aktres TV host ay hindi pa huli ang lahat, mahabang panahon pa ang pagsasamahan nila sa Amerika dahil hindi pa puwedeng ibiyahe pauwi si Maria Isabella.

Pagkatapos na mabigo nang dalawang beses si Mariel para mahandugan ng anak si Robin, heto na ngayon si Maria Isabella, ang munting anghel na kukumpleto na sa kanilang pamilya.

Siguradong magiging napakaespesyal ng pagdiriwang ng Pasko nina Robin at Mariel dahil sa kanilang panganay, wala na silang mahihiling pa, ipinagkaloob na sa kanila ang munting anghel na mas maghihigpit pa sa tali ng kanilang pagmamahalan.

Maligayang bati sa mag-asawa.

Ai Ai delas Alas – Magpapakabanal na dahil sa Papal award

Dahil sa pagiging Papal awardee na niya ngayon ay medyo malilimitahan na ang sakop ng karaniwang ginagawa ng Philippine Comedy Queen sa kaniyang mga concert-shows.

Klik na klik kasi sa manonood ang mga pakuwela ni Ai Ai delas Alas na may halong pagmumura at pambabalahura, iyon ang tatak ni Ai Ai sa entablado, aliw na aliw sa kaniya ang manonood sa ganoong atake niya.

Pero ngayon ngang siya ang napiling handugan ng katas-taasang parangal ng Santo Papa at ng simbahan ay natural lang na iba na ang inaasahan sa kaniya ng ating mga kababayan.

Kay Ai Ai na mismo nagmula na medyo kikinisin na niya ang kaniyang performance, hindi na siya gagamit ng costume na may malalaking boobs, hindi na rin siya magpapakawala ng mga pagmumura dahil hindi na bagay iyon sa tinanggap niyang parangal.

At celibate na rin ngayon ang Comedy Concert Queen, hindi na sila nagsisiping ng kaniyang boyfriend na si Gerald Sibayan, titiisin nila ang tawag ng laman hanggang sa magpakasal na sila dalawang taon mula ngayon.

Palagi nga siyang tinutukso ng bagets niyang boyfriend, “Ang hirap kaya ng ganito!” na tinatawanan lang ni Ai Ai nang bonggang-bongga, kahit pa siya’y nahihirapan na rin.

Pero kailangan niyang panindigan ang mga restriksiyong pinaiiral ng simbahan, kailangan niyang sumunod, dahil doon siya mabubutasan.

Ang dami-dami pa namang bashers ng komedyana, naghihintay lang ng pagkakataon ang mga iyon para siya bulabugin, kaya sa kaniya na mismo nanggagaling ang pag-iingat.

“Hindi po ako Santa, lalong hindi po ako nagpapanggap na perfect ako, tao pa rin po ako na nagkakasala,” madalas sabihin ngayon ng Philippine Comedy Queen.

Richard Gomez – Bakit pinagbibintangang kasali sa droga?

May karapatang mainis-matawa si Mayor Richard Gomez sa pagdadamay sa kaniyang pangalan bilang protektor ng droga. Mukhang nakalimot agad sa kasaysayan ang mga taong nag-uugnay sa kaniya sa usapin tungkol sa ipinagbabawal na gamot.

Ilang taon na ang nakararaan ay naging tagapamuno ng isang Party List si Goma, ang Mad (Mamamayan Ayaw sa Droga), hindi lang nakalusot ang partido dahil sa panghaharang ng ilang pulitiko.

At kilalang-kilala ng publiko ang aktor-pulitiko bilang isang atleta. Lahat na yata ng klase ng laro ay nasalihan na ni Mayor Richard, ang pinakahuli ay ang pagiging miyembro niya ng Philippine Volleyball Team, pero magaling din siya sa basketball, rowing, golf at fencing.

Nakakatawa nga naman na pati ang kaniyang pangalan ay mapasama sa mga sinasabing protektor ng droga. Paano nga naman mapagbibintangan ang isang galit na galit sa droga bilang tagapagpalaganap pa pala ng ipinagbabawal na gamot sa kaniyang nasasakupan?

Sana naman ay maghinay-hinay ang mga otoridad sa pagtuturo. Baka naman may isang kakontrang pulitiko lang si Goma na nagnguso sa kaniya para ipahiya siya at wasakin ang magandang pangalan at imahe niya ngayon bilang mayor ng Ormoc City.

Napakalayo sa katotohanan ng bintang sa aktor-pulitiko, walang sapat na basehan iyon, maling kabayo ang tinayaan ng nagturo kay Mayor Richard Gomez bilang protektor ng mapamuksang droga na matagal na niyang tinututulan.

Manny Pacquiao – Kontrobersyal ang pag-imbita kay Gen. Bato sa Las Vegas

Karakter talaga si PNP Chief General Ronald “Bato” dela Rosa. Sabay silang umuwi ng Pilipinas ng ating kampeong si Senador Manny Pacquiao, magkatabi sila ng upuan sa eroplano, kaya nagkaroon sila nang mahabang bonding.

Kuwento ni General Bato, “First time ko ito sa pag-akyat sa ring, kaya panay-panay ang dasal ko na sana, manalo si Pareng Manny! Hindi ako mapakali sa ibaba, magalaw ako sa upuan ko!

“Ang inaalala ko kasi, since first time ko itong umakyat sa ring, ako ang bagong mukha sa corner niya, e, baka sabihin ng mga kababayan natin na ako pala ang malas dahil first time ko nga iyon!” kuwento ng tagapamuno ng PNP habang tawa naman nang tawa ang Pambansang Kamao.

Maligaya rin si General Bato dahil nagkaroon sila ng masarap na bonding ng kaniyang buong pamilya sa Amerika dahil sa desisyon niyang manood ng Pacman-Jessie Vargas fight.

Sa kanilang bahay raw kasi, dahil sa matindi niyang pananagutan at trabaho bilang heneral, ay halos wala na silang pagkakataong makapagkuwentuhan ng kaniyang misis at mga anak.

Nagsisimula ang kaniyang trabaho nang halos madaling-araw pa lang, hatinggabi na siya nakauuwi, wala na siyang lakas at parang hindi na raw siya pakikinabangan. Bitin man ang kanilang bakasyon ay masaya pa rin si General Bato dahil mula nang maupo siyang tagapamuno ng PNP ay kapos na kapos siya sa panahon para sa kaniyang pamilya.

“Kailangan na naming umuwi agad-agad ni Pareng Manny dahil sa mga sinumpaan naming tungkulin, naiwan pa sa Amerika ang family ko. Walang choice, mas kailangan kami ni Pareng Manny ng mga kababayan natin.

“Pero umuwi kaming very happy. Masasaya kami, dahil champion si Pacman!” masayang pahayag ni General Bato.

Kaya lang, binubulabog si General Bato ngayon dahil sa libreng ticket sa eroplano at sa mismong laban na ibinigay sa kaniya ni Senador Manny Pacquiao.

Labag daw iyon sa pinaiiral na alituntunin para sa mga nakaupong opisyal ng ating pamahalaan. Puwede raw silang tumanggap ng regalo tulad ng pabango, relo, kurbata at iba pa, pero bawal silang tumanggap ng mga regalong may malaking halaga.

Nagpakatotoo naman si General Bato, aminado ito na pinagbigyan ng kaniyang pamilya ang imbitasyon ni Pacman na manood ng laban salas Vegas, kahit bitin daw ay nakapag-bonding ang kaniyang pamilya.

Nakapagtataka naman kung bakit ngayon lang nakukuwestiyon ang ganito. Sa mga nakaraang laban ni Pacman ay sangkatutak din ang mga pulitikong nanonood ng kaniyang pakikipagsagupaan sa ring, libre lahat ang tiket at akomodasyon sa hotel ng mga VIP guests niya.

Ganoon katinding makisama si Pacman, bumibili siya ng ticket sa produksiyon ni Bob Arum para ipamigay sa kaniyang mga kaibigan, ikinukuha rin ng hotel ng Pambansang Kamao ang kaniyang mga bisita.

Walang inaasahang kapalit doon si Pacman, masaya na siyang makita ang kaniyang mga kaibigan na nanonood ng kaniyang laban dahil dagdag na suportang moral iyon para sa kaniya, at hindi lang mga pulitiko ang binibigyan niya ng libreng ticket kundi pati ang mga artistang malapit sa kaniya.

Bakit kailangang dikdikin si General Bato, magkaibigan sila ni Pacman, pareho silang anak ng Mindanao?

Sa ilang beses naming panonood ng mga laban ng Pambansang Kamao ay namumutiktik ang mga pulitikong lumiban pansamantala sa kanilang mga trabaho para lang suportahan ang pambato ng ating bayan.

Libre rin ang kanilang plane ticket, may kuwarto rin sila sa iba-ibang hotel salas Vegas, pocket money lang ang hindi ibinibigay sa kanila ng Pambansang Kamao.

Pahayag ni General Bato, “Kung talagang nagkamali ako, eh, handa naman akong magpakulong!”

Naku, napakaraming problema ng ating bayan na kailangang bigyan ng prayoridad ng mga nagpapapoging pulitiko d’yan, sabi nga ng mga pilosopo ay hindi lang daw siguro sila nabigyan ng libreng ticket sa laban ni Pacman kaya sila nanggagalaiti ngayon.

Charice Pempengco – Kawawa na, kailan kaya liligaya?

Kailan nga ba sapat ang sapat? Hanggang kailan ba dapat nakakulong ang isang personalidad para sagutin ang lahat-lahat ng mga pangangailangan ng kaniyang pamilya?

Wala na ba siyang karapatang bumuo ng sarili niyang mundo? At ang tanong, wala na ba siyang karapatang lumigaya, sa kabila ng mga ginagawa niyang pagtulong sa mga taong mahal niya?

Iyon siguro ang mga tanong na gustong isigaw ng magaling na international performer na si Charice Pempengco sa ituktok ng bundok. Baka sakaling may makarinig sa paglalabas niya ng emosyon.

Mula noong bata pa ang singer ay wala na siyang naging prayoridad kundi ang maiahon sa kahirapan ang kaniyang pamilya, siya na ang sumagot sa responsibilidad ng kaniyang ama, siya na ang naging sandalan ng kaniyang ina at kapatid maging ng kaniyang lola.

Pero wala nga sigurong kabusugan ang mga taong hindi nagbibigay-pahalaga sa pagsisikip ng kanilang kapwa, sobra-sobra na ang ginagawa para sa kanila, pero kulang at kulang pa rin.

Dumating sa buhay ni Charice si Alyssa Quijano, ang kapwa niya singer na nagpapaikot ng kaniyang mundo, doon na nagsimulang gumulo ang relasyon ng magaling na singer sa kaniyang pamilya. Kontra ang mga ito kay Alyssa.

Kung tutuusin ay mabait pa nga si Charice Pempengco dahil sa kabila ng lahat ng mga salitang natitikman niya ay nananahimik lang siya.

Kahit masikip na ang kaniyang dibdib ay hindi niya sinasagot ang mga taong nang-aapi sa kaniya nang walang sapat na dahilan, hindi bale nang ang imahe niya ang naaapektuhan, basta alam niya sa kaniyang sarili na wala siyang pagkukulang.

Jake Ejercito – Masama ba ang maging mabuting ama ni Ellie?

Maximum tolerance daw ang kailangang pairalin ni Jake Ejercito sa madalas na pakikisawsaw ni Jaclyn Jose sa kaniyang mga social media posts.

Maraming nakakapansin na masyadong nakatutok ang atensiyon ng premyadong aktres sa mga komentong inilalabas ni Jake tungkol sa kanila ng kaniyang anak na si Ellie.

Kapag may magandang komento ang binatang-ama ay asahan nang may pangkontra si Jaclyn, hinihigitan nito ang mga sinasabi ni Jake, parang nakikipagkumpetensiya ang aktres sa ama ng kaniyang apo.

Sana’y pabayaan na lang ni Jaclyn ang paglalabas ng emosyon ni Jake, nakakaasiwa ang kaniyang mga sinasabi, halatang-halata na ayaw nitong bahaginan ng kredito si Jake bilang ama ni Ellie.

Wala namang ginagawang masama iyong tao, gusto lang niyang ipaalam sa publiko kung gaano niya kamahal ang anak nila ni Andi, pero nagiging balat-sibuyas si Jaclyn.

Mas maraming nagmamahal sa bata ay mas maganda, mas maraming nagbibigay ng atensiyon sa bata ay mas makabubuti, lalo na’t ngayon pa lang naman nakakapagpahayag ng pagmamahal si Jake Ejercito sa kaniyang anak.

Gawin bang kumpetisyon ang pagmamahal kay Ellie? Tawagin bang manggagaya lang ang ama ng bata? Parang wala na sa riles ng katwiran ang mga ginagawa ni Jaclyn Jose.

Kris Aquino – Epic snub daw ang ginawa sa kaniya ni Pres. DU30

Oo nga naman. Nakapagtataka kung bakit kung kailan sunud-sunod na pagkabigo ang nangyayari sa career ni Kris Aquino ay saka naman tumibay ang kaniyang naturalesa.

Hindi siya nagkakasakit ngayon, lalong hindi siya naoospital, samantalang noong walang mga ganitong nangyayari sa kaniyang buhay ay palagi siyang nagpo-post ng kaniyang pagkakasakit.

Parang malaking pintuan na namang binuksan ni Kris Aquino ang kaniyang buhay at career sa publiko nang hindi siya siputin ni Pangulong Rodrigo Duterte para sa pinaghandaan niyang one-one-one interview.

Paborito na naman siyang gawing panghimagas ngayon sa social media, wala na namang puknat na pamba-bash ang inaabot niya, sanay na sanay nang kumain ngayon ng ampalaya ang aktres-TV host.

Nang tawagin niyang epic snub ang ginawa sa kaniya ni Ka Digong ay nag-umalma ang mga tagasuporta ng ating pangulo. Iyon daw talaga ang nararapat sa isang tulad ni Kris.

Madalas na si Phillip Salvador ang nagiging kinatawan ni Pangulong Digong sa mga okasyong hindi nito napupuntahan dahil sa higpit ng kaniyang schedule. Kasal, libing, binyag at iba pang piging ay si Kuya Ipe ang pinakikiusapan ng pangulo na dumalo bilang proxy nito.

Mabuti na lang at hindi naisipan ni Ka Digong na ipadala si Kuya Ipe sa Go Negosyo, iyon na sana ang magmamarka sa pagkikitang muli ng mga magulang ni Josh, tutal naman ay nakipagkita na rin nang personal si Kris kay James Yap na ama ni Bimby.

Sa seryosohang anggulo ay walang pamimilian si Kris kundi ang tanggapin ang katotohanan na hindi pa niya kakampi ang panahon. Tama ang kaniyang sinabi na marami pa siyang kailangang pag-aralan sa buhay na ito.

Napakataas ng tingin ni Kris sa kaniyang sarili, super-sikat-to-the-max sa pakiramdam niya ang kaniyang kasikatan, pero sa isang bigwas lang ng kapalaran ay nadiskaril ang lahat ng kaniyang mga plano.

Ang naganap kay Kris ay isang malinaw na ehemplo na gaano man kaningning ang bituin ng isang personalidad ay puwedeng basta na lang maglaho iyon. Walang pinipiling estado at pangalan ang paglamlam ng popularidad.

Tatluhan lang daw ang pagdating ng mga hindi kagandahang pangyayari sa ating buhay. Una ay ang pagkawala niya sa ABS-CBN, ikalawa ang pagkabulilyaso ng kaniyang mga plano sa APT, ikatlo ang hindi pagsipot ni Pangulong Rodrigo Duterte sa pinaghandaan niyang panayam.

It comes in three’s. Tapos na ang sumpa ni Kris Aquino kung ganoon!

Mocha Uson – Walang takot! Tinawag na TRAPO at plastic si Kris Aquino

Sa biglaang paghusga ay nakayayamot lang si Mocha Uson dahil mahilig siyang makisawsaw sa maraming usapin. Para siyang bawang na kasahog sa lahat ng lutuin.

Pero, malakas talaga ang loob ni Mocha. Wala siyang keber kung pupugin man siya ng mga bashers dahil sa paglalantad ng kaniyang mga saloobin.

At siya lang ang tanging personalidad na diretsong nakapagsabi na TRAPO at plastik si Kris Aquino! Kung ang ibang napaplastikan sa aktres-TV host ay nagtatago lang ng kanilang saloobin ay ibahin natin si Mocha.

Talagang sinumbatan niya si Kris, wala raw karapatan ang Queen Of All Media na magsabing susuportahan nito ang hanay ng mga magsasaka, dahil hindi pa rin nakakalimutan ng sambayanan ang Hacienda Luisita Massacre.

Iyon ang naging madugong engkuwentro sa mismong haciendang pag-aari ng mga Cojuangco-Aquino, maraming buhay ang nabuwis doon, nakipaglaban ang mga magsasaka dahil sa pangangamkam sa kanilang mga lupain.

Binanggit din ni Mocha ang kasaysayan ng Kidapawan Massacre. Bigas ang hinihingi ng mga magsasaka, pero bala ang ipinakain sa kanila, naganap iyon sa pamahalaan ni dating Pangulong Noynoy Aquino.

Alam ni Mocha ang kaniyang sinasabi, sinusundan niya ang mga kaganapan, buhay na buhay ang kaniyang pagtutok sa kasaysayan. May katwiran ang nagpapaseksing singer sa kaniyang mga sinasabi dahil kakambal noon ang katotohanan at kasaysayan.

At TRAPO naman talaga ang pamilyang kinabibilangan ni Kris. Mula sa kaniyang ama, ina at kapatid, tradisyunal silang pulitiko, kaya hindi sablay ang pagkakalarawan ni Mocha sa aktres-TV host.

Have a comment on this article? Send us your feedback

Disyembre 1-15, 2016

	Manny Pacquiao
	Nora Aunor
	Kris Aquino
	Liza Diño
	Albert Martinez
	BB Gangang Hari
	Alden Richards
	Claudine Barretto

Sen. Manny Pacquiao – Ibang-iba na. Mulat na sa mundo ng pulitika

Kamakailan lamang, isang araw ng Linggo, tinawagan kami ng Pambansang Kamao. Wala lang, nagkuwentuhan-nagkumustahan lang kami, gusto lang daw niyang magpasalamat sa lahat ng suportang ibinibigay namin sa kaniyang pamilya.

Sabi nami’y nakakagulat na ang nakikita naming pagbibigay niya ng opinyon sa maraming makabuluhang paksa tungkol sa ating bayan; marami rin siyang kakampi sa mga desisyong ginagawa niya, hindi na basta nakakulong lang sa lona ang talento ni Senador Manny Pacquiao.

“Mahirap ang sitwasyon ko ngayon. Kailangan kong patunayan sa mga kababayan natin na hindi sila nagkamali ng pagtitiwala sa akin bilang senador,” kuwento ng Pambansang Kamao.

Totoong-totoo na noong nagte-training siya ay isinasabay niya ang pagrepaso sa mga batas na gusto niyang maamyendahan para sa kapakanan ng ating mga kababayan.

Kahit noong ituloy niya ang pag-eensayo sa Wild Card Gym sa Los Angeles, California ay bitbit niya pa rin ang mga dokumento na binabasa niya pagkatapos ng kaniyang training.

“Bagitong senador lang ako, marami pa akong dapat matutuhan. Willing naman akong mag-aral, alam ko namang kulang pa ako sa knowledge. Ang mahalaga, tinututukan ko ang trabaho ko.

“Iyon ang pangako ko sa ating mga kababayan, maging busy man ako sa boxing, hindi ko pababayaan ang posisyong ipinagkatiwala nila sa akin,” madiing sabi ng Pacman ng ating bayan.

Sa mga panahong ito ay masusi niyang pinag-aaralan ang mga detalye ng kasong kinasasangkutan ni Kerwin Espinosa na nakatakda noong gisahin sa Senado.

“Malawak ang sakop nito. Kailangang maging maingat ako. Ayoko kasing mangdamay ng mga taong wala namang kinalaman talaga sa bentahan ng droga.

“Walang kampihan sa imbestigasyon, palaging sa totoo lang talaga tayo,” may paninindigan niyang sabi.

Parang kailan lang iyon na kapag magkasama kami ng Pambansang Kamao ay marami kaming napag-uusapan pero walang kinalaman iyon sa mga isyu tungkol sa ating bayan.

Ngayon ay ibang-iba na siyang magsalita, mulat na mulat na siya sa mundo ng pulitika, lalo na sa mga isyung kapaki-pakinabang sa mayorya nating kababayan.

Kapag gusto ay may paraan pero kapag ayaw ay maraming dahilan.

Nora Aunor – Pinaninindigan ang pagiging “La Traidora”

SI Nora Aunor naman ang pinakakain ng ampalaya at apdo ngayon sa social media. Ang dahilan—ang pagdalaw ng Superstar sa puntod ng dating Pangulong Ferdinand Marcos sa Libingan Ng Mga Bayani.

Ang bira sa aktres, napakabilis daw namang magpalit ng kulay ni Nora Aunor; tandang-tanda pa ng mga kababayan natin ang matindi niyang pagkontra noon sa pamilya.

Ano raw ang nakain ng Superstar at bigla siyang dumalaw sa puntod ng kinalaban niyang pulitiko noon? Kailangang-kailangan daw ba kasi ng publisidad ng aktres para sa pumasok niyang pelikula sa MMFF?

Sa paglipas nang mahabang panahon, siguro’y tapos na para kay Nora Aunor ang lahat, nakalimutan na siguro niya ang paglaban noon sa diktaturyang Marcos.

Noong kasagsagan ng pagpapatalsik kay dating Pangulong Joseph Estrada ay umakyat din sa entablado si Nora Aunor, kung anu-ano ring akusasyon ang ibinato niya laban kay Pangulong Erap, may mas matindi pa ba kesa doon?

Bukas na aklat naman ang kanilang ugnayan ng aktor-pulitiko, pero nasikmura pa rin niyang makihalo sa mga nagpapababa sa posisyon kay Pangulong Erap; doon nga siya kinambalan ng pagiging La Traidora ng ating mga kababayan.

Siya ang pinakahuling personalidad na inaasahan ng mas nakararami na hindi makikiisa sa pagbabagsak kay Pangulong Erap, pero pumagitna siya sa entablado, kaya bago pa ba naman ang kuwento ng pagdalaw niya sa puntod ni dating Pangulong Macoy?

Holy cow!

Kris Aquino – Bumili na ng sariling columbarium

Tama ang sinabi ng kaibigan naming propesor, sa gitna ng kontrobersiya tungkol sa lihim na paglilibing kay dating Pangulong Ferdinand Marcos sa Libingan Ng Mga Bayani ay hindi puwedeng basta manahimik lang si Kris Aquino, hindi niya makakayang panindigan ang kaniyang post sa social media na ang nakabibinging ingay ay katahimikan.

Nangyari nga iyon nang maglabas ng video blog si Kris na tumatalakay sa gusto niyang mangyari kapag siya’y namatay. Ayaw na raw niyang abalahin pa ang kaniyang mga anak, kaya kumuha siya ng columbarium na paglalagakan ng kaniyang abo, kesa sa intindihin pa nina Josh at Bimby ang pag-aalaga sa kaniyang puntod.

Ayon pa kay Kris ay hindi na mahalaga kung saan siya ililibing; simpleng ritwal lang ang kaniyang kailangan, dahil ang pinakamahalaga para sa kaniya ay ang kagustuhan niyang mapunta sa langit.

Natural, binulabog na naman ni Kris ang kamalayan ng ating mga kababayan. Isang matinding senyal iyon na anumang sabihin at gawin niya ngayon ay kinakagat pa rin ng publiko, lalo na ng kaniyang mga bashers.

Si prop ang unang tumawag sa amin kahapon nang umaga, ang sabi nito, “I told you! Hindi siya puwedeng basta manahimik lang sa gitna ng mga kontrobesiyang ito tungkol sa paglilibing kay FM!

“Siya mismo ang nagsabi na sa December pa niya dapat ilalabas ang post niya, pero ginawa na niya ngayon, dahil very timley. Siya na! Si Kris na talaga! What a way to get involved!” sabi ni prop.

Nagkumahog naman ang mga kontrang-Kris sa pang-iinsulto sa kaniya, langit daw ba ang gusto niyang puntahan, pero wala namang nagsabing sa impiyerno o sa purgatoryo ang tiyak niyang destinasyon dahil sobrang kawalan na ng budhi ang paghusgang ganoon.

Kinuwestiyon ng marami ang pinili niyang tiyempo ng paglalabas ng kaniyang video blog, inagahan niya raw iyon ng sadya para patagilid siyang makisawsaw sa isyu ng paglilibing sa dating pangulong kalaban ng kanilang pamilya, iyon daw ang kaisa-isang dahilan noon at wala nang iba pa.

Witty naman talaga si Kris Aquino. Alam niya kung kailan at saan siya papasok at lalabas. Pasensiya na lang kung ipinanganak na ganoon si Kris at kinapos ang iba.

Kris Aquino is Kris Aquino. Tuldok.

Liza Diño – Karampatang parusa sa kabastusan ni Baron

Napapanahon ang pag-ayuda ni Liza Diño, tagapamuno ng Film Development Council, sa pinakahuling sultada ng pang-iihi ni Baron Geisler.

Wala na talagang pagbabago ang ugali ni Baron.

Si Ping Medina naman ang biniktima niya ngayon, sa isang eksena nilang pinagsamahan sa isang pelikula ay lantaran niyang inihian ang kapwa niya aktor, ano na nga ba ang nangyayari sa buhay ng magaling pa namang umarteng lalaking ito?

Sinasang-ayunan ng buong bayan ang pahayag ni Liza na kailangang lapatan ng solusyon ang pagmamalabis, ang kawalan ng respeto sa kapwa, tulad ng ginagawa ni Baron.

Hindi lang naman kasi ngayon nangyari ang senaryo ng pang-iihi ni Baron. Pinainom niya ng ihi si Kiko Matos, inihian niya ang drive-thru ng isang sikat na food chain, pang-ilan na ba si Ping Medina sa mga harap-harapang binaboy ng aktor?

Idadaan ni Liza Diño sa wastong proseso ang lahat. Maaaring isang araw kapag pinagtibay na ang pagbibigay ng leksiyon kay Baron ay hindi na muna natin siya mapapanood sa pelikula at telebisyon. Kailangan nang may gawing hakbang ang industriya bago pa ihian ni Baron ang lahat ng mga kasamahan niyang personalidad.

Kung nagawa niyang lusutan ang mga nakaraang kalokohang pinalutang niya, sa pagkakataong ito ay wala nang pupuntahan si Baron. Kailangan na niyang tanggapin na sa lipunang ito ay karakter ang pinakamahalaga at hindi ang talentong bitbit ng artista.

Hindi na maayos ang takbo ng utak ng taong ganoon, wala na sa tamang linya ang kuwerdas ng kaniyang pag-iisip, isang matinding gamutan na ang kailangan ni Baron Geisler.

Albert Martinez – Nasa US dahil sa kasal ni Alyanna

Sinusulat namin ang kolum na ito ay nakatakda nang lumipad papuntang Amerika si Albert Martinez at ang kaniyang mga anak. Ikakasal na ang kaniyang panganay na si Alyanna at isang napakagandang pagkakataon na rin ito para sa bonding nilang mag-aama.

May kakambal na lungkot lang ang kanilang pagsasama-sama dahil wala na si Liezl, hindi na nahintay ng aktres ang pagbubuo ng sariling mundo ni Alyanna, pinupunuan na lang ni Albert ang mga kulang kahit pa alam niyang hindi iyon sapat para makumpleto ang kanilang pamilya.

Nag-last taping day na si Albert para sa Ang Probinsiyano; siguradong mami-miss ng manonood ang labanan nila ni Coco Martin, isang patunay na kailanman ay hindi nagwawagi ang kasamaan.

Palaging makapigil-hininga ang mga eksena nila sa piitan ni Coco, dagdagan pa iyon ng nakaiinis at epektibong pagganap nina Tito Eddie Garcia at Arjo Atayde, hahanapin ng manonood ng serye si Papa Tom.

Pansamantala ay gugugulin ni Little (palayaw ng magaling na aktor) ang panahon sa pakikipag-bonding sa mga anak nila ni Liezl. Siya mismo ang nagsabi na para lang silang magkakaibigan, sa kaniyang pagbabalik ay isang bagong proyekto na naman ang kaniyang gagawin sa matagumpay na produksiyon ni Deo Endrinal.

Sabi ng kaniyang manager na si Shirley Kwan, “Bittersweet ang pagsasama-sama nila dahil wala na nga si Liezl. At least, nandoon naman si Lolo Bobby (Romeo Vasquez) para makasama nila.

Ito na rin ang panahon para madalaw ni Albert at ng kaniyang mga anak ang mga kaibigan nila sa Amerika, matagal silang nanirahan doon, pati ang kaniyang kapatid na si William.

BB Gandanghari – Inilibing na si “Rustom Padilla”

Tuluyan nang inilibing ni BB Gandanghari si Rustom Padilla. Namaalam na siya sa kaniyang dating pagkatao, alaala na lang ngayon ang dating asawa ni Carmina Villaroel; babaeng-babae na siya at pati ang kaniyang kasarian ay nakadokumento na ngayon sa Amerika.

Mayroon siyang karelasyon, maligaya siya ngayon. Ayon kay BB Gandanghari ay kumpleto na ang kaniyang buhay dahil ibinigay na ng Amerika ang matagal na niyang hiling.

Wala nang magagawa ang kaniyang pamilya sa pinili niyang buhay, kung saan siya maligaya ay iyon na rin ang posisyon ng kaniyang ina at mga kapatid, pero hanggang doon na lang iyon.

Kahit si Robin Padilla na tutol na tutol noon sa kaniyang rebelasyon ay napapabuntong-hininga na lang. Tanggap na nito ang pangyayari pero huwag na lang daw sanang ipakilala pa sa kaniya ang lalaking pinanggagalingan ng inspirasyon ngayon ng kaniyang kapatid, sapat na ang pang-unawang ibinibigay sa kaniya ng action star.

Mula sa isang bruskong aktor ng mga pelikulang ginawa nila ni Robin ay heto na ngayon si Rustom Padilla, babaeng-babae na, wala na halos ang anino ng pagiging Rustom niya. Nasilip pa namin ang pelikulang Mistah noong minsan, hanggang ngayo’y hindi kami makapaniwala na babae pala ang puso ng aktor na nakikipagbakbakan at barilan sa pelikula, ang buhay nga naman.

Kung saan tayo maligaya ay doon tayo. Kung ano ang kukumpleto sa ating buhay ay tatalikuran natin ang nakaraan.

Halos sabay pala ang paglilibing kina Rustom Padilla at dating Pangulong Ferdinand Marcos.

Alden Richards – Mayroon nang kolehiyalang non-showbiz girlfriend

Kung totoo ang impormasyong natanggap namin tungkol kay Alden Richards ay masaya kami para sa aktor. Kuwento nito ay may isang non-showbiz girl na palaging dinadalaw ngayon ang Pambansang Bae.

Sino nga kaya ang mahiwagang dalaga na madalas dalawin ngayon ni Alden Richards? Maganda, matalino at mula raw sa buena familia ang babae, pero walang anumang kuneksiyon sa showbiz. Ayon sa aming source ay palaging masaya at inspirado ngayon ang sikat na aktor.

Inaasahan na ng mas nakararami ang gagawing pag-upak kay Alden Richards ng kung sinu-sino d’yan sa paglabas ng kuwentong may isang espesyal na kolehiyalang nagpapasaya sa kaniya ngayon.

Natural, aalsahan iyon ng mga umaasang sila pa rin ni Maine Mendoza ang magkakatuluyan. Para sa mga taong iyon ay sila lang ni Menggay ang nababagay para sa isa’t isa, wala nang iba pa o kahit sino.

Pero kung lalaliman lang ng mga taong iyon ang pagbabalanse sa sitwasyon ay maiintindihan nila na July pa noong nakaraang taon nagsimula ang loveteam nina Alden at Maine. Araw-araw silang magkasama sa kalyeserye, pero bakit hanggang ngayo’y wala pa rin namang namumuong espesyal na pagtitinginan sa pagitan nila?

Mayroon ngang magkaka-loveteam na ilang buwan pa lang na nagkakasama palagi ay nauuwi na sa totoohanan ang emosyon para sa isa’t isa? Pero bakit ang AlDub, hanggang ngayo’y pangharap lang ng mga camera ang paglalambingan nila, hindi totoo sa tunay na buhay?

Dapat kayang sumuko na sila?

Claudine Barretto – Maghahalo na naman ang balat sa tinalupan

Kahit naman sinong magulang ay siguradong aalsa kapag sinaktan ang kaniyang anak. Lalo na kung walang kalaban-laban ang bata, sinong ina ang basta mananahimik na lang, giyera mundial ang kalalabasan noon.

Sampung taon lang si Santino, anak nina Raymart Santiago at Claudine Barretto, sariwa pa at wala pang kalaban-laban ang mga buto ng bagets lalo na kung ang mananakit sa kaniya ay may matitigas nang buto.

Iyon ang ikinagagalit ngayon ni Claudine. Sinaktan si Santino ng isang taong dapat ay hindi pumapatol sa bata, sa tema ng pagsasalita ng aktres ay kamag-anak ni Raymart ang nanakit sa kanilang anak.

Si Claudine ay parang kapanganganak na tigre pagdating kina Sabina at Santino. Huwag na huwag mong sasaktan-pipintasan ang kaniyang mga anak dahil siguradong makikita mo ang ayaw mong makita sa tanang buhay mo.

Katwiran ni Claudine ay sino pa ba ang magtatanggol sa kaniyang mga anak, siya lang ang mag-isang kasama ng magkapatid, paminsan-minsan lang naman nilang nakikita-nakakasama si Raymart.

Isinasama ni Claudine sina Sabina at Santino kahit saan siya magpunta, ramdam ng mga nakakakita sa mag-iina ang ibinibigay na proteksiyon ng aktres sa magkapatid, kaya hindi na nakabibigla ang mga sinasabi niya ngayong nasaktan ang kaniyang anak.

Hinahamon ngayon ni Claudine si Raymart para umaksiyon, sana raw naman ay kumilos ang aktor bilang depensa sa nasaktan nilang anak, paminsan-minsan man lang daw sana ay manindigan naman ang aktor para sa kapakanan ng kanilang supling.

Nagpupuyos sa galit ngayon si Claudine at mukhang makararating sa korte ang kaganapang ito. Si Claudine Barretto pa naman, saktan mo na siya at makakaya pa niyang palampasin iyon, pero huwag na huwag mong kakantiin sina Sabina at Santino dahil siguradong maghahalo ang balat sa tinalupan.

Have a comment on this article? Send us your feedback

Disyembre 16-31, 2016

	Kathryn Bernardo
	Daniel Padilla
	Mark Bautista
	Vhong Navarro
	Kat de Castro
	Mocha Unson
	Kris Aquino
	Nora Aunor

Kathryn Bernardo – Paboritong katrabaho ng film at TV crew sa Pilipinas

Puro positibong komento ang narinig namin mula sa mga namahala sa isang magazine cover shoot ni Kathryn Bernardo. Napakabilis daw nilang natapos dahil walang kaartehan sa katawan ang young actress.

Sa tagal na ng grupo sa trabahong ito ay alam na nila ang kartada ng maraming artista. Kilalang-kilala na nila ang mga personalidad na maldita, maarte at palaging cause of delay.

Doon naiiba si Kathryn Bernardo. Maaga siyang dumating sa pictorial, bago siya nagpa-make-up ay umikot muna siya para magbigay-pugay sa mga nasa set, wala siyang hininging kung anu-ano at lalong wala siyang reklamo.

Sabi ni anak-anakang Ogie Narvaez-Rodriguez, “Masarap katrabaho ang tulad ni Kathryn na hindi mo na aasikasuhin. Alam na niya kung ano ang gagawin. Mabilis siyang magbihis, areglado siya agad, ganoon sana ang lahat ng mga artista, sikat man o starlet pa lang.”

Napansin din ng lahat ang magandang hubog ng katawan ngayon ni Kathryn, alagang-alaga raw ng batang aktres ang kaniyang mga kinakain, habang tumatagal ay lalo raw gumaganda ang inspirasyon ni Daniel Padilla.

Ang mga ganoong kuwento ay mabilis kumalat. Iisa lang ang mundong ginagalawan ng mga namamahala sa pictorial, TVC shoot at iba pang mga proyekto, kaya walang naililihim sa kanila.

“Ayaw na ayaw pala ni Kathryn na nagiging cause of delay siya. Kahit sa shooting at taping, palagi siyang dumarating nang maaga, okey lang sa kaniya ang maghintay nang matagal, huwag lang siya ang hinihintay,” dagdag na kuwento pa ni Ogie Narvaez-Rodriguez. Panalo!

Daniel Padilla – Cancelled ang concert sa Araneta Coliseum

Kung kailan naman pinagpipistahan sa social media na milya-milya na ang layo ng JaDine sa KathNiel ay saka naman nataon ang hindi pagkatuloy ng concert ni Daniel Padilla sa Araneta Coliseum.

Natural, ano ang unang-unang papasok sa isip ng kahit sino kapag ganoon, hindi mabenta ang ticket para sa kaniyang konsiyerto kaya kesa sa malugi nang milyun-milyon ang kaniyang mga prodyuser ay mas magandang i-postpone na lang muna.

At natural uli, ang maiisip ng mga kontra sa popularidad ng heartthrob ay bumababa na ang kaniyang kasikatan kasabay ng pagdausdos ng kaniyang premium, kaya hindi natuloy ang malakihan niyang palabas.

Pero hindi natin alam ang dahilan kung bakit kinailangang ipagpaliban ang major concert ni Daniel, baka may kinalaman iyon sa mga sponsors, maaaring nakiusap din ang mga ito na sa Pebrero na gawin ang concert dahil paubos na ang kanilang budget sa sponsorship para sa taong ito.

Milyunan ang gastos sa ganoon kalaking proyekto. Sa mga guests na lang ay malaki na ang ilalabas na puhunan ng mga prodyuser, sa venue pa na hindi naman biro ang rental, ang mga musikero pa na hindi naman puwede ang iilang pirasong miyembro ng banda lang ang aakumpanya kay Daniel at sa kaniyang mga bisita.

Sa punto de bista ng mga namumuhunan ay mas maganda nang iurong muna ang proyekto kesa naman sa malugi sila nang milyunan. Ano ba naman ang petsa, numero lang iyon, ang importante ay tuloy na tuloy pa rin ang concert ni Daniel Padilla sa February 4, 2017 sa Araneta Coliseum.

Mark Bautista – Hangang hanga kay CNN anchor Anderson Cooper

Binigyan ng ibang kulay ng mga netizens ang personal na pagkikilala nina Mark Bautista at Anderson Cooper sa mismong studio ng CNN.

Isa si Anderson Cooper sa mga pambatong anchors ng CNN, matapang ang anchor-reporter, sumusuong ito sa iba’t ibang bansa kung saan nandoon ang matinding balita at aksiyon.

Noong manalanta ang bagyong Yolanda sa Leyte ay nandito si Anderson, naging kontrobersiyal ang argumento nila ni Korina Sanchez, naging matulis ang dila ng CNN anchor.

Bukod sa galing at tapang ni Anderson Cooper (dalawa sila ni Christiane Amanpour) ay tumatak din ang kaniyang pangalan sa lahat ng mga tumututok sa CNN dahil sa matapang nitong pag-amin sa buong mundo tungkol sa kaniyang kasarian.

At tama ang kaniyang mga punto. Hindi kabawasan sa pagkatao ang pagiging bading. Ang kailangan lang ay ang pagiging totoo dahil hindi lang ang sarili mo ang niloloko mo kundi ang buong mundo.

Lalong lumakas ang kaniyang programang Anderson Cooper 360, milyun-milyon ang nadagdag na sumusubaybay sa kaniya, bukod nga naman sa napakatapang na nito sa paglusob sa giyera ay napakatotoo pa.

Sa kaniyang post ay ipinagmalaki ni Mark Bautista ang personal nilang pagkikita ni Anderson Cooper sa mismong studio ng programa nito sa CNN, live daw na nandoon ang bagong halal na pangulo ng Amerika na si Donald Trump, ipinost din ng singer-actor ang retratong magkasama sila ng CNN anchor.

Komento pa ni Mark, “I don’t care about what other people say, but I have so much respect for this man. Talk about wisdom, thank you for all the advise.”

Maraming nainggit sa IG post ni Mark Bautista, maraming kababayan din natin ang nangangarap na isang araw ay makaharap din ang magaling at matapang na CNN news anchor, pero ang mundo ng social media ay masyadong mapanghusga.

Lumutang agad ang mga komento tungkol sa pagkikita nina Mark at Anderson Cooper, ano raw kaya ang pinag-usapan nila, bakit daw nagpapasalamat si Mark sa mga advise na ibinigay sa kaniya ni Anderson?

Komento ng ibang nagbigay ng malisya sa kanilang pagtatagpo ay ipinagtapat na rin daw kaya ni Mark ang tunay niyang gender kay Anderson?

Iyon daw kaya ang ipinagpapasalamat ng singer-actor sa kaniyang post? Pinayuhan daw kaya siya ni Anderson na magpakatotoo sa kaniyang sarili at sa buong mundo?

Magpakatotoo na tayo. Matagal nang iniuugnay ang pangalan ni Mark Bautista kay Piolo Pascual. Hindi nga lang iyon diretso, palaging patagilid, palaging ginagawang pahulaan sa mga blind items.

Pero sa halip na magpaapekto sa mga tsismis ay ipinagpatuloy nina Mark at Piolo ang kanilang pagkakaibigan. Eh, ano ba kung lumalakad silang pugot ang kanilang mga ulo dahil sa malisyosong paghusga sa kanila, ang pinakaimportante ay hindi naapektuhan nang kudlit man ang kanilang relasyon bilang magkaibigan.

Mag-bro pa rin sila na nagmamalasakit sa isa’t isa, magkapatid pa rin silang nagdadamayan kapag nalalagay sila sa alanganin, iyon ang pinakamahalaga.

Ang totoo ay Spell I lang, as in inggit, ang mga nagbibigay ng malisya sa pagtatagpo nina Mark at Anderson Cooper (parang kilala namin ang CNN anchor kung banggitin namin ang kaniyang pangalan. Ha! Ha! Ha! Ha!) dahil gustung-gusto rin nilang makaharap at makasama sa retrato ang pambatong news anchor-reporter ng CNN.

Iyon lang iyon!

Vhong Navarro – Sana’y magtagumpay ang Mang Kepweng Returns

Birthday ng dancer-comedian-actor na si Vhong Navarro sa January 4. Niregaluhan ng aktor ang kaniyang sarili at ang kaniyang pamilya. Ngayong Kapaskuhan ay magba-bonding sila sa ibang bansa.

Pagkatapos niyang kumpletohin ang pinagbibidahan niyang pelikula, ang Mang Kepweng Returns, pakiramdam ni Vhong ay dapat niya namang regaluhan ng pahinga ang kaniyang sarili.

May It’s Showtime pa siya araw-araw, puro trabaho ang aktor, maaga siyang gumigising para harapin ang kaniyang mga kompromiso. Pero isa si Vhong Navarro sa mga personalidad na sobrang magmahal sa kaniyang propesyon.

Kuwento ni Direk GB Sampedro, kaibigan at direktor niya sa Mang Kepweng Returns, “Napaka-professional ni Vhong, never niyang binigyan ng problema ang production sa kabuuan ng shooting namin.

“Nanggagaling pa siya sa It’s Showtime, pero hindi siya nale-late, masarap siyang katrabaho dahil marespeto siya sa mga co-stars niya,” sabi ng guwapong direktor.

Sinikap nilang tapusin sa takdang panahon ang pelikula para magkaroon ng espasyo ang proyekto sa MMFF, pero tulad ng mga pelikula nina Vice Ganda at Bossing Vic Sotto, hindi pinalad ang Mang Kepweng Returns.

Kundi magbabago ang playdate ay ipalalabas na ang pinagbibidahang pelikula ni Vhong sa January 4, mismong birthday niya, hiling ng dancer-actor na sana’y iregalo na lang sa kaniya ng ating mga kababayan ang pagsuporta sa kaniyang pelikula.

Nakakaaliw ang Mang Kepweng Returns, ito ang proyektong ihinapay sa pinagbibidahang pelikula noon ng namayapang sikat na komedyanteng si Papang Chiquito, magbabalik na ang makasaysayang albularyo ng pelikulang Pilipino.

Kat de Castro – Dapat magpapayat kahit konti ang Tourism Under-secretary

Walang masama sa pagiging malusog. Puwede nating deadmahin ang maliit na sukat ng bewang basta maganda ang kundisyon ng ating puso. At nasa pagdadala lang ‘yan.

Isang gabing nakatutok kami sa news ay nawindang kami sa sobrang inilusog ni Kat de Castro, kasabay pa naman niyang naglalakad ang mga nagseseksihang kandidata ng Miss Universe na gaganapin dito sa susunod na buwan, lalong lumutang ang kalakihan ng anak ni Kabayan.

Maganda ang posisyon ngayon ni Kat sa Department Of Tourism, may karapatan naman siya sa ipinagkatiwalang trabaho sa kaniya ni Pangulong Rodrigo Duterte, ilang taon siyang nag-host ng isang programang tutok din ang tema sa turismo ng ating bayan.

Mukhang napabayaan ni Kat de Castro ang kaniyang sarili nitong mga nakaraang panahon, nakakagulat lang, dahil hindi na namin nakikita ang kaniyang leeg ngayon.

Sabi nga nami’y wala namang masama sa pagiging malaki, kaya lang ay kailangang mag-ingat ni Kat, bukod sa magiging mahirap na ang balanse ng kaniyang katawan ay kailangan din niyang bantayan ang kaniyang puso.

Kung nagawa ng Megastar na si Sharon Cuneta ang pagbabawas ng timbang ay kayang-kaya rin iyon ni Kat, lalo na ngayong mga panahong ito na halos wala na siyang sariling panahon dahil sa pagiging abala sa gaganaping pangdaigdigang kumpetisyon ng pagandahan sa ating bayan, makagaganda kay Kat de Castro ang exercise.

Mocha Uson – Matibay rin ang sikmura ni Mocha

Masyado nang lumalalim ang partisipasyon ni Mocha Uson sa mundo ng pulitika. Walang masama sa pagiging diehard Duterte supporter niya, kalayaan niya iyon, pero sana’y mag-ingat-ingat naman siya sa pagpapakawala ng mga salita.

Matibay rin ang sikmura ni Mocha. Wala siyang pakialam sa mga taong nagpapakain sa kaniya ng apdo at ampalaya araw-araw, hindi siya nagpapaapekto, dahil paulit-ulit niyang sinasabi na mayroon siyang paninindigan.

Marami na siyang nakakaaway nang dahil sa pagiging vocal niya sa paglalabas ng kaniyang saloobin, inaagahan, pananghalian at hapunan na niya ang galit ng mga kababayan nating hindi sumasang-ayon sa kaniyang mga opinyon, baka naman nakakalimutan na ni Mocha ang tunay niyang propesyon bilang singer-performer dahil sa sobra-sobrang panahong ibinibigay at inilalaan niya sa pakikipagbakbakan sa social media?

Sa mainit na isyu ngayon ng pagkawala sa gabinete ni VP Leni Robredo, ke nagbitiw man ito o pinagbitiw, ay nagpipista na naman si Mocha.

Tinawag niyang traydor ang ikalawang pinakamataas na pinuno ng ating bayan, wala raw naman itong ginagawa kundi ang kontrahin lang ang mga gustong mangyari ni Pangulong Rodrigo Duterte, kaya dapat lang na sipain na sa kaniyang posisyon si VP Leni.

Ewan kung saan humuhugot ng lakas ng loob si Mocha Uson sa pakikipag-argumento, lumalalim na siyang masyado, wala na siyang sinisino sa paglalabas ng kaniyang mga saloobin at opinyon.

Adik kasi si Mocha, adik na adik na siya sa social media, ine-enjoy niya ang matinding atensiyong nakukuha niya. Kontra man o sumasang-ayon sa kaniya ang post ay parang langit na para sa kaniya.

Malaya tayong makapagpahayag ng ating nararamdaman, pero kakambal noon ang responsibilidad, tayo lang ang puwedeng managot sa kahihinatnan ng ating mga ginagawa at sinasabi - hindi natin maaaring ipanagot iyon sa ibang tao.

Kris Aquino – Malaki ang posibilidad na babalik na sa TV

May nakapagkuwento sa amin na hindi pa tapos ang laban para kay Kris Aquino. Malaki pa rin daw ang posibilidad na matuloy ang programang gagawin niya sa GMA-7 sa pamamagitan ng produksiyon ni Mr. Tony Tuviera.

“May hinihintay na lang silang documents from SEC para makapag-operate na sila. The big possibility is there. May gagawin siyang show sa GMA-7,” malinaw ang impormasyong nakarating sa amin.

Maganda kung ganoon. Sana nga ay makabalik sa telebisyon si Kris dahil napakalaki ng kaibahan noon sa digital shows na ginagawa niya ngayon. Iba pa rin ang napapanood siya sa buong bansa dahil sa mga probinsiya ay hindi naman mayaman sa kaalaman ang mga kababayan natin tungkol sa digital shows.

Ibang-iba pa rin iyong iklik mo lang ang telebisyon at ilagay mo sa kaniyang istasyon ay mapapanood na siya.

Nasasayangan kami sa talento sa pagho-host ni Kris. Naaartehan man sa kaniya ang mas nakararami, naiinis man sa kaniya ang malaking porsiyento ng manonood, ay hindi pa rin natin maitatanggi ang katotohanan na magaling siya.

At nakapanghihinayang ang talentong nakakulong lang sa digital, kakaunti lang ang nakapanonood sa kaniya, samantalang puwede naman siyang regular na makita kung magkakaroon siya ng show sa GMA-7.

Para sa susunod ay marami nang magdedepensa sa kaniya kapag ipinatawag ng mga bossing ng network ang kanilang production staff. Para maraming tumayo para kumontra kapag tinatanggal na siya.

Isa lang naman ang tanong ng mga bossing -kumportable pa ba siyang katrabaho o hindi na? Pagtataas lang ng kanang kamay at pag-iling ang katapat ng tanong na iyon.

Sa malas ay natalo sa botohan si Kris Aquino. Mas maraming umiling kesa sa nagtaas ng kamay para makatrabaho pa rin siya.

Nora Aunor – Personal na nananawagan sa mga fans para panoorin siya

Ayan, mismong si Nora Aunor na ang nakikiusap sa kaniyang mga tagahanga na suportahan-panoorin ang kaniyang pelikulang nakapasok sa Metro Manila Film Festival.

Kailangang manawagan ng Superstar dahil hindi kagandahan ang resulta kapag ipinalalabas na ang mga proyekto niya, kundi man first day-last day sa mga sinehan iyon ay mayroon pang mga kuwentong nagpe-frist screening-last screening ang kaniyang mga pelikula.

Totoo naman kasing maiingay lang ang kaniyang mga tagahanga, pero kulang naman sa gawa, kaya nagkakaganoon ang kapalaran ng kaniyang mga pelikula sa takilya.

Ibang-iba ang mga tagahanga nila ni Congresswoman Vilma Santos. Bukod sa hindi na nang-aaway ng mga kolumnista ang mga tagasuporta ng Star For All Seasons ay nagkakaisa pa silang panoorin ang bawat pelikulang ginagawa ng kanilang Ate Vi.

Lumalabas sila ng bahay para manood, gumagastos sila, hidi puro katsang lang at kuda ang ginagawa ng mga Vilmanians. Kumikilos sila para patunayan na buhay na buhay pa rin ang kanilang suporta para sa aktres-pulitiko.

At kinokontra namin ang sinabi ni Nora Aunor na hindi raw kasi aktibo sa social media ang kaniyang mga tagahanga. Anong hindi? Isa kami sa mga kolumnistang pinagmumumura sa text at FB ng mga tagahanga niya kapag naglalabas kami ng opinyong hindi paborable sa kanilang Superstar.

Minsan lang naming babasahin ang kanilang mga negatibong komento, pagkatapos ay lalagyan na namin ng pangalang BOGUS ang kanilang numero, pero kapag tumatawag sila ay tinatanggap namin ang kanilang tawag kahit hindi namin pinakikinggan ang kanilang mga pagmumura.

O, loko, di ubos ang load nila!

Sunshine Cruz – Open book na ang romansa kay Macky Mathay

Lantaran na ang pakikipagrelasyon ni Sunshine Cruz kay Macky Mathay. Pareho pa silang nakatali sa mga nakaraan nilang relasyon pero hindi na nila inililihim ang kanilang pagmamahalan.

Ipinakilala na ni Sunshine ang mga anak nila ni Cesar Montano kay Macky, maayos naman ang pagtanggap ng mga bagets sa karelasyon ng kanilang mommy, wala nang problema kung tutuusin sa parte ng singer-actress.

Pero gaano man kapositibo ang lahat ay hindi pa rin malaya si Sunshine, kasal pa rin sila ni Cesar, kasal pa rin si Macky sa anak ni Congressman Rudy Farinas.

Para makumpleto ang kanilang kaligayahan ay maging legal na sana nag paglaya ni Sunshine, mapawalang-bisa na sana ang kanilang kasal, pareho lang naman silang may karapatang lumigaya.

Kailangang maging legal na ang paghihiwalay nila ni Cesar, kailangang korte ang humusga sa kanilang kapalaran, dahil nasa Pilipinas si Sunshine.

Sa bansang ito pa naman, puwedeng makipagrelasyon sa iba ang lalaki, pero iba ang tingin ng ating lipunan sa babaeng nakikipagrelasyon nang nakagapos pa ang mga kamay sa isang hindi nagtagumpay na relasyong legal.

Have a comment on this article? Send us your feedback

Enero 1 – 15, 2017

	Mocha Unson
	Pres. Duterte & Manny Pacquiao
	Carlo Caparas
	Regine Velasquez
	Karla Estrada
	Bimby, Josh & Kris sa Hawaii
	Sharon Cuneta
	Gabby Concepcion
	BB Gandanghari
	Nora Aunor

2017 – Bawal ang maging tamad sa gustong umasenso

Tapos na ang Pasko. Sabi nga ng matatanda ay lugmok na ang nayon. Butas na ang bulsa ng mga Pinoy. Pero ang pinakamahalaga, sa kabila ng kakapusan ng mas nakararami sa atin, ang kultura ng Paskong-Pinoy na pagpapaligaya sa kapuwa ay buhay na buhay pa rin.

Dumating na ang Bagong Taon. Ipagpag natin ang lahat ng hindi kagandahang pangyayari sa kasalukuyang taon at bigyan natin ng puwang ang pag-asa sa ating puso na ang taong 2017 ay magiging payapa at produktibo para sa ating lahat.

Sa isang masusing pagbabalanse ay napatunayan na mas pinaghahandaan natin ang pagpitada ng Bagong Taon. Sinasalubong natin ang New Year na may mga putukan. Naghahanda tayo ng mga prutas na puro bilog.

Sabi ng iba ay huwag tayong maghahain ng manok sa hapag. Kakalaykayin daw kasi noon ang ating kabuhayan sa papasok na taon. Huwag din daw magsasama ng mga prutas na maasim. Aagawin daw noon ang tamis ng ating pakikipagrelasyon.

Unang-una, ano naman ang kinalaman ng manok sa ating kabuhayan? Anong prutas din ang walang sangkap na asim na kaagawan ng tamis?

Ang bawal ay ang maging tamad, ang pangangarap na hindi kinakambalan ng aksiyon, ang paghahangad na tumama nang milyun-milyon sa lotto pero hindi naman tumataya.

Isang mapagpalaya, mapayapa at mabiyayang 2017 po para sa ating lahat!

Mocha Uson – Dinaig pa ang pamilya ni Pres. DU30 sa porma

Busog na busog sa mga negatibong komento ngayon si Mocha Uson mula sa mga tinatawag niyang bashers at trolls. Ayaw siyang tantanan, talagang pinabubundat ng mga ito ang kaniyang tiyan sa masasakit na mensahe, dumidighay na siguro ngayon ang nagpapaseksing singer.

Magtanim ka nang malakas na hangin at bagyo ang aanihin mo. parang paglalaro lang ng pelota ang buhay. Kung gaano kalakas ang pagpalo mo ng bola sa pader ay iyon din ang siguradong babalik sa iyo.

Tinawag niyang bugok ang mga hindi sumasang-ayon sa kaniyang mga opinyon, kabugukan din ang ibinabalik sa kaniya ngayon, at mas matitindi pang paglalarawan.

Maraming nagpadala ng text messages sa amin noong isang araw, hindi na namin babanggitin pa ang kanilang mga pangalan dahil kakapusin ang aming espasyo, pero sila ang mga lehitimong manunulat na minsang tinawag na “presstitutes” ni Mocha Uson.

Ayaw nilang patulan ang pabuka-bukakang singer sa entablado. Sayang na sayang daw kasi ang mahalaga nilang oras, kaya nga noong nagsalita siya sa isang pagtitipon ay naging abala ang mga media men.

May nagpunta sa CR, may tumutok sa kanilang gadget, nagkukuwentuhan ang iba at maraming nagsipagtaas lang ng kilay habang nagmamagaling sa pagsasalita si Mocha.

Eh, ano ngayon kung maraming kumokontra sa pagkakatalaga sa kaniya ng MMDA bilang ambassadress ng MMFF? Lahat ba ay inaasahan niyang sasang-ayon sa posisyong ibinigay sa kaniya?

Eh, ano rin ngayon kung kinukuwestiyon ang pinahawakang puwesto sa kaniya sa MMFF, wala na bang karapatang pumuna ang mga kababayan natin sa ipinagmamalaki niyang posisyon?

Nang tanungin si Mocha kung ano ang magagawa niya bilang ambassadress ng MMFF ay isa lang ang kaniyang tugon – pag-iingay.

Komento naman ni SOS, “Talaga naman pong nakakabuwisit ang babaeng iyon, ang kapal po talaga ng mukha ng Mochang iyon! Kung makapagsalita siya, eh, parang walang problema sa kredibilidad niya.

“Kaya ang dami-dami niyang bashers! Kinukuwestiyon ang credibility niya, tinatanong kung ano ba ang alam niya? Kasi nga, saan ba naman kasi siya kilala?

“Di raw ba sa pagtuwad-tuwad sa entablado at panglalandi sa mga lalaking kinukuha niya sa audience? Nadikit lang ang pangalan niya kay Pangulong Duterte, feeling niya, eh, powerful na rin siya!

“Kung ang mismong family nga ng presidente, eh, low profile lang, di po ba? Kaya mahiya-hiya naman sana ang Mocha na ‘yan sa mga pinagsasasabi niya kung may natitira pa siyang kahihiyan sa katawan niya!” inis na komento ni SOS.

Manny Pacquiao – Inendorso ni DU30 na President-to-be sa 2022

Hindi na kailangang dumating ang Pasko para magbigay ng regalo ang isang taong natural nang may busilak na puso. Pasko o hindi ay palaging bukas ang kaniyang mga palad sa pagpapasaya at pagtulong sa kaniyang kapuwa.

Iyon si Senador Manny Pacquiao para sa mga kababayan niya sa General Santos City, mula Enero hanggang sa katapusan ng taon ay nand’yan lang siya para dumamay sa mga pangangailangan ng mga kababayan niya, hindi pinagbago ng kasikatan at kayamanan ang Pambansang Kamao.

Kuwento ng mga kaibigan naming nagtatrabaho sa Senado ay ang room ni Senador Pacquiao ang palaging pinipilahan ng mga kababayan nating nangangailangan ng ayuda.

Sabi pa nito, “Sa Senate, alam na alam mo kung sino ang mambabatas na madaling lapitan. Palaging may pila sa kuwarto-opisina niya. Iyong mga kilalang sarado ang mga palad, walang kapila-pila!

“E, si Senador Manny, hindi nawawalan ng pila sa office niya. Madali kasi siyang hingan ng tulong, maraming nagpupuntahan sa kaniya dahil napakabukas ng palad niya,” sinserong kuwento ng aming source.

Kaya naman patuloy ang pagbaha ng mga biyaya para sa ating kampeong boksingero, lahat ng tulong na ibinibigay niya ay ibinabalik din sa kaniya ng kapalaran, mas maraming-maraming doble pa nga.

Katwiran ni Pacman, kapag nawala tayo sa mundo ay walang-wala tayong madadala, ang tanging maiiwanan lang natin ay ang magagandang alaala mula sa mga taong minsan isang panahon ay nasagip natin sa matinding kagipitan.

Buong-ningning na inendorso ni Pangulong Rodrigo Duterte si Senador Manny Pacquiao bilang “president-to-be” para sa taong 2022. Kuwarenta’y tres anyos na ang Pambansang Kamao sa susunod na presidential election.

Nakikita raw kasi ni Ka Digong na malaki ang magagawa ni Senador Pacquiao para sa ating mga kababayan, hawak daw ng Pambansang Kamao ang disiplinang kailangang pairalin sa pamumuno ng ating bayan, pati ang walang kakuwesiyun-kuwestiyon niyang katapangan.

Pero isang masayang ngiti lang ang itinugon ng senador-boksingero sa mga papuri ng ating pangulo, para sa kaniya ay napakarami pa niyang dapat matutuhan, hindi pa siya hinog sa panguluhan.

Direk Carlo J. Caparas – Abangan ang pelikula ng El Shaddai

Gusto naming mapanood ang Miracles Are Forever, ang pelikulang idinirek ni Direk Carlo J. Caparas na hinati sa tatlong bahagi, ang tatlong kuwento ay hango sa libro ng mga milagro ng El Shaddai.

Pumayag ang tagapamuno ng El Shaddai na si Brother Mike Velarde kina Direk Carlo at Tita Donna Villa na maisapelikula ang tatlong magagandang istorya para patunayan sa publiko na nagaganap ang mga milagro sa ating buhay.

Sa isang episode ay nagpakitang-gilas sina Yassi Pressman at Mark Neumann, sa isa pang bahagi ay si Assunta de Rossi naman ang nagpamalas ng galing sa pag-arte, pero sa tatlong episode ng Miracles Are Forever ay mas nakapang-iimbitang manood ang kuwento ng Mamasapano SAF44 Untold Story na pinagbibidahan ni Richard Gutierrez.

Bukod kina John Arcilla at Sid Lucero ay nakasasabik panoorin ang mga anak na aktor ng mga personalidad na mayroon nang napatunayan. Si Raf Fernandez ni Daboy, si Gabriel de Leon ni Christopher, si Elvis Gutierrez ni Tito Eddie at si CJ Caparas ni Direk Carlo.

Nasusubaybayan namin ang mga pagtitipon ng El Shaddai sa telebisyon. Nararamdaman namin ang matinding pananampalataya ng mga miyembro ng grupo ni Brother Mike na nagwawagayway ng panyong puti at nagsasahod ng payong nang pabaligtad para sa biyayang gusto nilang matanggap, gusto naming mapanood iyon ngayon sa malaking telon.

Bukod sa magagaling na artistang kinuha nina Direk Carlo at Tita Donna para sa trilogy ay gusto uli naming maramdaman ang walang makakukuwestiyong husay sa pagsusulat ng istorya ni Direk Carlo J. Caparas na nagsimula sa mga komiks, na pagkatapos ay naging pelikula na, kaya kaniyang-kaniya lang ang titulong Komiks King.

Regine Velasquez – Marunong tumanaw ng utang na loob

Sa kabila ng kaniyang kaabalahan ay nagagawan pa rin ng paraan ni Regine Velasquez na bigyan ng pagpapahalaga ang mga taong katuwang niya sa kaniyang propesyon.

Kailan lang ay binigyan niya nang sapat na oras ang kaniyang mga designers at stylists, nagpa-party ang Asia’s Songbird sa mga nag-aasikaso sa kaniyang mga gown kapag mayroon siyang concert, pati ang mga nag-aayos sa singer-actress sa kaniyang mga lakad.

Mga kaibigan din ng anak-anakan naming si Ogie Narvaez-Rodriguez ang mga designers at stylists na pinasaya ni Regine. Panay-panay raw ang kuwento ng mga ito tungkol sa kagandahan ng puso ng singer-actress, bibihira na nga lang naman ngayon ang mga personalidad na naglalaan ng panahon sa pagpapasalamat at pagtatawid ng utang na loob.

Masasarap ang ihinandang pagkain ni Regine, nakahanda na rin ang mga basket na pang-Noche Buena ng kaniyang mga bisita, at isang gabing hindi makakalimutan ang inikutan ng kanilang mga kuwentuhan.

Napakasarap namnamin ng mga papuri sa talikuran. Lumalaganap iyon sa buong kapaligiran. Kaya naman mula noon hanggang ngayon ay nandito pa rin ang isang Regine Velasquez.

Namamayagpag pa rin siya sa kabila ng mga nagdaratingang magagaling na singers, paborito pa rin siya ng buong bayan, lalo na ng mga becki.

Karla Estrada – Anyare? Bakit parang pinakawalan sa kusina?

Text ng isang anak-anakan namin, “‘Nay, nanonood ka ba ng Christmas Special ng ABS-CBN? Watch ka, tingnan mo kung gaano kasyuba si Karla Estrada!” Salamat, salamat, Bhoyzee Caragay.

Nag-switch kami ng channel, umalis muna kami sa HGTV, nasa gitna ng entablado sina Karla Estrada, Jolina Magdangal at Melai Cantiveros, nagho-host sila, kapansin-pansin nga ang sobrang laki ng nanay ni Daniel Padilla.

Pagdikitin man ang katawan nina Jolina at Melai ay mas malapad pa rin si Karla, nakaumbok pa ang kaniyang sobrang yaman na bilbil, tama ang punto ng mga tagahanga ni Enrique Gil na unahin munang asikasuhin ni Karla ang kaniyang katawan bago ang paninira sa kanilang idolo.

Hindi namin alam kung bakit lumapad nang husto si Karla, nakakapagpalapad ba ng katawan ang mga biyayang dumarating sa kanilang pamilya dahil sa anak niyang si Daniel Padilla?

Palagi bang nakatambay si Karla sa kanilang kusina? Kung bakit naman ipinalabas pa ang Christmas Station ID ng Dos, naka-sleeveless pa si Karla, kaya kitang-kita ang mga nagmumura niyang braso sa laki.

Nalilibang yata ang nanay ni Daniel sa kakakain, mas interesado kaming bigyan ng malasakit ang kaniyang kalusugan, makasasama sa kaniya ang sobrang pagtaba.

Sabi pa ng isang miron, “Iyon ang dapat niyang tinatanggal, ang mga taba-taba niya sa katawan, hindi si Quen na kasama sa group picture, pero tinanggal niya sa ipinost niyang picture!”

Kris Aquino – Bumalik kaya ang ningning ni Kris ngayong 2017?

Nasa ibang bansa man ngayon si Kris Aquino na kasama ang kaniyang mga anak para sa isang masarap na bakasyon ay siguradong nasa Pilipinas pa rin ang kaniyang utak.

Hindi naging mabait kay Kris ang nakaraang taon, naganap sa kaniyang buhay at career ang isang karanasang kahit siguro sa kaniyang panaginip ay hindi inakala ng aktres-TV host na magaganap, ang mawalan siya ng network.

Hanggang ngayon ay isang malaking tandang-pananong pa rin para sa mas nakararami ang kinauwian ng kaniyang career noong 2016. Sino nga ba ang mag-aakala na sa isang iglap lang ay mawawalan pala ng trono ang isang nagrereyna-reynahan?

Totoong-totoo ang kasabihan na hindi lahat ng biyaya ay naiipon lang sa iisang tao. Milyonarya si Kris, sikat, pero hungkag naman ang kaniyang puso.

Nasa ganoong estado siya pero puwede rin palang dumating sa kaniya ang pagkakataong mapagsaraduhan ng pintuan ng matatawag na balon ng kaniyang mga biyaya.

Nasira tuloy ang kapaniwalaan na - What Kris wants, Kris gets - dahil dinaot ang kaniyang career sa taong 2016. Pero pana-panahon lang naman ‘yan. Baka sa 2017 ay ngumiti na uli sa kaniya ang kapalaran.

Baka sa kaniyang pagbabalik ay mayroon na palang matatawag na mother studio si Kris Aquino. Walang mayhawak ng bukas. Lahat ay posibleng mangyari.

Sharon Cuneta – Pumapayat na si Mega para sa movie nila ni Gabby

Nagpista ang mga tagahanga nina Sharon Cuneta at Gabby Concepcion nang ibalita namin sa Cristy Ferminute na kumpirmado na ang kanilang pagbabalik-tambalan sa Star Cinema.

Sa isang iglap ay dinagsa na kami ng mga song request (Throwback Thursday kasi iyon), pakipatugtog daw namin ang P.S. I Love You at Dear Heart, ang unang dalawang pelikulang pinagtambalan nina Gabby at Sharon.

Sabi ni Rein Cortez ng Dimples Fishcrackers na pati ang pirma ng Megastar ay plakadung-plakado, “Ako ang magbubukas ng sinehan sa unang araw ng showing ng movie nila! Pagkatapos ko sa isang sinehan, lilipat pa ako sa iba, panonoorin ko uli iyon!”

Hindi naman nagpakabog si Bradly Guevarra na tanging si Sharon Cuneta (sige na nga, pati si Sheryl Cruz!) ang ginagawang inspirasyon sa buhay.

“Ito na iyon! Pagkatapos nang napakahabang paghihintay! Directed by Cathy Garcia-Molina! Napakaligaya ko!” komento ni Bradly.

Nagkakuwentuhan kami ng mga dati naming katrabaho sa ABS-CBN. Sila mismo ang nagpatotoo sa amin na napakalaki na ng ipinayat ngayon ni Sharon Cuneta.

Sa personal daw ay mas kapansin-pansin ang malaking ibinagsak ng timbang ngayon ng Megastar. Hindi naman masasabing maliit na maliit na ang bewang ni Sharon, pero kumpara noon ay napakalaki ng iniliit ng kaniyang katawan, pati raw ang braso ng singer-actress ay hindi na nagmumura sa katabaan.

Kailangang karirin ni Mega ang pagpapapayat dahil malapit nang simulan ang shooting ng pelikula nila ni Gabby Concepcion.

BB Gandanghari – Kahawig na ngayon ni Carmina

Malapit nang mapa-sign of the cross ang kaibigan naming nakakita kay BB Gandanghari sa isang mall sa Amerika. Umalis kasi ito ng Pilipinas ay Rustom Padilla pa ang pagkakilala nito sa aktor, alam naman nito ang kuwento, pero iba pa rin daw kapag personal mo nang nakita ang pagbabagong-anyo ni Rustom.

Nasa women’s section si BB Gandanghari, bumibili ng mga underwear, may kasama siyang guwapong lalaki na sa tingin ng aming kaibigan ay isang Mexicano.

“Alam mo, na-shock talaga ako! Alam ko naman na nagpalit na siya ng gender, kuwentuhan iyon sa opisina namin, pero iba pa rin kapag nakita mo na mismo ang isang taong lalaking-lalaki noong umalis ka, pero girl na girl na ngayon!” reaksiyon ng aming kaibigan.

Ang payat-payat daw ni BB, seksing-sexy, maliliit ang mga braso at binti. Babaeng-babae na nga ang dating mister ni Carmina Villaroel.

Tanong ng aming kaibigan, kahit minsan daw kaya ay hindi naamuyan ni Carmina ang tunay na gender ni BB, habampanahon daw bang barado ang ilong ng aktres?

“At may hawig siya kay Carmina ngayon, ha? Puro pink ang binibili niyang underwear, nakakaloka talaga, sinusundan-sundan namin siya ng mga anak ko habang nagsi-shopping,” natatawa na lang na komento ng aming kaibigan.

Posisyon ng pamilya ay tanggap na nila ang naging kapalaran ni Rustom, kung saan siya maligaya ay hindi na kokontra ang kaniyang ina at mga kapatid, pero mayroon silang kundisyon.

Huwag na lang sanang ipakilala pa ni BB Gandanghari sa kanila ang lalaking nagpapaligaya sa kaniya ngayon.

Tama nang alam nila ang milagro, huwag na lang nilang makita ang santo, ganoon ang kanilang paninindigan ngayon.

Nora Aunor – Hindi sinuportahan ng Noranians ang Kabisera sa MMFF

 Kundi ba naman talagang inaalat ang mga pelikulang lahok sa MMFF. Sino ba ang mag-aakala na makikieksena pa ang bagyong Nina sa mismong Kapaskuhan?

Napakaraming araw na puwedeng manalanta ang bagyo, pero tumiyempo pa sa Pasko, kung kailan may ipinagdiriwang ang buong mundo ay saka pa ito nakisali.

Malaking kabawasan sa kikitain sa takilya ng walong pelikulang lahok sa MMFF ang hindi kagandahang klima. Kung iyong wala ngang bagyo ay tamad na tamad na silang lumabas ng bahay dahil sa sobrang trapik, iyong may bagyo pa kaya, lalong hindi na lalabas sa kalye para manood ng sine ang ating mga kababayan.

May hagupit sa umpisa pero may bawi sa bandang dulo ang komento ng isang kaibigan-anak-anakan naming nanood ng pelikula ni Nora Aunor sa MMFF.

Ang kaniyang sabi, “Nakakaanim na pelikula na ako mula noong Pasko. Itong kay Ate Guy, marami-rami naman kami sa pinagpanooran kong sinehan. Okey na sana, kaso, nalaman namin ng kasama ko na kaya pala kami umabot nang beinte, eh, libre ang mga senior citizens.

“Ganoon pala sa Makati. So, malinaw na kaming apat na magkakasama lang pala ang nagbayad, the rest, eh, free admission na.

“Uulitin ko lang ang madalas kong sabihin sa iyo noon na nand’yan pa rin naman ang mga Noranians, aktibo pa rin naman sila, pero iyon nga lang, hindi sapat ang bilang nila para gawing hit ang pelikula ng idolo nila.

“Publiko ang susi sa pagkita ng pelikula at wala nang publikong sumusuporta kay Nora Aunor. Sa totoo lang tayo. Magpakatotoo na tayo.

“Pero in fairness, magaling si Nora Aunor sa Kabisera. Siya ang saving grace ng pelikula. Isang malaking kahangalan na hindi man lang binigyan ng grade ng Cinema Evaluation Board ang Kabisera.

“Kahit man lang sana Graded B, eh, binigyan ang movie niya dahil hindi naman pipitsugin ang obra ni Nora Aunor,” papuri ng aming anak-anakan sa pagganap ng Superstar.

Isang kaibigan namin na maraming taon nang namumundok ang dumalaw sa kaniyang pamilya nitong Kapaskuhan. Natural, nagkayayaan silang magkakamag-anak na manood ng mga pelikula sa MMFF, pinili nilang panoorin ang Die Beautiful na pinagbibidahan ni Paolo Ballesteros.

Ang komento ng aming kaibigan, “Fifteen years na akong hindi nakakapanood ng sine, ngayon na lang uli, nakakaaliw ang Die Beautiful! May dapat ika-insecure sina Vice Ganda at Bossing Vic Sotto kay Paolo Ballesteros!

“Ang galing niya, suwabe ang timing, kaya naman pala rumarampa siya sa mga international competition! Magaling ang becki!” superlatibong papuri ng aming kaibigan. 

Have a comment on this article? Send us your feedback

Enero 16 – 31, 2017

	Nadine Lustre
	Sylvia Sanchez at Arjo Atayde
	Alden Richards
	Nora Aunor
	Mocha Unson
	James Yap & Josh Phillip
	Herbert Bautista
	Jed Madela, Sharon Cuneta & Gary Valenciano

Nadine Lustre – Maganda, sexy, matalino, kumpletos recados

Pintasan man nang maghapon at magdamag ng mga kalaban ang pagsusuot ng two-piece swimsuit ni Nadine Lustre ay wala nang magiging saysay iyon. Napatunayan na ng dalaga na may karapatan siyang magpakita ng kaniyang katawan sa publiko.

Napakaganda ng hubog ng katawan ni Nadine, halos perfect ang distribusyon ng mga bahagi ng kaniyang katawan sa kabuuan, puwedeng-puwede siyang makipagrampahan sa swimsuit competition ng mga beauty queen.

Pinagmasdan naming mabuti ang retrato ng dalaga habang kapiranggot na tela lang ang nagtatakip sa kaniyang dibdib at maselang bahagi sa ibaba. Napakaganda.

Unang mapapansin ang kaniyang tiyan na walang kabilbil-bilbil. Mayroon mang mapapansing nakaumbok ay muscles na iyon, bahagi ng kaniyang pagdyi-gym, may abs si Nadine.

Kapag maganda ang hubog ng katawan ng isang babae ay hindi mahalay tingnan ang pagsusuot niya ng two-piece swimsuit. Magiging hindi lang maganda ang ganoon kapag punggok at may katabaang babae ang nagpakita ng kaniyang katawan.

Biro ng isang lalaking tagahanga ni Nadine, “Napakasuwerte naman sa kaniya ni James Reid! Maganda na ang girlfriend niya, sobrang sexy pa! Bigyan na lang kaya natin ng pamasahe si James para umuwi muna siya sa Australia?” nag-aapiran pang idera ng mga male fans ni Nadine Lustre.

Mayroon na kayang nagbigay ng ideya sa young actress na puwedeng-puwede siyang maging kinatawan ng ating bayan sa mga beauty pageant?

Maganda, sexy, matalino. Kumpletos recados ang mga katangian ni Nadine Lustre. Kaya sa mga namimintas sa dalaga, mamatay kayo sa inggit, Spell I lang ‘yan!

Sylvia Sanchez at Arjo Atayde – Kikilalanin ang galing sa sining sa GEMS

Panahon ngayon ng pagkilala sa talento ng mag-inang Sylvia Sanchez at Arjo Atayde. Kinilala na ng ibang award-giving body ang kanilang kakayahan, pero may isang entablado pa silang kailangang akyatan para tanggapin ang kanilang parangal, ang unang pagbibigay-parangal ng GEMS (The Guild Of Educators, Mentors And Students) na gaganapin sa March 1.

Tatanggapin ni Arjo Atayde ang best actor para sa napakagaling nitong pagganap sa seryeng Ang Probinsiyano at si Sylvia Sanchez naman ang pararangalang best actress sa pinag-uusapan niyang pagganap sa seryeng The Greatest Love ng ABS-CBN.

Nasubaybayan namin ang seryeng pinagbibidahan ni Coco Martin, saludo kami sa pag-arte na parang hindi umaarteng ipinakikita ni Arjo, napakaepektibo nito bilang nagkokontrabida sa kuwento.

Sayang, pasilip-silip lang kami sa seryeng pinagbibidahan ni Sylvia, kasabay kasi iyon ng aming programa sa radyo kaya puro magagandang kuwento na lang tungkol sa galing niya bilang aktres ang naririnig namin.

Sabi ng tagapamuno ng GEMS na si Norman Mauro Llaguno, “Malayo ang agwat nilang mag-ina sa mga runners-up nila. Tamang pagpili dahil magagaling naman talaga silang artista. May pinagmanahan si Arjo.”

Marami pang darating na parangal sa mag-ina, iba-ibang grupo pa ang magpapahalaga sa kanilang talento, nakikita namin kung paano nila mahalin ang kanilang trabaho kaya naman minamahal din sila pabalik ng kanilang propesyon.

Parang kailan lang iyon noong kasa-kasama lang ni Sylvia Sanchez ang guwapo at tisoy niyang anak na si Arjo, ngayon ay kinikilala na ang husay nito sa pag-arte, hindi nga naman mamumunga ng santol ang mangga.

Alden Richards – Kakambal ng kasikatan ang intriga

Kakambal ng kasikatan ang mga intriga. Natural, kapag sikat ang artista ay para siyang isdang lumalangoy sa aquarium na sinusundan ng tingin ng lahat, pero depende pa rin ang sitwasyon sa klase ng mga taong nanglalaglag sa kaniya.

May mga taong wala nang alam tungkol sa linya ng kagandahang-asal ay parang wala pang kunsensiya, iyon ang mga taong walang magandang pagpapalang tinatanggap sa buhay, kaya pinag-iinitan ang mga taong nagtatagumpay.

Biktima ng ganoong klase ng mga tao si Alden Richards. Palibhasa’y sikat na sikat siya at tumatanggap ng mga papuri tungkol sa kaniyang natural na kabaitan ay hindi iyon matanggap ng mga taong may ibang gusto kaya pinipilit siyang ibagsak.

Sagrado ang pagkamatay ng ating mga mahal sa buhay. Nirerespeto natin ang kanilang pagkawala at palagi natin silang inaalala may okasyon man o wala.

Sa pagsigla ng career ni Alden, sa napakagandang suwerteng dumating sa kaniyang buhay at career ay palagi niyang naaalala ang pumanaw niyang ina, nakapanghihinayang nga naman kasi na hindi na nasaksihan ng mommy niya ang magandang kapalarang dumating sa kaniya.

Pero may mga taong walang kunsensiya, ang pagmamahal ni Alden sa namayapa niyang ina ay ginagawang isyu, ginagamit daw ng Pambansang Bae ang pagkamatay ng kaniyang mommy para makuha ang simpatya ng publiko.

Patawarin na lang ni Alden Richards ang mga taong iyon na pinadamutan ng kunsensiya para mabalanse ang takbo ng kanilang utak. Pati ba naman ang pagkawala ng ina ng aktor ay gagawan pa ng malisyosong kuwento?

Araw at gabi mang dumalaw si Alden sa puntod ng kaniyang ina ay hindi krimen. Minu-minuto man niyang sabihin na hindi na nakita ng kaniyang mommy ang matinding tagumpay niya ngayon ay walang pakialam ang kahit sino d’yan.

Kapuri-puri pa rin si Alden Richards, mabuti pa rin ang kaniyang puso, mapagpahalaga siya sa mga taong mahal niya na dapat ay naregaluhan niya ng tagumpay na hawak niya ngayon!

Nora Aunor – Humingi ng tawad sa INC

Wala mang inilalabas na opisyal na pahayag ang pamunuan ng INC (Iglesia Ni Cristo) tungkol sa ginawang panghihingi ng paumanhin ni Nora Aunor sa kanilang relihiyon ay may mga nakausap naman kaming miyembro ng INC na nagsabing pinatawad na nila ang Superstar.

Kung matatandaan ay nakapagbitiw ng mga salitang hindi nagustuhan ng mga miyembro ng INC at ng Romano Katoliko si Nora Aunor sa isang malaking pagtitipon ng mga miyembro ng Ang Dating Daan.

Pinagpistahan sa You Tube ang mahaba niyang pahayag na tumutukoy sa kaniyang pagpansin sa sistema ng pagpapalakad ng INC at ng Simbahang Katoliko sa kanilang mga nasasakupan.

Tinawag niyang Iglesia Ni Manalo ang INC, sinabi niya na ang mga pari ng Romano Katoliko ay nawawala sa focus kapag nakikita siya, pakiramdam din niya’y siya ang pinatatamaan ng mga pari sa homily.

Nang mahimasmasan ang aktres ay nagtawid siya ng panghihingi ng dispensa sa INC, sinabi niya na wala siyang intensiyong siraan ang naturang sekta, madalas daw kasi siyang makarinig ng mga kababayan nating Iglesia Ni Manalo ang tawag sa INC.

Wala raw malisya ang kaniyang sinabi, pero kung nasaktan niya ang pamunuan at mga miyembro ng INC, humihingi siya ng kapatawaran. Mababasa sa pagitan ng pagsasalita ni Nora Aunor na sinsero naman ang kaniyang mga sinasabi.

Komento ng isang miyembro ng INC na nagpadala sa amin ng mensahe, “Maraming salamat sa balanseng pagpapaliwanag sa isyu sa pagitan ni Nora Aunor at ng INC. Tanggap namin ang panghihingi niya ng paumanhin. Pinatawad na namin siya.”

Ang sinabi nitong pagpapatawad sa Superstar ay hindi para sa mga miyembro ng INC sa pangkalahatan, personal lang nitong opinyon ang kaniyang sinabi, bilang miyembro ng kanilang sekta.

Dalawang paksa lang ang sinasabing pinakasensitibo sa mundong ito—relihiyon at pag-ibig. Saan man makarating ang argumento ay walang nananalo at natatalo dahil ang pananampalataya pa rin ang nangingibabaw at ang tibok ng puso.

Sa susunod sigurong maimbitahan ang Superstar sa kahit anong okasyon na may kaugnayan sa relihiyon ay may leksiyon na siyang natutuhan. Hindi na niya uulitin ang pagpansin na parang paninira na rin sa ibang relihiyong tinutukoy niya, lalo na kung may bago siyang gustong aniban, magmamarka na ang karanasang inabot niya sa susunod.

Mocha Uson ­– Nanumpa na sa MTRBC at nangakong ibang-iba na siya ngayon

Kamakailan lang, isang hapon, may one-on-one interview si Mocha Uson sa Reaksyon, pero nakiusap siya sa isang staff ni Luchi Cruz-Valdes kung puwede muna siyang dumaan ng Cristy Ferminute.

Nagpasintabi naman muna si Tita Cherry Bayle, ang aming boss sa Radyo Singko, kung maluwag sa aming kalooban ang personal na pagdalaw ng bagong board member ng MTRCB sa aming programa.

Walang kagatul-gatol kaming sumagot ng oo. Walang pagdadalawang-isip ang aming tugon. Bukas na bukas ang pintuan ng Cristy Ferminute para kay Mocha Uson.

Sa aming mga kolum ay hindi namin siya pinepersonal, nagiging reaksiyonaryo lang kami sa kaniyang mga sinasabi, pareho kaming may karapatang pumuna sa aming mga kakulangan at pagmamalabis.

At hindi puwedeng ang boses lang namin ang naririnig sa pagpitik sa kaniya, kailangang maging parehas ang laban, may boses din si Mocha Uson na dapat nating bigyan-daan.

Ilang minuto lang ay nasa studio na siya ng CFM, pagod dahil katatapos lang niyang manumpa sa Palasyo bilang bagong board member ng MTRCB, pero nakangiti siya at maaliwalas ang kaniyang hitsura.

Bago pa namin nasimulan ni kapatid na Ronnie Carrasco ang pagtatanong ay inangkin muna ni Mocha ang himpapawid. Kaniyang-kaniya ang entablado.

Ang unang mga salitang lumabas sa kaniyang bibig, “I love you, Nanay Cristy, mahal na mahal ko po kayo, dumaan po ako dito sa inyo para magpasalamat.”

Ramdam namin ang sinseridad ng kaniyang mga sinabi, hindi iyon ang unang pagkakataong pinuri namin si Mocha Uson sa kapasidad niyang magpakumbaba, kahit magkaiba ang aming pananaw tungkol sa maraming isyu ng bayan.

“Karapatan n’yo pong pumuna, kalayaan n’yo po iyon, kung paanong ako naman po ay reaksiyonaryo rin at bukas na bukas sa pagbibigay ng aking opinyon at paninindigan.

“Hindi ko po minamasana ang mga bira sa akin ng press, may espasyo po sila, puwede po ninyo akong birahin, punahin, basta ang pakiusap ko lang—sama-sama po tayo tungo sa ikabubuti ng ating bayan,” pahayag ni Mocha Uson.

At inulit niya ang pagsasabi na nagbago na siya, hindi na niya ginagawa ngayon sa entablado ang nakasanayan niyang paggiling-giling, pangdudukot sa pantalon ng lalaking kinukuha niya sa audience, ang kaniyang Mocha Girls ay nadagdagan pa ngayon ng Mocha Babes.

“Iyon pong mga pictures ko na ayon sa kanila’y malalaswa, seven years ago pa po iyon! Napakatagal na panahon na po ng mga pictures na iyon, pero ngayon pa lang nila inilalabas.

“Iba na po ako ngayon, hindi ko na ginagawa ang dating act ko sa stage. Nagbago na po ako at sana’y bigyan nila ako ng pagkakataong mapatunayan ko naman ang magagawa ko sa ibang linya,” pagdidiin ni Mocha.

Joshua Phillip – Sa poder ni James Yap at Michela nag-Bagong Taon

Sa ospital nag-Bagong Taon ang mag-inang Kris Aquino at Bimby dahil mataas ang lagnat ni Bimby, at nang-aabala naman ang ubo at sipon ng aktres-TV host. Kung kaya sa poder nina James Yap at Michela Cazzola tuloy nagdiwang ng Bagong Taon si Joshua Phillip.

Maraming natuwa, lalo na’t ramdam na ramdam ang sinserong pagmamahal ng basketbolista kay Josh, pero marami ring nalungkot at nagtatanong.

Bakit sa piling ni James nag-New Year si Josh, bakit hindi sa poder ni Phillip Salvador, samantalang ang action star ang tatay ni Josh?

Bakit mas madalas pang nakakasama ni Josh si James Yap na stepdad lang nito, bakit hindi nito nakakasama si Kuya Ipe, nasaan nga kaya ang problema? Matindi pa rin ba ang hidwaan sa pagitan ng aktor at ni Kris?

Sa mga pagkakataong nakakasama namin si Kuya Ipe ay nag-uusap sila ni Josh sa telepono. Kumakanta pa nga sila ng Ten Little Indians. Ilang taon na ang nakararaan iyon, bata pa si Josh, ewan lang kung hanggang ngayo’y regular pa rin ang kanilang komunikasyon.

Sasabihin ni Josh sa kabilang linya, “One, little two, little three, little Indians,” sasagot naman si Kuya Ipe, “Four, little five, little six, little seven, little Indians.”

Nakakaaliw silang pakinggan habang kumakanta, pero nakakalungkot din, dahil hanggang telepono lang ang kanilang pag-uusap.

Pero sa pagkakaalam namin ay hindi naman ipinagdadamot ni Kris si Josh sa kaniyang tatay, nalalaman na lang namin na nagkita ang mag-ama, kaya ibinabalita ni Kuya Ipe na mas malaki pa raw ang size ng paa ni Josh kesa sa kaniya.

Baka naman may mahalagang trabaho lang si Kuya Ipe noong Bagong Taon. Sa pagkakaalam kasi namin ay siya ang nagiging kinatawan ni Pangulong Rodrigo Duterte sa mahahalagang okasyong hindi nito personal na napupuntahan.

Napakaraming selebrasyong hindi nadadaluhan ni Pangulong Digong, si Kuya Ipe ang nagpupunta, baka naging abala ang aktor kaya kay James Yap nagdiwang ng Bagong Taon si Joshua.

Pero totoong kapuri-puri ang ipinararamdam na pagmamahal ni James kay Josh, bibihira ang step father na ganoon, nakakayang mahalin ang batang hindi naman kaniya kundi bahagi lang ng kanilang nakaraan ni Kris.

Kunsabagay, kahit sino naman ang tanungin natin ay laganap ang mga papuri para kay James, maraming humahanga sa kaniya. Mga kapuwa nito basketbolista, mga tagahanga nito, lahat ay isa lang ang sinasabi.

Walang kayabang-yabang si James Yap. May mabuting puso si James. Hindi lumaki ang ulo ni James Yap kahit pa sikat na sikat na ito.

At alam iyon ni Kris Aquino.

Kris Aquino – Nakipagkita kay Mayor Herbert pero wala lang

So, muling nagkita nga sina Mayor Herbert Bautista at Kris Aquino kailan lang. pero wala raw kinalaman iyon sa dating tamis ng kanilang pagmamahalan.

Mabilis na nilinaw ng mayor ng Kyusi na hindi sila nagkabalikan, nanghingi lang daw ng tulong si Kris para sa permit ng bago niyang papasuking negosyo, pinagbigyan lang siya ni Mayor Bistek.

Nag-usap lang sila habang kumakain, nagbalitaan tungkol sa mga pinakahuling pangyayari sa kanilang buhay, pero labas sa kanilang usapan ang anggulo ng pag-ibig.

Parang nabababawan lang ang marami sa naging dahilan ng kanilang pagkikita. Business permit lang, kailangan pa raw ipanghingi ng tulong ni Kris?

Sabi ng isang nakausap namin, “E, puwede namang pumila na lang sa City Hall ang isang staff ni Kris para makakuha sila ng permit, di ba? Bakit kailangan pa nilang magkita ni Mayor Herbert?

“Ano ito, palakasan? Para padaliin ang pagkuha ng business permit? Parang ang babaw naman ng reason na ibinibigay nila kaya sila nagkita uli,” nakataas ang kilay na komento ng aming kausap.

May katwiran ang katwiran. Oo nga naman. Marami namang staff si Kris Aquino na puwedeng mag-asikaso sa kaniyang kailangan. May accountant din ang aktres-TV host na puwedeng mag-apply ng kaniyang business permit.

Pero bakit kailangan pa niyang makipagkita kay Mayor Herbert nang dahil lang doon?

Sharon Cuneta – Nagkamaling tinawag si Jed Madela nang Jedda

Sa isang letra lang ng pagkakamali ay puwede nang maging dahilan para upakan ang kahit sino sa social media. Hindi sinasadya ang pagkakamali, hindi intensiyonal, aksidente lang.

Jeddy ang tawag ni Sharon Cuneta kay Jed Madela. Magkaibigan sila, magkatrabaho, kaya hindi kakikitaan ng malisya ang pagkatawag niya nang Jedda sa singer noong batiin niya ito ng Happy New Year.

Honest mistake. Namali lang siya ng pindot sa makina. Pero ginawa nang malaking isyu iyon ng mga mahilig makisawsaw sa kahit anong isyu.

Gagawin ba naman iyon nang sadya ng Megastar? Ipapahiya ba naman niya si Jed sa publiko nang ganoon na lang? Isang letra lang ang nagkamali, inuupak-upakan na si Sharon, hindi ba puwedeng nagkamali lang naman siya sa pagpindot dahil hindi naman siya perpekto?

May kuwento kami. Nangyari na ang ganyan sa amin noon. Nagpadala kami ng text sa isang lalaking personalidad na pinagdududahan ang kasarian.

Sa simula ng mensahe kami nagkamali, sa halip na anak, anal ang naipadala namin. Kumabyos ang daliri namin sa pagpindot, sa halip na K, tumatlong pindot kami sa keypad, kaya L ang lumabas.

Gusto sana naming bawiin ang aming pagkakamali, pero hindi na namin ginawa, dahil mas lulutang ang impresyon na pati kami’y naniniwala sa pagdududa ng marami sa kaniyang gender.

Nangyayari talaga ang ganoon, lalo na kapag nagmamadali tayo, kapata-patawad ang ganoong kakulangan at hindi dapat ituring na isang krimen at sadya.

Jedda ang nai-type ni Sharon sa halip na Jeddy, malaking kasalanan ba iyon? Kailangan na bang husgahan ang pagkatao ng Megastar dahil lang sa isang simpleng pagkakamali?

Kung si Jed Madela nga, hindi nagalit, hindi ito nag-isip ng kung ano, ang mga nakikisawsaw pa kaya sa isyu ang may karapatang humusga kay Sharon Cunea, anobayen?

Have a comment on this article? Send us your feedback

Pebrero 1 – 15, 2017

	Maxine Medina
	Alice Dixson
	James Reid & Nadine Lustre
	Aljur Abrenica
	Kris Aquino
	Aiza Seguerra
	Tito Sotto

Maxine Medina – Kawawa naman, krimen ba ang hindi mahusay mag-Ingles?

Nakakaawa naman si Maxine Medina. Ang almusal niya ngayon hanggang hapunan ay puro pamumuna at pamimintas. Matigas daw ang ulo ni Maxine, kumuha-kuha pa raw siya ng interpreter, pero nag-uumingles pa rin naman pala siya.

Sana raw ay sariling wika na lang natin ang ginamit niyang tulay sa pagsagot, baka sakaling napasama pa siya sa Top 3, nagkakaisang reaksiyon ng ating mga kababayan.

Pero napakadali kasing humusga. Ang dali-daling magmarunong. Napakadulas nating magbigay ng suhestiyon.

Ang pagsali sa ganoong kalaking timpalak-pagandahan ay hindi parang pagbili lang ng kendi sa tindahan. Napakahaba ng paghahanda, kaliwa’t kanan ang preparasyon, nandoon pa ang nerbiyos at presyur dahil gusto mong ipagmalaki ka ng iyong bayan.

Parang pagsali rin sa game show. Kapag nanonood ka lang ay ang bilis-bilis mong sumagot sa tanong. Nagagalit ka pa nga sa kalahok, sinasabihan mong ang tanga-tanga, dahil napakadali ng tanong ay hindi pa nito nakuha.

Pero baligtarin natin ang sitwasyon. Ikaw ang contestant sa game show. Ang dali-dali ng tanong pero hindi mo rin maapuhap ang tugon. Ikaw naman ang sinasabihan ng nanonood na ang tanga-tanga mo.

Si Maxine Medina ang nakasalang, siya ang kalahok sa Miss Universe, bitbit niya sa entablado ang sobrang nerbiyos at presyur.

Kahit gaano katalinong contestant, kapag kinapos na ng tiwala sa kaniyang sarili at inapuntahan na ng kabog ng dibdib, ay parang maghahanap din ng sagot sa dilim.

Mula sa walumpu’t anim na kalahok mula sa iba’t ibang bansa ay pumasok si Maxine Medina sa Top 13. Mula sa ganoong bilang ay napasama pa rin siya sa Top 9.

At pumasok pa rin siya sa Top 6. Hindi ba naman napakaliit ng butas ng karayom na sinuutan ni Maxine Medina kahit pa hindi siya napabilang sa tatlong bibigyan ng korona?

Napakahirap ng kaniyang pinagdaanan. Doon man lang sana ay bigyan siya ng kunsiderasyon ng mga umaalipusta ngayon sa hindi niya pagkasama sa Top 3.

Hindi biro ang ipinuhunan niyang panahon bilang preparasyon sa Miss Universe beauty pageant. Kasama na doon ang matinding pag-asa ng ating mga kababayan na makokopo niya ang korona bilang pinakamagandang babae sa balat ng lupa.

Sila kaya ang lumagay sa posisyon ng ating kinatawan? Walang pagdadalawang-isip kaya nilang maitawid ang tanong sa harap nang milyun-milyong nakatutok sa paligsahan?

Napakadaling humusga. Parang one-plus-one lang para sa atin ang mang-alipusta. Parang krimen na ang nagawa ni Maxine Medina dahil hindi siya nakapasok sa Top 3.

Walumpu’t anim ang bilang ng mga sumali sa Miss Universe. Nakaabot si Maxine Medina sa Top 6. Gumamit tayo ngayon ng calculator nang malaman natin kung ilang ulo ang kaniyang nilampasan-nilundagan.

Tanggapin na lang natin na hindi para sa kaniya ang titulo. Yakapin na lang natin siya nang mahigpit dahil ginawa niya ang lahat-lahat para muling masulat sa mapa ng mundo ang Pilipinas pero hindi nga lang siya nagtagumpay na makopo ang korona.

Kahit paminsan-minsan lang sana ay makapagpairal tayo ng nasyonalismo. Tangkilikin ang sariling atin, suportahan ang ating kababayan, mahalin ang sarili nating lahi.

Alice Dixson – Walang kupas ang ganda ni Bb. Pilipinas-International 1986

Malapitang nakita ng mga kaibigan namin si Alice Dixson sa katatapos lang na Miss Universe beauty pageant. Para sa kanila ay walang kupas ang itsura ng aktres.

“Ang ganda-ganda pa rin niya, lalo na ang eyes niya, beauty queen siya in her own right. Palangiti pa siya, she says hello to everyone, kaya mas gumaganda siya,” komento ng isang friend namin.

Nadagdagan lang ang timbang ni Alice, pero ang gandang naging puhunan niya ay hindi kumukupas, kaya naman kahit mga bagets na kalalakihan ang tanungin kung sino ang gusto nilang makasama sa isang panandaliang kaligayahan ay si Alice Dixson ang maririnig mong sagot.

Nakita na naming humagulgol si Alice nang ipagtapat niya sa amin ang sitwasyon ng relasyon nila ng kaniyang mister noon, halu-halo ang kaniyang luha, pawis at sipon habang umiiyak, pero ang mas umagaw ng aming atensiyon ay ang kaniyang itsura.

Ang natural palang maganda, kahit pa ano ang gawin, ay maganda pa rin. Namumula lang ang kaniyang ilong at namumugto ang kaniyang mga mata sa sobrang pag-iyak, pero napakaganda pa rin ni Alice Dixson.

Problemado pa siya noong mga panahong iyon. Nakasalang pa sa husgado ang divorce papers nilang mag-asawa sa Canada, hindi niya alam ang kaniyang gagawin, pero hindi iyon nakabawas sa kaniyang itsura.

Kunsabagay ay tunay namang reyna si Alice dahil nanalo siyang Bb. Pilipinas-International noong 1986, lutang na lutang ang kaniyang ganda kumpara sa iba pang mga kandidata, kagandahang bitbit pa rin niya hanggang ngayon.

Pahabol pa ng aming kaibigan, “Napakasimple lang ni Alice. Naka-black dress lang siya at native necklace, iyon lang! Pero ang ganda-ganda pa rin niya, ramdam mo ang kagandahan niya na ageless talaga.” Mismo!

James Reid at Nadine Lustre – May kultong gustong ilaglag ang JaDine

Kailangang dobleng ingat ang gawin ngayon nina James Reid at Nadine Lustre sa kanilang mga ginagawa at sinasabi. Mukhang may isang kultong gustong manglaglag sa kanila.

Kung mapapansin ay sila ang pinag-iinitan ngayon, may mga grupong lantarang nambabagsak sa kanila, ang tanging pangontrang magagawa doon ng JaDine ay ang mag-ingat.

Dapat nilang salaing mabuti ngayon ang mga taong pagkakatiwalaan nila. Hindi lahat ng sumisigaw ng kanilang pangalan ay tagahanga na nila. Maraming naglipanang mapagpanggap ngayon.

Saludo kami sa mga tunay na JaDine supporters, hindi sila nagpapalit ng kulay, nananatili silang tapat sa iniidolo nilang tambalan.

Pero may mga grupong nakikipaglapit lang para makapag-ipon ng bala na gagamitin din laban sa kanila. Kapansin-pansin na ang upak ng mga ito, parang nakaprograma ang mga paninira sa kanila, kailangang bigyan ng atensiyon nina James at Nadine ang mga ganoong pagkilos.

Malungkot lang si Nadine ay nagsuplada na. Hindi ba puwedeng tanggapin ang katotohanan na ang mga artista ay nalulungkot, nagugutom at nasasaktan din?

Agad-agad na bang pagsusuplada at pagmamaldita ang ganoon? Huwag nilang gawing biro ang ganitong sitwasyon. Pulitika rin ang pag-aartista. May binubuo ring grupo na ang tanging motibo ay ang mawala sila sa mapa ng showbiz.

Aljur Abrenica – Sana’y tumahimik na lang at alagaan si Kylie

Nabaligtad na ang posisyon ng mga baraha. Kung dati’y maraming nakauunawa kay Aljur Abrenica sa sitwasyon ngayon ni Kylie Padilla, ngayon ay siya na ang matinding inuupakan sa social media, dahil sa mga salitang pinakakawalan niya.

Hindi namin alam kung sinu-sino ang mga taong nasa likod ngayon ng aktor na nagbibigay sa kaniya ng mga payo. Kung mayroon nga ay ang mga ito muna siguro ang kailangang payuhan bago sila magbigay ng payo kay Aljur.

Saliwa sa agos ang kaniyang mga sinasabi. Sa halip na maging maayos ang pagtanggap sa pagdadalantao ni Kylie ay ginagawa pang kumplikado ng aktor. May mga binibitiwang salita si Aljur na hindi katanggap-tanggap sa mas nakararami.

Mayroon siyang sinabi na masyado raw gamit na gamit ng GMA-7 ang isyu ng pagdadalantao ni Kylie. Natural, artista ito ng Encantadia, may mga pagbabagong naganap sa istorya ng palabas dahil sa kundisyon nito ngayon.

Heto na naman si Aljur Abrenica. Hindi pa kaya sapat ang unang leksiyong napulot niya sa pagdedemanda noon sa kaniyang network? Kinasuhan niya ang GMA-7, nakipagbanggaan siya, sino ang nabukulan nang gawin niya iyon?

Kaninong bulsa ba ang nabawasan ng laman habang dinidinig ang kasong isinampa niya laban sa isyasyon? Pero sa kabila ng kaniyang pagdedemanda ay tinanggap siya uli ng kaniyang network, nakapagtrabaho uli siya, hindi na nga lang tulad nang dati ang kaniyang dating na nakapokus sa kaniya ang atensiyon ng GMA-7.

Pagkatapos ay heto na naman, nagsasalita na naman siya nang hindi muna nag-iisip nang maraming beses, panggagamit ang dating sa kaniya ng pagtutok ng istasyon sa pagdadalantao ni Kylie.

Sino ba kasi ang pinatay na ang karakter sa palabas? Bakit ba biglang kumambiyo ang ikot ng kuwento ng programa? Saang istasyon ba ipinalalabas ang Encantadia?

Sa ayaw at sa gusto ng GMA-7, at sa ayaw at sa gusto rin ni Aljur, ay kailangang respetuhin ng network ang kanilang mga manonood.

Kailangan nilang mag-anunsiyo kung bakit papatayin na si Kylie bilang si Reyna Amihan, may kakambal dapat na paliwanag iyon, para hindi maligaw ang mga tumututok sa palabas.

Panggagamit bang matatawag ang ganoon? Baligtarin kaya ni Aljur ang sitwasyon? Paano kung dinedma lang ng network ang pagdadalantao ni Kylie? Paano kung basta pinatay na lang ang papel ni Amihan na walang kakambal na paliwanag?

Ano naman kaya ang sasabihin niya? Walang panahon ang network para kay Kylie, walang pakialam ang istasyon sa buntis nilang artista, magrereklamo na naman siya?

Hindi man siya magaling umarte ay may mga katangian pa ring positibo si Aljur dahil guwapo siya at may titulo sa kaniyang ulo dahil sa Starstruck.

Sayang. Mas kailangan ngayon sa sitwasyon ni Kylie ang pananahimik na lang ni Aljur. Huwag na niyang gawing komplikado ang mga bagay-bagay dahil ang kailangan nilang dalawa ngayon ay isandaang porsiyentong pagmamahal at pang-unawa sa kanilang pinagdadaanan.

Iyon ang kailangang ipaalala kay Aljur ng kaniyang mga tagapayo kung totoong mayroon man. Hindi kailangan ngayon ang pagmamaangas, ang pagmamayabang, dahil siguradong makakatikim siya ng bimbang sa social media.

At iyon na nga ang nagaganap ngayon. Inuupakan na nang kaliwa’t kanan si Aljur dahil sa mga salitang parang hindi niya muna pinag-iisipang mabuti bago niya pakawalan. Ninenega siya ngayon, pinagsasabihang mayabang, dapat lang daw siyang iligwak na ng GMA-7 dahil sa pagiging maangas niya.

Nabaligtad na ang kartada ng mga baraha nang dahil lang sa mga komento niyang hindi nakabubuti sa sitwasyon ni Kylie. Pagaanin na lang sana niya ang sitwasyon ng nagdadalantao niyang girlfriend, iyon ang kailangan ngayon ng isang naglilihi, hindi ang mga salitang ibinabato rin pabalik sa kaniya sa social media.

Kris Aquino – Wala pa ring show, bigo pa rin sa pagpasok ng 2017

Humulagpos na naman sa mga palad ni Kris Aquino ang pag-asa na sa taong ito ay magkakaroon na siya ng programa sa GMA-7. Nabigo ang aktres-TV host dahil kahit gamitan pa ng magnifying glass ay wala ang kaniyang pangalan sa bagong pasabog ng network para sa taong ito.

At tahasang sinabi ng mga ehekutibo ng istasyon na walang nakalinyang programang gagawin si Kris sa network dahil iba naman ang namamahala sa kaniyang career.

Wala silang alam. Kahit ang kuwentong lumutang noon na si Kris na ang hahalili sa natapos nang programa ni Marian Rivera tuwing umaga ay wala silang kamalayan.

Hindi raw sa kanila nanggaling ang balita. Kung saan iyon nagmula ay hindi nila alam. Basta ang malinaw ay walang gagawing programa si Kris sa kanilang istasyon sa ngayon.

Mag-iisang taon na siyang bakante. Napakahabang panahon na iyon para sa isang Kris Aquino. Kung sa ibang personalidad lang mangyayari ang ganoon katagal na pagkabasyo sa trabaho ay katanggap-tanggap.

Pero si Kris Aquino nga siya. Walang lugar para sa kaniya ang ganito kahabang paghihintay. Poste kasi si Kris. Sikat na sikat siya.

Aiza Seguerra – Nakatikim ng sumbat mula kay Tito Sen

Ikinalulungkot ng marami ang isyung hindi pinagkakasunduan ngayon nina Senador Tito Sotto at Aiza Seguerra. Wala namang masama sa pagkakaroon ng argumento, kakambal iyon ng pag-eehersisyo ng kalayaan sa pamamahayag, basta huwag lang sanang malahukan iyon ng personalan.

Ang pamamahagi ng condom ng Department Of Health sa mga estudyante sa high school ang punto ng kanilang argumento. Dahil tagapamuno ngayon ng National Youth Commission si Aiza ay aprubado para sa kaniya ang ideya para maiwasan ang pagtaas ng porsiyento ng pagiging HIV positive at ang laganap na teenage pregnancy.

“Hindi po ito haka-haka lang, Mr. Senator. These are facts based on science and research,” pahayag ni Aiza.

Ang balik naman ni Senador Sotto, “Baka nakalimutan na niya kung saan siya galing siguro. Mas nanaig sa kaniya ang pagkabagitong pulitiko.”

Makahulugan ang pahayag ng aktor-pulitiko, binigyan iyon ng ibang kulay ng mga nakabasa at nakarinig, utang na loob daw kaya ang pinatutungkulan ni Senador Tito tungkol kay Aiza?

Produkto ng Little Miss Philippines si Aiza Seguerra, ninong niya sa kung anumang tagumpay na mayroon siya ngayon ang Tito, Vic & Joey, kahit pa mas malapit ang singer-actress kay Bossing Vic Sotto.

Natural lang na makisawsaw sa kanilang pagtatalo ang mga kababayan natin sa social media. May nagsabing walang utang na loob si Aiza dahil pati ang mga kamay na nagpala sa kaniya ay kinakagat na niya ngayon.

Talento at kabibuhan ang naging puhunan ni Aiza, pero punto ng marami, mayroon mang kakayahan ang isang personalidad ay mawawalan din iyon ng saysay kung walang magbubukas ng pintuan ng oportunidad para maipamalas niya ang kaniyang kapasidad.

Kahapon ay nakatanggap kami ng tawag mula sa kaibigan naming propesor, ang kaniyang pahayag, “Tama naman ang point ni Aiza, malaki ang maitutulong ng pamimigay ng condom sa mga kabataan ngayon para maiwasan ang teenage pregnancy at AIDS.

“Dapat talagang maging responsable ang mga kabataan sa mga actions nila, kaya makatutulong ang paggamit ng condom, may point doon si Aiza.

“Pero kung seseryosohin natin ang mga sinabi ni Senator Tito Sotto, eh, ganoon nga ang ibig niyang sabihin. Double bladed ang sinabi niya na mukhang hindi alam ni Aiza kung saan siya nanggaling.

“Very open si Aiza sa emotion niya, sa paninindigan niya,pero dapat, pipiliin din niya ang mga giyerang pinapasukan niya. Like ngayon, nabubutasan siya sa issue ng utang na loob.

“Si Senator Tito Sotto kasi ang kinontra niya. Wala siyang magagawa, ganito talaga tayong mga Pinoy, markado para sa atin ang pagtanaw ng utang na loob,” pahayag ni prop.

Have a comment on this article? Send us your feedback

Pebrero 16 – 28, 2017

	Liza Soberano
	Janine Gutierrez
	Julia Barretto
	Diego Mom Teresa Loyzaga
	Diego Loyzaga & Cesar Montano
	Erich Gonzales
	Terence Romeo
	Susan Roces

Liza Soberano – Maganda na’y mabait at marespeto pa

Bulag na lang ang magsasabing hindi maganda si Liza Soberano. Walang alanganin sa mukha ng batang aktres na ito. Parang isa-isang iginuhit ng isang magaling na pintor ang bawat bahagi ng mukha ni Liza at saka pinagsama-sama.

Walang mali. Swak na swak. Isa sa pinakamagandang mukha sa lokal na aliwan ngayon ang dalaga. At ang paghanga sa kaniyang pisikal na katangian ay mas madadagdagan pa kapag naririnig natin ang kuwento ng kaniyang buhay.

Bilang anak ay modelong kabataan si Liza. Hiwalay man ang kaniyang mga magulang ay hindi siya nagkukulang ng pagmamahal sa magkabilang panig, nirerespeto niya ang kaniyang mga magulang, mapagmahal din siyang kapatid.

Kahit ang unang manager niya ay ibinibiyayaan pa rin ni Liza Soberano sa abot ng kaniyang makakaya. Hindi siya nakalilimot. Alam niya na ito ang nagbukas ng pintuan ng showbiz para sa kaniya bago sila pinagtagpo ng kaniyang manager ngayon na si Ogie Diaz.

Marami na kaming kuwentong naririnig tungkol kay Liza. Hindi namin pinagtatakahan kung bakit siya ang pinipiling idolohin ng mga kabataang lalaki ngayon, una ay ang kaniyang kagandahan ang mapang-imbita, ikalawa ang kabuuan ng kaniyang pagkatao bilang dapat tularang kabataang artista.

Tumira man nang matagal sa Amerika si Liza ay kulturang Pinoy pa rin ang kaniyang pinaiiral. Nanatili siyang dalagang Pilipina at mahalaga para sa kaniya ang puri at dangal.

Kapag tinititigan namin si Liza sa kaniyang mga panayam at tele-serye ay mayroon kaming naaalala. Isang young actress-singer din noong kaniyang panahon, ang magandang si Lilet Jodloman, dekada otsenta pa iyon.

Parehong maganda sina Lilet at Liza, plakado rin ang kanilang pagngiti, naaalala namin ang dating young actress-singer kapag pinagmamasdan namin si Liza Soberano.

Nakikita namin si Liza kahit saan. Sa TV, sa mga billboards, kahit sa iba’t ibang sasakyan sa kalye ngayon ay si Liza Soberano ang aming nakikita.

Mabenta siyang endorser ng mga produkto, at bakit naman hindi, walang hindi kagandahang imaheng ikinakambal ngayon sa kaniyang pangalan.

Janine Gutierrez – Huwag sanang ikumpara sa lolang Superstar

Ngayon na lang namin natututukan si Julia Barretto. Dalawa sila ni Janine Gutierrez na nagpapaligsahan sa pagandahan. Walang mali sa kanilang hitsura, mahal na mahal sila ng mga camera, magagandang produkto sila ng kumbinasyon ng kanilang mga magulang.

Nakaaarte naman pala si Julia Barretto. Hindi naman pala totoong puro ganda lang ang puwedeng ipagmalaki ng young actress.

Nagwawarla naman ngayon ang mga tagasuporta ni Nora Aunor dahil sa komento sa social media ng mga tagahanga ni Janine Gutierrez na hindi puwedeng sabihin na nagmana siya sa husay sa pag-arte sa kaniyang lola.

Totoo naman ang nagkomento, paano natin sasabihing nagmana si Janine kay Nora, samantalang wala namang ni isang patak na dugo ng koneksiyon ang batang aktres sa Superstar?

Ampon ni Nora Aunor ang kaniyang inang si Lotlot de Leon, hindi tunay na dugo, kaya ano ang mag-uugnay kina Nora at Janine?

Ang tamang sabihin ay nagmana sa husay sa pag-arte ang batang aktres kay Lotlot, sa kaniyang ina, hindi sa kaniyang lola.

Pero sa kabila noon ay malaki ang respeto ni Janine sa kaniyang Lola Guy. Tama lang, dahil kahit walang nag-uugnay sa kaniyang ina at kay Nora ay inalagaan nito at itinuring na sariling anak sina Lotlot, Matet, Kiko at Kenneth.

Pero ang argumentong hindi nagmana si Janine Gutierrez sa kaniyang Lola Guy ay hindi na dapat pang pagtalunan. Totoo iyon, sa ayaw at sa gusto ng mga Noranian, kaya huwag na silang umalma.

Nagpapakatotoo lang ang mga tagahanga ni Janine, katotohanan lang ang pinagbabasihan nila, hindi kawalan ng utang na loob ang pagsasabi ng katotohanan.

Ang puwedeng sabihing pinagmanahan ni Janine Gutierrez ay ang kaniyang mga magulang na sina Lotlot at Ramon Christopher, puwede ring si Jackie-Lou Blanco, pero hindi si Nora Aunor na hindi niya naman kadugo.

Direk Butch Bautista – Pumanaw na ang dating miyembro ng Low Waist Gang

Isang mula sa pusong pakikidalamhati po ang nais naming iparating sa lahat ng mga iniwan ni Direk Butch Bautista, dating miyembro ng Lo Waist Gang, ang dakilang ama nina Mayor Herbert Bautista, Konsehal Hero at Harlene Bautista.

Siya si Daddy Lo nina Athena at Harvey, anak nina Mayor Bistek at Tates Gana, ang aktor-direktor na orihinal na nagpauso ng scarf.

Magkasama na sila ngayon ni Mommy Baby sa kabilang buhay, mga magulang ng mga artista na minahal nang sinsero ng showbiz, isang mapayapang paglalakbay kay Direk Butch Bautista.

Kris Aquino – Nakiramay kay Mayor Bistek sa pagpanaw ng ama

Pag gusto ay may paraan pero kapag ayaw ay may dahilan. Iyon ang ibinabato ngayon ng marami kay Kris Aquino dahil sa pagdalaw niya sa unang gabi pa lang ng lamay ni Direk Butch Bautista.

Isa sa mga ibinibigay na dahilan ay ang pagpanaw ng ina ni AiAi delas Alas na hindi man lang sinilip ni Kris samantalang mag-BFF sila. Doon nagtampo ang Comedy Concert Queen sa aktres-TV host.

Ikalawa ay ang kapapanaw pa lang na si Tita Donna Villa, sa mga pelikulang massacre ng Golden Lions unang tumunog ang pangalan ni Kris pero hindi man lang siya nagbigay-pugay sa pinakahuling pagkakataon sa bangkay ng prodyuser, pero dahil ama ni Mayor Herbert Bautista ang pumanaw ay agad-agad na siyang nakarating sa burol.

Doon nabubutasan si Kris. Very selective ang kaniyang memory. Pag gusto niya ay walang makapipigil sa kaniya pero kapag ayaw niya ay walang makapipilit sa kaniya.

At may lumulutang pang balita ngayon na siya ang minamanok ni Mayor Herbert para tumakbong mayor ng Kyusi sa susunod na halalan. Totoo naman kayang kay Mayor Bistek galing ang ideya o press release lang iyon ng kampo ni Kris?

Para kasing hindi maganda sa panlasang tanggapin na si Mayor Herbert mismo ang nagtutulak kay Kris na kumandidatong mayor ng Quezon City sa 2019. Napakalaki ng dapat tanawing utang na loob ng aktor-pulitiko sa pamilya Belmonte na gumabay sa kaniyang karerang pampulitika.

At sige nga, matalino at sikat nga si Kris Aquino at isinasama-sama siya ng kaniyang kapatid na dating pangulo sa mga pagseserbisyo nito sa ating mga kababayan, sapat na bang barometro iyon para kalabanin niya ang matagal nang nagseserbisyo sa lunsod na si Vice-Mayor Joy Belmonte?

Milya-milya ang layo nila pagdating sa public service. Mula sa pamilya ng mga pulitiko si Kris pero hindi siya kinakitaan ng sinserong pagseserbisyo, masakit mang aminin ay parang pakitang-tao lang naman ang kaniyang mga ginagawa, dahil palaging may nakasunod na camera at photographer ang kaniyang mga galaw.

Porke ba pinagdadamutan na si Kris Aquino ng mundo ng showbiz ay papasok na lang siya sa pulitika? Pangalawang choice? Panghalili sa kapalarang nagtampo sa kaniya? Teka lang muna…

Diego Loyzaga – Malalim ang mga hinaing sa amang si Cesar Montano

Ginagawang pulutan ngayon sa social media si Diego Loyzaga. Kapansin-pansin ang paulit-ulit na pagpapaalala sa kaniya ng mga netizens sa 10 Commandments. “Honour thy father and thy mother.”

Tinawag kasing ipokrito, plastic at duwag ng young actor ang kaniyang amang si Cesar Montano. Malalim ang mga hinaing ni Diego, para siyang bulkang sumabog pagkatapos nang maraming taon, nawindang ang buong bayan sa kaniyang mga bira sa action star.

Sa ngayon ay wala pang pinagbibigyan ng interbyu si Teresa Loyzaga. Nagmamasid-nakikiramdam lang siya ngayon tungkol sa isyung kinapapalooban ng kaniyang anak na si Diego at sa ama nitong si Cesar.

Gusto niyang maging maayos ang sitwasyon nang wala siyang partisipasyon, kailangang sina Cesar at Diego mismo ang umayos sa kanilang problema, masaya na siya sa ganoon.

Hawak ni Teresa ang kaniyang emosyon. Malaki ang tiwala niya kay Diego. Kakayanin nitong tapusin ang problema nang hindi siya umeeksena.

Cesar Montano – Tahimik lang sa kabila ng mga hugot ni Diego

Pinag-usapan sa isang malaking umpukan ng mga taga-showbiz sina Cesar Montano at Robin Padilla. Pareho silang sikat na action star pero sa magkakaumpukan ay may napakalaki silang kaibahan.

Walang idinedenay na anak si Robin Padilla, lahat ay pinaninindigan niya, at hindi lang basta tinatanggap kundi sinusuportahan pa nga.

Ang hinanakit ni Diego ay itinanggi itong anak ni Cesar, hindi sinuportahan noong bata pa ito, kaya si Teresa Loyzaga lang ang mag-isang nagpalaki-nagtaguyod sa kaniya.

Sabi ng isang kaibigan naming direktor: “Ngayon ko naiisip si Tito Dolphy. Si Willie Revillame. Si Robin Padilla. Ang mga Eigenmann and lastly, ang mga Estrada. Ang dami-dami-dami-dami nila, pero walang ganitong issue.

“Isa lang ang tinutukoy ko. Kundi kayang mag-anak sa iba-ibang babae, if you’re not responsible enough to handle the situation, huwag kang gagawa ng isang bagay na hindi mo kayang tayuan.

“Being irresponsible is one thing, but to deny your child, that’s everything. Napakasakit noon para sa bata. Dala-dala niya iyon hanggang sa kaniyang paglaki…,” makahulugang opinyon ng kaibigan naming direktor.

Sabi ng aming source, “Pinagdudahan ni Cesar si Diego, may relasyon daw sila ni Sunshine. Galit na galit sina Sunshine at Teresa noon!”

Nabuo ang relasyon nina Cesar at Teresa habang ginagawa nila ang Four Da Boys, si Willie Revillame ang prodyuser ng sitcom na kabilang din sina Aga Muhlach, Randy Santiago, Benedict Aquino, ang namayapang si Tito Babalu, Sunshine Cruz, Tirso Cruz III at marami pang iba, pati ang inyong kolumnista.

May isang anak si Teresa, si Sephie, nakatira sila noon sa Golden Hills, Antipolo. May anak din si Cesar, si Angela at ang nagpakamatay na si Angelo, kumplikado ang kanilang relasyon.

Alam na alam ni Cesar kung gaano katapang si Teresa, hindi lang siya kontrabida sa pelikula at telebisyon, kahit sa tunay na buhay ay palaban ang aktres.

Siguradong naaalala pa ni Cesar na noong minsan silang mag-away ni Teresa ay ihinulog ito sa hagdan ng singer-actress, kinabog ang kaniyang pagka-action star, pamilya ng mga sikat na basketball players ang kinabibilangan ni Teresa.

Huwag bubulabugin ni Cesar Montano ang pananahimik ni Teresa dahil siguradong makikita ng aktor ang mga ayaw nitong makita. Kapag nagsimula nang maglitanya si Teresa ay wala nang makapipigil pa sa kaniya.

Iyon siguro ang dahilan kung bakit tikom ang bibig ngayon ni Cesar Montano. Sa isang sasabihin nito ay milya-milya ang magiging balik sa kaniya.

Nakasalang pa naman ang mga kasong isinampa ni Sunshine Cruz laban sa kaniya, kapag nagsalita na si Teresa ay siguradong makaaapekto iyon sa mga asuntong dinedepensahan ng aktor, umaasa na lang siguro si Cesar Montano na isang araw ay lilipas din ang kontrobersiyang ito sa pagitan nila ni Diego.

Erich Gonzales – Isa lang ang sagot, “I’m tired of paying.”

Kung nanahimik lang ang pamilya ni Daniel Matsunaga sa hiwalayan nila ni Heart Evangelista ay nabaligtad ang sitwasyon nang mag-break sila ni Erich Gonzales.

Hindi kasi kagandahan ang sinasabing naging ugat ng kanilang hiwalayan, pera, na napakahalay tingnan at pakinggan. E, nanahimik pa si Erich, kaya ayun, hindi na nakapagpigil ang kapatid ni Daniel na si Vanessa.

Marespeto ang paliwanag nito, pero ang bawat salita ay kumakagat, siguradong sinakmal noon si Erich. Parang lumalabas na wala naman silang makukuha kay Erich dahil maayos ang kanilang pamumuhay.

Gustong linawin ni Vanessa na hindi user ang kaniyang kapatid pati ang kanilang pamilya na tulad ng lumulutang na kuwento ngayon sa hiwalayan ng dalawa.

Hindi raw nila kailangang manggamit ng kahit sino para lang sila mabuhay, sabi pa ni Vanessa, na sinagot naman ni Erich na hindi naman mayaman lang ang pinagsasamantalahan kundi mas maraming mahihirap pa nga ang nabibiktima ng ganoon.

Mayaman daw kasi ang napangasawa ni Vanessa, sabi ni Erich, pero hindi iyon garantiya na hindi mapagsasamantalahan ang isang mahirap lang.

Hindi matanggap ng pamilya ni Daniel na isipin ng publiko na pinerahan lang ng aktor si Erich. Iyon ang gustong paliwanag ng pamilya ng aktor, ang ituwid ni Erich ang mga haka-haka, dahil masyado nang napapasama ang imahe ng kanilang pamilya.

Isang hamon iyon na tinanggap naman ni Erich, kailangan na niyang magsalita, dapat na niyang sabihin ang totoong dahilan kung bakit siya nagdesisyong makipaghiwalay na kay Daniel.

Sasabihin na raw niya ang totoo, lahat-lahat daw ay lilinawin na ng dalaga, para matapos na ang lahat ng problema sa kanilang paghihiwalay ng Brapanese actor.

Hindi lang sinabi ni Vanessa, pero kung lalaliman natin ang pag-iisip ay parang gustong sabihin ng kapatid ni Daniel Matsunaga na ano naman ang mahihita nila kay Erich Gonzales, mayroon ba?

Heto na. Napakaigsi lang ng kuwentong ito pero punumpuno ng kahulugan. Isang malapit kay Erich Gonzales ang nagtanong sa dalaga kung ano ba talaga ang dahilan at nakipaghiwalay na siya kay Daniel Matsunaga.

Bumuntong-hininga si Erich, ang kaniyang sagot, “I’m tired of paying.” Iyon lang po.

Vice Ganda – Nag-move on na mula kay Terrence Romeo

Itinuturing na heartthrob ng mundo ng basketball si Terrence Romeo, pambatong player noon ng FEU Tamaraws at ng Globalport ngayon sa PBA, minsang naugnay ang pangalan kay Vice Ganda.

Hindi lang kasi basta guwapo ang basketbolista, napakagaling din niyang maglaro, minamani-mani lang niya ang mga three points d’yan. Kinikilig ang mga basketball fans kay Terrence dahil bibihira nga naman ang kumbinasyon ng kaguwapuhan at pagiging magaling na basketball player.

Kailan lang ay nag-post si Terrence ng retrato ng isang singsing. Ang kaniyang sabi, sa wakas daw ay nakita na niya ang taong nagpapaligaya sa kaniya, hindi na raw siya available sa market ngayon.

Kung bakit naman noong nakaraang matagumpay na Valentine show ni Vice Ganda sa Araneta Coliseum ay nakasama sa mga litanya ng komedyante ang isang biro na nahulaan siyempre ng manonood na patungkol kay Terrence Romeo.

Litanya ‘yun tungkol sa pagmu-move-on, parang tula ng magaling na komedyante-TV host tungkol sa nangyari sa kaniyang puso. Nagtilian-naghalakhakan ang mga nandoon dahil ang pinakahuling linya ni Vice, “Salamat na lang, dahil bago tayo naghiwalay, tinawag mo akong Juliet.”

Romeo and Juliet, swak na swak para sa kanila ng magaling na basketball player, ikinaaliw ‘yun ng punumpunong Big Dome.

Ang mga basketball players ay para ring mga artista, selosa ang kanilang mga fans, hanggang maaari ay ayaw nilang magkaroon ng girlfriend ang iniidolo nilang dribolero.

Mula pa noong panahon ni Senator Robert Jaworski, ang The Living Legend, ay hindi kami nagpapalit ng kulay. Anuman ang mangyari, magkampeon man sila o matalo, ay miyembro kami ng pinakasikat na barangay sa buong bayan.

Never say die!

Susan Roces – Tumangging makipagkita kay Rosemarie Sonora

Ewan kung nakabalik na uli sa Amerika ang dating aktres na si Rosemarie Sonora. Matagal-tagal ding nagbakasyon dito ang ina ni Sheryl Cruz.

Isang taong malapit sa kanila ni Ms. Susan Roces ang nagparating ng impormasyon kay Manang Inday na gusto raw dumalaw ni Rosemarie sa kaniyang ate. Puwede raw ba? Iyon ang tanong ng emisaryo kay Manang Inday.

Ang mahinahong sagot ni Manang Inday ay huwag na, gamitin na lang ni Rosemarie ang mahalagang panahon para sa kaniyang mga anak at apo, para makabawi ito sa mga panahong hindi sila nagkasama-sama.

Wala nang iba pang sinabi si Manang Inday. Ganoon lang ang kaniyang posisyon. Kesa sa magkita silang magkapatid ay mas magandang ilaan na lang nito ang kaniyang panahon kina Wowie at Sheryl at sa kaniyang mga apo.

Naisip siguro ni Manang Inday, bakit ngayon lang nagkaisip si Rosemarie na makipagkita sa kaniya nang personal, bakit hindi pa noon?

Nakailang balik na ba dito si Rosemarie na ni hindi man lang nagpaparamdam kay Manang Inday? Nalalaman na lang niya na nakaalis na pala ang kaniyang kapatid?

Ang eleksiyon ay isang maghapon lang. Pero ang dugo, anuman ang maganap, ay dugo pa rin. Nakakalungkot lang kasi na may mga taong hindi nagpapahalaga sa napakaimportanteng relasyon.

Hindi pa naman sila nagsasaulian ng kandila, pero sabi nga, ang pagmamahalan ay parang pinggan na kapag nalamatan na ay hindi na uli maibabalik ang dating hugis at porma.

Have a comment on this article? Send us your feedback

Marso 1-15, 2017

	Jim Paredes
	Apo Hiking Society
	Lani Mercado & Bong Revilla
	Niño Mulach & Alonzo
	Yassi Pressman & Coco Martin
	Paulo Avelino & Maja Salvador

Jim Paredes – Kahiya-hiya, kung kailan pa naman tumanda…

Hanggang ngayon ay pinakakain ng apdo ng ating mga kababayan ang miyembro ng APO Hiking Society na si Jim Paredes.

Noong nakaraang linggo ay isinama namin sa mga prayoridad namin sa buhay ang panonood ng viral video. Paulit-ulit naming pinanood ang eksenang tinatalakan ni Jim Paredes ang isang maliit na grupo lang ng mga kabataang tagasuporta ni Pangulong Rodrigo Duterte.

Disente ang hitsura ng mga kabataan, tahimik lang sila. Nabulabog na lang ang kanilang mundo nang lapitan sila at talakan nang talakan ni Jim Paredes. Bumubula ang bibig ng singer-composer sa pagtalak-paghahamon sa grupo. Para siyang nakakuha ng solong permiso para awayin ang kahit sinong nasa selebrasyon ng People Power na hindi niya kaalyado.

Naging kahiya-hiya ang postura ni Jim Paredes dahil ang ipinagmamalaki niyang katalinuhan ay nalambungan ng pananahimik ng mga kabataang tinatalakan niya.

Parang ayaw siyang patulan ng mga ito dahil sa katandaan niya.

“Duwag!” madiin pang sabi ni Jim Paredes sa mismong tungki ng ilong ng kinokompronta niyang kabataan, sabay talikod.

May nakalimutang baunin si Jim Paredes sa selebrasyon ng People Power. Dapat ay binitbit niya ang pagrespeto sa paniniwala ng iba. Dapat ay nanindigan siya sa kaniyang ipinaglalaban nang hindi niya pinanghihimasukan ang posisyon ng kaniyang kapwa Pilipinong nandoon din para makiisa sa pag-alala sa EDSA Revolution.

Sa edad na edad na lang ngayon ni Jim Paredes ay kakambal na dapat niya ang kahihiyan.

Kahapon ay kausap namin sa telepono ang isang mas nakababatang singer na minsan isang panahon ay sumaludo rin sa talentong mayroon si Jim Paredes bilang isang musikero.

Naalala ng aming kakuwentuhang male singer, estudyante pa lang ito sa kolehiyo ay todo na ang kaniyang paghanga kina Buboy Garovillo, Danny Javier at Jim Paredes ng APO Hiking Society.

“Pinag-iipunan ko ang mga concert nila. Kumpleto ako ng album nila. Ilang beses ko silang pinanood sa Folk Arts Theatre, sa Araneta Coliseum, mga concert lang nila sa five-star hotels ang hindi ko napanood dahil sobrang mahal ng ticket.

“Idolo ko talaga sila, sobrang iniidolo, paborito ko ang mga songs nila. Pagkatapos ngayon, makikita ko si Jim Paredes na ganito? Ano na ba ang nangyayari sa kaniya? Wala namang masama kung Dilawan siya, kalayaan niya naman iyon, pero ang makita siyang ganito na parang babaeng talak nang talak?

“Alam mo kung ano ang feeling ko ngayon? Parang wow, ito ang sikat na singer-composer na pinapalakpakan ko noon! Ano na ang nangyari sa kaniya? Bakit parang ibang-iba na siya?

“Bilang performer na rin ngayon, parang ako ang hiyang-hiya para sa kaniya. Sana, hindi na lang niya pinatulan iyong grupong hindi naman siya inaano.

“Nakakahiya siya. Siguradong maraming singers din ang nahihiya ngayon para sa kaniya. Kung kailan pa naman siya tumanda,” eksaktong pahayag ng kausap naming male singer.

APO Hiking Society – Sinira ni Jim Paredes ang magandang image ng APO

Noong kasagsagan ng popularidad ng APO Hiking Society ay hindi namin minsan man nakausap nang kahit ilang segundo lang si Jim Paredes. Para kasing may nakaharang na pader sa pagitan niya at ng ibang tao.

Si Buboy Garovillo ay nakakabiruan namin paminsan-minsan, komedyante rin kasi ang magaling na singer, pero sa kanilang tatlo ay pinakagusto namin si Danny Javier.

Malalim kausap si Danny, siya kung tutuusin ang pinakautak ng APO, lutang na lutang ang kaniyang talento at may tulay siyang itinayo sa pagitan niya at ng kanilang audience.

Ano kaya ang nararamdaman ngayon nina Danny at Buboy sa mga pinaggagagawa ng kanilang kasamahang si Jim Paredes? Tulad kaya ng maraming miyembro ng OPM ngayon ay nagdadalang-hiya rin sila para sa kanilang kaibigan?

Age is just a number, paalala ng isang billboard sa EDSA, pero ilang hakbang lang ang layo mula sa kinapupuwestuhan ng nasabing billboard nagpalutang ng kagaspangan si Jim Paredes.

Totoong hindi tayo dapat matakot sa pagtanda. Ang pinakamahalaga ay ang ating pinagkatandaan.

Sen. Bong Revilla – Karma na ang gumanti kay Sen. Leila De Lima

Ramdam ang pakikiisa ng mas nakararami nating kababayan sa ipinahayag ni Senador Bong Revilla na ngayon ay natitikman na ni Senadora Leila de Lima ang masaklap na karanasan ng kaniyang pamilya sa agarang pagpapakulong sa kanila ni Senador Jinggoy Estrada.

Tama o mali, kalaban man o kaalyado, ay boses ng bayan na maituturing ang social media. At sa bilangan ng kampi at hindi ay liyamado si Senador Bong sa kaniyang pahayag.

Mahigit na dalawang taon na ang nakararaan ay humahalakhak si Senadora Leila de Lima at ang kaniyang mga kasamahan sa agarang pagpapakulong sa tatlong senador. Nagtagumpay kasi sila.

Pero gumulong ang panahon, nagbabago ang pagkakasalansan ng mga bituin, hindi natin hawak ang bukas. Ngayon, ang dating DOJ secretary naman na nagpabilis sa pagpapakulong sa mga senador ang inuulaol ng problemang mas mabigat pa nga, dahil sangkot ang droga sa kaniyang mga kaso.

Iyon ang gustong ipahiwatig ni Senador Bong na pinangalawahan pa ng kaniyang misis na si Mayor Lani Mercado. Kung ano ang damdamin nila noon ang nararanasan din ngayon ni Senadora Leila de Lima, napakasakit pala, sakit na bumabaon sa kalamnan.

Mababasa sa social media, “Karma lang ‘yan! Ano ba kasi ang ginawa ng mga Dilawan na ‘yan noong nakikipaghalikan pa sila sa kanilang posisyon?

“Nasa airport na si PGMA, naka-wheelchair, pinayagan na ng Supreme Court na makapagpagamot sa ibang bansa, pero bilang DOJ secretary, e, hinarang niya!

“Sino ba ang nasa likod ng lungkot na naramdaman ng pamilya ni CJ Corona? Isa-isahin lang ngayon ni Senator de Lima ang mga iyon at baka makatulong para gumaan ang dala-dala niya.

“Ganoon lang iyon! Hello, Carmi Martin (read: karma)! Hello, Boy George, kantahin mo nga ang Karma Chameleon!” isa lang sa mga nabasa naming komento.

Kung may tamang panahon ay mayroon ding weder-weder lang. Ganoon lang talaga. Ang mga humahalakhak noon dahil sa kapangyarihan ay puwede ring pumailalim sa gulong ng buhay.

Niño Muhlach – Namana ni Alonzo ang galing ni Onin

Nakakatuwa si Niño Muhlach. Ang nakikita nating pagiging marespeto sa kapuwa ni Alonzo ngayon ay walang dudang kay Onin nag-uugat.

Ang sobrang sikat na child wonder ang nagpapakilala sa kaniyang anak sa mga reporters. Sasabihin niya, “Beso ka kay lola. Malaki ang naitulong niya kay papa. Say hello to her.”

Ganoon siya umalalay sa kaniyang anak, alam kasi ni Niño ang bituka ng showbiz, dahil ang mundong ito ang nagbigay sa kaniya ng napakagandang kapalaran.

Hindi nagbago si Onin. Siya pa rin ang Niño Muhlach na minahal noon nang todo-todo ng publiko, lahat ng pelikula niya ay pinipilahan, namiruya ng salapi si Onin noong kaniyang kapanahunan.

Hindi nasayang ang lahat ng kaniyang pinaghirapan, bawat sentimong kinikita niya ay nakalagak sa bangko, mahusay magmaniobra sa pananalapi ang kaniyang amang si Alex.

Nand’yan ang El Niño Apartelle, ang milyun-milyong halaga na siguradong hawak na ni Onin ngayon, hindi nalustay ang kaniyang pinagsakripisyuhan.

At masuwerte si Onin kay Alonzo. Magaling nang umarte ang child actor ay marespeto pa, bibung-bibo ito, manang-mana sa kaniyang ama.

May urban legend tungkol kay Niño Muhlach. Noong mga panahon daw na aliw na aliw sa kaniya ang publiko ay pinainiksiyunan daw siya ng pampaliit ng kaniyang ama.

Para raw hindi siya lumaki agad, para raw manatili siyang child actor na sikat na sikat, ganoon ang kalokohang intrigang kumalat noon tungkol kay Onin.

Siyempre’y pinagtawanan lang iyon ng mag-ama, sino nga ba namang tatay ang magkakagustong huwag nang lumaki ang kaniyang anak, nang dahil lang sa salapi at kasikatan?

Ang totoo ay kakaiba ang galing ni Niño Muhlach. Mismong ang scriptwriter-director niyang si Baby Navoa ang nagkukuwento na ibang klase ang talentong mayroon si Onin.

Hindi pa siya halos nakapagbabasa noon, mahahaba ang mga dayalog niya, ipaliliwanag lang sa kaniya ng continuity director kung ano ang buod ng eksena.

Babasahin lang nito kay Onin ang kaniyang mga dapat sabihin at iyon na! Sobra pa sa hinihingi sa kaniya ang ibinibigay ni Onin. Uma-adlib pa siya.

Iyon din ang talentong nakikita ng marami ngayon kay Alonzo, magaling umadlib ang bagets, kaya sabi ng mga nakasaksi sa galing ni Onin ay manang-mana ang bata sa kaniyang pinagmanahan.

Lahat naman ng tao ay may nakalaang regalo. Bigay iyon sa atin ng Diyos at ng kapalaran. Mayroong magaling umarte, kumanta, sumayaw, magpinta, magsulat, magmadyik, magnegosyo at kung anu-ano pang linya.

Ang kayang gawin ng iba ay hindi natin kayang gawin, kung paanong ang kapasidad natin ay hindi rin kaya ng iba na plakaduhin, kani-kaniyang linya ang ibinigay sa atin.

Lahat tayo ay may regalo. May nakalaang pagkakataon sa ating lahat para tayo’y maging produktibo. Lahat tayo’y puwedeng magtagumpay sa ating hanay.

Kung minsan lang talaga ay tamad tayong magbukas ng regalo.

Ang Probinsiyano – Nakakaadik panoorin si Coco Martin

Kapag walang laro ang Barangay Ginebra ay nakatutok kami sa Ang Probinsiyano. Kapag commercial break ng seryeng pinagbibidahan ni Coco Martin na may katagalan ay lumilipat naman muna kami sa HGTV.

Malaking problema sa amin kapag magkatapat ang laro ng paborito naming koponan sa PBA, saka ang serye ng Dos, dahil may mga napapalampas kaming eksena ng palabas.

Patalastas ang solusyon. Kapag break ng PBA, kunwari’y may tumawag ng time-out, doon naman kami tumututok sa Ang Probinsiyano. Kahirap!

Hindi namin nasimulan ang serye, mga huling buwan na lang noong nakaraang taon namin iyon nasilip, pero sa minsanang panonood ay naadik na kami sa Ang Probinsiyano.

Hindi kasi madaya ang serye, bukod sa maayos na ang daloy ng maaksiyong istorya ay ang dami-dami pang mga datihan at napapanahong artistang nandoon, hindi babad ang mga eksena.

Magaling si Coco Martin. Iyon ang buhay na patunay na kapag mahal ng artista ang kaniyang trabaho ay mas mamahalin siya pabalik ng kaniyang propesyon.

May kamay si Coco sa pagbubuo ng kuwento ng serye. Hindi lang siya basta artista ng palabas bilang si Cardo Dalisay, napupulsuhan niya kung anu-anong mga eksena pa ang kailangang idagdag para kumapal ang istorya.

Gustung-gusto ng mga kababayan natin ang kanilang tambalan ni Yassi Pressman, ang aktres na pinagpala dahil maganda na ay mahusay pang umarte, tumatawid ang pang-screen lang nilang pagmamahalan sa manonood.

Mabilis makakuha ng mga ideya ang mga sumusulat ng script ng Ang Probinsiyano. Kakontemporaryo kasi nila ang panahon.

Salamin ng tunay na nagaganap sa ating lipunan ngayon ang mga ipinakikitang eksena sa serye. Makatotohanan. Si Cardo Dalisay ang sumisimbolo sa kasabihan na marami mang bulok na alagad ng batas ay huwag namang lalahatin dahil may natitira pa ring tuwid at tapat sa kanilang tungkulin.

Maja Salvador – Maganda, may talent, pero bakit parang malas sa takilya?

Masakit na ay nakakalungkot pa para kay Maja Salvador ang mga komentong naglalabasan ngayon sa social media. Jinx ang tawag sa kaniya ng mga netizens dahil flop sa takilya ang pelikula nila ni Paulo Avelino.

Binabanggit din ng mga nagkokomento ang iba pang mga pelikulang pinagbidahan ng young actress na hindi rin kagandahan ang kinita; first day-last day pa nga raw ang iba, kaya itinuturing siyang jinx ngayon.

Sayang na sayang si Maja Salvador dahil magaling naman siyang umarte, maganda ang young actress. Kabog na kabog din niya sa pagsayaw ang kaniyang mga kakontemporaryo.

Hinid pa lang siguro dumarating ang tamang proyekto para sa kaniya. Kailangan pa siguro niyang maghintay, para mapatunayan niya na isa nga siyang Salvador.

May pinagbibidahan siyang serye ngayon sa ABS-CBN, hindi naman siguro siya bibigyan ng ganoon kagandang project kung hindi siya tinatangkilik, di ba naman?

Ano nga kaya ang bitbit ng dalagang ito at inaalat ang kaniyang mga proyekto sa takilya? May mabigat ba siyang bagahe para matawag siyang jinx?

Puhunan na niya ang pagiging Salvador, may talento pa siya, ano pa ba ang kailangan para makalusot ang mga proyekto ni Maja sa takilya?

Sabi ng kaibigan naming propesor, “Maja is pretty, hamak ganda niya naman sa iba niyang kasamahan d’yan. Pero may kulang sa kaniya, something is really lacking, parang flat ang appeal niya.”

Have a comment on this article? Send us your feedback

Marso 16-31, 2017

	Bea Alonzo
	Bea Alonzo & Gerald Anderson
	Coco Martin
	Gabby Concepcion & Sharon Cuneta
	Gabby & Sharon noon
	Cesar Montano & Tourism Secretary Wanda Tulfo Teo
	Manny Pacquiao
	Noven Belleza
	Vice Ganda
	Nora Aunor

Gerald Anderson at Bea Alonzo – Totoong nagmamahalan na

Hindi pa diretsong umaamin sina Gerald Anderson at Bea Alonzo tungkol sa kanilang relasyon. Parang nagdu-duet ang dalawa kapag natatanong sa pagsagot na pareho raw kasi silang busy sa kanilang trabaho.

Pero siyempre’y alam na natin ang totoo, magkarelasyon na sila, humuhugot na sila ng inspirasyon sa isa’t isa. Alam na natin na hindi pa lang sila umaamin pero totoong sila na.

At wala namang mali kung magmahalan man sila dahil pareho na silang malaya. Dalawang puso sila ngayon na naggagamutan ng sakit na inabot nila sa nakaraang pakikipagrelasyon.

Si Gerald mula kay Maja Salvador at si Bea naman mula sa hiwalayan nila ni Zanjoe Marudo. Sa dalawang relasyon ay ang kina Bea at Zanjoe ang ikinabigla at pinanghihinayangan ng marami.

Marami kasing umasa na sa altar na hahantong ang kanilang pagmamahalan pero wala ngang ibinibigay na garantiya ang panahon. Sa hiwalayan din iyon nauwi.

Malaki ang pagkakahawig ni Bela Padilla kay Bea. Sa mga romantiko nilang tagpo ni Zanjoe Marudo sa seryeng My Dear Heart ay si Bea kaya ang nakikita ng aktor habang katitigan-kayakapan nito ang aktres?

Napansin namin sa madalas na pagtutok sa serye na magaling nang umarte si Zanjoe. Maemosyon na. si Bea Alonzo naman ay hinog na sa pag-arte, kahit anong papel ang ipagkatiwala sa kaniya ay naitatawid ng aktres na mahal na mahal ng mga camera sa sobrang ganda, kaya maraming kinikilig sa kanila ni Ian Veneracion sa A Love To Last.

Tuluy-tuloy lang ang pagririgodon ng lovelife ng maraming personalidad. Matira ang matibay. Sumusugal sila sa pakikipagrelasyon.

Coco Martin – Ayaw pa ng mga fans na matapos ang Ang Probinsiyano

Tanong nang tanong ang aming mga kaibigan kung malapit na raw bang magtapos ang mahigit isang taon nang matagumpay na action serye ng ABS-CBN na Ang Probinsiyano na pinagbibidahan ni Coco Martin.

Sana raw ay hindi pa. Sana raw ay magkaroon pa ng ekstensiyon ang palabas, dahil hahanap-hanapin nila ang maaaksiyong eksena sa serye na hinahaluan ng puso at nagtuturo ng kagandahang-asal sa mga manonood.

Sabi ng aming kaibigang si Jojo, “Palagay ko, e, malapit na ang ending, kasi, napanood ko na ang encounter ni Coco at ni Arjo Atayde. Pati ang engkuwentro nila ni Eddie Garcia, ipinakikita na. E, sila ang pinakamatinding magkakaaway sa story, kaya natatakot ako na baka matatapos na ang Ang Probinsiyano.

“Huwag pa sana, iyon ang reason kung bakit nagmamadali akong umuwi. Happy nga ang wife ko, kasi, noong umpisahan ko nang panoorin ang serye, e, hindi ako sumasama sa mga friends ko para mag-happy hour. Diretso na akong umuuwi dahil kailangan kong masubaybayan ang programa,” kuwento ng aming kaibigan.

Punumpuno ng aksiyon ang pinagbibidahang serye ng magaling na aktor na si Coco Martin, huwag kang pipikit sa pagtutok, dahil siguradong may makalalampas na mahalagang eksena sa palabas.

At hindi lang mga kalalakihan ang audience ng Ang Probinsiyano, kahit ang mga nanay ng tahanan ay maagang nagluluto para wala nang mang-aabala sa kanila oras na nagsimula na ang palabas. Ganoon katindi ang panghalina ni Coco Martin at ng kaniyang kasamahan sa programa.

Isang kaibigan din namin ang nagsabi na dahil sa Ang Probinsiyano ay natutuhan nitong mag-ingat, nagbibigay kasi ng mga tips ang serye para makaiwas tayo sa krimen, hindi lang basta puro maaaksiyong eksena ang ibinibigay ng palabas.

Gabby Concepcion – Movie with Mega? 10 million pesos muna

Naunsiyami ang pag-asa ng mga tagahanga nina Sharon Cuneta at Gabby Concepcion para sa kanilang pagbabalik-tambalan. Kasado na sana ang istorya ng gagawin nilang pelikula para sa Star Cinema pero malaki ang posibilidad na hindi na iyon matuloy.

Pinaghandaan nang husto ni Sharon ang proyekto, ginawa nito ang lahat para bumagsak ang kaniyang timbang, pero hindi naman pala matutuloy ang pelikulang pagsasamahan nila ng kaniyang orihinal na ka-loveteam at ama ng kaniyang anak na si KC.

Lumabas ang tunay na dahilan kung bakit. Ayon sa mapagkakatiwalaang source na naglabas ng kuwento ay sampung milyong piso ang hinihinging talent fee ni Gabby, parang may take it or leave it pang drama ang kaniyang pahayag, napakalaking halaga na katumbas na kung tutuusin ng tatlong pelikulang gagawin niya sa produksiyon.

“Ang katwiran ni Gabby, kung sakali raw na hindi kumita ang movie nila ni Sharon, e, kumita na siya. May ten million talent fee na siya, hawak na niya ang datung,” sabi ng source.

Hindi naman kaya presyong ayaw ang ibinigay ni Gabby sa Star Cinema? Presyong hindi kakagatin ng produksiyon dahil sobrang taas. Hindi kaya ayaw lang gawin ni Gabby ang pelikula nila ng ina ng kaniyang panganay?

Hirit ng source, “Si Gabby pa? Kahit ano, e, gagawin niya, ngayon pa ba naman siya magiging choosy? Ngayon pa ba naman na puro father roles na ang ibinibigay sa kaniya?”

Cesar Montano – Nakasandal sa pader! Sinuportahan ni Pres. Du30

Maituturing na nakasandal sa pader si Cesar Montano sa kontrobersiyang kinapapalooban niya ngayon. Napakaraming isyung ibinato laban sa kaniya ang mismong mga kaopisina niya sa Tourism Promotions Board (TPB) pero mukhang maling sigaw iyon dahil sinusuportahan si Buboy ng ating pangulo.

Diretsong nagpahayag si Pangulong Rodrigo Duterte na hindi ito naniniwala sa mga upak kay Cesar dahil buung-buo ang kaniyang tiwala sa aktor.

Ibig sabihin noon ay nagsayang lang ng pagod at laway ang mga nagbalangkas ng pagkontra kay Cesar bilang COO ng TPB.

Ayon kay Cesar Montano ay may pinag-ugatan ang mga akusasyong walang basehan, maling-mali at imbento lang. Iyon daw ang naging resulta ng pag-iimbestiga niya sa ahensiya, mayroon daw siyang natuklasang mga anomalya, binabalangkas na nga raw niya ang mga iregularidad na iyon para ihain sa Department Of Tourism pero naunahan lang siya ng grupong nagpakalat ng mga maling kuwento laban sa kaniya.

Sarado na ngayon ang kuwentong hindi naman nagtatrabaho ang aktor bilang COO, gitara lang daw siya nang gitara sa kaniyang opisina.

Ang hindi lang nilinaw ni Cesar Montano ay ang akusasyon na ang ipinasok niyang staff sa ahensya ay mga kadugo niya. Ang kapatid niyang si Rommel. Ang hipag niya sa isang kapatid. Ang isa pa niyang hipag sa isang pinsan. At mga nagkokontrabida sa pelikula na palagi niyang nakakatrabaho.

Napakadaling target ngayon ng mga nakaupong opisyal ng gobyerno. Lalo na ang mga ipinuwesto ni Pangulong Duterte, sinisilipan ngayon ang mga ito ng kahinaan para lang sisihin ang nagtalaga sa kanila na ating pangulo, mahirap ang napasukang balwarte ni Cesar Montano.

Ang mali namang hakbang na ginawa ng grupong kumakalaban kay Cesar Montano ay nagtago sila sa dilim, ni isang pangalan ay hindi lumutang sa ipinakalat nilang dokumento, namamana tuloy sa dilim ang aktor kung sinu-sino ang mga nakikipagngitian sa kaniya sa ahensiya pero sa talikuran pala ay puro kalaban niya naman.

Kung magrereklamo ay kailangang kita ang ulo.

Una, mga duwag sila, gusto nilang magkaroon ng resulta ang kanilang sumbong nang hindi naman sila nagpapakilala.

Ikalawa, puro haka-haka lang ang laman ng dokumento, walang basehan, hindi kayang tumayo para maaksiyunan.

Pero hindi dapat maging kampante si Cesar Montano. Hindi ngayon at buo ang tiwala sa kaniya ng pangulo ay puwede na siyang matulog nang mahimbing. Huwag na huwag.

Sen. Manny Pacquiao – Fan ni Julia Roberts si Pacman

 Isang gabing nagkukuwentuhan kami ng magaling na singer-composer na si Lito Camo ay tumawag sa kaniya ang Pambansang Kamao. Mayroon silang pinag-usapan tungkol sa isang kantang ihahandog ni Senador Manny Pacquiao sa isang malaking selebrasyon.

Pagkatapos mag-usap ng magkaibigan ay ibinigay sa amin ni Lito Camo ang telepono, ramdam na ramdam namin ang kasabikan sa boses ni Pacman, sana naman daw ay magkita kami isang araw.

Ang totoo ay palagi kaming sinosorpresa ng Pambansang Kamao. Kapag nanonood kami ng pagdinig sa Senado ay napakaaktibo niyang magtanong-mambusisi ng kanilang iginigisa.

Bago kami nagkausap ay iyon din ang pinagkukuwentuhan namin ni Lito Camo, parang kailan lang kasi iyon, pero ngayon ay mambabatas na ang kampeong boksingero.

Sabi ni Lito, “Wala siyang ipinagbago. Kahit pa napaka-successful na niya, kahit pa sikat na sikat na siya sa buong mundo, napaka-humble pa rin niya.”

At sabay kaming naghalakhakan ni Lito dahil sa isang anekdotang hinding-hindi namin makakalimutan. Isang gabi ay nagyaya si Pacman na lumabas, nabalitaan daw niya kasi na nasa isang bake shop ang paborito niyang si Julia Roberts, magpaparetrato raw siya sa tabi ng sikat na Hollywood actress.

Matindi ang kaniyang pakiusap, kaya kahit napakalamig ng klima ay bumangon kaming lahat para magpunta sa bake shop, makita lang niya si Julia Roberts na pinag-uusapan noon dahil sa tagumpay ng Knotting Hill.

Walang Julia Roberts sa bake shop. Ayon sa mga nandoon ay hindi raw nagpunta ang idolo ni Pacman pero dalawang araw na ang nakararaan ay nandoon nga ang Hollywood actress.

“Sayang! Sana noon tayo nagpunta dito! Hindi tuloy ako nakapagpa-picture sa idol ko!” napakatinding panghihinayang ng Pambansang Kamao.

Sino nga ba ang mag-aakala na ang boksingerong gustung-gustong makapagparetrato noon kay Julia Roberts ay kasingsikat na rin ng kaniyang idolo ngayon? Baka nga kapag nagkasalubong-nagkita sila sa Amerika ng Hollywood actress ay ito pa ang makiusap ng selfie sa tabi niya.

At isa na siyang senador na nagsusunog ng kilay sa pag-aaral ng batas, napakarami niyang tinatanggap na biyaya ng tagumpay pero ang magkabila niyang paa ay nakatanim pa rin sa lupa nang malalim hanggang ngayon.

Sa kahit anong aspeto ay ang naturalesa ng tao ang palaging lumulutang. Puwedeng magpakumbaba ang iba dahil kailangan pero sa katagalan ay ang tunay na ugali pa rin niya ang mamamayagpag.

“Sana, magkita tayo isang araw. May pahinga naman ako sa Senado, magtawagan tayo. Ang sarap kayang balikan ang nakaraan…Hati-hati lang tayo noon sa hamburger, nangangarap pa lang tayo noon. Napakabait talaga sa atin ng Panginoon,” pahayag ng Pambansang Kamao-senador.

Noven Belleza – Isang inspirasyon ang Kampeon ng Tawag ng Tanghalan

Si Noven Belleza ng Negros Occidental ang tinanghal na pinakaunang kampeon ng Tawag Ng Tanghalan ng It’s Showtime, nakuha niya ang boto hindi lang ng mga hurado, binigyan din siya ng standing ovation ng audience habang kinakanta niya ang medley ng Air Supply.

Napakataas ng nakuha niyang score mula sa mga judges at text votes, 99.96%, milya-milya ang layo sa pumangalawa at pumangatlo sa kaniya.

Malaking dagdag na simpatya para kay Noven Belleza ang payak na buhay ng kanilang pamilya. Nakakaantig ang kaniyang rebelasyon na kung minsan ay nagtatanong siya, bakit libro ang hawak ng kaniyang mga kaibigan, samantalang siya ay araro?

Pero hindi naging hadlang ang kahirapan para sa katuparan ng mga pangarap ng anak ng Negros, dumaan siya sa butas ng karayom pero nanindigan siya, gagawin niya ang lahat-lahat para mabigyan ng bagong hugis ang kundisyon ng kaniyang pamilya.

Sa tinanggap niyang premyong dalawang milyong puso, bahay at lote mula sa Camella Homes ng mga Villar at iba pang mga gantimpala sa pagiging unang kampeon niya ng TNT, ay isa-isa nang mabubuo ni Noven Belleza ang kaniyang mga pangarap.

Matutubos na niya ang nakasanglang lupa ng kanilang pamilya, makapag-aaral na uli siya, isang buhay na naman ang binago ng mabait na kapalaran.

Maraming kababayan nating anak-mahirap ang binigyan ng inspirasyon ni Noven Belleza. Isang patotoo ang kaniyang tagumpay na walang kinikilingan ang kapalaran basta ibigay mo lang lahat ang iyong talento.

Maligayang bati kay Noven Belleza!

Vice Ganda – Bina-bash ng mga loyalista ng Superstar

Inuupakan si Vice Ganda sa social media ng mga loyalista ni Nora Aunor. Sumosobra na raw kasi ang kabastusan ng komedyante-TV host. Iyon daw ang dahilan kung bakit biglang nag-back out ang Superstar sa pagiging hurado ng grand finals ng Tawag Ng Tanghalan.

At ang masakit pa ay ikinukumpara si Vice ngayon kay Kris Aquino. Huwag daw masyadong maging kampante sa kaniyang popularidad ngayon si Vice dahil baka mangyari rin sa kaniya ang naging kapalaran ni Kris sa ABS-CBN.

Sabi pa ng isang basher ni Vice Ganda, “Napakayabang niya! Lahat na lang, binabastos niya! Aabangan na lang namin ang pagbagsak mo! Remember, kung si Kris Aquino nga, nawalan ng career sa Dos, ikaw pa kaya?” sabi nito.

Pero kung mapapansin ay wala namang eksaktong depinisyon ng kabastusan ni Vice ang Superstar. Basta, alam daw nito na nagpaparinig sa kaniya si Vice, kung ano iyon ay hindi naman masabi nang eksakto ng aktres.

Mahirap makipag-argumento kapag puro kuwento-kuwento lang ang ating pinagbabasehan. Hindi eksakto ang ganoong istorya lang. Puwedeng may dagdag at puwedeng may kulang.

Huwag nagpapaniwala agad sa mga salitang isinasalin lang sa iba-ibang bibig. At kung sakali ngang minsan ay naparinggan ng komedyante-TV host si Nora, sa mga panahong ito ba naman ay kailangan pa nitong magtago ng galit sa kaniyang dibdib, mamemersonal pa ba naman si Nora?

E, sa lokal na aliwan na nagdalaga at nagkaroon ng puting buhok ang Superstar, dito na siya nabuhay, balat-sibuyas pa rin ba ito hanggang ngayon?

Ganti namang pamba-bash ng isang kapanalig ni Vice kay Nora, “Naku, hindi siya kakulangan sa grand finals ng TNT, ‘no! Nakakapagtaka, umoo na siya, pero biglang umurong! Mas malaki kaya ang talent fee na ibinigay sa kaniya sa kabila?”

Nora Aunor – Positibo man o negatibo, pinag-uusapan pa rin

Ang paglutang ng kontrobersiya tungkol sa hindi pagdalo ng Superstar sa grand finals ng Tawag Ng Tanghalan ng It’s Showtime ay isang patunay na kahit paano’y ramdam pa rin natin ang presensiya ni Nora Aunor.

Pinag-uusapan pa rin siya. Positibo o negatibo man ang mga komento ay isang patotoo iyon na mabenta pa rin sa merkado ng mga intriga at kontrobersiya ang aktres.

Iyon nga lang, minsan ay pinapatulan siya ng mga pesonalidad na sangkot sa isyu, minsan naman ay hindi siya pinapansin, depende na lang iyon sa sitwasyon, pero nasa gitna pa rin siya ng entablado.

Marami kasing humuhusga na tapos na ang karera ng Superstar, paganyan-ganyan na lang daw ang estado ng kaniyang pagkaartista, minsang may proyekto at mas madalas na wala.

Tanggap naman ng marami nating kababayan na hindi na siya kasingsikat nang dati, napakalayo na ng takbo ng career niya ngayon sa pagiging super-sikat niya noon, pero ang mahalaga ay nand’yan pa rin siya.

Sana lang ay makatagpo ang aktres ng taong pakikinggan niya ang mga payo, sana’y magkaroon siya ng pambalanse, para hindi nagiging ganyan ang kaniyang disposisyon.

Kunsabagay, kahit naman ang mga taong nakakasama niya dati ay may deklarasyon na may katigasan talaga ang ulo ng aktres, mahirap siyang ispilengin, kaya nagkakawindang-windang ang kaniyang mga desisyon.

Have a comment on this article? Send us your feedback